Зошто треба да се јаде суров канабис? + сладок рецепт

Го започнувам текстов со една непоколеблива, универзална, беспрекорна и непобитна вистина: Канабисот е супер-храна! Ова уникатно растение содржи над 400 различни корисни компоненти. Бројот на витамини, есенцијални масла и киселини во канабисот го натерале експертот д-р Вилијам Кортни (William Courtney) да го нарече канабисот „неопходен дел во исхраната“. Канабисот е посебно растение во полето на исхраната бидејќи содржи екстремно високи концентрации на канабиноидни киселини кои се премногу важни за основните функции на клетките во нашиот организам

Канабиноидни киселини

Канабисот е супер здрава вегетаријанска храна! ;)

Две од примарните канабиноидни киселини кои се досега проучувани се ТНС-а и СВD-а. Со загревањето на овие киселини при пушење, испарување и готвење, тие се доведуваат до малку поразлични компоненти - ТНС станува психоактивен и  CBD-а станува канабиноид СВD. Овој процес на доведување до нивна „активна“ форма кој се нарекува декарбоксилација би требало веќе да го знаеме од часовите по хемија во основно училиште, но бидејќи ни го испуштија тој дел од образовниот систем, ние се погриживме на овој блог детално да го објасниме тој процес со кој се соочуваме постојанио кога ќе запалиме џоинт. А, сега спремно и мирно да продолжиме со повисока наука за канабисот. Активните ТНС и СВD имаат свои предности и еден недостаток: телото може да користи само со мали количини на овие активни канабиноиди, затоа што рецепторите се заситуваат до одредено ниво.

Најдобро објаснето од д-р Кортни: „Имаме серија на врсти од канабис наречена ACDC. „АC“ значи алтернативен канабиноид, а тој е канабидиолот на кој му е обрнато повеќе внимание во последно време бидејќи е силна антивоспалителна компонента. И „DC“ значи хранлив канабис. Ако го загрееме, внесуваме доза од 10 мг, а со незагреен, внесен суров, внесуваме доза од 1-2,000 мг“.

* Готвење со канабис

Стонерската комедија Harold & Kumar go to White Casle

При јадење на суров канабис, нашето тело може да процесира многу големи количини на ТНС-а и СВD-а без никаков проблем. И потоа преку биохемиски реакции ги претвора во хранливи состојки потребни за метаболизмот. Исклучително важно е да се конзумираат овие канабиноидни киселини бидејќи им помагаат на клетките да комуницираат помеѓу себе преку ендоканабиноидниот систем. Исто така, конзумирањето на поголеми количини на канабиноидни киселини е клучно за превенција на хронични болести предизвикани од ендоканабиноидна дефициенција. Најчести последици се: мигрена, глауком, фибромијалгија, синдром на иритирано црево... и многу други.

* Рецепт за подготовка на кана-кокосово масло!

Д-р Кортни тврди дека високите дози на сурови ТНС-а и СВD-а се многу поефективни од нивните загреани верзии кога доаѓаат до израз нивните:

- антивоспалитени својства;

- антидијабетични својства и 

- антиисхемични својства (исхемија настанува кога крвните садови се стеснуваат и кислородот не стигнува до сите делови од телото).

Сопругата на д-р Кортни

Д-р Кортни нагласува цедење или блендирање на листовите од канабисот или во комбинација со други листести зеленчуци за подготовка на вкусна салата или смуди. Исто така, нè советува дека листовите од канабис може да се користат како природен зачин и се вкусна замена за магдонос или коријандер. Таа самата успеала да се избори со болеста Лупус токму со редовна секојдневна употреба на сок од суров цеден канабис, за што објаснува во новата доку серија за придобивките од канабисот наречена „The Sacred Plant“. Гледајте ги сите епизоди од The Sacred Plant! <3 Во филмот е прикажана сопругата на д-р Кортни, како идна мајка која си подготвува сок од суров цеден канабис секој ден :) На овој начин таа третира Лупус и неколку други состојби...

Канабисот претставува хранлиз извор на енергија

Хранливите состојки ги стимулираат и зајакнуваат телесните функции на сите живи организми. На пример, телото не може да го синтетизира антидепресивниот невротрансмитер серотонин без присуство на Б-витамини. Како и другите листести зеленчуци така и канабисот содржи изобилие на хранливи состојки и протеини кога се внесува како доматот, краставицата и слични сурови зеленчуци, па затоа и законски треба да биде третиран токму како сите други билки, т.е. треба да биде декриминализиран. А најважни од тие хранливи состојки од канабисот се:

1. Терпени - есенцијални масла кои го одредуваат уникатниот вкус и арома на различните врсти канабис. Во комбинација со канабиноидите, нивните медицински придобивки се зголемуваат. При внес на суров канабис, бројот и квалитет на терпените кои се внесуваат драматично ќе порасне. Ова е супер новост за секој кој мисли дека му треба здравствен „ремонт“. Најчести терпени во канабисот се:

- Линалол (Linalool) - му дава на канабисот цветна арома слична на лаванда. Поседува антивоспалителни, аналгетични и антиконвулзивни својства;

- Пинен (Pinene) - има силна борова арома. Го заштитува нервниот систем и значително ја зајакнува неговата функција;

- Лимонен (Limonene) - го поседуваат сортите со цитрусна арома, како на пример сортата Lemon Haze. Спречува гастроинтестинални проблеми, го зајакнува метаболизмот и го намалува лошиот холестерол. 

2. Омега 3, Омега 6 и 9 масни киселини

Време е да го промениш составот на плескавиците ;)

Покрај тоа што содржат многу протеини, листот и семето од коноп имаат совршен сооднос на Омега 3 и 6 и 9 есенцијални масни киселини. Ова е многу важно бидејќи телото само по себе не ги синтетизира овие масни киселини, туку тие мора да се внесат преку исхрана! Есенцијалните масни киселини се клучни за здрав мозок бидејќи мозокот се состои од 60% масти и нам ни треба постојан внес на правилните типови на масти за да го заштитиме овој орган од невродегенеративни болести и за истиот да може најоптимално да функционира. Есенцијалните масни киселини се клучни за одржување баланс во ендоканабиноидниот систем.

3. Есенцијални амино киселини

Канабисот е побезбеден од спанаќот! ;)

Нашето тело не може да ги синтетизира овие амино киселини само по себе и тие мора да се внесат преку исхраната. Потребни се за фунционирање на клетките: одржуваwе на нејзината структура, обновување на оштетените ткива и за пренос на хранливите состојки, т.е. да постигнување внатреклеточна хомеостаза. Овие амино киселини ги има и во листовите, но најконцентрирани се во семето.

4. Антиоксиданси

Патем, мојот омилен дел :) Антиоксидансите се клучни за спречување на клеточно оштетување! Кога Владата на САД во 2003 ги открила неверојатните антиоксидативни и неврозаштитни својства на канабиноидите, го забранила неговото користење. А, она што поточно го откриле е тоа дека СВD е помошен антиоксиданс од витамините Ц и Е за кои што до предмалку мислев дека се можеби најсилните антиоксиданси. 

+ Сладок рецепт - сок од лубеница и канабис - ЛУБЕХУАНА!!!

Потребни состојки:

- не многу голема лубеница;

- половина чаша дестилирана вода;

-четвртина чаша кафеав шеќер;

- еден исцеден лимон;

- 4 лажички тинктура од канабис;

- 6 ливчиња нане.

Подготовка:

Лубеницата се сече на мали коцки и се става во блендер. Се додаваат водата, шеќерот и сокот од лимон и се блендира 30 секунди или сè додека не се изблендира целосно. Се филтрира сокот од лубеницата преку цедалка, а пулпата се изостава. Се додаваат, мешајќи, тинктурата од канабис и ливчињата нане. Се остава да се излади во фрижидер или се служи веднаш со мраз. УХ, КОЕ ОСВЕЖУВАЊЕ!!!

Автор: Никола Станчески

Извор: HERB

Готвење со канабис

WAKE & BAKE!

Канабисот е билка што се јаде! Храни се здраво! Јади повеќе канабис!

Дури и за најискусните пушачи на канабис и консументи на производите од канабис, јадењето на јадења што содржат Марихуана и екстракти од ова растение може да се претвори во потполно ново прекрасно и превкусно искуство. Ова е одлично решение за тие коишто не сакаат да пушат трева, а сакаат да ги уживаат нејзините благодети - идеално решение за лицата коишто користат марихуана во медицински цели.

Консумирајте повеќе зеленчук!

Како да готвите со канабис?

Една од клучните состојки кај речиси сите кулинарни рецепти со Марихуана е токму путерот со канабис (Кана-путер, Cannabutter), којшто при подготовката на јадењето служи како замена на стандардниот путер. Јадењето на свеж канабис и пиењето на сок од суров цеден канабис и правењето на свежи смудиа и сосови од билката има бројни здравствени придобивки, меѓутоа на тој начин не може да ја исползувате целосната медицинска моќ од канабиноидите. За да ја подготвите тревата за јадење и за да го постигнете ефектот што го сакате, таа мора да биде згреена на некој начин. Нема да ги активирате канабиноидите доколку ја изедете тревата свежа без термичка обработка. Затоа кога готвите со канабис многу е важно да употребите некакво масло (зејтин, путер, млеко), бидејќи канабиноидот Тетрахидроканабинол (THC) е растворлив во масти, а не во вода. Затоа е невозможно да се напушите од пиење на чај од канабис, без да додадете малку млеко во чајот! ;) 

На кој начин делува?

Јадењето на активирана Марихуана е различно од нејзиното пушење. Ефектите траат многу подолго, а искуството може да биде многу поинтензивно. Ефектот може да започне од 30 минути па се` до 2 часа, по консумирањето на храната со канабис. Иако не почувствувате никаква промена извесно време, не бидете нетрпеливи и алчни и не јадете повеќе од препорачаната порција. Најдобро е да се започне со мала порција од оброкот, а потоа истата да се зголеми следниот пат, доколку не сте задоволни од „хајот“. Кога канабиноидите ќе започнат да делуваат, ќе започнете да се чувствувате многу опуштено. Па, доколку седите во удобна положба и на удобно место, нема да сакате да се помрднете, а ќе имате чувство како телото да ви е тешко и многу опуштено.

Што треба да направите доколку изедете премногу?

Запомнете: Предозирањето со Марихуана е невозножно, односно не е смртоносно. Претерувањето со храната подготвена со канабис, за некои луѓе (особено почетниците) може да биде непријатно искуство. Може да почувствуваат паника, вознемиреност, збунетост, понекогаш проблеми со координацијата, но тоа трае многу кратко и не може да предизвика сериозни последици! Доколку се прејадете со колач со путер од канабис или пак, со некакво друго јадење со екстракт од канабис и доколку ефектот е прејак за вас и не ви се допаѓа, може да го пробате следново:

1. Дишете длабоко и не паничете, бидејќи вие ја контролирате анксиозноста и вознемиреноста, Вие можете да си ја зголемите, но и вие сте тие кои можете да ја намалите и победите. Јадете храна со канабис во друштво на вашите добри пријатели кои ќе ви направат убава и удобна атмосфера;

2. Напијте се сок од свежо исцедени цитруси (лимони, портокали, мандарини, цитрони) или јадете ги свежи;

3. Јадете `фстаси или ореви од бор, препорачуваат од The Stoner's Cookbook;

4. Употребете етерично масло од бор со мачкање на кожа или по пат на инхалација;

Гответе со канабис, киф и хашиш!

5. Консумирајте повеќе CBD - Употребете производ од канабис (спреј, тинктура, масло и сл.) богат со канабиноидот Канабидиол (CBD) или пак, пушете (или консумирајте на друг начин) Марихуана со нивко ниво на THC и повисоко ниво на CBD. Канабидиолот е природен антидотум за ефектот на Тетрахидроканабидиолот, а се содржи во истото растение.

Колку канабис треба да употребите?

Потешкотијата при готвењето со канабис е одредувањето на неговата јачина, што е најголемо мерило за тоа колку трева треба да употребите. Токму затоа не се придржувајте строго кон рецептот, доколку ќе готвите со прилично слаба трева. Треба да се експериментира за да се утврди соодветната количина на канабис за конкретниот рецепт што сакате да си го приготвите. 

Декарбоксилација

Суровиот канабис содржи многу THCA (tetrahydrocannabinolic acid) кој е непсихоактивен канабиноид. Како што марихуаната се суши, таа постепено се претвора во THC. Кога пушите или вапоризирате канабис, канабиноидите поминуваат низ процесот наречен декарбоксилација и стануваат психоактивни. Токму затоа, доколку сакате да го почувствувате целосниот ефект на „напушување“ од јадењето што планирате да го подготвите, најпрво морате да го декарбоксилирате канабисот пред да готвите со него. 

Други методи за екстракција на THC

Канабисот е превкусен зачин за секое јадење!

Путерот од туфки, односно Кана-путерот не е единствениот начин за готвење со Канабис. Во многу рецепти можете да употребите Масло со канабис (Зејтин со Канабис - не станува збор за екстрактот маслото од канабис коешто се користи за лекување рак и други болести), Млеко со канабис (Cannamilk), Мед со канабис (Cannahoney), Брашно со канабис (Cannaflour), Павлака со канабис (CannaCream Cheese) и сл.

Рецепти со канабис:

Неколку превкусни слатки и солени рецепти што можете да ги испробате, а доколку ги немате сите потребни состојки, овие рецепти можеби ќе ја разбудат вашата кулинарна фантазија бидејќи канабисот ја поттикнува креативноста:

1. Вселенски колач (Space Cake);

2. Специјални браунис (Special Brownies);

3. Крем супа со канабис (Cream of Cannabis soup);

4. Марихуана пица (Marijuana Pizza);

5. Стонерски тостови со топен кашкавал (Stoner Grilled Cheese Sandwiches).

Канабисот го отвора апетитот и ги изострува сетилата и затоа храната е повкусна. Храната може да биде лек. Ти си тоа што го јадеш!

УЖИВАЈТЕ ВО СЕКОЈ ОБРОК и пријатно готвење со канабис :)

Коцки мраз со канабис

Цедење суров канабис