Saturday, February 29, 2020

Истражувачите откриваат скриен антибиотски потенцијал во канабисот!

Во една студија на канадски истражувачи од Универзитетот МекМастер, се покажа дека соединение од канабисот убива некои од најзагрижувачките бактерии отпорни на антибиотици! Канабиноидот КАНАБИГЕРОЛ спречува бактериите да формираат заштитни биофилмови!


Вака изгледа Канабигеролот!
Светската здравствена организација (СЗО) изјави дека отпорноста на антибиотици е „една од најголемите закани за глобалното здравје“. Овој здравствен проблем се искачува на опасно високи нивоа во сите делови на светот! Новите механизми на отпорност кон антибиотици се зголемуваат и се шират на глобално ниво, што го отежнува потпирањето на антибиотиците кои некогаш се покажуваа како корисни за лекување на голем број на инфекции, како: настинки, грипови, пневмонија, туберкулоза, труење на крв, гонореја и болести поврзани со храна. Истражувачки тим од Универзитетот МекМастер во Хамилтон, Онтарио - додека ја испитувал ефикасноста на канабиноидите од растението канабис сатива, откриле дека едно соединение, наречено Канабигерол (ЦБГ) не е само антибактериско, туку и ефикасно кај глувци и тоа против еластично семејство на бактерии познати како Стафилококи (Staphylococcus aureus - MRSA), отпорни на метицилин. 


Наодите беа објавени во списанието American Chemical Society Infectious Diseases на 4 февруари 2020 година. Канабиноидите се хемиски соединенија кои делуваат на рецепторите кои се наоѓаат низ целото човечко тело преку ендоканабиноидните рецептори, а има повеќе од 100 откриени во канабисот и добро е познато дека некои од овие соединенија може да бидат антибактериски. „Во оваа студија испитавме 18 комерцијално достапни канабиноиди и сите тие покажаа антибиотска активност, некои многу повеќе од другите“ - рече лидерот на студијата Ерик Браун (Eric Brown), професор по биохемија и биомедицински науки во МекМастер, пренесува Science Daily. „Оној на кој се фокусиравме беше не-психоактивен канабиноид наречен CBG, бидејќи имаше најголема ветувачка активност. Ние го синтетизиравме тој канабиноид во масовна количина што ни даде доволно соединение за да навлеземе во истражувањето“ - додава тој. 


CBG спречува бактериите да формираат биофилмови! Бактериите имаат можност да формираат биофилм како одговор на различни фактори. Бактериите со биофилм можат да делат хранливи материи и да бидат заштитени од штетни фактори во околината, како што се: сушење, антибиотици и имунолошкиот систем на домаќинот. Бактериската клетка која се префрла во режимот на раст на биофилм се подложува на фенотипска промена во однесувањето во кое големите пакети на гените се различно регулирани. Користејќи глувци заразени со МРСА, истражувачите беа во можност да ја докажат можноста на канабиноидот ЦБГ да ги спречи бактериите да формираат биофилмови и да ги искоренат преформираните биофилмови и стабилните фазни клетки отпорни на антибиотици. CBG го оствари ова со таргетирање на цитоплазматската мембрана на грам-позитивните бактерии, во овој случај. 


Рајот е на земјата!
CBG се покажа како прекрасен во справувањето со патогените бактерии“ - рече Браун. „Наодите сугерираат вистински терапевтски потенцијал за канабиноиди како антибиотици“ - додава овој истражувач. „Отвора терапевтски прозорец, но тесен (засега), за да се развие ова во лек“ - заклучи тој. „Студијата исто така, откри дека канабиноидите се ефикасни против Грам-негативни организми чија надворешна мембрана е пермеабилизирана, каде Канабигеролот делува на внатрешната мембрана. Конечно, демонстрираме дека канабиноидите работат во комбинација со полимиксин Б, против грам-негативни патогени кои се отпорни на разновидни лекови, откривајќи го широкиот терапевтски потенцијал на канабиноидите“ - додава тој.


Извор: Digital Journal
Автор: MoniQue Konopova

ЧИТАЈ ПОВЕЌЕ:

НАУЧНА СТУДИЈА: Преглед на невролошките придобивки од фитоканабиноидите - ВОВЕД (2 дел)

Медицинската марихуана лекува и спречува пневмонија и други респираторни инфекции

Туберкулозата најбезбедно, најприродно и најуспешно се лекува со канабис!

КАНАБИДИВАРИН (CBDV) - уште еден канабиноид кој третира епилепсија!

Канабихромен - СВС: Третиот најчест и недоволно истражен канабиноид!

Мистериозниот секундарен канабис терпен Феландрен и неговите придобивки!

Тајните на канабиноидите и нивните медицински придобивки

Friday, May 10, 2019

95-годишна жена вели дека пушењето канабис е клуч за долг и среќен живот

Висока речиси метар и половина, таа имаше 95 години кога за неа е напишана оваа кратка статија, Мелита Гордон (Melita Gordon) од Јамајка веројатно е рекордер во пушење канабис! И покрај несогласувањата од нејзиното семејство, таа пуши трева цели 85 години, поточно од 10 годишна возраст


95 годишна баба тврди дека канабисот е лек за долговечност!
И таа нема да престане да пуши ганџа додека не умре, изјави Гордон за Green Rush Daily. Доживотната здрава навика на Гордон е среќно одобрена од нејзиниот примарен лекар, чие гледиште е дека доколку таа престане да консумира канабис, таа може сериозно да го наруши своето здравје и живот. Госпоѓа Гордон, заедно со нејзиниот лекар сметаат дека нејзината навика да пуши канабис, може да биде делумно одговорна за нејзината долговечност и одличното здравје. Мелита вели дека започнала со канабисот, бидејќи растела во растафаријанска куќа и ги палела лулињата на постарите.


Таа вели дека се навикнала да пуши марихуана кога била „крстена“ во праксата на нејзината култура и религија од страна на нејзините родители, Мишел Џонс (Michelle Jones) и Ричард Гордон (Richard Gordon), кои исто така пушеле трева. Сепак, не сите во семејството на Мелита денес се задоволни со навиките за пушење толку многу канабис. Ќерката на Мелита Гордон, со која заедно живеат, ја молеше својата мајка таа да престане. Нејзината ќерка дури ѝ предложила компромис и побарала од нејзината мајка да го намали пушењето на еднаш дневно. Но, Мелита е навикната да пуши трева по цел ден, секој ден. Дури и додека работела во сега затворена фабрика во Марун Таун, таа станала позната како „Дамата со луле“ (Pipe Lady). Сопругот на Мелита не ја осудува нејзината навика таа постојано да пуши трева, но тој самиот не ја практикува оваа навика.

Уредник и новинар: MoniQue Konopova
Извор: Greenrushdaily

ЧИТАЈ ПОВЕЌЕ:

Марихуана или тутун: кој чад претставува поголем ризик за вашето здравје?

Органски здрав блант сролан од цветни листови од роза

Туберкулозата најбезбедно, најприродно и најуспешно се лекува со канабис!

Студија: „Пушењето канабис не претставува канцероген“

Како да се откажеш од пушење цигари со помош на ЦБД?

Зошто избелените ризли не се најмедицинскиот избор?

Ефектите на канабисот врз бременоста - консумирањето е корисно како за мајката, така и за идното бебе (научна студија спроведена во Јамајка)

Во Кингстон се отвори продавница за канабис и кафетерија

Wednesday, May 8, 2019

Холандска компанија ја претстави првата монтажна куќа во светот изградена исклучиво од коноп!

Во блиска иднина, жителите на целиот свет ќе можат да живеат во штедлива, одржлива и безбедна куќа целосно изградена од еден тип на канабис, односно од коноп. Не само што овие монтажни домови можат да се градат многу побрзо од конвенционалните модерни куќи, туку се и доста потрајни, потопли, поевтини и поотпорни на земјотреси!


Првата куќа целосно изградена од коноп!
Овој напреден проект е дизајниран и имплементиран од холандската компанија Dun Agro, специјализирана за hempcrete - цигли од коноп, за кои веќе доста имаме зборувано на нашиов блог. За таа цел, се користи индустриски коноп, член на семејството канабис. Покрај за лекови, оваа органска суровина може да се користи за различни намени, од производство на материјали за градба, па сè до храна, текстил и биогорива. За разлика од индискиот канабис, овој индустриски негов братучед не содржи големи количества на тетрахидроканабинол (THC), но поради тоа што содржи доста поголемо количество на канабидиол (ЦБД), од него може да се произведува смола/масло/екстракт/тинктури за третирање на спазми и епилептични напади.


Да го вратиме конопот на македонските ниви и полиња!
Конопниот бетон на Dun Agro е направен од влакна од коноп, вода и сврзно ткиво - велат од компанијата. Откако оваа смеса е втисната во калапи, добиените елементи на куќата се сушат три месеци. По сушењето, тие се подготвени за монтажна градба. Дун Агро ја изгради својата куќа од коноп на 30-ти ноември. Оваа компанија веќе ја заврши својата втора конопна куќа, а плановите за блиска иднина вклучуваат продолжување на изградбата и продажбата. Во Холандија, во моментов за одгледување коноп е наменето за 1.100 хектари земјоделско земјиште. Земјоделците се одлучуваат за оваа култура поради добрата заработка, леснотијата на производтсво, како и придобивките за животната средина.


Со оглед на сегашното производство на коноп во Холандија, оваа компанија проценува дека може да произведе до 500 такви куќи секоја година. И овој број, исто така, може да се зголеми, затоа што побарувачката исто така се зголемува - секој сака да живее во еколошка куќа. Дун Агро не беше првата компанија што се обиде да изгради куќа од канабис, но тие тврдат дека се единствените што успеале да го направат тоа. Како главна предност за купување куќа од коноп оваа компанија го наведува негативниот CO2 отпечаток. Конкретно, конопот во процесот на растење апсорбира 13.500 кг CO2, којшто кај овие куќи и градби останува складиран во бетонот од коноп.

Уредник и новинар: MoniQue Konopova
Извор: Nexus-svjetlost.com

ЧИТАЈ ПОВЕЌЕ:











Monday, May 6, 2019

Ако имав рак, би користел екстремно потентно и седативно масло (екстракт) со околу 95% ТХЦ, 1-3% ЦБД!

ЗДРАВО ПОЧИТУВАНИ СОБОРЦИ! Канабисот е докажан природен универзален и најбезбеден лек за секакви форми  на заболувања особено канцери и малигни клетки, конкретно озлогласената состојка ТХЦ! Сакаме да Ве потсетиме на правилата за дозирање екстракти според Протоколот на активистот Рик Симпсон, кој веќе детално го имаме објаснето на блогов и воедно прочитајте што додава неговиот пријател активистот Jindřich Bayer


Лекот е бесплатен ако знаете како да си го направите сами!
ТХЦ лекува рак, а не хемотерапијата! Тоа го потврдува и професорот д-р Роберт Меламед, но и многу други доктори, како на пример д-р Санџај Гупта и научници кои спровеле голем број на научни студии на луѓе, за што подетално можете да прочитате на нашиов блог. Сакаме да Ве потсетиме на правилата за дозирање екстракти според Протоколот на активистот Рик Симпсон, кој веќе детално го имаме објаснето на блогов. Книгата „Лекот за рак“ Протоколот на Рик Симпсон на англиски можете бесплатно да ја симнете на следниов линк. Имено неговиот пријател активистот Јиндрих Бајер (Jindřich Bayer) кој ја има напишано книгата, којашто делумно е преведена на блогов, уште во 2015 година од неговите искуства со пациентите на една научна конференција за канабисот во Прага вели вака:

Ако имав рак, би користел екстремно потентно и седативно масло (екстракт) со околу 95% ТХЦ, 1-3% ЦБД, и јас би јадел колку што е можно повеќе од него колку што е можно побрзо, додека би останал во мојата зона на удобност. 60 грама во период од 2-3 месеци за свежо дијагностицирани пациенти, 120-180 грама во текот на 6 месеци за оние по хемотерапија и / или зрачење

Темјанот и смирната се добредојдени за подобро здравје!
Започнете со 1-5 мг масло кога е можно за да ги избегнете проблемите. Ако некој сака да додаде јаки ЦБД масла во протоколот за масло од канабис, тоа е нивна одлука. Тоа може да помогне, но може и да нема влијание, кој знае. Локална употреба (мачкање на кожа), супозитории, внесување (јадење) на маслото, вапоризирање за контрола на расположението или акутни состојби.

Ако сакате да ги зголемите ефектите на маслото врз имунолошкиот систем и ако сакате да му помогнете на телото да се регенерира од ДНК ниво, голтајте 1-5 грама темјан дневно и околу еден грам смирна секој ден, во три или повеќе дози дневно. Плус семе од коноп и цедење сок (од канабис), ако имате здрави растенија за работа и доколку не сте алергични на растителните материјали во маслото. Се разбира, исто така е добро да се знае дека прочистените декарбоксилирани масла од канабис, исто така може да се користат за да се спречи ракот пред истиот да се појави. Превенцијата е најдобриот пристап, нели?“ - Најдобри желби, JB ;)

Не заборавајте дека по терапијата со екстракт од канабис, дури и кога пацентот е веќе во сигурна ремисија, пожелно е да се продолжи со одредена превентивна доза масло за одржување уште некој извесен период и добредојдено е тие лица и понатаму во текот на животот покрај тоа што треба да продолжат со здравите животни навики, исто така (барем повремено) треба да го користат канабисот во било која форма.

Презентации од конференцијата за медицинска канабис во Прага
* Основен протокол: www.hempcures.work

Панел дискусија за канабисот


Уредник и новинар: MoniQue Konopova

ЧИТАЈ ПОВЕЌЕ:

Протоколот на Рик Симпсон - CURE FOR CANCER!

Воведни инструкции за дозирање на канабисово масло

За авторот Јиндрих Бајер на книгата „ЛЕКОТ ЗА РАК“ - Протоколот на Рик Симпсон и содржина

Како да се подобри Протоколот на Рик Симпсон? Со додавање на темјан!

Инструкции за дозирање канабисово масло кај пациенти оштетени од хемотерапија и радијација

ДОКАЗИ од пациенти излечени од рак со РСО! - 1 дел (стр. 76 - 80) извадок од Протоколот на Рик Симпсон „Лекот за рак“

Сведоштва на пациенти излечени од канцер со РСО! - 1 дел (стр. 52 - 55) извадок од Протоколот на Рик Симпсон „Лекот за рак“

Сведоштва на пациенти излечени од канцер со РСО! - 8 дел (стр. 74 - 76) извадок од Протоколот на Рик Симпсон „Лекот за рак“

Супозитории!!! Операција или масло? (извадок од Протоколот на Рик Симпсон „Лекот за рак“ стр. 99 - 101)

Квалитет на животот. Зошто е наречено РСО? (извадок од Протоколот на Рик Симпсон „Лекот за рак“ стр. 116 - 119)

Животни - Сведоштва - 2 дел (извадок од Протоколот на Рик Симпсон „Лекот за рак“ стр. 113 - 116)

Комплетен водич за употреба на медицинска марихуана кај постари лица

Дозирање на домашно масло од канабис кај деца и почетници

Д-р Боб Меламед е лут што по сите истражувања сè уште не зборуваме дека „Канабисот го третира ракот“

Доза за одржување канабисово масло на крајот од лекувањето (maintenance dose)

Марихуаната најдобро делува внесена анално (ректално) и вагинално!

Истражувачка колумна: Интравенскиот Витамин Ц е убиец на ракот и ФДА сака да го забрани + неколку вкусни конопнo-овошни пијалaци

Шокантни нови студии: Половина од пациентите со рак се убиени од хемотерапија, а не од рак

Хемотерапијата го распространува ракот низ телото - предупредуваат научниците

Сè повеќе пациенти со канцер одбираат канабисово масло наместо хемотерапија

Како кетогената исхрана ги ослабнува клетките на ракот?

Други природни терапии што можат да помогнат за време на лекувањето со масло од канабис

Орално или ректално внесување на дозата канабисово масло?

Saturday, May 4, 2019

Аргентина го доби најмладиот канабис доктор, а Македонија сè уште апси активисти и пациенти!

Фресија Силва Софрас (Fresia Melina Silva Sofrás) е биолог, магистер по фармација и во тек на докторски студии за канабис на Универзитетот во Буенос Аирес, стипендирана од страна на државниот совет за научни и технички истражувања во Аргентина. Македонија и понатаму апси и става во затвор активисти и пациенти!


М-р Фресија Силва Софрас од Аргентина
Фресија родена е во Ескел има 26 години и ќе стане првата докторка во државата за медицинска употреба на ова растение. При Една емисија на радио каналот АМ 550 таа го нагласила лековитиот потенцијал за третман на некои патологии со доволна научна евиденција која ја поткрепува примената, не само од маслото, туку од целото растение! Помеѓу патологиите во кои се потврди придобивката од канабисот е мултиплекс склерозата, намалување на епилептични напади, зголемување на апетитот кај луѓе со оштетен имунитет, намалување на гадење и повракање при хемотерапија. Покрај контактот со аргентинските организации кои се одговорни за распространувањето и применувањето на канабисот, Фресија има блиско искуство со користењето на маслото од канабисот, кај нејзината сестра која страда од фибромијалгија. Соборците коишто разбираат шпански, можат да го слушнат разговорот при нејзиното гостување во радио емисијата „Пат кон ноќно пристаниште“, на овој линк.


Поддржувачите на канабис знаат да уживаат во секојдневието!
АПЕЛ до Министерствата за образование, здравство и до Министерството за земјоделство, шумарство и водостопанство на Република (Северна) Македонија: Кога ќе ја стипендирате Моника Ристеска која речиси 10 години е неуморен активист за легализација на канабисот во сите области од животот и која е Претседател на регистрираното здружение за демистификација на канабисот во Македонија „420 Македонија - Скопје“ - секојдневно објавува: видеа, статии, вести и научни студии за употребата на канабисот на македонски јазик на овој блог, им објаснува на пациентите како да користат канабис и екстракти кај различни дијагнози и им објаснува како самите да си го подготват лекот во домашни услови (затоа што екстрактите од аптека се преслаби за да излечат дури и настинка!), снима интервјуа со македонски пациенти кои користат канабис и македонски познати личности и самата е медицински корисник на канабисот за контрола на нејзините трауми, поради апсењата и го користи канабисот во форма на маст за нејзините (сега веќе болни и проширени) вени на нозете. Моника не е криминалец, туку интелектуалец и корисник на медицински канабис.


М-р Моника му направи интервју за канабисот на Кили!
Моника родена е во Полска има 30 години и цело свое образование го заврши тука, моментално е запишана на нејзиниот втор факултет - запишана е на Факултетот за земјоделски науки и храна и оваа академска година за неа е пропадната, бидејќи ја ставивте 2 месеци во притвор и не можеше да се вклопи после таа ТРАУМА која засекогаш ќе остави белег во нејзината психа, плус сега е осудена на 5 години условна казна! Таа веќе има завршено едни додипломски студии по новинарство на Правниот факултет „Јустинијан Први“ (просек 9.08) и е магистер на ЕСРА Приз-Скопје-Њујорк по продукција на филм, радио, телевизија и театар (просек 10.00). Таа е лидер, мотивациски говорник, хуманист, крводарител, екологист, учесник во школата за млади лидери на Претседателот Ѓорѓе Иванов, работи како судски преведувач од полски на македински јазик и обратно и многу сака да учи, а е НЕВРАБОТЕНА и живее сама од благодарноста на пациентите! Кога за неа ќе обезбедите соодветно работно место и стипендија за да го заврши факултетот што го започнала, па поедуцирана на темата да може да ви помогне на Вашите легални плантажи за канабис?!?!? Никој повеќе од неа не заслужува да ја добие наградата за своето дело и упорност. Да не беше Моника и неколкумина други, никој немаше да може да произведува канабис во МК - затоа што и понатаму ќе беше ТАМУ ТЕМА!!!


Уредник: MoniQue Konopova
Извори: Ar.radiocut.fmMejorinformado


Моника знае и да одгледува канабис!
ЧИТАЈ ПОВЕЌЕ: 













Thursday, May 2, 2019

Мистериозниот секундарен канабис терпен Феландрен и неговите придобивки!

Феландренот произведува пепер-минт, дрвенест и благ цитрусен ароматичен профил и лесно се апсорбира, што го прави прилично чест додаток на мноштво козметички производи. Тој, исто така, е главен во холистичката источна медицина веќе долго време, користен поради неговите антифунгални и антибактериски својства


Дава ментолен и дрвенест, но малку цитрусен мирис...
Од долгата листа на откриени терпени кои се наоѓаат во канабисот, само околу 30 се релативно чести кај повеќето комерцијални видови на канабисови цвеќиња. Во рамките на таа листа, осум од најчестите (примарни) терпени се: лимонен, пинен, хумулен, оцимен, мирцен, линалол, кариофилен и терпинолен. Освен тоа, околу 20 други се на листата на секундарни терпени кои обично се застапени во многу помала мера, во најчесто користените врсти канабис и поради тоа помалку се познати, бидејќи помалку се изучуваат.


Фелaндренот првпат е откриен во маслото од еукалиптус. Феландрен е име за еден пар на органски соединенија: Алфа-Феландрен и Бета-Феландрен, кои имаат слична молекуларна структура и слични хемиски и лековити својства и кои најчесто се добиени од неколку растителни видови на еукалиптус. И покрај недостатокот на детални истражувања, има доста податоци за овој секундарен терпен. Феландренот е еден од оние секундарни терпени кои не добиле многу внимание од истражувачите и канабис ентузијастите... 



Хемиската структура на овој терпен
Кои сорти канабис содржат најмногу Феландрен?

Иако овој терпен е малку мистериозен, легализацијата на канабисот ја отвора можноста за повеќе истражувања! Во студијата од 2017 година, алфа-феландренот бил откриен во врстите на канабис: Trainwreck и Jack Herer. Ова беше направено со тестирање на 233 примероци од 30 сорти од клиничкиот диспанзер преку гасна хроматографија. Во студијата, феландренот бил класифициран како секундарна карактеристика кај соеви кои содржат високи количини на терпинолен. Во подоцнежен модел на студијата, исто така, се откри дека соевите: Ace of Spades и SAGE имаат количини во трагови на алфа- и бета-феландрен. Најверојатно сите врсти го содржат, но не во доволна количина за тоа да може да биде детектирано.



Уникатиот профил на Феландренот

Алфа- и бета-феландрен се пар на органски соединенија кои се многу слични, но малку различни во нивната хемиска структура. Пред нивното откритие во почетокот на 1900-тите, феландрените често биле погрешно идентификувани како лимонен и пинен. Само откако соединенијата биле тестирани во маслото од еукалиптус, било откриено дека феландренот всушност се дели на две различни изомерни соединенија. Соединението лесно се апсорбира од организмот и има доста лековити својства и се користи во ароматерапијата, со што овој терпен е заедничка состојка на мноштво козметички производи.



Оваа врста содржи многу феландрен
Медицинските придобивки од Феландренот

Студијата на глодари од 2015 година ги тестираше стимулативните својства на феландрен заедно со лимонен, покажувајќи дека двата терпена имаат и антихипералгезични и антидепресивни својства. Сепак, не е јасно дали феландренот ќе ги прикаже истите карактеристики во изолација, поради тоа што сите состојки од канабисот најдобро функционираат заедно, благодарение на ефектот на придружба! Исто така, се верува дека Феландренот има и други потенцијални анти-канцерски (in vitro студија) и антиинфламаторни (глодарски студии) бенефити и му помага на канабиноидот ТХЦ во борбата со малигните клетки. Ова рано истражување не ни кажува многу за ефектите на феландренот кај луѓето, особено според нивоата на застапеност во канабисот. Овој терпен, очигледно, се користел во традиционалната кинеска медицина за лекување на дигестивни нарушувања, иако неговата медицинска ефикасност сè уште не била многу истражена од страна на западната медицина.


Иако најистакнат во еукалиптусот, феландренот постои и во етеричните масла од различни растенија, вклучувајќи (делумна листа):

  • Канабис;
  • Еукалиптус феландра (Eucalyptus phellandra) - сега се нарекува еукалиптус радиата;
  • Масло од лист од куркума;
  • Цимет; 
  • Лук;
  • Копар; 
  • Ѓумбир; 
  • Магдонос; 
  • Лаванда; 
  • Иглолисни дрвја: Ела, Бор, Смрека;
  • Нане;
  • Копар (Анасон);
  • Лаванда.


Уредник и новинар: MoniQue Konopova

ЧИТАЈ ПОВЕЌЕ ЗА ТЕРПЕНИТЕ:

Уште нешто за терпените... Да повториме за најпознатите терпени и да научиме за уште неколку други!

ЛИМОНЕН - терпен што им помага на канабиноидите во борбата против ракот!

БИСАБОЛОЛ: Медицинските придобивки на овој цветен секундарен терпен


*  *  *

ЧИТАЈ ПОВЕЌЕ ЗА СТРУКТУРАТА НА КАНАБИСОТ:




Tuesday, April 30, 2019

ФОТО од 1910 година: Парижанка со нејзината мачка во нејзината канабис градина!

На оваа историска фотографија документирана е една прекрасна млада Французинка од Париз, која заедно со своите домашни миленици ужива во спокојот на нејзината бујна градина во 1910 година и чита дневен весник, градина во која вирее канабисот!


Фотографија од 1910 година, Франција
Оваа убаво облечена млада жена ужива во природата, а нејзини придружници се нејзината мека верна мачка и нејзината птица во кафез. Чувањето на птиците песнопојки како домашни миленици е хоби кое е старо како и античките Сумери, но малите домашни птици станаа статус симбол во 1800-тите и почетокот на 1900-тите. Сигурно е тоа дека оваа млада дама ужива во друштвото на нејзините животни и растенија и седењето во градината е начин за поврзување со природата. Но, каков е симболот на канабис растенијата до неа? Дали само престижните луѓе одгледувале канабис или тоа бил можеби вообичаен „зеленчук“ на почетокот од тој век? 


Интересно е тоа што нејзината градина содржи неколку растенија од канабис. Тоа би можело да биде објаснето со фактот што најверојатно уникатните листови и живописното зеленило на канабисот го правело да е баран како градинарско растение, а можеби оваа млада дама или некој од нејзиното семејство ги користеле медицинските својства на канабис билката за лекување на секоја форма на заболување во тоа време. А, можеби во тоа време секој имал канабис во својата градина? На училиште по историја учиме за крајно неважни податоци што не може да ни помогнат во животот... Како и да било, историјата не можеме да ја промениме, но можеме да ја промениме иднината! Ајде да го вратиме канабисот во нашите градини и полиња!!!

Уредник и (дипломиран) новинар: MoniQue Konopova
Извор: Themindcircle
ЧИТАЈ ПОВЕЌЕ: 

Малку забранета историја: Канабисот и војната во 1812 година

Историјата на канабисот во Африка и Америка

Истражувачите конечно потврдуваат дека ракот е болест создадена од човекот!

9 антички употреби на медицинскиот канабис

Малку забранета историја: Божиците на канабисот

9 докази дека Исус Христос ја користел Божјата билка за самолекување и исцелување на неговите следбеници

Откриени се златни бонгови од Ариевски цар!

За Фестивалот во Непал каде пушењето марихуана е светост!

Sunday, April 28, 2019

Дали канабисот во затворен простор расте подобро од оној одгледуван на отворено?

Внетре или надвор? Под сијалица или на сонце? Како е подобро? Можеби нешто помеѓу? Одговорот е поврзан со причината заради која канабиот е одгледуван. Повеќе производители на канабис во светот бараат да профитираат од одгледување на отворено, за производство на прехранбени артикли и пијалаци, но фармацијата бара строго контролирани (вештачки) услови за растење на билката


Внатре или надвор? Како е подобро?
Додека сигурно постои простор за дебата, многумина сметаат дека внимателно одгледуваниот индор (внатрешен) канабис дава најдобри суви цветови, додека пак, канабисот кој се одгледува на отворено и на големо може да одговара на потребите за оние сè уште недостапни екстракциони производи. Аутдор (надворешното) одгледување е добро кога „... не ви треба туфка со врвен изглед“ - вели Жанет ВандерМарел (Jeannette VanderMarel), ко-главен извршен раководител и директор на 48North Cannabis Corp. Затвореното производство нуди најголема контрола врз условите за одгледување. Полузатвореното производство со оранжерии/стакленици и пластеници е интересна опција и е некаде на средина, бидејќи иако тие се затворени простори, се потпираат на природната сончева топлина и светлина и често се изложени на влијанијата од надворешната средина, вели Алан Ревак (Allan Rewak), потпретседател за комуникации и односи со засегнатите страни во Emerald Health Therapeutics Inc.

Надворешно производство


Постојат три основни методи за одгледување на канабис на големо:

1. Контролирано затворено производство;
2. Оранжерии;
3. Надворешно одгледување со комерцијални размери - додава тој.



Кои се придобивките и недостатоците од растењето канабис надвор? 

Заштеда на енергија
48North беше првата компанија која аплицираше за одгледувачка лиценца на отворено во Канада, а ВандерМарел го наведува она што го гледа како неколку позитивни страни од одгледувањето надвор - одгледувачите имаат можност да добиваат поголеми и побрзи приноси кога висината и кореновиот раст на растенијата не се ограничени од стаклениците/пластениците или објектите за одгледување (grow rooms), што би можело да помогне во решавањето на недостигот од залиха во оваа индустрија. Најочигледните придобивки од растењето на отворено, сепак, се заштедите на енергија од растење во природна средина, како што е можноста за целосно искористување на сончевата светлина. Покрај тоа што овој начин е повеќе енергетски ефикасен, емисијата на јаглерод на полето е исто така многу помала, а исто така многу од пациентите веруваат дека најдобар благословен лек се прави од билките кои се одгледани на природен начин, наместо во вештачки услови.


Таа додава дека растенијата произведуваат терпени т.е. соединенија во етеричните масла, за да се заштитат од штетници и патогени. „Надвор, [канабис билките] имаат тенденција да произведат повеќе, бидејќи се повеќе изложени на елементите“ - забележува таа. Терпените, исто така, можат да ги подобрат медицинските ефекти на канабисот. Се разбира, растењето на отворено не е без предизвици, особено поради тоа што сезоната на растење е ограничена од зимите (во Канада), а голем недостиг кај овој начин е и непредвидливоста на временските климатски услови (како на пример премногу дождови, ветрови и сл.). „Можеби ќе имате можност да добиете една или две реколти, ако имате среќа, додека пак, можете да добиете три до четири во нормална година од стаклените градини во големи размери“ - вели Ревак.




Кои се придобивките и недостатоците од растењето канабис внатре?

Внатрешно одгледување - контролирани услови
Затворените објекти за одгледување и стаклениците, како и хибридните верзии на овие два производствени начина им овозможуваат на одгледувачите да растат преку целата година и да ги намалат ризиците од микробактерии и штетници. Ревак укажува на објектот на Aurora Cannabis надвор од меѓународниот аеродром во Едмонтон, кој е хибриден затворен објект со стаклен покрив (за сончева светлина), кој „е под висок притисок за да ги заштити честичките и опасните микроорганизми надвор од производствениот систем“. На отворено - „постои помал степен на контрола и зголемен ризик од надворешни фактори, без разлика дали тоа е микробактериски материјал од почвата, итн, така малку е потешко да се контролира квалитетот“.


Хибридни пластеници и стакленици (полузатворени простори)
Додека повеќето затворени објекти и оранжерии не се хибридни како што е објектот Aurora Sky вели Ревак, експертите се согласуваат дека недостатокот кај затвореното производство е дека тоа е најмалку енергетски ефикасен метод поради неговата употреба на вештачко осветлување додава ВандерМарел, потоа трошоци за греење и вентилација (HVAC - Heating, ventilation, and air conditioning). На крајот, ова го прави затвореното производство поскапо. Марк ЛеБланк (Marc LeBlanc), претседател на стартап компанијата во Њу Бранзвик (една од провинциите во Источна Канада) Solargram Farms Corp. вели дека неговата компанија има строго планови за на отворено сега, бидејќи се надева дека ова значително ќе ги намали трошоците за одгледување на канабисот. „Цифрите што ги гледаме за одгледувачите во затворен простор секаде се движат меѓу 1,50 до 3 долари за грам. Нашиот модел на трошоци е под 25 центи“ - вели ЛеБланк.


Употреба на сончевата светлина и топлина
ВандерМарел, исто така, изрази уверување дека приносите на нејзината компанија ќе достигнат приближно 25 центи за грам, додека информациите од веб-страницата на Канада Compliance Inc. забележуваат дека: „трошоците за производство на многу ефикасната операција во затворен простор од големи размери се движат од 1 до 3 долари за грам, додека отвореното одгледување, теоретски, може да донесе комерцијални трошоци за производство под 25 центи за грам врз основа на нашето моделирање“. ЛеБланк понатаму ги цитира неодамнешните бројки од Statistics Canada кои покажуваат дека околу 80 отсто од потрошувачите на канабис сè уште купуваат од црниот пазар и покрај легализацијата. „Тоа значи дека тоа е или поради цената или потрошувачите ги отфрлаат производите кои се веќе во продавниците за канабис“ - објаснува тој.


Генерално, растењето во затворени простории нема да излезе од употреба во скоро време. 48North на пример, ќе ги задржи своите два лиценцирани објекти за складирање на премиум сушени производи, но како потрошувачите настојуваат да купуваат повеќе екстракциони производи откако тие станаа легални, лиценцираните производители се надеваат дека оваа есен ќе предводат на патот со големите фарми. „Јас често ја користам аналогијата дека не нè гледате како растеме масло од канола или пченка за етанол во затворен простор. Тоа се надворешни производства и тоа е местото каде што било кој екстрактивен производ се одгледува“ - коментира ВандерМарел.


Уредник и новинар: MoniQue Konopova
Извор: Тhegrowthop

ЧИТАЈ ПОВЕЌЕ:

Како инвеститорите на марихуана прават акции? 5 задолжителни книги пред да инвестирате во канабисот

Одгледувачите на зеленчук се свртуваат кон канабисот за да ја забрзаат промената

Како одгледувањето канабис ми помогна да станам експерт по градинарство


* * *

КОРИСНИ СОВЕТИ:







Saturday, April 27, 2019

Хенри Форд во 1941 создал автомобил од коноп што работел на масло од конопово семе

Неговиот прототип конопно-пластичен автомобил бил изграден од целулозна пластика од конопови влакна. Очигледно Форд сакал да го тргне својот „Модел Т“ од употребата на етанолот. Всушност Хенри Форд и Рудолф Дизел никогаш немале намера да користат бензин во своите автомобили!


Кога Хенри Форд (Henry Ford) неодамна го обелодени својот пластичен автомобил, како резултат на 12-годишни истражувања, тој му даде на светот увид во автомобилот од иднината, неговите јаки панели обликувани под хидрауличен притисок од 700 килограми на квадратен инч (psi) од рецепт кој повикува на 70 отсто целулозни влакна од пченична слама, коноп и Agave sisalana плус 30 проценти смолесто врзивно средство (лепило). Единствениот челик во автомобилот е неговата цевчеста заварена рамка. Пластичниот автомобил тежи еден тон, со што е за 450 кг полесен во споредба со челичен автомобил“ - велат Popular Mechanics.



Рудолф Дизел (Rudolf Diesel), пронаоѓачот на дизел моторот, го дизајнирал истиот да работи на зеленчуково масло и масло од семе како коноповото. Форд првично сакал неговите возила да се оттргнат од употребата на растителни масла од конопово семе и семе од други зеленчуци, наведувајќи дека „има доволно алкохол во годишен принос од еден хектар компири за да се управува со машините потребни за да се одгледуваат полињата за сто години“. Сепак, бензин индустријата тешко лобираше за да се задржат даноците на алкохолот високи и да се случи пад на цената на бензинот. Ова дури „се совпаднало“ со забраната на алкохолот и конопот во 1920-тите. Еве пооригинална снимка од Фордовиот конопно-пластичен автомобил:


Уредник и новинар: MoniQue Konopova
Извори: Waking times, Minds

ЧИТАЈ ПОВЕЌЕ:




* * *




Wednesday, April 24, 2019

Нова технологија наречена Cannavore за справување со отпадот од канабис

Компанија во градот Делта во Канада која има развиено пренослива технологија за обработка на отпадот од канабис, ја одбележа официјалната премиера на производот пред неколку дена. Новиот иновативен систем е наречен Cannavore и создаден е од страна на компанијата Micronwaste Technologies


Џорџ Харви и Карла Калтроу гости во Micronwaste Technologies
Откако веќе разви нов иновативен систем за конвертирање на отпадот од храна во чиста вода и компактни биосолиди, користејќи аеробен процес, Micronwaste Technologies сега го стори истото за отпадот од канабис, систем наречен Cannavore. „Овој објект ни овозможува да развиеме нови биолошки процеси за третман на органски отпад и отпадни води. Тоа ни овозможува брзо развивање на прототипови пред да изградиме комерцијално подготвен систем“ - рече претседателот и извршен директор на Micronwaste Technologies, Алфред Вонг (Alfred Wong). „Често го поставувам прашањето: ‚Кој е твојот таен сос?‘, Сфатив дека нашиот таен сос не е во нашиот патентиран био-процес, туку повеќе во луѓето со имагинација од оваа компанија“ - додаде тој.

Свечено отварање на новата технологија за канабис отпад
Претставник на Парламентот од Делта, Карла Калтроу (Carla Qualtrough) минатата недела беше гостин и говорник на настанот, велејќи дека компаниите како Мајкрон покажуваат дека Канада има можност да стане глобален лидер во технологиите за чистота. Исто така, присуствуваше градоначалникот на Делта, Џорџ Харви (George Harvie) кој разговараше за иницијативите на градот за поттикнување на повеќе индустриски развој и намалување на еколошките влијанија. „Технологијата што се развива и рафинира во овој објект е составен дел на решавањето на ова прашање на локален и одржлив начин. Управувањето со органскиот отпад онаму каде што е создаден на прво место, има многу смисла“ - истакна Харви.


Истакнувајќи дека правилата за отпад од канабис се исклучително строги, новиот процес на компанијата се одликува со серија специјално дизајнирана опрема што може да се транспортира во камионска приколка за употреба на било која локација каде што расте марихуаната. Тоа е технологија која доаѓа откако рекреативниот канабис е легализиран во Канада и повеќе одгледувачки операции, вклучувајќи неколку големи оранжерии во Делта, добиваат лиценци за растење на производот.

Уредник и новинар: MoniQue Konopova
Извор: Vancouverisawesome





ЧИТАЈ ПОВЕЌЕ: