Monday, July 30, 2018

Анорексијата и булимијата природно се третираат со канабис

Коренот на нарушувањата во исхраната е различен и многуброен... За среќа канабисот може да помогне кај некои од нив. Утврдено е дека канабисот го стимулира апетитот, па затоа  тоа може да биде ефикасен третман за луѓето кои не сакаат да јадат. Канабисот може еден ден да биде важен дел од целосниот арсенал на третмани за нарушувања во исхраната


Постои голема разлика помеѓу лекување на луѓе кои гладуваат и лекување на анорексија нервоза (anorexia nervosa). Според Националната асоцијација за нарушувања во исхраната (National Eating Disorder Association), нарушувањата во исхраната имаат највисока стапка на смртност од било која друга психијатриска болест. Овие болести влијаат на 30 милиони луѓе ширум светот, од кои две третини се жени и тврдат дека поради нив илјадници животи се губат  секоја година. Неверојатни 6 отсто од аноректичните извршуваат самоубиство. Тоа е загрозена популација. Секоја помош е добредојдена. Но, нарушувањата во исхраната се комплициран сет на болести. За разлика од грипот, нарушувањата во исхраната имаат бројни причини - само некои од нив се физички. Поверојатно е дека состојбата ќе треба да се третира преку неколку терапии и постојат докази дека медицинскиот канабис може да биде еден природен метод меѓу многуте, што ги спасува булимичните и аноречтични луѓе од работ на самоповредување.


Со години лекарите им препишуваат канабис на пациентите кои страдаат од СИДА и рак, за да им помогнат со цел да го стимулираат својот апетит на природен начин. Логично истиот третман треба да функционира кај луѓето кои имаат нарушувања во исхраната? Причините зошто канабисот го стимулира апетитот и предизвикува „манчис“ не се сосема јасни, иако постои растечки научен консензус. Знаеме дека ендоканабиноидниот систем во човечкото тело е вклучен во регулацијата на апетитот - конкретно, тоа е причината што имаме добро чувство при јадењето храна под дејство на канабис и уживањето во храната е интензивирано. Канабисот влијае на ендоканабиноидниот систем и центарот за наградување во мозокот, па ни дава уште поголемо задоволство додека јадеме. Јадењето станува уживање. Зголеменото чувство на апетит може да направи многу за пациентите кои не сакаат да јадат поради физички проблеми. Многу третмани, како што се хемотерапијата, може да предизвикаат пациентите да го изгубат апетитот, бидејќи желбата за внесување на храна е намалена поради отровите.


Но, за аноректичните и оние кои страдаат од булимија, работите не можат да бидат толку едноставни. За почеток, истражувачите откриле дека по долг период на ограничување на калории (кога луѓето не јадат), човечкото тело покажува промени за да си помогне во справувањето со ситуацијата. Ова вклучува намален апетит и помала желба за храна. Затоа, кај луѓето со нарушувања во исхраната потешко им се враќа желбата за храна. Многу компоненти од нарушено ментално здравје влијаат врз нарушувањата во исхраната. NEDA (Национално здружение за нарушувања во исхраната - National Eating Disorders Association) ги дефинира нарушувањата во исхраната како „био-психо-социјални болести“ кои се создадени од мешавина на физички, ментални, еколошки и генетски фактори. Поради тоа, многу луѓе кои страдаат од нарушувања во исхраната страдаат и од други психички состојби, како што се: анксиозност, OCD, депресија или ПТСД итн. и сите тие исто така може успешно да се третираат со канабис (особено со соодветни концентрации, сооднос на канабиноидите и со соодветно дозирање), бидејќи оваа билка позитивно влијае на расположението, желбата за живот и ставот кон животот. Заедно со случаи на анксиозност и депресија, многу од тие луѓе со нарушувања во исхраната имаат и проблеми со злоупотреба и зависност на супстанции, кои исто така се третираат со канабис. 


Масла и тинктури од врсти на канабис кои се со повисоко ниво на ЦБД, но со пониско ниво на ТХЦ, може да бидат подобри опции за оние со нарушувања во исхраната. Но, тоа сè уште не е добро истражено. Потоа, тука е правниот проблем. Досега, само неколку држави ја наведуваат „анорексијата“ или нарушувањата во исхраната како валидна причина да се препише медицински канабис, а NEDA не го препорачува канабисот како важна алатка во борбата против нарушувањата во исхраната. Друга причина зошто многумина се скептични за канабисот е тоа што не е научно докажана неговата ефикасност во оваа област, иако искуството со години тоа го потврдува. Во студијата базирана на докази во „Биолошка психијатрија“ (Biological Psychiatry), истражувачите откриле дека жените кои страдаат од анорексија нервоза имале компромитиран ендоканабиноиден систем, што значи дека некои од нив не реагирале многу на терапијата базирана на канабис, што значи дека вреди да се проба, бидејќи освен болеста нема што да се изгуби.

Автор: Кристина Т.
Извор: Rxleaf

Saturday, July 28, 2018

ЛИМОНЕН - терпен што им помага на канабиноидите во борбата против ракот!

Од многуте активни состојки во марихуаната, канабиноидите - чудотворните молекули кои ја обезбедуваат медицинската ефикасност на растението - не се целата слика! Некои корисници на канабис најчесто се свесни за терпените, состојките до одредена мера спроедливи со канабиноидите, а кои му го даваат на цветот од билката канабис неодоливиот и специфичен мирис


Зошто некои туфки мирисаат како цитруси, како лимони?
Она што повеќето не знаат е дека терпените, исто така, даваат терапевтски олеснувања, исто како и нивните братучеди канабиноидите. Терпените се произведуваат во посебни секреторни клетки во рамките на трихомите на растението. Тоа се микроскопските смолести жлездички кои ги покриваат цветовите како снежна покривка, а понекогаш и лисјата. Ова е исто така, местото каде што се создаваат сите канабиноиди, како ТХЦ и ЦБД и сите останати. Во природата постојат околу 20.000 терпени, а повеќе од 200 се идентификувани во канабисот.


Како аминокиселините, терпените се моќни градежни блокови во рамките на физиологијата на растението, кои помагаат во производството на витамини, хормони, пигменти, смоли и - ДА - најважниот дел од билката - канабиноидите. Канабис растенијата ослободуваат повеќе терпени кога температурите се повисоки. Покрај аромата, терпените играат неколку улоги, вклучувајќи заштита на растението канабис против предатори како инсекти и животни. Овие специјални молекули сочинуваат околу 10 до 20 проценти од вкупната смола во трихомот. Се проценува дека 10 до 30 проценти од смолата од марихуана доаѓа токму од терпените.


Разбирање на трихомот Лимонен

Лимонен е терпен кој пренесува мирис на цитруси-агруми (портокал, мандарина, лимон, лимета или грејпфрут-цитрон), смрека, рузмарин или мента. Лимоните и другите агруми содржат големи количества лимонен, особено во кората. Така, кога некој ќе почувствува арома на цитрус во канабисот (или која било друга растителна материја), станува збор за буквално истата состојка што го произведува овој мирис во цитрусните овошни плодови. Додека пријатните киселки ароми секако се посакувани од страна на рекреативните корисници, пациентите, пред сè сериозно болните, сè повеќе се интересираат за лековитиот потенцијал што во себе го крие овој терпен. Кога животот ќе ви подари лимони - направете си лимонада!


Како мирценот, лимоненот има неколку медицински придобивки. Се покажало дека помага кај дигестивните проблеми особено со варењето на храната, помага при олеснувањето на депресијата и се покажа дека поседува антибактериски и анти-габични својства. Лимоненот исто така има антиинфламаторно дејство, што го прави ефикасен кај голем број состојби. Негова највредна особина е тоа што тој е анти-пролифератив, што значи дека е ефикасен антиканцероген лек! Анти-туморските својства на лимоненот го генерираа најголемото внимание од страна на медиумите. Овој терапевтски терпен е познат по тоа што помага во борбата против анксиозноста, па дури и го третира рефлуксот (прекумерна желудочна киселина). Лимоненот може да го подобри расположението и дури е откриено дека ги раствора жолчните камења.


Научни студии за Лимонен

Како и во сите области на проучување на медицинските квалитети на канабисот, потребно е да се спроведат повеќе истражувања за подобро разбирање на својствата на терпените како лимонен. Додека човечките испитувања се во недостаток, фактот што лимонен не се појавува во Прилог I од Законот за контролирани супстанции во САД (за разлика од THC, CBN и канабисот сам по себе), лесно е истиот да се добие и легално може да се користи во студиите за научни цели. Студијата спроведена во 2011 година на Универзитетот во Аризона и објавена во зборникот Oncology Reviews покажа дека лимоненот има антиканцерогени својства и е модулатор во рамките на имунолошкиот систем на телото. Студијата заклучува: „... опсервациите од клеточната култура, животните и епидемиолошките студии го поддржуваат присуството на антиканцерогени својства во кора од цитрус“.


Студијата спроведена во 2013 година во Центарот за рак на Универзитетот во Аризона и објавена во зборникот Cancer Prevention Research (Истражувања за превенција на канцери) откри дека лимоненот е ефикасен во спречувањето на пролиферацијата на клетките на ракот и намалувањето на големината на туморот. Овој човечки опит вклучувал 43 жени кои неодамна биле дијагностицирани со рак на дојка. Следната студија во 2015 година покажа слични резултати. Студијата спроведена во 2014 година во Франција и објавена во списанието Антивоспалителни и антиалергиски агенси во медицинската хемија (Anti-inflammatory and Anti-allergy Agents in Medicinal Chemistry) објави дека лимоненот има антиинфламаторни својства, што го прави значаен за лекување на рак (воспалителна состојба). Студијата откри дека лимоненот поседува „изненадувачка“ способност да ги спречи туморите да го нападнат околното ткиво со намалување на нивната способност да создадат нови крвни садови. Овој моќен терпен, исто така, покажа дека игра голема улога во заздравувањето и регенерацијата на кожата и ткивата.


Врсти канабис богати со Лимонен

Луѓето кои живеат во држави кадешто канабисот е нелегален, најчесто се принудени најлековитата билка да ја набавуваат од црниот пазар и со тоа законот да ги третира како криминалци. Поради тоа обично не се во можност да имаат увид во тоа што го купуваат и ретко имаат можност да одберат конкретна врста... Сепак, неколку видови покажале дека содржат поголеми количини на терпенот лимонен од други. За оние среќници кои живеат во држави со легални диспанзери и продавници за канабис, следниве врсти можат да ви обезбедат солидна доза на лимонен:

* OG Kush: Урамнотежена хибридна врста која обезбедува тотална релаксација на умот и телото. Олеснува од болката и анксиозноста без да предизвика поспаност;

* Lemon OG Kush: Индика доминант со брзо дејствување кое обезбедува ослободување од стрес, вклучувајќи релаксација, стимулација на апетитот и покачување на расположението (се бори против депресија);

* Jack the Ripper: моќен хибрид кој создава дебел, груб чад и дава интензивна еуфорија, а покрај од акутна и хронична болка, нуди олеснување и од стресот;

* Lemon Diesel:  балансиран хибрид кој прво обезбедува брзо дејство на сатива, проследено со релаксација на телото како индика;

* Lemon C4: хибрид кој обезбедува среќа и церебрална релаксација;

* Sour Diesel: моќен сатива-доминантен хибрид кој обезбедува олеснување од стрес, анксиозност, болка и депресија и обезбедува долготрајно дејство.


Кога животот ќе ви подари лимони - направете си лимонада! Пронајдете ги соодветните „лимони“ за вас и добро исцедете ги ;) - Ваша МониК


Автор: MoniQue Konopova
Извор: Massroots

Thursday, July 26, 2018

Уште нешто за терпените... Да повториме за најпознатите терпени и да научиме за уште неколку други!

На нашиов блог веќе доста зборувавме за терпените, за нивните основни и останати својства, нивното биомедицинско значење, зборувавме за тоа кои се примарни, а кои секундарни терпени... Сега сакаме малку да се потсетиме за некои од нив, затоа што повторувањето е мајка на знаењето, но и да го дополниме она што сме го пропуштиле и секако да кажеме уште нешто за останатите не толку популарни терпени, затоа што човекот учи додека е жив! :)


Терпенско тркало
* ЛИМОНЕНОТ (Limonene) е втор најзастапен терапен во сите видови на канабис, но не сите видови мора да го имаат. Како што вели неговото име, лимоненот дава мирисни ноти од цитрус кој личи на лимони, што не е изненадување бидејќи сите агруми содржат големи количини на ова соединение. Лимоненот се користи во козметиката и во производите за чистење. За терапевтски цели, познато е дека лимоненот го подобрува расположението и го намалува стресот. Истражувачите исто така откриле дека има антифунгални и антибактериски својства, а едно истражување дури покажало дека има улога во намалувањето на големината на туморите. Лимоненот има цитрусна арома која се наоѓа во кората на овошјето, рузмаринот, смреката и пеперминтот. Лимонен е познат по своите ефекти за појачување на хајот и помага да се подигне расположението и да се намали стресот. Затоа, се верува дека е од корист за анксиозност и депресија, како и кај воспалението, болката и лекувањето рак. Високо ниво на лимонен може да се најде во следниве врсти: O.G. Kush, Sour Diesel, Super Lemon Haze, Durban Poison, Jack Herer и Jack the Ripper, потоа Super Lemon Haze, Sour Diesel и Strawberry Banana.

* ТЕРПИНЕОЛ (Terpineol) - Аромата на терпинеолот најдобро може да се опише како цветна, потсетувајќи на јорговaните и виолетовите цвеќиња, цветот на јаболко и малку цитрус. Терпинеол има вкус како анасон и нане. Терпинеолот има пријатен мирис, сличен на јоргованот и е честа состојка во парфемите, козметика и засилувачите на вкус. Оваа состојка релаксира во голема мера и обично е одговорна за поттикнување на опуштениот седативен ефект. Медицинските придобивки од терпинеолот, исто така вклучуваат антибиотични и антиоксидативни својства. Може да се најде во следниве врсти: Girl Scout Cookies, Jack Herer и OG Kush.

* АЛФА ПИНЕНЕ и БЕТА ПИНЕНЕ (Alpha-pinene и Beta-pinene) - овие два терпена мирисаат на борови дрвја, а тоа се растенијата каде што може да се најдат во големи количини. Токму затоа мирисот на шума потсетува на голема количина канабис :) Други растенија богати со пинен вклучуваат рузмарин, кора од портокал, босилек, магдонос и канабис. Како и многу други, пинените терпени имаат антиинфламаторно дејство врз луѓето. Но, уште поважно, тие помагаат да се подобрат протокот на воздух и респираторните функции, го олеснува дишењето истовремено помагајќи да се намали загубата на моментална краткотрајна меморија поврзана со ефектот на THC. Aко видот на канабис е богат со алфа и бета пинен, тој всушност може да помогне при астма. Пиненот, исто така, им помага на пациентите со артритис, Кронова болест и рак. Можете да најдете pinene во врстите како: Jack Herer, Strawberry Cough, Blue Dream, Island Sweet Skunk, Dutch Treat и Romulan.

Зошто канабисот мириса баш така?
* АЛФА БИСАБОЛОЛ (Alpha-bisabolol - levomenol) има пријатни цветни ароми, а исто така може да се најде и кај цвеќињата од камилица и кај кандеја дрвото. Овој терпен се користи првенствено во козметичката индустрија, но во последно време го привлече вниманието на истражувачите, бидејќи покажал медицински придобивки за третирање на многу болести со помош на канабис терапија. Алфа-бисабололот се покажа како ефикасен во лекувањето на бактериски инфекции и рани и е одличен антиоксидант со анти-иритивни и аналгетски својства. Го има во изобилство во врстите како: Harle-Tsu, Pink Kush, Headband, OG Shark и
ACDC.


* МИРЦЕН (Myrcene) еден од основните терпени во канабисот, има мукусен мирис и е присутен и во мангото, лимонска трева, мајчина душица и хмељот. Мирценот е познат како релаксатор, бидејќи продуцира седативен ефект. Овој ултра-релаксирачки ефект го прави мирценот одличен за депресија, несоница и анксиозност, но исто така има и терапевтска вредност кај болката и воспалението и има антисептички, антибактериски и антифунгални својства. Освен тоа, овој канабис терпен ја има способноста да ја подобри психоактивноста на ТХЦ и се наоѓа во врстите како: Granddaddy Purple, Northern Lights и Trainwreck.

* БЕТА КАРИОФИЛЕН (B-caryophyllene) се карактеризира со својата зачинета, арома на пиперки. Очигледно е пронајден во црниот пипер, но исто така е присутен во лукот и циметот. Овој терпен има различни потенцијални медицински вредности, вклучувајќи помош при болка, анксиозност, депресија, чиреви, воспаленија, мускулни грчеви и несоница. Б-кариофиленот има ефекти на ослободување од стрес и може да помогне во лекувањето на зависностите. Го има во следните видови: GG4 (aka Gorilla Glue ), White Widow и Chemdawg.

* ЛИНАЛОЛ (Linalool) е познат по својот цветен мирис на лаванда. Цветот на лавандата се знае дека е релаксирачки поради терпенот линалол, кој има смирувачки, ефекти кои го подобруваат расположението, па затоа се користи за анксиозност, депресија и несоница. Линалолот, исто така, може да се користи за воспаление, невродегенерација и конвулзии. Овој терпен во изобилство се наоѓа во: Headband и Kosher Kush. 

* ХУМУЛЕН (Humulene) има земјена арома која е честа појава во хмељот, растението (цилантро) cilantro и босилек. Има анти-воспалителни особини кои можат да помогнат во олеснување на болката. Тоj е, исто така, познат потиснувач на апетитот. Хулуленот се наоѓа во видовите: Death Star, Sour Diesel и Headband.

* ОЦИМЕН (Ocimene) мириса на билен чај и се наоѓа во нането, магдоносот, биберот, босилекот и орхидеите. Овој канабис терпен има антивирусни, антифунгални, антисептични и антибактериски својства. Плус, може да има медицинска вредност како декондестант. Оцименот може да се најде во: Durban Poison и Sensi Star.

* ТЕРПИНОЛЕН (Terpinolene) исто така, има борова арома, но мириса повеќе на цветни и билни ароми, за разлика од алфа пиненот. Терпиноленот може да се најде кај зимзелените дрва, како и јаболката, кимот и морското оревче. Тој има седативни ефекти и тони на потенцијална медицинска вредност, вклучувајќи и антиоксидантни, антибактериски и антифунгални својства. Терпиноленот најчесто се среќава во канабис врстите: Agent Orange и Dutch Treat.


ЧИТАЈ ПОВЕЌЕ:






Автор: Кристина Т.
Извори: Cannacon.org, HERB

Wednesday, July 25, 2018

Кои се основните, а кои секундарните терпени во канабисот?

Многу познавачи на канабисот веруваат дека можат да ги предвидат ефектите на цвеќето со испитување на структурата на туфката и анализа на аромата, слично како експертите за вино. Врз основа на составот на канабисот во однос на канабиноидите и терпените може да дознаете кои врсти се најсоодветни за вас



Канабис терпени се миризливи масла произведени во смолените жлезди на цвеќето на канабисот или трихоми, на истото место се создаваат канабиноидите како THC и CBD. Терпените се причината зошто некои пупки имаат овошен мирис и мирисаат како боровинки, а други се лути или кисели... Секој вид има свој уникатен терпенски профил, а со тоа и препознатлив мирис. Канабисот е многу повеќе од ТХЦ и ЦБД. Колку повеќе знаете за терпените, толку поуспешно можете да препознавате вид на пупка, да знаете да се лекувате себе или некој друг правилно и да го подобрите вашето расположение и целокупно здравје.


Терпените од канабисот работат со врзување на рецепторите во мозокот за да произведат различни ефекти. Слично на тоа како што канабиноидите комуницираат со телото, канабис терпените, исто така, комуницираат со ендоканабиноидниот систем, влијаат на серотонинот и допаминот. Плус, терпените на канабисот комуницираат синегрично едни со други канабиноиди, често ги менуваат нивните ефекти и создаваат нови искуства. Овој процес е вообичаено познат како „ефект на придружба“ (entourage effect), бидејќи тоа е интеракцијата на сите соединенија во канабисот што го создаваат лековитото искуство. 


Постојат над 100 различни канабис терпени и тие се категоризирани како примарни или секундарни. Но, канабисот не е единствено растение кое содржи терпени; ароматичните билки, цвеќињата и овошјето исто така содржат терпеноиди кои им даваат различни карактеристични мириси. Во природата, терпените на растенијата имаат еволуциски цели, како да ги одвратат предаторите како што се инсектите или да ги заштитат растенијата од еколошки стрес. Ајде повторно да погледнеме кои се најистакнатите основни и секундарни терпени на канабисот за да почнеме да ги препознаваме мирисите!


Кои се ОСНОВНИТЕ ТЕРПЕНИ на канабисот?

Примарните канабис-терпени се оние кои се најчести и најмногу влијаат на тоа како еден вид канабис мириса. Многумина, исто така, веруваат дека ефектите на канабисот главно се движат од примарните терпени. Постои една изрека во индустријата за канабис споредувајќи ги ефектите на канабисот со возење автомобил: „Ако канабиноидите како THC и CBD се педалите за гас, тогаш терпените се воланот“. Најчести примарни канабис терпени се: Алфа-пинен (a-Pinene), Мирцен (Myrcene), Лимонен (Limonene), Б-кариофилен (B-caryophyllene), Линалол (Linalool), Хумулен (Humulene), Оцимен (Ocimene), Терпинолен (Terpinolene).


Кои се СЕКУНДАРНИ ТЕРПЕНИ на канабисот?

Секундарните терпени се присутни во растението канабис во помали количини. Тие не можат да имаат толку силно влијание како примарните терпени на канабисот, но дефинитивно прават разлика. Поради ефектот на придружба и начинот на кој секундарните терпени се комбинираат и комуницираат со примарните терпени и различни канабиноиди, тие играат важна улога во диктирањето на видот. Некои вообичаени секундарни терпени вклучуваат: Феландрен (Phellandrene), Терпинен (Terpinene), Борнеол (Borneol), Фитол (Phytol), Карен (Carene), Фенхол (Fenchol), Бисаболол (Bisabolol), Камфен (Camphene), плус уште десетици...


ЧИТАЈ ПОВЕЌЕ: 



Автор: Кристина Т.
Извор: HERB

Tuesday, July 24, 2018

Состојката од канабисот THC претставува недостасувачко парче во загатката при лекување на епилептични деца

Користењето канабис за лекување на епилепсија стана попопуларно во последно време. Научниците од Сиднеј се залагаат за повеќе истражувања за тоа дали Тетрахидроканабинолот, најпознатата состојка од канабисот треба легално да биде вклучена во мали количини при лекување на деца со тешка епилепсија


Хантер и мајка му 
Родителите се борат за правата да ги третираат своите епилептични деца со канабис. Но, ова е всушност антички анти-епилептичен лек којшто го користеле дури и древните Арапи. Тоа беше исто така популарен начин за лекување на епилепсија во средновековниот исламски свет. Производот одобрен од Владата не содржи Тетрахидроканабинол (ТХЦ), но научниците од Универзитетот во Сиднеј (University of Sydney) дознаа дека малите дози на психоактивната состојка можат да бидат ефикасни во намалувањето на нападите. Универзитетската Ламберт Иницијатива за канабиноидната терапија (The university's Lambert Initiative for Cannabinoid Therapeutics) тестираше 51 примерок од екстракти на канабис од црниот пазар кои австралиските семејства им ги даваат на своите деца. ТХЦ беше присутен во 98 проценти од примероците, иако количината не беше доволна за да има седативен ефект на опојување.  Нешто повеќе од половина од екстрактите придонесоа за намалување на нападите од 75-100 проценти, додека една третина од екстрактите ја подобрија здравствената состојба, а една четвртина помогна во подобрување во говорот. 


Епидиолексот има послаб ефект од нелегалното масло
Врз основа на овие наоди, тимот сега верува дека повеќе истражувања треба да се направат за тоа како ТХЦ може да се приклучи на легална лековита формулација или да се користи со тековните анти-епилептични третмани со фармацевтски и опасни конвенционални лекови, рече научен соработник Анастасија Сураев (Anastasia Suraev). „Можеби THC може да биде важно парче од сложувалката“ - рече г-ѓа Сураев. „Ние треба да откриеме кои се овие дозно-зависни ефекти, па што се случува со пониските дози, што се случува со повисоките дози“ - додава таа. 14 годишниот Хантер Елвел (Hunter Elwell), страда од тешка форма на епилепсија позната како Драветов синдром, болеста од која страдала малечката Шарлот додека нејзините родители не започнале да ја хранат со канабис, болест отпорна на повеќето антиконвулзивни фармацевтски лекови. 


Кога неговата мајка Лорејн Елвел (Lorraine Elwell) прв пат му дала медицински канабис пред шест години, нападите паднале од 30-40 неделно на два или три неделно. „Во текот на ноќта неговите напади се преполовија и во почетокот мислев дека тоа е малку среќа, но потоа, како што минуваше времето, нападите сè повеќе и повеќе се намалуваа“ - рече Елвел.  „Тоа направи огромна промена - како да се сретнав со моето дете за прв пат“ - истакнува мајката од Нов Јужен Велс. Таа користела канабис од  црниот пазар, но сега го користи производот одобрен од Владата со специјален пристап. Таа е посреќна што сега медицинскиот канабис станува законски, но верува дека легалниот производ, Епидиолекс, не е толку ефикасен, како што се нелегалните производи со целосен канабиноиден профил. 


Хантер сега е среќно дете без напади!
Тој е многу подобар од она што беше пред да го користиме маслото од каннабис, но дефинитивно може да се види дека неговите напади се зголемени откако престанавме да го користиме производот канабис од црниот пазар, за да добиеме Епидиолекс“ - додава г-ѓа Елвел. И покрај тоа, таа постојано му дава на своето дете Епидиолекс затоа што е легален и секогаш достапен. „Не е подобро, но сепак е подобро од ништо“ - истакнува напатената мајка. „Тоа исто така значи дека сега може да го има во болница, не сум ограничена за да му го дадам, а медицинските сестри и сите други можат да му го дадат, без да се плашат од опомена“ - објаснува мајката. Г-ѓа Елвел верува дека истражувачите треба да го истражуваат целото растение канабис, а не само другата главна состојка Канабидиол, која не е психоактивна и која претставува нераскинлив партнер на ТХЦ. „Без да се користи целото растение не изгледа како лекот да функционира“ - истакнува таа. „Без разлика дали тоа е ТХЦ или други делови од растението, навистина не знам, но знам дека мојот син беше подобар од малку ТХЦ“ - заклучува мајката на Хантер.


Семејствата се свртуваат кон поевтиниот и поефективниот канабис од црниот пазар

Истражувач Анастасија Сураев
Истражувачот Сураев рече дека високите дози на психоактивното соединение се потенцијално опасни за мозокот на детето, но мали дози особено на почетокот од третманот може да имаат големи придобивки. Не смееме да заборавиме исто така дека организмот многу брзо создава толеранција, особено кога станува збор за млад организам, така што ТХЦ кај малите пациенти воопшто не делува како кај рекреативните корисници на билката, доколку се дозира соодветно. „Родителите пријавуваат големи успеси со [екстракти што содржат малку ТХЦ], па прашањето е дали постои нова формулација или екстракт од целото растение која може да биде важна за епилепсија, која сè уште не е многу добро истражена?“ - додава таа. „Ни требаат повеќе ригорозни научни студии за да можеме да ги потврдиме родителските извештаи за тоа на кој начин и до која мера се ефикасни овие екстракти од канабис [кои содржат THC]“ - заклучува Сураев.


Таа додаде дека иако владите преземаат чекори во вистинска насока, со олеснување на пристапот до медицински канабис за епилептични деца, многу семејства може да продолжат да се свртуваат кон црниот пазар, бидејќи производите се многу поевтини и полесно достапни (не е потребна лекарска документација и одобрувања како кај слабите фармацевтски комерцијални препарати од канабис). Поголемиот дел од семејствата со кои разговаравме своите (нелегални) канабис производи им ги даваат на сочувствителна основа, односно бесплатно или со донација, рече г-ѓа Сураев. „За останатите семејства, тие плаќаат околу 270 долари за еден месец за производот, што е еднакво на околу 10 долари на ден. Кога ќе го споредите со тековните законски шеми... за дете со епилепсија, легалниот производ чини околу 1.100 долари неделно и тоа е еднакво на околу 160 долари дневно. За една година тоа е околу 60.000 долари и тоа е огромна разлика и тоа е нешто што просечното семејство едноставно не можеше да си го дозволи“. 


ЧИТАЈ ПОВЕЌЕ:















Автор: Кристина Т.
Уредник: MoniQue Konopova
Извор: Mobile.abc.net.au

Sunday, July 22, 2018

Останати не толку познати терпени кои може да се најдат во растението канабис

Како што споменавме во нашата претходна терпенска серија, има повеќе од 100 терпени во само еден цвет од канабис. Терпените играат клучна улога во разликувањето на вкусот и ефектот на некои врсти канабис. Еве некои од најпознатите преостанати нетипични терпени:


Како мирисаат одредени терпени?
* MYRCENE

Мирценот е најзастапен терпен во канабисот, каде што најчесто се наоѓа во природата. Всушност, една студија покажала дека мирценот содржи дури 65% од вкупниот теренски профил во некои врсти. Мирисот често потсетува на земјени ноти слични на каранфилче. Исто така, има овошна арома како црвено грозје. Видови кои содржат 0,5% од овој терпен се обично индики со седативен ефект. Исто така е пријавено дека мирценот е корисен за намалување на воспалението и хронична болка, поради што обично се препорачува како додаток за време на третмани против рак. Видови кои се богати со мирцен се: Skunk XL, White Widow и Special Kush. 

Совет за искусни кориснициМангото содржи мирцен и го зајакнува ефектот на ТХЦ! Ако сакате да почувствувате посилен хај од марихуана, земете манго и јадете го околу 45 минути пред пушењето канабис или консумирањето канабис на некој друг начин. Мангото содржи значителна количина на мирцен, па затоа јадењето пред конзумирање канабис ќе ги зајакне ефектите на ТХЦ и ќе ја зголеми стапката на апсорпција.


Мангото содржи мирцен и го зајакнува ефектот на ТХЦ
* EUCALYPTOL

Исто така познат како cineole, еукалиптолот е примарен терпен на дрвото еукалиптус. Тоа има препознатливи ментолни и ладни тонови во својот мирис, но повеќето видови на канабис не содржат големи количини од него. Обично сочинуваат околу 0,06% од врстите со целосен терпенски профил. Овој терпен се користи во козметиката, како и во медицината. Кога станува збор за неговата медицинска вредност, еукалиптолот ја ублажува болката, но исто така го забавува растот на бактериите и габите. Иако сè уште е во раните фази од истражувањето, овој терпен покажа некои поволни ефекти и врз Алцхајмеровата болест. Еукалиптолот може да се најде во врстите: Super Silver Haze и Headband.


* TRANS NEROLIDO

Ова е секундарен терпен, најчесто пронајден во цвеќињата како што се: јасмин, лимонска трева и масло од чајно дрво. Мирисот на транс-неролидолот потсетува на мешавина од роза, цитрус и јаболка и може да се опише во целина како шумски, цитрусен и цветен мирис. Овој терпен е најдобро познат по своите антипаразитски, антиоксидативни, антифунгални, антиканцерогени и антимикробни својства. Видовите канабис како: Island Jack Herer, Sweet Skunk и Skywalker OG, се богати со неролидол.


* CAMPHENE

Најдобар начин за да се опише мирисот на камфенот се иглолисни дрва, мокра земја и влажни шуми. Камфеновата арома честопати се меша со мирценот, што го претставува оној препознатлив мирис на марихуаната како нејзин заштитен знак. Од медицинска гледна точка овој терпен има голем потенцијал. Кога се меша со витамин Ц, станува моќен антиоксиданс. Тој е широко користен во конвенционалната медицина како лек за проблеми со кожата, како што се егзема и псоријаза. Нејзиниот најголем потенцијал лежи во неговата способност да ги намали нивоата на холестерол и триглицериди во крвта, што дополнително го намалува ризикот од кардиоваскуларни заболувања. Камфенот е присутен во врстите: Ghost OG, Strawberry Banana и Mendocino Purps.


* BORNEOL

Борнеолот, со миризлив ментол мирис, може да се најде во билките како рузмарин, нане и камфорово дрво. Овој терпен е добар природен отстранувач на инсекти, што го прави одлично во спречувањето на болестите како што е вирусот Западен Нил, пренесен од крлежи, болви, комарци итн. Една студија покажа дека борнеолот ги убива клетките на ракот на дојка. Исто така, широко се користи во Кинеската традиционална медицина, поконкретно во акупунктурата. Видови канабис со висок процент на борнеол се: Amnesia Haze, Golden Haze и K13 Haze.


* VALENCENE

Овој терпен го доби своето име од слатките Валенсија портокали - каде што е пронајден во големи количини. Со своите слатки цитрусни ароми и вкусови, се користи како отстрашувач на инсекти, исто така. Овој терпен може да се најде во видови канабис како: Tangie и Agent Orange.


* GERANIOL

Покрај канабисот, гераниолот може да се најде во лимоните и тутунот. Неговиот мирис потсетува роза, трева, праски и сливи. Тој обично се користи во ароматичните производи за бањи и лосиони за тело. Гераниолот покажа многу потенцијал како невропротектант и антиоксиданс. Тој е присутен во видовите канабис како:  Amnezia Haze, Great White Shark, Afghani, Headband, Island Sweet Skunk, OG Shark и Master Kush.

* * *

ЧИТАЈ ПОВЕЌЕ: 






Автор: MoniQue Konopova
Извор: Cannacon.org

Friday, July 20, 2018

Терпените играат клучна улога во разликувањето на вкусот и ефектот на некои врсти канабис

Излачени во истите жлезди кои продуцираат канабиноиди како ТХЦ и ЦБД, терпените се ароматични маслени молекули кои го одредуваат вкусот кај видовите на канабис како: цитрус, јаготка, нане и бор... Некои терпени предизвикуваат релаксација и ослободување од стрес, а други фокус и сосредоточеност


Како и кај другите растенија и цвеќиња со силен мирис, развојот на терпените во канабисот започнал за адаптивни потреби: да избегнуваат и бркаат предатори и да намамуваат опрашувачи. Во развитокот на терпените кај едно растение влијаат повеќе фактори како климата, временските услови, возраста и созревањето, оплодувачи, тип на почва дури и периодот од денот. Во канабисовото растение идентифицирани се повеќе од 100 различни типови на терпени, а секоја врста на канабис има тенденција кон уникатен тип на терпени и композиција.


Богатата палета на вкусови на канабис е доста впечатлива, но веројатно најфасцинантната карактеристика на терпените е нивната способност за синергистично делување со други компоненти на растението, како канабиноидите. Во минатите неколку декади, најголем дел на видовите на канабис се израстени да содржат високи нивоа на ТХЦ и како резултат на тоа другите канабиноиди како ЦБД на некои места се доведени до траги. Поради ова, многумина веруваат дека терпените играат клучна улога во диференцијацијата на ефектот кај различни врсти на канабис.


Разни видови терпени и нивната арома
Подолу се опишани основните карактеристики на само неколку од најзастапените терпени. За пиненот и бисабололот имаме зборувано доволно, а за лимоненот ќе подготвиме подетален текст, а ќе пишуваме понатаму и за некои останати не толку познати терпени. Свиткајте еден кец или двојка, уживајте и едуцирајте се, но не заборавајте да го споделите и овој текст за да ја подигнеме свеста за лековитите својства на канабисот! ;)


* LINALOOL - Линалол е терпен кој се среќава во многу цвеќиња и зачини. Тоа е монотерпеноид кој има два енанотиомери. Соединението наоѓа максимална употреба како анксиолит, тоа е како анти-анксиозен лек. Има навистина силни седативни ефекти и е популарен лек за анксиозност и депресија. Овој терпен е одговорен за препознатливиот мирис на марихуана со лутки и цветни ноти. Се наоѓа и во лавандата, нането, циметот и коријандерот, па како и овие ароматични растенија поседува многу силни смирувачки и релаксирачки својства. Пациенти со артритис, депресија, епилептични напади, несоница и канцер пронашле олеснување во овој восхитувачки терпен. Врсти кои соджат линалол се Amnesia Haze, Special Kush, Lavender, LA Confidential и OG Shark.


* CARYOPHYLLENE - Најдобро познат по неговите луткасти и забиберени ноти, кариофиленот се среќава во црн пипер, цимет, каранфилче и зачини како орегано, босилек и рузмарин. Поради тоа што бета-кариофиленот се врзува за ЦБ2 рецепторите, го користат како состојка во кремови против воспаление. Кариофиленот е единствениот терпен кој се врзува за канабиноидните рецептори! Покрај неговите аналгетски и антианксиозни својства, некои истражувања откриле дека кариофиленот има ветувачка улога при рехабилитацијата од алкохол, што е и научно докажано со експеримент врз стаорци. Се среќава во следниве врсти на канабис:  Super Silver Haze, Skywalker и Rock Star.

* HUMULENE - Хумуленот е првиот терпен откриен во хмељот. Неговата арома содржи земјени, дрвни и зачинети ноти. Се среќава во каранфилче, жалфија и црн пипер. Хумуленот е антипролиферативен, односно спречува раст на клетки од канцер и е ефективен во намалувањето на апетитот што го прави потенцијална алатка за губење на тежината. Исто така, го намалува воспалението, ја ублажува болката и се бори против бактериски инфекции. Го има во: White Widow, Headband, Girl Scout Cookies, Sour Diesel, Pink Kush и Skywalker OG.

DELTA-3 KAREN - (Δ3-Caren) - Ароматераписките масла се познати дека содржат високо ниво на овој терпен. Прекумерните течности од очите, носот или устата можат да се излечат со него многу лесно. Сувата уста и очи, можат да се излечат со користење на ова природно и органско соединение. Исто така го има во рузмаринот, борот и кедронската смола (cedar resin). Се наоѓа во рузмарин, босилек, пиперки бабури, кедар и бор со слатка арома која потсетува на чемпресово дрво. Овој терпен е најдобар во заздравуње на скршени коски, што им дава надеж на пациенти со остеопороза, артритис и фибромијалгија. Она што е интересно за вој терпен е тоа дека го стимулира сеќавањето и го подобрува заджувањето на меморијата, а ова е главен правец во пронаоѓање на лек за Алцхајмерова болест.

CAMPHENE - Најдобар опис за мирисот на камфенот се борови иглички, земја со мирис на мошус и влажна шума. Медицински, камфенот има голем потенцијал - помешан со витамин Ц, станува моќен антиоксиданс! Се користи во кремови за третирање на кожни нарушувања како егзема и псоријаза. Ги намалува нивоата на холестерол и триглицериди во крвта, а со тоа и ризикот од кардиоваскуларни болести. Се среќава во врстите: Ghost OG, Strawberry Banana, Mendocino Purps.


ЧИТАЈ ПОВЕЌЕ:  








Извор: Cannacon

Thursday, July 19, 2018

Биомедицинското значење на ароматичните соединенија терпени

Терпените се класа на органски соединенија генерално произведени од четинари. Познати по нивниот карактеристичен мирис, тие имаат големо значење во медицината. Терпените се испарливи по природа и често имаат карактеристична арома. Нивната арома ги прави доста корисни за ароматерапијата


Терпените се одговорни за аромата
Класифицирани според бројот на присутни изопренски единици, терпените можат да бидат хемитерпени, монотерпени, дитерпени, тритерпени и др. Иако здравствените придобивки од терпените сами по себе не се толку популарни како придобивките од канабиноидите CBD или THC изолати или масла со полн спектар, здравствената корист сепак од нивниот удел во клиничките цели не може да се игнорира. Канабисот се вели дека содржи околу 120 различни терпени, покрај канабиноидите, вклучувајќи THC (тетрахидроканабинол), CBD (Cannabidiol), CBN (Cannabinol) и THCV (Tetrahydrocannabivarin). Од ова, само ТХЦ се смета за психоактивна состојка, додека ЦБД и ТХЦВ се сметаат за комплетно безопасни и сите имаат големо биомедицинско значење како терпените, бидејќи сите тие функционираат сигерично.


Терпенско тркало
Од широката палета на присутни ароматични соединенија во канабисот се издвојуваат: лимонен, микрен, пинен, линалол и фитол. Популарни поради нивното биомедицинско значење, терпените имаат посебно место во светот на ароматични соединенија. Терпентите се користат како алтернативен лек за третирање на многу состојби, имајќи посебно својство за намалување на проблеми со дигестивниот систем. Најголемата нивна позитивна страна е дека тие немаат никакви несакани ефекти во повеќето козметички фармацевтски производи. Исто така терпените наоѓаат некои добри апликации во нафтената и маслената индустрија. Се употребуваат за производство на масти и засилувачи на вкус, терпените се практично мултифункционални. Тие лесно можат да излечат многу проблеми со кожата, вклучувајќи болка и чешање.


Каде најчесто се јавуваат терпените?
Терпените наоѓаат најголема примена во лекувањето на депресија и анксиозност, најчесто во ароматерапијата. Имајќи неверојатен седативен ефект, тие го ослободуваат пациентот од стрес и анксиозност. На крајот се чувствувате среќни и задоволни, а користењето на терпените може да помогне за подобар личен и професионален живот. Некои терпени, имено микрен, се толку ефикасни што нивната арома е доволна за да ги покажат своите билни својства. Терпените од некои растенија слични на грмушки, долго време се користат како ефикасен третман за дизентерија, дијареа и дијабетес. Покрај тоа, тие наоѓаат широка употреба во парфемската индустрија и индустриите за производи наменети против инсекти. Нивниот лут мирис ги брка инсектите.


Лимоненот и Пиненот се користат во освежувачите на простории. Имаат антимикробни својства, тие можат ефикасно да се борат со габи и бактерии. Кога се консумираат орално, тие можат да го олеснат варењето на храната. Исто така терпените се користат како природен земјоделски пестицид, терпените наоѓаат апликации и во други индустрии. Тековните истражувања, исто така, сугерираат дека терпените можат да имаат антиканцерогени својства и може да се покажат како корисни во лекувањето на канцерите. Тие имаат инхибиторен ефект врз растот на туморите. Терпените делуваат како бронходилататор кај луѓето кои имаат проблеми со дишењето (особено астматичари), а тие се главно познати и по своите антибактериски и антибиотични својства. Еве некои терпени најкарактеристични за канабисовото растение:


LIMONENE - ​​Лимонен е монотерпен кој е одговорен за карактеристичната арома на цитрусните плодови. Се користи како популарен ароматичен додаток во некои спакувани прехранбени производи, а има големо биомедицинско значење. Соединението се користи за многу медицински цели, вклучувајќи го и третманот на рак и бронхитис. Познат е за намалување на воспалението на срцето и други кардиоваскуларни проблеми.

BORNEOL - Борнеол е терпенски дериват кој се користи во традиционалните кинески методи на лекување. Природен отстранувач на инсекти, борнеолот ги наоѓа своите употреби и апликации скоро насекаде. Познат e за лекување на замор и стрес, генерално се препорачува на пациентите кои имаат проблеми со анксиозност или депресија.

TERPINEOL - Терпинеол е терпен произведен од канабис Индика растенијата, тој е силен антибактериски и антифунгален агент. Оваа состојка е позната по својата антиинфламаторна акција, исто така. Се користи во третманот на ракот, бидејќи го минимизира растот на туморските клетки со потиснување на патеката NF-kB.

MYRCENE - Мирцен е најчестиот терпен во канабисот, тој е монотерпен. Одговорен за производство на силни аналгетски ефекти, микренот исто така се користи за создавање на седативен ефект. Состојкава има пријатна арома што ја прави корисна во производството на парфеми и други миризливи материјали.

PINENE - Пиненот се појавува како два природни изомери, тој исто така е монотерпен. Познат како алфа-пинен и бета-пинен, изомерите обично се добиваат како деривати од турпентин (turpentine). Како природен хербицид, соединението е познато исто така дека покажува значајни антибактериски и антибиотични својства.

Автор и Уредник: MoniQue Konopova
Извор: Herb.delivery

Monday, July 16, 2018

БИСАБОЛОЛ: Медицинските придобивки на овој цветен секундарен терпен

Бисаболол (Bisabolol) е терпен најдобро познат по неговото присуство во канабисот и камилицата, но исто така тој има и доста терапевтски својства. Тој е секундарен терпен на канабисот кој исто така е познат како алфа-бисаболол или левоменол (levomenol) 

Хемиска структура на терпенот α-bisabolol (Levomenol)

Извесно време alpha-bisabolol (α-bisabolol) бил популарен поради употребата во козметиката како во производите за нега на кожа и парфемите, но сега ја зголемува својата популарност во канабис заедницата, поради тоа што овој терпен овозможува неколку прекрасни медицински придобивки како пропратен ефект на нашето омилено, најбезбедно и најлековито растение коноп. 



Бисаболол: Арома

Бисабололот има многу пријатна арома, поради што долго време се користи во индустријата за парфеми. Таа е слатка и цветна, а сепак блага и може дури да има и цитрусни ноти. Најславното растение во природата кое го содржи овој терпен е камилицата, потоа некои видови на жалфија и дрвото Candeia по потекло од Бразил.



Медицински придобивки: Антивоспалителни ефекти

Истражување од 2011 година го тестирало ова. Причинарта поради која алфа-бисаболол се користи како козметички додаток во многу производи за убавина е неговото смирувачко дејство. Ова истражување го открило точниот механизам на антивоспалителните својства од овој терпен. Поради тоа што воспалението е коренот на многу поголеми проблеми, пред се болки, но и нарушувања како: лупус, Кронова болест и воспаление на цревата; алфа-бисабололот е придонесувачки фактор за тоа како одредени сорти ги ублажуваат овие болести повеќе од други.



Се бори против ракот

Можеби највозбудливото откритие за овој терпен е дека може да се бори против ракот. Истражувања од 2011 и 2016 година откриле дека алфа-бисабололот го забавува растот на клетките на панкреатичен канцер. И истражување од 2012 година исто така открило дека и овој терпен се бори против клетки на акутната леукемија (рак на крв). Ова се докази дека не само активната состојка ТХЦ е единствениот убиец на ракот, туку дека сите состојки природно најдени во растението канабис меѓусебни синергично си помагаат и содејствуваат во борбата против сериозните болести настанати поради ендоканабиноиден дефицит. Овие откритија се ветувачки, но сепак потребни се повеќе такви истражувања за доутврдување на овие вистини.



Бисабололот е нивна заедничка особина!
Аналгетични и антибиотички својства

Поради многуте медицински ефекти, во 2009 година направено е тестирање на многуте фармацевтски улоги на овој терпен и тогаш е утврдено дека поседува и аналгетични и антибиотички својства. Истражување од 2017 година ги испитало антибиотичните ефекти на овој терпен и се открило дека алфа-бисабололот синергизирал во комбинација со други антибиотици правејќи ја таа комбинацијата посилна против бактерии како E. coli и S. aureus.


Искуството со бисаболол

Покрај многуте медицински употреби на овој терпен, се смета дека има и релаксирачки ефект кај ароматерапијата. Бисабололот помага при анксиозност и несоница. Но, бидејќи не е примарен терпен во канабисовото растение, нема да доминира кога се наоѓа во некоја сорта. Важно е да се види кои други терпени се присутни за да се направи канабиноиден профил. Значи, сите компоненти во канабисот придонесуваат во неговиот попратен ефект.



Во кои врсти канабис бисабололот е најзастапен?

Извор: HERB