Како Nicolas Trainerbees ги тренира своите пчели за да произведуваат КАНАМЕД? :P

Сакаме од блиску да ви го претставиме французинот Николас Треинербис (Nicolas Trainerbees) којшто е тренер на „канабис пчели“. Со самото тоа тој создаде една сосема нова професија! Тренирањето пчели за да собираат екстракт од канабис цветовите од што прават превкусен и прездрав канамед (cannahoney) не е лесна работа, но е доста интересна и корисна за многу пациенти, па вреди да се дознае како сето тоа се одвива. Токму затоа го споделуваме со вас најновото интервју со Николас за порталот International Highlife:

International Highlife: Здраво Николас! Кажи ни нешто за себе.

Nicolas: Јас љубам да учам од животните и инсектите и јас тоа го правев уште од мојата младост. За мене, обидот да се направи симбиоза помеѓу мене и животното или инсектот што го проучувам е мој прв приоритет, кога јас сакам да дознаам повеќе за нив. Имам изучувано многу риби, инсекти и растенија - бидејќи природата е толку убава!

International Highlife: Што можеш да ни кажеш за тоа како ги тренираш своите пчели? Како започна, што те натера да го испробаш тоа?

Nicolas: Еден од моите пријатели (кои се пушачи на трева) ме праша во далечната 2007 дали е возможно да се направи вистински канамед. Јас првин реков дека тоа е невозможно, бидејќи смолата не е шеќер. Тоа беше само после многу, многу обиди (и јас најпрво требаше да ги тренирам моите пчели да прават мед од овошки, а не цвеќиња), но шест години подоцна, јас научив како да ги истренирам да се хранат од канабис билките.

Николас :)

International Highlife: Дали е тешко да се истренираат пчелите? Колку си успешен во целост?

Nicolas: Секако дека не е природно за пчелите да одат по канабис билките. Секој ден се раѓаат по две илјади пчели, овие пчели треба да бидат обучени веднаш штом ќе го напуштат улиштето - и пчелите имаат краток животен век од помалку од два месеци! Секој ден, тоа е два часа работа за да се истренираат, само за да соберат 3 кг од канамедот на крајот!

International Highlife: WOW. Па ние сфаќаме дека канабис билките всушност не произведуваат нектар. Со што точно се хранат пчелите и за што го користат тоа?

Nicolas: Пчелите се обучени да ја собираат смолата од канабис билката за да прават прополис. Прополисот е специјална леплива материја направена од пчелите од смолата на дрвјата и растенијата - тие го користат насекаде во кошницата!

International Highlife: Според неколку студии, пчелите немаат ендоканабиноиден систем - но дали тие може да имаат придобивка од терпините и другите состојки што ги произведува канабисот?

Nicolas: Можеби, бидејќи тие ја џвакаат смолата кога ја собираат! Можеби тоа е зошто ние откриваме терпински оцимени во високи нивоа во канамедот...

International Highlife: Па, ти го тестираше твојот мед за да се осигураш дека има THC? Какви се резултатите?

Nicolas: Да, јас имам направено неколку лабораториски тестови на канамедот - резултатот беше добар. На долниот крај 0,3 % и на највисокиот крај 1 %. Сега, јас знам дека ако го собирам медот кога е зрел, дел од THCA претрпува декарбоксилација поради топлината од кошницата во текот на тринеделниот период за време на кој пчелите треба да го исушат медот!

International Highlife: Фасцинантно! Па, дали си свесен за пациентите на кои им треба медицински канабис коишто го користат твојот мед? Ако да, дали тие пријавуваат добри резултати?

Nicolas: Некои пациенти го имаат пробано, но само за краток период. Некои кои страдаат од анксиозност велат дека тие се чувствувале подобро по употребата. Тоа е интересно - многу други инсекти можат да бидат истренирани да собираат смола. Јас исто така работам со полжави и мравки! Но, јас немам никаква финансиска поддршка и јас не сум спонзориран, па јас работам бавно на моето истражување.

Поддржете го Nicolas Trainerbees со тоа што ќе го споделите овој текст и ќе ја лајкнете неговата страница на Facebook! 

Готвење со канабис

WAKE & BAKE!

Канабисот е билка што се јаде! Храни се здраво! Јади повеќе канабис!

Дури и за најискусните пушачи на канабис и консументи на производите од канабис, јадењето на јадења што содржат Марихуана и екстракти од ова растение може да се претвори во потполно ново прекрасно и превкусно искуство. Ова е одлично решение за тие коишто не сакаат да пушат трева, а сакаат да ги уживаат нејзините благодети - идеално решение за лицата коишто користат марихуана во медицински цели.

Консумирајте повеќе зеленчук!

Како да готвите со канабис?

Една од клучните состојки кај речиси сите кулинарни рецепти со Марихуана е токму путерот со канабис (Кана-путер, Cannabutter), којшто при подготовката на јадењето служи како замена на стандардниот путер. Јадењето на свеж канабис и пиењето на сок од суров цеден канабис и правењето на свежи смудиа и сосови од билката има бројни здравствени придобивки, меѓутоа на тој начин не може да ја исползувате целосната медицинска моќ од канабиноидите. За да ја подготвите тревата за јадење и за да го постигнете ефектот што го сакате, таа мора да биде згреена на некој начин. Нема да ги активирате канабиноидите доколку ја изедете тревата свежа без термичка обработка. Затоа кога готвите со канабис многу е важно да употребите некакво масло (зејтин, путер, млеко), бидејќи канабиноидот Тетрахидроканабинол (THC) е растворлив во масти, а не во вода. Затоа е невозможно да се напушите од пиење на чај од канабис, без да додадете малку млеко во чајот! ;) 

На кој начин делува?

Јадењето на активирана Марихуана е различно од нејзиното пушење. Ефектите траат многу подолго, а искуството може да биде многу поинтензивно. Ефектот може да започне од 30 минути па се` до 2 часа, по консумирањето на храната со канабис. Иако не почувствувате никаква промена извесно време, не бидете нетрпеливи и алчни и не јадете повеќе од препорачаната порција. Најдобро е да се започне со мала порција од оброкот, а потоа истата да се зголеми следниот пат, доколку не сте задоволни од „хајот“. Кога канабиноидите ќе започнат да делуваат, ќе започнете да се чувствувате многу опуштено. Па, доколку седите во удобна положба и на удобно место, нема да сакате да се помрднете, а ќе имате чувство како телото да ви е тешко и многу опуштено.

Што треба да направите доколку изедете премногу?

Запомнете: Предозирањето со Марихуана е невозножно, односно не е смртоносно. Претерувањето со храната подготвена со канабис, за некои луѓе (особено почетниците) може да биде непријатно искуство. Може да почувствуваат паника, вознемиреност, збунетост, понекогаш проблеми со координацијата, но тоа трае многу кратко и не може да предизвика сериозни последици! Доколку се прејадете со колач со путер од канабис или пак, со некакво друго јадење со екстракт од канабис и доколку ефектот е прејак за вас и не ви се допаѓа, може да го пробате следново:

1. Дишете длабоко и не паничете, бидејќи вие ја контролирате анксиозноста и вознемиреноста, Вие можете да си ја зголемите, но и вие сте тие кои можете да ја намалите и победите. Јадете храна со канабис во друштво на вашите добри пријатели кои ќе ви направат убава и удобна атмосфера;

2. Напијте се сок од свежо исцедени цитруси (лимони, портокали, мандарини, цитрони) или јадете ги свежи;

3. Јадете `фстаси или ореви од бор, препорачуваат од The Stoner's Cookbook;

4. Употребете етерично масло од бор со мачкање на кожа или по пат на инхалација;

Гответе со канабис, киф и хашиш!

5. Консумирајте повеќе CBD - Употребете производ од канабис (спреј, тинктура, масло и сл.) богат со канабиноидот Канабидиол (CBD) или пак, пушете (или консумирајте на друг начин) Марихуана со нивко ниво на THC и повисоко ниво на CBD. Канабидиолот е природен антидотум за ефектот на Тетрахидроканабидиолот, а се содржи во истото растение.

Колку канабис треба да употребите?

Потешкотијата при готвењето со канабис е одредувањето на неговата јачина, што е најголемо мерило за тоа колку трева треба да употребите. Токму затоа не се придржувајте строго кон рецептот, доколку ќе готвите со прилично слаба трева. Треба да се експериментира за да се утврди соодветната количина на канабис за конкретниот рецепт што сакате да си го приготвите. 

Декарбоксилација

Суровиот канабис содржи многу THCA (tetrahydrocannabinolic acid) кој е непсихоактивен канабиноид. Како што марихуаната се суши, таа постепено се претвора во THC. Кога пушите или вапоризирате канабис, канабиноидите поминуваат низ процесот наречен декарбоксилација и стануваат психоактивни. Токму затоа, доколку сакате да го почувствувате целосниот ефект на „напушување“ од јадењето што планирате да го подготвите, најпрво морате да го декарбоксилирате канабисот пред да готвите со него. 

Други методи за екстракција на THC

Канабисот е превкусен зачин за секое јадење!

Путерот од туфки, односно Кана-путерот не е единствениот начин за готвење со Канабис. Во многу рецепти можете да употребите Масло со канабис (Зејтин со Канабис - не станува збор за екстрактот маслото од канабис коешто се користи за лекување рак и други болести), Млеко со канабис (Cannamilk), Мед со канабис (Cannahoney), Брашно со канабис (Cannaflour), Павлака со канабис (CannaCream Cheese) и сл.

Рецепти со канабис:

Неколку превкусни слатки и солени рецепти што можете да ги испробате, а доколку ги немате сите потребни состојки, овие рецепти можеби ќе ја разбудат вашата кулинарна фантазија бидејќи канабисот ја поттикнува креативноста:

1. Вселенски колач (Space Cake);

2. Специјални браунис (Special Brownies);

3. Крем супа со канабис (Cream of Cannabis soup);

4. Марихуана пица (Marijuana Pizza);

5. Стонерски тостови со топен кашкавал (Stoner Grilled Cheese Sandwiches).

Канабисот го отвора апетитот и ги изострува сетилата и затоа храната е повкусна. Храната може да биде лек. Ти си тоа што го јадеш!

УЖИВАЈТЕ ВО СЕКОЈ ОБРОК и пријатно готвење со канабис :)

Коцки мраз со канабис

Цедење суров канабис