Студентка од земјоделски сака секој земјоделец легално да може да одгледува коноп во Република Македонија

ДЕКРИМИНАЛИЗИРАЈ!!! Рекреативна употреба = Превентивна употреба

С. Г. сака конопот легално да се сади!

С. Г. е дваесет  годишна здрава, убава, паметна, среќна и преамбициозна млада жена од Скопје, студентка на државниот факултет за земјоделски науки и храна, при крајот на нејзините студии на смерот Фитомедицина. С. Г. сака во Македонија да се престане со увезувањето на земјоделски производи и сака секој земјоделец да може да одгледува коноп и канабис, покрај останатите култури. Во слободно време таа е екологист, активна е во акциите за чистење на нашата држава, доста е физички активна и често планинари. С. Г. собира секакви тревки, има свој личен хербариум, го едуцира друштвото за растенијата преку прошетки во природа, а исто така одгледува своја бавчичка, т.е. органска градина во своите викендички. На Македонија ѝ требаат многу повеќе вакви храбри и здрави млади умови, кои имаат толку позитивен потенцијал во себе, што секој дел од своето време го трошат на подобрување на животната средина, на олеснување и усовршување на животот на сожителите, на помагање... Токму затоа на Македонија ѝ треба целосна декриминализација на канабисот, за македонската младина да сака да остане да живее тука! 

420 Macedonia: Што за тебе претставува канабисот?

С. Г. Канабисот за мене претставува растение на животот, кое може да се користи за многу работи: лек, храна, козметика, текстил итн... Многу друштво имам запознаено поради ова растение. Канабисот е дар од природата за луѓето и во никој случај не треба да се смета за дрога.

420 Macedonia: Какво е мислењето на професорите од нашиот земјоделски факултет за канабисот? Дали си пробувала да разговараш за канабисот со нив? Дали го поддржуваат целосното ослободување на канабисот?

С. Г. Па во глобала ретко зборауваат на оваа тема, одбегнуваат. За конопот неколку пати имаме зборувано, за неговиот хемизам и физиологија, додека пак, за целосно ослободување на канабисот немаме зборувано.

420 Macedonia: Како иден експерт во земјоделството дали сметаш дека Македонија има соодветно поднебје и почва за одгледување коноп/канабис?

С. Г. Секако дека нашата држава има соодветно поднебје за одгледување коноп и канабис! Имаме дури 280 сончеви денови во текот на годината, ако малце повеќе ја истражите нашата држава ќе видите дека насекаде има диворастечки коноп, впрочем имаме и село чие име очигледно е дека е добиено од диворастечкиот коноп - Селото Конопиште!!! Ако не верувате – прошетајте и ќе се уверите :)

420 Macedonia: Како познавач на растенијата какво е твоето мислење за ГМО марихуаната?

С. Г. Иако во некои земји е забрането ГМО тоа секаде го има... Без него нема да може да се нахрани целата светска популација. Гигантската фирма „Монсанто“ која е позната по производството на ГМО семиња веќе подолг период работи на генетски модифицираната марихуана која наводно ќе го зголеми количеството на ТХЦ.

420 Macedonia: Какво е твоето лично искуство со канабисот? Кога прв пат ја проба оваа лековита билка и на каков начин?

С. Г. Прва година средно и тоа пробав во блант. Ми беше одлично и дури денес сè уште се дружам со таа екипа, одлична е фини прекрасни луѓе, пред сè интелектуалци и често се дружиме на по „еден“ блант.

420 Macedonia: Колку често консумираш канабис и како? Која е твојата омилена врста? Кој начин на консумирање канабис го преферираш? Кое е твоето омилено време за консумирање?

С. Г. Конзумирам неколку пати неделно секогаш во друштво. Канабисот за мене е нешто што ги зближува луѓето, па дури и тотално непознатите. Имам пробано неколку пати сама, но сепак кога ќе помине некој дечко/девојка што не го/ја познавам и ќе им понудам. Секој период од денот ми е омилен за канабис. Омилена врста немам сè додека е некое добро - природно и не е прскана. Сакам малце повеќе да експериментирам, па пробувам од бонгови, преку овошје, наргиле, луле. Имам направено една голема листа „101 ways to smoke weed“ и стигнав до 42 начини. Кога ќе стигнам до 101 ќе ја споделам со вас таа листа. Пробајте и вие, ви препорачувам!

420 Macedonia: За што тебе ти помага канабисот и дали имаш излечено или спречено некакво заболување или здравствена состојба?

С. Г. Секако, ми го подобрува пред менструалниот синдром (ПМС) и расположението. Имав анксизност која повеќе ја немам, болки во мускулите кои ги имам бидејќи често пешачам со саати. Јас немам посетено доктор веќе 3 години, бев пред некој месец да си проверам крв и бев шокирана за резултатите - сè ми е во доволен број - што порано, кога не консумирав канабис не беше така. Исто така и сум крводарител, сакам да спасувам животи и ги охрабрувам сите да го сторат тоа!

Друштвениот вкусен момент :P

420 Macedonia: Канабисот е и храна и лек воедно, билка и зеленчук воедно. Дали знаеш некакви рецепти за подготовка на здрави прехранбени продукти од канабис?

С. Г. Коноповото семе  е одлично за ужина. Се користи на многу начини како прелив за салата, додаток во ручекот (наместо сол која е многу штетна за нашиот организам особено во прекумерни количини), може и да се прави: сладолед, колачи, чоколади... Јас ви препорачувам млеко од коноп и леб од коноп!


Млеко од коноп

Потребни состојки: 
* 1 чаша конопови семки (може да ги најдете во пет-шоп, продавница за здрава исхрана, меѓутоа да знаете семките се стерилни, но ако имате среќа и од нив може да ви никне нешто);
* 4 чаши природна минерална вода;
* 1 ванила стапче\ 1 цимет.

Начин на подготовка: Целата оваа смеса ја ставате во блендер и исфилтрирајте со газа, додадете засладувач (стевиа,к афеав шеќер, мед), по желба се додава некое шумско овошје. Доколку коноповите семки се со лушпа оставете да покиснат 8-12 часа (ја исцедувате водата во која се натопени семките). Потоа млекото можете да го додадете во вашето кафе, смуди. Ова е одличен извор на протеини кој ќе го убие гладот за подолго време.

Вака полесно се завршува факс! ;)

Леб од коноп

Потребни состојки:
* 900 грама брашно;
* 75 грама брашно од коноп;
* 75 грама лупени семки од коноп;
* 550 мл вода;
* 25 грама квасец;
* 20 грама сол;
* 10 грама путер.

Начин на подготовка: Брашната се ставаат во длабок сад и се мешаат сè додека не се соединат, потоа се додаваат и останатите продукти, а водата постепено се додава додека го замесувате тестото. Се остава 15-20 минути тестото да искисне (за тоа време пафнете си еден) и се пече околу 20 минути на 230 степени.


420 Macedonia: Дали сметаш дека одгледувањето коноп/канабис може да го подобри квалитетот на почвата за другите култури и дали може да ни ја подобри живостната средина?

С. Г. Република Македонија е бoгaтa сo aлувијaлни пoчви, бoгaти сo мoшне хрaнливи мaтерии и зaтoa се пoгoдни зa одгледувaње на рaзни земјoделски култури, меѓу кoи и кoнoпoт. Нo сепaк, пoрaди нерaциoнaлнoтo кoристње нa пoчвите и уништувaњетo нa целaтa вегетaцијa вo нaшaтa земјa, чест е случaјoт тие дa oсирoмaшaт или дa бидaт ерoдирaни. И недoвoлнaтa грижa зa пoчвaтa и вoдaтa, дoведувa дo нивнo зaгaдувaње сo штo тие не смеaт дa се кoристaт зa нaвoднувaње или зa сaдење, а познато е дека конопот е култура којашто не само што го прочистува воздухот подобро од шумите, конопот исто така ја прочистува земјата, дури и од штетното дејство на радијацијата. Затоа во Фукушима масовно треба да се сади коноп, но не само таму, конопот треба слободно да си расте насекаде низ светов!

420 Macedonia: Ова интервју е дел од Националната кампања за декриминализација на најлековитата билка на планетава во Македонија, преку која сакаме на секој да му дадеме можност да го искаже своето мислење, затоа што сметаме дека сечие мислење е важно. Што мислиш за граѓанското движење 420 Macedonia и за оваа кампања?

С. Г. ужива после активниот напоредн ден ^_^

С. Г. Одлично е сè што правите бидејќи вие го освестувате народот! Јас ве следам уште кога имавте 200 лајкови (случајно ве открив сама побарав 420 Македонија) бев шокирана кога видов дека во Македонија има ваква страна и премногу се израдував и измотивирав уште повеќе да ви се приклучам! Го охрабрувам секој да направи сè што може за ослободување на конопот, а сите кои немаат време нека стават лајкче на вашата страница на фејсбук, нека поканат пријатели да стават лајк и секојдневно нека се едуцираат и споделуваат информативно-едукативните објави што ги постирате! Секој што ја игнорира забраната на конопот е соучесник на таа забрана која секојдневно убива невини души, а самиот коноп до сега никого не убил!

420 Macedonia: Која е твојата порака до сите љубители, уживатели и поддржувачи на канабисот?

С. Г. Тој што не знае доволно за ова растение – Научи го!
Тој што има здравствени проблеми и депресија – Излечи го!
Тој што знае и ужива во ова растение – Дружи се со него!
Тој што вика дека канабисот е дрога и не лечи болести – Освести го и бегај од него!!!

Од хербариумот на С.Г. :)

С.Г. на сите ни препорачува да го погледнеме д-р Масару Емото:

Делчевчанецот Перо раскажува за неговото лично искуство со природниот лек канабис

Перо - Археолого Неолитски од Делчево

„Јас сум дипломиран археолог, моментално сум на магистерски студии исто на археологија. Хоби исто така ми е археологијата и читањето книги поврзани со оваа наука, :D а во последно време си играм со велосипедизам и тоа возење на кратки и долги патеки“ - вели 27 годишниот делчевчанец Перо - Археолого Неолитски, првиот храбар љубител на канабисот кој оваа билка ја консумира најчесто превентивно, т.е. рекреативно и сака да им каже на сите дека доста се криеме и дека е време секој јавно да ја раскаже својата приказна за канабисот:

420 Macedonia: Колку време консумираш канабис и во каква состојба е твоето психо-физичко здравје?

Перо Археолого: Па моето прво љубење со канабисот мислам дека беше на летниот распуст кога завршивме 8-мо одделение. Тогаш имав 15 години, сега имам 27. Математички излегува дека консумирам канабис околу 12 години. Тогаш се сеќавам дека не пушевме џоинт, туку правевме бонг во шише, сето тоа измешано со шишиња алкохол беше интересно, занимливо. Па, моментално можам да кажам дека имам добро психо-физичко здравје, сполај му на Џ-то. 

420 Macedonia: Опиши го твојот прв HIGH! :)

Перо Археолого: Како што кажав во претходниот одговор мојот прв HIGH беше многу инетересен. Бевме излезени и поднапиени и дојде еден другар со едно шише и канабис. Го спремивме за употреба и тргавме од него, после тоа беше хаос, смеење, пеење... Откачување до даска. Морам да признаам дека беше многу интересно и забавно и никој не беше на било каков начин загрозен, ниту повреден.

420 Macedonia: Дали имаш излечено или спречено некакво заболување или здарвствена состојба со помош на канабис?

Перо Археолого: Па, пред извесно време мислам дека почнав да имам проблеми со анксиозноста. Мислам дека сè уште таа е моја „верна и добра другарка“ која што од време на време знае да ме потсети дека е жива. На почетокот мислев дека тоа е последица од канабисот, но после разговорот со неколку другари ме убедија дека тоа нема веза едно со друго. Тогаш направив мала пауза од Канабисот ама ништо не се смени. Подоцна се одлучив да продолжам да дувам и еве во оваа прилика да се пофалам дека некои „бедови“ се веќе минато зад мене. Благодарение на Џ-то пред сè.

420 Macedonia: Канабисот за тебе е...

Перо Археолого: Хм, интересно прашање. На ова прашање би сакал да се задржам малку повише ако може. Студирајќи го човековото минато дознав дека уште пред 12.000 години (околу 10.000 год. п. н. е.) човекот го имал канабисот како дел од своето секојдневие (мислам дека беше сативата). Ова го кажувам затоа што сметам дека канабисот е една од основните билки за производство на орудијата или лековите, па на крајот и средство за опуштање, изведување на разни ритуали и забава за хомосапиенсот низ неговата историја. Јас лично сметам дека човековата историја без канабисот би била малку подруга, не велам дека канабисот ја креирал историјата, но сепак мислам дека благодарение на таа билка биле измислени доста технолошки новитети и била развиена фантазијата и креативните способности на луѓето. Тука пред сè мислам на развојот на културата, уметноста и религијата, па и науката. Тоа би било на кратко моето гледиште за канабисот низ историјата и една благодарност до него, но какво е моето гледиште во денешницата? Морам да признаам дека малку ми е жал за канабисот, а уште повеќе за хомосапиенсот. Жал ми е затоа што „незаконски“ според природните законитости канабисот и човекот се разделени. Мислам дека доколку би можеле да ги користиме сите придобивки од канабисот би имале поздрава планета пред сè, помалку болести и повесел и попозитивен народ, што би резултирало со подобар живот. Јас и понатаму го гледам канабисот како билка од која што можеме да искористиме доста позитивни нешта, тоа и се трудам да го правам, на различни начини да останеме во љубовна врска со канабисот, се надевам до крајот. Еве во неколку реда тоа е канабисот, не само за мене туку за нас, умните хомосапиенси кои што за жал се сетивме дека можеме да го прогласиме за нелегална дрога и да правиме пари од канабисот...

420 Macedonia: Дали си слушнал или сведочел дека канабисот лекува рак, епилепсија и други болести?

Перо Археолого: Па, секако да. Сум слушнал повеќе случаи каде што канабисот успеал да излекува дури и „неизлечиви“ болести. Имав едно искуство во фамилијата со борба со рак, за жал се заврши трагично но, мислам дека консумирањето на канабисот ако не друго, успеа да ги ублажи болките и да ги направи „попристојни“ последните неколку месеци од животот на татко ми. Ситуацијата беше отидена до таму да нема назад, но како што велеше тој, после земањето на маслото од канабис се чуствуваше подобро барем за некое време. Еве за жал јас неможам да кажам дека сум успеал да победам една страшна болест со канабисот но, сепак има многу примери на кои им успеало тоа, на крајот овде би се вклопила поговорката „боље спречити него лечити“ или у превод навремена консумација на маслата од канабис во борба против разни болести, наспроти отровните и штетни зрачења, хемии и слични „тивки“ убијци.

420 Macedonia: Дали лично познаваш луѓе кои успешно се излечиле со канабис од серизни дијагнози?

Перо Археолого: Лично не познавам луѓе кои што потполно се излечиле, но знам повеќе примери на пријатели, другари... од трета рака.

420 Macedonia: Кој начин на консумирање канабис го преферираш и колку често? Кое е твоето омилено време за консумирање и како?

Перо Археолого: Па, најчесто го консумирам преку пушење тако звани „Џоинт“ или „Фиш“ или „Кебап“ или „Пиперче“ или „Макамче“ или... зависи од кој крај се луѓето со кои пушиме хехе. Колку често? Па може да биде по неколку пати на ден, зависи од ситуацијата и колку се има. Омилено време за консумирање е утрото уз кафенце, денот утрински се познава, така велат и старите, можеби и тие така го почнувале кога биле млади. И да не заборавам, сепак најдобро е кога ќе се „пафне“ после некоја ракиичка :)

420 Macedonia: Дали до сега си имал проблеми со законот поради канабисот и какви?

Перо Археолого: За среќа не сум имал проблеми со законот иако неколку пати сум имал многу ситуации кога било многу „топло“, една од нив е за во некој филм, за наш Балкански филм.

420 Macedonia: Индика, сатива или хибрид и колку грама месечно влегува во твојот систем?

Перо Археолого: Па, омилена ми е индиката, ама пошто нема многу простор за избор „дај шта даш“ е ситуацијава. За грамажа не знам точно, можеби околу 40 г., во денари можам попрецизно да кажам ама не сакам.

420 Macedonia: Која е твојата омилена врста канабис?

Перо Археолого: Индика.

420 Macedonia: Најконструктивната идеја којашто ти дошла под дејство на канабис?

Перо Археолого: Враќање во неолитскиот период во мислите. Неолитскиот период е мојот омилен период и моја основна цел на истражување. Досега многу пати сум патувал назад во тој период и сум го реконструирал животот на луѓето до детали, штета што неможам во тој момент да ги запишам или наснимам мислите. Прекрасно е чуството кога се враќаш во неолитот, па макар и само во мислите.

420 Macedonia: Што најмногу ти се прави кога си HIGН? Или можеби тоа тебе не ти прави никаква разлика?

Перо Археолого: Па, немам многу што да кажам за ова прашање, нема некоја разлика во секодневието, ми се јаде сладолед во лето и ајвар во зима :D

420 Macedonia: Како тебе консумирањето канабис ти има помогнато и/или одмогнато во животот и на професионален план?

Перо Археолого: Па, на професионален план можам да кажам дека ми има помогнато. Тука пред се затоа што со канабисот сум успеал многу пати да ја развијам мојата фантазија и да ми се отворат повеќе мисли за изучување на човековото минато. Мислам дека канабисот може многу да помогне кај повеќе професии кои се занимаваат со уметсност, креација, пишување итн. 

420 Macedonia: Како според тебе треба да биде законски регулирана Пресветата билка којашто лекува рак и ред други болести за кои до ден денес конвенционалната медицина нема ни теоретско решение?

Перо Археолого: Па, ако не повеќе да ни дозволат да произведуваме за свои потреби, мислам за консумирање за рекреативни цели и за лек, или па за производство на разни добра, секој нека си одбере како ќе ја користи оваа како што велите Пресвета билка. Тоа нека ни го дозволат, а после нека станат поригорозни казните за оние коишто ќе сакаат од тоа да прават бизнис и да го злоупотребуваат. Еве според мене така би било најубо. 

420 Macedonia: Што според тебе секој индивидуално треба да (на)прави за канабисот во Македонија да се декриминализира во буквална, вистинска смисла на зборот – за да можеме да си го купуваме/продаваме легално како камилицата, нането и босилекот на зелено, а не на црно пазарче :) ?

Перо Археолого: За почеток јавно да се зборува и да се едуцираат младите за оваа билка насекаде. И во школо и пред родители и пред пријатели, па и пред внатрешните органи (полицијата). Само на тој начин можеме да им кажеме дека тоа не е ништо опасно и да им ги олабавиме ококорените очи кога ќе го слушнат зборот „марихуана“. Еве тоа за почеток, натаму работите ќе си одат како што треба. На мене ми успеа да ја доближам оваа билка до моите најблиски кои на неа гледаа како на.. како на... не знам што ама страшно нешто. За среќа тоа повеќе не е така, полека се враќаме во реалноста!

420 Macedonia: Како ти се допаѓа нашето граѓанско движење 420 Macedonia?

Перо Археолого: Ај лајк ит, Ај ЛАјК ИТ А ЛОТ!!! (реакцијата на Џим Кери во Dumb and dumber). Тука сме за поддршка и за помош ако се може.

420 Macedonia: Што ќе им порачаш на сите вљубеници, уживатели и поддржувачи на канабисот?

Перо Археолого: Еве прво да им порачам на сите што не пробале да пробаат, на сите што не виделе да видат, на сите кои не допреле да допрат. На останатите на кои ова им е секојдневие, останете така. Зборувајте за овој наметнат „проблем“ насекаде и не плашете се од ништо, треба да им се каже на внатрешните органи дека тоа е само една обична корисна билка која што некој си будала ја нарекол „дрога“, зошто така ја нарекол никој досега не кажал ама тоа е. Канабисот може да биде и лек и лек, од тебе зависи што ќе одбереш. И на крајот би сакал да ни го отворат прекрасниот шпајз на Македонската почва и сонце за да можеме да се натпреваруваме кој подобар лек ќе одгледа (од рекламите за храната на МТВ). И Еден апел до „надлежните“ за овој проблем (пошто нивна е планетата и тие кажуваат што да правиме на неа): Оставете ги луѓето кои што како Вас се гости на оваа планета по неколку 10-тици години да ги уживаат сите добра кои што ни ги нуди таа. Сигурен сум дека нема да пропадне планетата ако канабисот се легализира или ќе се отворат војни и немири. Ништо нема да се промени ако канабисот се легализира, грешка моја, ќе се променат многу работи, ќе има посреќни и опуштени луѓе и помалку несраќни ситуации и на крајот конечно поголем развој на културата и уметноста во нашата ни мила Македонија, во којашто малку отпоише ни живеат хомосапиенси со чудни гледишта на животот ни еден и единствен. 

П. С. Кој си сака да дува, да го оставиме да си дува, кој сака да пие да го оставиме да пие. Само во мир и разбирање и „само да рата не буде“. Пуштете го канабисот во легала и отворете ги фрижидерите на продавниците после 19 и 21 ч. За по некоја капка алкохол. Направете го нашиот живот подобар.