Уште една успешна канабис битка на мајка со епи-нападите на нејзината ќерка

Меган со својата ќерка Меди

Мајката Меган Холт (Meagan Holt) конкретно се залага за употребата на медицинска марихуана како третман за една ретка форма на епилепсија „Grand Mal seizures“ (Generalised tonic-clonic seizure), односно последица на болеста Zellweger Syndrome

Животниот пат на нејзината четири годишна ќеркичка Меди (Maddie - Madeline) е секојдневие за многу родители... Поради недостатокот од научни истражувања, мајката на ова девојче се` уште точно не знае до која мера и точно на кој начин лековитата билка канабис ѝ помага на нејзината ќерка. Но едно е сигурно - ѝ помага без несакани споредни ефекти!

Се` повеќе пациенти со епилепсија користат медицинска марихуана

Но, дали употребата на растението канабис го олеснува ова бебенце од тешките симптоми од болеста? Апсолутно, да! Дали билката успеа да ги стопира нејзините напади што го загрозуваат нејзиниот живот? Дефинитивно, да! Дали третманот со канабис докажа дека Меди нема повеќе потреба од сите оние штетни лекови? Погодивте - ДА!  И најважното прашање: Дали малата Меди ја промени свеста на многу родители кои се плашат своите деца да ги лекуваат со марихуана, поради страв од законската регулатива? Без сомнение! Случајот на ова детенце ја промени и свеста кај многу доктори и медицински професионалци исто така. 

Новели е 95 дена по ред без епилептичен напад благодарение на канабисовото масло!

Разликата по третманот од канабис е очигледна...

„Но, што доколку некој нов симптом на болеста се појави? Што доколку оваа ретка форма на епилепсија се врати? Не знам колку време мојата ќерка има на оваа планета, но она што го знам е дека нејзино човечко вродено право е безбедниот пристап кон оваа билка која животот ѝ го спасува. Со канабис таа се радува, таа игра, таа се смее и може да биде повеќе своја (индивидуална)“ - изјавува мајката на ова девојче.

„За мене ова не е избор, ова е нешто што јас морам да го правам; да ѝ го обезбедам на Меди олеснувањето коешто таа го заслужува користејќи канабис. Моја должност е да застанам зад мојата ќерка. Јас морам да се залагам за употребата на ова растение за Меди и други деца кај кои исто така може да е корисно, па дури и да им спаси живот. Јас си поставив како животна мисија да ѝ покажам на медицинската заедница, јавноста, нашите законодавци, дека е веќе доста“ - објаснува таа.

Првото епилептично бебе лекувано со канабис под медицински надзор

„Ниеден родител не треба да поминува низ она низ коешто поминавме јас и мојот сопруг. Замислете како гледате четири возрасни мажи кои ротираат давајќи му прва помош на безживотното тело на мојата ќерка, додека алармите свират... Дали не би направиле се` за да му помогнете на своето дете? Дали ќе истражувате за алтернативните решенија кога тимот од експерти што се грижат за вашето дете тврди дека не постои ништо друго што може да се стори? Јас нема да престанам да му го давам природниот лек на моето бебе што ѝ го спасува животот и нема да престанам да се залагам за оние без глас сè додека нема да бидат сослушани“ - заклучува напатената мајка...

Извор: The Fresh Toast