Кое фармацевстко масло од канабис е полошо, а кое е подобро?!?

Вистината е дека и маслото на Реплек и маслото на Freyherr се со недоволна количина на двата главни канабиноиди THC и CBD, како и на останатите канабиноиди, флавоноиди, терпини и други молекули коишто се од круцијално значење кога некој сака да излечи нешто сериозно!

Во суштина ќе треба да се изнафрлате пари за да ја добиете потребната доза, ако сакате да се излечите од некоја од терминалните болести или автоимуни компликации. Со овие масла не може да излечите РАК! Одговорот или решението на овој проблем е бојкотирање на овие масла со нивно некупување, за да ја предизвикаме побрзо целосната либерализација. 

Основното мото на граѓанското движење 420 Macedonia е целосно ослободување на растението коноп/канабис и негово вадење од законските стеги, дозволување на слободно производство, продажба, преработка и секаков вид на употреба и да може секој да си одгледува и произведува растенија и масло во својот дом за свои лични потреби. Во тој случај секој ќе може да си набави семе по лична потреба и да си направи лек по исто така своја потреба, затоа што нели веќе сите знаеме дека секоја индивидуа е различна и реагира поинаку на врстите канабис и дозите. 

Самите научници кажуваат дека екстрактите треба д абидат правени од мешани врсти и да се менуваат од време на време и секој треба да тргне во потрага по соодветната врста најдобра за неговата сдравствена состојба, која ќе му/ѝ прија. Што значи дека наметнувањето од страна на Здружението Зелена Алтернатива дека ова толку преслабо масло го претставуваат како универзално за сите и за сè е тотално апсурдно, бесмислено, лажно и се коси со сите досегашни нивни изјави и ставови кои ги пласираа во јавноста за фармафијата...

Можеби светот пополека се отвора кон насушново прашање за изборот на лекување, но ние имаме шанса тоа да го направиме, не само обезбедувајќи им профит на фирмите, туку и давајќи им можност на луѓето сами да се снаоѓаат, без да бидат материјално или легалистички гонети и онеправдани. 

Ако ракијата е легална да се пече по дворовите (најпотентниот опијат што го познава медицината), како тогаш може да дозволувате забранување на лично производство на лековита билка којашто никого до сега не погубила, а безброј луѓе воскреснала од смртна постела! 

Значи да сумираме: Freyherr божемниот екстракт исто како и божемните масла на Реплек Фарм се производи наменети за продажба, како и секој друг производ на пазарот, кој се бори со пазарната конкуренција со производите слични на него. Не можеме да кажеме кое масло од овие две е подобро а кое е полошо - двете не се добри! :) ...зашто да фрламе толку пари за да испробуваме, кога рецептот за подготовка на вистински висококонцентриран екстракт (смола) од канабис FECO (Full Extract Cannabis Oil) по наједноставниот метод на екстракција РСО со изопропил алкохол го имаме на интернет и најгоре на нашата Фејсбук страница. Уште е рано и уште многу други фирми ќе понудат свој производ на пазарот. Со конкуренција и квалитетот и составот на производите ќе се подобруваат, а до тогаш САМИ ПРАВЕТЕ СИ ГО МАСЛОТО!!! Лекот канабис расте од земја, а не во аптека! ;)

Најисплатливо е самостојно да си го правите маслото од канабис во својот дом

Aнализа од домашно направено масло

Маслото од канабис се користи за стрес, анксиозност, нервоза, депресија и мускулни болки, бидејќи канабиноидите дејствуваат невропротективно. Може да се користи и против гадење и повраќање, особено за време на хемо или зрачна терапија кај малигните заболувања, за што се одговорни канабиноидите што помагаат во одржување на балансот на цревната флора. Ублажуваат и состојби на болка од различно потекло порaди изразеното противвоспалително и аналгезично дејство.

Екстрактите може да се користат за превенција од кардиоваскуларни болести - дејствуваат вазорелаксантно и помагаат при регулирањето на крвниот притисок, ја подобруваат работата на срцето, дејствуваат кардиопротективно и антиисхемично, може да помогнат во регулирањето на покачени концентрации на липиди и холестерол во крвта, може да помогнат во регулирањето на покачената концентрација на гликоза во крвта.

Македонско зелено злато од Облешево!

Од пред неколку месеци, во аптеките низ државата започна да се продава многу разреден екстракт од канабис „Каноил“ произведен од фармацевтската компанија „Реплек“, но граѓаните се пожалија на високите цени и слабата концентрација на супстанциите ТХЦ и ЦБД, кои се користат за лечење. Како што изјавува Утрински весник, во аптеките во земјава од 24 август 2016 (среда) во продажба, конечно се најде и „медицинското масло“ од канабис со малку зголемена концентрација од првиот производ, најавено од страна на Агенцијата за лекови како „јакото масло“, кое со само со лекарски рецепт од доктор ќе може да го купат само болни со малигни заболувања, мултиплекс склероза, ХИВ и епилептични синдроми во детската возраст. Станува збор за препаратот „Канобил канц“, маслени екстракти од билката канабис, кои во својот состав содржат строго контролирана концентрација на активните компоненти ТХЦ (тетрахидроканабинол) и ЦБД (канабидиол) и според упатството за употреба се наменети за пациенти со малигни заболувања. Производителот тврди дека едниот препарат содржи 300 милиграми ТХЦ+ 300 мг ЦБД во пакување од 120 милилитри, додека другиот има 600 мг ТХЦ+ 600 мг ЦБД во пакување од 240 милилитри. За жал, како „послабото“, така и ова „појаково“ масло - ја немаат моќта целосно да се спротивстават на многу заболувања, што може успешно да се излечат со помош на високо концентрирано масло направено во домашни услови.

Канабисот се јаде суров како зеленчук

Освен ова масло, во продажба ќе бидат пуштени и други фармацевтски форми од послабото масло, кое веќе е во слободна продажба. Во Агенцијата за лекови се надеваат дека ќе паднат цените на овие препарати, зашто веќе има две барања за производство на марихуана, која ќе се користи за производство на масло. Овие фармацевтски производи со марихуана ја немаат моќта да излечат рак. За сега, само домашно произведеното масло од канабис од појаките сорти со седативно дејство може да излечи рак. Купувањето на маслото од канабис на црниот пазар е многу ризично и затоа најдобро е да си го направите сами во својот дом.

По божемната легализацијата на канабисот во Македонија за медицински цели, односно по монополизацијата, активистот Филип Достовски од здружението што се бори за легализација на лекот во Македонија Зелена Алтернатива од Скопје, два пати `и погледнал на смртта во очи. Прв пат кога на 15 годишна возраст му бил дијагностициран рак и се излечил со конвенционални методи. Вториот пат пак, решил тоа да го направи со масло од канабис со неверојатен успех што до неодамна, во Македонија беше забрането за употреба. Филип до ден денес со домашно изработен екстракт од канабис го превенира ракот кај себе. Тој реално гледа на новиот производ на Реплек, ги кажува неговите предности, но и недостатоци, а отсега како што вели за Телевизија 21 ќе работи на тоа како поефективно да се употребува маслото од канабис. За маслото од канабис што веќе се продава во аптеките вели дека не е лошо, но е прескапо во однос на квалитетот.

Aнализа на микс од 3 сорти

„Првата слика е анализа од домашно направено масло и се однесува за 1 милитар масло...значи во 1 милилитар масло од првата сорта има 800 милиграми ТХЦ... Втората анализа е микс од 3 сорти и има 650 милиграми ТХЦ.. За повеќето видови канцер се користи по 1 мл на ден поделено во 3 дози.. На втората слика се прикажани маслата кои ќе бидат на рецепт... Дигитроните во рака, па рачунајте сами..... И да се разбереме... Овие масла ако ги користиш на пример немаш сајдефекти од хемо и од зрачење, супер е за веќе излечени од рак, за превенција, супер е за многу работи...ама вистинските антитумор ефекти се постигнуваат со тоа од 120 мл да го испиеш за еден месец, му доаѓа 10 мг ТХЦ на ден, што е супер за да МНОГУ ПОВЕЌЕ ТХЦ..значи овие масла се ОГРОМЕН напредок од оние претходните, ама Македонија може многу боље...“ - истакнува активистот Филип Достовски од Зелена Алтернатива.

Промоцијата на новото масло на Реплек

И двата препарати се производство на фармацевтската куќа „Реплек фарм“, прва фирма која на македонскиот пазар го донесе ова лековито масло, а кои веќе беа промовирани пред лекарската јавност. Овие лекови ќе можат да се набават во аптека исклучиво на рецепт од лекар специјалист. Препаратите ќе се продаваат по астрономски цени од 5.544 денари за „Канобил канц 300“ и 9.240 денари за „Канобил канц 600“. На промоцијата на Реплек присутни двајца без тројца... 

„Бев на промоцијата на Реплек и можам да заклучам дека во земјава не станува збор за легализација туку за монополизација. ќе биде 4000 ден, а на поголемото 7000 ден, плус рецепт. Д-р Милан, поздрав до него (со Претпоставувам сега ќе бидат уште поригорозни? И што правиме за другите болести и состојби кај кои канабисот докажано дава резултати? Од психосоматски до бла бла? И што правиме со прехранбени продукти (брашно, млеко, зејтин)? Важно они се заштитија од нелегалната конкуренција кај најпрофитабилниот пазар (канцер пазарот). Цена на 120 мл мала реплика на неговите мудрости), да не беа тие џанаци и наркомани со своите нестандардизирани екстракции, тие доктори, политичари и пандури уште ќе шетаа по земјава со целата своја глупост и ароганција мислејќи дека марихуаната е штетна и предизвикува шизофренија“ - вели активистот Еди Истер.

Реплек не ја кажува целата вистина - не кажува дека оваа разредена концентрација на канабиноиди не е во состојба да му се спротивстави на канцерот. Тие тврдат дека „Во зависност од болеста, месечно требаат по 2-3 пакувања“ - вели Дарковска-Серафимовска, а со таа концентрација потребни се многу повеќе пакувања за третирање било што. Црниот пазар за квалитетно и потентно канабисово масло што лекува рак, на овој начин нема да се сузбие. „Како резултат на многуте напори на Владата, голем број лекари и здруженија, граѓаните конечно го добија канабисот за легална употреба во медицински цели. Препаратите се произведени по највисоки стандарди, со стандардизирани суровини од европско потекло. Најважно е дека пациентите кои имаат потреба од овој тип на препарати, конечно, добија можност да набават проверени, исклучително квалитетни, безбедни и строго контролирани производи“ - велат од „Реплек фарм“.

Достовски уште тврди дека сортата на канабис што расте во Источна Македонија делува на сите автоимуни болести но и на дијабетес, на алергии, убоди од инсекти, на изгореници. „Имаме суво злато без пари, а ние маслото го увезуваме“ - вели Достовски, кој тврди дека конопот што расте во Источна Македонија може да се употребува или како помош или како лек за повеќе болести. Поради залагањето за легализација на марихуаната Достовски неколку пати имал проблеми со полицијата, но како што вели тој, се` ќе се реши кога ќе му дојде времето. 

Македонскиот див коноп

Тој, заедно со уште еден член од организацијата пред три недели беше приведен, па пуштен. Но, оттогаш, како што вели Достовски, не знае што се случува, иако му било кажано дека ќе биде повикан пред истражен судија. „Јас уште тогаш им кажав на полицајците, ако сакаат да ме спречат да го правам ова, тогаш нека ме затворат доживотно, бидејќи јас ќе продолжам да им помагам на луѓето“ - вели одлучно Достовски. Тој вели дека помош од него бараат млади и стари, богати и сиромашни, јавни личности и тотално анонимни граѓани, па дури и лекари кои го негираат медицинското дејство на канабисот.

Септември е најпогоден месец во годината за берење на дивиот коноп, односно канабис, вели Филип Достовски за Радио МОФ. Според него, во Македонија има квалитетен див коноп од кој може да се прави масло во сечиј дом, најпогодно за лекување на епилептични напади и кај мали деца, иако законски се` уште е нелегално физички лица да ја берат оваа билка и да го приготвуваат овој лек. Според него околините на Скопје, Тетово, Битола, Кочани, Гевгелија и Прилеп се места каде може да се забележи квалитетен коноп што расте слободно.

Ова масло може многу да ти помогне,
но нема да те излечи од канцер...

„Од оваа недела и во следните 4 или 5 недели може да се собира нашата дива сорта... Рецептот за маслото побарајте го на Youtube.. ’how to make RSO oil‘... Маслото од оваа сорта е супер за епилепсија, за анксиозност, за биполар... Видете на Google: CBD type treatment.. Лисјата можете да ги искористите за смудија и салати... Сo среќа“ - додава Филип во групата на здружението. Ние би додале дека листовите се идеални и за правење чаеви.

„Во Македонија има повеќе региони каде може да се најде див коноп, но тоа се повеќе сорти. Има диви автохтони сорти, кои растат природно, но има и остатоци од индустрискиот коноп кој се одгледувал за време на Југославија. Тој повеќе расте во висина и има само мал дел од супстанцијата која се користи за лечење. Во нашите сорти и тој индустриски коноп, речиси воопшто нема од психотропната супстанца ТХЦ, или малку, додека во изобилство содржат ЦБД. Тоа е супстанцијата која многу добро лечи епилепсија, биполарно растројство, анксиозност, несоница и слично, додека ТХЦ повеќе се користи при лечење на рак“ - објаснува Достовски.

До конечниот продукт, односно маслото, има неколку фази, вели тој. Прво е берењето, за кое Достовски смета дека е најпогодно овој период. Тој објаснува дека кога растението вегетира, односно не е во фаза на цветање, не е лековито. „Речиси сите сорти, кога и да ги засадиш цветаат во исто време и се берат од први септември до први октомври. Конкретно нашата сорта веќе од среда може да се бере“ - вели Достовски.

Како што се намалува денот, во средината на јуни, така овој вид на растение почнува да цвета во наредните осум до 12 недели, појаснува тој. Според она што го забележале на терен како организација, сортите на коноп кои ги има во државата се разликуваат, па така, семките од конопот кој би се нашол во Тетово се ситни и потемни, додека семките во Кочани се посветли. „По берењето, растението треба да се исуши десетина дена, во мрачна просторија и проветрена просторија, а потоа почнува приготвувањето на маслото“ - продолжува да објаснува активистот.

На интернет може да се најдат илјадници примери за тоа како се прави масло од канабис. Причината за ова, според Достовски, е бидејќи се разликуваат сортите на канабис и видот на болеста што се третира. Но, како најдобар пример го посочи рецептот на Канаѓанецот Рик Симпсон, кој во светот е познат како најголем поборник за легализација на канабисот во медицински цели и човек кој бесплатно со целито свет го сподели рецептот за правење на ова масло што лекува рак. Со него, вели Достовски, луѓето може да направат екстрат во своите домови.

„Се разликува начинот на приготовка во зависност од тоа дали станува збор за мачкање на кожа или треба орално да се внесе“ - потенцира Филип. Според него, луѓето кои самоиницијативно ќе решат да го направат маслото, прво мора добро да се информираат за фазите на приготвување. „Прво, за да се направи маслото треба растворувач што ќе ја раствори смолата од растението, а потоа растението се фрла. Како растворувач може да се користат секакви хемикалии, само важно е да бидат без адитиви, како чист алкохол, бензин, ацетон, бидејќи во спротивно, тие може да бидат токсични и да останат во маслото“ - напоменува Достовски.

Од кујната на Филип Достовски :)

Потоа, продолжува, растворувачот мора да испари, а тоа се прави на висока температура за на крај, смолата да остане во тенџерето. Следен е процесот на активација, кој исто така се одвива на висока температура и е важен, бидејќи без да се изврши овој процес, молекулите на ТХЦ и ЦБД нема да бидат во својата активна состојба, а со тоа не се лековити. По активацијата, се добива ТХЦ и ЦБД. „Луѓето не се запознаени со третата фаза и затоа често не прават добро масло. Тие ја вадат смолата од растението, но не знаат дека треба да се активира. Тој процес на активација се случува кога на пример се пуши џоинт од самиот чад. Истата количина на канабис што е ставена во цигара може сам човек да ја изеде и воопшто да нема никакво психоактивно, дејство бидејќи во таа состојба не е психоактивно“ - заклучува Филип Достовски.

Како што изјавуваат од Нова Македонија, во ќе се понудат и супозитории и таблети за џвакање со мала доза ТХЦ, кои ќе може да се купат без рецепт. Марија Дарковска-Серафимовска директорката на Агенцијата за лекови вели дека веќе има две компании што поднеле барање до Министерство за здравство за производство на марихуана и сега е во тек проверка за тоа дали ги исполнуваат условите, т.е. се чека тоа да го утврди комисија. Доколку добијат дозвола, првите производи при оранжериско производство би ги имале за околу шест месеци. Од нив потоа се бере цветот, се обработува и со добива масло. Секое растение ќе има свој баркод, а контролите ќе бидат големи. „Верувам дека овие компании понатаму сами ќе произведуваат масло. Со зголемувањето на конкуренцијата очекуваме и пад на цените на маслото“ - вели таа. Ова може да го сфатиме како најава за пад на цената на канабисовиот цвет? :)

Не апсете ги активистите кои се борат лекот да е легално достапен за сите нас!

Филип Достовски од Зелена Алтернатива

Двајца активисти на Зелената Алтернатива, здружението што беше еден од иницијаторите за легализација на марихуаната во Македонија, на 28 (четврток) се приведени, па пуштени од страна на полиција. Како што објаснува Филип Достовски, еден од приведените, на 28 јули попладне полицијата влегла во неговиот дом, додека тој бил надвор од дома, правел масло кај некои пациенти. Откако му јавиле дека се врши претрес, веднаш се предал на полицијата по што бил однесен на испрашување во полициска станица. Според него, приведувањето е поврзано со неговиот активизам за маслото од канабис. Според информациите со кои располага Вечер.мк, тој не бил под истрага, ниту пак бил оформен предмет за него, па зачудува фактот што наредбата за претрес потпишана од судија од скопскиот Кривичен суд дошла буквално како „гром од ведро небо“.

Филип држи предавање во Охрид, 2016

„Кај нас беа пронајдени 300-400 грама канабис. Тоа е количина оставена од пациенти што се лекуваат со канабис, за да им правиме масло. Ги имаме и пациентите како сведоци кога ќе дојде време за суд. Сите знаат дека не сум дилер. Тоа го знаат и полицајците. Ова не е некакво си алиби, туку вистината“ - вели за МКД.мк еден од најистакнатите активисти за легализација на канабис Филип Достовски, кој пред два дена (28.07.16) од седум часот беше приведен во полиција и таму беше држен до кај полноќ.

Достовски потенцира дека приведувањето е доста симптоматично и (не)очекувано, особено што доаѓа откако периодов се разви голема дискусија на социјалните мрежи – се разменуваа мислења, бројки, истражувања и факти за канабисот и канабиноидите (основните активни супстанци), се дискутираше доста за маслото со ЦБД што почна да се продава по аптеките, за кое самиот смета е прескапо и преслабо. „Како да купувате вода. Имаме добар закон за пациенти, кој секако дека може да се подобрува. Ние се зајадовме со компанијата која продава масло од канабис во аптеките, бидејќи тоа доведе со зголемување на црниот пазар. Така, за иста количина масло кое ние (нелегално) го правиме со екстракција на канабис за 3.000 евра, во аптеките тоа би чинело околу 40.000 евра, пресметано според процентите на канабиноиди“ - објаснува Достовски.

Дел од заканите на Реплек

Поради тоа што јавно ги критикува ваквите политики, вели дека неодамна добил закани по телефон дека треба да молчи, за да не заврши во затвор и за да не бидат превземени некои други мерки. Филип исто како и некои други активисти од Зелена Алтернатива и 420Macedonia, по јавно објавените реакции нивна страна за граѓанското незадоволство од „квалитетот“ на екстрактот од канабис наречен „Каноил“ на Реклек, (коешто не заслужува ни да се нарече екстракт, туку едноставно разредена тинктура), периодов добиле низа закани од одредени личности. Телефонски закани добиваше и активистот Давор Ангеловски. „По неколку негативни коментари за производителот кои ги имав објавено на социјалната мрежа Фејсбук или пак, дадени во медиумите, јас добивав телефонски закани. Броеви од странство кои потоа мистериозно исчезнуваа од логовите во мојот телефон. Заканите ги имам пријавено во полиција“ - вели Филип. Тој исто така, бил приведуван повеќе пати без причина. Вечерта заедно со Достовски беше уапсен уште еден член на Здружението „Зелена Алтернатива“. Како што изјавуваат од Радиомоф.мк, пред неколку дена тој е претресуван од полицијата, уапсен и казнет пред влез на 50 метри од дома и тоа за неносење лична карта.

Филип држи предавање

„По сето што се случуваше периодов, синоќа добивам повик од дома за да ме информираат дека ми дошле од одделот за Недозволена трговија и шверц (НТШ) на претрес. Отидов, а во меѓувреме дошле на претрес и кај друг другар, исто така дел од Зелена Алтернатива, со кој заедно помагаме на пациенти. Во полиција бевме од седум часот до кај полноќ. Сето она што го зборувавме таму десетици пати сме го повториле и јавно, за нашите континуирани иницијативи, заложби како здружение..“ - потенцира Достовски, кој и самиот се лекува со канабис против рак на белите крвни клетки - Хочкинов лимфом и маслото му помага болеста да не се врати. „Од МВР засега не се достапни за коментар за случајот со приведувањето“ - изјавува НоваТВ.мк.

Филип потврдува дека односот на полицијата бил во ред. „Полицајците беа коректни за време на претресот и за време на распитот во Одделот за недозволена трговија. Канабисот кој го најдоа кај мене ми е даден од пациенти за да им правам масло и тоа тие ќе го потврдат. Против мене е поднесена кривична пријава и ме пуштија да се бранам од слобода до почетокот на судскиот процес“ - изјавува Достовски. Филип ја искажува својата огромна благодарност до сите. „Би сакал да им кажам НАЈГОЛЕМО ФАЛА на сите што помогнавте, на сите мои пријатели што ги знам и што не ги знам.. Фала на македонската јавност за поддршката, фала на службениците од МВР за коректниот однос и разбирањето, фала на адвокатите што се појавија, фала на луѓето кои се јавуваа во НТШ и ми помагаа да излезе вистината (знаете кои се)... исто така фала на непријателите за мотивацијата... СИТЕ ВЕ САКАМ (нормално некои повеќе, некои помалку)“ - истакнува Филип на својот ФБ профил.

Во Македонија беше донесен Законот за употреба на масло од канабис во медицински цели, по што дозвола за негово производство доби само фармацевтската компанија Реплек. Но, маслото за медицински цели кое содржи ТХЦ, се` уште не е почнато да се произведува и го нема во аптеките. Во моментот, во аптеките може да се најде само масло кое нема ТХЦ, а кое нема ни ЦБД и е само дополнување на конвенционалната терапија. Ова масло не може на болните да им даде ни надеж дека ќе оздрават поради лошиот квалитет. Во таква ситуација, пациентите се` уште се препуштени сами на себе и се принудени да се снаоѓаат и да го купуваат маслото на црно. 

Ова „масло“ нема да те излечи!

Три илјади денари за 50 милилитри масло од канабис во кое има помалку од 0,2% ТХЦ и меѓу 5-7% ЦБД е причината поради која шишенцата стојат на рафтовите во аптеките на „Реплек“ и речиси не се продаваат. Поборниците на легализацијата, невладините организации кои се занимаваат со оваа проблематика и секако експертите, предупредуваа дека надлежните и производителот Реплек мора да внимаваат најмногу токму на овие аспекти од проблемот. Според Филип Достовски легализацијата на маслото од канабис во Македонија е само стартна основа за да се работи на оваа проблематика. Тој смета дека маслото кое во моментов се продава во аптеките, нема да има речиси никакви ефекти поради малата концентрација, а најголем проблем е цената поради која овој лек е речиси недостапен.

„Она што се продава во аптеките е масло кое не може да предизвика ниту „плацебо ефект“. Маслото кое јас го користам за да се лекувам од рак има 8% ТХЦ и 28% ЦБД, па сега вие самите пресметајте колку шишенца јас треба да купам од аптека за да го има истиот ефект“ - истакнува еден болен граѓанин кој се лекува со масло за Вечер.мк. Она што требаше да биде спас или барем олеснување за најтешко болните повторно стана проблем, пред се` поради цената, но и поради нискиот квалитет поради кој фармацевтскиот екстракт од канабис нема скоро никаков ефект врз пациентите. За истата сума, но нелегално може да се набави барем масло со слично количество, во кое нивото на главните канабиноиди кои директно влијаат врз болестите и нивните симптоми се десеткратно поголеми. Затоа многумина откако видоа колку е часот и откако сфатија дека Реплек ги лаже, повторно се вратија на стариот начин на набавка на маслото, како и пред легализацијата, а со тоа го кршат законот и се принудени законот да ги третира како криминалци. 

ДОМ со своја поддршка

Покрај болните лица, нивните семејства и сите корисници и љубители на канабисот кај нас, на страната на легализацијата со своја поддршка застанаа многу јавни личности, невладини организации, формални и неформанлни здруженија на граѓани, но и политички партии и движења. ДОМ јавно застана на наша страна со соопштение, го поддржа легализирањето на употребата на медицински канабис и поднесе редица амандмани за поголема достапност за болните по пониски цени. „Тогаш беа одбиени амандманите, но време е да се преиспита законот и во него да се интервенира“ - велат во своето најново соопштение до јавноста. На нивната официјална Веб страница апелираат дека со апсење на активистите се оди само назад во целиот процес на легализацијата на канабисот во Македонија. Тие велат дека наместо прогон, потребен е пристап до медицинскиот канабис за болните. 

ДОМ апелира до институциите за прогон да не се занимаваат со гонење на граѓани кои за свое лекување или за лекување на други болни лица бараат начин како да дојдат до медицински канабис. „Сметаме дека неправедно се малтретираат луѓе како Филип Достовски од организацијата за медицински канабис „Зелена Алтернатива“. Наместо прогон потребен е побрз и поевтин пристап до медицинскиот канабис за болните лица. Тоа значи дека е потребно да се либерализира целата постапка за производство на овие препарати, се разбира, со конрола од државата. Но, мора да се обезбеди пониска цена за лекот, по можност од домашно производство“ - истакнуваат од Секторот за односи со јавност на ДОМ.

Филип Достовски не е дилер! Тој е еден од Македонците кои својот втор живот му го должат на маслото од канабис. Тој важи за еден од најгласните активисти и не крие дека им помага на пациентите да научат како се екстрахира маслото за кое многумина тврдат дека им помага во борбата со тешки болести. Достовски бил дијагностициран со рак на 15 годишна возраст. По неколкуте неуспешни обиди да се излекува со конвенционални лекови се обидел со маслото од канабис, по што ракот целосно исчезнал. Тврди не се станува зависен од маслото, а успехот е кај над 70% од болните. Судии, лекари, адвокати и полицајци, се само дел од луѓето на кои Филип секојдневно им помага и ги обучува како сами да си го направат лекот во својот дом. Тоа се само дел од луѓето кои ги користат предностите на овој вид на лекување, во голем дел со голема успешност и тоа кај различни видови на рак, мултиплекс склероза, епилепсија, ХИВ, па дури и различни видови на повреди, се болестите каде маслото од канабис може да помогне. Погледнете што за оваа проблематика раскажува Филип Достовски, член и активист на Зелена Алтернатива за Zase.mk:

Инаку, Достовски со години наназад се бори за легализација на канабисот и преку „Зелена Алтернатива“ со екстракти од канабис помага на стотици граѓани со најразлични болести. Истовремено, целта на Здружението е и да шири знаење, да информира и да ги едуцира граѓаните како сами да си помогнат употребувајќи ја оваа билка, која уште одамна пред законските забрани игра важна улога во човековиот опстанок и наоѓа најразлична примена во медицината, но и за продукција на храна за луѓе и добиток, легло за добиток, влакна, восок, хартија, облека, пластика, гориво, хемкрит (хигли од коноп), лекови, козметика...

„Зелена Алтернатива“ е буден учесник во креирањето на посебна свест за користењето на канабисот. Работи на охрабрување, наместо стигматизација. Отворен пристап за екстракт од канабис, наместо токсични лекови. Меѓу другото, се заложува болните деца бесплатно да добиваат масло од канабис. Здружението на неколку пати потенцираше дека во Македонија расте автохтон коноп, со силен потенцијал за третирање епилепсија, па апелираше да се одгледува домашен канабис и да се користи овој извор, наместо да се увезува од странство. Исто така, „Зелена Алтернатива“ на повеќе пати учестува и во јавни дебати, домашни и меѓународни трибини, а и самото здружение на три пати организираше информативно-едукативни семинари за демистификација на канабисот. Таму со свои предавања учестуваа светски експерти, научници и активисти како: Рик Симпсон, Пол Хорнби, Лумир Хануш, Роберт Џ. Меламед, Илија Резник и многу излечени пациенти кои јавно ги споделуваа своите искуства. 

Научните истражувања во светски рамки уште од многу одамна покажуваат дека канабисот има позитивни ефекти врз низа болести како: сида, секаков вид на канцер, мултиплекс склероза, аутизам, епилепсија, ПТСД, анксиозност, депресија, несоница, главобилки и други хронични и еднократни болки, анорексија и голем број на автоимуни болести. Употребата на маслото од канабис во Македонија е јавна тајна. Илјадници луѓе секојдневно го користат овој природен лек успешно борејќи се со своите хронични и други тешки болести (многу од нив настанати поради ендоканабиноиден дефицит), додека пак, речиси цела Македонија оваа билка ја консумира во рекреативни цели. Ова можеме да го потврдите со секојдневната комуникација преку нашата фан страница на Фејсбук (www.facebook.com/420macedonia) со болните и останатите здрави фанови, кои своето здравје го одржуваат токму пушејќи марихуана и консумирајќи ја на други начини.

Реакција на Зелена Алтернатива за јавните дезинформации и лаги пласирани од страна на фарМАФИЈАТА Реплек

Бидејќи дилемата околу концентрацијата на канабиноиди во различните делови од растението не остана само на FB расправија со вработени во Реплек, туку продолжи и со рекламна кампања пласирана во медиумите, обврска ни е да ги расчистиме овие неточни информации кои допираат директно до многу наши сограѓани кои за разлика од повеќето од вас кои се поинформирани, немаат доволно познавање во оваа област и ќе ги примат овие информации како факт (здраво за готово). Секако дека повод за ова е и да се покаже какво е познавањето на фармацевтите кои моментално се единствените кои пласираат производ од коноп на нашиот пазар и во своите реклами и промоции на прозводите, гласно нагласуваат детали кои се неточни, контрадикторни и непроверени.

Пред да преминам на она за што доста се дебатираше во групава (иако коментарите потоа беа избришани од личноста која ги постираше) и е повод за текстов, како што спомнав на почетокот, би започнал со цитирање на еден дел од текстот објавен во Макфакс, изјава од компанијата. „Канабисот како растение има над 400 фитокомпоненти од кои минимум 60 се канабиноиди, како и терпени, флавоноиди, фитостероли, омега масни киселини (омега-3, омега-6, омега-9) во најдобар здравствен сооднос, аминокиселини, азотни соединенија, гликозиди, витамини (А, B1, B2, B6, C, D, Е, F), пигменти, алкани, азотни соединенија и други компоненти, кои се распоредени во различни делови од растението“. Од овој краток извадок на прв поглед се гледа од кое време е знаењето на фармацевтите кои работат таму, бидејки последните податоци говорат за досега откриени 141 канабиноид, со вкупен број од околу 1040 фитокопмоненти.

Но, мислам дека овој податок и не треба така да не` зачудува кога ќе видиме што понатаму изјавуваат. Поводот за сево ова: „Во однос на содржината на канабиноидите како основни активни супстанци на растението, цветовите и тоа женските цветови содржат повисок процент на delta-9-tetrahydrocannabinol, познат како THC, кој поседува психотропни својства и е одговорен за досегашниот третман на растението како средство за уживање. Лисјата ги содржат главно канабиноидите CBD (cannabidiol), CBN (cannabinol), CBG (Cannabigerol) и нивните карбоксилни соединенија, кои не поседуваат психотропни својства, но и THC во помал процент отколку цветовите“.

Овде се формира лекот - канабиноидите!

Ќе се потрудам да бидам што пократок. Прво да разјасниме една проста работа, која очигледно е непозната на дел од нашите фармацевти. Прва и основна причина поради која не може да се направи дистинкција помеѓу составот на канабиноиди во цвет и во лист, во смисла на различни канабиноиди во различни делови од растението, е тоа што канабиноидите воопшто не се создаваат ниту во листот ниту во цветот. Канабиноидите се создаваат во трихомите кои претставуваат жлезди кои лачат смола во која се создаваат сите канабиноиди и терпени, како главни лековити состојки на растението. Трихомите претставуваат одбранбен механизам на растението за заштита првенствено од УВ зраци (затоа што повисоко е УВ зрачењето има поголема концентрација на трихоми), но и од разни инсекти, како и одредени видови на габи и мувла. Тие се наоѓаат на надворешната обвивка на цветовите, листовите и другите делови на растението, а не директно во нив. Со самото тоа што имаат заштитна улога се подразбира дека се присутни насекаде во растението, но од еволуциска гледна точка секако дека најмногу се сконцентрирани таму каде што е најпотребно за да може да се продолжи биолошкиот циклус - во цветовите, каде што се создава семето.

Реплек може вода да му носи на екстрактот
што можеш да си го направиш дома сам/а!

Но, да не биде дека сето ова го говориме само теоретски, најубаво е да се покаже со директни докази. Иако налетав на многу студии и анализи, долго размислував кои најмногу би се земале за релевантни, бидејќи од нашето досегашно искуство, повеќето од нашите експерти не ги признаваат. Па, затоа одбрав да земам за пример факти од студии објавени на страната на UNODC (канцеларија на ОН за дроги и криминал) од две причини. Првата, поради тоа што сепак се работи за една од највисоките инстанци на ОН за дроги (бидејќи нели според ОН се` уште на канабисот му е тука местото), но и поради фактот што овие студии се направени на крајот на 60-тите, а објавени во 1971, што значи и најстарите фармацевти кај нас, доколку сакаат да дискутираат на оваа тема, треба да бидат запознаени со овие податоци. Секако и поради тоа што во оваа анализа се гледа концентрацијата токму на канабидиолот (CBD), нешто што ја предизвика дебатата.

Во анализата се земени примероци од канабис земен од различни делови од светот, некој одгледуван за пушење, друг за стебло, односно влакна, семе итн. Она што е карактеристично е дека кај сите видови, количината на канабидиол, скоро правопропорционално се намалува во различните делови од растението (освен кај оние кои веќе произвеле семе). 

Еве ги резултатите и заклучокот од анализата:

Cannabinoid contents %

Sample and plant part CBD Δ1-THC

Beirut 26.4.1969

Flowers 2.6 0.06

Upper leaves 1.8 0.00

Large leaves 0.2 0.03

Stem 0.2 0.00

Bekaa 19.6.1969

Flowers 2.4 0.5

Upper leaves 1.1 0.1

Large leaves 0.3 0.1

Stem 0.1 0.0

Bekaa 26.6.1969

Flowers 2.8 0.04

Upper leaves 1.4 0.04

Large leaves 0.4 0.02

Stem 0.2 0.01

Hizzine 3.9.1969

Flowers (fruits) 0.3 0.4

Upper leaves 1.0 0.7

Large leaves 0.2 0.2

Stem 0.1 0.1

Caucasus/Sweden 1.10.1969

Flowers (fruits) 0.5 0.1

Upper leaves 0.5 0.1

Large leaves 0.1 0.01

Stem 0.02 0.01

Turkey/Sweden 1.10.1969

Flowers (fruits) 0.8 0.02

Upper leaves 0.5 0.01

Large leaves 0.7 0.02

Stem 0.03 0.00

Bratislava/Sweden 1.10.1969

Flowers (fruits) 0.7 0.02

Upper leaves 0.5 0.02

Large leaves 0.4 0.01

Stem 0.00 0.00

Flowers – се цветовите, кои кај некои од сортите биле и со плод - семе;

Upper leaves – малите листови кои се наоѓаат околу самите цветови;

Large leaves – големите листови;

Stem – Стебло.

Од Бога е дадена.
Свештените лица тоа го знаат!

Заклучокот на целата анализа на UNODC е цитирам: „Нашите податоци покажуваат дека канабиноидите се присутни во сите делови од растението. Пресметано во сув материјал, канабиноидите се најмногу присутни во цветовите, како и во малите листови кои се околу цветовите“. Од оваа анализа јасно се гледа дека не е точно дека ТHC-то настанува во цветовите, а CBD-то во листовите, бидејќи е очигледно дека и CBD-то, како и ТHC-то се најбројни во цветовите, па во помали количини во помалите листови околу цветовите и се` помалку во поголемите листови. Тоа е токму во корелација со она што „теоретски“ ви го објаснив за трихомите.

Линк: https://www.unodc.org/unodc/en/data-and-analysis/bulletin/bulletin_1971-01-01_1_page006.html

Другата студија е направена во Канзас, САД и исто така се работи за канабис со поголема концентрација на CBD, затоа и ја одбрав. Ќе го пренесам заклучокот: „Анализата е направена за четири главни канабиноиди, cannabidiol (CBD), della-8-tetrahydrocannabinol (delta-8-THC), delta-9-tetrahydrocannabinol (delta-9-THC), и cannabinol (CBN). Канабиноидите беа најбројни во цветовите па прогресивно се намалуваа во листовите, петиолите, стеблото, семето и корењата“. Повторно доаѓаме до ист заклучок, дека воопшто не е точно дека ТHC-то е најбројно во цветовите, а CBD-то во листовите, туку концентрацијата на ТХЦ и ЦБД зависи главно од генетиката на растението, а вкупниот износ на канабиноиди зависи од трихомите.

Линк: http://link.springer.com/article/10.1007%2FBF02863315

Биди во тек! Едуцирај се!
Информирај се!

Освен овие студии кои треба да се доволен доказ за тоа каков е составот на канабиноиди во различни делови од растението, дополнителен доказ е и што производителите на квалитетни CBD масла во светот, тоа го прават преку екстракција на CBD-то од цветовите, најчесто преку CO2 екстракција, но затоа ќе има посебен текст, каде што ќе направиме споредба помеѓу странски производи и нашето масло со CBD.

За крај би додал само дека во текстот самите фармацевти нагласуваат: „Присуството на CBD, CBN, CBG, THC и останатите канабиноди во минорни количества заедно со терпените и флавоноидите е особено значајно поради нивното синергистичко делување и со останатите биолошки вредни компоненти во канабисот, што го прават маслото од канабис исклучително корисно во превенција и лекување на многу болести и состојби на човечкиот организам“. Значи свесни се дека за лековитост е потребен т.н. екстракт од цело растение, а го продаваат маслото, во кое самите велат дека нема ТHC, а велат може да помогне кај ХИВ, малигни заболувања и МС, болести за кои знаеме дека за лекување е потребно ТHC и тоа со многу висок процент! Со оваа изјава се контрадикторни сами по себе.

Како последно што ми остава впечаток во овој рекламен текст, е тоа што велат дека нивното масло содржи терпени. Значи не може да се даде таква изјава за продукт од канабис без да се објасни точно кои терпени ги содржи. Точно е дека за терпените не е потребно концентрацијата да биде истакната, но мора да се нагласи кои терпени ги содржи бидејќи различни терпени делуваат различно, на различни болести, тегоби и состојби. Истото се однесува на изјавата дека во маслото ги има и останатите канабиноиди, CBN, CBG. Доколку има значителна количина од овие канабиноиди, треба да се нагласи и нивната концентрација во екстрактот. Доколку ги нема во значителни количини не може да се нагласуваат во составот, бидејќи ги нема во доволно количевство за да има лековит ефект.

ЗА продолжува со борбата,
а 420macedonia продолжува со информирање
и поддршка!

Мислам дека од погоре изнесеното може да се заклучи до каде е знаењето на фармацевтите кои моментално се единствените кои легално произведуваат масло од канабис на македонскиот пазар. Жално е да се помисли какви производи ќе добиваме во иднина и по која цена, ако продолжи да ги пласира компанија чии фармацевти без срам во јавност излегуваат со лажни информации претставени како факти, информации за кои гледаме дека уште од 70-тите години на минатиот век знаеме дека не се точни. Дополнително ќе имаме анализа на масла од CBD и како се изработуваат, како и нивниот состав.

* Линк до текстот од Макфакс: http://makfax.com.mk/zanimlivosti/zdravje/kanabisot-pomaga-kade-sto-konvencionalnata-medicina-nema-potpolni-resenija

Автор: Давор Ангеловски од Зелена Алтернатива