Даниел Луков од Радовиш го победи улцерозниот колит со помош на домашно масло од канабис во форма на чепче

Триесет и две годишниот Даниел од Радовиш е поранешен фудбалер на кој во 2011 година му беше дијагностициран улцерозен колитис, болест на дебелото црево. Сулфасалазинот и другите слични синтетички фармацевтски „лекови“ коишто му беа препишувани не помагаа, сè додека тој самиот на Интернет не прочитал дека вреди да проба да се лекува со домашно подготвен екстракт од канабис и дека други пациенти се имаат излечено, заедно со соодветна исхрана, масажи, бањи и други природни методи. Даниел уште не е целосно закрепнат, но резултатите потврдуваат дека повеќе нема ни трага од болеста! Тој ќе продолжи уште некое извесно време да зајакнува алтернативно, додека повторно не се врати растрчан на фудбалските терени!

* Како канабисот ги ублажува симптомите при цревни воспаленија?

* Наука наспроти искуство: Колку се ефективни супозиториите од канабис?

Даниел Луков се излечи со канабис

1. Искуствата на пациентите ширум светот потврдуваат дека фармацевтските лекови се токсични и во најголем дел од случаите, како твојот не помагаат! Кога и како дозна за лековитите својства на канабисот и дека со помош на оваа лековита билка можеш безопасно да ја убиеш твојата дијагноза? 

- Во потрагата по природен и нетоксичен алтернативен начин на лекување, бидејќи по консултацијата со конвенционалната медицина, ни беше кажано дека за овие заболувања нема лек. Ние не сакавме тоа да го прифатиме како факт и на Интернет дознавме дека канабисот може да ми помогне, поради тоа што читавме сведоштва од странски пациенти кои боледуваат од овие болести, а се лекуваат успешно со канабис.

2. Дали знаеш која врста на канабис најмногу одговара за твојата здравствена состојба, а која врста е твоја лична омилена врста на канабис? Како го консумираше канабисот на почетокот од лекувањето (на кои начини и колку често)?

- Било која врста на канабис со поголема концентрација на THC мене ми помага, а сите ми се омилеми :) Прво по пат на пушење, за намалување на болките, а потоа почнав да користам домашно изработено масло од канабис. 

3. Дали си слушнал за анална канабис терапија (ректално) по пат на супозитории (чепчиња), што се покажа како поефикасен начин во третирањето на секакви најчесто посериозни форми на канцери и секакви здравствени проблеми со дебелото црево, отколку оралното консумирање преку уста? Многу од пациентите велат дека на овој начин се намалува ефектот од преголемиот „хај“ што знае да биде непријатен кај оние кои мораат да земаат мега ударни дози. Дали имаш пробано канабис супозитории и како ги подготвуваш?

- Да, меѓутоа за оваа метода на лекување со канабис масло дознав малку подоцна и можам да потврдам дека токму на овој начин јас доживеав значителни подобрувања. Ги подотвував сам во својот дом со домашно канабисово масло и кокосово масло. Најпрво ги правев во алуминиумска фолија и ги ставав во замрзнувач, ги сечев со нож, немаа идеална форма, но ја завршуваа работата. Тогаш сè уште немаше празни калапи за чепчиња во аптеките. 

4. Дали ти беше тешко да дојдеш до квалитетна марихуана? Како изгледаше твојата потрага по квалитетно канабисово масло? Дали тешко се доаѓа до вистинскиот лек? Дали на почетокот го набавуваше готово или го подготвувавте сами во својот дом? 

- Не е лесно да се дојде до квалитетна марихуана. Мојата мајка на почетокот беше против, но потоа си легна на брашното, откако виде дека кај мене канабисот има позитивни ефекти. Првото масло ми го направи еден другар. Поради тоа што не можев да најдам квалитетна марихуана и да правиме сами, следните залихи ги набавував на црниот пазар преку наши контакти од Албанија.

5. Дали твоето семејство или некои членови имаат некакви реперкусии поради незаконитоста на твоето лекување?

- Да, мојот брат сакајќи да ми помогне поради тоа што финансиски не бевме во можност да го купуваме маслото, се реши да посади неколку стебла што резултираше со една година затворска казна. 

6. Како ти го дозираше маслото на почетокот, а како го дозираш сега? Како изгледаше твоето навикнување на ефектот од маслото?

- Јас немав никакви проблеми со прилагодувањето на мојот организам на дозата, поради тоа што не бев почетник, затоа што уште пред болеста порано имам консумирано канабис по пат на пушење. Ефектот од маслото беше најголем кај болките, тие престануваа веднаш. Поради тоа што кога јас почнав со мојата канабис терапија, маслото и тревата беа премногу скапи, не можев многу да ги зголемувам дозите. На почетокот го дозирав орално по едно зрно ориз наутро и навечер и по потреба кога имав болки, а потоа преку супозитории.

7. Кога кај тебе се појавија првите подобрувања откако започна да го користиш маслото/канабисот и какви подобрувања?

- ВЕДНАШ!

8. Спореди го ефектот од маслото со ефектот од фармацевтските лекови коишто ти ги препишале твоите лекари?

- Неспоредливо! Откако навистина се уверив дека маслото ми помага, тотално ги баталив апчињата. Некои од нив ми беа препишани за цел живот, а некои од нив, на пример кортикостероидите се штетни за бубрезите, може да предизвикаат оштетувања на коските и ред други фатални нус појави. Додека маслото го прочистува црниот дроб од токсини, покрај тоа што може да помогне кај секоја болест, буквално го регенерира целиот организам.

9. Дали знаеш каков е составот на маслото коешто најдобро ти помага? Дали знаеш колку ТХЦ, а колку ЦБД треба да има? 

- Мојата мајка Зуица беше на еден од првите семинарите за канабис во Скопје на кој гостуваа многу страснки професори праша кој е најдобриот сооднос на канабиноиди за моите дијагнози. Тие одговорија дека со поголема концентрација на THC, а помала на CBD.

10. Дали успеа да се ослободиш и од некои друи здравствени, психички или физички состојби (стравови, комплекси...) состојби коишто те мачеле од минатото? За што друго ти помогна/помага канабисот освен за дијагнозите поради кои започна да го користиш? Дали ти го промени начинот на размислување?

- Конечно си го најдов мирот и почнав повеќе и поквалитетно да спијам, што претходно беше невозможно поради болките. 

11. Што за тебе претставува канабисот сега, а како на него гледаше пред болеста? Кога прв пат во својот живот си пробал канабис? 

- Претходно немав оформено мислење за канабисот, а сега тоа за мене е најдобриот природен лек, што прв пат го пробав како тинејџер со пријателите. 

12. Дали откако целосно ќе се излечиш, ќе продолжиш канабисот да го користиш превентивно/рекреативно? 

- Би го користел по потреба, затоа што не создава зависност и јас повеќе не чувствувам постојана потреба од овој лек. 

13. Како според тебе треба да биде регулиран канабисот во Македонија?

- Заедно со моето семејство сметаме дека треба да биде целосно декриминализиран. 

14. Какво е твоето мислење за граѓанското движење 420 Macedonia и за Националната кампања за декриминализација на канабисот во Република Македонија што ја водиме? Ова интервју е дел од истоимената кампања. Од срце ти се заблагодаруваме за соработката!

- Пресреќен сум што постои вакво здружение како вашето коешто се залага за ослободување на овој лек, бидејќи сметам дека на пациентите им е потребна поголема поддршка и охрабрување, а тоа вие го правите неуморно. Јас ви благодарам Вам. Прекрасни сте! Продолжете со работата! Сметам дека за симболична сума секој треба да може да си го анализира сопственото масло во било која лабораторија, а да постои и можност кој сака да си го купи во аптека, но зборувам за full extract cannabis oil.

15. Твоја порака/совет до сите љубители, уживатели и поддржувачи на канабисот во Македонија, па и надвор од неа гласи...

- Канабисот е Божји дар, еден од многуте што Бог ни ги дал за да живееме здрав живот и среќни да можеме да го славиме Бога.

16. Твоја порака до сите противници на ослободувањето на канабисот?

- Прво едуцирајте се, а потоа судете! За нив имам разбирање, поради тоа што не дошле на мое дереџе и не знаат како е да имаш очајна потреба од овој лек и мојата мајка прво беше против. 

17. Што друго алтернативно имаш користено покрај маслото и како изгледаше твоето лекување?

- Целосно ја променив исхраната и начинот на живот. Преминав на сирова исхрана, се посветив на природата и Бог. Консумирав и други тинктури од билки, често одев на бања, а од пред извесно време почнав да медитирам, да се молам и да правам терапии со reiki healing и сфатив дека коренот на болестите често пати се темели во тоа што духот и телото не ни се ускладени.

18. Што според тебе треба секој индивидуално да направи  или можеби групно, со цел побрзо ослободување на овој сенароден и семоќен Божји лек?

- Јавно и без страв постојано да се зборува, бидејќи сме премногу на број. Да не се плашат дека ќе бидат етикетирани или казнети. Се работи за живот и здравје! Темава треба постојано да биде во центарот на вниманието и секој од нас може да се разболи од некоја болест, како канцер или моите за кои е потребен овој лек.

Докази дека Даниел оздравува! 

Новинар и Главен и одговорен уредник: MoniQue Konopova

Пушењето марихуана како лек за воспалителни болести на цревата!

Кога станува збор за несвојствените воспалителни заболувања кај цревата (Inflammatory Bowel Disease - IBD), канабисот може да биде единственото природно решение, многу побезбедно и поефикасно од фармацевтските лекови


Научниците знаат дека марихуаната содржи повеќе од 100 состојки наречени канабиноиди, коишто имаат биолошки позитивен ефект врз телото на консументот. Канабисот веќе долго време се препишува како лек од страна на лекарите во некои земји и тоа за третирање на физички заболувања како артритис, епилепсија, рак, но и за ментални нарушувања како што е ПТСД, депресија или анксиозност. Сепак, улогата што марихуаната може да ја игра во медицината се` уште не е испрецизирана, иако потенцијалот што го има ова растение во подобрувањето на целокупната благосостојба на човекот (па дури и милениците) е веќе одамна добро позната. Канабисот се покажа и како лек за пациентите кои претрпеле трансплантација на органи - оваа билка им помага новиот орган да е полесно прифатен од страна на нивното тело. Недостатокот на истражувања во голем дел се должи на фактот што повеќето студии се фокусирани на незаконската употреба на марихуаната, а не на терапевтскиот потенцијал и поради тоа што канабисот во поголемиот дел од светот е класифициран како дрога бр. 1, што го прави научното истражување речиси и невозможно...

Научна студија потврди дека пушењето канабис ги подобрува интелектуалните перформанци!

Coltyn Turner успешно ја победи Кроновата болест

Во потрагата по одговори за потенцијалот што го има марихуаната врз здравјето на човекот, научниците дојдоа до интересни наоди. Кога станува збор за несвојствените воспалителни заболувања кај цревата (Inflammatory Bowel Disease - IBD), канабисот може да биде единственото природно решение, многу побезбедно и поефикасно од фармацевтските лекови. Имено, постојат два типа на IBD и тоа Улцерозен колитис и Кронова болест. Употребата на канабис како терапија според Д-р Џордан Тишлер (Jordan Tishler) кој своето образование го завршил на Харвард и е водечки експерт за канабис терапевтика во Масачусетс, канабисот е решението и е многу побезбеден и помалку штетен во споредба со другите лекови.  Да појасниме дека споредните ефекти од канабист не се негативни ефекти. Тие вклучуваат сонливост или на пример зголемен апетит - а тоа се знаци дека телото се лекува - телото си кажува дека му требаат повеќе хранливи материи и сон за да се избори со болеста! Она што е најважно е дека споредните ефекти од канабисот не се летални (смртоносни) како кај фармацевтските лекови. Друга важна работа е што токму кај пациентите со гастроинтестинални нарушувања, споредниот ефект од марихуаната кој предизвикува зголемен апетит - е токму она што им е најпотребно!

Мерки на претпазливост кога земате фармацевтски лекови и масло од канабис

'Подобро е да сум нелегално жив, отколку легално мртов'

„Постои изобилство од канабиноидни рецептори во гастроинтестиналниот ѕид, истовремено во имуните клетки и клетките од цревата. Канабисот е многу ефективен кај воспалителните заболувања во третирањето на двете истовремено - основната болест, како и нејзините симптоми. Несаканите последици се вистински, но можам да го избројам бројот на пациенти коишто не успеваат со канабис терапијата поради нетолеранција на споредните ефекти од една страна. Внимателното планирање на режимот, согласноста на пациентот, како и редовното следење, исто како и кај било кој друг лек, можат ефикасно да ги надминат овие потешкотии“ - истакнува Д-р Тишлер.

Лекување рак кај мачки и кучиња со канабисово масло

Ти благодариме д-р Рашна! Сите лекари да бидат како тебе :)

Д-р Тишлер и другите негови колеги, коишто препишуваат медицински канабис се ангажирани да го намалат влијанието што воспалителните болести на цревата го имаат врз секојдневниот живот на луѓето што страдаат од овие болести. Поради тоа што симптомите и степенот на болеста се различни кај секоја индивидуа, тој препорачува вариетет од подготовки и начини на употреба на канабисот. „Оралните подготовки (edibles) даваат многу подолга покриеност, додека за повремените симптоми јас обично преферирам вапоризиран цвет. За оние пациенти коишто имаат потреба од дополнителен третман, јас понекогаш комбинирам орален режим со вапоризирање туфки. Како и кај сите лекови, постојат ризици и придобивки од канабисот и целта е секогаш да се најде начинот и да се користи најмалата возможна доза за да се добие најдобриот резултат, со најмалку споредни ефекти“ - додава Д-р Тишлер. Тој исто така нагласи дека медицинскиот режим значително се разликува од рекреативниот и покрај тоа што секоја употреба на канабист е медицинска.

Д-р Рашна Пател (Rachna Patel) исто така е лиценциран лекар во Калифорнија и таа ја раководи нејзината сопствена клиника за медицинска марихуана. Позната како „Експерт за медицинска марихуана“ (The Medical Marijuana Expert) д-р Рашна третира IBD користејќи канабис со многу успех до сега. „Јас открив дека тој им помага на моите пациенти на повеќе начини. Тој им помага да се намалат стомачните грчеви, гадењето и тој исто така помага да се стимулира апетитот со оглед на тоа што пациентите коишто страдаат од IBD често имаат проблеми со губењето на тежината, па користењето на канабис може да помогне кај апетитот и контролата на тежината“ - истакнува таа.

Победи ги воспаленијата!

Најновото откритие кај истражувањата на Кроновата болест немамерно го поддржува канабисот не само како лек за симптомите, туку и како лек за болеста сама по себе. Студијата спроведена од страна на интернационален тим раководен од Case Western University School of Medicine, откри дека габите и бактериите вообичаено присутни во човечкото тело имаат нетипични интеракции во телата на пациентите со Кронова болест. Како надополнување на ова, со истражувањето на фекалната материја кај здравите индивидуи и лицата со Кронова болест во исто семејство, истражувачите откриле дека во споредба со здравите членови од семејството, лицата со Крон имале повисоки нивоа на два вида на бактерии и една габа, коишто заедно ја создаваат лигавата материја што го предизвикува воспалението во цревата.

Новели е 95 дена по ред без епилептичен напад благодарение на канабисовото масло!

Ова научно достигнување во комбинација со идентификувањето на антигабичното и антибактериското дејство на канабисот го има потенцијалот да создаде нови третмани и конечно и лек за Кроновата болест и другите видови на нетипични воспаленија на цревата. Со култивирањето на различни врсти на канабиноиди со овие својства, научниците се фокусирани на максимизирање на антигабичното (антифунгалното) и антибактериското дејство кај надворешната како и кај внатрешната употреба на оваа медицинска билка.

Извор: Coltynscrue