Производи со екстракт од канабис за нега на новите тетоважи

Ако сакате да ги излечите вашите нови тетоважи побрзо, да делувате антибактериски и многу повеќе да делувате на болката од иритираната кожа на тетовираното место, најдобро е да употребите канабис! Тоа може да го сторите и со домашна канабис крема, маст, мелем или балсам, но и со некој готов комерцијален канабис производ за таа намена. Еве листа од 10 производи што ја изготви порталот HERB за нега на тетоважи со канабис за да го задржите вашето ново мастило подолго, но и за поинтензивна боја

Поздрав од Уредникот MoniQue Konopova

Соодветната грижа за вашите тетоважи е клучна за тие долго да изгледаат убаво. Не само што негата ја спречува инфекцијата, туку исто така ги задржува боите свежи и живописни. Постојат бесконечни количини на лекови за после тетовирање, но дали знаете дека вашата омилена билка, исто така, може да го задржи вашето уметничко дело изгледа свежо? Може да ја намали болката, да го намали отокот и да го забрза лекувањето? Многу тату студија нудат стандардни лековити масти, кои се губат во сенката на лековитите способности на канабисот. Ако барате да го излекувате вашето тетовирано место побрзо и со помала болка, тука се 10 производи за нега на тетоважи од канабис за да го задржите вашето мастило да изгледа сосема ново многу подолго и за побрзо да заздрави раната.

#1. Nurse Mary J

Инфузирано со ЦБД од коноп, Nurse Mary J не само што го спречува воспалението пред да започне, туку ја намалува болката и чешањето што доаѓа по правењето на нова сликичка. За разлика од продуктите со петролеј и восоците за тетовирање, со Nurse Mary J, нема бариери. Во прилог на остатокот навлажнувачки, Nurse Mary J овозможува вашата нова уметност да дише. За возврат, ја задржувате храброста на тетоважата многу подолго.

#2. Ink It

Ink It од страна на Gemstonz е шеa путер за нега на тетоваж. Производ кој содржи 45 MG на THC. Не, тоа нема да ве надува. Но THC, заедно со авокадо маслото, камилица, лаванда и есенцијални масла од пачули, можат да ја ублажат болката и да ја ублажат иритираната кожа. За најдобри резултати по тетовирање, нанесете особено за време на првите 24 часа.

#3. Susan’s CBD Tattoo Aftercare Salve

Спакувани во 200 MG чист CBD изолат од коноп, Susan's CBD Tattoo Aftercare Salve го забрзува процесот на заздравување за да можете да уживате во вашето свежо уметничко дело порано. Овој мелем исто така ја намалува болката, го намалува отокот и ја хидрира кожата.

#4. Ink 20/20

Не само што Ink 20/20 ќе ја поттикне новата тетоважа со органско масло од семето од коноп и други канабиноиди, но исто така ќе делува како штит против штетните УВ зраци благодарение на SPF. Никому не му се допаѓа матна и избледена тетоважа, па следниот пат кога ќе поминете еден ден на сонцето, само употребете го производот Ink 20/20.

#5. Hempgenix Tattoo Rehab Cream

Рехабилитационата крема Hempgenix’s tattoo, доаѓа со 50 MG слатка канабис сатива која, покрај лекувањето на вашето свежо тетоважиче, ги намалува и брчките. Според компанијата, „100% од корисниците забележале намалување на времето на заздравување“ - како резултат на користењето на навлажнувач на база на вода само еднаш или два пати на ден. Во меѓувреме, многу други производи за нега на тетоважи бараат да ги примените на вашето ново тетовирано место три до шест пати на ден.

#6. Ink Salve All Natural Tattoo Ointment

Ако сте активист за почиста животна средина и органски производи, ова е производ з анега на тетоважи за вас! Ink Salve, или „магија во тегличка“ како што корисниците сакаат да го нарекуваат, е токму она што ви треба. Од борбата против бактериите, па сè до зголемувањето на производството на колаген, Ink Salve е фантастичен. Згора на тоа е без глутен, не е тестирано на животни и е без синтетички мирис. Не содржи ниту петролеј, соја или масло од орев. Инк Салве е богат со масло од семе од коноп. Сè на сè, Ink Salve е како канабис вегетаријанец, среде разновидните масти за нега после тетовирање.

#7. Exodus Organics infused tattoo salve

Ако барате да го излекувате тетовираното место со помош на THC, имате среќа. Exodus Organics прави мелем за тетоважи богат со THC. Не само што ѝ помага на вашата постоечка тетоважа да заздрави од изложување на сонце, но исто така помага да се заштити новото мастило. Важноза нив етоа што тие ги користат сите природни состојки кои ја смируваат и навлажнуваат вашата кожа.

#8. Brooklyn Grooming old school balm

Многу балсами за после тетовирање содржат мазут од железо, што често води до поголема иритација на кожата. Brooklyn Grooming претпочита да ви помогне да го излечи местото по природниот пат. Во прилог на одржувањето на вашето тетоважиче свежо, овој олд скул балсам за тетоважи му дава на било кој дел од кожата дополнителен поттик. Овој продукт, особено, содржи масло од семе од коноп, што ќе им овозможи на вашите тетоважи да се излечат подобро и побрзо.

#9. Hemp-Eaze tattoo balm

Ако сакате да го забрзате процесот на заздравување на вашата тетоважа, балсамчето за тетовирање Hemp-Eaze ќе го стори токму тоа. Не само што ќе го заштити вашето мастило од оштетувањето од сонцето, туку исто така ќе ве ослободи од непријатноста што може да ја доживеете. Овој производ ќе ги направи дури и најстарите бои на тетоважата да зрачат во полн сјај. Со мешавина од корен од коноп и други состојки, овој мелем дава долгорочни резултати.

#10.  Ink-Wise tattoo balm

Ink-Wise балсамот за тетоважи доаѓа со 100 mg активиран CBD. Затоа, можете да го излекувате тетовираното место со помош на овој производ многу лесно. Во прилог на CBD, Ink-Wise содржи масло од семето од коноп и витамин Е. Всушност, во споредба со погореспоменатиот „вегетаријанец“ (Ink Salve), овој продукт претставува „веган“, затоа што користи само природни состојки. Подеднакво важно, овој мелем ќе ви овозможи не само да го негувате местото, туку моментално ќе ве ослободи од болката и чешањето.

* * *

Ако се добро негувани, бојата останува интензивна подолго време :)

Автор: MoniQue Konopova

Извор: HERB

5 производи со канабис кои го менуваат начинот на кој размислуваме за марихуаната

Благодарение на растечкиот тренд за легализирање на марихуаната во светот, сè повеќе и повеќе се зголемува бројот на производи кои содржат канабис. Исто така, со појавата на онлајн-маркети за производите со канабис, се зголемува и побарувачката за нови производи кои ја содржат оваа билка. Ова се најновите и најпопуларни комерцијални производи кои се појавија во индустријата со канабис:

1. CBD-вода

Во последните две години е забележан голем пораст на пазарот за пијалаци. Порастот е особено забележлив на пазарот за вода со канабидиол и спортски пијалаци. Канабидиолот (CBD) е вториот најчест канабиноид во канабисот и не е опоен. CBD се користи за медицинските придобивки од канабисот, без опојните ефекти кои се поврзани со други канабиноиди како што е тетрахидроканабинолот (ТХЦ). Способноста на CBD да ги ублажи болките и воспаленијата е неверојатна и е извор за олеснување на многумина, од луѓето со болки во мускулите, постарите пациенти и сите оние кои бараат алтернатива за лекување на хроничните болки. Исто така, CBD се покажа како големо ветување за лекување на напади, аутизам и епилепсија.

2. Бонбони и мастики за џвакање со канабис

Milo Confections ги создале Betta Mints, освежувачи на здив инфилтрирани со 5mg до 20mg THC во една бонбона. Pure Ratios пак, создале пастили формулирани со систем за повремено ослободување на CBD и/или THC во текот на еден подолг временски период. Chill Gum и High Balls се познати по создавањето на гуми за џвакање кои содржат канабиноиди.

3. Кафе со канабис

Неколку компании побарале да се формулира мешавина на канабиноиди и кофеин со цел да се создаде кафе со канабис. Подоцна се појавила и побарувачката за чај со/од канабис. Кафето на компанијата Canyon Cultivation е направено со гватемалски грав и мала доза од 10мг THC по шише. За чаевите со канабис е позната компанијата Jane’s Brew, која создава зелен чај, слатки и тропски чаеви, секој со по 100мг  THC.  Pot-O-Coffee направиле сличен производ, со тоа што тие не се ограничиле само на кафето и создале дури и топло чоколадо.

4. Суплементи за домашни миленици со канабис

На пазарот за лекови за домашни миленици во САД се појавија производи на база на CBD за третирање на разни состојби кај миленичињата, кои вклучуваат специфични инструкции за дозирање. Еден од најпознатите брендови, како и производи за лечење на миленици е VET CBD, создаден од д-р Тим Шу, ветеринар чија мисија е да се залага за ефективноста на канабисот како алтернатива на традиционалните лекови.  VET CBD  се разликуваат од останатите брендови по нивната употреба на целиот цвет. Сепак, ветеринарите не смеат да продаваат или да препишуваат канабис директно на домашни миленици. Сопствениците најпрво треба да добијат препорака, а потоа да го набават комерцијалниот производ од специјализираните маркети.

5. Производи за нега и убавина со канабис

Не е ни чудно што ова растение достигна огромен успех во разни индустрии, а индустријата за козметички производи и нега исто така има неверојатни придобивки од него. Од разни лосиони, сјаеви за усни, балсами, креми, маски, па се до сапуни со/од канабис – овие производи им нудат на потрошувачите евтини, а сепак уникатни органски растителни производи кои овозможуваат нега и благосостојба. Компанијата Papa & Barkley се фокусира на здравјето, создавајќи масла за масажа кои служат за олеснување на болката и повремено испуштаат канабиноиди во текот на 12 часа. De La Beuh пак, создаваат производи со канабис за капење, за доживување на едно неверојатно и релаксирачко кана-спа искуство во вашата бања.

Автор: Ангела Т.

Извор: GFarmaNews

Колку странските инвеститори се навистина странски? Кој стои позади фирмата која доби одобрение за одгледување марихуана за медицински цели?

Вистината секогаш излегува на виделина!

Екс-премиерот Никола Груевски пред околу еден месец присуствуваше на промоција на, како што беше речено, нов странски инвеститор, овој пат од САД, кој ќе одгледува коноп и марихуана за медицински цели. Истражувањето што го направи „360 степени“ откри дека за одобрението за одгледување марихуана во конкретниот случај аплицирала фирма чиј единствен сопственик во тој момент е македонски државјанин. Во документите нема никаква трага од странски капитал се до еден ден пред формализирањето на претходно спроведената процедура за давање одобрение.

Кои се инвеститорите на фабриката за производи од канабис во Македонија?
 

Исто така, таа фирма во моментот на аплицирање нема ниту еден свој вработен, а законот бара минимум четворица. Проверките покажаа и дека одобрението за одгледување коноп го издал ресорот со кој раководи министерот Никола Тодоров, а согласноста на одобрението ја потпишал, исто така Никола Тодоров, но сега во својство на вицепремиер кој претседавал со седницата на Владата, кога се усвојувала согласноста. Американските инвеститори имаат своја верзија и тврдат дека се било законски.

Извор: Либертас

Кои се инвеститорите на фабриката за производи од канабис во Македонија?

Пред два дена на 11 април во Скопје се одржа свеченото отворање на првата фабрика за производи од канабис во Македонија, во кругот на поранешен ОХИС. Станува збор за компанија отворена како странска инвестиција на компанија со седиште во САД, која претставува една од најискусните и водечки компании по капацитет во светот од областа на производство на медицински канабис. Станува збор за американската компанија „NYSK holdings“ ДОЕЛ Скопје и времето ќе ни покаже колку истата е реномирана? По тој повод во ТВ Нова гостуваа двајца од инвеститорите – Мајкл Сатон и Џон Монтгомери. Со гордост го поздравуваме овој голем потег на нашите Власти и дај Боже да започнеме побрзо со отварање на уште повеќе фабрики без да ни се мешаат странци! Но, кои се овие мистериозни ликови? Зошто ниту еден активист во Македонија, ниту еднаш до сега не слушнал за нивните имиња...? Мало објаснување за инвеститорите ќе ви даде Филип од ЗА:

„Го поздравуваме отворањето на нова компанија за одгледување и производство на производи од канабис и сметаме дека може да придонесе за подобра конкурентност и намалување на цените на пазарот и наш став е дека треба да има што повеќе производители како би имало поголема конкурентност и различни производи. Сепак, сметаме дека Македонија како земја може ова да го направи и сама и без помош на странски инвестиции кои според изјавите ќе придонесат за вработувања, но сепак се работи за странски фирми. Сметаме дека во Македонија има луѓе со знаење и капацитет за одгледување и производство на канабис и производи од канабис со висок квалитет кои ги задоволуваат сите стандарди. Па, би ги замолиле законодавците во Р.М. да размислат за помагање на домашни производители, домашни фирми кои исто така би имале производство од семе до готов производ и освен вработувања ќе придонесат и со внесување и обрт на финансиски капитал кој ќе ОСТАНЕ во ДРЖАВАВА“ - истакна Филип Достовски на ФБ групата од здружението Зелена Алтернатива.

„Мораме да истакнеме дека како здружение, не сме запознаени со оваа компанија и не сме ја сретнале на ниту еден познат светски саем за одгледувачи низ светот, ниту пак сме сретнале производи произведени од истата што за нас е зачудувачки со оглед на тоа дека сопствениците истакнуваат дека се меѓу најдобрите производители на медицински канабис во светот. Би сакале да ги потсетиме и инвеститорите дека граѓаните во огромен број веќе користат канабис и тие, како и македонските институции и доктори, се веќе добро запознаени со придобивките од користењето на истиот, нешто на што работиме веќе 5-та година и со нашите три семинари на кои предаваа врвни светски експерти од полето на канабисот, со обуката на нашите лекари во организација на нашето здружение, МАЛМЕД и Министерство за здравство, како и граѓанскиот активизам на терен, придонесовме да се смени јавното мислење за употребата на канабис и да добиеме закон за легализација на канабисот во медицински цели“ - додава Филип.

Кои се овие инвеститори и зошто ја одбраа токму Македонија? „Еден од пропаднатите погони на ОХИС ќе прерасне во фабрика за производство на канабис за медицински цели. Компанијата NYSK холдинг веќе вработила 15 луѓе, а конечниот број треба да достигне 200. Плановите вклучуваат отворање на висококвалификувани и високоплатени технички работни позиции. Вкупната инвестиција во наредните 5 години ќе изнесува од 3 до 5 милиони долари. Фирмата ќе произведува 20 различни производи од канабис, а првиот финален производ се очекува во август годинава. Компанијата веќе вложи половина милион долари за реновирање на постоечкиот објект.

Основачот на компанијата е македонски иселеник од охридскиот крај, кој долги години живеел во САД. Првичниот контакт со македонската владина делегација на роуд шоу во Бостон резултирала со конечна одлука за производство на медицински канабис во кој многу луѓе гледаат спас за лекување на рак, ХИВ, мултиплекс склероза, детска епилепсија и други. Министерот за здравство Никола Тодоров потенцира  дека денешната инвестиција е резултат на одлуката за легална употреба на канабисот во медицински цели во земјава. За лидерот на ВМРО-ДПМНЕ, новата инвестиција е резултат на владините роуд шоуа за привлекување странски инвестиции. Во Република Македонија има одобрени производи на база на канабис кои секој може да ги купи во аптеките без лекарски рецепт. Досега граѓаните купиле околу 10 илјади пакувања“ - вели Тања Попова од Алфа ТВ.

Низ нашите медиуми оваа инвестиција е доста фалена. Еве што пишува МИА: Вкупната инвестиција во период од пет години ќе биде меѓу три до пет милиони долари. NYSK холдинг веќе инвестирала половина милион евра во реновирање на овој браунфилд објект од 2.000 метри квадратни. Компанијата веќе вработила 15 лица со полно работно време и со натпросечни примања, со план да вработи 50 до крајот на годината и 200 лица во наредните пет години. Министерот за странски инвестиции Џери Наумоф во обраќањето по повод отворањето на објектот, рече дека гордост му претставува да објави дека зградата во комплексот на ОХИС е целосно реновирана со цел да стане првиот модерен објект со лиценца за медицински канабис во Македонија за одгледување и извоз на масло од медицински канабис во земјите од Европа. „Само неколку нации во светот имаат законско право да одгледуваат и да извезуваат медицински канабис, а сега Македонија е една од нив и тоа не` прави нова дестинација за оваа брзорастечка индустрија“ - посочи Наумоф.

Основачот на NYSK холдинг, инвестициска групација и извршен партнер Толоманоси за време на отварањето рече дека канабисот ќе биде медицински спасител за многумина кои се борат со болести како рак или детска епилепсија и се очекува да достигне преку 20 милијарди бруто продажба во ЕУ до 2021 година. Џон Монтгомери, инвеститор за медицински канабис и експерт во областа истакна дека ќе го испорачаат најквалитетниот медицински канабис на пазарот. „Ние ќе го зголемиме бројот на работни места и ќе вработуваме македонски работници. Нашите одгледувачи експерти ќе ги обучат нашите вработени тука. По речиси една деценија во оваа индустрија, ние сме многу сигурни во нашата способност да го донесеме најквалитетниот лек во оваа убава земја“ - рече Монтгомери.

Вицепремиерот и министер за здравство Никола Тодоров рече дека настанот е резултат на заложбите на Владата и министерството за овозможување употреба на канабисот во медицински цели во Република Македонија. Со оваа инвестиција, посочи, ги поставуваме темелите на одгледувањето канабис за медицински цели во РМ. „Покрај оваа компанија уште неколку други имаат поднесено барања за добивање дозвола за одгледување коноп за медицински цели, а за една од нив постапката е веќе во финална фаза“ - додаде Тодоров. На означувањето на почетокот со работа на оваа инвестиција присуствуваше лидерот на ВМРО­-ДПМНЕ Никола Груевски, кој претходно на својот Фејсбук профил напиша дека и во вакви исклучителни услови во кои се наоѓа државата се трудат да обезбедат стимулирање на економијата и отворање нови работни места. „Борбата да се привлечат инвестиции понекогаш е долгорочна работа. Денеска присуствував на почеток со работа на компанија од Америка со која што првиот контакт го имавме пред 4 години во Бостон на тогашното роуд шоу... Ефектите доаѓаат подоцна ако промоцијата добро се изработи. Сега одлучиле да инвестираат токму тука во Македонија, да вработат 200 лица, да инвестираат неколку милиони евра и да извезуваат годишно по 10 милиони долари. Тоа е сериозна инвестиција со која 200 семејства ќе најдат егзистенција, а ќе се рестартира и еден од погоните на ОХИС“ - рече Груевски.

„Политичката криза во која опозицијата ја втурна државата нема да не' поколеба да се откажеме од борбата за подобар живот на граѓаните. И во вакви исклучителни околности кои се важни за опстојувањето и иднината на државата, ние држиме до зборот и се трудиме да обезбедиме стимулирање на економијата и отворање на нови работни места. Откако минатата недела се промовираше новата германска инвестиција во Желино, тетовско, денеска официјално почнува со работа и уште една компанија, овој пат од медицинската индустрија, која доаѓа од САД, а инвестира во Скопје. Компанијата од САД која во Македонија ќе дејствува како „NYSK Holding“, ќе се занимава со одгледување и производство на канабис за медицински цели, а планот е да вработат 200 вработени што значи сигурна егзистенција на 200 семејства. Инвестицијата ќе се развива во наредните 5 години. Тие веќе земаа браунфилд објект во фабриката ОХИС некаде околу 2000 м² кој го адаптираа за своите бизнис цели. 

Главни пазари на кои ќе се извезуваат продуктите од оваа компанија се ЕУ, пред се Германија и Италија, како и Југоисточна Европа. Значи ќе имаме една успешна приказна каде една фабрика во минатото беше затворена, а сега имаме рестартирање и употреба на дел од нејзините капацитети. Првичните контакти со сопствениците на NYSK Holding се направени пред 4 години, за време на една бизнис промоција на можностите за инвестирање во Бостон, САД. Комуникацијата продолжи и еве сега следува реализација на оваа инвестиција. Нема да се откажеме од нашата борба за секое отворено работно место. Продолжуваме со ветеното и покрај сите опструкции, напади и наметнати кризи со кои се сака да се закочи државата и да се втурне во уште поголема криза. Македонија мора да се врати на патеките на прогресот, мудро и одлучно да продолжи напред. Тоа го сакаат граѓаните и ние за тоа се бориме“ - додава Груевски на Фејсбук.