Најголемите канабис компании инвестираат во Европа!

Кои се најголемите светски канабис компании кои инвестирале во европскиот пазар во 2019 година? Заклучоци и предвидувања во врска со инвестициите за канабис во Европа...

2019 година беше најдобрата година досега за инвеститорите во канабис индустријата во Европа. Во почетокот на 2019 година, експертите рекоа дека европскиот канабис пазар може да биде во вредност од 123 милијарди евра до 2028 година, а инвестициите направени во овој сектор укажуваат дека тие предвидувања може да се потврдат како вистинити. Инвестициите што беа направени во Европа во 2019 година покажуваат дека канадските корпорации се дефинитивно најголемите играчи на европскиот канабис пазар. Тоа се очекува, бидејќи овие компании имаат ресурси да ги откупуваат своите европски конкуренти. Канаѓаните едноставно профитираат од оваа нивна предност.

* Република Северна Македонија може да стане следната европска суперсила за канабис!

Зајакот лежи во тоа што на канадските корпорации им требаат европските пазари за да опстанат во живот и за да напредуваат. Канадскиот пазар за канабис е веќе презаситен, така што корпорациите треба да направат големи инвестиции во Европа, доколку сакаат да ги задржат цените на нивните акции на високо ниво. Како резултат на ова, инвестициите и оваа година најверојатно ќе се одвиваат по слична шема. Но, канабисот сè уште не е легален во цела Европа...? Канадските компании ќе купат парцели земјиште или фирми за дистрибуција низ цела ЕУ, обезбедувајќи ги своите места во регионот сè додека локалните политички играчи не го легализираат канабисот.

Сепак, охрабрувачки е фактот што локалните власти, како Италијанската влада, веќе бараат да го стимулираат локалното производство на канабис. Овие активности можат да им овозможат на европските почетнички канабис претпријатија да напредуваат во следните години. Според најновите истражувања на пазарот, четворицата најголеми инвеститори во европскиот канабис простор се компаниите: Aurora Cannabis, Canopy Growth, Tilray, Aphria, тврди Straininsider. Други значајни големи инвеститори на пазарот за канабис во Европа се: Flowr Corp и Atlas Growers.

Автор: MoniQue Konopova

Извор: Straininsider

Република Северна Македонија може да стане следната европска суперсила за канабис!

Нашата мала земја лоцирана на Балканскиот Полуостров се стреми да стане главен играч на растечкиот европски пазар за марихуана. Претприемачите во Македонија имаат амбиции да станат главен играч на светскиот канабис пазар. Единствената пречка за планот да им се оствари се чини дека е нашата Влада...

Зеленото злато кое може економски да ја издигне нашава држава

Република Северна Македонија и покрај тоа што е сместена на Балканскиот Полуостров, заробена помеѓу соседите, со население од 2,1 милиони луѓе, сепак претприемачите за канабис во земјата сметаат дека е во добра позиција да ги престигне конкурентите и да стане центар на растечкиот европски пазар на коноп. Мајкл „Биг Мајк“ Страумитис (Michael „Big Mike“ Straumietis), извршниот директор на американската компанија за прихрана за канабис „Advanced Nutrients“, напиша по средбата со поранешниот премиер на СРМ Зоран Заев: „Дозволете да Ви кажам, оваа земја има огромен потенцијал и јас сум возбуден што сум дел од свртувањето на Македонија во една од првите суперсили за канабис во Европа“.

Од средбата на Зоран Заев со Биг Мајк

Но, за ова да се реализира потребна е акција од страна на Владата, што моментално не е така лесно во Северна Македонија. Претприемачите чекаат две години за нешто што требаше да потрае само неколку месеци. Во 2018 година владините претставници рекоа дека ќе донесат амандман на законите за медицинска марихуана донесени во 2016 година во Северна Македонија, со што ќе се овозможи извоз на цвет од марихуана. Две години подоцна, сè уште не се случила никаква промена објави Њујорк Тајмс.

Канабисот е ЛЕК!

Според сегашниот закон за легализација на медицинска марихуана, Македонија дозволува извоз на масла, екстракти и тинктури. Сепак, цветовите погодни за пушење, за кои производителите на канабис рекоа дека може да сочинува 70 проценти од целокупниот европски канабис пазар, останува нелегално. Додека амандманот сè уште не помине, оваа можност сè уште постои. Според „Тајмс“, само Португалија и Холандија дозволуваат одгледување и извоз на медицинска марихуана. Тоа е така најмногу затоа што европските земји имаат многу поконзервативен пристап од Канада и делови од САД за легализација на марихуаната.

Па, какво е сегашното канабис стопанство во Северна Македонија? Претприемачите во републиката имаат изградено објекти за управување со поголем извозен бизнис. Тие имаат дозвола да работат како правна компанија за медицинска марихуана. Тие едноставно чекаат да се усвои амандманот. За жал, поради недоразбирањава доаѓа до корупција во владата, која го опколи самиот поранешен Премиер Заев. Тој ги негира тврдењата на членови од опозициската политичка партија во Северна Македонија, кои го обвинија премиерот бидејќи сака да го монополизира бизнисот, фаворизирајќи роднини и останати сојузници кога станува збор за доделување медицински лиценци за марихуана. Тие тврдат дека тој сака да ги постави нив за да го искористат максимумот што доаѓа од профитот од легалното одгледување канабис.

Една година затвор за поседување на 14 грама канабис!

Контраверзно е исто така тоа што додека легалните бизниси со канабис во земјава ветуваат светла перспектива, нашите власти сè уште ги апсат и затвораат оние најзаслужните за напредокот на свеста кај населението за придобивките од канабисот - активистите и пациентите кои одлучиле на нелегален начин да си го спасат својот живот и здравје и кои се доказ дека домашните недозволени екстракти се поефикасни од дозволените разредени варијанти од аптека - луѓето без кои до пред неколку години во Македонија зборот „канабис“ претставуваше табу тема. Борците за легализација на употребата на канабисот кои страдаат во првите борбени фронтови, добиваат од Властите и по неколку години затворска казна поради лична употреба на многу мала количина цвет од канабис.

Бизнисот на Заев цвета, активисти лежат затвор поради неколку цвета

Поради ова, одгледувачите досега, одбиваа да ја заземат идејата за вклучување сув цвет во списокот за легален извоз на марихуана. Владините претставници рекоа дека се надеваат дека повторно ќе го покренат прашањето, кога законодавното тело на земјата ќе се состане оваа година, откако ќе заврши пандемијата со вирусот COVID-19. Интересно е тоа што новите истражувања за борбата со овој вирус сакаат да проверат дали користењето канабис може да помогне во спречувањето на ширењето на вирусот и олеснувањето на тегобите кај заразените.

Во меѓувреме, според Ројтерс, Северна Македонија издала 28 лиценци, но малку од дозволените производи се извезени „во рамките на усовршувањето на вештините од страна на производителите“ за да можат да ги исполнат меѓународните стандарди. Покрај потенцијалните загуби од страна на инвеститорите доколку амандманот не помине, прашањето за производство на легален канабис им даде големо значење на луѓето од Северна Македонија. Проширувањето на локалната индустрија за марихуана значи повеќе работни места. Тоа е особено важно за една од најсиромашните европски земји, кои се во постојана транзиција, особено во лошата економска ситуацијата од кризната состојба во земјата поради вирусот Корона со којашто допрва треба да се соочиме.

Автор: MoniQue Konopova

Извор: Green Entrepreneur

Култивација на канабис и производство на екстракти од коноп во Македонија

Медицинскиот канабис е растечка индустрија на глобално ниво и Македонија е единствената земја во регионот која го легализираше производството на канабис и производството на екстракти од коноп за медицински цели

Одгледувањето канабис за медицински цели брзо се шири и пазарот за канабис експоненцијално расте, па се очекува да се зголеми трипати во обем во наредните три години. Добивајќи барања од инвеститори од дијаспората заинтересирани за инвестирање во овој сектор во Македонија, бидејќи е единствената земја во регионот која го легализираше одгледувањето на канабис и производството на екстракти од коноп за медицински цели - го презедовме ова истражување и податоци со информации за македонската индустрија за канабис, односно одгледување канабис и производство на производи од коноп подготвено од страна на Macedonia2025, објавено пред еден месец.

Во кратки црти најпрво е претставена Светската листа на легализација на канабисот, а потоа се даваат факти за канабисот во Македонија. Потоа следат воведувањето на македонските компании во секторот за канабис и резиме на процедурите за добивање дозвола за одгледување канабис од страна на Министерството за здравство (МЗ) и Дозвола за производство на екстракти од коноп. Документот завршува со презентирање на законските одредби за одгледување на канабис во Македонија.

Светска листа на легализацијата на канабисот/марихуаната

• Аргентина - Статус: ЦБД е легализирано/Делумно медицински легализирана/Декриминализирана; 
• Австралија - Статус: Медицински легализирана/Делумно декриминализирана;
• Канада - Статус: Медицински легализирана/Целосна федерална легализација во очекување;
• Чиле - Статус: Медицински легализирана;
• Колумбија - Статус: Медицински легализирана/декриминализирана;
• Хрватска - Статус: Медицински легализирана;
• Чешка Република - Статус: легализирана медицински;
• Германија - Статус: Медицински легализирана/декриминализирана:
• Индија - Статус: федерално нелегално, но легално во некои држави;
• Израел - Статус: легализирана медицински;
• Италија - Статус: Медицински легализирана;
• Јамајка - Статус: делумно медицински легализирана/декриминализирана;
• Македонија - Статус: Медицински легализирана;
• Мексико - Статус: Медицински легализирана/декриминализирана;
• Филипини - Статус: Медицински легализирана;
• Полска - Статус: Делумно медицински легализирана;
• Турција - Статус: Медицински легализирана;
• САД - Статус: медицинската употреба е легална во 31 држава и во округот Колумбија;
• Уругвај - Статус: легализирана.

Канабисот во Македонија - Факти

Марихуаната во Македонија се одгледува на 140 илјади квадратни метри површина. Од шесте компании кои имаат дозволи од МЗ за одгледување канабис, само една произведува масло од канабис (NYSK Holding). Светската продажба на медицински канабис е над 7 билиони долари, а се проценува дека пазарот ќе се зголеми за три пати во наредните три години. BIRN се обиде да добие копии од одобренијата за одгледување на канабис за медицински цели (преку барања за информации од јавен карактер), но добиле нецелосни одговори или воопшто не добиле никакви одговори. Премиерот Зоран Заев повика: „...сите инвеститори кои имаат ресурси да инвестираат во оваа индустрија, бидејќи тоа е профитабилно“. Тој изјави дека земјата очекува многу нови отворени позиции и 100 милиони евра приход во странска валута.

Постоечки компании кои легално одгледуваат канабис во Македонија

Компаниите кои во моментов работат во индустријата за канабис во Македонија се:

1. Реплек Фарм ДООЕЛ, Скопје (мај, 2016); Прв производител на масло од канабис во Македонија со 400.000 евра инвестиции;
2. NYSK Holding, Скопје (декември, 2016); NYSK има засадено канабис на 1.000 квадратни метри, каде растенијата се одгледуваат во затворени простории. Единствената компанија со капацитет за екстракција на масло од канабис и веќе произведува масло за готов производ на големо. Целата инвестиција, според проценките на Кешковски, се очекува да изнесува околу 5,5 милиони американски долари;
3. МАМ, Свети Николе (април, 2017); МАМ има засадено канабис на 20.000 квадратни метри во оранжериите. Вкупната инвестиција се очекува да надмине 10 милиони евра, а во моментов има 30 вработени од Свети Николе. Трајче Заев, сопственик на МАМ, рече дека се во тек преговорите со странските инвеститори за отворање капацитет за екстракција на масло;
4. Оаза Алкалоиди, Штип (август, 2017); Сопственик: Славе Ивановски;
5. Каба Хербал, Скопје (август, 2017);
6. 5 Letters, Ресен (септември, 2017); 5.200 квадратни метри објекти за одгледување канабис во затворени простории;
7. Мedical 420, Битола (декември, 2017);
8. Фарма Медика канабис, Валандово (мај, 2018); Ко-основачи: Катерина Бојовиќ Заева и Бобан Заев. Бобан Заев има големи планови за инвестиција, која наводно ќе отвори 500 нови позиции;
9. F&М, Врапчиште, Гостивар (јули, 2018).

Процедури за добивање лиценца

Постапка за добивање дозвола за одгледување на канабис: Правното лице заинтересирано за одгледување на канабис подготвува елаборат и го доставува до МЗ. МЗ потоа формира Специјална комисија (комисија) составена од претставници од МЗ, Министерството за земјоделство, шумарство и водостопанство (МЗШВ) и Агенцијата за лекови и медицински средства (МАЛМЕД). Во рок од 7 до 10 дена по приемот на елаборатот, Комисијата врши теренска инспекција и изготвува Извештај за мислење (позитивен или негативен) кој потоа се доставува до Владата на Република Македонија. Доколку Извештајот за мислење е позитивен, Владата издава согласност и го доставува до МЗ. МЗ потоа дава дозвола за одгледување на канабис. Пред започнување со одгледување канабис, правното лице поднесува барање за сеење/садење на канабис до МЗШВ, кое дава дозвола за сеење/садење (во зависност од тоа дали семето се сее или садниците се садат).

Постапка за добивање дозвола за производство на екстракти од коноп

Од друга страна, постапката за добивање дозвола за производство на екстракти од коноп е многу поедноставна: Правното лице доставува Барање за дозвола со придружни документи до МАЛМЕД, која донесува одлука по разгледување на Барањето. Придружните документи за добивање на дозволата се следниве:

• Листа на фармацевтски дозирани форми кои ќе бидат произведени;
• Технички-технолошки елаборат - Широка Мапа на датотеки;
• Документи (како додипломски студии по фармакологија, испити за фармацевтски компетенции, договор за работа итн.) За вработените одговорни за производство, контрола на квалитетот и етикетирање на екстрактите од коноп за трговија;
• Доказ за евиденција на правното лице во Централниот регистар на Република Македонија;
• Дозвола за користење на објект во кој ќе се врши производство на екстракти од коноп;
• Листа на имоти како доказ за сопственост на објектот или договор за закуп на објектот;
• Доказ за платен административен данок и други трошоци поврзани со добивање на дозвола за производство на екстракти од коноп согласно со подзаконските акти за лекови.

Трошоците поврзани со постапката за добивање дозвола за производство на екстракти од коноп се 1.000 евра. Крајниот рок за доделување дозвола за производство на производи од екстракти од коноп е 90 дена. Понатаму, во зависност од видот на производството на екстракти од коноп, производителот треба да ги има следниве простории:

• Магацин за прием и складирање на суровини, со исполнети барања за карантин додека се спроведува контрола на квалитет;
• Магацин за прием и складирање на материјали за пакување, со исполнети барања за карантин додека се спроведува контрола на квалитетот;
• Простор за производство и пакување;
• Простор за привремено складирање на полупроизводи;
• Простор за контрола на суровини и материјали за пакување;
• Контролна лабораторија;
• Магацин за складирање на производи под декларирани барања за чување, со исполнети барања за карантин додека се спроведува контрола на квалитетот;
• Посебен склад; 
• Обезбеден магацин за складирање на: Суровини категоризирани во групата на опиумски лекови, психотропни супстанции и прекурсори на опиумски лекови; Лекови кои содржат опиумски лекови и психотропни супстанции; Опасни хемикалии; Суровини и производи кои не се одобрени во постапката за контрола на квалитетот;
• Превозен објект;
• Канцеларија;
• Гардероба;
• Санитарен објект.

Правни работи за одгледување на канабис - Критериуми за подобност

Во делот „Одгледување на коноп наменет за производство на опојни дроги“ од Законот за контрола на опиумски лекови и психотропни супстанции, се предвидува да се одгледува канабис за медицински и/или за научни цели. Одгледувањето на канабис е дозволено само за правни лица кои поседуваат дозвола за одгледување на канабис издадена од МЗ, по претходна согласност од Владата.

Потребни услови - Правното лице е должно:

• Да поседува соодветен простор, површини или земјиште за одгледување, сушење и складирање на канабисот, соодветно опремени со производството; односно капацитет за преработка на правното лице за одгледување канабис;
• Просторот треба да биде заштитен од атмосферските влијанија и да биде затворен со ограда од најмалку 4 метри, со ринов елемент пред оградата во три реда кофи и бодликава жица над оградата;
• Да има 24-часовен видео надзор над целиот простор;
• Да има 24-часовно присуство на физичка безбедност;
• Да има најмалку четири вработени од кои најмалку едно лице е дипломиран фармацевт со најмалку три години работно искуство во областа на фармацијата и најмалку едно лице кое е дипломиран агроном - земјоделска програма со најмалку три години работно искуство во оваа област.

Постапка за добивање дозвола за сеење канабис

Правното лице кое има одобрение за одгледување канабис издадено од МЗ, пред почетокот на садењето е должно да поднесе барање до МЗШВ за добивање на дозвола за сеење на канабис. Барањето се дополнува со дозвола за одгледување на канабис издадена од МЗ (заверена фотокопија од нотар); документ за сертифициран семенски материјал; елаборат/план за одгледување на коноп кој содржи информации за тоа како ќе се одгледува растението, количина (број на семиња, садници, стебла, влажна и сува тежина).

Дозволата за сеење на канабис ја издава МЗШВ во рок од 15 дена од денот на приемот на комплетното барање. Правното лице, по добивањето на Дозволата за сеење коноп од МЗШВ, е должно да го извести МЗ, МЗШВ, МАЛМЕД и Комисијата пред почетокот на сеидбата/садењето на семето од коноп. Законското решение предвидува дека за време на периодот од сеидбата/садењето до жетвата на конопот, Комисијата ќе спроведе инспекција најмалку два пати над одгледувањето на канабисот.

Евиденција за одгледување, собирање и сушење коноп

Одгледувачот на канабис е должен да води евиденција за култивираниот канабис (сеење, производство на садници, пресадување и број на стебла). Тој исто така е должен да ги регистрира и да ги пријави сите промени и отстапувања во одгледувањето на канабис, кои претходно биле планирани во елаборатот, до МЗ и МЗШВ. Култиваторот на канабис е обврзан, пред да започне со жетвата, да го извести МЗ за денот на започнувањето на бербата на конопот. По завршувањето на жетвата на коноп, проверката на собраните билки ја врши Комисијата со цел да се утврди бројот на собрани стебла и влажната маса. Формата, содржината и начинот на водење евиденција за сите фази на одгледувањето на канабис ги пропишува МЗ.

„По жетвата, собраната билка/конопот се суши во специјално наменски уреден простор, со големина зависно од количината на култивираниот коноп, лоциран на истото место каде што се одгледува конопот. Култиваторот на канабис мора да има сушено растение/коноп пакувано во картонска кутија и запечатено со сигурносен печат. Понатаму, картонска кутија со сушеното растение/коноп која е задолжително означена со следните податоци: име и седиште на правното лице (култиватор/производител), година на производство, име на суровина, нето и бруто сува маса, образец (лист, цвет, растение, цело, сецкано) и датум на пакување. Одгледувачот на канабис доставува извештај до МЗШВ и МАЛМЕД за завршен процес на одгледување и вкупната сурова маса што е добиена“ - е дефинирано во член 29 на соодветното законско решение.

Правни ограничувања

Во соодветната легислатива е предвидено дека канабисот кој се одгледува во Република Македонија може да се обработи само во Република Македонија, исклучиво од правно лице кое има дозвола за производство на екстракти од коноп. Преносот на коноп на преработувачката локација го врши производителот на коноп придружен од претставници на Министерството за внатрешни работи, на сметка на производителот.

Извоз-увоз

Дозвола од МАЛМЕД мора да се добие пред увозот на семе и саден материјал. Според последните измени на соодветното законодавство, правното лице е должно да обезбеди само доказ за потекло на семето/садниот материјал што треба да се увезува; сертификат за квалитет на семето/садниот материјал не е задолжителен. Македонските компании во индустријата за канабис користат и семе и саден материјал во нивните процеси на одгледување. Реплек Фарм, на пример, увезува среден производ - сушен канабис од кој произведува екстракти.

Според постоечката легислатива, дозволен е само извоз на финални производи (екстракти, гранули, масло и слично). Компаниите кои го одгледуваат канабисот во Македонија не им е дозволено да ја извезуваат билката и затоа го замрзнуваат цвеќето (свежо или сушено). Се препорачува идната компанија да најде сместување за своите постројки или да изгради објект за екстракција пред да започне одгледувањето на канабисот. Понатаму, финалните производи може да се класифицираат, а со тоа и да се извезат, како два вида, во зависност од содржината на THC што е присутна во производот:

1. Храна - под 0,001% THC; Гранична линија на производ - помеѓу 0.001% и 0.2% THC (исто така производи од канабис кои се ниски во THC, но содржат и други канабиноиди, како CBD, спаѓаат во оваа група);
2. Лек - над 0,2% THC; МАЛМЕД е официјално тело кое дава дозвола за извоз на производи и лекови на граничната линија. Извозната давачка изнесува 1.000 денари, без оглед на извозната количина. Во случај на лекови, постапката е посложена и бара поголема контрола и документација.

Автор: Adil Mehmed

Превод: MoniQue Konopova

Извор: Macedonia2025

Уште неколку интересни интервјуа за канабисот со македонски познати личности

Нашиот тим 420 Macedonia во соработка со познатите личности ги руши стигмите! Ве замолуваме да го споделите нашиот труд. Ги охрабруваме сите македонски јавни личности од естрадата да престанат да се плашат да зборуваат на оваа тема за побрзо да го ослободиме конопот во Република Македонија со цел да обезбедиме поубав свет за нашите деца!!! КАНАБИСОТ Е ЛЕК! НУЛА СМРТНИ СЛУЧАИ ДО СЕГА КАНАБИСОТ Е ЛЕК! НУЛА СМРТНИ СЛУЧАИ ДО СЕГА, А БЕЗБРОЈ ОЗДРАВЕНИ!

Гостување во Урбан Таг. Канабисот е Лек

Во продолжение неколку видеа кои ги подготвивме под водство на нашата Претседателка Моника. Краток разговор во живо за канабисот на активистката и новинарка Monique Konopova и актерот Kiril Pop Hristov: „…НА БАБА МИ ТРЕВАТА БЕШЕ НАЈ ДОБРАТА ТРЕВА ШТО ПОСТОИ НА ОВАА ЗЕМАЉСКА КУГЛА…“. Кратко интервју со Dj Pancho aka Shorty P, кој се согласи јавно да проговори за канабисот пред нашата камера. РЕСПЕКТ ЗА ПАНЧО! Слаткаристика зборува за канабисот и зошто треба да биде целосно слободен, а говори и за неговите лични искуства со билката и го најавува настанот ONE LOVE TOUR 2018 којшто се одржа во градскиот парк во Скопје. Интервју за демистификација на канабисот со раперите од Локос Железарос. Кратко интервју со д-р Зоран Пејчев, доктор по општа медицина од затворот Идризово, кој искрено објаснува како навистина стојат работите во македонскиот општествен систем, поконкретно на кој начин се поврзани македонската власт и медицинските служби кај нас.

Новинар, Главен и одговорен уредник, Активист и Претседател на здружението 420 Македонија-Скопје: Моника Ристеска (MoniQue Konopova). Постпродукција и монтажа: Томислав Живковиќ (Tomislav Zivkovic Photography) и Заменик претседателот на здружението 420 Македонија - Скопје, Мики Трајковски

Интервју за канабисот со актерот Кирил Поп Христов!

Интервју за канабисот со музичарот Dj Pancho aka Shorty P

Раперот Слаткаристика зборува за канабисот

Интервју за демистификација на канабисот со раперите од Локос Железарос

Интервју за канабисот со д-р Зоран Пејчев

Новинар и Уредник: MoniQue Konopova

ЧИТАЈ ПОВЕЌЕ:

* Интервју за канабисот со Тони Зен. Дали канабисот претставува инспирација за творење?

* Интервју за канабисот со д-р Милан Ристески спец. радиотерапевт-онколог

* За активизмот на Моника Ристеска позната во јавноста како MoniQue Konopova!

Како да помогнеме конопот побрзо да се ослободи во Република Македонија?

Секој треба да слушне за овој лек! Секој од нас биолошки поседува ендоканабиноиден систем. Уморни од чекањето на целосната легализација каде што живеете? Еве како да се забрза зелениот бран. Зеленото цунами се шири низ сè повеќе држави во целиот Свет, а ти можеш да го забрзаш овој процес!

Калифорнија, најголемиот рекреативен канабис пазар во светот, беше отворен на почетокот од овој месец. Вермонт неодамна стана првата држава што го усвои законот за легализација преку законодавната власт, наместо на изборите. И поддршката за легализација на марихуаната е рекордно висока меѓу двете страни. Но, има уште многу работа со милиони Американци кои не се во можност да пристапат кон легална марихуана - или дури и легално ЦБД - за здравствените состојби во нивната држава. Ако сте редовен корисник на канабис во држава каде што тоа е казниво, може да биде крајно фрустрирачки да го гледате целиот напредок што го зема легализацијата ширум светот, додека вашата татковина не прави ништо во врска со тоа... Ти не си само една капка во океанот, затоа што без тебе океанот нема да е целосен и затоа ја имаш моќта многу да допринесеш ако ја сфаќаш сопстрвената вредност во општеството. Се прашуваш: Како можам да помогнам во легализацијата на марихуаната во мојата држава? Многу едноставно, најпрво споделете го овој текст по социјалните мрежи, а потоа проследете ги чекорите кои ги издвоивме за побрзо придвижување на работите:

1. Прв чекор

Основната почетна точка е да се научи повеќе за историјата на канабисот, многу може да научите од оваа страница. Научете зошто марихуаната станала нелегална во 1937 година; за Никсоновата војна против дрогата. Оваа историја - која покажува дека забраната за марихуана во голема мера била заснована на лаги, измислици, СТРАВ и пристрасност, а не на факти - служи како важно оружје кога се сакате да преговарате легализација. Потоа, разгледајте како законите се менуваат во вашата држава. Некои држави дозволуваат гласачки иницијативи и референдуми.

2. Најдете локални сојузници - засегнати пациенти, правници, адвокати и АКТИВИСТИ!

Нема потреба да се започнува од нула. Организациите или поединците како нас веројатно веќе одамна упорно работат за да ја легализираат марихуаната во вашата држава. Може да бидете пријатно изненадени да пронајдете активни групи за реформи во политиката за канабис во вашата непосредна област. Како што се поврзувате со други активисти во вашата држава и како доаѓате до заеднички конструктивни идеи, можеби ќе најдете различни вредности или визии за тоа како треба да изгледа декриминализацијата. Сојузот меѓу постарите активистички групи и свежата енергија на новодојдените, често може да доведе до големи резултати. Долгогодишните упорни активисти имаат перспектива и мудрост што може да дојде само со децении во борбата, додека помладите канабис ентузијасти можат да понудат сосема нови агли. Секој глас е важен!

3. Лоцирајте политичари и јавни личности кои работат на ова прашање

Дали некој локален политичар во вашата област беше пријателски настроен за проблемите со канабисот? Државните законодавци, членовите на градскиот совет и градоначалниците можат да бидат големи сојузници во зголемувањето на јавната свест и носењето позитивни промени на ова поле. Можете да дознаете кои се локалните клучни играчи и да се поврзете со нивниот персонал. Колку повеќе функционери и службеници, т.е. лица кои работат во јавниот сектор се поврзуваат со вистинските луѓе кои се грижат за ова прашање, толку повеќе тие имаат тенденција да допринесат. Вие не треба да бидете експерт, туку само да им кажете дека се грижите и дека не сакате законот да ве третира како криминалци. Дознајте кои јавни личности користат канабис и би биле спремни отворено да проговорат за тоа и да се вклучат во движењето за ослободување на канабисот во Македонија. Стапете во контакт со пејачите, актерите, бизнисмените и сите „фаци“ кои веќе одамна потајно сурфаат на зелениот бран!

4. Порака до локалното население

Важно е да зборувате за загриженоста на вашата заедница, за маката и СТРАВОТ низ која секојдневно поминуваат пациентите за да дојдат до лекот, а не само за позитивните страни на канабисот. Можете да ја прилагодите вашата порака за да ги вклучите локалните причини за ставање крај на забраната за марихуана. Знаете за што се грижат луѓето во вашето непосредно соседство - дали тоа е криминал, зависност од опиоиди или невработеност - низ таа призма може да ги користите оние придобивки од декриминализацијата на тревата кои најмногу одговараат во вашата средина. Марихуаната се покажа како ефикасна алтернатива на опиоидите, кои предизвикуваат зависност и фатално (смртно) предозирање. Канабисот никого до сега не убил, а канабис индустријата може да стави крај на невработеноста во Македонија и крај на одливот на младите во странство...

5. Постојано разговарајте со луѓето околу вас, канете пријатели и СПОДЕЛУВАЈТЕ!

Дури и без активно да се вклучите во политичката сцена, можете да направите разлика кадешто живеете. Секој треба да слушне за овој лек! Секој од нас биолошки поседува ендоканабиноиден систем. Разговорите со блиските за канабисот, одговарањето на нивните прашања и нивната критичност, можат само одлично да ве подготват кога ќе сакате канабисот да го браните јавно.

Автор: MoniQue Konopova

Извор: HERB

Роза од Гевгелија лично си ја одгледува билката за самолекување

Неизмерно ѝ благодариме на Госпоѓа Роза за испратената фотографија и убавите зборови. Благодариме за поддршката и за тоа што таа се охрабри јавно да зборува со цел да нè освести за да го промениме мислењето за овој семоќен природен и најбезбеден лек канабис. Таа има 53 години и тврди дека маслото од канабис е универзален лек и дека кај нас во Македонија мора да се променат работите

Роза сите ги охрабрува да се лекуваат со канабис

„Ова е во Холандија. Да е во Македонија ќе биде како дрво калинка. Македонската земја е рај за ова растение од кое можат да се исцелат многу луѓе, а јас сум една од нив што го правам сама и користам. Ја давам мојата поддршка во Македонија да се легализира конопот и да се отворат шопови како во Холандија Утрехт (Utrecht), а јас сум од Гевгелија. Овде не те брка никој за ништо ако не сториш ништо лошо“ - истакнува Роза.

Таа вели дека канабисот не е дрога, туку лек и нејзината здравствена состојба ја натера таа сама да почне да си го одгледува и подготвува лекот. Со неа ја подготвивме оваа кратка листа на болести кај кои канабисот дефинитивно може да помогне, како потсетник за да не се плашите да пробате да ја третирате и искорените секоја дијагноза, па да ја прошируваме заедно оваа листа. Запомнете дека никој до сега не починал од канабис и на никој начин не бил оштетен од ова растение. Маслото од канабис помага кај:

* Рак
* Епилепсија
* ПТСД
* Дијабетес
* Кронова болест
* Гихт
* Олеснување на болка
* Глауком
* Опиумска зависност и други зависности
* Зависност од алкохол
* Несоница
* Псоријаза
* Херпес зостер
* Анорексија
* Астма
* Фибромијалгија
* Ревматоиден артритис
* Мигрена
* Драветов синдром (епилепсија)
* Мултиплекс склероза
* Анксиозност
* Депресија
* Хепатитис (воспаление на црниот дроб)
* Хиперхолестеролемија (нарушување на метаболизмот на мастите)
* Дијабетес
* Неоплазми (формирање на тумори)
* Имунолошки дефицит
* Леукопенија (недостаток на бели крвни клетки)
* Артериосклероза
* Хемороиди
* Хроничен замор
* Вртоглавица предизвикана од неврастенија (нервна слабост)
* Хипертензија (висок крвен притисок)

Колку странските инвеститори се навистина странски? Кој стои позади фирмата која доби одобрение за одгледување марихуана за медицински цели?

Вистината секогаш излегува на виделина!

Екс-премиерот Никола Груевски пред околу еден месец присуствуваше на промоција на, како што беше речено, нов странски инвеститор, овој пат од САД, кој ќе одгледува коноп и марихуана за медицински цели. Истражувањето што го направи „360 степени“ откри дека за одобрението за одгледување марихуана во конкретниот случај аплицирала фирма чиј единствен сопственик во тој момент е македонски државјанин. Во документите нема никаква трага од странски капитал се до еден ден пред формализирањето на претходно спроведената процедура за давање одобрение.

Кои се инвеститорите на фабриката за производи од канабис во Македонија?
 

Исто така, таа фирма во моментот на аплицирање нема ниту еден свој вработен, а законот бара минимум четворица. Проверките покажаа и дека одобрението за одгледување коноп го издал ресорот со кој раководи министерот Никола Тодоров, а согласноста на одобрението ја потпишал, исто така Никола Тодоров, но сега во својство на вицепремиер кој претседавал со седницата на Владата, кога се усвојувала согласноста. Американските инвеститори имаат своја верзија и тврдат дека се било законски.

Извор: Либертас

Кои се инвеститорите на фабриката за производи од канабис во Македонија?

Пред два дена на 11 април во Скопје се одржа свеченото отворање на првата фабрика за производи од канабис во Македонија, во кругот на поранешен ОХИС. Станува збор за компанија отворена како странска инвестиција на компанија со седиште во САД, која претставува една од најискусните и водечки компании по капацитет во светот од областа на производство на медицински канабис. Станува збор за американската компанија „NYSK holdings“ ДОЕЛ Скопје и времето ќе ни покаже колку истата е реномирана? По тој повод во ТВ Нова гостуваа двајца од инвеститорите – Мајкл Сатон и Џон Монтгомери. Со гордост го поздравуваме овој голем потег на нашите Власти и дај Боже да започнеме побрзо со отварање на уште повеќе фабрики без да ни се мешаат странци! Но, кои се овие мистериозни ликови? Зошто ниту еден активист во Македонија, ниту еднаш до сега не слушнал за нивните имиња...? Мало објаснување за инвеститорите ќе ви даде Филип од ЗА:

„Го поздравуваме отворањето на нова компанија за одгледување и производство на производи од канабис и сметаме дека може да придонесе за подобра конкурентност и намалување на цените на пазарот и наш став е дека треба да има што повеќе производители како би имало поголема конкурентност и различни производи. Сепак, сметаме дека Македонија како земја може ова да го направи и сама и без помош на странски инвестиции кои според изјавите ќе придонесат за вработувања, но сепак се работи за странски фирми. Сметаме дека во Македонија има луѓе со знаење и капацитет за одгледување и производство на канабис и производи од канабис со висок квалитет кои ги задоволуваат сите стандарди. Па, би ги замолиле законодавците во Р.М. да размислат за помагање на домашни производители, домашни фирми кои исто така би имале производство од семе до готов производ и освен вработувања ќе придонесат и со внесување и обрт на финансиски капитал кој ќе ОСТАНЕ во ДРЖАВАВА“ - истакна Филип Достовски на ФБ групата од здружението Зелена Алтернатива.

„Мораме да истакнеме дека како здружение, не сме запознаени со оваа компанија и не сме ја сретнале на ниту еден познат светски саем за одгледувачи низ светот, ниту пак сме сретнале производи произведени од истата што за нас е зачудувачки со оглед на тоа дека сопствениците истакнуваат дека се меѓу најдобрите производители на медицински канабис во светот. Би сакале да ги потсетиме и инвеститорите дека граѓаните во огромен број веќе користат канабис и тие, како и македонските институции и доктори, се веќе добро запознаени со придобивките од користењето на истиот, нешто на што работиме веќе 5-та година и со нашите три семинари на кои предаваа врвни светски експерти од полето на канабисот, со обуката на нашите лекари во организација на нашето здружение, МАЛМЕД и Министерство за здравство, како и граѓанскиот активизам на терен, придонесовме да се смени јавното мислење за употребата на канабис и да добиеме закон за легализација на канабисот во медицински цели“ - додава Филип.

Кои се овие инвеститори и зошто ја одбраа токму Македонија? „Еден од пропаднатите погони на ОХИС ќе прерасне во фабрика за производство на канабис за медицински цели. Компанијата NYSK холдинг веќе вработила 15 луѓе, а конечниот број треба да достигне 200. Плановите вклучуваат отворање на висококвалификувани и високоплатени технички работни позиции. Вкупната инвестиција во наредните 5 години ќе изнесува од 3 до 5 милиони долари. Фирмата ќе произведува 20 различни производи од канабис, а првиот финален производ се очекува во август годинава. Компанијата веќе вложи половина милион долари за реновирање на постоечкиот објект.

Основачот на компанијата е македонски иселеник од охридскиот крај, кој долги години живеел во САД. Првичниот контакт со македонската владина делегација на роуд шоу во Бостон резултирала со конечна одлука за производство на медицински канабис во кој многу луѓе гледаат спас за лекување на рак, ХИВ, мултиплекс склероза, детска епилепсија и други. Министерот за здравство Никола Тодоров потенцира  дека денешната инвестиција е резултат на одлуката за легална употреба на канабисот во медицински цели во земјава. За лидерот на ВМРО-ДПМНЕ, новата инвестиција е резултат на владините роуд шоуа за привлекување странски инвестиции. Во Република Македонија има одобрени производи на база на канабис кои секој може да ги купи во аптеките без лекарски рецепт. Досега граѓаните купиле околу 10 илјади пакувања“ - вели Тања Попова од Алфа ТВ.

Низ нашите медиуми оваа инвестиција е доста фалена. Еве што пишува МИА: Вкупната инвестиција во период од пет години ќе биде меѓу три до пет милиони долари. NYSK холдинг веќе инвестирала половина милион евра во реновирање на овој браунфилд објект од 2.000 метри квадратни. Компанијата веќе вработила 15 лица со полно работно време и со натпросечни примања, со план да вработи 50 до крајот на годината и 200 лица во наредните пет години. Министерот за странски инвестиции Џери Наумоф во обраќањето по повод отворањето на објектот, рече дека гордост му претставува да објави дека зградата во комплексот на ОХИС е целосно реновирана со цел да стане првиот модерен објект со лиценца за медицински канабис во Македонија за одгледување и извоз на масло од медицински канабис во земјите од Европа. „Само неколку нации во светот имаат законско право да одгледуваат и да извезуваат медицински канабис, а сега Македонија е една од нив и тоа не` прави нова дестинација за оваа брзорастечка индустрија“ - посочи Наумоф.

Основачот на NYSK холдинг, инвестициска групација и извршен партнер Толоманоси за време на отварањето рече дека канабисот ќе биде медицински спасител за многумина кои се борат со болести како рак или детска епилепсија и се очекува да достигне преку 20 милијарди бруто продажба во ЕУ до 2021 година. Џон Монтгомери, инвеститор за медицински канабис и експерт во областа истакна дека ќе го испорачаат најквалитетниот медицински канабис на пазарот. „Ние ќе го зголемиме бројот на работни места и ќе вработуваме македонски работници. Нашите одгледувачи експерти ќе ги обучат нашите вработени тука. По речиси една деценија во оваа индустрија, ние сме многу сигурни во нашата способност да го донесеме најквалитетниот лек во оваа убава земја“ - рече Монтгомери.

Вицепремиерот и министер за здравство Никола Тодоров рече дека настанот е резултат на заложбите на Владата и министерството за овозможување употреба на канабисот во медицински цели во Република Македонија. Со оваа инвестиција, посочи, ги поставуваме темелите на одгледувањето канабис за медицински цели во РМ. „Покрај оваа компанија уште неколку други имаат поднесено барања за добивање дозвола за одгледување коноп за медицински цели, а за една од нив постапката е веќе во финална фаза“ - додаде Тодоров. На означувањето на почетокот со работа на оваа инвестиција присуствуваше лидерот на ВМРО­-ДПМНЕ Никола Груевски, кој претходно на својот Фејсбук профил напиша дека и во вакви исклучителни услови во кои се наоѓа државата се трудат да обезбедат стимулирање на економијата и отворање нови работни места. „Борбата да се привлечат инвестиции понекогаш е долгорочна работа. Денеска присуствував на почеток со работа на компанија од Америка со која што првиот контакт го имавме пред 4 години во Бостон на тогашното роуд шоу... Ефектите доаѓаат подоцна ако промоцијата добро се изработи. Сега одлучиле да инвестираат токму тука во Македонија, да вработат 200 лица, да инвестираат неколку милиони евра и да извезуваат годишно по 10 милиони долари. Тоа е сериозна инвестиција со која 200 семејства ќе најдат егзистенција, а ќе се рестартира и еден од погоните на ОХИС“ - рече Груевски.

„Политичката криза во која опозицијата ја втурна државата нема да не' поколеба да се откажеме од борбата за подобар живот на граѓаните. И во вакви исклучителни околности кои се важни за опстојувањето и иднината на државата, ние држиме до зборот и се трудиме да обезбедиме стимулирање на економијата и отворање на нови работни места. Откако минатата недела се промовираше новата германска инвестиција во Желино, тетовско, денеска официјално почнува со работа и уште една компанија, овој пат од медицинската индустрија, која доаѓа од САД, а инвестира во Скопје. Компанијата од САД која во Македонија ќе дејствува како „NYSK Holding“, ќе се занимава со одгледување и производство на канабис за медицински цели, а планот е да вработат 200 вработени што значи сигурна егзистенција на 200 семејства. Инвестицијата ќе се развива во наредните 5 години. Тие веќе земаа браунфилд објект во фабриката ОХИС некаде околу 2000 м² кој го адаптираа за своите бизнис цели. 

Главни пазари на кои ќе се извезуваат продуктите од оваа компанија се ЕУ, пред се Германија и Италија, како и Југоисточна Европа. Значи ќе имаме една успешна приказна каде една фабрика во минатото беше затворена, а сега имаме рестартирање и употреба на дел од нејзините капацитети. Првичните контакти со сопствениците на NYSK Holding се направени пред 4 години, за време на една бизнис промоција на можностите за инвестирање во Бостон, САД. Комуникацијата продолжи и еве сега следува реализација на оваа инвестиција. Нема да се откажеме од нашата борба за секое отворено работно место. Продолжуваме со ветеното и покрај сите опструкции, напади и наметнати кризи со кои се сака да се закочи државата и да се втурне во уште поголема криза. Македонија мора да се врати на патеките на прогресот, мудро и одлучно да продолжи напред. Тоа го сакаат граѓаните и ние за тоа се бориме“ - додава Груевски на Фејсбук.

Една од целите на Родна Партија е декиминализацијата на канабисот!

Пронајдено е решение за многу од нашите заеднички проблеми, вклучувајќи го и овој со канабисот. 

Да ги ослободиме сите билки!

Решението се нарекува „Родов Имот“, сплотеност, љубов и мир помеѓу секој жител на Република Македонија. Родна Партија е новата политичка опција во Македонија чија главна цел е враќањето на вистинските општествени вредности на правото место. Оваа нова партија е формирана од млади луѓе на кои им е здосадена моменталната ситуација во нашата земја и кои сакаат темелна промена. 

Овие млади луѓе беа доволно храбри да останат на овие наши простори и да не заминат во странство барајќи подобра иднина за себе на друго место. Тие беа доволно храбри и разумни за да сфатат дека нема бегање од ништо и среќата не се бара надвор, туку дека таа доаѓа од внатре, па затоа одлучија да започнат со менувањето на иднината на нашата поременета држава од нејзиниот корен - започнувајќи од индивидуата и семејството. Овие високо образовани млади луѓе сфатија дека промената нема да се случи со кукање и офкање колку ни е лоша државата, затоа што на тој начин привлекуваме РМ да стане уште полоша. 

Основачите на Родна Партија се свесни вибрациски битија кои знаат дека доброто со добро се враќа и промената што започнаа да ја креираат знаат дека мора да се постигне на мирен начин - со љубов и добрина, а не со крвопролевање како до сега! Една од целите на Родна Партија е декиминализацијата на канабисот, затоа што тоа е само една обична лековита билка што секој треба да има право самостојно да си ја одгледува и да научи повеќе што е тоа пермакултурно живеење. 

„Родовиот имот“ е природно пространство од 1 хектар земја на кое човекот во соработка со останатиот жив свет (птиците, растенијата, пчелите, сонцето и ветрот) е способен да си создаде радосен, богат и самоодржлив начин на живот. За таа цел се основа Родна Партија: канабисот е природно растение исто како нането, липата, црешата, брезата, пиперот и доматот... Природата е една хармонична целина во која секое цветче, животинче, бубалче и растение си има своја улога. Некои од растенијата го прочистуваат воздухот наменет за дишење, некои растенија имаат витамин А, Б или Ц, некои имаат магнезиум, а некои ТХЦ. 

Државата нема право да му забрани на човекот да си исечка кромид во шопската салата!? Докажано е дека канабисот помага при разни заболувања. Државата го забранува лекот за луѓето... Па, еве реален и практично изводлив план за дејствување - Родна Партија. За да се основа политичка партија потребни се 1.000 потписи заверени на нотар (150 ден.) и државјанство не постаро од 3 месеци (170 со картичка или 220 во кеш). Се` на се` 30 минути и 370 денари. Ситуацијата во која се наоѓаме нема да се промени сама од себе, ние сме тие што треба да ја направат промената. Време е да започнеме да садиме со љубов и радост, без страв и притисок од општеството.

Македонија ќе биде среќна само доколку сите поединци во неа се среќни. Македонија е спремна за промена, а промената зависи од секој поединец! Не игнорирај и направи добро дело денес и стави го својот фокус на она што го сакаш, а не на она што ти пречи! Можеби не можеш да ги нахраниш сите гладни, но можеш да нахраниш еден. Секое море започнува со една капка. Ако му помагаш на ближниот, си помагаш сам/а на себе. Поддржи ја Родна! Поддржи ја промената. Споделувањето на овој текст ќе те чини само еден клик. Затоа длабоко размисли, освести се и сподели го овој текст за сите да можат да се освестат и наскоро спокојно да уживаат во убавините на Македонија со џоинт во рака каде и да посакаме. 420macedonia им дава поддршка на сите кои се борат за легализација!

Втор канабис семинар во Македонија 27.09.2015, кино МИЛЕНИУМ, Скопје организиран од Зелена Алтернатива

Здружението „Зелена Алтернатива“ има особена чест и задоволство и оваа година да ве покани на семинарот на тема:

„Канабис: Теорија и пракса“
Елитата на Медицинскиот Канабис на едно место.

 

Семинарот ќе се одржи во кино Милениум, во недела, 27ми септември во 12:00 часот.
Картите за семинарот што ќе се одржи во недела во Кино Милениум се бесплатни, а може да се подигнат на билетара утре (сабота - 26.09.15) цел ден од 10:00 до 22:00 вечер! 

Предавачи на семинарот се: Рик Симпсон, Лумир Хануш и Пол Хорнби.
Рик Симпсон не е во можност лично да присуствува така да ќе говори преку Skype.

Др. Лумир Хануш во првиот дел од неговото обраќање ќе говори за ендоканабидоидите и компатибилноста на човечкиот организам и Канабисот. Во вториот дел ќе ни одговори на прашањето: Дали имаме доволно знаење за третманот со Канабис - стари и нови сознанија за медицинската вредност на Канабисот во лечењето на болни. Многу интересно ќе биде излагањето на др. Пол Хорнби: под наслов: Важноста на CBD-то (The importance of CBD).

Тој ќе се сконцентрира на важноста на CBD (канабидол), вториот по важност канабидоид во канабисот кој има огромна улога во модерните третмани со канабис. Тој ќе има осврт кон CBD-то екстрактирано од нашиот „македонски див коноп“ кој секоја есен залудно скапува по полињата и покрај патиштата во Македонија. Ќе зборува за важноста на ова македонско национално богатство во медицината и во лекувањето на болни и потенцијалот што овој ендемичен подвид на канабис би го имал на глобалниот-светски пазар.

Покрај овие светски експерти за медицински канабис на семинарот ќе присуствува и говори и Хуанито Луксетиќ од Хрватска. Тој долго време се бори со Мултиплекс Склероза и е тука за да ги сподели своите искуства со болните и заинтересираните во Македонија. Тој е воедно и многу гласен активист за легализација на медицинскиот канабис.

Целта на семинарот е овие долгогодишни истражувачи на канабисот и неговата примена во медицината да ги споделат своите искуства со македонската јавност. Се надеваме дека овој настан ќе придонесе за што побрзо носење на закон за легализација на конопот т.е. канабисот за медицински цели, се со цел да се излезе во пресрет на болните кои што го користат ова растение и неговите производи како лек.

Зелена Алтернатива ќе ги објави деталите околу семинарот во наредните неколку дена. Точното време, резервациите, подигањето на карти и деталната програма. Повеќе информации од понеделник на Facebook групата на Зелена Алтернатива. Овојпат бројката на посетители ќе биде поголема!

Ве покануваме и вие да бидете дел од овој научен собир.

Недела, 27ми септември 2015, кино МИЛЕНИУМ - Скопје.

 

Разгледајте го каналот на YouTube на Зелена Алтернатива. Таму ќе ги најдете предавањата од Првиот семинар за демистификација на канабисот.

Споделете го овој пост со вашите Facebook пријатели!