Студија откри дека декриминализацијата на канабисот позитивно влијае врз младите

Новиот документ, објавен на веб-страницата на Општествената научна мрежа (Social Science Research Network - SSRN), нуди нов увид во тоа дали декриминализацијата на канабисот води до зголемување на апсењата и употребата на канабис кај младите. Според студијата, тоа не е така

Студијата испитува пет држави - Масачусетс, Конектикат, Род Ајленд, Вермонт и Мејланд - кои го декриминализираа канабисот помеѓу 2008 и 2014 година. Апсењата и употребата на канабис во овие пет американски држави беа споредени со други држави кои не донесоа слични политики за декриминализација во тие години. Студијата покажала силна поврзаност помеѓу декриминализацијата на канабисот и намалувањето на апсењата поврзани со дрога, додека употребата на канабис меѓу младите или останала иста или во некои случаи се намалила. Студијата покажала слични резултати кај возрасните. Повеќе од дваесет држави во САД ја декриминализирале марихуаната.

* Насилниот криминал и убиствата масовно опаѓаат во американските држави кои го легализираа конопот

Декриминализацијата не значи дека канабисот е легален, само што зафаќањето со тоа веќе не резултира со затворска казна или криминално досие. Обично, се казнува со парична казна, освен ако поседувате повеќе канабис од законскиот лимит. Легализацијата, од друга страна, би била систем сличен на алкохолот, каде што корисниците не се казнуваат за употреба на канабис, доколку го консумираат во лиценциран или правен простор (т.е. дома или во лиценцирано кафуле). SSRN тврди дека е свесна само за една студија за неодамнешните напори за декриминализација, која се одржа во Калифорнија во 2015 година. Студијата спроведена од Универзитетот во Мишиген заклучи дека има „емпириски докази“ дека декриминализацијата на марихуаната може да доведе до зголемување употребата на канабис кај младите. Овие резултати се спротивни на наодите на SSRN.

* Како законот за употреба на медицинската марихуана го намалува криминалот во многу држави?

Истражувањето на SSRN беше спроведено со податоци од 2007 до 2015 година од Анкетата за ризиците кај однесување на младите (Youth Risk Behavior Survey - YRBS), како и статистиката на федералниот криминал. Студијата, исто така, ги разгледа податоците за американските држави кои усвоија поблаги политики за канабис во текот на 1970-тите, слично не најде зголемување на употребата на канабис. Истражувачите за студијата на SSRN го претставуваат Вашингтонскиот универзитет во Сент Луис, Медицинскиот факултет во Вирџинија и Универзитетот на Илиноис во Чикаго. Во 2015 година, Комитетот за злоупотреба на супстанции и адолесценција на Американската академија за педијатрија (ААP) - ја објави својата поддршка за декриминализација на канабисот и покрај противењето на комерцијализираната рекреативна и медицинска легализација.

* Како да ѝ се спротиставите на стигмата против употребата на канабисот?

Американското здружение за јавно здравје (The American Public Health Association) и Американската академија на семејни лекари (American Academy of Family Physicians - AAFP), исто така, поддржуваат помалку казнени мерки за употреба на канабис кај младите. Покрај тоа, AAFP поддржува прекласификација на марихуаната според Законот за контролирани супстанции за да се олеснат истражувачките напори, како и декриминализацијата. Според истражувањето на Gallup од 2017 година, 51 % од Републиканците, 72 % од Демократите и 67 % од независните сега сакаат легализација на марихуаната. Над 90 % од гласачите од сите три политички фракции поддржуваат медицинска марихуана.

* Како да помогнеме конопот побрзо да се ослободи во Република Македонија?

Автор: MoniQue Konopova

Извор: Zenpype

Како продавниците на канабис ги подобруваат населените места?

Локалите за продажба на канабис имаат способност да ги подобрат населбите и местата за живеење. Покрај тоа, тие им помагаат на пациентите и на сите оние кои консумираат канабис. За жал, сè уште постојат многубројни дебати за тоа дали на ваквите диспанзери треба да им се даде дозвола за работа? 

Оние кои се залагаат за уништување на канабисот тврдат дека канабисот ги прави населбите полоши места за живеење, но дали е навистина така? Ви претставуваме 3 начини на кои продажбата на канабисот во специјалните диспанзери го подобрува животот во населбите и маалата:

1. Локалите за продажба на канабисот го намалуваат криминалот

Едно истражување направено во 2017 година покажало дека со отварањето на локали кои легално продаваат канабис се намалил и криминалот, а истовремено и се подобрил животот во населбите. Ваквите локали имаат сигурносни системи, имаат обезбедување надвор и внатре во локалот, а вработените брзо реагираат на било каква сомнителна активност. 

2. Локалите за продажба на канабис ги зголемуваат вредностите на станбената сопственост

Индустријата за канабисот има позитивно економско влијание во државите кои легализирале оданочена и регулирана продажба на канабисот. Регулираната продажба на канабисот се очекува да произведува 655 милиони долари во даночни приходи за државите во 2017 година.  

Една важна придобивка од индустријата за канабисот е тоа што станбените објекти лоцирани во близина на локалите за продажба на канабис имаат тенденција да вредат повеќе, отколку оние кои се лоцирани подалеку од нив. 

3. Ваквите локали го намалуваат консумирањето на терапии со опиоиди

САД се сочинува од само 5% од светската популација, а користи 80% од светските опиоиди. Многумина предложиле да се овозможи и олесни пристапот до канабисот како помош. Во едно истражување направено исто така во 2017 година биле споредени третманите со опиоиди во населбите каде што нема локали за продажба на канабисот, со оние каде што постоеле такви локали. Резултатите покажале дека во населените места каде што има вакви локали, употребата на разните конвенционални апчиња како третман била намалена за 20%. Локалите за продажба на канабисот буквално можат да спасат живот.

„Луѓето не мораат да користат штетни лекови кои ги прават зависни, доколку не го сакаат тоа. Истражувањата покажале дека голем број од луѓето би го избрале побезбедниот лек, доколку во нивната област на живеење би се отворил ваков локал“ - велат истражувачите.

Автор: Ангела Т.

Извор: Learn Green Flower

Како законот за употреба на медицинската марихуана го намалува криминалот во многу држави?

Во САД постојат разни начини за намалување на криминалот како регулирање на употребата на оружјето, програми за советување, запленување на дрога и слично. Но еден од тие начини е и легализирање на марихуаната!

Според неодамнешно истражување спроведено од страна на тројца економисти, воведувањето на законот за употреба на медицинската марихуана придонело да се намали криминалот во државите кои се граничат со Мексико. Истражувањето покажало дека криминалот се намалил за 13% во земјите кои се граничат со Мексико и кои ја легализирале марихуаната. Ваквиот закон им помага на локалните земјоделци да одгледуваат марихуана која потоа ќе се продаде на локалите во кои таа легално се продава. Овие одгледувачи се во битка со мексиканските нарко картели кои ја увезуваат марихуаната во САД. Како резултат на тоа, картелите имаат помалку работа.

„Во секоја држава каде што е легализирана медицинската марихуана, забележуваме дека криминалот се намалува бидејќи има помалку увезување и помалку криминал поврзан со тоа“ -- додава економистот Евелина Гаврилова. Како дел од истражувањето, забележано е дека овој закон имал најголем ефект во Калифорнија каде имало намалување на криминалот од 15%, додека најмал имало во Аризона каде криминалот се намалил за 7%.

Во овие држави законот за марихуана имал најголемо влијание врз делата поврзани со кражби, кои се намалиле за 19% и убиствата кои се намалиле за 10%. Најголемиот дел од марихуаната која се конзумира во САД доаѓа од Мексико, каде седум главни картели го контролираат нелегалното увезување,  изјави the Guardian. „Кога ефектот врз криминалот е толку значаен, очигледно е подобро марихуаната да се регулира и да им се дозволи на луѓето да плаќаат даноци, наместо таа да биде нелегална” - додава таа.

Автор: Ангела Т.

Извор: IB Times

Насилниот криминал и убиствата масовно опаѓаат во американските држави кои го легализираа конопот

Противниците на канабисот отсекогаш тврделе дека тој е поврзан со психоза, насилство и грабежи извршени од беспомошни зависници. Но, во американските држави, каде што легализиран канабисот се чини дека е сосем спротивно од тој мит - стапката на насилен криминал насилно се намалува, открива нова студија

Канабисот може да донесе мир во светот, смирува и го намалува насилното однесување. Студијата: „Дали е легалната трева ги ограбува мексиканските организации за трговија со дрога?“, покажа дека насилниот криминал опаднал за 13 отсто на мексиканската граница во државите со медицинска марихуана. Седум наркокартели на наркотици досега - во голема мера ја контролираа трговијата со марихуана, која е најпрофитабилна супстанца која се шверцувала во Америка, објави Guardian. Но, сега, локалните земјоделци произведуваат трева во самата Америка - што значи дека картелите имаат помалку бизнис и помалку причина да извршат насилство.

* Какво е чувството да пушиш канабис за прв пат?

Авторот на студијата, Евелина Гаврилова (Evelina Gavrilova), рече: „Овие закони им дозволуваат на локалните земјоделци да растат марихуана, која потоа може да се продаде на диспанзерите каде што се продава легално. Овие одгледувачи се во директна конкуренција со мексикански нарко картели кои шверцуваат марихуана во САД. Како резултат на тоа, картелите добиваат многу помалку бизнис“.

* Како марихуаната влијаела на американската џез музика?

Истражувачите ги анализирале извештаите на ФБИ и утврдиле дека грабежите опаднале за 19 отсто во држави со медицинска марихуана, стапката на убиства е намалено за 10 отсто, а убиствата поврзани со трговијата со дрога опаднале за 41 отсто. Гаврилова додаде: „Кога ефектот врз криминалот е толку значаен, очигледно е подобро да се регулира марихуаната и да им се дозволи на луѓето да плаќаат даноци наместо тоа да биде нелегално. За мене тоа не е прилично очекувано дека треба да биде легално и треба да се регулира, а приносите одат во Трезорот“ - заклучува таа.

Автор: MoniQue Konopova

Извор: Metro.co.uk

Колку странските инвеститори се навистина странски? Кој стои позади фирмата која доби одобрение за одгледување марихуана за медицински цели?

Вистината секогаш излегува на виделина!

Екс-премиерот Никола Груевски пред околу еден месец присуствуваше на промоција на, како што беше речено, нов странски инвеститор, овој пат од САД, кој ќе одгледува коноп и марихуана за медицински цели. Истражувањето што го направи „360 степени“ откри дека за одобрението за одгледување марихуана во конкретниот случај аплицирала фирма чиј единствен сопственик во тој момент е македонски државјанин. Во документите нема никаква трага од странски капитал се до еден ден пред формализирањето на претходно спроведената процедура за давање одобрение.

Кои се инвеститорите на фабриката за производи од канабис во Македонија?
 

Исто така, таа фирма во моментот на аплицирање нема ниту еден свој вработен, а законот бара минимум четворица. Проверките покажаа и дека одобрението за одгледување коноп го издал ресорот со кој раководи министерот Никола Тодоров, а согласноста на одобрението ја потпишал, исто така Никола Тодоров, но сега во својство на вицепремиер кој претседавал со седницата на Владата, кога се усвојувала согласноста. Американските инвеститори имаат своја верзија и тврдат дека се било законски.

Извор: Либертас