Здружение на граѓани за демистификација на канабисот „420 МАКЕДОНИЈА - Скопје“.
Одгледувајте канабис легално! Приклучете се на следниов линк: https://cannergrow.com/r/MV1ZSK
Само обединети сме посилни и даваме поддршка на медицинска, рекреативна и спиритуална употреба на канабисот и индустриската употреба на Конопот во Македонија и ширум светот и противници сме на категоризацијата на Канабисот како наркотична супстанца, бидејќи Канабисот е лековито билно Свето растение...
Истражувачите веруваат дека оваа компонента има потенцијал да ги замени стероидите и опиоидите. Познатиот израелски хемичар д-р Рафаел Мешулам (Raphael Mechoulam) го направи тоа повторно! Тој се надева дека откривањето на EPM301 може да доведе до евентуална замена на некои фармацевтски лекови, кои можат да создадат голема зависност и да предизвикаат огромен број на негативни несакани последици
Проф. Д-р Рафаел Мешулам
Професорот Мешулам, еден од татковците на канабисот, честопати нарекуван - „Кумот во истражувањето на канабисот“ (иако тој ја дели таа титула и со други негови колеги, како што е покојниот д-р Лестер Гринспун), неодамна објави уште едно откритие: МЕТИЛ ЕСТЕР КАНАБИДИОЛНА КИСЕЛИНА (cannabidiolic acid methyl ester - EPM301). Д-р Мешулам го претстави сега патентираниот комплекс во партнерство со биотехнолошката компанија EPM со седиште во САД.
„ЕПМ разви метод за да работи со оригиналните супстанци од канабисот“ - изјави за Форбс 88-годишниот д-р Мешулам. „Значи, додека сите дискутираат за THC и CBD, овие канабиноиди се всушност секундарни супстанци; тие исклучиво се појавуваат подоцна во растението. Првично, постои киселина што се појавува во растението, а тие киселини се овие мистериозни светови на соединенија кои се многу посилни од канабиноидите“ - додава тој.
Откривањето на EPM301 им доаѓа во пресрет на научниците со користење на метод за модификација и стабилизирање на тие киселини, овозможувајќи им да бидат ефективно користени во фармацевтското истражување, додека претходно, нивната нестабилност ја правеа точноста невозможна. Методот, познат како естерификација, се јавува при хемиска реакција во која два одделни реактанти, генерално оксоацид и алкохол или фенол, формираат хемиско соединение наречено естер, како резултат на таа реакција.
Откако истражувачите започнаа понатамошно испитување на EPM301, тие откриле дека соединението помогнало да се потиснат симптомите како што се гадење и вознемиреност - давајќи му висок потенцијал за медицински апликации кај пациенти како што се оние кои се третирани со хемотерапија или страдаат од некои дигестивни и/или дерматолошки состојби. Досега, не е пријавено дека ова „ново“ соединение предизвикува било какви негативни несакани ефекти по човековото здравје. Уште еднаш формално се потврдува безбедноста на ова растение - 100% безбедно и 100% ефикасно во лекувањето на секакви дијагнози.
Професорот е познат по тоа што е првиот кој го открил ендоканабиноидниот систем со рецептори во нашите тела и тој прв го синтетизираше канабиноидот Тетрахидроканабинол (или ТХЦ, психоактивно соединение во растението канабис) и создаде негови посилни верзии, како и канабиноидот Канабидиол (или ЦБД, непсихоактивно соединение во растението канабис). Истражувањето на д-р Мешулам од 1992 година што подоцна резултираше во откритие на ендоканабиноидниот систем (ЕКС) направи пресврт во науката за канабисот. ЕКС е комплексен сигнален систем на клеточно сигнализирање, чија главна функција е одржување на телесна хомеостаза или биолошка хармонија во реакција на промените во животната средина.
Д-р Мешулам се надева дека откривањето на EPM301 може да доведе до евентуална замена на конвенционалните лекови, како што се опиоиди и стероиди, кои можат да создадат огромна зависност кај нивните корисници и да предизвикаат огромен број на негативни несакани ефекти. Додека постепеното искоренување на овие „лекови“ со помош на канабисот и препаратите од канабис, како и други растителни соединенија, можеби звучи по малку како научна фантастика и изгледа како нешто што ќе се случи во далечна иднина, сепак д-р Мешулам е цврсто уверен дека тоа брзо ќе се случи и сугерира дека неговото предвидување може да се појави многу порано отколку што скептиците мислат!
THC дефинитивно има повеќе круцијални здравствени улоги, отколку само да Ве надува и да бидете „ХАЈ“... THC не само што е канабиноид кој е веќе докажан убиец на ракот, тој може да нè заштити од воспаленија, благодарение на неговото антиинфламаторно дејство! Новото истражување објавено во Frontiers In Pharmacology покажа дека тетрахидроканабинолот (THC) - главната психоактивна компонента во канабисот - може да ги спречи леталните симптоми од нарушувања кај белите дробови поврзани со: Covid-19, грип и многу повеќе...
Синдром на акутно респираторно нарушување (Acute Respiratory Distress Syndrome - ARDS) погодува повеќе од 3 милиони луѓе ширум светот секоја година. Обично, по инфекцијата на белите дробови, пациентите брзо добиваат воспаление, потешкотии во дишењето (скратен здив) и промени на кожата. Тоа е фатално кај 35-50 проценти од засегнатите, особено со беснеењето на вирусот Ковид-19. АРДС е сериозна компликација и лекувањето и заштитата со помош на билка како што е канабисот може да биде корисно во тековната битка против пандемијата, за што сугерираат повеќе студии до сега. ARDS е сериозен проблем за оние изнемоштени од заболувања на белите дробови и сите потенцијални заболувања може да имаат големо влијание врз квалитетот на животот на пациентот, како и врз стапката на преживување.
Кај пациенти со респираторни заболувања, смртоносните симптоми поврзани со ARDS обично следат по наплив на сигнали во белите дробови наречени цитокинска бура (cytokine storm). Цитокините се мали гласници ослободени во организмот и се важни во имунолошкиот систем кога телото е под напад од инфекција. Тие можат да бидат или про-воспалителни, каде му кажуваат на телото да реагира на местото на инфекцијата со имуните клетки или анти-воспалителни, каде што тие ја забавуваат реакцијата и ги запираат имуните клетки премногу да ја оштетуваат областа. Кај респираторните заболувања, понекогаш имунолошкиот систем прекумерно реагира и ослободува премногу про-воспалителни цитокини, предизвикувајќи хиперинфламација и можна смрт, што се нарекува цитокинска бура.
За да проверат дали THC може да помогне во оваа ситуација, авторот на оваа научна студија Амира Мохамед (Amira Mohammed) заедно со истражувачкиот тим од Универзитетот во Јужна Каролина, третирале глувци заболени од ARDS со помош на THC. Овој канабиноид е докажано дека делува како антиинфламаторно средство, па му се чинеше веројатно на тимот дека може исто така да има улога во запирање на воспалението кај белите дробови. Откриле дека во 100 % од случаите, ТХЦ ги заштити глувците од смртоносни симптоми што се случуваат по цитокинската бура со блокирање на про-воспалителните цитокини кои ги доведуваат имуните клетки во областа и предизвикуваат оштетување. Не само ова, THC всушност ја зголеми антиинфламаторната активност, забавувајќи го воспалението и запирајќи ја предизвиканата сериозна штета.
Во апстрактот на студијава истражувачите пишуваат:
„Синдромот на акутно респираторно нарушување (ARDS) е компликација опасна по живот што може да настане по инфекцијата Staphylococcus aureus. Ентеротоксинот произведен од овие бактерии (SEB) делува како суперантиген со тоа активирајќи голем дел од Т-клетките што доведуваат до цитокинска бура и сериозна повреда на белите дробови. Δ9Tetrahydrocannabinol (THC), психоактивната состојка пронајдена во растението канабис сатива, се покажа дека делува како моќно антиинфламаторно средство. Во тековната студија, го испитавме ефектот на третманот со THC врз ARDS предизвикан од SEB кај глувци. Додека изложеноста на СЕБ резултираше во акутна смртност, третманот со ТХЦ доведе до 100% преживување кај глувци. Третманот со THC значително ги потисна воспалителните цитокини: IFN-γ и TNF-α. Покрај тоа, THC ја зголеми индукцијата на регулаторните Т-клетки (Tregs) и нивните придружни цитокини: IL-10 и TGF-β. Покрај тоа, THC предизвика индукција на миелоидно-изведени потиснувачки клетки (Myeloid-Derived Suppressor Cells - MDSCs). THC дејствуваше преку CB2 рецепторот и како фармаколошки инхибитор на CB2 рецепторите ги блокираше антиинфламаторните ефекти. Глувците третирани со THC покажаа значителни промени во изразот на miRNA (miRs) во мононуклеарните клетки инфилтрирани во белите дробови (MNCs). Поточно, THC предизвика дерегулација на let7a-5p што се насочи на SOCS1 и дерегулација на miR-34-5p што предизвика зголемено изразување на: FoxP3, NOS1 и CSF1R. Заедно, овие податоци сугерираат дека промените поврзани со THC при miR експресијата во белите дробови може да играат клучна улога во индукцијата на имуносупресивните Tregs и MDSC, како и сузбивање на цитокинската бура, што доведува до слабеење на повредата на белите дробови со посредство на SEB“.
Овие наоди сугерираат можна рута за запирање на цитокинската бура и сериозните компликации кај пациенти со респираторни заболувања. Се разбира, оваа студија беше спроведена само на глувци и ќе треба многу повеќе тестирања и клинички испитувања пред да стане можна терапија - но, тоа покажува само уште една интересна медицинска апликација на марихуаната за во иднина. Како што се зголемува бројот на истражувања за дејството на канабисот, постојано се докажува дека канабисот може да има многу повеќе корисни апликации, отколку само смирувачко/еуфорично дејство. Веќе се применуваат третмани со канабис за канцери, невролошки и ментални проблеми, како и за хронични болки и ред други здравствени проблеми. Канабисот може да има и огромни други придобивки што допрва треба да се откријат. Сепак, студиите треба да започнат да се спроведуваат и на луѓе, не само на глувци. Ова не е прво истражување за дејството на канабисот врз Корона вирусот и белодробните заболувања. Разгледајте ги и претходните за кои веќе пишувавме на нашиот блог, линковите се во продолжение...
Заштити се од вируси, утепај ја карантинската досада и ограничената слобода на движење, поради пандемијата со вирусот Ковид-19 со креативно хоби - одгледување канабис! Затоа препорачуваме: седи си дома и сади си дома 😀
Ова е тежок период за сите... Депресивно, анксиозно и меланхолично расположение, облачно време, забрането собирање во групи и дружење на кое сме навикнати. За време на овој период за да се победи досадата и анксиозноста, но и за да го зајакнеме имунитетот и полесно да ги спречиме и да се избориме со вирусите, најпотребен ни е лекот - канабис! За жал, тешко е да се набави лекот во ваква состојба кога постои полициски час...
Најевтино и најбезбедно е самите да си го одгледувате и правите лекот во својот дом 🙂 Како? Едноставно! Човекот учи додека е жив! Најдобро ќе учите на своите сопствени грешки, но земете ги пред вид и туѓите искуства. Еве неколку корисни совети од еден искусен одгледувач и наш соборец, кој сакаше да остане анонимен. „Седум години се едуцирам од врвни професионалци“ - вели тој. Ова се најчестите работи коишто обично ги грешат одгледувачите почетници кои немаат доволно искуство:
1.) ТЕМПЕРАТУРА
Внимавајте на температурата! „Доколку му е премногу студено на растението, може да се јави црвенило на стеблото, значи дека ниска му е температурата. Минималната температура - до 18 степени може да се намали, нема да има проблем. Под 18 јавува црвенило - ШОК!“ - истакнува овој анонимец.
* ПРЕПОРАКА:
Минимум 24 степени!
Максимум 34 степени!
2.) НАВОДНУВАЊЕ
Многу внимателно со водата! „Ако е жедно растението можеш да го поправиш тоа, ама ако претераш со водата, нема враќање назад - ќе овене од премногу вода, ги собира лисјата навнатре во тој случај“ - вели нашиот соговорник. Со премногу вода може да скапе коренот... „Со прстите можеш да провериш во црепот дали е влажен кокосот или не. Ако јави влага на прст, нема потреба од наводнување“ - додава тој.
Инфицирано растение :(
3.) ШТЕТНИЦИ
„За да се провери дали билката е здрава, за да се провери дали нема пајаче (инсекти), одоздола се проверува листот често, зашто туфката може да фати пајажина, поради која не може да прима доволно светлина и топлина од ламбата. Доколку ова се случи, се користи специјален инсектицид од гроу шоп“ - вели тој. „На секои 3 берби сменувам хумус, а на 2 берби сменувам филтери“ - со цел да се спречи појавата на инсектите од почвата.
„Од прихрани ги користам, најквалитетните. Овој комплет чини 800 евра, ама дава добар резлутат“ - нагласува нашиов соборец. Да не ве исплаши цената на овие препарати, бидејќи тој има 330 билки, т.е. приватна мини оранжерија! За неколку билки тоа нема да ве чини толку скапо, а соодветна прихрана може да најдете и кај нас, во нашите македонски гроу шопови за одгледување канабис.
5.) ВНАТРЕ или НАДВОР?
Во врска со разликата меѓу надворешно и внатрешно одгледување: „Аутдор тревата е за масло, не можеш да извадиш добар квалитет како индор, нема шанси. Исто така и висината ја дава разликата. Надвор можеш да одиш до колку сакаш, додека пак, внатре - колку ќе дозволи просторот. Надворешната е на шест месеци берба, внатрешната на 9 недели, значи аутдор два пати годишно, внатре до 5 пати годишно“ - вели тој. Билките што се одгледуваат надвор може да се кратат во висина: „Може, да - ама немаш потреба да кратиш ако е надвор. Зошто? Нека оди во висина колку што сака - Sky is the limit, немаш пречка за да го оставиш да се извиши“ - вели тој.
Иако трошоците од внатрешното одгледување се можеби малку повисоки, поради тоа што се троши струја за осветлување, сепак тој напоменува: „Недостатокот кај надворешното одгледување е: многу, многу, многу поголем ризик! Со миризбата, мал ветар и ќе се почувствува и до 500 метри далечина. Предноста кај внатрешното одгледување е таа што, никој не знае што имаш дома, доколку сам не се пофалиш!“. Тој вели дека во Холандија надворешната трева е 5 евра во кофи шоп за грам, а внатрешната 10 евра за грам. „Ова се цени на мало, на големо се сосема други цените“ - додава тој.
6.) ОСВЕТЛУВАЊЕ
Една ламба оди на 1 м квадратен, со што може да осветлува 20 растенија. Растојанието помеѓу ламбата и „бебето“ треба да биде минимум 30-40 см. Тој додава дека по 20 стебла одат на една сијалица: „16 ламби x 20 стебла = 320 стебла“. Според него, исто така многу е важна хигиената во просторот за одгледување, па често треба да се дезинфицира и брише подот.
7.) СОСЕДИ :)
Пред сѐ, немојте никому да се фалите дека одгледувате, ама буквално никому не кажувајте за оваа ваша мала ТАЈНА! „Внимавајте само од комшиите :) Со нив треба да стоите добро и воопшто да не се посомневаат ;)“ - вели соборецов. Исто така, пожелно е да им пуштате на билките убава музика, да им зборувате, да им пеете, да им дадете љубов, само не премногу гласно, за соседите да не се посомневаат во вашето чудно и невообичаено однесување :P
ЗДРАВО ПОЧИТУВАНИ СОБОРЦИ! Канабисот е докажан природен универзален и најбезбеден лек за секакви форми на заболувања особено канцери и малигни клетки, конкретно озлогласената состојка ТХЦ! Сакаме да Ве потсетиме на правилата за дозирање екстракти според Протоколот на активистот Рик Симпсон, кој веќе детално го имаме објаснето на блогов и воедно прочитајте што додава неговиот пријател активистот Jindřich Bayer
Лекот е бесплатен ако знаете како да си го направите сами!
ТХЦ лекува рак, а не хемотерапијата! Тоа го потврдува и професорот д-р Роберт Меламед, но и многу други доктори, како на пример д-р Санџај Гупта и научници кои спровеле голем број на научни студии на луѓе, за што подетално можете да прочитате на нашиов блог. Сакаме да Ве потсетиме на правилата за дозирање екстракти според Протоколот на активистот Рик Симпсон, кој веќе детално го имаме објаснето на блогов. Книгата „Лекот за рак“ Протоколот на Рик Симпсон на англиски можете бесплатно да ја симнете на следниов линк. Имено неговиот пријател активистот Јиндрих Бајер (Jindřich Bayer) кој ја има напишано книгата, којашто делумно е преведена на блогов, уште во 2015 година од неговите искуства со пациентите на една научна конференција за канабисот во Прага вели вака:
Темјанот и смирната се добредојдени за подобро здравје!
Започнете со 1-5 мг масло кога е можно за да ги избегнете проблемите. Ако некој сака да додаде јаки ЦБД масла во протоколот за масло од канабис, тоа е нивна одлука. Тоа може да помогне, но може и да нема влијание, кој знае. Локална употреба (мачкање на кожа), супозитории, внесување (јадење) на маслото, вапоризирање за контрола на расположението или акутни состојби.
Ако сакате да ги зголемите ефектите на маслото врз имунолошкиот систем и ако сакате да му помогнете на телото да се регенерира од ДНК ниво, голтајте 1-5 грама темјан дневно и околу еден грам смирна секој ден, во три или повеќе дози дневно. Плус семе од коноп и цедење сок (од канабис), ако имате здрави растенија за работа и доколку не сте алергични на растителните материјали во маслото. Се разбира, исто така е добро да се знае дека прочистените декарбоксилирани масла од канабис, исто така може да се користат за да се спречи ракот пред истиот да се појави. Превенцијата е најдобриот пристап, нели?“ - Најдобри желби, JB ;)
Не заборавајте дека по терапијата со екстракт од канабис, дури и кога пацентот е веќе во сигурна ремисија, пожелно е да се продолжи со одредена превентивна доза масло за одржување уште некој извесен период и добредојдено е тие лица и понатаму во текот на животот покрај тоа што треба да продолжат со здравите животни навики, исто така (барем повремено) треба да го користат канабисот во било која форма.
* Презентации од конференцијата за медицинска канабис во Прага
Канабисот е воодушевувачки природен лек, користен од страна на сите култури со векови. Исто така, тоа е лек кој за разлика од другите лекови може да се користи на различни начини, во зависнот од потребите, можностите и желбите. Канабисот може да се консумира преку вдлабнатината во средишниот дел на мевот што сите ја имаме од раѓањето, а се јавува како последица на прекинувањето на папочната врвца
Раната на папокот најбрзо заздравува со нанесување канабис
Некои од најчестите начини на користење на овој лек се преку методите на инхалација, потоа пушењето на исушен цвет или вапоризирање на цветовите, односно цврстите екстракти или маслените екстракти, преку јадење на масла или тинктури екстрахирани од растението или пак, со помош на надворешно мачкање на екстракти/кремови/масти/лосиони на кожа или анална/вагинална апликација со помош на супозитории. Другите вообичаени методи на внесување канабис вклучуваат јадење храна со додаден канабис, сублингвални тинктури базирани на алкохол и капсули од канабис. Исто така, постојат лепенки за болка со канабис, сапуни итн.
Тетоважите, исто така, најбрзо заздравуваат со канабис!
Еден невообичаен начин на внесување канабис за кој многу малку се зборува среде научната фела и најчесто не се користи (токму поради тоа што е непознат од страна на корисниците) е консумирање канабис преку папокот, метод наречен „Печоти“ (Pechoti). Овој начин на консумирање канабис е доста користен во некои култури ширум светот. Овој метод на употреба на канабис можеби не е најпопуларниот во „модерниот“ свет, но нуди многу потенцијални придобивки кои не ги овозможуваат другите методи на консумирање на оваа лековита билка.
Значи, што е Печоти? Едноставно кажано, тоа е жлезда зад папокот на стомакот. Во текот на бременоста, хранливите материи и кислородот се пренесуваат од мајката во нејзиниот фетус, преку папочната врвца. На крајот од таа папочна врвца се наоѓа жлездата Печоти, која останува по раѓањето. Секој човек ја има оваа жлезда која е поврзана со повеќе од 72.000 нерви кои поминуваат низ телото кон различни органи и ткива. Во земјите и културите кои практикуваат Ayurveda медицина, примената на масла низ дупчето од стомакот преку Печоти е вообичаена практика за решавање на многу различни физички и ментални заболувања. Нанесувањето екстракти во папокот за да бидат апсорбирани преку жлездата Печоти се користи за лекување на практично сè: од суви очи и слаб вид, па сè до болки во зглобовите, летаргија, гастроинтестинални проблеми и многу повеќе.
Во папокот има многу бактерии, затоа нанесувајте канабис!
Со примена на масло од канабис во папокот на стомакот, канабиноидите имаат способност брзо да стигнат до секој дел од вашето тело преку ендоканабиноидните рецептори без да го почувствувате хајот, слично како со чепчињата. Ова е нешто што ниеден друг начин на аплицирање не може да го обезбеди. Доколу имате инфекција на папокот или сакате побрзо да ви заздрави пирсингот на папокот, овој начин на консумирање канабис (со нанесување екстракт или тинктура во папокот) е најсоодветен, затоа што секогаш активните состојки од канабисот треба да се аплицираат што е можно поблиску до болното место. Децениите на забраната ги погребаа традиционалните методи на консумирање, како што е преку жлездата Печоти во папокот на нашите стомаци. Како што легализацијата на канабисот продолжува да се шири, а во подем се исто така и истражувањата на оваа тема, може да очекуваме само да дознаваме за уште поневеројатни начини на уживање во овој растителен лек.
Синергијата на фитоканабиноидите ТХЦ и ЦБД за намалување на секакви видови на туморски клетки. Употреба на кнабис за глиобластома мултиформ. Студиите на животни и луѓе покажаа дека Δ9-ТХЦ и ЦБД, комбинирани и одделно, имаат значителни антитуморни дејства. ЦБД во комбинација со ТХЦ го намалува растот на различните туморски ксенографти
Рак (Синергијата на ЦБД и ТХЦ)
Ракот е болест која се карактеризира со неконтролирана поделба на (измутирани) клетки со нивната способност брзо да се шират. Новите антиканцерогени агенси често се тестираат за нивната способност да предизвикаат апоптоза и да ја одржуваат стабилната состојба на клеточната популација. Во раните 1970-ти, фитоканабиноидите покажаа дека го инхибираат растот на туморите и го продолжуваат животот на глувците со аденокарцином на белите дробови. Подоцнежните студии покажаа дека канабиноидите го инхибираат растот на туморските клетки и индуцираат апоптоза преку модулирање на различни патишта за сигнализација на клетките во: глиомите, лимфомите, клетките на простатата, дојките, кожата и клетките на ракот во панкреасот.
Употреба на кнабис за глиобластома мултиформ (glioblastoma multiforme)
Glioblastoma multiforme (GBM) е најчестата класа на малигни примарни мозочни тумори. Студиите на животни и луѓе покажаа дека Δ9-ТХЦ и ЦБД, комбинирани и одделно, имаат значителни антитуморни дејства врз растот на канцерогените клетки кај ГБМ. Механизмот на антитуморското дејство на Δ9-THC е преку ER сигнализацијата поврзана со стресот и зголемување на регулацијата на транскрипционите коактиватори кои ја промовираат автофагијата.
ЦБД во комбинација со ТХЦ го намалува растот на различните туморски ксенографти
ЦБД, исто така, се покажа дека го намалува растот на различните типови на ксенографти, вклучувајќи ги и глиомите. Се смета дека механизмот на делување на ЦБД е зголемено производство на ROS (Reactive oxygen species) во глиомните клетки, со што се индуцира цитотоксичност или апоптоза и автофагија. ЦБД е способен да ја инхибира инвазијата и метастазите на клетките на ракот посредувани со инхибиција на факторот кај епидермален раст, NF-κB и mTOR патеките. mTOR сигнализирачкиот пат делува како централен регулатор на клеточниот метаболизам, растот, пролиферацијата и опстанокот и е круцијален за супресија на туморот. ЦБД, исто така, ја намалува ангиогенезата преку делување на туморот и на ендотелните клетки. Комбинираната администрација на THC и CBD во моментов е терапевтски испитувана во студии на луѓе.
Во февруари 2017 година, GW Pharmaceuticals објави позитивни резултати од контролирана плацебо клиничка студија во фаза 2 од нивниот комерцијален лек што комбинира Δ9-THC и CBD, спроведена на 21 пациент со повторлив GBM. Резултатите покажаа 83% годишна стапка на преживување на терапијата, во споредба со 53% кај пациентите во плацебо групата (P = 0.042). Средното преживување беше поголемо од 550 дена, во споредба со 369 дена кај плацебо групата. Оваа фармацевтска компанија подоцна добила Orphan Drug Designation од Американската администрација за храна и лекови (FDA) и Европската агенција за лекови (European Medicines Agency - ЕМА) за нивната комбинација на Δ9-THC и CBD за третман на малигните глиоми.
Покрај тоа што сите поседуваме ендоканабиноиден систем, мозочните клетки имаат рецептори за THC, кое природно ја имитира молекулата невротрансмитер наречена Анандамид! Што е тоа анандамид? Каква е врската на анандамидот со плодноста, меморијата и учењето?Како THC ја имитира молекулата невротрансмитер? Кои се други извори на анандамид? Која храна го стимулира мозокот и дава добро блажено чувство?
ТХЦ и Анандамидот не случајно се толку слични!
Анандамид
Што имаат заедничко: желбата за чоколадо и глувците кои забораваат? Одговорот е: анандамид. Неговото име доаѓа од ANANDA, санскритски збор за „блаженство“. Состојбите, како што се: munchies (зголемен апетит за специфична храна, на пр. благо особено чоколадо), плодност и меморија и сл., се поврзани со молекулата гласник наречена anandamide. Оваа молекула придонесува за пренесувањето пораки до мозокот во врска со: болка, расположение, депресија, апетит, меморија и плодност. Невротрансмитерот анандамид е изолиран во чоколадото. Интересно е тоа што анандамидот се создава природно во мозокот. Анандамидот, како и другите невротрансмитери, се распаѓа брзо откако е произведен. Откритието на Anandamide може да доведе до развој на сосема ново семејство на терапевтски лекови. Хемиската структура на анандамидот обезбедува увид во процесите кои влијаат врз човечкото однесување на молекуларно ниво.
Во 1988 година, беа откриени специфични рецептори за THC (тетрахидроканабинол - фитоканабиноид, активната состојка во марихуаната). ТХЦ не се наоѓа природно во телото. Активната состојка во марихуаната ТХЦ се врзува со рецепторите, кои претставуваат структури на површината на клетките во кои одредени молекули може да се заклучат, со што е можно да се пренесе сигнал преку клеточниот ѕид. „Активната состојка ќе се заклучи со протеинот на мембраната на клетката, а тоа ќе предизвика реакција во клетката“ - објаснува д-р Дитомасо. Во случајот на ТХЦ, таа хемиска реакција е она што причинува корисниците да се чувствуваат воздигнато и блажено.
Молекуларната структура на ТХЦ е многу слична со онаа на анандамидот. Сличноста му овозможува на канабиноидот ТХЦ да ги имитира функциите што оваа молекула трансмитер ги прави. Анандамидот многу брзо се распаѓа, не дозволувајќи им на луѓето да достигнат хај и да го одржат „природниот хај“. На ТХЦ му треба повеќе време за да се распадне, давајќи му на корисникот психо-активно возвишено чувство. Долгата јаглеводородна опашка на анандамидот го прави растворлив во маснотии и овозможува лесно да се лизне низ завесата богата со јаглеводород, што го изолира мозокот од крвотокот. Забележете дека тродимензионалната форма на молекулата анандамид силно наликува на онаа на THC. Но, за разлика од ТХЦ, анандамидот е многу понежен и побрзо се распаѓа во телото. Тоа објаснува зошто анандамидот не произведува постојан природен „хај“.
Нервните клетки комуницираат со ослободување на специјални молекули налик на „клучеви“ кои се пресретнати од други нервни клетки. Постојат многу различни видови на молекуларни клучеви, секој со свој карактеристичен облик. Површините на целните нервни клетки се обложени со рецептори, кои се како „брави“ за да се совпаднат со „клучевите“. Кога клучот се вклопува во рецепторот, површината на нервната клетка се менува на некој начин. На пример, кога молекулата-клуч се заклучува во рецепторот на површината на нервната клетка, таа отвора врата во мембраната која им овозможува на хлоридните јони да допловат во клетката. Досега непознатиот природен молекуларен клуч, т.е. специфичен „блаженствен рецептор“ за THC, беше изолиран од израелскиот научник д-р Рафаел Мешулам во 1992 година: арахидонил етаноламид (arachidonyl ethanolamide), подоцна наречен „анандамид“. Тој успеа да го изолира анандамидот како „блажена“ трансмитер клетка, што THC ja емитира. Д-р Мешулам успеа да го изолира ТХЦ многу порано, во 1964 година.
Значи клетките невротрансмитери како анандамидот се како „клуч“ што може да се прикачи како за „брава“ на рецепторите од нервните клетки. Откако клетката гласник ќе најде добра врска со рецепторот, таа може да се закачи и да ја отвори нервната мембрана за да овозможи хлоридните јони да влезат во клетката. Ова го изедначува товарот внатре и надвор од клетката. „Клучот“ мора да се отстрани, за да ѝ овозможи на нервната клетка да работи повторно. Ензимите ги разбиваат „заклучувачките“ трансмитерни молекули по одредено време. Нервните клетки ќе престанат да работат, доколку молекулата гласник остане.
Значи клучевите мора да се отстранат повторно од бравата или нервната клетка трајно ќе остане блокирана. Одредени ензими се создаваат во телото за да ги отстрануваат (со деградирање и уништување) клучевите по одреден временски период, така што нервната клетка може да се врати во функција. Лековите (фармацевтските) кои имаат силен ефект врз централниот нервен систем, честопати имитираат природни молекуларни клучеви. На пример, морфинот е супстанца создадена за спречување на болката, којашто е во можност да се заклучи во „опиатскиот рецептор“ присутен на нервните клетки. Научниците сметаат дека бидејќи морфинот не е природно присутен во телото, мора исто така, да постои природна клуч-молекула со многу слична форма која го активира овој рецептор. Природните клучеви се покажаа како молекули наречени енкефалини (enkephalins). Иако синтетичкиот морфин е само лоша копија на природниот енкефалин, тој е многу помоќен (и создава поголема зависност) од енкефалините, бидејќи ензимите создадени за нивно уништување не можат да го отстранат од рецепторите.
Разликата на морфинот и канабисот е во тоа што канабисот не е синтетички и природно се совпаѓа со нашиот систем. Подоцна беа воведени „подобрени“ фалсификати на енкефалините кои создаваат помалку зависност од морфинот: кодиен (codiene) и демерол (demerol). Истражувачите почнаа да бараат места на рецепторите за да го објаснат делувањето на други лекови, супстанци и токсини на сличен начин.
Се покажало дека анандамидот создава или уништува краткотрајни мемориски нервни конекции. Во студии на животни, зголемувањето на анандамидот резултира со заборавање, но ова е здраво заборавање. Анандамидот помага да ги задржите информациите како: Каде сте го паркирале вашиот автомобил или каде сте ги оставиле клучевите? Тоа ви овозможува да ги заборавите непотребните информации како: Облеката или фризурата на случајните минувачи. Познат експеримент прочуен како Morris Water Maze, покажува што се случува со краткорочната меморија кога анандамидот е инхибиран. Глувците се ставаат во базен со вода за тестирање со платформа, за да можат да се искачат надвор од водата. Платформата се отстранува, откако глувците ќе запомнат каде е ставена. Глувците природно ќе ја бараат платформата и потоа ќе сфатат дека ја нема. Тие потоа ќе се фокусираат на преживување со пливање. Глувците со администриран лек за блокирање на анандамидот, вечно продолжуваат да ја бараат платформата, затоа што тие (постојано) забораваат дека платформата не е таму.
Анандамидот ензимично се синтетизира во областите на мозокот кои се важни за меморијата и за повисоките мисловни процеси и во областите кои го контролираат движењето. Тоа значи дека функцијата на анандамидот не е само да произведе блаженство, тој постои заради нешто многу поважно. Врските помеѓу нервните клетки се поврзани со учењето и меморијата. Нервните клетки можат да направат нови врски и да ги уништат старите. Повторната употреба на врската ја прави посилна; Некористењето на таа конекција може да предизвика загуба на врската. Некои биохемиски докази сугерираат дека анандамидот игра клучна улога во создавањето и уништувањето на краткотрајните невронски врски. Студиите на животни укажуваат на тоа дека анандамидот предизвикува заборавање. Се претпоставува дека супстанциите кои го задржуваат анандамидот од врзување кон неговиот рецептор, може да се користат за третирање на губењето на меморијата. Земјоделскиот истражувач Гери Веснер (Gary Weesner), ја проучувал ефективноста на анандамидот како животински седатив. „Свињите [третирани со анандамид] одат помалку и лежат повеќе“ - истакнува Веснер. „Гледаме намалена телесна температура и побавно дишење - сите индикатори се во согласност со смиреноста“ - додава тој.
Анандамидот дејствува како сигнализатор кога ембрионот се врзува за женската матка. Всушност, анандамидот е во повисока концентрација во матката, отколку во мозокот. Сперматозоидите содржат рецептори кои ја прифаќаат молекулата анандамид. Теоретски, нарушувањето на функцијата на анандамидот може да има врска со плодноста. Повеќе истражувања се потребни за да се испита односот помеѓу плодноста и лековите (фармацевтските) кои делуваат како анадамидот. Ако ТХЦ може да се заклучи во анандамидните рецептори, постои можност овој канабиноид да се меша со сигнализацијата помеѓу матката и ембрионот, што сугерира дека може да биде лек за неплодност.
Нашето тело е создадено да консумира канабис! Сите имаме ЕКС!
Надвор од мозокот, анандамидот дејствува како хемиски трансмитер помеѓу ембрионот и матката, за време на имплантацијата на ембрионот во ѕидот на матката. Тоа е една од првите комуникации што се јавуваат помеѓу мајката и детето. Највисоките концентрации на анандамид во телото не се наоѓаат во мозокот, туку во матката непосредно пред имплантацијата на ембрионите и ова го потврдуваат направените досега студии на животни. Концентрацијата на анандамид се менува како што матката станува поприфатлива за имплантација на ембриони. Истражувачите успеале да пронајдат дефинитивна цел за анандамидниот сигнал на матката: двоклеточните ембриони на глувците содржат повеќе анданамидни рецептори од било кое познато ткиво, вклучувајќи го и мозокот.
Храна која дава добро блажено чувство! Која е сличноста на чокладото со канабисот?
Чоколадата има слична структура како анандамидот, односно како THC. Д-р Даниел Пиомели (Daniele Piomelli) го проучувал ова како научник во Институтот за неврологија во Сан Диего (Neuroscience Institute in San Diego), Калифорнија, кој го водел овој проект и продолжува да истражува во Институтот за неврологија, заедно со д-р Емануел Дитомасо (Emmanuelle diTomaso) кој веќе го споменавме и кој работеше на оригиналната студија во Сан Диего (сега е истражувач на Харвард). Чоколадото содржи повеќе од 300 познати хемиски состојки. Научниците работат на изолирање на специфичните соединенија кои можат да објаснат некои од пријатните ефекти од консумирањето чоколадо. Д-р Пиомели заедно со своите соработници открил дека темната чоколада има три соединенија кои го имитираат анандамидот и силно личат и делуваат како него. Тие веруваат дека „чоколадото содржи фармаколошки активни супстанции кои имаат ист ефект врз мозокот како марихуаната и дека овие хемикалии може да бидат одговорни за желбата за чоколадо“. Еден од најпознатите пријатни ефекти на јадењето чоколадо е „доброто чувство“ што го дава, затоа многумина се зависни од чоколадо, кое создава многу поголема зависност од канабисот.
Други извори за Анандамид
Кофеинот е најпозната состојка (ја има во чоколадата во мали количества) што делува на сличен начин стимулирајќи го нашиот мозок, додека пак, теоброминот е слаб стимуланс, исто така присутен во чоколадата во малку повисоки количества. Комбинацијата на овие две хемиски состојки (и можеби и други непознати) може да го обезбеди тоа „чувство на воздигнување“ кое е искуство од јадењето чоколадо. Фенилетиламинот, исто така, се наоѓа во чоколадата. Тој е поврзан со амфетамините, кои се силни стимуланси. Сите овие стимуланси ја зголемуваат активноста на невротрансмитерите (мозочните хемиски сигнализатори) во делови на мозокот кои ја контролираат нашата способност да обрнеме внимание и да останеме свесни и дубни. Додека стимулансите придонесуваат за привремено чувство на благосостојба, постојат и други хемиски состојки и соединенија и други теории за тоа: зошто чоколадата прави да се чувствуваме добро? ТХЦ, сепак, не се наоѓа во чоколадото...
Чоколадата и ТХЦ се однесуваат поинаку како трансмитери. Пиомели вели: „Одговорот на ТХЦ и на анандамидите од чоколадата воопшто не е ист, дури и ако концентрациите би можеле да се направат споредливи“. Чоколадото може да создаде блажено чувство, додека не дава континуиран психоактивен хај. Неодамна тој пронајде молекула којашто природно се јавува во телото, којашто го имитира анандамидот. Анандамидот не е единствената молекула слична на THC чија функција е сигнализирање во мозокот. Природно произведениот sn-2 арахидонилглицерол (2-AG), исто така, може да се заклучи во блаженствениот рецептор. Sn-2 арахидонилглицерол (Sn-2 arachidonylglycerol - [2-АГ]) може да се „заклучи“ во истите блаженствени рецептори. Оваа молекула е уникатна поради тоа што функционира за 170 пати поконцентрирано од анандамидот. Молекулите на 2-АГ се наоѓаат во различни делови од мозокот. Д-р Пиомели објаснува дека функциите на анандамидот и 2-АГ се комплементарни, едно со друго прават целина, се надополнуваат.
Научниците, исто така, откриле соединенија кои го блокираат распаѓањето на анандамидот. Д-р Пиомели и неговиот тим пронајдоа други хемикалии во чоколадо, кои може да го инхибираат природното распаѓање на анадомидот. Ова значи дека природниот анандамид може да се задржи подолго од нормално, со што се чувствуваме прекрасно подолго кога јадеме чоколадо и ете зошто консумирањето канабис и чоколадо одат рака под рака. Пиомели шпекулира дека дел од задоволството од чоколадата, доаѓа токму од анандамидот и N-ацилетаноламините (N-acylethanolamines) кои го задржуваат анандамидот. „Зборуваме за нешто многу, многу, многу, многу поублажено од хајот“ - вели тој.
Сепак, ефектот на чоколадата и канабисот не може да се изедначи, иако има сличности на молекуларно ниво. Значи како што кажавме, одговорот на THC и на анандамидите на чоколадата воопшто не е ист, дури и ако концентрациите може да се направат споредливи. „Можеби ќе можеш да го подобриш расположението со блокирање на распаѓањето на анандамидот. Тоа не е само нешто фино што го направивме, така што сега знаеме повеќе за чоколадата. Се надеваме дека тоа може да придонесе за помагање во лекувањето на ментални болести“ - истакнува д-р Пиомели. Разбирањето на тоа како функционираат овие механизми, може да дозволи позитивните лековити ефекти на природниот невротрансмитер анандамид и на безбедниот фитоканабиноид ТХЦ терапевтски да се експлоатираат без негативни последици.
