Здружение на граѓани за демистификација на канабисот „420 МАКЕДОНИЈА - Скопје“.
Одгледувајте канабис легално! Приклучете се на следниов линк: https://cannergrow.com/r/MV1ZSK
Само обединети сме посилни и даваме поддршка на медицинска, рекреативна и спиритуална употреба на канабисот и индустриската употреба на Конопот во Македонија и ширум светот и противници сме на категоризацијата на Канабисот како наркотична супстанца, бидејќи Канабисот е лековито билно Свето растение...
Почитувани соборци, чест ни е да Ве известиме дека на иницијатива на Здружението за канабис и зелени политики БИЛКА - Скопје, Комисиите за Економија и Здравство при Собранието на Република Македонија, закажана е јавна расправа на 22.02.2019 година со почеток од 11:00 часот
Настанот ќе се одржи во салата Борис Трајковски во Собранието на Република Македонија на тема „Економски и здравствени бенефити од легализацијата на канабисот“ на која учество во својство на говорници ќе земат:
- Преставници на БИЛКА;
- Пратеници при Собрание на РМ;
- Преставник од Министерството за земјоделство;
- Преставник од Правниот факултет Јустинијан Први;
- Преставници од одделот за недозволена трговија и шверц при МВР;
- Преставник од УК за Токсикологија;
- Преставници на бизнис секторот;
- Преставници на Земјоделскиот факултет при УКИМ.
Доволно долго уживателите на канабис се стигматизирани од страна на ригидните казнени политики на државата. Конечно е време тоа да престане! Повеќе информации наскоро! Ве замолуваме да ја споделите оваа објава. Ви благодариме!
Д-р Лумир Ондреј Хануш (Lumír Ondřej Hanuš) е 69 годишен чешки аналитички хемичар и водечки авторитет во областа на истражувањето на билката канабис. Магистрирал по природни науки во 1972, а докторирал науки по фармацевтска хемија на Универзитетот Чарлс (Charles University) во 1995 година. Тој е еден од најистакнатите светски експерти за ендоканабиноидниот систем и има соработувано и соработува на различни научни истражувачки проекти со научници и истражувачи од целиот свет.
Д-р Хануш е еден од најавените гости на претстојната јавна дебата за канабис под наслов: „Коноп – 1.000 зошто, 1.001 затоа“, којашто ќе се одржи на 24 јуни во Градскиот парк во Скопје (на Школка) со почеток во 4:20 часот. На настанот се најавува учество и на други двајца еминетни доктори, професори и научници од странство: молекуларниот биолог Д-р Боб Меламед од САД, како и патологот д-р Пол Хорнби од Канада. Најавени се исто така и македонски доктори: Нико Беќароски, Милан Ристевски (директор на ЈЗУ Универзитетска клиника за радиотерапија и онкологија – Скопје) и Аспазија Софијанова (директор на ЈЗУ Универзитетска клиника за детски болести – Скопје). Овој настан е отворен за сите заинтересирани за канабисот!
Д-р Хануш долги години беше во контакт со Израелскиот истражувач за канабис Д-р Рафаел Мечулам (Raphael Mechoulam) кој го покани да го продолжи своето истражување на Хебрејскиот Универзитет во Ерусалим, Израел. Д-р Хануш и неговиот колега американскиот молекуларен фармаколог Вилијам Ентони Дивејн (William Anthony Devane) беа првите научници кои во Израел го опишаа ендоканабиноидното соединение анандамид (anandamide), во 1992 година. Тие го изолирале анандамидот и за прв пат ја опишале неговата структура. Анандамидот е ендоген канабиноиден невротрансмитер. Д-р Хануш продолжува да го истражува канабисот, канабиноидите, ендоканабиноидите и неговите деривати.
Д-р Лумир Хануш го смета канабисот како „еден од најбезбедните познати лекови“. Според него, алкохолот и цигарите треба да бидат ставени на „црна листа“ наместо канабисот, поради тоа што постои можноста за обете: како физичка, така и психолошка зависност на првите две, додека не постои никаква можност од физичка и постои само ограничена можност од психолошка зависност од марихуаната. Покрај тоа, луѓето под дејство на марихуана не се опасни за другите. Тој не го поддржува пушењето на марихуаната, поради опасностите од инхалацијата на чад. Хануш е против неконтролирана употреба на марихуаната, но тој целосно ја поддржува неговата употреба за медицински цели. Во април 2010 година и септември 2011 година, д-р Хануш учествуваше во семинар во Чешкиот парламент чијашто цел беше воведување на канабиноидниот третман.
Д-р Пол Хорнби (Paul Hornby) од Канада дипломирал зоологија, магистрирал биохемија и докторирал патологија. Тој е еден од ретките научници кои покрај тоа што го изучуваат канабисот и канабиноидите, тој истовремено е еден од еминентните залагачи за употребата на канабисот во медицината, како и за детабуизирање на оваа билка. Тој е основач и поранешен Претседател на Hedron Analytical Inc., мала фирма којашто хемиски ги анализира растителните препарати.
Овластен е од страна на федералното одделение одговорно за подобрување на здравјето (Health Canada) за легално да го анализира конопот, односно канабиноидниот профил и хемискиот состав на врстите. Д-р Пол е автор на бројни научни трудови, студии и статии кои се однесуваат на конопот (хемиски состав, методи на екстракција на активните канабиноиди). Тој е светски признаен како канабис експерт, кој до сега има учествувано на бројни научни семинари за канабисот.
Д-р Пол, покрај Д-р Роберт Меламед и Д-р Лумир Ондреј Хануш, исто така е еден од најавените гости на претстојната јавна дебата за канабис под името „Коноп – 1.000 зошто, 1.001 затоа“, којашто ќе се одржи на 24 јуни во Градскиот парк во Скопје (на Школка) со почеток во 4:20 часот. Оваа дебата е отворена за сите заинтересирани кои секојдневно користат, се лекуваат, препишуваат и произведуваат екстракти од канабис и се очекува слободно разговарање, поставување на прашања и споделување на искуства од ваша страна. На настанот од македонска страна се најавени следниве доктори: Нико Беќароски, Милан Ристевски (директор на ЈЗУ Универзитетска клиника за радиотерапија и онкологија – Скопје) и Аспазија Софијанова (директор на ЈЗУ Универзитетска клиника за детски болести – Скопје). Присуството е задолжително! Влезот е слободен! Дојдете во што е можно поголем број за да ги срушиме заедно сите митови за канабисот!!!
Д-р Пол Хорнби има повеќе од 30 години искуство во истражувањето на билките и суплементите во човечкиот систем. Со докторат во областа ‚човечка патологија‘ тој има спроведено голем број на научни проекти со Инуитите во Канадскиот Арктик, рибарите од јужниот брег на Индија, како и Мангијан (Mangyan) луѓето од планините во Миндоро, Филипини. Зачуден бил од здравјето од кое бликале одредени народи и бил заинтересиран со какви билки се хранат и лекуваат.
Во изминатите 18 години д-р Хорнби го фокусирал неговото внимание на канабисот и оттогаш сè до денес постојано ја демонстрира ефикасноста и безбедноста на оваа билка. Со создавањето на првиот стандардизиран природен продукт од медицински канабис во капсули, д-р Пол стана еден од пионерите во отворањето на патот за канабисот да може да стане мејнстрим растителен лек. „Јас не синтетизирам или високо прочистувам ниту една од компонентите на растението, но ги изучувам заедно; нивната синергија (entourage), активност и механизам на дејствување.“ - истакнува д-р Пол Хорнби, потенцирајќи ја важноста на целата билка, а не на изолираните канабиноиди.
Во видеото подолу д-р Пол Хорнби објаснува што е тоа ДЕКАРБОКСИЛАЦИЈА:
Прекрасно интервју со д-р Пол Хорнби. Од секогаш сакал да студира хемија. Иако завршил средно уметничко, тој направил свесна одлука да го продолжи своето образование во научните води. Во ова интервју објаснува како го заинтересирало изучување на билките и лековитите растенија и конкретно канабисот и канабиноидите. Во ова интервју тој разбива неколку митови околу канабисот:
Професорот Д-р Боб, Роберт Меламед (Robert Melamede) од Колорадо е еден од најавените гости на претстојната јавна дебата за канабис, којашто ќе се одржи на 24 јуни во Градскиот парк во Скопје (на Школка) со почеток во 4:20 часот.
Според најавите, на настанот ќе учествуваат неколку еминетни доктори, професори и научници од странство. Дебата е промовирана под името „Коноп – 1.000 зошто, 1.001 затоа“, а е отворена за сите заинтересирани кои секојдневно користат, се лекуваат, препишуваат и произведуваат екстракти од канабис и се очекува слободно поставување на прашања и разрешување на секакви дилеми.
На настанот се најавени докторите: Пол Хорнби (Канада), Роберт Меламед (САД), Лумир Хануш (Израел), како и докторите Нико Беќароски, Милан Ристевски (директор на ЈЗУ Универзитетска клиника за радиотерапија и онкологија – Скопје) и Аспазија Софијанова (директор на ЈЗУ Универзитетска клиника за детски болести – Скопје).
Роберт Меламед е доктор по молекуларна биологија и биохемија на Градскиот Универзитет во Њујорк. Признаен е како еден од водечките авторитети за терапевтска употреба на канабисот и тој е автор или ко-автор на голем број на дела, студии и научни трудови на различни научни теми. Тој е член на неколку научни комитети (Меѓународна асоцијација на Канабисот како лек, Научен советодавен одбор на Американците за безбеден пристап, „Sensible Colorado“, научен советник „Cannabis Therapeutics“).
Д-р Меламед исто така работи во редакцијата на Меѓународната асоцијација за консумација на канабисот како лек, како и на голем број други државни амбуланти и граѓански групи за застапување на пациентите. Д-р Боб има докторирано молекуларна биологија и биохемија на Градскиот Универзитет во Њујорк. Тој се пензионираше како претседател на биолошкото одделение на Универзитетот во Колорадо Спрингс во 2005 година, каде што продолжува да ги изучува и истражува канабиноидите, ракот и поправката на ДНК-то.
Здружението „Зелена алтернатива“ на крајот од месец јуни повторно ќе организира јавен настан на кој присутните отворено ќе можат да зборуваат, да поставуваат прашања, да дискутираат, да ги споделат сопствените искуства и искуствата на блиските и ќе се информираат за лековитото дејство на канабисот. По трите одржани семинари со предавања од познати доктори, активисти и истражувачи од целиот свет, овој пат настанот на „Зелена алтернатива“ е замислен како една голема јавна дебата. Настанот е отворен за сите кои секојдневно користат, се лекуваат, препишуваат и произведуваат екстракти од канабис.
Филип Д.
„На крај на месец јуни, поточно измеѓу 20 и 26 јуни Зелена Алтернатива организира јавна дебата и тркалезна маса на која се поканети СИТЕ.. Оваа година нема да слушате предавања туку можете да учествувате во дебатата...повеќе од потребни ни се храбри пациенти кои имаат храброст да кажат дека користат канабис и да ни ги раскажат своите искуства, повеќе од потребни ни се наши лекари кои ќе можат да ги кажат проблемите со кои се соочуваат и дилемите дали да препишат масло или не...“ - истакнува Филип Достовски.
Давор А.
Сите заедно да дадат придонес. Се повикуваат сите храбри пациенти со своите сведоштва, па и докторите да посочат секојдневни проблеми при препишувањето на лекот. Притоа, заедно да се изнајдат соодветни механизми и решенија за институционални препреки, за достапноста на канабисот, концентрациите, за разните начини на употреба и помошта за луѓето со разни здравствени состојби, канцер, епилепсија, мултиплекс склероза…
„Нормално и оваа година имаме гости од странство кои овој пат доаѓаат да одговараат на вашите прашања:
Во моментов се бара локација и преведувачи и кој сака е добредојден да помогне волонтерски или финансиски зашто ни е потребно...“ - вели Филип.
„Еве и прва медиумска најава за настанот следниот месец. Споделете директно од страната, да допреме до што повеќе луѓе, особено доктори кои еве ќе имаат простор и шанса да ги споделат своите досегашни искуства во препишувањето канабис, а и директно да се запознаат со лица кои се третираат со канабис. Tnx.“ - додава Давор Ангеловски.
„На дебатата која ќе се одржи на крај на јуни (најверојатно ќе биде 24 јуни, сабота) од македонска страна своето учество го потврдија д-р Цули Софијанова д-р Нико Беќаровски и д-р Милан Ристевски. Многу ни е мило што баравме некој доктор кој ќе биде против канабис за да може да ги спротивставиме аргументите ама таков не најдовме до сега... Уште еднаш да повторам на дебатата се поканети СИТЕ не треба резервации не треба карти... ни треба вашето присуство...“ - заклучува Филип.
Настанот најверојатно ќе се одржи на отворено, како на пример Школка во Парк и најверојатно ќе биде во попладневните часови. Вашите предлози слободно да ги произнесете во групата на ФБ на Зелена Алтернатива!
СПОДЕЛЕТЕ!!! Вклучете се!!! Не игнорирајте! Бидете дел од решението!!!
