ГОДИНА во ќелија поради 14 грама трева за КОНОПОВА, додека канабис бизнисот во „РCМ“ си цвета...

Затворска ќелија А-3 во Шутка може да ја добиете ако ве фатат со 14 грама канабис! Условите се ужасни, како во турска апсаана од пред 100 години. Плус ќе си одлежите и една година во Идризово каде што условите не се ништо поарни...

Моника во притвор - Шутка
КПУ Затвор „Скопје“ - Скопје

Меѓутоа, ако ја уценувате целата држава тогаш ќе добиете ќелија во хашкото одделение, каде што условите се многу подобри, а за затворска казна во Идризово нема ни да стане збор. Срамота за системот, судството, обвинителите, бранителот, полицијата. Срамота за државата во целост. Срамота за сите граЏани и граЏански здруженија, кои при очи се прават слепи за гадотииве што ги прават и толерираат.

Да ви се плукнам!

Додека бизнисот на легалните компании со лиценца цвета во Македонија и додека докажано е веќе дека секоја употреба е медицинска, сепак користењето на канабисот за рекреативни цели е кривично дело и казниво е со затвор, а марихуаната се изедначува со тешките синтетички дроги, како што се кокаинот или хероинот.

Како е во македонските поправни установи, кои ги „оправаат“ интелектуалците и активистите за целосно да го спречат слободоумието и слободата на говорот? Во врска со ова прашање надоврзувајќи се комично на моменталната ситуација со полицискиот час поради „пандемијата“ со КОВИД19 којашто може да се стави под контрола со помош на канабис, како што велат научните истражувања, на својата фејсбук страница Моника изјави: „Сѐ е исто ради политичкиот час, само што сега нема решетка... Барем плата од 300 ден имав...“

Новите лични карти на
Северна Република Македонија

Извадок од Порталот „Мета.мк“: “Борбата” за легализирање на канабисот не била лесна за Моника Конопова. Таа повеќе пати завршила зад решетки, за ова е горда и вели дека ова е само почетокот на нејзиниот активизам. Моника таму изјави: „Според мене, се наоѓаме на половина пат од легализирањето на канабисот. Сега редот е на нашите политичари, пратениците кои треба да ги изменат законите што иритираат кои што канабисот го рангираат на исто ниво со синтетичките и опасни и смртоносни дроги” вели Конопова, активистка од Здружението на граѓани „420 Macedonia“.

На прашањето за Порталот „Пулсот на мастилото“: Поголемиот дел од затворениците во Македонија се соочиваат со проблем при наоѓање на работа после излегувањето од затвор. Дали си размисливала да создадеш проект преку кој поранешните затвореници ќе ги покажат своите таленти пред лицето на јавноста? Моника Конопова одговара: „Да бидам искрена, таа мисла повеќе пати ми се вртеше низ глава додека бев таму и додека по цели денови гледав во ѕид или во таван, кога не можев да читам книги. Не ги осудувам осудениците за нивните дела, секој има право на грешка, имале свои причини да ги сторат делата, но таму сватив што се вистински злосторници, злобници и злонамерници… Цела година бев опкружена со убијци, крадци, разбојници, во крајно нехумани мизерни услови, со бубачки насекаде, лоша и оскудна храна (една сардина и нарезок се дели на две порции) искршени прозорци и генерално понижувачки однос од страна на затворската полиција – тоа мора да се подобри. За среќа не се сите осуденици такви, се сретнав и со нормални луѓе со големо срце и душа како мене, кои ете од икс причини се нашле таму, кои ми останаа до ден денес пријатели.

Конопова зад решетки
во КПУ Идризово

За мене лично не верувам дека ќе имам проблеми во наоѓањето работа, затоа што имам квалификации и високо образование и сакам легално да работам во канабис индустријата во Македонија, во областа заради која бев притворена, бидејќи немав „лиценца“ и тоа што ми се случи е само пат кон остварување на таа цел. Што се однесува до затворениците, запрепастена сум од бројот на необразовани! Има затворенички кои не знаат ни самите да се потпишат, а нашава држава не прави ништо во врска со тоа… Се одржуваат курсеви за пекари, за фризери, за готвачи, но за жал не постои начин барем оние со поголеми казни да имаат можност забрзано да го завршат основното образование, барем да научат да читаат и пишуваат додека се таму и да излезат од таа поправна установа со неков сертификат за завршено основно образование, со што би можеле да најдат некаква работа многу полесно… Токму поради тоа и се осудени да станат повратници, да го повторат делото, бидејќи мораат да се прехранат и некако да опстанат… Со тоа можеби би се занимавала понатаму во животот, како една од моите следни мисии и решена сум дека кога јас ќе имам мој бизнис, предност ќе им давам токму на лицата коишто биле во затвор!“.

Извадок од Порталот „Женски Магазин“: За јавноста e позната како девојката со џоинтот, вели дека се гордее со таа етикета, а и беше доделена кога спонтано одлучила да се сними како пуши џоинт на улица (видео во живо на Фејсбук), додека одела на разговор за работа. Но, сепак смета дека и била нанесена неправда со тоа што беше осудена на казна затвор, бидејќи покрај нехуманите услови таму, вели дека тешко е сега да најде работа бидејќи е обележана со криминално досие. Конопова изјавува: „Сега како и пред да ме затворат, работам симултани и судски преводи, бидејќи сум судски преведувач за македонски-полски јазик и обратно, се снаоѓам, плус тешко е да се најде работа кога веќе си обележан со криминално досие... Но, не престанувам да верувам во себе, во моите квалификации и во она што го правев и правам, и навистина сметам дека ми е нанесена голема неправда со тоа што бев осудена на цела година затвор! Додека на компаниите кои имаат лиценца може да се каже легално им цвета бизнисот, јас за 14 грама цвет од канабис за лична употреба најден во мојот дом, добив цела година, опкружена со тешки злосторници, во мизерни услови со затворска служба за обезбедување која се однесува крајно нехумано... Но, ете издржав, Бог и ангелите се на моја страна, јас само сакам најлековитото растение на планетава целосно да се ослободи! Тие што сакаа да работам за/со нив и претходно сега сакаат уште повеќе затоа што сум исполнителна личност која цврсто стои зад своите ставови. Целта ми е да работам во легалниот канабис бизнис, а на тие луѓе им е потребно моето знаење, па моето досие толку не им пречи.“.

Напиша активист: Зоран Велковски

Последната пресуда на Моника

Има денови кога отворено одделение е позатворено од затворениот третман!

Моника во Идризово - шахти на секој чекор, па да ова е затвор - не е хотел, како што велеа командирките, кои ја присилуваа да ги риба плочките во холот на колена со четка...

Отворено одделеление во Женскиот дел има дворче едвај 10 на 10 м2...

Затворскиот кревет на Моника во Идризово

...спомени од Шутка...

...спомени од Шутка...

...спомени од Шутка...

Македонија штом апси активисти - не ја интересира здравјето на народот!
Моника е Претседател и основач на здружението за демистификација на канабисот „420 Македонија - Скопје“ и нејзиното место не е во затвор!

Моника е дипломиран новинар - првенец на генерација!

Моника е магистер по филмска продукција. Таа сега има хорор искуство...

Активистката Ристеска по речиси 24 часа во станица, спроведена пред судија (првото апсење)

Моника Конопова по една година затвор...

ЧИТАЈ ПОВЕЌЕ:

* Со децении забранет, а сега ќе си го приватизираат за да може да имаат МОНОПОЛ!

* Ја жртвував слободата, зашто да не го жртвувам и угледот: Конопова за експлицитните фотографии

* Борецот секогаш ќе најде начин да извојува победа

* Бизнисот со канабис со старо-нови проблеми

* Забранет за консумирање, дозволен за лекување – обиди за декриминализација на канабисот (инфографик)

* 420 Macedonia доби интернационална поддршка од австралиското движење Aussie Canna

* Успешни, софистицирани и надувани: менување на перцепциите за канабисот во професионалниот свет

* СТОП за полициската бруталност према билката и активистите кои се борат канабисот да биде вистински ослободен!!!

* Аргентина го доби најмладиот канабис доктор, а Македонија сè уште апси активисти и пациенти!

* За активизмот на Моника Ристеска позната во јавноста како MoniQue Konopova!

* Уште неколку интересни интервјуа за канабисот со македонски познати личности 

* Интервју за канабисот со д-р Милан Ристески спец. радиотерапевт-онколог

Со децении забранет, а сега ќе си го приватизираат за да може да имаат МОНОПОЛ!

Децении е забранет лекот. Сега ќе си го приватизираат за да може да имаат монопол. Не сте имале шанса да видите човек во агонија како добива мир во ликот после употреба на масло од канабис. Канабисот е еден од најневеројатните лекови, но не и кога ќе дојде во рацете на капиталистите!

Заложбата за отворање на Социјален Канабис Клуб во кој ќе најдат спас и мир безброј жртви на капиталистичката мелница на човечки судбини е можен и јас не се откажувам од таа идеја! Воедно идејата да се сади канабис и да се дава бесплатно масло на луѓе кои се на хемотерапија или кои имаат други сериозни болести и нарушувања ќе биде реалност. 

Дали тоа ќе се случи додека сум жив не знам, но знам дека ќе се случи кога тогаш. Разумот и свеста наложуваат тоа така да биде.

#СадиСиДома

#СлободаЗаЛекот

#ЛегализацијаНаКанабис

Активист: Зоран Велковски

Европскиот парламент усвои резолуција за канабис придржувајќи се на СЗО во поддршката на медицинската марихуана

По извештаите на Светската здравствена организација (СЗО) кои препорачуваат прекласификација на канабисот и неколку од нејзините клучни компоненти според меѓународните договори за лекови, Европскиот парламент во средата гласаше за резолуција што ќе помогне за унапредување на медицински канабис во земјите што ја формираат Европската унија

Додека не е обврзувачка, резолуцијата има за цел да ги поттикне европските нации да го зголемат пристапот до медицинска марихуана, давајќи приоритет на научните истражувања и клиничките студии. Исто како и препораката на СЗО, резолуцијата на Европскиот парламент покажува колку е широка поддршка за легализација на канабисот, но нажалост сè уште не се менува ниту еден актуелен закон на меѓународно или локално ниво. „Европскиот Парламент е само последниот глас за признавање на медицинската вредност на канабисот и придобивките од регулацијата во однос на забраната“ - изјави Том Ејнџел (Tom Angell), соработник на Форбс и издавач на Marijuana Moment за Хавиер Хазе (Javier Hasse), кој исто така е автор посветен на канабисот и соработник на Форбс. „Се надевам дека растечкиот хор во корист на реформите ќе ја поттикне акцијата од страна на нациите за промена на нивните политики и подобрување на пристапот за пациентите на кои им е потребен овој лек“ - додава Том.

Што значи тоа?

По проценката на тоа како Европската Унија потенцијално може да поддржи квалитетни истражувања во врска со лекови базирани на марихуана, воспоставувајќи „стандарди за не-фармацевтски медицински канабис за да обезбеди сигурност на потрошувачите“, членовите на Европскиот парламент гласаа за резолуција со која се повикува Комисијата за употреба на канабисот за лековити цели и земјите-членки на Европската унија за „адресирање на регулаторните, финансиските и културните бариери“ што ги успорија научните истражувања за канабисот и за медицинските употреби. Покрај тоа, Комисијата и европарламентарците рекоа дека е важно да се „дефинираат условите потребни за да се овозможат чести, независни научни истражувања засновани на широк спектар на материјали кои треба да се спроведат во употребата на канабис за медицински цели“. На крај, тие ја истакнаа потребата за подобрување на еднаков пристап до лекови базирани на канабис и специфични терапии. „Од суштинско значење е да им се обезбедат сеопфатни информации за профилите на целиот спектар на растителни врсти кои се користат во дадените лекови“ - се вели во резолуцијата, повикувајќи на тесна соработка со СЗО.

Канабис заедницата реагира...

Хавиер Хaзе заинтересиран да го слушне она што канабис заедницата има да го каже, тој ги исконтактирал претставниците на индустријата за канабис од различни географски подрачја, започнувајќи од Азија, па сè до Европа и Америка. Еван Енеман (Evan Eneman), извршен директор на ELLO, лидер на MGO/ELLO Алијансата и основач на Sands Lane Capital, рече: „Уште еднаш, нашите пријатели од целиот свет ја гледаат медицинската корист и потенцијалот на растението и работат на подобро разбирање на она што може да биде сериозно“. Енеман додаде дека со нетрпение очекува САД да преземе сличен пристап, така што истражувањето и развојот на терапии базирани на канабис и лековите и продуктите за сите негови случаи на употреба може да продолжат да напредуваат.

Арас Азадијан (Aras Azadian), извршен директор на мултинационалната компанија за канабис Avicanna, исто така, ја поздрави одлуката на Европскиот парламент да ја смени позицијата за канабисот и канабиноидите. „Ова ќе помогне да се олеснат и забрзаат потребните студии за безбедност и ефикасност на канабиноидни решенија надвор од првичните пазари, како што се Канада и Израел (...) Постои постојана загриженост за токсичните и неефикасните производи кои се нудат како лекови кои ќе бидат ограничени со влезот на квалификувани студии“ - вели тој. Во меѓувреме, израелскиот коосновач на CannaImpact, Орен Тодорос (Oren Todoros), ја истакна економската можност зад канабисот и сè поголемото признавање на овој потенцијал. „Владите (...) повеќе не можат да ги вртат нивните глави на можноста што ја дава (канабисот)“ - рече тој.

Јонас Дуклос (Jonas Duclos) е извршен директор на JKB Research, компанија зад CBD420 во Швајцарија, линија на канабис производи со ниско ниво на THC, продавани во тобака и други „редовни“ продавници ширум Европа. Дукос го квалификуваше овој потег како олеснување. „Сè повеќе и повеќе клучни глобални актери го признаваат терапевтскиот ефект на канабисот“ - рече тој. Сепак, за него, навистина важно прашање е: кога законодавците ќе размислат да се движат напред со актуелното законодавство? И кога ќе го направат тоа? Како ќе изгледаат прописите? „Знаеме дека поддршката и политичкиот капитал ќе растат, но тоа се деталите што ќе одредат каде ќе се движи индустријата во следните години“ - заклучува тој.

Уредник и новинар: MoniQue Konopova

Извор: Forbes

ЧИТАЈ ПОВЕЌЕ:

* СЗО препорачува прекласификација на канабисот според меѓународните договори

ЈАВНА РАСПРАВА ЗА КАНАБИСОТ - Здружението БИЛКА влегува во Собрание!

Почитувани соборци, чест ни е да Ве известиме дека на иницијатива на Здружението за канабис и зелени политики БИЛКА - Скопје, Комисиите за Економија и Здравство при Собранието на Република Македонија, закажана е јавна расправа на 22.02.2019 година со почеток од 11:00 часот

Настанот ќе се одржи во салата Борис Трајковски во Собранието на Република Македонија на тема „Економски и здравствени бенефити од легализацијата на канабисот“ на која учество во својство на говорници ќе земат:

- Преставници на БИЛКА;

- Пратеници при Собрание на РМ;

- Преставник од Министерството за земјоделство;

- Преставник од Правниот факултет Јустинијан Први;

- Преставници од одделот за недозволена трговија и шверц при МВР;

- Преставник од УК за Токсикологија;

- Преставници на бизнис секторот;

- Преставници на Земјоделскиот факултет при УКИМ.

Доволно долго уживателите на канабис се стигматизирани од страна на ригидните казнени политики на државата. Конечно е време тоа да престане! Повеќе информации наскоро! Ве замолуваме да ја споделите оваа објава. Ви благодариме!

#ЛегализацијаСега #БИЛКА #LegalazingCannabis

Уредник и новинар: MoniQue Konopova

Извор: Билка, Билка.мк

Презентација на студентскиот проект „Легализација на медицинскиот канабис и рекреативната употреба на марихуаната“

Утре (17 јануари) со почеток во 10:00 до 11:00 часот, во Амфитеатарот на ФИНКИ во Скопје ќе се одржи отворена едукативна презентација и јавна трибина за проектот по предметот „Медиуми и Комуникации“ на група студенти од 2 година на факултетот ФИНКИ на темата „Легализација на медицинскиот канабис и рекреативната употреба на марихуаната“ 

Во првата фаза од овој проект за да го испитаат моменталното јавно мислење за темата, студентите поделени во две групи подготвија прекрасна анкета. Едната група ќе ги презентира придобивките од медицинскиот канабис, додека другата група придобивките од легализацијата на рекреативната употреба на истата билка. 

На настанот ќе гостуваат претставници од здруженија на граѓани кои се борат за легализација на конопот во Македонија, пациенти кои се излечиле со помош на домашно подготвени екстракти од канабис од специфични диојагнози за кои модерната медицина сè уште нема решение, како и експерти во областа. 

Почитувани соборци, Ве замолуваме да ја пополните анкетата и да ја споделите за да им помогнеме на овие студенти да си добијат 10ки. Исто така, Ве покануваме на овој настан во што е можно поголем број за да им дадеме поддршка на овие студенти кои храбро одлучија да го демистифицираат канабисот, а исто така за да го забрзаме процесот на декриминализација на канабисот со масовното присуство и поради можноста за слободно вклучување во дискусијата.

Уредник и новинар, Претседател на Здружението на граѓани за демистификација на канабисот „420 МАКЕДОНИЈА - Скопје“ - MoniQue Konopova

Култивација на канабис и производство на екстракти од коноп во Македонија

Медицинскиот канабис е растечка индустрија на глобално ниво и Македонија е единствената земја во регионот која го легализираше производството на канабис и производството на екстракти од коноп за медицински цели

Одгледувањето канабис за медицински цели брзо се шири и пазарот за канабис експоненцијално расте, па се очекува да се зголеми трипати во обем во наредните три години. Добивајќи барања од инвеститори од дијаспората заинтересирани за инвестирање во овој сектор во Македонија, бидејќи е единствената земја во регионот која го легализираше одгледувањето на канабис и производството на екстракти од коноп за медицински цели - го презедовме ова истражување и податоци со информации за македонската индустрија за канабис, односно одгледување канабис и производство на производи од коноп подготвено од страна на Macedonia2025, објавено пред еден месец.

Во кратки црти најпрво е претставена Светската листа на легализација на канабисот, а потоа се даваат факти за канабисот во Македонија. Потоа следат воведувањето на македонските компании во секторот за канабис и резиме на процедурите за добивање дозвола за одгледување канабис од страна на Министерството за здравство (МЗ) и Дозвола за производство на екстракти од коноп. Документот завршува со презентирање на законските одредби за одгледување на канабис во Македонија.

Светска листа на легализацијата на канабисот/марихуаната

• Аргентина - Статус: ЦБД е легализирано/Делумно медицински легализирана/Декриминализирана; 
• Австралија - Статус: Медицински легализирана/Делумно декриминализирана;
• Канада - Статус: Медицински легализирана/Целосна федерална легализација во очекување;
• Чиле - Статус: Медицински легализирана;
• Колумбија - Статус: Медицински легализирана/декриминализирана;
• Хрватска - Статус: Медицински легализирана;
• Чешка Република - Статус: легализирана медицински;
• Германија - Статус: Медицински легализирана/декриминализирана:
• Индија - Статус: федерално нелегално, но легално во некои држави;
• Израел - Статус: легализирана медицински;
• Италија - Статус: Медицински легализирана;
• Јамајка - Статус: делумно медицински легализирана/декриминализирана;
• Македонија - Статус: Медицински легализирана;
• Мексико - Статус: Медицински легализирана/декриминализирана;
• Филипини - Статус: Медицински легализирана;
• Полска - Статус: Делумно медицински легализирана;
• Турција - Статус: Медицински легализирана;
• САД - Статус: медицинската употреба е легална во 31 држава и во округот Колумбија;
• Уругвај - Статус: легализирана.

Канабисот во Македонија - Факти

Марихуаната во Македонија се одгледува на 140 илјади квадратни метри површина. Од шесте компании кои имаат дозволи од МЗ за одгледување канабис, само една произведува масло од канабис (NYSK Holding). Светската продажба на медицински канабис е над 7 билиони долари, а се проценува дека пазарот ќе се зголеми за три пати во наредните три години. BIRN се обиде да добие копии од одобренијата за одгледување на канабис за медицински цели (преку барања за информации од јавен карактер), но добиле нецелосни одговори или воопшто не добиле никакви одговори. Премиерот Зоран Заев повика: „...сите инвеститори кои имаат ресурси да инвестираат во оваа индустрија, бидејќи тоа е профитабилно“. Тој изјави дека земјата очекува многу нови отворени позиции и 100 милиони евра приход во странска валута.

Постоечки компании кои легално одгледуваат канабис во Македонија

Компаниите кои во моментов работат во индустријата за канабис во Македонија се:

1. Реплек Фарм ДООЕЛ, Скопје (мај, 2016); Прв производител на масло од канабис во Македонија со 400.000 евра инвестиции;
2. NYSK Holding, Скопје (декември, 2016); NYSK има засадено канабис на 1.000 квадратни метри, каде растенијата се одгледуваат во затворени простории. Единствената компанија со капацитет за екстракција на масло од канабис и веќе произведува масло за готов производ на големо. Целата инвестиција, според проценките на Кешковски, се очекува да изнесува околу 5,5 милиони американски долари;
3. МАМ, Свети Николе (април, 2017); МАМ има засадено канабис на 20.000 квадратни метри во оранжериите. Вкупната инвестиција се очекува да надмине 10 милиони евра, а во моментов има 30 вработени од Свети Николе. Трајче Заев, сопственик на МАМ, рече дека се во тек преговорите со странските инвеститори за отворање капацитет за екстракција на масло;
4. Оаза Алкалоиди, Штип (август, 2017); Сопственик: Славе Ивановски;
5. Каба Хербал, Скопје (август, 2017);
6. 5 Letters, Ресен (септември, 2017); 5.200 квадратни метри објекти за одгледување канабис во затворени простории;
7. Мedical 420, Битола (декември, 2017);
8. Фарма Медика канабис, Валандово (мај, 2018); Ко-основачи: Катерина Бојовиќ Заева и Бобан Заев. Бобан Заев има големи планови за инвестиција, која наводно ќе отвори 500 нови позиции;
9. F&М, Врапчиште, Гостивар (јули, 2018).

Процедури за добивање лиценца

Постапка за добивање дозвола за одгледување на канабис: Правното лице заинтересирано за одгледување на канабис подготвува елаборат и го доставува до МЗ. МЗ потоа формира Специјална комисија (комисија) составена од претставници од МЗ, Министерството за земјоделство, шумарство и водостопанство (МЗШВ) и Агенцијата за лекови и медицински средства (МАЛМЕД). Во рок од 7 до 10 дена по приемот на елаборатот, Комисијата врши теренска инспекција и изготвува Извештај за мислење (позитивен или негативен) кој потоа се доставува до Владата на Република Македонија. Доколку Извештајот за мислење е позитивен, Владата издава согласност и го доставува до МЗ. МЗ потоа дава дозвола за одгледување на канабис. Пред започнување со одгледување канабис, правното лице поднесува барање за сеење/садење на канабис до МЗШВ, кое дава дозвола за сеење/садење (во зависност од тоа дали семето се сее или садниците се садат).

Постапка за добивање дозвола за производство на екстракти од коноп

Од друга страна, постапката за добивање дозвола за производство на екстракти од коноп е многу поедноставна: Правното лице доставува Барање за дозвола со придружни документи до МАЛМЕД, која донесува одлука по разгледување на Барањето. Придружните документи за добивање на дозволата се следниве:

• Листа на фармацевтски дозирани форми кои ќе бидат произведени;
• Технички-технолошки елаборат - Широка Мапа на датотеки;
• Документи (како додипломски студии по фармакологија, испити за фармацевтски компетенции, договор за работа итн.) За вработените одговорни за производство, контрола на квалитетот и етикетирање на екстрактите од коноп за трговија;
• Доказ за евиденција на правното лице во Централниот регистар на Република Македонија;
• Дозвола за користење на објект во кој ќе се врши производство на екстракти од коноп;
• Листа на имоти како доказ за сопственост на објектот или договор за закуп на објектот;
• Доказ за платен административен данок и други трошоци поврзани со добивање на дозвола за производство на екстракти од коноп согласно со подзаконските акти за лекови.

Трошоците поврзани со постапката за добивање дозвола за производство на екстракти од коноп се 1.000 евра. Крајниот рок за доделување дозвола за производство на производи од екстракти од коноп е 90 дена. Понатаму, во зависност од видот на производството на екстракти од коноп, производителот треба да ги има следниве простории:

• Магацин за прием и складирање на суровини, со исполнети барања за карантин додека се спроведува контрола на квалитет;
• Магацин за прием и складирање на материјали за пакување, со исполнети барања за карантин додека се спроведува контрола на квалитетот;
• Простор за производство и пакување;
• Простор за привремено складирање на полупроизводи;
• Простор за контрола на суровини и материјали за пакување;
• Контролна лабораторија;
• Магацин за складирање на производи под декларирани барања за чување, со исполнети барања за карантин додека се спроведува контрола на квалитетот;
• Посебен склад; 
• Обезбеден магацин за складирање на: Суровини категоризирани во групата на опиумски лекови, психотропни супстанции и прекурсори на опиумски лекови; Лекови кои содржат опиумски лекови и психотропни супстанции; Опасни хемикалии; Суровини и производи кои не се одобрени во постапката за контрола на квалитетот;
• Превозен објект;
• Канцеларија;
• Гардероба;
• Санитарен објект.

Правни работи за одгледување на канабис - Критериуми за подобност

Во делот „Одгледување на коноп наменет за производство на опојни дроги“ од Законот за контрола на опиумски лекови и психотропни супстанции, се предвидува да се одгледува канабис за медицински и/или за научни цели. Одгледувањето на канабис е дозволено само за правни лица кои поседуваат дозвола за одгледување на канабис издадена од МЗ, по претходна согласност од Владата.

Потребни услови - Правното лице е должно:

• Да поседува соодветен простор, површини или земјиште за одгледување, сушење и складирање на канабисот, соодветно опремени со производството; односно капацитет за преработка на правното лице за одгледување канабис;
• Просторот треба да биде заштитен од атмосферските влијанија и да биде затворен со ограда од најмалку 4 метри, со ринов елемент пред оградата во три реда кофи и бодликава жица над оградата;
• Да има 24-часовен видео надзор над целиот простор;
• Да има 24-часовно присуство на физичка безбедност;
• Да има најмалку четири вработени од кои најмалку едно лице е дипломиран фармацевт со најмалку три години работно искуство во областа на фармацијата и најмалку едно лице кое е дипломиран агроном - земјоделска програма со најмалку три години работно искуство во оваа област.

Постапка за добивање дозвола за сеење канабис

Правното лице кое има одобрение за одгледување канабис издадено од МЗ, пред почетокот на садењето е должно да поднесе барање до МЗШВ за добивање на дозвола за сеење на канабис. Барањето се дополнува со дозвола за одгледување на канабис издадена од МЗ (заверена фотокопија од нотар); документ за сертифициран семенски материјал; елаборат/план за одгледување на коноп кој содржи информации за тоа како ќе се одгледува растението, количина (број на семиња, садници, стебла, влажна и сува тежина).

Дозволата за сеење на канабис ја издава МЗШВ во рок од 15 дена од денот на приемот на комплетното барање. Правното лице, по добивањето на Дозволата за сеење коноп од МЗШВ, е должно да го извести МЗ, МЗШВ, МАЛМЕД и Комисијата пред почетокот на сеидбата/садењето на семето од коноп. Законското решение предвидува дека за време на периодот од сеидбата/садењето до жетвата на конопот, Комисијата ќе спроведе инспекција најмалку два пати над одгледувањето на канабисот.

Евиденција за одгледување, собирање и сушење коноп

Одгледувачот на канабис е должен да води евиденција за култивираниот канабис (сеење, производство на садници, пресадување и број на стебла). Тој исто така е должен да ги регистрира и да ги пријави сите промени и отстапувања во одгледувањето на канабис, кои претходно биле планирани во елаборатот, до МЗ и МЗШВ. Култиваторот на канабис е обврзан, пред да започне со жетвата, да го извести МЗ за денот на започнувањето на бербата на конопот. По завршувањето на жетвата на коноп, проверката на собраните билки ја врши Комисијата со цел да се утврди бројот на собрани стебла и влажната маса. Формата, содржината и начинот на водење евиденција за сите фази на одгледувањето на канабис ги пропишува МЗ.

„По жетвата, собраната билка/конопот се суши во специјално наменски уреден простор, со големина зависно од количината на култивираниот коноп, лоциран на истото место каде што се одгледува конопот. Култиваторот на канабис мора да има сушено растение/коноп пакувано во картонска кутија и запечатено со сигурносен печат. Понатаму, картонска кутија со сушеното растение/коноп која е задолжително означена со следните податоци: име и седиште на правното лице (култиватор/производител), година на производство, име на суровина, нето и бруто сува маса, образец (лист, цвет, растение, цело, сецкано) и датум на пакување. Одгледувачот на канабис доставува извештај до МЗШВ и МАЛМЕД за завршен процес на одгледување и вкупната сурова маса што е добиена“ - е дефинирано во член 29 на соодветното законско решение.

Правни ограничувања

Во соодветната легислатива е предвидено дека канабисот кој се одгледува во Република Македонија може да се обработи само во Република Македонија, исклучиво од правно лице кое има дозвола за производство на екстракти од коноп. Преносот на коноп на преработувачката локација го врши производителот на коноп придружен од претставници на Министерството за внатрешни работи, на сметка на производителот.

Извоз-увоз

Дозвола од МАЛМЕД мора да се добие пред увозот на семе и саден материјал. Според последните измени на соодветното законодавство, правното лице е должно да обезбеди само доказ за потекло на семето/садниот материјал што треба да се увезува; сертификат за квалитет на семето/садниот материјал не е задолжителен. Македонските компании во индустријата за канабис користат и семе и саден материјал во нивните процеси на одгледување. Реплек Фарм, на пример, увезува среден производ - сушен канабис од кој произведува екстракти.

Според постоечката легислатива, дозволен е само извоз на финални производи (екстракти, гранули, масло и слично). Компаниите кои го одгледуваат канабисот во Македонија не им е дозволено да ја извезуваат билката и затоа го замрзнуваат цвеќето (свежо или сушено). Се препорачува идната компанија да најде сместување за своите постројки или да изгради објект за екстракција пред да започне одгледувањето на канабисот. Понатаму, финалните производи може да се класифицираат, а со тоа и да се извезат, како два вида, во зависност од содржината на THC што е присутна во производот:

1. Храна - под 0,001% THC; Гранична линија на производ - помеѓу 0.001% и 0.2% THC (исто така производи од канабис кои се ниски во THC, но содржат и други канабиноиди, како CBD, спаѓаат во оваа група);
2. Лек - над 0,2% THC; МАЛМЕД е официјално тело кое дава дозвола за извоз на производи и лекови на граничната линија. Извозната давачка изнесува 1.000 денари, без оглед на извозната количина. Во случај на лекови, постапката е посложена и бара поголема контрола и документација.

Автор: Adil Mehmed

Превод: MoniQue Konopova

Извор: Macedonia2025

Сенаторот Бил Нелсон ќе ја легализира медицинската марихуана за воени ветерани

Двајца демократски сенатори од САД во средата поднесоа закон со кој ќе се легализира медицинската марихуана за воените ветерани и ќе им овозможи на лекарите да имаат полесен пристап до неа. Според актот „Safe Harbor Harvest Act“, докторите во Одделот за ветерани (VA) ќе бидат овластени да издаваат препораки за медицински канабис во согласност со законите во сè поголем број држави

Ја спасуваат татковината, а ги спасува само канабисот!

Легислативата, спонзорирана од сенаторите Бил Нелсон (Bill Nelson) и Брајан Шац (Brian Schatz), исто така, го прави легално, според федералниот закон воените ветерани да „користат, поседуваат или пренесуваат медицинска марихуана во согласност со законите на државата во која се случува употребата, поседувањето или транспортот“. И, тоа бара од VA да спроведе студии за „ефектите од медицинската марихуана врз ветераните кои се во болка“ и „односот меѓу програмите за третман кои вклучуваат медицинска марихуана што се одобрени од страна на државите, пристапот на ветераните кон таквите програми и намалувањето на злоупотребата на опиоидите помеѓу ветераните“. Предлог-законот доделува 15 милиони долари за истражувањето.

„Марихуаната и нејзините соединенија покажуваат ветување за лекување на широк спектар на болести и нарушувања, вклучувајќи и управување со болката“ - се вели во делот за наодите од легислативата. „Медицинската марихуана во држави каде што е легална може да послужи како помалку штетна алтернатива на опиоидите во лекувањето на ветераните“. Заштитата за лекарите и ветераните ќе има место по период од пет години. Застапниците за легализација го пофалија новиот предлог. „The Veterans Medical Marijuana Safe Harbor Act ќе обезбеди клучна медицинска и граѓанска заштита за мажите и жените кои ќе ги стават своите животи на линија за да ѝ служат на оваа земја“ - рече Џастин Стрекал (Justin Strekal), политички директор на NORML. „Несвесно е што овие храбри поединци кои ги штитат слободите на нашата нација ќе бидат третирани како криминалци кога ќе се вратат дома само за лекување на нивните медицински заболувања со безбедна и ефикасна опција“.

Зголемен број воени ветерани користат медицински канабис за лекување на ПТСН, хронична болка и други ментални и физички воени рани. Шац е постојано отворен за поддршка на реформата на законот за марихуана. Тој, исто така, потпиша неколку закони за канабис и ги притисна федералните власти кон ова прашање за време на сослушувањата во Сенатот. Но, Нелсон, кој се соочува со тешка борба за реизбор оваа година, никогаш досега не ги одредил правилата кои се однесуваат на реформи за марихуаната. Гласачите во неговата матична држава Флорида со големо мнозинство одобрија изборна мерка за гласање за медицински канабис во 2016 година, но неговата имплементација беше бавна и рестриктивна под управата на гувернерот Рик Скот (Rick Scott), кој сега го предизвикува Нелсон за фотелјата во Сенатот.

„Сојузниот закон им забранува на лекарите од Одделот за ветерани да препишуваат или да препорачаат медицинска марихуана на ветераните“ - рече Нелсон во соопштението за печатот. „Ова законодавство ќе им овозможи на ветераните во Флорида и на други места да имаат ист пристап до легално пропишаните лекови, исто како што било кој друг пациент во тие 31 држави“. „Тешко е да се претера колку е голема работата што Нелсон се засилува и всушност воведува закон за медицинска марихуана“. Бен Полара (Ben Pollara), демократски стратег кој работеше на минатите кампањи на Нелсон и кој ги водеше кампањите за иницијативата за гласање за канабис во Флорида во 2014 и 2016 година, кажа во едно интервју: „Комбинацијата од огромната популарна поддршка и ужасниот запис на Рик Скот за медицинска марихуана како гувернер го направија ова исклучително моќно прашање во трката на американскиот Сенат“.

Кабинетот и Сенатот во неколку наврати ги одобрија амандманите за лекари од Одделот за ветерани да препорачуваат медицински канабис, но тие никогаш не биле претворени во закон. Претходно оваа година, поограничен закон за охрабрување на VA да ги истражи потенцијалните придобивки од медицинската марихуана за ветераните, стана првиот самостоен закон за канабис што требаше да биде одобрен од страна на комитетот на Конгресот. „Историски гледано, ветеранските и воените заедници долго време беа во првите редови на американската општествена промена, катализирајќи го широкото прифаќање на развојот на културните норми и перцепции околу расата, полот и сексуалната еднаквост“ - рече Стрекал од НОРМЛ. „Терапевтската употреба на Канабисот од страна на ветераните го следи овој тренд, а членовите на Конгресот треба да го следат нивното водство и да го одобрат Veterans Medical Marijuana Safe Harbor Act“.

Новинар: Кате К.

Уредник: MoniQue Konopova

Извор: Forbes

ЧИТАЈ ПОВЕЌЕ:

* Како ветераните бараат канабис за пост-трауматско стресно растројство?

* Повеќе од половина од израелските војници пушат канабис

* Лекување хронични болки со канабисово масло (извадок од Протоколот на Рик Симпсон „Лекот за рак“ стр. 91 - 92)

* Израелски канабис активист испи цело шише CBD масло за да ја докаже неговата нетоксичност

* Антидепресивите може да те убијат, потврдува научна студија. Анксиозните луѓе во депресија се свртуваат кон канабисот, потврдува искуството!

Жени со визија: запознајте 9 лидерки кои водат во канабис индустријата!

Денес, жените се на лидерски позиции на секое ниво од канабис индустријата, од извршни директори на одгледувачки компании, до култиватори кои се занимаваат со канабис од семка до производ. Жените одгледуваат канабис, се активисти, прават лекови и козметика од него, поседуваат сопствени фарми и работат во свои диспанзери. Дознајте повеќе за нив...

Некои жени повеќе се насочени во активизмот и исто така продуцираат и режираат документарни филмови со цел да се борат против стигмата на канабисот и неговите консументи. Други пак, се повеќе ангажирани во политиката која врши притисок за легализација и декриминализација на канабисот. Оваа серија на слики ги поврзува женските лидери кои го користат нивното влијание за промовирање на канабис индустријата како фер, одржлив и професионален бизнис простор. Повеќето од жените што се прикажани во оваа сторија живеат во Калифорнија, благодарение на пионерската улога на државата во полето за лекови од канабис, кое нуди големи можности за жените и служи како инспирација за многу други држави и многу други жени.

Овие жени се свесни за нивната извонредна позиција како малцинска група која создава историја. Според Marijuana Business Daily, жените пополнуваат 36% од лидерските позиции во индустријата за канабис - повеќе отколку во други индустрии, со националниот просек од 22%. Продуцентот Винди Борман (Windy Borman) беше толку инспирирана од овој револуционерен факт што почна да снима документарен филм за тоа: Mary Janes: The Women of Weed. Борман интервјуираше над 40 жени низ САД за да го создаде својот филм. Во него, Борман ја испитува активистичката историја на индустријата за канабис и како таа била изградена од страна на жените, за да се обезбеди медицински лек за пациентите кои страдаат од ХИВ и СИДА. Документарниот филм има за цел да служи како временска капсула и извор на инспирација за идните генерации, особено поради тоа што останува големото прашање: Дали овие малцинства ќе можат да ја задржат својата положба сега кога корпоративните компании создаваат конкурентна арена? Извршниот канцелар Дејл Скај Џонс (Dale Sky Jones) на Oaksterdam University вели дека Вол Стрит би можел да помогне во легитимирањето на индустријата за канабис со своите пари и моќ. Дали ќе има уште простор во индустрија за луѓето кои помогнаа да се создаде? Веруваме дека одговорот е ДА. 

Windy Borman

1. Винди Борман (Windy Borman) е наградуван режисер и продуцент на филмот „Mary Janes: The Women of Weed“, како и основач на DVA Productions

„По разговорот со повеќе од 40 жени од 10 различни држави во текот на изминатата година, научив дека овие жени имаат можност да изградат индустрија од темел и да го прават тоа добро. Луѓето сè уште одат во затвор во држави каде што дури и ние немаме медицинска употреба. Децата се одземаат, луѓето се депортирани, студентите губат стипендии и иднините се лизгаат низ нивните прсти, бидејќи тие се осмелија да допрат масло и да одлучат што сакаат да стават во нивните тела. Сликата што ја замислувам за индустријата е онаа што ја снимивме додека снимавме во конопното поле во Колорадо. Тоа е прекрасен видок на сончево осветлена жена, која гледа во камерата кон публиката. Таа не е пасивна тема, но активна во она што го прави. Би сакала тоа да биде иднината на индустријата, жените што го допираат растението во природата и почитувањето што оди заедно со тоа“ - вели таа.

Valerie Corral

2. Валери Корал (Valerie Corral) го основаше здружението за медицинска марихуана Wo/Men’s Alliance for Medical Marijuana WAMM - најстариот во земјата континуиранo воден колектив за медицински канабис. Таа, исто така, помогна да се напише и да помине Предлогот 215, револуционерниот калифорниски закон за медицинска марихуана. WAMM обезбедува слободен канабис за 30% од своите членови.

„Не можам да ви кажам колку од нашите членови мораа да позајмуваат каучи и да останат со своите семејства, повраќајќи во тоалетите на други луѓе од хемотерапија, бидејќи станаа бездомници по нивната дијагноза поради медицинскиот банкрот. Тоа беше многу влијателно за мене и ме промени засекогаш. Социјалната неправда за она што се случува со економијата на канабисот во моментов е тоа што го маргинализира пристапот на пациентите кои не можат да си го дозволат затоа што е премногу скапо. Економијата што била изградена врз грбот на болните кои умираат, се движела на пазар кој има профит. Знам дека би можела да направам многу пари, но јас навистина не работам со трева, работам со луѓе. Пазарот создава лажно чувство на вредност, кога вистинската вредност бара: ‚Како можам да ви помогнам? Како ова растение може да ти помогне во околностите во кои се наоѓаш?‘ Лично, не мислам дека моите потреби се поголеми од некој кој е болен“ - вели таа.

Wanda James

3. Ванда Џејмс (Wanda James) беше првата црна жена што поседува диспанзер за канабис во Колорадо - таа, исто така, ја основа Cannabis Global Initiative, комуникациска компанија која се обидува да им даде на луѓето со обоена кожа место во канабис индустријата.

„Го сретнав брат ми за прв пат на погребот на татко ми, кога ми кажа дека само што излегол од затвор. Мислев дека тој убил некого. Бев шокирана кога слушнав дека тој бил уапсен за поседување на 4,5 унци (околу 120 гр) канабис кога имал 17 години и добил 10-годишна затворска казна, од која четири и пол години собирал памук во затвор со максимална безбедност во Тексас. Се чинеше смешно за мене, особено откако студирав на Универзитетот во Колорадо и седев на предните скали од мојот студентски дом со моите бели пријатели - една половина килограм трева меѓу нас - ролање џоинти за време на викендот. Ако полицајците дојдеа, тие викаа: ‚Еј деца, ставете го тоа подалеку‘. Јас воопшто не знаев дека луѓето одат во затвор за поседување на марихуана. Мојот сопруг и јас почнавме да разговараме за него и сфативме дека би можеле да го раздледаме ова прашање. Тогаш го основавме CGI. Се чувствувавме охрабрени да застанеме и да речеме: ‚Нема повеќе затворска казна за ова‘“ - вели таа.

Bianca Green

4. Бјанка Грин (Bianca Green) беше извршен продуцент на документарниот филм „The Culture High“ и е основач на непрофитна кампања наречена Spark The Conversation - која ги охрабрува потрошувачите да се вклучат во разговорот за промена на стигмата врз канабисот.

„Пред дванаесет години, ми беше дијагностициран рак. Две години подоцна, бев на околу 13 лекови - се чувствував ужасно. Живеев во Калифорнија, каде што медицинската марихуана беше легална од 1996 година, па отидов и добив медицинска картичка. На патот кон откривање на она што е најдобро за вашето тело кога станува збор за лекови со канабис не е лесно, но вреди доколку сакате да напредувате, а не само да преживеете. Уште откако го открив канабисот како лек, секој ден од мојот живот го посветив на мисијата да ја сменам стигмата и сѐ уште не е завршена. Сакам да ги инспирирам другите да излезат од плакарот и да разговараат за нивната употреба. Незнам дали сите ако излегуваме заедно, може да ја нормализираме канабис културата и да поттикнеме повеќе луѓе да бидат отворени. Ние сме мала индустрија, но голема заедница на потрошувачи и додека не сфатиме дека нашето учество како потрошувач е неопходно, а забраната ја ограничува нашата слобода да го избереме она што го ставаме во нашите тела, ние не успеваме“ - вели таа.

Michelle Lilly-Hester & Drayah Sallis

5. Мишел Лили-Хестер (Michelle Lilly-Hester) и Драја Салис (Drayah Sallis) од Healthway Educations Systems - Мишел е едукативен офицер на Healthway Educations Systems, а Драја е извршен директор. Тие обезбедуваат медицинско образование за пациентите и лекарите од целиот свет, премостувајќи го јазот помеѓу медицинскиот канабис, лекарите и пациентите.

„Мајка ми, која неодамна почина, беше хронично болна. Таа беше од поинаква генерација под влијание на војната против дрогата - генерација која не знае дека може да го употреби канабисот како лек за проширување на нејзиниот квалитет на живот. Што ако би можелa да ѝ дозволам да разбере дека канабисот може да биде решение за нејзината нега, само за да сфати дека тогаш е предоцна? За среќа, имав време да ѝ го претставам на мајка ми канабисот и таа стана мој најголем поддржувач. Но, тоа е зошто мојата работа е достојна за мене - да ги имам овие разговори. Мојата цел е канабисот да стане мејнстрим, а дел од таа визија е опремување на давателите на здравствени услуги и државните општини, како и обезбедување на јавно-здравствено решение во начинот на живот со медицински канабис. Да се биде вклучен во револуцијата на канабисот е срдечно. Тоа значи менување на животот на оние кои директно се засегнати од нелегалниот пазар“ - вели Драја.

Sisters of the Valley

6. Сестра Кејт работи со Sisters of the Valley, група на монахињи кои произведуваат масло од канабис - „за време на месечевите циклуси, според древната мудрост“. Нејзината мисија: одржливост, прогресивен активизам и духовност преку сестринство.

„Нашето потекло е од Occupy Movement. Како активистка, честопати бев надвор од народот и како што разбраа дека сум анархист, активист, самопрогласена калуѓерка, почнаа да ме прашуваат да ја формализирам групата. Работата со канабис е начин да се исполнат нашите цели за креирање работни места и кариери за жените. Ние сме фокусирани на жените едноставно затоа што жените го носат товарот на сета сиромаштија во сите општества. За нас светото живеење е живеење во хармонија со Мајката Земја. Ние знаеме дека има одгледувачи на канабис ширум светот, забранети или не. Тоа значи дека постојат жени насекаде каде што може и треба да се прават тинктурите и мелемите на ист начин како што и нивните древни мајки го правеле тоа. Предвидувам расцут на Сестринството како глобално движење за обединување на жените. Не со тоа да се биде религија, туку со самоодржливост. Заработувајќи го нашиот пат, со обединување на жените насекаде, создавајќи чесни работни места и многу интернационален животен стил. Мојата визија е да има жени во долги сини-џинс здолништа, бели блузи и бели превези во секој град и покраина низ целата планета и за луѓето насекаде да знаат, кога ќе ги видат: ‚Тие жени знаат за канабисот‘“ - вели таа.

* Фестивалски трејлер за новиот документарец „Breaking Habits“ за калуѓерките кои одгледуваат канабис

Ophelia Chong

7. Офелија Чонг (Ophelia Chong) ја основа Stock Pot Images - агенција посветена на обезбедување квалитетни фотографии од коноп за комерцијална употреба, обидувајќи се да ја скрши стонерската стигма.

„Главната причина што ја добив оваа работа беше тоа што сфатив дека има само неколку слики на располагање. Честопати ја гледате истата грмушка што се појавуваше насекаде, онаа што се користеше претходно повеќе од 15 пати. Тоа би било како да се појавува иста жена во секоја реклама - не беше претставник на нашата индустрија. Овие слики навистина влијаат на начинот на кој луѓето размислуваат за канабисот, бидејќи тие се појавуваат во секоја вест што се појавува во медиумите. Сите мои слики се од вистински луѓе, а не од модели, кои се подготвени да бидат фотографирани и прикажани како пушат трева. Мојата цел е да го покажам вистинскиот корисник. Сакам да го ставам лицето на канабисот таму“ - вели таа.

Menkin Nelson

8. Менкин Нелсон (Menkin Nelson), сопственик на фарма за канабис - одгледува канабис за медицинска употреба и им помага на другите локални производители во согласност со нивните фарми.

„Мојата прва работа во индустријата беше работата за обликување на цветовите додека се обидував да дознаам што сакам да направам со следното поглавје од мојот живот. Медицинската марихуана веќе беше во сила, па тоа не беше ‚нелегално‘ на државно ниво. Сепак, беше нелегално на федерално ниво. Имаше времиња кога ќе чуеме дека хеликоптерите летаат и сите ќе престанеме да работиме за да ги слушаме. Во моментов, правам градина со мал обем и почнав да им помагам на локалните одгледувачи со административна помош во текот на усогласувањето на нивните фарми. За жал, со сите прописи и дополнителни трошоци потребни за да се усогласат и да се натпреваруваат во индустријата, се чувствувам како да се туркам во насока на големо производство и комерцијализам“ - вели таа.

Dale Sky Jones

9. Дејл Скај Џонс (Dale Sky Jones) е извршен канцелар на Oaksterdam University - таа беше портпарол на Кампањата „Prop 19“ во Калифорнија и е претседател на одборот на Coalition for Cannabis Policy Reform - CCPR и член на Управниот одбор на National Cannabis Industry Association - NCIA.

„Бев благословена да дознаам за канабисот од перспектива на пациент: оние кои бараат олеснување и сигурен пристап до нивниот лек. Ова искуство ја поткова важноста на правата на пациентите, а подоцна, работењето во политиката со Prop 19 во 2010 година ги зацврсти моите приоритети во однос на граѓанските права и социјалната правда во начинот на кој пишуваме закони. Еден пример е Флорида, каде што први понудија апликации за пет дозволи, но за да ги исполнувате условите, мораше да поседувате лиценциран расадник низ 30 континуирани години за да можете да аплицирате. Колку луѓе со обоена кожа, жени или ветерани поседувале расадници во Флорида пред 30 години? Многу скапиот и ексклузивен процес на апликација веднаш ги отфрли најодговорните сопственици од малцинските групи. Оние кои биле вклучени во промената на законите, извршувајќи ја работата или фаќани во обид да работат, се исклучени од учество во новата правна атмосфера. Јас се фокусирам на образование и зајакнување на оние кои бараат знаење за тоа како да влезат во индустријата. Важно е жените, обоените и ветераните да се вклучат со регулаторниот процес рано и често, бидејќи стаклениот плафон допрва треба да се изгради“ - вели таа.

ЧИТАЈ ПОВЕЌЕ:

* Часните сестри кои ја одгледуваат Божјата билка

* Успешни, софистицирани и надувани: менување на перцепциите за канабисот во професионалниот свет

* Шерил Шуман од „Мајки за марихуана“ го менува светот - џоинт во секое време

* Мајките и марихуаната: 7 познати личности отворено зборуваат за пушењето марихуана како родител

* Канабисот ме направи подобар родител! - исповед на една мајка

* Роза од Гевгелија лично си ја одгледува билката за самолекување

* Катерина од Охрид го победи ракот на дојка со масло од канабис!

* Наташа од Скопје ја победи леукемијата со концентриран екстракт од канабис!

* Запознајте го 24-годишниот основач на голема страница за канабис вработувања

* Како инвеститорите на марихуана прават акции? 5 задолжителни книги пред да инвестирате во канабисот

* Дознајте дали треба да отворите сопствен канабис бизнис?

Новинар: Кате К.

Уредник: MoniQue Konopova

Извор: Cannabisnow