Нашето тело е создадено да консумира канабис - мозочните клетки имаат рецептори за THC!

Покрај тоа што сите поседуваме ендоканабиноиден систем, мозочните клетки имаат рецептори за THC, кое природно ја имитира молекулата невротрансмитер наречена Анандамид! Што е тоа анандамид? Каква е врската на анандамидот со плодноста, меморијата и учењето? Како THC ја имитира молекулата невротрансмитер? Кои се други извори на анандамид? Која храна го стимулира мозокот и дава добро блажено чувство?

ТХЦ и Анандамидот не случајно се толку слични!

Анандамид

Што имаат заедничко: желбата за чоколадо и глувците кои забораваат? Одговорот е: анандамид. Неговото име доаѓа од ANANDA, санскритски збор за „блаженство“. Состојбите, како што се: munchies (зголемен апетит за специфична храна, на пр. благо особено чоколадо), плодност и меморија и сл., се поврзани со молекулата гласник наречена anandamide. Оваа молекула придонесува за пренесувањето пораки до мозокот во врска со: болка, расположение, депресија, апетит, меморија и плодност. Невротрансмитерот анандамид е изолиран во чоколадото. Интересно е тоа што анандамидот се создава природно во мозокот. Анандамидот, како и другите невротрансмитери, се распаѓа брзо откако е произведен. Откритието на Anandamide може да доведе до развој на сосема ново семејство на терапевтски лекови. Хемиската структура на анандамидот обезбедува увид во процесите кои влијаат врз човечкото однесување на молекуларно ниво.

* Зошто корисниците на канабис не можат да се предозираат?

Мозочните клетки имаат рецептори за THC!

Во 1988 година, беа откриени специфични рецептори за THC (тетрахидроканабинол - фитоканабиноид, активната состојка во марихуаната). ТХЦ не се наоѓа природно во телото. Активната состојка во марихуаната ТХЦ се врзува со рецепторите, кои претставуваат структури на површината на клетките во кои одредени молекули може да се заклучат, со што е можно да се пренесе сигнал преку клеточниот ѕид. „Активната состојка ќе се заклучи со протеинот на мембраната на клетката, а тоа ќе предизвика реакција во клетката“ - објаснува д-р Дитомасо. Во случајот на ТХЦ, таа хемиска реакција е она што причинува корисниците да се чувствуваат воздигнато и блажено.

* Ај, малце за CB1 рецепторот...

Како THC ја имитира молекулата невротрансмитер?

Бог не згрешил кога ја создавал марихуаната!

Молекуларната структура на ТХЦ е многу слична со онаа на анандамидот. Сличноста му овозможува на канабиноидот ТХЦ да ги имитира функциите што оваа молекула трансмитер ги прави. Анандамидот многу брзо се распаѓа, не дозволувајќи им на луѓето да достигнат хај и да го одржат „природниот хај“. На ТХЦ му треба повеќе време за да се распадне, давајќи му на корисникот психо-активно возвишено чувство. Долгата јаглеводородна опашка на анандамидот го прави растворлив во маснотии и овозможува лесно да се лизне низ завесата богата со јаглеводород, што го изолира мозокот од крвотокот. Забележете дека тродимензионалната форма на молекулата анандамид силно наликува на онаа на THC. Но, за разлика од ТХЦ, анандамидот е многу понежен и побрзо се распаѓа во телото. Тоа објаснува зошто анандамидот не произведува постојан природен „хај“.

* Што е тоа Анандамид и која е неговата улога во нашето тело?

Блаженствен рецептор

Канабисот постои со причина!

Нервните клетки комуницираат со ослободување на специјални молекули налик на „клучеви“ кои се пресретнати од други нервни клетки. Постојат многу различни видови на молекуларни клучеви, секој со свој карактеристичен облик. Површините на целните нервни клетки се обложени со рецептори, кои се како „брави“ за да се совпаднат со „клучевите“. Кога клучот се вклопува во рецепторот, површината на нервната клетка се менува на некој начин. На пример, кога молекулата-клуч се заклучува во рецепторот на површината на нервната клетка, таа отвора врата во мембраната која им овозможува на хлоридните јони да допловат во клетката. Досега непознатиот природен молекуларен клуч, т.е. специфичен „блаженствен рецептор“ за THC, беше изолиран од израелскиот научник д-р Рафаел Мешулам во 1992 година: арахидонил етаноламид (arachidonyl ethanolamide), подоцна наречен „анандамид“. Тој успеа да го изолира анандамидот како „блажена“ трансмитер клетка, што THC ja емитира. Д-р Мешулам успеа да го изолира ТХЦ многу порано, во 1964 година.

* Тајните на канабиноидите и нивните медицински придобивки

Клуч и брава

Значи клетките невротрансмитери како анандамидот се како „клуч“ што може да се прикачи како за „брава“ на рецепторите од нервните клетки. Откако клетката гласник ќе најде добра врска со рецепторот, таа може да се закачи и да ја отвори нервната мембрана за да овозможи хлоридните јони да влезат во клетката. Ова го изедначува товарот внатре и надвор од клетката. „Клучот“ мора да се отстрани, за да ѝ овозможи на нервната клетка да работи повторно. Ензимите ги разбиваат „заклучувачките“ трансмитерни молекули по одредено време. Нервните клетки ќе престанат да работат, доколку молекулата гласник остане.

* Што е тоа ендоканабиноиден систем?

Значи клучевите мора да се отстранат повторно од бравата или нервната клетка трајно ќе остане блокирана. Одредени ензими се создаваат во телото за да ги отстрануваат (со деградирање и уништување) клучевите по одреден временски период, така што нервната клетка може да се врати во функција. Лековите (фармацевтските) кои имаат силен ефект врз централниот нервен систем, честопати имитираат природни молекуларни клучеви. На пример, морфинот е супстанца создадена за спречување на болката, којашто е во можност да се заклучи во „опиатскиот рецептор“ присутен на нервните клетки. Научниците сметаат дека бидејќи морфинот не е природно присутен во телото, мора исто така, да постои природна клуч-молекула со многу слична форма која го активира овој рецептор. Природните клучеви се покажаа како молекули наречени енкефалини (enkephalins). Иако синтетичкиот морфин е само лоша копија на природниот енкефалин, тој е многу помоќен (и создава поголема зависност) од енкефалините, бидејќи ензимите создадени за нивно уништување не можат да го отстранат од рецепторите.

* Ај, малце за CB2 рецепторот...

Молекуларна структура на некои синтетички лекови

Разликата на морфинот и канабисот е во тоа што канабисот не е синтетички и природно се совпаѓа со нашиот систем. Подоцна беа воведени „подобрени“ фалсификати на енкефалините кои создаваат помалку зависност од морфинот: кодиен (codiene) и демерол (demerol). Истражувачите почнаа да бараат места на рецепторите за да го објаснат делувањето на други лекови, супстанци и токсини на сличен начин.

* Откритието на CB3 ререпторот може да биде медицинска пресвртница во човечката историја

Анандамид, учење и меморија

Се покажало дека анандамидот создава или уништува краткотрајни мемориски нервни конекции. Во студии на животни, зголемувањето на анандамидот резултира со заборавање, но ова е здраво заборавање. Анандамидот помага да ги задржите информациите како: Каде сте го паркирале вашиот автомобил или каде сте ги оставиле клучевите? Тоа ви овозможува да ги заборавите непотребните информации како: Облеката или фризурата на случајните минувачи. Познат експеримент прочуен како Morris Water Maze, покажува што се случува со краткорочната меморија кога анандамидот е инхибиран. Глувците се ставаат во базен со вода за тестирање со платформа, за да можат да се искачат надвор од водата. Платформата се отстранува, откако глувците ќе запомнат каде е ставена. Глувците природно ќе ја бараат платформата и потоа ќе сфатат дека ја нема. Тие потоа ќе се фокусираат на преживување со пливање. Глувците со администриран лек за блокирање на анандамидот, вечно продолжуваат да ја бараат платформата, затоа што тие (постојано) забораваат дека платформата не е таму.

* Редовните мали дози THC може да ја вратат меморијата!

Morris Water Maze

Глувци кои забораваат и „блажени свињи“

Анандамидот ензимично се синтетизира во областите на мозокот кои се важни за меморијата и за повисоките мисловни процеси и во областите кои го контролираат движењето. Тоа значи дека функцијата на анандамидот не е само да произведе блаженство, тој постои заради нешто многу поважно. Врските помеѓу нервните клетки се поврзани со учењето и меморијата. Нервните клетки можат да направат нови врски и да ги уништат старите. Повторната употреба на врската ја прави посилна; Некористењето на таа конекција може да предизвика загуба на врската. Некои биохемиски докази сугерираат дека анандамидот игра клучна улога во создавањето и уништувањето на краткотрајните невронски врски. Студиите на животни укажуваат на тоа дека анандамидот предизвикува заборавање. Се претпоставува дека супстанциите кои го задржуваат анандамидот од врзување кон неговиот рецептор, може да се користат за третирање на губењето на меморијата. Земјоделскиот истражувач Гери Веснер (Gary Weesner), ја проучувал ефективноста на анандамидот како животински седатив. „Свињите [третирани со анандамид] одат помалку и лежат повеќе“ - истакнува Веснер. „Гледаме намалена телесна температура и побавно дишење - сите индикатори се во согласност со смиреноста“ - додава тој.

* Како и зошто вашиот мозок произведува сопствени канабиноиди?

Анандамид и Плодност

Анандамидот дејствува како сигнализатор кога ембрионот се врзува за женската матка. Всушност, анандамидот е во повисока концентрација во матката, отколку во мозокот. Сперматозоидите содржат рецептори кои ја прифаќаат молекулата анандамид. Теоретски, нарушувањето на функцијата на анандамидот може да има врска со плодноста. Повеќе истражувања се потребни за да се испита односот помеѓу плодноста и лековите (фармацевтските) кои делуваат како анадамидот. Ако ТХЦ може да се заклучи во анандамидните рецептори, постои можност овој канабиноид да се меша со сигнализацијата помеѓу матката и ембрионот, што сугерира дека може да биде лек за неплодност.

* Студија открива дека спонтаниот абортус може да се спречи со THC!

Првиот повик на мама?

Нашето тело е создадено да консумира канабис! Сите имаме ЕКС!

Надвор од мозокот, анандамидот дејствува како хемиски трансмитер помеѓу ембрионот и матката, за време на имплантацијата на ембрионот во ѕидот на матката. Тоа е една од првите комуникации што се јавуваат помеѓу мајката и детето. Највисоките концентрации на анандамид во телото не се наоѓаат во мозокот, туку во матката непосредно пред имплантацијата на ембрионите и ова го потврдуваат направените досега студии на животни. Концентрацијата на анандамид се менува како што матката станува поприфатлива за имплантација на ембриони. Истражувачите успеале да пронајдат дефинитивна цел за анандамидниот сигнал на матката: двоклеточните ембриони на глувците содржат повеќе анданамидни рецептори од било кое познато ткиво, вклучувајќи го и мозокот.

* Канабиноидите им се неопходни на бебињата за да израснат во продуктивни личности

Храна која дава добро блажено чувство! Која е сличноста на чокладото со канабисот?

Чоколадата има слична структура како анандамидот, односно како THC. Д-р Даниел Пиомели (Daniele Piomelli) го проучувал ова како научник во Институтот за неврологија во Сан Диего (Neuroscience Institute in San Diego), Калифорнија, кој го водел овој проект и продолжува да истражува во Институтот за неврологија, заедно со д-р Емануел Дитомасо (Emmanuelle diTomaso) кој веќе го споменавме и кој работеше на оригиналната студија во Сан Диего (сега е истражувач на Харвард). Чоколадото содржи повеќе од 300 познати хемиски состојки. Научниците работат на изолирање на специфичните соединенија кои можат да објаснат некои од пријатните ефекти од консумирањето чоколадо. Д-р Пиомели заедно со своите соработници открил дека темната чоколада има три соединенија кои го имитираат анандамидот и силно личат и делуваат како него. Тие веруваат дека „чоколадото содржи фармаколошки активни супстанции кои имаат ист ефект врз мозокот како марихуаната и дека овие хемикалии може да бидат одговорни за желбата за чоколадо“. Еден од најпознатите пријатни ефекти на јадењето чоколадо е „доброто чувство“ што го дава, затоа многумина се зависни од чоколадо, кое создава многу поголема зависност од канабисот.

* Човечкото мајчино млеко природно во себе содржи свои сопствени канабиноиди!

Други извори за Анандамид

Кофеинот е најпозната состојка (ја има во чоколадата во мали количества) што делува на сличен начин стимулирајќи го нашиот мозок, додека пак, теоброминот е слаб стимуланс, исто така присутен во чоколадата во малку повисоки количества. Комбинацијата на овие две хемиски состојки (и можеби и други непознати) може да го обезбеди тоа „чувство на воздигнување“ кое е искуство од јадењето чоколадо. Фенилетиламинот, исто така, се наоѓа во чоколадата. Тој е поврзан со амфетамините, кои се силни стимуланси. Сите овие стимуланси ја зголемуваат активноста на невротрансмитерите (мозочните хемиски сигнализатори) во делови на мозокот кои ја контролираат нашата способност да обрнеме внимание и да останеме свесни и дубни. Додека стимулансите придонесуваат за привремено чувство на благосостојба, постојат и други хемиски состојки и соединенија и други теории за тоа: зошто чоколадата прави да се чувствуваме добро? ТХЦ, сепак, не се наоѓа во чоколадото...

* Како да се стимулира ендоканабиноидниот систем без употреба на канабис?

Што е тоа 2-АГ?

Тие се комплементарни!

Чоколадата и ТХЦ се однесуваат поинаку како трансмитери. Пиомели вели: „Одговорот на ТХЦ и на анандамидите од чоколадата воопшто не е ист, дури и ако концентрациите би можеле да се направат споредливи“. Чоколадото може да создаде блажено чувство, додека не дава континуиран психоактивен хај. Неодамна тој пронајде молекула којашто природно се јавува во телото, којашто го имитира анандамидот. Анандамидот не е единствената молекула слична на THC чија функција е сигнализирање во мозокот. Природно произведениот sn-2 арахидонилглицерол (2-AG), исто така, може да се заклучи во блаженствениот рецептор. Sn-2 арахидонилглицерол (Sn-2 arachidonylglycerol - [2-АГ]) може да се „заклучи“ во истите блаженствени рецептори. Оваа молекула е уникатна поради тоа што функционира за 170 пати поконцентрирано од анандамидот. Молекулите на 2-АГ се наоѓаат во различни делови од мозокот. Д-р Пиомели објаснува дека функциите на анандамидот и 2-АГ се комплементарни, едно со друго прават целина, се надополнуваат.

* Други растенија кои содржат состојки слични на канабиноидите, но не се канабис

Нов клуч за блаженствениот рецептор?

Научниците, исто така, откриле соединенија кои го блокираат распаѓањето на анандамидот. Д-р Пиомели и неговиот тим пронајдоа други хемикалии во чоколадо, кои може да го инхибираат природното распаѓање на анадомидот. Ова значи дека природниот анандамид може да се задржи подолго од нормално, со што се чувствуваме прекрасно подолго кога јадеме чоколадо и ете зошто консумирањето канабис и чоколадо одат рака под рака. Пиомели шпекулира дека дел од задоволството од чоколадата, доаѓа токму од анандамидот и N-ацилетаноламините (N-acylethanolamines) кои го задржуваат анандамидот. „Зборуваме за нешто многу, многу, многу, многу поублажено од хајот“ - вели тој.

* 8 восхитувачки карактеристики на ендоканабиноидниот систем!

Сепак, ефектот на чоколадата и канабисот не може да се изедначи, иако има сличности на молекуларно ниво. Значи како што кажавме, одговорот на THC и на анандамидите на чоколадата воопшто не е ист, дури и ако концентрациите може да се направат споредливи. „Можеби ќе можеш да го подобриш расположението со блокирање на распаѓањето на анандамидот. Тоа не е само нешто фино што го направивме, така што сега знаеме повеќе за чоколадата. Се надеваме дека тоа може да придонесе за помагање во лекувањето на ментални болести“ - истакнува д-р Пиомели. Разбирањето на тоа како функционираат овие механизми, може да дозволи позитивните лековити ефекти на природниот невротрансмитер анандамид и на безбедниот фитоканабиноид ТХЦ терапевтски да се експлоатираат без негативни последици.

Уредник и новинар: MoniQue Konopova

Извори: NCBI, Nature, Nature,

* Студија: „Диференцијална улога на анандамидот и 2-арахидоноилглицеролот во мемориските и анксиозни реакции“

ЧИТАЈ ПОВЕЌЕ:

* „Марихуаната ја спаси мојата бременост“ - канабисот ѝ го ублажи гадењето во првиот триместар!

* Ефектите на канабисот врз бременоста

* Дали е безбедно да се користи CBD за третирање на симптомите од бременоста? 

* Канабисот е во твојата ДНК! - Фармафијата се надеваше дека ова никогаш нема да го дознаеш

* Ендоканабиноидниот дефицит води кон фибромијалгија и други дијагнози - вели науката

Што е тоа Анандамид и која е неговата улога во нашето тело?

Две прашања за почеток: 1. Дали телото навистина продуцира канабиноиди кои ни го даваат чувството на еуфорија и благосостојба како ТХЦ? 2. И дали начинот на кој телото реагира на тие канабиноиди го трасираат патот за третман на психички и физички заболувања?

Често именуван како молекул на благословеноста, анандамидот се смета за ендоканабинодид. Пред да го дефинираме анандамидот и неговата поврзаност со канабисот, треба да се знае што е тоа ендоканабиноид, па ајде да го дефинираме:

ШТО Е ЕНДОКАНАБИНОИД?

Ендо стои за ендоген, а значи нешто што е продуцирано природно во телото. Канабиноид се однесува на група компоненти во канабисот кои взаемно дејствуваат со рецепторите СВ1 и СВ2 од нашето тело. Така што ендоканабиноид е еквивалент на канабиноид природно произведен од телото кој взаемно делува со овие рецептори. Взаемното дејство со СВ1 и СВ2 (како и останатите нетипични) рецептори има ефект на сеќавањето, апетитот и мотивацијата. Можно е да ги зајакнеме овие природни процеси со консумација на канабис (фитоканабиноди). Причината поради која поминуваме низ еуфорија, поголема среќа и длабок апетит пушејќи марихуана е поради приливот на канабиноиди; во голема количина преку рецепторите предизвикува нашите тела да реагираат на одреден начин. Па, како молекулот именуван по Санскритскиот збор за радост, благословеност и среќа влијае врз нас и која е неговата улога во ЕКС (ендоканабиноидниот систем)? Сега, кога го разбираме концептот на ЕКС можеме да потврдиме дека анандамид е еден од неколкуте канабиноиди кои нашето тело природно ги произведува.

ШТО Е АНАНДАМИД?

Откриен во 1992, анандамидот се врзува и за СВ1 и за СВ2 рецепторите. Важно е да се нагласи дека рецепторите се наоѓаат по целото тело што објаснува зошто канабиноидите имаат разновидни ефекти. Но, за разлика од ефектите од пушењето – преплавување на рецепторите со канабиноиди што предизвикува прекумерна и продолжена реакција, ендоканабиноидите се сметаат за ранливи молекули. Телото ги произведува само кога се потребни. Кога ќе се ослободат, брзо се разложуваат со ензими меѓу кои FAAH (амид хидролаза на масни киселини) и MAGL (моноацилглицерол липаза). Липофилната (афинитет кон липиди) природа на овој канабиноид го прави растворлив во масти, но не во вода.

КАКВА УЛОГА ИГРА АНАНДАМИДОТ?

Иако анандамидот е еден од првите откриени ендоканабиноиди, неговата улога во човековото тело и како да се влијае врз него е мистерија. Постојат бројни претпоставки за ефектите, но целосниот ефект е сè уште непознат. Како што знаеме, човековиот ум и тело се комплексен организам, а начинот на кој телата ни реагираат на канабиноидите варира од личност до личност. Некои научници дури и заклучиле дека анандамидот е корисен во борба против и инхибиција на растот на канцерови клетки. Ендоканабиноидот се врзува за СВ1 рецепторот блокирајќи ја клеточната пролиферација (намножување) на канцерните келтки.

* Како и зошто вашиот мозок произведува сопствени канабиноиди?

Познавајќи ја ранливата природа на ананадамидот лесно е да се види зошто чувството на благословеност кое го дава кратко трае. Ја регулира болката и апетитот, задоволстовото и чувството на успех (награда). Тие се слични со задоволството и чувството на успех за некој кој истрчал одредена далечина. Се претпоставува дека оваа активност го стимулира ослободувањето на анандамид кој се врзува за ЦБ рецепторите во мозокот. И кога ќе земеме во предвид дека ТХЦ се врзува за истите рецептори давајќи ни еуфоричност, јасна ни е целата реакција. Главната разлика е што ТХЦ останува подолго време активен и го погаѓа системот во големи количини, напушувајќи нè, додека анандамидот (поради неговата ранлива природа) се разложува доволно брзо, така што ретко го достигнува нивото од ефектот на ТХЦ. Специфичните употреби на анандамидот и како може да се манипулира неговата продукција се тема на дискусија. Она што го знаеме е дека анандамидот е добар за третман на бројни психички и физички нарушувања, а кога ќе има повеќе истражувања ќе дознаеме точно и на кои.

Новинар: Никола Станчески

Уредник: MoniQue Konopova

Извор: Royalqueenseeds

ЧИТАЈ ПОВЕЌЕ:

* Што е тоа ендоканабиноиден систем?

* Откритието на CB3 ререпторот може да биде медицинска пресвртница во човечката историја

* Човечкото мајчино млеко природно во себе содржи свои сопствени канабиноиди!

* 8 восхитувачки карактеристики на ендоканабиноидниот систем!

* Како да се стимулира ендоканабиноидниот систем без употреба на канабис?

* Канабисот е во твојата ДНК! - Фармафијата се надеваше дека ова никогаш нема да го дознаеш!

8 восхитувачки карактеристики на ендоканабиноидниот систем!

Дали знаеш дека твоето тело покрај дигестивен, циркулаторен, респираторен систем итн. има и ендоканабиноиден систем? До пред неколку месеци, не знаев ни јас. Како студент по физиологија мислев дека ги познавам клучните физиолошки системи во телото но, испадна дека грешам. Доколку не работиш во полето на медицинскиот канабис, малку е веројатно дека некој ти кажал дека постои ендоканабиноиден систем. Истиот е докажан како најважен физиолошки систем во воспоставувањето и одржувањето на човековото здравје

Тогаш, зошто само малкумина знаат за ендоканабиноидниот систем (ЕКС)?

Големата мистерија е поврзана со начинот на откривање на ЕКС. Во 1990тите, научниците пробувале да детектираат како тетрахидроканабинолот (ТНС), психоактивната супстанца од конопот, го измамува својот ефект врз телото. Тоа што го откриле била комплексна мрежа на СВ1 (канабиноидни) рецептори во централниот нервен систем (мозокот и `рбетниот мозок) кои совршено се вклопувале во ТНС молекулата. За брзо време, бил откриен и вториот вид на СВ2 рецептори во органите на имуниот систем, цревата и во повеќето од поголемите телесни органи. Но, ова било само дел од загонетката. Потрагата продолжила испитувајќи дали телото синтетизира свои канабиноидни супстанци и со идентификувањето на првиот ендоканабиноид, Анандамид (Anandamide), го имале одговорот (ананда е санскритски збор за блаженство, среќа).

Која е улогата на ендоканабиноидниот систем?

Научниците откриле дека ендоканабиноидниот систем може да го подреди најголемиот дел од нашите витални физиолошки функции воспоставувајќи баланс во спиењето, апетитот, болката, воспаленијата, сеќавањето, расположението, дури и размножувањето. Просто кажано, тој е како диригент на оркестарот кој се грижи сите делови да се во синхронија со краен резултат хармонична симфонија помеѓу телото и умот. Звучи како многу важен дел, нели? Во право си! Затоа е од витална важност да се зборува за ендоканабиноидниот систем, колку што се зборува и за имуниот систем. Овие се осумте карактеристики на апсолутно величенствениот ЕКС:

1. Човекот не е единствениот вид кој поседува ЕКС! 

Не само што е откриен кај сите `рбетници, туку откриени се канабиноидни рецептори кај безрбетните туникати (сесилни морски форми од подредот Urochordata - Tunicata) со торбовидно тело обвиено со густа мембрана-туника и два отвори-сифони за влев и излев на вода) што укажува на еволутивен процес од пред 600 милиони години!!!

Човечкиот ендоканабиноиден систем

2. СВ1 рецепторите се најзастапени рецептори во мозокот

Невротрансмитери се сусптанци кои пренесуваат информации во телото и мозокот. Можеби најпознатите невротрансмитери се серотонинот и допаминот, но ендоканабиноидот Анандамине е исто така класифициран како невротрансмитер и неговите рецептори се најбројните во мозокот.

3. ЕКС сигнализира во обратна насока

Најголем дел од невротрансмитерите комуницираат во еден правец, од сигнализирачкиот неврон кон невронот кој ја прима информацијата (постсинаптички). Но, во ЕКС информацијата се спроведува во обратна насока и е наречена ретроградно сигнализирање. Односно, ако рецепторот е премалку или премногу стимулиран, тој сигнализира кон назад преку синапсата до почетниот неврон (предсинаптичкиот) да го смени неговото однесување создавајќи фидбек врска. Значи, наместо да ја распредели информацијата како другите невротрансмитери, тој делува како прекинувач регулирајќи ја активноста со цел да го одржи телото во хомеостаза. 

4. При различни болести се зголемува активноста на ЕКС

Од невродегенеративни болести како Алцхајмер и Паркинсонова болест, па сè до ревматоиден артритис и рак, предизвикуваат промени во канабиноидните нивоа и поголема експресија на рецепторите. Оваа активност укажува на улогата на ЕКС да го врати телото повторно во еквилибриум.

Како работат рецепторите?

5. Дефицит на ЕКС е причина за некои болести

Научниците забележале ослабнат ЕКС при некои состојби асоцирани со пречувствителност на болка како мигрена, фибромијалгија, болки во стомак. Синдромот е познат како „Клинички ендоканабиноиден дефицит“ и може да се корегира со ингестија на (активирани) компоненти од канабисовото растение.

6. ЕКС објаснува зошто медицинскиот канабис има терапевтски ефект

Пред да биде законски забранет во ХХ век, канабисот илјадници години бил користен за третирање на епилепсија, главоболка, артритис, депресија и гадење. Тогаш не знаеле зошто ова растение има толкава терапевтска сестраност. Оваа мистерија е расветлена со откривањето на ЕКС. Нажалост, ова отркитие се случува во време кога на мнозинството од популацијата пристапот кон канабисот им е забранет.

Според Дастин Сулак (Dustin Sulak), водечки експерт во испитување на медицинскиот канабис - „Истражувањата покажаа дека мали дози на канабиноиди од канабисот можат да му сигнализираат на телото да синтетизира повеќе ендоканабиноиди и да синтетизира повеќе канабиноидни рецептори... Верувам дека мали, редовни, дози канабис можат да делуваат како тоник на нашиот најцентрален физиолошки исцелителен систем!“.

Поздрав од авторот :)

7. Не мора да го прекршиш законот за да го зацврстиш твојот ЕКС

Иако законот е креиран за да ги застапува интересите на Владата, корпорациите и елитата, наместо да го заштитува општото човеково добробитие, многу луѓе одбираат да бидат законски болни, наместо незаконски здрави. Но, и за нив постои варијанта. Бидејќи моментално постојат мал број на држави кои го имаат легализирано медицинскиот канабис, што мошеш друго да направиш, доколку не сакаш да го прекршиш законот? 

Земи го во обѕир канабидиолот - непсихоактивна компонента од канабисот која ги намалува воспаленијата, ја смирува анксиозноста и ја намалува зачестеноста на епилептичните напади. Канабидиолот (ЦБД) се добива со екстракција од канабисовото растение кое најчесто има помалку од 0.2% ТНС и е именуван како коноп или индустриски коноп или сатива варијанти и така е возможно да биде набавен законски во форми на екстракти и тинктури во сите држави низ светов. Но, кога станува збор за посериозни дијагнози - луѓето се оставени сами на себе, на милост и немилост од страна на законот. 

Друга опција е да вежбате повеќе бидејќи со пролонгирани тренинзи се зголемува нивото на ендоканабиноидот Анандамине. Исхраната исто така е важен сегмент. Зголемен внес на Омега-3 масни киселини од леново и конопово семе го стимулира ендоканабиноидниот сигнал во мозокот. Листестите зеленчуци (кале, спанаќ, аругула, кељ) го стимулираат ЕКС преку бета-кариофиленот кој го активира рецепторот на канабидиолот.

8. Многу доктори знаат премногу малку за ЕКС

Иако има централна улога во човековото здравје, ЕКС во конвенционалната медицина останува запоставен. Во 2013, спроведена е анкета во медицинските универзитети во САД во врска со тоа дали ЕКС е дел од нивната содржина во книгите по физиологија. Според резултатот, само 13% од универзитетите го предавале ЕКС на идните доктори. Во Европа пак, само на неколку универзитети во Обединетото Кралство и во Шпанија. Македонските доктори речиси не знаат ништо за ЕКС...

***

Сега кога знаеш за постоењето на ЕКС не можеш да се свртиш и да продолжиш како да не било ништо. „Пушти го муабетов“ кон сите оние во кои гледаш револуционерен дух, па и кон оние во кои не гледаш бидејќи крајно време е да почнат сите да се будат од сонот дека само со апчиња може да се спасиме. Време е ЕКС да си го добие заслуженото внимание колку од здравствениот систем толку и од јавноста! Ако си мотивиран/а да дејствуваш, прво можеш да му соопштиш на твојот матичен доктор - можеби ти ќе бидеш заслужната личност за прослетлување на твојот матичен лекар!!! Мобилизирај се веднаш! Сподели го овој текст.

Автор: Никола Станчески

Извор: Leaf Science

Хемичарот д-р Лумир Ондреј Хануш на 24 јуни во Скопје ќе сподели со вас дел од своето знаење!

Д-р Лумир Ондреј Хануш (Lumír Ondřej Hanuš)

Д-р Лумир Ондреј Хануш (Lumír Ondřej Hanuš) е 69 годишен чешки аналитички хемичар и водечки авторитет во областа на истражувањето на билката канабис. Магистрирал по природни науки во 1972, а докторирал науки по фармацевтска хемија на Универзитетот Чарлс (Charles University) во 1995 година. Тој е еден од најистакнатите светски експерти за ендоканабиноидниот систем и има соработувано и соработува на различни научни истражувачки проекти со научници и истражувачи од целиот свет. 

Д-р Хануш е еден од најавените гости на претстојната јавна дебата за канабис под наслов: „Коноп – 1.000 зошто, 1.001 затоа“, којашто ќе се одржи на 24 јуни во Градскиот парк во Скопје (на Школка) со почеток во 4:20 часот. На настанот се најавува учество и на други двајца еминетни доктори, професори и научници од странство: молекуларниот биолог Д-р Боб Меламед од САД, како и патологот д-р Пол Хорнби од Канада. Најавени се исто така и македонски доктори: Нико Беќароски, Милан Ристевски (директор на ЈЗУ Универзитетска клиника за радиотерапија и онкологија – Скопје) и Аспазија Софијанова (директор на ЈЗУ Универзитетска клиника за детски болести – Скопје). Овој настан е отворен за сите заинтересирани за канабисот!

* * * Што е тоа ендоканабиноиден систем?

Д-р Хануш долги години беше во контакт со Израелскиот истражувач за канабис Д-р Рафаел Мечулам (Raphael Mechoulam) кој го покани да го продолжи своето истражување на Хебрејскиот Универзитет во Ерусалим, Израел. Д-р Хануш и неговиот колега американскиот молекуларен фармаколог Вилијам Ентони Дивејн (William Anthony Devane) беа првите научници кои во Израел го опишаа ендоканабиноидното соединение анандамид (anandamide), во 1992 година. Тие го изолирале анандамидот и за прв пат ја опишале неговата структура. Анандамидот е ендоген канабиноиден невротрансмитер. Д-р Хануш продолжува да го истражува канабисот, канабиноидите, ендоканабиноидите и неговите деривати.

* * * Ај, малце за CB1 рецепторот...

Д-р Лумир Хануш го смета канабисот како „еден од најбезбедните познати лекови“. Според него, алкохолот и цигарите треба да бидат ставени на „црна листа“ наместо канабисот, поради тоа што постои можноста за обете: како физичка, така и психолошка зависност на првите две, додека не постои никаква можност од физичка и постои само ограничена можност од психолошка зависност од марихуаната. Покрај тоа, луѓето под дејство на марихуана не се опасни за другите. Тој не го поддржува пушењето на марихуаната, поради опасностите од инхалацијата на чад. Хануш е против неконтролирана употреба на марихуаната, но тој целосно ја поддржува неговата употреба за медицински цели. Во април 2010 година и септември 2011 година, д-р Хануш учествуваше во семинар во Чешкиот парламент чијашто цел беше воведување на канабиноидниот третман.

Извор: Википедија

  

Д-р Хануш објаснува зошто канабисот е успешен лек.