Како да го максимизирате приносот на вашите канабис растенија?

Одгледувањето канабис е како воспитување дете, секој има свое мислење, начини и методи за како тоа да биде најправилно изведено. Помеѓу одгледувачите не постои јасен консензус околу тоа дали техниките како „топинг“ го зголемуваат приносот, затоа што некои сметаат дека секој дополнителен стрес врз билката го намалува приносот. Додека резултатите може да варираат, постојат одредени работи кои мора да ги знаете со цел од една билка да може да го извадите максимумот

Максимизирајте ја светлината

Билката канабис има потреба од многу сончева светлина за нивниот процес на фотосинтеза. Повеќе светлина значи повеќе храна за билката, што ќе ви овозможи растението да расте поголемо. Многу одгледувачи во затворен простор имаат тенденција да користат лампа од 600W за да ги растат растенијата. Но, додавањето на дополнителна моќност со префрлување на 1000W светилка може значително да го зголеми приносот на една билка. Важно е да се има предвид дека ако го зголемувате интензитетот на светлината, исто така ќе треба да ја прилагодите температурата на вашата растечка соба/гроу-бокс. Ако ја зголемите моќноста на вашата светилка за растење, осигурете се дека исто така користите дополнителни вентилатори и цевки за да ја ублажите дополнителната топлина, а внимавајте и на влажноста на воздухот.

Тренирајте ги билките

Оние делови од канабисот што не добиваат толку многу светлина, нема да го достигнат својот целосен потенцијал. Затоа, многу одгледувачи користат техники познати како „тренинг“ и „топинг“. Со кинењето на врвовите се создаваат две главни гранки. Резултатот е поголема светлина која стигнува до пониските делови на билката, овозможувајќи им да растат поголеми. Тренингот се состои од врзување за нежно да ги свиткувате врвовите од вашата билка надолу подалеку едни од други за да ги спречите од спонтано групирање, што го намалува количеството на светлина што може да стигне до нив и во внатрешноста. Ова е токму она што се обидувате да го постигнете со тренинг. Исто така, не заборавајте на соодветната заштита.

Овозможете му повеќе простор на кореновиот систем

Вашата билка ги користи своите корени за да се храни. Преку водата ги црпи хранливите материи. Затоа, ако корените на вашето растение се премногу збиени, билката нема да може правилно да се храни. Започнете со малецка саксија или пластична чашка. Откако лисјата на вашето растение ќе стигнат до работ на саксијата, време е да го пресадите во поголем сад. Препорачливо е да се пресадува еднаш до два пати. Затоа, бидете сигурни дека вториот сад што го имате избрано е прилично голем и корените на вашето растение имаат многу простор за раст и развој. Некои сметаат дека добро правило е да се обезбедат два галони простор за секои 12 сантиметри од височината на растението. Откако ќе го оберете растението, не заборавајте дека корените на канабисот исто така имаат лековити својства и од нив се прават лекови за одредени дијагнози, како на пример реума.

Соодветна прихрана

Исто како човечкото тело, хранењето на растенијата со избалансирана и хранлива диета ќе ви помогне да го извадите нивниот целосен потенцијал. За разлика од човечкото тело, вашите растенија треба да се хранат на секои 8-9 дена (пред фазата на цветање) и секои седум дена откако е веќе на цветање. Главните хранливи состојки што ѝ се неопходни на билката се: азот (N), фосфор (P) и калиум (K). Тоа на скратено е NPK. Ако производот има броеви 8-5-4 на пакетот, на пример, тоа значи дека содржи 8% азот, 5% фосфор и 4% калиум. За среќа, повеќето хранливи препарати наречени „grow solutions“ може да се купат на интернет, а од неодамна ги има и кај нас во специјални продавници наменети за тоа. Додека постојат различни растечки решенија за вегетативните и цветните фази, општо правило за додавање на хранливи материи е 5 мл од специјалниот раствор на секој литар вода. Не претерувајте со прихраната за да не го изгорите растението. Исто така, ќе треба да ги одржите нивоата на рН на вашата вода на оптимално ниво, затоа осигурајте се дека сте купувале течен pH раствор (liquid pH solution), како и уред за тестирање на pH, кој ќе ви покаже кога вашата вода е оптимизирана.

* Клонирање на канабис растенијата

Автор: MoniQue Konopova

Извор: Diyhealthacademy

Основна прихрана на вашите канабис билки

Ги има и кај нас!

Плантела ЛИСТ (шише со зелена боја) и Плантела ЦВЕТ (шише со црвена боја). Ги има кај нас во слободна продажба во поголемите маркети, како што се на пример Меркур и Бриколаж

Сега црвената амбалажа е кафена. Цената на шише од литар од овие прихрани е по околу 150 денари, а се продавале и по 220 денари како комплет. Прво се става од зелената прихрата - таа е за вегетација - до некаде 10 август. Потоа се става од црвената прихрана - таа е за цветање. Ова се советчиња од еден пријател одгледувач. Па кај нас исто така има добра и евтина квалитетна земја Florobella и Potground H. Во Македонија освен ова, нема друго добро готово ѓубриво. Тие се доволни и за првиот месец не треба ѓубре, прибидејќи има во нив доволно за билка од 1 месец да не мора да се ѓубри.

Епа, тие се од германски производител и се pH идеални 5,5 до 6,5. Еве ова го има кај нас и само ова вреди. Во другите земјишта заостанува растението и не е квалитетно растењето, а со тоа слаб е и приносот. Сега веќе е доцна за садење аутдор. Нема ни месец за вегетација и само аутоматик сега му е мајката и денес некој да засади - нема да има време да му се развие билчето (од 20 август до 15-ти почнува цветањето, а тоа е помалку од месец од 10-ти до 15-ти). Индор можете да садите во текот на целата година :) Некои пак велат дека NPK - Азот (N), фосфор (P) и калиум (K) е сè што ни е потребно!

* Внимавајте и како наводнувате - не премногу вода - канабисот не е водно растение ;)

* * Соодветна прихрана ќе најдете и во македонските гроу шопови за канабис!

Канабис училница – основни тренинзи на вашите билки

Како да го истренирате вашето растение за подобар и поквалитетен принос? 

Нашите пријатели од „Џоинт МК - Канабисот Е Лек“ ни ги објаснуваат основните техники:

„Здраво!!! Денес сакам да ве запознаам со неколку видови на тренинзи-третмани кои ќе направат од вашата билка многу убава и раскошна дама или (ѕверче), кој како милува. Имено за да можете да го тренирате вашето растение да добие на големина - волумен и квалитет треба уште од првите 2-3 недели да се направат неколку паметни работи како би добиле и поголем принос ама и поубави и пораскошни растенија. 

Читајте повеќе: Аеропоника системи за одгледување канабис во домашни услови

За да не настанат забуни најпрво ќе ве запознаам со основните 3 тренинга коишто и реално најмонгу се користат кај одгледувачите на канабис во светот и кај нас на Балканот. Овие три тренинга ќе треба да се направат уште кога вашата билка ќе го пушти третиот пар на ливчиња“ - вели авторот на статијава „Џоинт МК - Канабисот Е Лек“

1. Croping или Topping - сечење или кинење на врвот на растението

Под поимот ‚кропирање‘ или ‚топирање‘ се подразбира, сечење односно кратење на врвот на билката канабис и тоа кога вашето растение ќе го пушти третиот или пак четвртиот пар (спрат) на листови, тогаш се применува кроп-топирањето кое што треба да се направи со стерилна опрема, дали тоа ќе бидат ножички или пак скалпел, па дури и некакво ноже. Иако топла препорака да е ножица или евентуално нов скалпел кој што пожелно е да биде стерилно чист како не би направиле некаков проблем на растението, а тоа најчесто се инфекции ако опремата т.е. алатот со кои што го правите тоа не се чисти можете да го изгубите растението.

Читај повеќе: Најчести проблеми поврзани со цветањето на марихуаната 

Еве од сликата се гледа како треба тоа да изгледа и на кое место треба да се направи. Со повеќе вакви топирања во текот на вегетативниот период се добива многу поголемо и поразгрането растение, а со тоа и поголем принос.

Еве фотки. Важно за напомена е дека овој тренинг не се прави кога билката е во фаза на цветање. Бидејки би ја изгубиле јачината на цветовите со самото тоа и квалитетот на истите.

2. FIM-FIMMING - засекување на врвот на билката

Под овој поим се подразбира тренинг попрецизно кропирање т.е. сечење, со кој ќе добиете ќе добиете четри нови врва, наместо два нови врва и така ќе се добие многу разгранета (грмушеста) билка со уште поголеми приноси. За овој тип на тренинг ви се потребни истите алатки како и за предходниот со тоа што треба да бидете многу попрецизни, од сликате се гледа каде се прави фимингот на растението.

Еве ги сликите. Од сликите се гледа прецизно како се прави и на кое место.

Овие два тренинга се нај користени и се со најголема примена.

3. Low Stress Training (LST) - дава минимален стрес кај билката

Ова подразбира слаб стрес на растението, за овој тренинг може да кажеме дека е најупотребуван, поради тоа што прави кај вашето растение одлично разгранување кое ите како ќе доведе до густo и (побогато) растение со повеќе цветови, а притоа ќе даде убава крошна најчесто во форма на топка и со тоа принос за 5ка :)

Овој тренинг е пожелно да го правите кога растението ќе ги има направено бар минимум 5-6 пара на листови (спратови) и кога главната гранка е доволно дебела да го издржи овој тип на тренинг. 

За овој тренинг ви се потребни повеќе алатки и тоа:

1.) конец или жица;
2.) игла и мали клешти;
3.) дупчалка за правење на дупки во саксија. Тоа може да биде или некакво шило или пак, игла или шајка со која ќе направите дупки во вашите саксии, канти итн.

Еве ги сликите како треба да се направи овој тренинг за да може светлоста подеднакво да ги развива сите гранки на вашето растение:

За овој тренинг ќе морате да бидете многу внимателни и обично се препорачува да
работите внимателно со многу фокус, нежно сепак, работите со дама :) и да внимавате да не направите поголемо оштетување на растението.

Ова се трите нај употебувани тренинг варјанти, а наскоро ќе ве запознаеме со уште 4 други помалку користени, меѓутоа исто така многу важни за вашите лековити убавици... - додаваат од „Џоинт МК - Канабисот Е Лек“

Поздрав и запамтете: КАНАБИСОТ Е ЛЕК!!!
  

Еве како изгледаат растенијата на кои им е направен овој тип на тренинг.  

Аеропоника системи за одгледување канабис во домашни услови

Аеропонскиот систем е највисока технологија во хидропониката. Хидропоника значи одгледување на растенија без подлога, вкоренети во воден раствор

Запознајте се со системот аеропоника

Неколку совети за растење за почетници

Иако аеропонската технологија е пронајдена дури во 1930 година, само во последните неколку години се стекнува со поголема важност, особено во пренаселените урбани средини каде што нема слободни места за производство на храна. Аеропонскиот систем е највисока технологија во хидропониката. Хидропоника значи одгледување на растенија без подлога, вкоренети во воден раствор. Во аеропониката корените висат во празно корито, но се капат во фино распрсканите хранливи материи на секои неколку минути (постојано се прскани од магла-спреј од хранливите материи). Придобивките се огромни. Растенијата растат до 50% побрзо отколку на супстрат, па така тие се спремни за жетва и 2-3 пати порано од нормално. На пример, расадот од домати треба да биде стар најмалку 28 дена за пресадување во супстратот, додека кај аеропониката доволни се само 10 дена.

Хранливите материи се нанесуваат директно на корените на растенијата, кои многу полесно ги впиваат, бидејќи има лесно достапен кислород и се стимулира растот на ситните коренчиња. Системот на циркулирање на хранливиот раствор може да биде целосно затворен, со што е голема заштедата на вода. Не постои ризик од болести кои се пренесуваат преку почвата или преку проточната вода, но можно е да се зголеми густината на садењето. Аеропонските системи можат да ја намалат потрошувачката на вода за 98%, употребата на ѓубрива за 60%, употребата на пестициди за 100%, а во исто време даваат максимален принос. Растенијата одгледувани со овој систем се покажаа, исто така, дека имаат повеќе витамини и минерали, што ги прави потенцијално похранливи и поздрави.

Технологијата е целосно програмирана и автоматизирана, дури и можно е преместување на целиот систем, како и примена во домашни услови. Во зависност од системите за одгледување, билките можат да бидат наредени хоризонтално или вертикално. Надземниот дел од билките се придржува за платформата со помош на јака околу долниот дел на стеблото или во перфорирана саксија, а корените се капат во растворот. Главниот недостаток на овој систем е тоа што во комората за полувлажна атмосфера се појавуваат бактерии, така што мора да се врши редовна дезинфекција со хидроген пероксид. Друг недостаток е бучавата што ја предизвикува системот. Целиот систем е прилично скап, а зависи од високиот квалитет на пумпата за висок притисок, од фогерите и тајмерот.

Најчести проблеми поврзани со цветањето на марихуаната

Спротивното мислење дека овие растенија, поради изобилството на храна и вода, се нежни и кршливи е погрешно, тие токму поради тоа имаат доволно цврстина да дадат зголемен род. За овој систем потребна е пумпа и микрораспрскувачи - така наречени фогери, кои можете да ги направите самостојно. Притисокот на водата мора да биде многу висок, така што прскалките да го распрскуваат растворот со големина на капките од 5-50 микрометри. Колку е помала капката, толку подолго таа ќе лебди во воздухот и ќе раствори повеќе кислород. Времето на прскање е обично две секунди на секои 1,5 - 2 минути или една секунда на секоја минута. Истовремено во воздухот може да се додава СO2, со што се зголемува ефикасноста на фотосинтеза. 

Аеропониката не е за почетници! Одгледувачот кој сака да има успех кај аеропониката, треба да има зад себе доста искуство и кај класичното одгледување во земја, треба да знае како расте марихуаната и како изгледа една здрава билка, а секако треба да знае и да ги препознава нутритивните суфицити и дефицити кај билките.

Какви типови на марихуана цветови постојат?