Здружение на граѓани за демистификација на канабисот „420 МАКЕДОНИЈА - Скопје“.
Одгледувајте канабис легално! Приклучете се на следниов линк: https://cannergrow.com/r/MV1ZSK
Само обединети сме посилни и даваме поддршка на медицинска, рекреативна и спиритуална употреба на канабисот и индустриската употреба на Конопот во Македонија и ширум светот и противници сме на категоризацијата на Канабисот како наркотична супстанца, бидејќи Канабисот е лековито билно Свето растение...
Канабисовото растение е претерано недискретно. Од порачување до култивирање на семињата, лошите државни закони и непожелните личности кои намирисуваат можат да го направат одгледувањето ризично. Затоа ви давам водич чекор по чекор како да одгледувате марихуана во домашни услови. Додека не се променат законите не постои 100% гаранција дека ќе бидете заштитени, сепак подобро е да си нелегално жив отколку легално мртови овој водич ќе ви помогне да имате повеќе самодоверба
Како да одгледуваш марихуана? Чекор 1: Не кажувај никому! НИКОМУ!
Нормално е да си возбуден/а кога за прв пат ќе си го растеш светото растение, но не се фали ни на најдобрите другар(к)и! Колку и да се од доверба - некогаш подобро е некои работи да останат во тајност - посебно кога станува збор за одгледување марихуана. Можеби другарка ти ќе се пофали на нејзиниот верен другар кој ќе му каже на трет другар и пред да знаеш ќе треба да бараш објаснување за твоето семејство зошто плавите сакале да ви влезат дома и да ве проверат? Зошто да трпите непотребни стресови, особено кога марихуаната ја одгледувате за немкому да му го спасите животот!
Како да одгледуваш марихуана? Чекор 2:Знај од каде да набавиш семе!
За тие што живеат каде било во САД, слободно можат да порачаат семе од Канада без никакви санкции, бидејќи им е блиску и марихуаната од таму е квалитетна. За држава како нашата каде оваа билка сè уште е забранета, препорачливо е да не го порачуваш семето на истата адреса каде ќе го одгледуваш! И така ќе спречиш да биде примено од страна на ќленовите од твоето семејство или цимери. Можете да си ги донесеш од Холандија, а доколку сакаш да си порачаш од Канада, пробај од оваа страница, бидејќи даваат гратис семиња со секоја нарачка.
Како да одгледуваш марихуана? Чекор 3:Како да го сокриеш мирисот од марихуаната?
Пред сè пожелно е да порачаш врсти без остар мирис. Ако се разбираш во широкиот ранг на врсти и хибриди, такви се: Northern Lights, Durban Poison, Polar Express или Blue Mystic. Обезбеди неутрализатор на мириси, пр. ONA Pro Gel. Постави го отворен во истата просторија каде што е марихуаната и менувај го на 6 недели. Само не треба да биде блиску до неа бидејќи ќе влијае на природниот мирис на марихуаната. Во врска со природен неутрализатор на мирис, она што без размислување би го одбрал јас, моментално не знам кое растение неутрализира мирис, но го имаш Google за бескрајни истражувања или пософистицирано побарај енциклопедија на растенија.
Како да одгледуваш марихуана? Чекор 4:Изгради кутија за одгледување (grow box)
Можеби најтешкиот чекор со чија помош ќе можеш да одгледуваш едно или две растенија во самостојна, релативно херметичка кутија, скривајќи ги растенијата и остриот мирис со вградена добра вентилација и осветлување. Најдобра варијанта е да претвориш мини фрижидер во соодветна кутија за одгледување или да прилагодите стар плакар или дури и куќиште од компјутер. Или да го искористиш гардероберот за да создадеш гроу-бокс, но најдобра варијанта останува преработениот стар мини фрижидер, бидејќи ќе го задржува остриот мирис. Можете исто така да си купите готови тентови или гроу-боксови специјално наменети за одгледување канабис. Како упатство користи го овој водич каде чекор по чекор е прикажано како да ја реализираш оваа идеја од страна на одгледувачот кој ја користи. Овој водич, пак користи го за како да претвориш комода во кутија за одгледување.
Еве водич за правење гроу-бокс од картон:
А овде може да се порача готова кутија за одгледување која ќе се погрижи за процесот на растење и ќе те извести преку апликацијата на паметниот телефон кога растението е спремно за жетва. Запамти, што и да избереш од овие варијанти, скриј ја кутијата за одгледување во плакарот во твојата соба, па дури и покриј ја со чаршафи за додатно да ја сокриеш. Па и стави нешто врз неа, камуфлирај. Сè со цел да се минимализира можноста некој од дома да ја намириса и да стане љубопитен.
Како да одгледуваш марихуана? Чекор 5:Бери и суши стратешки!
Како? Многу едноставно и јасно. Испланирај да го направиш тоа кога си сам дома одреден период. Исто така најди безбедно место правилно да ја исушиш и да извршиш кјуринг. Во овој случај, обрати се кај некој со пријателски настроен 420 дом. После сушењето и кјурингот, остави ги цветчињата во затворена тегличка и тапни се по рамо. Успеа! Дојде моментот да уживаш во твоите домашни пупки... во плодот на твојот труд, љубов и посветеност. Оргазми! На здравје!
За искусните одгледувачи, размножувањето на канабис билките претставува вообичаен и едноставен процес, а предностите се многубројни, пред се поради тоа што може да создадеме сосем нови врсти исклучиво за нашите потреби
Сами произведете си свој семенски материјал!
Со вкрстувањето се обезбедува мало количество квалитетно семе за посевите за идната година, а можете исто така да ја земате својата омилена врста и да го задржите поленот од неа со којшто ќе ги опрашите од вас избраните други женски генотипови или фенотипови во иднина. Па, ајде да ги разгледаме основите на техниките за размножување и вкрстување на канабис од мали размери, за во домашни услови. Препорачуваме да ги илустрирате придобивките и новите поколенија што овие техники можат да ги обезбедат на оние кои сакаат да создадат свој уникатен семенски материјал. Размножувањето му овозможува на одгледувачот пристап до нова хибридна генетика, додека истовремено овој процес претставува механизам за конзервација и зачувување, па дури и зајакнување на посакуваната генетика за идна употреба.
Преглед на топ врсти од списанието High Times 1977
Ако имате различни видови и сакате да создадете хибриди, вкрстувањето е лесно и ефикасно. Од друга страна, оние кои сакаат да го зачуваат семенскиот материјал во текот на следната сезона, ќе сфатат размножувањето е одржлива алтернатива за да се задржи и распространи таа генетика. Не секој одгледувач може да си дозволи да се снабдува со нов расад, клонови или семе од компаниите за производство на семиња од канабис и да купи нова генетика помеѓу секоја сезона. Впрочем, во повеќето држави цената на еден клон може да надмине 20 долари, додека десетина семки од канабис може лесно да чинат 100 долари или повеќе.
За многу микро-буџетни домашни одгледувачи, размножувањето и вкрстувањето е единствениот и бесплатен начин за да се задржи посакуваната генетика. Одгледувањето канабис и продолжувањето на семејната лоза во семето не е ексклузивно зачувување на експертите. Домашните одгледувачи кои имаат стекнато вештини на одгледување на високо ниво и ги совладале основните техники, лесно можат да преминат од обичен одгледувачот во експерт за врсти. Креирањето на F1 семиња и хибриди е многу практично. Повеќето од врстите на канабис кои станаа легендарни беа создадени од страна на домашните одгледвачи на канабис, повремено, па дури и сосем случајно, т.е. несакајќи.
Понекогаш не е лесно да се изгради своја сопствена банка за семе од шаторот за растење или плакарот во споредната спална соба... Па, затоа размножувањето на мала рака е остварлива опција. Не ви е потребна магистерска диплома по ботаника. Доволно ви е досегашното искуство кое ќе расте заедно со вашите нови уникатни деца што можеби ќе ги создадете. Постојат повеќе техники за размножување и тоа: клонирање, селфинг, размножување од иста серија, полихибриди, оригинални F1 хибриди, пренасочување... Да разгледаме некои од нив!
Земањето на ластари од канабис растенијата е одличен начин да се зачува видот. Понекогаш најценетите сорти се достапни во форма само на клонови, а одгледувачот има навистина ограничени опции, за да ја зачува генетиката, а да не мора да купува нови клонови секоај сезона. Клонирањето е пренослива вештина којашто со малку упорност лесно се совладува. Треба да имате постојано висока стапка на успех со клонирањето како предуслов за размножување.
Предизвикајте само-опрашување
2. СЕЛФИНГ (Selfing)
Семињата F1 може да се произведуваат само со женски клон од марихуана. Овие семиња ја носат само генетиката на мајката. За да се постигне ова, одгледувачот мора да го смени полот на женката (таа да стане хермафродит) за да го поттикне само-опрашувањето. Повеќето домашни одгледувачи намерно ќе ја ја изложат на стрес цветната женка за да произведат неколку семиња. Селфингот најчесто се применува на сорти марихуана наменети само за клонирање за да се претвори во форма на семе F1.
Па, ако сте задоволни со серија на редовни семки од канабис и можеби сакате да ги искористите машките? Па, може да вкрстувате канабис од истата серија. Да претпоставиме дека сте запознаени со врстата од истото пакување на семиња, потенцијално може да изберете пар од врсти за вкрстување. Ова е метода на старо-школските ганџа фармери и најмногу се применува на отворено. Покрај тоа, размножувањето од истата серија има потенцијал во внатрешните одгледувалишта, доколку органските семиња се оригинални. Ако е така, не само што резултатот ќе биде повеќе или помалку стабилен, но ќе имате заштедено пари на семе за следната реколта. Практикувајте да го собирате поленот. Размножувањето од сигурна серија е добар вовед во вкрстувањето канабис.
По лекцијата за размножување од иста серија, доаѓа лекцијата за создавање едноставен хибрид. Полихибрид (polyhybrid) е вкрстување на две комерцијални, неповрзани сорти. За почеток, ова нема да биде целосно стабилно и нема да произведува оригинални Ф1 хибриди. Резултатите несомнено ќе бидат измешани. Но, полихибридите се прилично енергични и може да се откријат победнички фенотипови, доколку имате повеќе простор за експериментирање.
Развој на F1 хибриди (кликни на сликава)
5. ОРИГИНАЛНИ F1 ХИБРИДИ
Оригинални Ф1 хибриди се најценети и ние препорачуваме да го погледнете асортиманот од каталогот на Royal Queen Seeds. Оваа техника создава фантастично моќни, продуктивни и енергични растечки Ф1 хибриди и ова е долгорочен процес. Професионалните одгледувачи и експерти за размножување врсти инвестираат години од својот живот во проекти за размножување и одбираат сорти од стотици, ако не и од илјадници растенија од канабис. Оригиналните Ф1 хибриди може да се изведат само од вкрстување на оригинални или стабилизирани врсти. Тие изразуваат вистинска хибридна енергија.
Освен ако не планирате експедиција за лов на нови врсти, пожелно е да ја совладате оваа техника којашто бара малку повеќе предзнаење и искуство. Слично на тоа, одводнувањето може да биде комплицирано. Искрено, тоа е премногу тешко за прв пат дома одгледувач. Со вкрстување на пар на F1 билки (прва генерација) резултира со потомство во F2 билки (втора генерација). За жал, овие семиња ќе бидат далеку помалку стабилни и многу потешки за работа во споредба со претходната генерација Ф1. Потребно е внимателно селективно вкрстување во голем број за да се успее со овој пристап. Често се потребни повеќе генерации на размножување можеби до F5 (петта генерација) или дури F6 (шеста генерација) пред генетската линија да може да се стабилизира.
Бек-кросингот е веројатно најсоодветната опција за размножување на мала рака, при одгледување за лична употреба во домашни услови. Исто така, ако сте во ситуација да сакате да размножите врста која се наоѓа само како клон, а немате многу доверба во техниката на стресирање на женските билки во фаза на цветање само за да создадете неколку F1 семиња, треба да ја разгледате токму оваа техника. Прво треба да идентификувате рецесивен донатор од машки пол или машка билка со пожелни особини кои вреди да се додадат на потомството. Женката ќе биде задржана како мајка од којашто ќе се продолжи со земање на клоновите. Во суштина, доминантниот женски клон и донаторскиот мажјак се вкрстуваат. Понатаму, сите последователни генерации ќе бидат пренасочени кон женскиот клон од оригиналната мајка. Понекогаш, ќе бидат потребни 3-4 пренасочувања за да се добие потребната стабилност во потомството. Како што можете да видите, постојат неколку начини да ги размножите вашите омилени врсти и да ги претворите во ваши нови уникатни видови.
Овој основен водич има за цел да ви даде добар општ преглед за да може да започнете со вашите индивидуални истражувања и експерименти, пред да се преселите во покомплицираните аспекти и „тајни“ од одгледувањето канабис. Да не заборавам исто така да надополнам дека не треба да се обесхрабрувате при првите неуспешни обиди, затоа што секој обид за имплементирање на новите техники во одгледувањето може да резултира со некоја ваша уникатна метода, врста. Сè е искуство плус и самото одгледување канабис има терапевтско, смирувачко и антидепресивно дејство врз одгледувачот. Со среќа! :)
Во утринските часови растресете ги влажните или росни растенија, а особено по дожд секогаш кога можете. Спречувањето на туфките да останат влажни е многу важен дел од спречувањето на гниењето на туфките или мувлата. Ако ги оставате туфките влажни, само правите поголеми шанси за појава и одржување на мувлата и гниењето! Најпрепорачливо е доколку одгледувате канабис во надворешни услови, местата коишто ќе ги одберете не само да бидат заштитени од јавноста, туку истите да бидат изложени на убав провев на ветар, но и многу сончева светлина! Билките треба да добиваат директна сончева светлина особено во утринските часови за побрзо да се исуши утринската роса или ноќниот дожд
Кога одгледувате outdoor, речиси секогаш сте оставени на милост и немилост на природата, сепак треба да се потрудите најдобро што можете за да ги заштитите растенијата од премногу влага и студ. Треба особено да внимавате на влажноста во одгледувалиштето, доколку одгледувате во стакленик или пластеник. Студените и влажни услови кога одгледувате надвор се време кога мувлата најверојатно ќе ги погоди вашите пупки. Затоа есента може да биде особено опасна - цветовите од канабисот самошто достигнале период на жетва и станале дебели и густи, што ги прави идеален дом за мувлата. Ако времето е особено ладно и влажно и ако дури и една од вашите билки всушност фати гниење, оберете ги цветовите веднаш! Ако тоа се случило на едно стебло, истото обично ќе се прошири и на другите стебла многу брзо.
Подобро е да се ожнее малку порано, отколку да се изгуби целата жетва!
Врсти канабис наменети за отворени простори отпорни на мувла
Иако на ова не можете и не би требало со сигурност да се потпирате, сепак некои видови се поотпорни од другите во поглед на мувлата. Во претходниот текст од оваа серија споменавме две такви врсти наменети за индор. Ако живеете во влажна средина или ако сте одгледувач на отворен простор и се соочувате со студени и влажни услови уште на почетокот од есента, не може да си наштетите ако одберете врсти коишто се поотпорни на мувла! Еве два вида кои се отпорни на мувла и се погодни за одгледување на отворено:
Jamaican Pearl
1.) Frisian Dew (Фризиска роса) - популарен вид по тоа што околу половина од растенијата создаваат пупки кои се претвораат во неверојатна, енергично пурпурна виолетова боја (другата половина од растенијата даваат зелени туфки, но сепак се убави и ефектите се исто толку добри). Овој вид е многу погоден за растење на отворено, дури и во северните клими и е особено отпорен на мувла.
2.) Jamaican Pearl(Јамајкански бисер) - овој вид има овошен мирис, расте многу добро на отворено и не е само отпорен на мувла, туку исто така има големи приноси. Познато е дека произведува уникатен церебрален ефект во твојата глава кој трае долго време и нема да те заспие. Се препорачува жетвата на Јамајкан перл туфките да започне пред трихомите да започнат да добиваат боја на килибар за најдобри ефекти!
„Јас сум од Лондон и ова ми е втора жетва воопшто. Прв пат канабис одгледував во Македонија, втор пат тука, ама имам многу читано и имам вујко од Добрејци, Струмица - Сандо кој е 35 години пушач на канабис, кој исто така е искусен одгледувач и ми има дадено многу совети. Не сум нешто посебно задоволен зашто одгледувам надворешно во саксии, па стеблата не се многу големи, но сепак се преубави. Малку доцна ги засадив, негде 20 мај, па затоа и имам проблем со мувлата. Значи сум почнал на 20 мај и сметам дека тоа е малку предоцна за outdoor, затоа што имам најмалку уште 2 недели до крајот на цветањето, плус со влажнава клима како овде во Лондон и не треба да е нејасен мојов проблем, туку за пофалба треба да биде мојот успех.
Од Александар Пешев, Лондон 2017
Затоа ставив вентилатор внатре и плус таа сивата цевка што ја гледате е за свеж воздух. Го прочистува воздухот, а вентилаторот проветрува и мислам дека ќе го средам проблемот со мувлата. Сум почнал со обична земја од цвеќара. Со семе од sensi seeds од врстата Purple Bud и White Skunk. Сум употребувал чај од коприви, како органско ѓубриво; Чај од врвови од жална речна врба; витамини т. е. нутритиенти н.п.к 15.15.15. и слично. Експериментирав и со лушпи од јајца, лушпи од банана миксирани како шејк со млеко и додаваш и талог од кафе и со ова го храниш растението супер. Кога ќе почне да цвета, јас препорачувам и козјо млеко. Јас инаку на средината му ставав и гомна од кокошки... Иако јас препорачувам гомна од гулаби измиксани еден према 7 вода. Ова ми е втора жетва... Воедно и најдобра зашто имам мир и немам проблем со никој за да се плашам да посадам некое коренче за мене. Јас исто и употребував цело време дождова вода. Најубавта вода ја ставав од дожд, благодарение на тоа што куќата во којашто живеам има буриња за собирање дождовница. Се гордеам што успевам во ваква слаба клима да извадам убав дим. Прекрасен дим постигнав од оваа жетва иначе и сум можел и поголеми приноси да извадам, ама здравје следниот пат - секој пат секогаш е подобар од претходниот!“ - во разговор со нас изјавува Александар Пешев од Лондон. ВНИМАНИЕ!!! Користете ѓубриво кога тоа навистина е потребно. Кога користите ѓубриво, внимавајте да не ги изгорите корењата! Со ништо не претерувајте :)
Канабисот е годишно растение кое созрева и цвета кон крајот од летото. На есен, кога цветовите се зрели, тие се берат, сушат и поминуваат низ процес наречен curing пред да влезат на пазарот
Сезоната кога природно канабисот созрева, започнува на есен, а сеидбата е на пролет. Овие садници брзо развиваат гранки и лисја во текот на следните неколку месеци и стануваат повисоки и поразгранети до подолгите ноќи по летната краткоденица не ја активира фазата на цветање.
Комерцијално одгледуваниот канабис на отворено, вообичаено се продава поефтино и брзо во доцната есен и зима. Државите со законски дозволена продажба на канабис, честопати доживуваат драстични промени во понудата и побарувачката, бидејќи одгледувачите го преплавуваат пазарот со производот, додека некои потрошувачи се обраќаат кон домашните или поефтините извори на црниот пазар. Врвниот канабис растен на сонце станува постепено достапен во зима и рана пролет.
Како факторите на животната средина влијаат на растечката сезона на канабисот?
Во северната хемисфера, семињата се садат уште рано во март или до крајот на мај, а цвеќињата се собираат од септември до ноември. Сезоните се обратни на јужната хемисфера, така што садењето се одвива од септември до ноември, а жетвата е од март до мај. Во тропските предели, во близина на Екваторот, всушност е можно да се бере канабис во текот на целата година!!!
Растенија канабис се префрлуваат од вегетативна во цветна фаза, кога деновите се пократки и ноќите стануваат подолги. Прецизниот тајминг варира во зависност од географската ширина. Врстата што почнува да цвета во почетокот на јули кога се одгледува во Калифорнија или во Колорадо, не треба да цвета до август во Канада или Холандија. На Хаваи, истиот вид е способен да цвета во речиси секое време.
Температурата, надморската височина, врнежите и другите услови во околината, исто така, влијаат на созревањето на канабисот и ја одредуваат идеалната растечка сезона на која било локација. Благото време ги охрабрува растенијата да завршат порано, додека прекумерната топлина или студот може да го одложат цветањето и зреењето.
Дали различните видови имаат различни растечки периоди?
Генетиката на видот има значајно влијание врз сезоната на растење. Канабис сортите се прилагодуваат на нивното родно живеалиште, а одгледувачите создаваат видови кои се најпогодни за локалната клима. Општо земено, индиките остануваат пократки и цветаат побрзо од нивните роднини сативи, додека екваторијалните сативи имаат најдолго време на цветање и можеби нема да преживеат доволно долго за да созреат кога се растат премногу на север или југ. Видот развиен во ладна крајбрежна област, најверојатно ќе заврши порано, отколку кога ќе се одгледува во топол континентален регион. Модерните генетики на видовите се дизајнирани да даваат повеќе принос за пократок временски период.
Како влијае технологијата на одгледувањето на канабисот?
Техникитена одгледување, стратегиите и преференциите за одгледување влијаат и на сезоната на растење, а одгледувачите прават пресметани одлуки врз основа на нивните искуства и цели. Герила одгледувачите понекогаш засадуваат подоцна во текот на сезоната, стратешка одлука што резултира со помали билки, кои полесно се прикриваат од службите на законот.
Кога цвеќињата зреат на есен, фармерите мора да го изберат најсоодветниот момент за жетва. Цветовите што се собираат порано предизвикуваат полесен, церебрален хај, а цвеќињата што се собираат подоцна, даваат повеќе психоактивни ефекти во телото. Покасната жетва, исто така, доведува до зголемени ризици од мувла, штетници и оштетувања од мраз или невремиња.
Влијанието на бербата, сушењето и кјурингот врз сезонската достапност на канабисот
Откако ќе се соберат туфките, тие мора да се сушат за да се намали содржината на вода и да се отстрани хлорофилот. Растенијата треба да се обесат во климатски контролирана соба од 10 дена до две недели, иако некои тврдат дека само пет или шест дена може да бидат доволни, а други инсистираат на тоа дека две недели е минимум. Според Франко, од Green House Seed Co. - „Разликата меѓу сушењето 10 дена и 14 дена не е многу очигледна за почетниците, но создава свет на разлики за искусниот“. Цветовите кои се сушени премногу брзо, ќе имаат суров или горчлив вкус, а цвеќињата што се премногу влажни нема да горат.
Квалитетниот канабис треба да се „излечи“ по сушењето (процес наречен „кјуринг“ - ciring), но комерцијалните одгледувачи ретко одвојуваат време да го сторат тоа. „Во совршениот свет, ќе има околу шест до осум недели помеѓу сечењето на цвеќето, оставањето да се да се исушат, да се ишишаат, а потоа да се стабилизираат“ - вели Кевин Џодри (Kevin Jodrey). „Реалноста е дека одгледувачот се моли за брзо паѓање веднаш штом ќе се исуши и исече, што би можело да биде толку кратко како 10 дена од сечењето до продажбата“.
Сушењто и кјурингот неверојатно го немуваат вкусот и ефектот. Зачувувањето и развивањето на канабиноидниот и терпенски профил е нежен процес. Температурата и влажноста треба да бидат контролирани и прилагодени според густината на цветовите и терпенскиот состав. Цветовите коишто се суви и поминати низ кјуринг правилно даваат понежен, посуптилно искуство за време на пушењето. „Хајот од тревата која имала кјуринг е секогаш подлабок и поинтроспективен, почесто ставува вид на медитација и алатка за поглед во себе“ - вели Франко.
Кога да се бара најдобриот канабис во сезоната?
Прецизното ракување, рачно кастрење и соодветно складирање го диференцираат домашниот канабис. Цветовите од канабисот можат да ја одржат оптималната свежина една година или подолго, кога се чуваат во (црни ултравиолетови) стаклени тегли на ладно суво место. Се разбира, одгледувачите на канабис не се ограничени од годишните времиња. Одгледувањето под сијалица во гроу боксови овозможува константното снабдување со канабис во текот на целата година.
Термините Cannabis sativa L. и Cannabis indica Lam. биле создадени за да се разликуваат овие две врсти на семејството Cannabaceae. Сличноста на сите канабис билки е дека секоја канабис билка, без разлика на која врста ѝ припаѓа, е лековита. Треба пред сè да се водите според тоа за што ви треба лекот, какви заболувања сакате да третирате, па во однос на тоа која/кои врсти ќе ги одберете - ќе го прилагодите одгледувачкиот простор. Постојат повеќе клучни разлики помеѓу сативите и индиките: како изгледа самата билка, како изгледа цветот и листот, како расте, па сè до тоа каков ефект му даваат на корисникот. Нашиот тим 420 Macedonia направи мало истражување на разновидните генеалошки и научни податоци за да ги проучиме денешниве видови канабис од минатото во нивната оригинална животна средина од која првично потекнуваат и еве дојдовме до овие заклучоци:
Потеклото на Индиките и Сативите
Додека не постои начин за точно да се дефинира колку долго канабисот постои на оваа планета, најраните докази за употребата на канабисот од страна на човекот датираат илјадници години назад кон далечниот Исток. Потеклото на домородниот канабис се смета дека е од Јужна и Централна Азија, со дивиот канабис кој се протега од Блискиот Исток до Кина и Монголија, па понатаму на Север. Но, како е возможно разни видови на канабис да се развиваат одделно околу истите земјини пространства?
Како сите живи организми, канабисот исто така еволуирал и се прилагодувал на животната средина и тоа го прави до ден денес (како сите останати живи организми, вклучувајќи нè и нас самите). Родните предели на канабисот лоцирани со релативно блиска оддалеченост едни од други, а врстите се разликуваат меѓу себе. Како? Одговорот зошто секој вид еволуирал поинаку лежи во нивните различни климатски фактори на потекло. Климатските услови значително варираат поради географските разлики - започнувајќи од подножјето на Хималаите, до низините на долините Хинду Куш, па сè до врвовите на планините Риф во Мароко.
Култивирање и физички аспекти
Еволутивните трендови им помогнаа на најраните канабис билки во поглед на размената на гасовите, а тоа доведе до зголемување на нивната стапка на фотосинтеза, која пак доведе до зголемување на производството на семе и цвет, со што канабисот го обезбедува соствениот опстанок и напредок на своите видови. Денес на сличен начин како што тоа се одвива во природата, одгледувачите на марихуана ги користат еволутивните карактеристики на индиките и сативите за да ги зголемат своите приноси коишто во најголема мера зависат од начинот на одгледување и животните услови за растење во нивните градини/гроу боксови.
Оние кои љубат индор одгледување (во затворен простор) можеби сакаат пократки билки, поради ограничениот простор за растење, па затоа можеби преферираат индика врсти канабис. Оние одгледувачи кои повеќе љубат да одгледуваат аутдор (во надворешни услови), поради тоа што најчесто се соочуваат со жешка и влажна клима, повеќето од времето одбираат сативи.
СОВЕТ 1:Надворешните одгледувачи ќе сватат дека позбиените, цврсти и густи индики се поотпорни на штетниците од градината, додека внатрешниот одгледувач ќе дојде до заклучокот дека тенките и нежни сативи се поотпорни на мувла, особено на прашкастата мувла во одгледувалиштето.
Сè зависи од условите на животната средина на растечкиот простор и индивидуалните карактеристики на избраните врсти од страна на одгледувачот. Па, дури и тогаш, резултатот не е толку предвидлив поради повеќе фактори, пред сè бидејќи секој генотип има можност да развие и појави нови особини (или фенотипови) кои можат да се разликуваат неизмерно од нормата кога растенијата се одгледуваат во услови на кои тие не се навикнати.
СОВЕТ 2: Билките одгледувани со МНОГУ ЉУБОВ, секогаш даваат поголеми приноси и имаат многу полековит ефект! ;)
Еве едноставен совет за подобрување на квалитетот на домашниот екстракт од канабис - подобрување на бојата и вкусот, т.е. намалување на количеството на хлорофил во екстрактот
Со замрзнувањето на почетниот цветен материјал и растворувачот (алкохолот, на пр. изопропил од 96% па нагоре) за околу 6-8 часа, а потоа брзо миење од 2-3 минути на почетниот материјал со алкохолот, лесно се отстрануваат трихомните жлезди и откако листестиот материјал е замрзнат, многу од хлорофилот не преминува во маслото... На овој начин не само што се намалува горчината на маслото (горчливиот вкус), туку конечното масло нема да биде темно зеленкасто, туку ќе биде златно-килибарно. Кога ќе се заврши со постапката на подготовка на маслото, серијата ќе биде 90%+ во зависност од врстата/врстите и финалната декарбоксилација... Хлорофилот не се смета за нешто лошо, но за пациентите со канцер и други сериозни хронични заболувања, потребно ви е масло коешто е најмоќно во поглед на THC и со што е можно помачку додатни непотребни примеси.
Теглата од лево е по брзото замрзнато перење, теглата од десно не е...
Извор: од комуникацијата со искусни производители на екстракт од канабис
Рецепт за подготовка на лек од канабисово и кокосово масло. Еве еден домашен рецепт за подготовка на природен лек направен од канабисово и кокосово масло, којшто се користи за лекување на многу болести
Против болки, гадење, епи-напади и повеќе!
Поради законските регулативи во многу држави, т.е. поради рестрикцијата за употреба на канабис, науката превзема ситни бебешки чекорчиња во истражувањето на медицинските својства на канабисот. Традиционалната медицина од секогаш ја користела оваа природна билка, прашајте ги вашите (пра)баби и (пра)дедовци за „чуварката“ доколку не верувате...
Еве еден домашен рецепт за подготовка на природен лек направен од канабисово и кокосово масло, којшто се користи за лекување на многу болести. Со смолата од канабис подготвена по рецептот на Рик Симпсон по пат на декарбоксилација, во комбинација со ладно цеденото virgin масло од кокос како основна база за подготовка на лекот - може да направите буквално најразновидни лековити производи (+ пожелно е да додадете и темјан за да го поткрепите антиканцерогениот ефект на канабисот ако сакате да направите супозитории). Кокосовото масло е многу хранливо и со него едноставно се подготвуваат супозитории со канабисово масло.
Подготовката на кокосово масло со канабисово масло - КАНА-КОКОСОВО МАСЛО е едноставна. Одберете ја врстата (врстите) канабис што најмногу им одговара на вашите потреби, затоа што секоја индивидуа е уникатна и сечие тело функционира на поинаков начин. Без разлика која врста на канабис ќе ја одберете за подготовка на овој лек, правите неверојатен благодет за целокупната ваша здравствена благосостојба, дури и да сте потполно здрави. Настојувајте само врстата (или врстите, затоа што може да се мешаат) да е одгледана на што е можно поприроден начин. Најпрвиот чекор е активацијата на марихуаната по пат на декарбоксилација (хемиски процес на активација на канабиноидите од растението).
Потребни состојки: 1 грам декарбоксилирана марихуана или подготвено масло + 28 грама (1 ounce) ладно цедено virgin кокосово масло. Количествата може да бидат прилагодени според овој сооднос. Финалниот производ можете да го употребување во кујната за готвење, меѓутоа на средна температура, затоа што доколку се загрее премногу, активните состојки од марихуаната ќе исчезнат. Комбинацијата од двете масла успешно лекува рак, болки, гадење, епилептични напади и многу повеќе!Не постои заболување што не може да се излечи со канабис!
Инструкции: Постојат повеќе начини, еве еден од нив...
Ставете ја измерената мелена активирана марихуана во стаклена тегла и додадете кокосово масло. Цврсто затворете го капакот од теглата и ставете ја во сад полн со вода.
Полека загревајте ја водата на ниска температура, под температурата на вриење во времетраење од 60 минути. (Ова спречува маслото да се прегрее и да го изгуби лековитиот ефект.)
Исцедете ја течноста од канабисот во маслото. Користете мрежеста цедилка или пелена/платно како за цедење урда и отстранете ги цврстите остатоци од тревата од маслото во друга стаклена тегла.
Маслото од канабис и кокос сега е подготвено да се јаде или да се користи како лосион за надворешна употреба. Отстранетите цврсти остатоци од подготовката не се фрлаат! Тие исто така се лековити и може да се јадат, како и печат или варат и додаваат во секој кулинарен рецепт, како и секоја друга билка.
Зошто кокосовото масло е подобро од путерот? Кокосовото масло е најдоброто масло за произведување на потентни мешавини со канабис, како за надворешна употреба, така и за подготовка на колачи и други прехранбени лековити производи со канабис, затоа што содржи високо заситена содржина на масти. Тоа го прави кокосовото масло поспособно да ги апсорбира лековитите состојки од марихуаната, како што се канабиноидите, терпините, флавоноидите и др. во споредба со путерот или пак, другите видови на масла како основа. Додека путерот содржи заситени масти од околу 60%, содржината на кокосовото масло изнесува 90% заситени масти.
Наместо да подготвувате разновидни видови на канапутери или тинктури, доволно е само да го имате кана-кокосовото масло во вашата кујна и да го додавате во секојдневната исхрана. Овој производ е идеален за лицата кои мора да се хранат со мрсна диета за справување со епилепсијата, Алцхајмерот или ракот (како кетогенската диета). Исто така, идеално е за вегетаријанците, веганите, лицата кои се на палео исхрана, за изнемоштени лица, за зајакнување на имунитетот и за сите кои не се алергични на кокосово масло, а сакаат да го консумираат канабисот без да го пушат или вапоризираат!
Иако аеропонската технологија е пронајдена дури во 1930 година, само во последните неколку години се стекнува со поголема важност, особено во пренаселените урбани средини каде што нема слободни места за производство на храна. Аеропонскиот систем е највисока технологија во хидропониката.Хидропоника значи одгледување на растенија без подлога, вкоренети во воден раствор. Во аеропониката корените висат во празно корито, но се капат во фино распрсканите хранливи материи на секои неколку минути (постојано се прскани од магла-спреј од хранливите материи). Придобивките се огромни. Растенијата растат до 50% побрзо отколку на супстрат, па така тие се спремни за жетва и 2-3 пати порано од нормално. На пример, расадот од домати треба да биде стар најмалку 28 дена за пресадување во супстратот, додека кај аеропониката доволни се само 10 дена.
Хранливите материи се нанесуваат директно на корените на растенијата, кои многу полесно ги впиваат, бидејќи има лесно достапен кислород и се стимулира растот на ситните коренчиња. Системот на циркулирање на хранливиот раствор може да биде целосно затворен, со што е голема заштедата на вода. Не постои ризик од болести кои се пренесуваат преку почвата или преку проточната вода, но можно е да се зголеми густината на садењето. Аеропонските системи можат да ја намалат потрошувачката на вода за 98%, употребата на ѓубрива за 60%, употребата на пестициди за 100%, а во исто време даваат максимален принос. Растенијата одгледувани со овој систем се покажаа, исто така, дека имаат повеќе витамини и минерали, што ги прави потенцијално похранливи и поздрави.
Технологијата е целосно програмирана и автоматизирана, дури и можно е преместување на целиот систем, како и примена во домашни услови. Во зависност од системите за одгледување, билките можат да бидат наредени хоризонтално или вертикално. Надземниот дел од билките се придржува за платформата со помош на јака околу долниот дел на стеблото или во перфорирана саксија, а корените се капат во растворот. Главниот недостаток на овој систем е тоа што во комората за полувлажна
атмосфера се појавуваат бактерии, така што мора да се врши редовна
дезинфекција со хидроген пероксид. Друг недостаток е бучавата што ја предизвикува системот. Целиот систем е прилично скап, а
зависи од високиот квалитет на пумпата за висок притисок, од фогерите и
тајмерот.
Спротивното мислење дека овие растенија, поради изобилството на храна и вода, се нежни и кршливи е погрешно, тие токму поради тоа имаат доволно цврстина да дадат зголемен род. За овој систем потребна е пумпа и микрораспрскувачи - така наречени фогери, кои можете да ги направите самостојно. Притисокот на водата мора да биде многу висок, така што прскалките да го распрскуваат растворот со големина на капките од 5-50 микрометри. Колку е помала капката, толку подолго таа ќе лебди во воздухот и ќе раствори повеќе кислород. Времето на прскање е обично две секунди на секои 1,5 - 2 минути или една секунда на секоја минута. Истовремено во воздухот може да се додава СO2, со што се зголемува ефикасноста на фотосинтеза.
Аеропониката не е за почетници! Одгледувачот кој сака да има успех кај аеропониката, треба да има зад себе доста искуство и кај класичното одгледување во земја, треба да знае како расте марихуаната и како изгледа една здрава билка, а секако треба да знае и да ги препознава нутритивните суфицити и дефицити кај билките.
„Сè што треба да направите e внимателно да ги следите овие упатства и откако ќе го произведете овој лек неколку пати, ќе сфатите дека тоа не е многу потешко од правењето филџан кафе“ - вели Рик Симпсон
Ставете го почетниот материјал (туфките - цветовите од канабис) во длабока кофа за да спречите мешавината од растворувачот и состојките од канабисот, да се истураат и прскаат за време на процесот на миење на цветовите. Потоа, потопете и потиснете ги туфките со растворувачот. Цветовите добро раздробете ги со помош на дрво. Откако туфките се убаво издробени во кофата заедно со растворувачот, додадете уште растворувач се` додека туфките не се целосно нурнати во растворувачот. Ова правете го извесно време (неколку минути) со помош на дрвото (стапот). Потоа полека и внимателно истурете ја течноста (мешавината од масло и растворувач) во друг чист сад, оставајќи го почетниот материјал (туфките) во првиот сад, за да може да го измиете со растворувач уште еднаш. За да го сторите тоа, повторно додајте чист растворувач во првата кофа со почетниот материјал и повторете ја постапката - потопете ги туфките и гмечете ги со стапот 3-4 минути.
Потоа, претурете ја само течноста од второто миење на туфките во истиот (или во друг сад, доколку сакате маслото да е направено само од првото перење) сад во кој сте го претуриле растворувачот со маслото од првото миење. Не е погрешно туфките да ги измиете со растворувач и по трет пат, но според Рик Симпсон, обидот да го измиете почетниот материјал по трет пат, дава помалку масло и истото ќе биде послабо со многу помала медицинска вредност. Доколу одлучите да ги измиете и по трет пат, маслото кое ќе го добиете на овој начин исто така може да биде од голема корист и може да се користи за третирање на помали и понесериозни здравствени проблеми, како проблемите на кожата или лекувањето на домашните миленици или чисто за превенција од некои полесни здравствени нарушувања. Првото перење раствoра 75-80% од расположливите топченца со лековита смола од почетниот материјал. Второто перење потоа отстранува поголем дел од корисната смола што е останата. Маслата произведени од првото перење се најпотентни и имаат најголема медицинска вредност, меѓутоа доколку се користи квалитетна марихуана, екстрактите произведени и од второто перење, исто така имаат многу голема медицинска вредност.
Доколку поради некоја причина мора да правите масло од материјал којшто не е толку многу медицински активен како што треба, најдобро е да се употребува маслото направено од првото миење само за внатрешна употреба, само колку да се започне со канабис терапијата, а потоа вели Рик најдобро е да започнете да си ја растете соодветната врста или едноставно да побарате поквалитетен канабис за следната подготовка на масло. „Запомнете дека КВАЛИТЕТОТ Е ПОВАЖЕН ОД КВАНТИТЕТОТ и колку повеќе медицинска вредност поседува конечното масло, толку истото ќе функционира подобро како лек. Користете нешто како што се чисти контејнери за вода со мал отвор на врвот и вметнете ги инките во отворите, а потоа ставете хартиени филтери за кафе во инките“ - објаснува тој. Внимателно истурете ја мешавината од растворувач и екстракт од канабис од првото и второто перење низ инките со филтери за кафе и овозможете ѝ на смесата да се исцеди во садовите со цел да ги отстраните несаканите растителни остатоци од канабис.
Колку повеќе садови со инки користите, толку побрзо смесата ќе се прецеди. Откако мешавината е исфилтрирана, истата сега е подготвена за загревање со цел да евапорира (да испари) растворувачот. „Јас исто така треба да споменам дека доколку користите висококвалитетни туфки, откако миксот од растворувач и масло ќе биде исфилтриран, тој често наликува речиси исто како бензинот, а понекогаш може да изгледа дури и потемно. Запомнете дека растворувачот што сте го користеле бил проѕирен, па жолтата или потемната боја што ја добил растворувачот се должи на лековитите топчиња со смола коишто сега се растворени во него“ - додава Рик Симпсон. Доколку се` уше не поседувате еден, потребно е да си набавите просечен електричен уред за готвење ориз (или фритеза) со отворен врв којшто поседува подесување на топлината, за со соодветно вриење ефикасно да испари растворувачот од маслото. Но, бидете сигурни дека уредот за ориз е поставен во добро проветрена просторија со добра вентилација, а потоа ставете вентилатор во близина, за да ги раздувува издувните гасови што се ослободуваат од смесата како што растворувачот зоврива.
Ова ќе ги спречи издувните гасови од кондензација, што може да биде опасно. Електричните шпорети за готвење ориз (фритезите) се дизајнирани да не го горат оризот, додека тој врие. Па, сензорите за температура кои се вградени во овие уреди, автоматски ќе ја намалат температурата, доколку таа започне да станува превисока. Кога го произведувате маслото, доколку температурата се покачи малку над 300°F (148 °C), тоа ќе започне да ги испарува канабиноидите од маслото и се разбира, тоа не сакате да се случи. Доколку уредот за готвење ви е исправен, тој автоматски ќе го исклучи подесувањето на големата топлина на околу 210 до 230°F (100 до 110°C), што е над температурата за којашто повеќето луѓе велат дека се одвива декарбоксилацијата.
Оваа температура се` уште е далеку од точката во која THC и другите канабиноиди ќе евапорираат од маслото, коешто преостанува во фритезата. „Ова е причината зошто јас силно препорачувам употреба на уред за готвење ориз, за оние коишто никогаш до сега не произведувале масло, бидејќи ја елиминира секоја опасност од оштетување на маслото. Плус резултирачкото масло е декарбоксилирано, што исто така е важно, така што маслото може да го постигне својот полн медицински потенцијал. Сугерирам дека луѓето не би требало да се обидуваат да користат електрични тенџериња за бавно готвење од типот на Crock-Pot и слични апарати за подготовка на маслото. Кога јас прв пат се обидов да направам масло, јас употребив таков уред и бидејќи не знаев колку топлина овие уреди можат да генерираат, маслото беше прегреано и уништено“ - предупредува Рик.
Рик нагласува дека почетниците најдобро е да користат електричен уред за готвење ориз и да ги следат внимателно неговите инструкции. Пожелно е исто така да си набавите индустриски топломер кој мери високи температури. Доколку внимателно ги следите советите на Рик, помалку е веројатно да го утнете маслото и ќе правите помалку грешки, односно многу брзо ќе научите како правилно се подготвува истото. Исто така, Рик вели дека може да се употреби и уред за дестилирање за производство на овој природен лек, како и за враќање на растворувачот што е употребен. „Овој начин навистина има повеќе смисла отколку употребата на електрично тенџере за ориз. Но, уредите за дестилирање коишто се дизајнирани за безбедно испарување на растворувачите се скапи и повеќето од луѓето не знаат како правилно да ракуваат со овие апарати. Доколку имате некој ваков на располагање, јас преферирам да се користи дестилатор, но во некои држави, поседувањето на ваков уред е противзаконско. Доколку некој е сериозен и сака да произведе големи количества масло, нека се едуцира за дестилирањето и за правилната употреба на оваа опрема“ - вели тој.
ГЛЕДАЈ ГО ВИДЕОТО НЕКОЛКУ ПАТИ!!!
Секогаш бидете сигурни дека не постојат искри, отворен пламен или црвени вжештени елементи во оваа област, додека го полните електричното тенџере за ориз или додека го вриете растворувачот за да испари, бидејќи гасовите произведени од растворувачите се многу запаливи и доста токсични. „Јас го користев истиов процес стотици пати и никогаш не сум имал несреќа, но за ваша безбедност, ве замолувам да ги следите инструкциите и да бидете сигурни дека местото е добро проветрено. Јас исто така, предупредувам да се избегнува вдишување на гасовите кои се ослободуваат од растворувачите, бидејќи тие може да имаат непријатни последици врз секој во близина. Исто така е важно да се напомене дека протокот на воздух од вентилаторот, треба да биде насочен кон дното на шпоретот за ориз (фритезата), бидејќи гасовите од растворувачот често може да се акумулираат таму. Ако погледнете на дното на тенџерето за ориз, ќе најдете еден или два мали отвори и доколку гасовите од растворувачот навлезат во овие отвори тоа може да предизвика пожар“ - објаснува Рик.
„Па, јас открив дека со насочување на протокот на воздух од вентилаторот приближно во центарот на уредот за готвење, протокот на воздух се` уште ќе ги носи далеку гасовите од врвот на тенџерето, а исто така ќе се спречи овие гасови да се акумулираат под тенџерето во исто време. Бидете сигурни дека вентилаторот работи и произведува доволно воздушно струење за да ги раздува гасовите и ако користите вентилатор со повеќе брзини веројатно ќе откриете дека поставувањето на помала брзина ќе ја постигне оваа задача. Потоа наполнете го електричниот уред за готвење ориз, додека тој е околу три четвртини полн со мешавината од растворувач и масло, ова овозможува простор за мешавината да се вари без да прска надвор. Поставете го уредот за готвење на висока температура, а потоа започнете да го извривате растворувачот од смесата. Никогаш не се обидувајте да го направите тоа без употреба на вентилатор, поради тоа што гасовите од растворувачот може да се акумулираат и ако тие дојдат во контакт со грејните елементи од шпоретчето, тоа може да предизвика овие гасови да се запалат“ - додава тој.
Како што нивото на смесата во електирчниот готвач се намалува, продолжете внимателно да додавате од мешавината што ви преостанува, се` додека не преостане ништо. Кога нивото на мешавината во електирчниот уред за говење ориз ќе се намали за последен пат се` додека не дојде до ниво од два инча (5 см) додадете околу 10-12 капки вода во смесата што врие во електричното тенџере (фритезата). Оваа мала количина на вода овозможува преостанатиот растворувач да испари од маслото што преостанува во тенџерето полесно и тоа исто така помага во чистењето на маслото од остатоците на растворувачот, како што испарува крајниот остаток од растворувачот во мешавината.
Потребен е 99% изопропил, но бидејќи тешко се наоѓа, нема да погрешите и
доколку употребите 96% етанол, најдобро замрзнат на -5 степени кога ќе
се пере материјалот (туфките) во него. Не е толку важен
растворувачот, колку што е битна декарбоксилацијата. Во однос на
следењето на температурата - додека алкохолот врие, тој не може да качи
температура повисока од 80 степени, затоа што на таа температура
алкохолот испарува. Откако количеството на алкохол прилично ќе се намали
во растворот, ќе започне и да се зголемува неговата температура.
Температурата не смее да надмине 140 степени Целзиусови. За следење на
температурата потребен е индустриски термометар (го има и во нашите
продавници со алати и опрема).
„Кога има многу мало количество преостанато во уредот, јас вообичаено ставам пар ракавици и потоа го земам уредот и започнувам да ја мешам неговата содржина. Ова е направено со проток на воздух од вентилаторот што се` уште ги отстранува гасовите и тоа може малку да го забрза крајниот процес. Како што топлината во уредот се зголемува, тој автоматски ќе се префрли од поставување на висока топлина на неговото поставување на ниска температура, што превенира маслото во него да се прегрее. Како што остатокот од растворувачот е целосно испарен, ќе слушнете чкриплив звук од маслото што е останато во уредот и ќе видите доста меурчиња во маслото кое преостанува. Исто така, ќе видите нешто што изгледа како мало количество на чад што доаѓа од маслото во тенџерето, но не бидете загрижени, затоа што тоа најчесто е пареата произведена од неколкуте капки вода што сте ги додале“ - објаснува Рик Симпсон.
„Откако уредот за готвење автоматски ќе се префрли на неговото ниско поставување на топлината, јас вообичаено оставам да се олади додека тој може повторно да биде префрлен на поставување на висока топлина. Откако уредот за готвење автоматски ќе се префрли на поставување на ниска температура по втор пат, јас тогаш го вадам внатрешното тенџере надвор од уредот и ја претурам содржината во чашка за мерење од не`рѓосувачки челик. Открив дека некои врсти канабис може да произведат масло, коешто всушност е готово и спремно за употреба откако уредот за готвење се префрлил на ниска температура по втор пат, но во повеќето случаи најдобро е да се заврши маслото правилно. Ќе има мало количество на масло преостанато во тенџерето што ќе видите дека е всушност невозможно за отстранување, освен ако не употребите нешто како сув леб за да го апсорбира маслото додека се` уште е топло. Потоа, мали количества на тој леб може да бидат јадени како лек, но запомнете понекогаш може да требаат час или повеќе пред да ги почувствувате неговите ефекти“ - додава тој.
Па, бидете внимателни околу тоа колку ваков леб ќе консумирате, затоа што дури и многу мало количество може да ве успие за неколку часа, исто како и суровото масло. Друг добар начин како да се исчистат остатоците од масло во тенџерето е истото да се измие со мало количество на алкохол што ќе го апсорбира маслото, а вам тоа ќе ви даде тинктура со канабисово масло, која ќе варира со својата медицинска вредност, зависно од тоа колку масло содржи алкохолот што сте го употребиле. Тинктурата како оваа може да биде многу ефикасна за лекувањето на кожните заболувања, а само мало количество може долго да ви користи, што може да ви заштеди многу пари. „Откако јас често сакав да мешам масла од неколку врсти како и да е, јас вообичаено го оставам преостанатото масло во тенџерето до следниот пат кога треба да правам масло. Покрај тоа, за оние кои пушат цигари и би сакале да видат колку многу од неговите штетни ефекти се отстранети, тогаш производството на она што јас го нарекувам ‚среќни цигари‘ треба да ги задоволи нивните потреби. Се` што треба да направите е да загреете мало количество тутун во уредот за готвење ориз за да се апсорбираат остатоците од масло, а потоа ќе имате супстанца којашто ќе биде многу помалку штетна и ќе ве расположува кога пушите“ - нагласува Рик.
„Со мешање на масла од различни врсти, ќе ги добиете медицинските придобивки од сите овие различни типови на масла и јас открив дека таквите масла се ефективни во лекувањето на скоро се`. Ако имате многу различни видови на добри цветови на канабис на располагање, мислам дека мешањето на маслата од различните Индика врсти е многу добра идеја, но доколку немате, често маслото од само една врста најверојатно ќе ги задоволи твоите потреби“ - вели Рик. Земете го маслото што сте го претуриле во чашката за мерење од не`рѓосувачки челик и ставете ја на уред кој нежно грее, како што е уредот за греење кафе за да евапорира надвор она што преостанало од капките вода во маслото. Мошне често, потребно е само малку време за да испари преостанатата вода, но исто така некои врсти произведуваат повеќе природни терпини и флавноиди отколку други. Овие терпини и флавоноиди може да предизвикаат маслото коешто сега го имате на грејачот за кафе да клокоти доста извесно време и може да потрае некое време за ваквите масла да престанат со оваа активност. Кога маслото на грејачот за кафе има мала или повеќе нема видлива активност со меурчиња, тргнете го маслото од грејачот и овозможете да се олади малку, по што ќе може да се префрли во пластични шприцеви за употреба.
Друг начин да се заврши маслото без да се употребува грејач за кафе, е да се стави маслото во релна поставена на 120°C (250°F) на околу 30 минути до еден час. Двата овие начини функционираат многу добро за да го доведат маслото во краен стадиум. Потоа со користење на пластични апликатори или шприцеви без игли достапни во аптеките, полека извлекувајте го топлото масло нагоре со шприцовите, а потоа оставете го да се олади. Како што маслото се стабилизира и доаѓа до собна температура, смолата или маслото што содржи лековити канабиноиди, ќе стане како супстанца во вид на густа маст, којашто потоа е веќе готова да биде употребена како лек. Понекогаш смолата е толку густа што може да биде тешко да се извади од шприцот, откако ќе се олади. Доколку нешто вакво ви се случи, едноставно ставете го шприцот во чаша со топла вода, а потоа по катко време ќе бидете во можност полесно и прецизно да ја истиснете својата доза од шприцот.
Постојат моменти кога пациентот ќе извади премногу масло од шприцот, но доколку ова се случи, само вратете го назад со помош на шприцот, без поголема тешкотија. Во просек, пола кило сув канабис ќе бара околу 2 галони (8-9 литри) растворувач за да се спроведат двете миења кои се потребни, а од 10 гр квалитетен канабис добивате во просек 1 мл екстракт. Ако планирате да произведувате масло од повеќе или помалку почетен материјал (канабис), едноставно направете ја математиката за приближно да утврдите колку растворувач ќе ви биде потребно. Од почетокот до крајот обично процесот трае три до четири часа за да се заврши целосно, а потоа го имате лекот покрај себе готов за употреба! „Исто така, треба да се напомене дека ова масло има исклучително долг рок на траење. Но, за долгорочно чување, јас би го ставил во темно шише со цврст капак или сад од не`рѓосувачки челик. Ако се чува на ладно и темно место, може да ја задржи својата лековита моќ за голем број на години. Од прва, тоа може да изгледа застрашувачки за некој да се обиде да го произведе својот сопствен лек, но во реалноста, овој процес е екстремно едноставен“ - заклучува Рик Симпсон.
Фотографиите се преземени од Зелена Алтернатива: На првата слика има 3 мл од 3 различни масла: светлото лево е од пет индики (La conf. Northern lights, Cream caramel, Uk cheese и Purple bud), тоа во средина е од Kush и тоа десно е од непозната Индика. На втората слика белиот прашок е 100% CBD се додава заради намалување на сајдефектите од огромната доза. На третата слика се додава масло од темјан поради тоа што и темјанот има анти канцерогени својства и одлично работи во комбинација со масло од канабис. На четвртата слика се додава стопен путер од какао. На петтата слика смесата е готова. На шестата се полнат супозиториите. Пациентот имаше прогноза дека ќе живее уште еден месец, а прогнозата беше дадена пред две години :)
