Експериментално, in vitro, интеракциите на канабиноидните рецептори со ЦБД и Δ9-ТХЦ, заедно и одделно, покажаа невронска заштита во мозокот. И CBD и Δ9-THC можат да функционираат како агонисти и антагонисти на различни рецептори во ECS. Δ9-THC, исто така, се покажа дека го штити мозокот од различни невронски напади и ги подобрува симптомите на невродегенерација
Експериментални ин витро канабиноидни рецепторни интеракции
Експериментално, in vitro, интеракциите на канабиноидните рецептори со ЦБД и Δ9-ТХЦ, заедно и одделно, покажаа невронска заштита од екситотоксичност, хипоксија и лишување од гликоза; in vivo, канабиноидите ја намалуваат хипокампалната невронска загуба и инфарктниот волумен по церебрална исхемија, акутна траума на мозокот и индуцирана екситотоксичност. Овие ефекти се припишуваат на инхибиција од пренесување на глутамат, намалување на калциумовиот прилив, намалена микроглијална активација и последователна инхибиција на штетни каскади, како што се генерација на тумор некрозниот-алфа фактор и оксидативен стрес.
Делта-9-ТХЦ
Δ9-THC може да посредува во ефектите на невротрансмитерот серотонин со намалување на невротрансмисијата на 5-HT3 рецепторот. Ова може да придонесе за фармаколошкото дејство при намалување на гадењето. Овој ефект може да се промени со повисоки дози или со хронична употреба на Δ9-THC. Синтетичките аналогии на Δ9-THC, Набилонот (Cesamet, Valeant Pharmaceuticals North America) и Дронабинол (Marinol-Solvay Pharmaceuticals), се пропишуваат за сузбивање на гадење и повраќање како резултат на хемотерапија. Постои ограничена употреба на синтетички Δ9-THC поради повеќе несакани ефекти посредувани преку активирање на ЦБ1 на ЦНС кај оваа популација.
Мозочни невропротективни ефекти на делта-9-ТХЦ
Δ9-THC, исто така, се покажа дека го штити мозокот од различни невронски напади и ги подобрува симптомите на невродегенерација кај животински модели со МС (Multiple sclerosis), ПД (Parkinson's disease), ХД (Huntington's disease), амиотрофична латерална склероза (ALS) и АД (Alzheimer's disease). Како CBD, Δ9-THC може да понуди не-ECS (ендоканабиноиден систем) заштита со директен ефект врз невронските клетки и не-невроналните елементи во мозокот. Механизмите вклучуваат модулација на екситаторни глутаматергични преноси и синаптичка пластичност, модулација на имунолошкиот одговор, ослободување на антиинфламаторни медијатори, модулација на екситабилност на N-methyl-D-аспартатните рецептори и неговиот ефект врз јазолните поврзувања, калциумот и антиоксидантите.
Невродегенеративни болести - Преглед
Невродегенеративните болести вклучуваат голема група на состојби поврзани со прогресивна невронска загуба што доведува до различни клинички манифестации. Хистоморфолошките промени може да вклучуваат глиоза и пролиферација на микроглија, заедно со агрегати на погрешни или аберантни протеини. Најчестите невродегенеративни состојби вклучуваат: AD, ALS, HD, Lewy body disease и PD.
Бројни апликации на ЦБД и делта-9-ТХЦ за невродегенеративни болести
Бројни апликации за ЦБД и Δ9-ТХЦ за невродегенеративни болести се евалуираат за олеснување на симптомите и за третман кај основните патолошки промени на невронското ткиво. И CBD и Δ9-THC можат да функционираат како агонисти и антагонисти на различни рецептори во ECS. Покрај тоа, голем број не-ECS рецептори може да бидат под влијание на ендогените и фитоканабиноидите.
Уредник и новинар: MoniQue Konopova
Извори: NCBI, Surgicalneurologyint
ЧИТАЈ ПОВЕЌЕ:
* НАУЧНА СТУДИЈА: Преглед на невролошките придобивки од фитоканабиноидите - ОПШТО (1 дел)
* НАУЧНА СТУДИЈА: Преглед на невролошките придобивки од фитоканабиноидите - ВОВЕД (2 дел)
* НАУЧНА СТУДИЈА: Преглед на невролошките придобивки од фитоканабиноидите - Подетално за ЦБД и ЕКС (3 дел)
No comments:
Post a Comment