Холандска компанија ја претстави првата монтажна куќа во светот изградена исклучиво од коноп!

Во блиска иднина, жителите на целиот свет ќе можат да живеат во штедлива, одржлива и безбедна куќа целосно изградена од еден тип на канабис, односно од коноп. Не само што овие монтажни домови можат да се градат многу побрзо од конвенционалните модерни куќи, туку се и доста потрајни, потопли, поевтини и поотпорни на земјотреси!

Првата куќа целосно изградена од коноп!

Овој напреден проект е дизајниран и имплементиран од холандската компанија Dun Agro, специјализирана за hempcrete - цигли од коноп, за кои веќе доста имаме зборувано на нашиов блог. За таа цел, се користи индустриски коноп, член на семејството канабис. Покрај за лекови, оваа органска суровина може да се користи за различни намени, од производство на материјали за градба, па сè до храна, текстил и биогорива. За разлика од индискиот канабис, овој индустриски негов братучед не содржи големи количества на тетрахидроканабинол (THC), но поради тоа што содржи доста поголемо количество на канабидиол (ЦБД), од него може да се произведува смола/масло/екстракт/тинктури за третирање на спазми и епилептични напади.

* Ѕидање со коноп! Куќа од коноп изградена во руралните предели на Калифорнија!

Да го вратиме конопот на македонските ниви и полиња!

„Конопниот бетон на Dun Agro е направен од влакна од коноп, вода и сврзно ткиво“ - велат од компанијата. Откако оваа смеса е втисната во калапи, добиените елементи на куќата се сушат три месеци. По сушењето, тие се подготвени за монтажна градба. Дун Агро ја изгради својата куќа од коноп на 30-ти ноември. Оваа компанија веќе ја заврши својата втора конопна куќа, а плановите за блиска иднина вклучуваат продолжување на изградбата и продажбата. Во Холандија, во моментов за одгледување коноп е наменето 1.100 хектари земјоделско земјиште. Земјоделците се одлучуваат за оваа култура поради добрата заработка, леснотијата на производтсво, како и придобивките за животната средина.

* Хемпкрит - еколошко градежништво!

Со оглед на сегашното производство на коноп во Холандија, оваа компанија проценува дека може да произведе до 500 такви куќи секоја година. И овој број, исто така, може да се зголеми, затоа што побарувачката, исто така се зголемува - секој сака да живее во еколошка куќа. Дан Агро не беше првата компанија што се обиде да изгради куќа од канабис, но тие тврдат дека се единствените што целосно успеале да го направат тоа. Како главна предност за купување куќа од коноп оваа компанија го наведува негативниот CO2 отпечаток. Конкретно, конопот во процесот на растење апсорбира 13.500 кг CO2, којшто кај овие куќи и градби останува складиран во бетонот од коноп.

Уредник и новинар: MoniQue Konopova

Извор: Nexus-svjetlost.com

ЧИТАЈ ПОВЕЌЕ:

* Придобивки и начини на употреба на конопот

* БИОГОРИВА - Eнергетскиот потенцијал на индустрискиот коноп!

* Конопот е новиот даб: Изградена е првата американска „конопно-дрварска“ фабрика!

* Новата конопна облека на Levi’s користи помалку вода за одгледување и дава чувство „исто како и памукот“

* Хенри Форд во 1941 создал автомобил од коноп што работел на масло од конопово семе

* ФИТОРЕМЕДИЈАЦИЈА - Канабисот го чисти нуклеарното зрачење и токсичниот хемиски отпад

* Како конопот може да ја деконтаминира почвата и да го спаси светот?

* Дали пластиката од коноп е спасот за нашата планета?

* Зошто на светот му е потребна еколошки биоразградлива пластика од коноп?

* Пластиката од коноп може да го направи светот многу поубаво место за живеење!