Здружение на граѓани за демистификација на канабисот „420 МАКЕДОНИЈА - Скопје“.
Одгледувајте канабис легално! Приклучете се на следниов линк: https://cannergrow.com/r/MV1ZSK
Само обединети сме посилни и даваме поддршка на медицинска, рекреативна и спиритуална употреба на канабисот и индустриската употреба на Конопот во Македонија и ширум светот и противници сме на категоризацијата на Канабисот како наркотична супстанца, бидејќи Канабисот е лековито билно Свето растение...
Погледнете ја оваа прекрасна народна носија! Да! Од коноп се прават ткаенини, материјали, од конопот се прават фармерки...
Македонска народна носија направена од КОНОП!
Интересен факт: Употребата на производи од коноп во времетраење од 1 година, може да се спореди со 12.000 години без пластика! А, да не заборавиме дека од конопот се прави, исто така и пластика и тоа биоразградлива, која не ги загадува океаните ;)
Во блиска иднина, жителите на целиот свет ќе можат да живеат во штедлива, одржлива и безбедна куќа целосно изградена од еден тип на канабис, односно од коноп. Не само што овие монтажни домови можат да се градат многу побрзо од конвенционалните модерни куќи, туку се и доста потрајни, потопли, поевтини и поотпорни на земјотреси!
Првата куќа целосно изградена од коноп!
Овој напреден проект е дизајниран и имплементиран од холандската компанија Dun Agro, специјализирана за hempcrete - цигли од коноп, за кои веќе доста имаме зборувано на нашиов блог. За таа цел, се користи индустриски коноп, член на семејството канабис. Покрај за лекови, оваа органска суровина може да се користи за различни намени, од производство на материјали за градба, па сè до храна, текстил и биогорива. За разлика од индискиот канабис, овој индустриски негов братучед не содржи големи количества на тетрахидроканабинол (THC), но поради тоа што содржи доста поголемо количество на канабидиол (ЦБД), од него може да се произведува смола/масло/екстракт/тинктури за третирање на спазми и епилептични напади.
Да го вратиме конопот на македонските ниви и полиња!
„Конопниот бетон на Dun Agro е направен од влакна од коноп, вода и сврзно ткиво“ - велат од компанијата. Откако оваа смеса е втисната во калапи, добиените елементи на куќата се сушат три месеци. По сушењето, тие се подготвени за монтажна градба. Дун Агро ја изгради својата куќа од коноп на 30-ти ноември. Оваа компанија веќе ја заврши својата втора конопна куќа, а плановите за блиска иднина вклучуваат продолжување на изградбата и продажбата. Во Холандија, во моментов за одгледување коноп е наменето 1.100 хектари земјоделско земјиште. Земјоделците се одлучуваат за оваа култура поради добрата заработка, леснотијата на производтсво, како и придобивките за животната средина.
Со оглед на сегашното производство на коноп во Холандија, оваа компанија проценува дека може да произведе до 500 такви куќи секоја година. И овој број, исто така, може да се зголеми, затоа што побарувачката, исто така се зголемува - секој сака да живее во еколошка куќа. Дан Агро не беше првата компанија што се обиде да изгради куќа од канабис, но тие тврдат дека се единствените што целосно успеале да го направат тоа. Како главна предност за купување куќа од коноп оваа компанија го наведува негативниот CO2 отпечаток. Конкретно, конопот во процесот на растење апсорбира 13.500 кг CO2, којшто кај овие куќи и градби останува складиран во бетонот од коноп.
Што да облечам денес? Јас повеќе не сакам да носам токсични материјали, кои ја загадуваат животната средина! Јас сакам да носам облека од коноп, која е многу потрајна и поеколошка од памучната! Levi Strauss & Co. создаде нова линија на облека направена од коноп која „дава чувство како да е од памук“ Облекувај се еколошки! LEVI’S® WELLTHREAD™ X OUTERKNOWN ви го презентираат „памучниот коноп“!
Конопот бара многу помалку вода и земјиште во вегетативната фаза и има околу половина од јаглеродниот отпечаток на конвенционално израснат памук, но за жал сè уште нема широка примена во индустријата за облека и обувки, заради тоа што е малку погруб од памукот, но потраен... Фармерките направени од коноп се најиздржливите. Првите Levi's фармерки биле произведувани токму од коноп, сè додека не се изврши притисокот ткаенините да се произведуваат исклучиво од памук. За среќа сега повторно, компанијата Levi’s има започнато процес развиен од специјалисти за фибер технологија, кој го омекнува конопот, давајќи му изглед и чувство како „речиси да не се разликува од памукот“ - вели компанијата.
Новите конопни облеки од колекцијата „Wellthread x Outerknown“ пролет/лето вклучуваат фармерки и камионџиски јакни. Тие се направени од 70/30 мешавина од коноп/памук. Конопот е добиен со наводнување од дождовница, со намалена употреба на вода за одгледување на растителните влакна за околу 30%. Овој материјал, компанијата на својата страница вели дека може да се нарече cottonized-hemp - „памучен коноп“. Одржливата компанија за облека Outerknown го разви третманот за омекнување на конопот, кој се користеше во колекцијата Wellthread. Левис вели дека повеќе парчиња облека ќе го користат материјалов во наредниот период.
Новата колекција, исто така, вклучува и шорцеви за бордање од самостојни најлонски влакна, во кои сите материјали - ткаенината, јадрото, рабовите - се направени од најлон и затоа можат целосно да се рециклираат - „со што се постигнува можноста за рециклирање во затворен циклус, што долго време беше избегнувано од страна на компаниите за облека“ - велат Левис. Уште во 2015 година американскиот премиум џинс бренд Hemp Blue започна со производство на тексас од коноп. Колекцијата на Левис Wellthread исто така, лансирана во 2015 година, е создадена со безводна технологија на боење, која користи до 70% помалку вода во споредба со конвенционалното индиго фарбање.
Колекцијата Wellthread x Outerknown започна минатата есен. Линијата вклучува кошули, фармерки и јакни што обезбедува колку што е можно повеќе можност за рециклирање, велат двете сплотени компании. На пример, ватираната камионџиска јакна, има повеќебоен внатрешен облик направен од механички рециклиран памук. Надворешноста од тексас материјал е вткаена со Tencel x Refibra, влакно произведено од дрвени извори од одговорно управувани шуми и хемиски рециклирани памучни остатоци. Outerknown е компанија за облека којашто се занимава со продажба на облека за сурфање направена од еколошки суровини, стартувана во 2015 година со филозофијата на правење на работите на „вистинскиот начин“.
Вестерн кошула: изработена од памучно-конопна мешавина
Со своето мото „People and Planet“ (Луѓе и Планета), компанијата се фокусира на создавање на облека направена одржливо и го признава фактот дека таквата облека мора да има поголема цена. „Ние градиме многу профитабилен бизнис од клиенти, кои не само што ќе плаќаат повеќе за склопот на влакна, туку само ќе носат работи кои ги користат преферираните влакна“ - рече Марк Вокер (Mark Walker), извршниот директор на компанијата. Индустријата за облека сè повеќе се преиспитува за својата одржливост (или недостиг од неа), од употребата на суровини, преку производствениот процес, па сè до пласманот на пазар. Практиките што можеби се игнорирале во минатото - со употреба на токсични хемикалии, нееколошки материјали - ги поттикнуваат брендовите да прават позитивни промени за подобрување на иднината на човештвото и спас на планетата.
Везена камионџиска јакна: изработена од памучно-конопна смеса
Освен Levi's, дел од компаниите кои се чини дека практикуват одржливост кон еколошки одговорни иницијативи се: C&A, The North Face, Timberland и Vans.
„ПОДОБРО ЗАЕДНО“ - велат тие!
„Оваа сезона, ќе ги видите овие принципи отелотворени во лежерна и лесна колекција. Во дел од тековната соработка со Калифорнискиот бренд за сурфање Outerknown, ќе најдете потполно рециклирани, 100% најлонски шорцеви за бордање, маички направени од рециклирани фармерки, стилска везена вестерн кошула, камионџиска јакна и 511™ Slims направени од памучен коноп и завршени со користење на нашите технологии Water<Less®“ - велат Levi's на нивната официјална Веб страница.
„НАСТРАНА ОД ПАМУКОТ“
„Воведувањето на памучниот коноп е од огромно значење. Не само за оваа колекција, туку за целата индустрија. Додека конопните култури користат значително помалку вода со помалку од половина од јаглеродниот отпечаток, до сега, тоа даваше груба текстура, поблиска до ленот, отколку до памукот. За да го решиме ова, соработувавме со специјалисти за фибер-технологија за да создадеме процес на „памукување“ (cottonization - котонизација) кој ќе ги омекне влакната - користејќи многу малку енергија или хемиска обработка - за да го направи да изгледа и, што е уште поважно, да дава чувство кое речиси не може да се разликува од памукот. Иновативниот развој на овој коноп хранет со дожд овозможува да биде вткаен како памукот во вашите фармерки - исто одлично чувство, многу помалку вода“ - заклучуваат тие.
Што се тоа трихоми? Што во врска со нивната содржина? Што во врска со нивната улога? Како и сите делови од канабисовото растение, така и трихомите, сами по себе се посебни на свој начин, специфични за нешто и величествени!
Кога ќе ги погледнете цветовите на марихуаната, ќе забележите дека постојат мали кристално блескави топченца по површината во кои се соджи лекот. Читајќи литература за канабисот многу често го среќаваме поимот трихоми и единственото нешто што во кој и да е контекст е напишано за нив е кратка дефиниција дека претставуваат жлезди преполни со смола од активните состојки, во вид на микроструктури кои ги има во голем број околу пупките од цветот, но и на листовите. Ќе откријам една тајна за нив - имено токму овие магични топчести жлездички се показател дали канабисовите цветови се подготвени за берба, доколку од бели се претворат во килибарно-кафени.
Значи, трихомите се оние малечки и кристални влакненца кои ги покриваат туфките и со себе го носат најдобриот дел од лековитите состојки, а тоа се канабиноидите, терпените и флавоноидите. Имено, хашишот се прави токму од овие малечки кристални влакненца поради тоа што тие ја содржат скоро целата смола на растението, што го прави и доста леплив вид на екстракт! Значи, најимпактантната карактеристика на трихомите е нивната способност да ги создаваат канабиноидите и терпените, иако долго време научниците мислеле дека ТХЦ со останатите канабиноиди се создаваат во зелените ткива на растението и се транспортираат до трихомите за време на цветањето. Но, не е така!
Сите делови од канабисовото растение имаат барем малку ТХЦ во него, додека туфките имаат 25-30% ТХЦ од сувата маса, поради тоа што сите делови од туфката се прекриени со трихоми, од внатрешното стебло, па се до околните ливчиња. Ова е сè што ќе кажеме за трихомите засега... За домашно, разгледајте ги трихомите на вашите канабисови цветчиња и направете добри фотки и испратете ни ги за да ги објавиме на ФБ страницата, до наредниот текст – продолжение на овој серијал за трихоми. Да ѝ оддадеме симболичен гест на почит и поклон кон оваа Универзумска карактеристика на растението Канабис, моќта да ја создава материјата која претставува лек и ресетирање за духот, умот и телото, посебно во овој период од колективната човечка свесност! Најавувам дека наредниот текст ќе зборува повеќе за морфологијата, физиологијата и разни останати карактеристики на трихомите.
Пластиката од коноп може да го промени светот. Затворени сурови пластични гранули. Ако ги погледнете, можете да распознаете индивидуални влакна. Ако ви кажам дека постои начин со помош на кој може да се произведе најмногу од она што веќе го користиме на обновлив, биоразградлив начин, кое има многу мала јаглеродна димензија, збогатена со механички својства и понатаму е конкурентна со токсичните материјали кои се веќе во употреба, зарем не би се запрашале зошто тоа сè уште не е во масовна употреба?
Проучете за пластиката од канабис
Мораме повеќе да се грижиме за нашата планета и да ги користиме био-разградливите и обновливи ресурси, како штое конопот - расте за 3 - 4 месеци... Од коноп може да се прави пластика, Хенри Форд направил автомобил од коноп, кој работел на биодизел гориво од коноп. Конопот може да ја замени секоја индустриска суровина, освен стаклото и металот.
Пластиката од коноп е композитен материјал од база на полимери збогатена со влакна како додаток. За да го разбереме самиот материјал, прво треба да ги погледнеме неговите компоненти. Индустрискиот канабис е широко прифатен термин за контролирано одгледување на сорти Канабис сатива (Cannabis sativa). За што многумина не се свесни е дека ова растение не е исто како и неговата психоактивна сестра, марихуана (Cannabis indica). Индустрискиот коноп содржи помалку од 0,5% THC (тетрахидроканабинол), психоактивна супстанца која содржи марихуана. Затоа, не е можно да се надувате од индустрискиот коноп. Тој дури содржи и супстанца наречена CBD (канабиол) која ја блокира и исклучува оваа можност, затоа што претставува антидотум на психоактивниот ефект на ТХЦ-то. Овој вид култура некогаш беше столб на американската економија, но во 1930-тите нејзиното одгледување беше прогласено за незаконско и казниво дело.
Ослободувањето на канабисот продолжува да се развива изобилно во сите делови на светот и произведува едно од најтрајните природни влакна од растително потекло познати на човекот. Тие влакна имаат примена во многу индустриски гранки, вклучувајќи текстил, хартија, храна и биолошки индустрии. Пластиката од канабис е биопластика добиена со употреба на индустриски коноп. Постојат разлики во материјалите кои се рефлектираат на нивото на влакна од канабис, кои ја формираат полимерната база. Тие можат да варираат од стандардна пластика со армирано влакно, до оние со 100% на целулоза од канабис. Ова овозможува широк спектар на механички својства на добиената пластика, кои можат да се прилагодат за друга цел. Постојат многу предности за користење на пластика од канабис во споредба со употребата на стандардни полимерни соединенија добиени од нафта. Ние детално ќе опишеме некои од тие предности:
Поголема издржливост со минимална тежина
Со додавање на органски влакна од конопна пластика, матрицата на полимерната база е зајакната. Овие влакна се протегаат преку случаен аранжман, правејќи го материјалот посилен во сите правци, за разлика од јаглеродните влакна или бамбусните влакна, кои се паралелни со паралелата и се значително послаби. Во споредба со вашата стандардна пластика изработена од полипропилен (ПП), пластиката од канабис може да се пофали со 150% повисока истегливост (цврстина на истегнување), максимална сила до точка на кршење и до 250% повисока толеранција на вкочанетост, под силата на свиткување или деформирање на материјалот.
Со додавање на влакна од коноп, материјалот станува исклучително лесен. Додека силата и издржливоста значително се зголемуваат, вкупната густина се зголемува само маргинално. Ова заедно резултира со производство на композитен материјал кој има карактеристики на исклучително силна издржливост со совршен сооднос на густината и силата. Ова создава можност за примена во области каде што во исто време е потребна комбинација од висока издржливост и леснотија на материјали, како што се автомобилската, воздушната и вселенската индустрија.
Кога е направена од биоразградлива база на полимери добиени од канабис, пластиката е целосно биоразградлива и погодна за рециклирање. Ова е местото каде што лежи најголемиот потенцијал на овој материјал. Вообичаено, процесот на рециклирање се смета за повторна употреба или со обезбедување на нови форми на механички делови, додека користењето на повеќе биоразградливи материјали може да воспостави сосема нов животен циклус на еден производ кој е многу повеќе еколошки.
Циклусот започнува кога билката коноп се собира и се распаѓа на компоненти (суровини) неопходни за процесот на производство. Како резултат на процесот, производот се произведува постапно. По отпадот, производот се носи во депонија каде што природата сè си прави сама. Производот е разложен на хранливи материи како ѓубриво потребно за раст на растенијата, а со тоа циклусот е завршен. Пластиката од коноп е вистински одржлива алтернатива за употребата на стандардни пластики добиени од нафта.
Погодна за животната средина
Конопот е познат по својата способност да апсорбира јаглероден диоксид (CO2), кој го вдишува до четири пати како што расте за 12-14 недели, наместо просечното дрво за истиот период. Производството на пластика од канабис бара помеѓу 22 и 45% помалку енергија, отколку производство на пластични фосилни горива. Земајќи ја предвид количината на емитиран јаглерод диоксид за време на периодот на раст, намалувањето на јаглерод е повеќе од 70%, од кои повеќето доаѓаат од самиот процес и употребата на механизација за време на процесот.
Конкурентна цена и едноставност на производството
Цената на суровините за производство на пластика од коноп е неспоредливо пониска од цената на суровините за производство на пластика од маслени соединенија, затоа што конопот созрева за практично 90 дена, тој е биообновлива суровина. Канабисните култури се екстремно лесни за растење и можат, како што е прикажано досега, да бидат сјајни речиси насекаде. Од овој факт произлегува изреката: „Расте како коноп (плевел)“. Исто така неверојатно ја обновува почвата. Одгледувачите ќе го искористат како одлична култура за регенерација и дополнување на почвата со минерали кои ги апсорбираат другите култури за време на сезонскиот циклус. Единствениот проблем со кој се среќаваме е фактот дека ова сè уште е нелегално ... и дека многу компании мора да го увезуваат.
Лесна за произведување
Пример за составен дел изработен од пластифициран коноп: систем за вшмукување за воздухот во автомобилот. Пластиката од канабис е сосема погодна за инјектирање, овозможувајќи им на многу производи да се произведуваат од неа секој ден. Овој процес почнува со тоа што суровината се топи во внатрешноста на бункерот и потоа се влева во калапи. Откако материјалот ќе се стврдне, делот е завршен, значи пластиката се лие. Овој процес е многу ефикасен и со многу малку трошоци може да се произведат многу комплексни делови од сложената геометриска структура. Со сите придобивки што општеството може да ги има од употребата на пластика од канабис и легализирање на одгледувањето индиски коноп, срамно е што уште е нелегално. Нашата мисија е да ја подигнеме свеста кај луѓето преку едукација. Ве охрабруваме да се вклучите во револуцијата на ослободување на канабисот и да го следите нашиот развој.
Археолозите откриле дека конопот - мешавина од коноп, глина и вар - ги спречил познатите антички Ellora пештери од распаѓање. Студиите спроведени во Европа сугерираат дека објектите изградени со употреба на cannabis sativa може да траат до 600-800 години! Овие пештери докажуваат дека само 10% од канабисот помешан со глина или вар може да трае како градба над 1.500 години...
Влакната од канабисот по сé изгледа имаат подобар квалитет и издржливост од останатите влакна. Дополнително, смолестите и лепливи својства на канабисот веројатно исто така помогнале глината и варта да се сврзат во поцврст сврзувачки материјал.
Влакната од конопот имаат голема издржливост и квалитет, тие ѝ помагаат на глината и варта да се сврзат. Извесни студии од Европа проценуваат дека малтерот од канабис може многу долго да трае и покрај надворешните влијанија и зголемената влажност за време на дождовните сезони во Индија!
