Во Кингстон се отвори продавница за канабис и кафетерија

Јамајка ја отвори својата прва продавница за малопродажба на канабис. Се наоѓа на пазарот при Constant Spring Road, а ги отвори своите врати пред две недели. Церемонијата за сечење на лентата го означи почетокот на новата ера за употреба на медицинска марихуана во Јамајка, со браќата Карибе (Karibe) и Двејн Мекензи (Dwayne McKenzie) на чело

Како прва компанија која ќе добие лиценца за обработка и малопродажба од страна на Управата за лиценцирање на канабис (Cannabis Licensing Authority - CLA) во Јамајка, EPICAN нуди производ кој е вкоренет во сонцето и почвата во Јамајка. Браќата Мекензи поминаа три години да ги едуцираат локалните фармери за методите кои ги задоволуваат меѓународните стандарди за растење, во обид да го промовираат марихуана земјоделството во Јамајка, надвор од сенките на глобалната сцена. Двејн Мекензи, претседател на EPICAN, вели дека отворањето на продавницата ќе ги потенцира терапевтските својства на растението канабис и тој е среќен што Јамајканците конечно имаат место каде можат да одат за да се едуцираат за растението и сите други придобивки. 

* Ефектите на канабисот врз бременоста - консумирањето е корисно како за мајката, така и за идното бебе - студија во Јамајка

„Во Јамајка, канабисот ќе биде произведен од лиценцирани производители и ќе биде дистрибуиран за да им помогне на луѓето - станува збор за терапевтски поборници на растението канабис“ - рече тој со својот брат, посочувајќи дека нивната долгорочна цел е Јамајка да се приклучи кон разговорот за марихуаната на меѓународната сцена. „Од 2015 година, Епикан ги студира и идентификува домородните јамајкански соеви на канабис, како и прави анализа на односот на канабиноиди и терпенски профили во тие растенија заедно со Научниот совет за истражување на Јамајка (Jamaica's Scientific Research Council - SRC), во обид да се утврди што го прави канабисот уникатен“ - објасни Карибе, извршен директор на ЕПИКАН. „Нашиот долгорочен национален стратешки интерес е да обезбедиме конкурентност на индустријата за марихуана во Јамајка“ - додаваат. Покрај вертикално-интегрираниот објект за одгледување, Епикан исто така, располага со фабрика за екстракција од 5.000 квадратни метри, која може да обработува и поддржува сопствено производство на органски култури. 

* Како да помогнеме конопот побрзо да се ослободи во Република Македонија?

Објектот се фокусира исклучиво на екстракција, идентификација и формулација на канабиноиди и терпени за медицински цели на пазарот во Јамајка. Тие сакаат да се осигураат дека продолжуваат да произведуваат конзистентен производ со највисок квалитет, потентност и чистота. Лекарите беа на самото место на отворањето нудејќи бесплатни медицински услуги, квалификувајќи ги гостите за нивните медицински марихуана картички. ЕПИКАН во моментов вработува над 50 локални фармери во својот растечки објект во Сините Планини (Blue Mountains). Тие, исто така, ја започнаа првата конференција за канабис на CanEx, Јамајка, додека продолжуваат да работат на едуцирање на јавноста за придобивките од канабисот преку нивното спонзорство од Rebel Salute's Herb Curb, останувајќи верни на нивната тема за „едуцирање, лекување и воздигнување“ (educate, medicate, elevate). На отварањето имаше и добра ноќна забава.

Автор: Кате К.

Извор: Jamaica-gleaner

Како продавниците на канабис ги подобруваат населените места?

Локалите за продажба на канабис имаат способност да ги подобрат населбите и местата за живеење. Покрај тоа, тие им помагаат на пациентите и на сите оние кои консумираат канабис. За жал, сè уште постојат многубројни дебати за тоа дали на ваквите диспанзери треба да им се даде дозвола за работа? 

Оние кои се залагаат за уништување на канабисот тврдат дека канабисот ги прави населбите полоши места за живеење, но дали е навистина така? Ви претставуваме 3 начини на кои продажбата на канабисот во специјалните диспанзери го подобрува животот во населбите и маалата:

1. Локалите за продажба на канабисот го намалуваат криминалот

Едно истражување направено во 2017 година покажало дека со отварањето на локали кои легално продаваат канабис се намалил и криминалот, а истовремено и се подобрил животот во населбите. Ваквите локали имаат сигурносни системи, имаат обезбедување надвор и внатре во локалот, а вработените брзо реагираат на било каква сомнителна активност. 

2. Локалите за продажба на канабис ги зголемуваат вредностите на станбената сопственост

Индустријата за канабисот има позитивно економско влијание во државите кои легализирале оданочена и регулирана продажба на канабисот. Регулираната продажба на канабисот се очекува да произведува 655 милиони долари во даночни приходи за државите во 2017 година.  

Една важна придобивка од индустријата за канабисот е тоа што станбените објекти лоцирани во близина на локалите за продажба на канабис имаат тенденција да вредат повеќе, отколку оние кои се лоцирани подалеку од нив. 

3. Ваквите локали го намалуваат консумирањето на терапии со опиоиди

САД се сочинува од само 5% од светската популација, а користи 80% од светските опиоиди. Многумина предложиле да се овозможи и олесни пристапот до канабисот како помош. Во едно истражување направено исто така во 2017 година биле споредени третманите со опиоиди во населбите каде што нема локали за продажба на канабисот, со оние каде што постоеле такви локали. Резултатите покажале дека во населените места каде што има вакви локали, употребата на разните конвенционални апчиња како третман била намалена за 20%. Локалите за продажба на канабисот буквално можат да спасат живот.

„Луѓето не мораат да користат штетни лекови кои ги прават зависни, доколку не го сакаат тоа. Истражувањата покажале дека голем број од луѓето би го избрале побезбедниот лек, доколку во нивната област на живеење би се отворил ваков локал“ - велат истражувачите.

Автор: Ангела Т.

Извор: Learn Green Flower

Време е за легализација, вели сопственик на диспанзер за канабис од Канада

Како се чувствувате кога сте уапсени?

Ова е она што Роланд Свифт (Roland Swift) ги запрашал своите вработени, пред да ги вработи во High Tides, диспанзерот за медицински канабис кој штотуку беше отворен во Дигби, Канада. Тоа е реалноста со која се соочуваат секојдневно, во очекување на легислативата за легализација на марихуаната, со што ќе се стави крај на диспанзерите кои се наоѓаат во Нова Шкотска. „Ние сме во сива област и се држиме за нашите вратови за да им помогнеме на луѓето. Сите сме страсни за ова и за да направиме разлика“ - рече Свифт

Roland Swift

Чекајќи зелено светло

High Tides прво беше отворен на 31 август. Тоа е медицинска продавница за канабис, што им продава само на оние со рецепти за канабис и кои се постари од 19 години. Оваа продавница има дозвола за работа од општината Дигби и е официјална на секој начин, освен еден - диспанзерите сè уште се технички нелегални. „Ние стоиме гордо, знаејќи дека зборувавме со  Ројалната канадска полиција на коњи (RCMP - Royal Canadian Mounted Police), со градот и дека тие знаат дека сме 100 проценти транспарентни. Ова е велнес центар и ние сме навистина тука да им помогнеме на луѓето“ - додава Свифт.

Диспанзерот делува како аптека 

Ashley Roberts

Свифт, менаџерот Ешли Робертс (Ashley Roberts) и помошник менаџерот Колби Тибодо (Colby Thibodeau) продаваат медицински канабис производи, а исто така одржуваат консултативни сесии со сите несигурни пациенти за тоа што ќе функционира најдобро за нив. Примероците се исто така давани на секој со рецепт и ограничен приход, исто како што аптеките или докторот понекогаш ќе обезбедат мал примерок на нов лек.

Време е за образование

Не само што диспанзерот работи со 100% транспарентност, туку исто така го охрабрува секој кој е љубопитен да ги достави своите прашања и набрзо да замине со одговори. „Најголемиот дел од нашата работа овде, надвор од продажбата е образованието“ - истакнува Свифт. „Повеќето луѓе кои се плашат или се против канабисот едноставно не се информирани за тоа што тој може да направи за луѓето“ - рече Робертс.

Colby Thibodeau

Едно од најголемите појаснувања за канабисот е дека тоа е заеднички термин за различни марихуана и канабиноидни производи. Друга точка на разјаснување со клиентите е дека постојат форми на канабис што може да ги консумирате без да го почувствувате хајот, без да се надувате. ЦБД или канабидиол, е уште една состојка што се наоѓа во марихуаната, но за разлика од ТХЦ, една од главните состојки што го предизвикува хајот, но таа не ве надувува. Постојат и различни методи на употреба, како што се пушењето, јадењето и капсулите кои може да се земаат како пилула и секој начин на консумирање дава различен ефект.

„Тоа сè уште помага да се справите со болката и има други бенефиции без да го надуваат корисникот“ - додава Робертс. Медицински канабис, исто така, може да се користи за многу повеќе од само контролирање на болката, за што е најпознат. Робертс рече дека некои клиенти исто така го земаат за да огладнат, бидејќи немаат апетит. „Може да се исмејувате дека несаканите ефекти се смеа и глад, но знаете што, тие за некои луѓе се целиот свет“ - заклучува Свифт.

Лична инвестиција

Sherry Outhouse

Свифт е од Островот Брајер и вели дека неговата мајка е меѓу оние што најмногу се против марихуаната кога тој растел. „Мајка ми ми рече дека ќе ме исфрли од животот ако не престанам“ - рече Свифт. „Ѝ испратив книгата за медицинските придобивки од канабисот, а таа се смени за 180 степени. Таа ме држеше и плачеше, велејќи: ‚Има толку многу луѓе што не знаат‘“ - вели тој.

Сестрата на Свифт, која работела како затворски чувар и била целосно против употребата на канабисот, дури и медицински, ја изгубила битката со ракот минатиот Божиќ. Таа одлучи во своите последни недели повеќе да не зема опијати, бидејќи не можеше да помине време со своите деца. „Добивме рецепт за производи од канабис и тоа беше ноќ и ден. Таа го поврати достоинството, нејзината болка не беше голема и беше во можност да каже збогум на нејзините деца. Тоа значеше цел свет“ - рече Свифт.

Дома во Дигби

Робертс се чувствува добро во врска со нејзината нова позиција со High Tides. Тибодo се чувствува исто така, заедно со рецепционерката Шери Оутхаус. „Имавме навистина добар прием во Дигби и мислам дека тоа е добар знак“ - рече Робертс. Свифт се согласи, велејќи: „Единственото нешто што сум го забележал е многу љубопитност, што ние го поздравуваме тука“. Додека разговара за неговиот бизнис, неколку луѓе минуваат низ вратите. Едниот е средовечен, другиот е постар, а третата се чини дека е во нејзините доцни дваесетти години.

„Таа разновидност таму е токму она што го бараме и е причината што ја преместив продавницата повторно дома во Дигби“ - рече Свифт, кој ја затвора својата локација во Халифакс. „Тука видов потреба, каде што е потешко да се најдат лекари кои ќе се согласат да препишуваат канабис. Постарите генерации живееле во време кога медиумите ги исплашиле за канабисот. Мораме да работиме за да го смениме тоа, а нашата најдобра алатка се информациите“ - дополнува Свифт. Тој, Робертс, Тибодо и Оутхаус имаат големи надежи дека, со тројцата новодојдени доктори  во Дигби, прогнозите се добри!

Роланд Свифт е сопственик на новоотворената канабис аптека High Tides, диспенсар за медицински канабис во Дигби. Тој е страстен за медицинскиот канабис поради тоа што им помогна на неговата мајка и сестра во последните денови додека се бореа со ракот. „Им даде [нив] достоинство и значеше свет“ - истакнува тој. Ешли Робертс е менаџер на продавницата. Таа е страсна за едукација на луѓето за тоа зошто медицинскиот канабис може да им помогне на луѓето. „Мојата баба го разбрала тоа кога имала рак и дали знаела дека постоеле производи кои би можеле да ѝ помогнат за нејзината болка, без да чувствува хај, тоа можеше навистина да ѝ помогне“ - рече Ешли.

Колби Тибодо работи во центарот, бидејќи тој е страстен за пристапот. „Има толку многу луѓе кои не можат да пристапат до диспанзерите поради далечината, финансиите и други причини“ - рече тој. „Јас работам овде за да помогнам тоа да се промени“. Шери Оутхаус познавала неколку луѓе кои земале медицински канабис и кои виделе итни подобрувања. „Само сакам други луѓе на кои им треба помош да знаат дека сме тука за нив“ - рече таа.

Автор: К. К.

Извор: Annapolis County Spectator