Сте слушнале ли дека постојат врсти на црн канабис?

Како последен текст од оваа серија посветена на боите на канабисот, покрај розевиот и белиот, ви го претставуваме црниот канабис! Која е причината за постоењето на црн канабис? Зошто некои растенија потемнуваат? Промената на боите кај растенијата најчесто се случува поради климата

Црн канабис

Канабисот кој  расте на топла, медитеранска клима, најчесто е светло зелен. Растенијата кои растат на посвежа клима, започнуваат да создаваат соединенија кои ги претвораат во виолетови. Ваквото соединение се нарекува антоцијанин, а за растението претставува нешто како природен антифриз, како кај розевиот канабис.  Овој антифриз му помага на растението да ја задржи водата која бега од листовите бидејќи формира кристалчиња од мраз помеѓу клетките на листовите.  Со други зборови, на колку поладна клима ќе расте растението, толку повеќе антоцијанин ќе произведува.

* Ако ти здосади зеленото, лекувај се со розев канабис!

Антоцијанинот се произведува повеќе кај растението и во случај кога тоа е премногу суво. Всушност, канабисот произведува повеќе антоцијанин кога растението е изложено на некаков стрес. Оттаму, можеме да заклучиме дека создавањето на повеќе антоцијанин  кај растенијата е карактеристика која им помага за подобро да се прилагодат на околината и да преживеат во одредена околина. Генетиката е уште еден важен фактор за постоењето на црниот канабис.

Генетиката и животната средина се во постојана интеракција за да ја регулираат бојата на растенијата. Студената клима го поттикнува создавањето на антоцијанин кај растенијата, но сепак, некои растенија полесно го создаваат ова соединение за разлика од други. Теоријата за ова е дека некои видови на канабис имаат рецесивен фенотип кој им овозможува полесно да ја претворат гликозата во антоцијанин.

* Дали постои бела трева, односно албино канабис? ДА! Но, зошто?

7 познати видови на канабис со црни карактеритики:

• The Black

• Vietnamese Black

• Black Domina

• Black Diesel

• Black Widow

• Black Jack

• Black Mamba

Сакате да пораснете свое црно канабис растение?

Доколку сакате да одгледате свое растение кое ќе порасне црно, започнете со тоа што ќе пронајдете одреден вид на канабис со црни карактеристики. Изложувајте го на интензивна светлина, а средината во која треба да расте одржувајте ја свежа. И секако, не претерувајте со премногу вода. Не заборавајте дека секоја марихуана има лековити својства без разлика на бојата, мирисот и вкусот.

Автор: Ангела Т.

Извор: HERB

Дали постои бела трева, односно албино канабис? ДА! Но, зошто?

Сите ние сме виделе фотографии од неверојатно бели, кристални и светкави туфки и листови од канабис. За што всушност се работи? Тоа е албино-канабис! Ако некое растение е албино, тоа значи дека не произведува хлорофил

Албино марихуана :)

Ако пак, не произведува хлорофил, најверојатно тоа растение ќе живее (по)кратко. Хлорофилот е потребен за фотосинтеза, за растенијата да добиваат енергија од сончевите зраци. Затоа, албино канабисот има и одредени „модификации“, а според фитопатологијата (науката за растителните видови) тоа се еден вид на маани. Ова може да го сметаме за една од најубавите грешки, т.е. чуда на природата...

* Сте слушнале ли дека постојат врсти на црн канабис?

Доколку растението не создава енергија од сончевите зраци, логично тоа ќе умре. Освен ако не се работи за имела или некој друг вид на паразитско растение. Ваквите растенија се закачуваат на корените на други растенија и ги крадат нивните хранливи материи, што не е случај со канабисот! Многу од овие паразити се албино, без ни малку зелена боја на нив. Интересно е прашањето – Како канабисот ќе создаде плодови доколку не може да создава хлорофил? Одговорот е едноставен: Само некои делови од растението се албино, а не целото растение! 

* Ако ти здосади зеленото, лекувај се со розев канабис!

Деловите од растението кои не се албино се способни и доволни за фотосинтеза. Овие делови ги снабдуваат останатите албино-делови од растението со хранливите материи кои им се потребни. Но, доколку едно растение е целосно албино, тоа нема да успее да порасне. Многу одгледувачи сè почесто одгледуваат ваков вид на албино канабис, а тоа е најчесто поради неговиот уникатен декоративен изглед.  Други пак, не го преферираат овој вид поради тоа што растението ќе биде помалку продуктивно и ќе дава многу помал принос за разлика од неговите „зелени“ браќа и сестрички.

Зошто луѓето се скептични во врска со постоењето на албино канабис?

Разни извори го негираат постоењето на албино канабисот. Причината за ова е тоа што постои уште една причина зошто канабисот би можел да биде албино и нема никаква врска со генетиката. Албино канабисот може да биде резултат и на прекумерна изложеност на LED-осветлување. Високата температура предизвикува горење и честопати се случува плодовите да станат кафени наместо бели. Во секој случај, постојат два причинители за појавата на албино канабис:  изложеноста на LED-осветлување или пак генетската мутација! Доколку сте сведок на овој или сличен редок канабис феномен, покажете ни ги фотките од вашите албино или шарени туфки и откријте ни дали се работи за осветлување на растението или пак, модифицирани гени!

Автор: Ангела Т.

Извор: International Highlife

Ако ти здосади зеленото, лекувај се со розев канабис!

Канабисот се појавува во разни форми и бои. Од црн, до црвен, па постои дури и албино-канабис! Но, од каде доаѓаат сите овие бои? Дали канабисот навистина може да произведе светли бои? Дали постои розев канабис? Одговорот е ДА!

Розев канабис

Канабисот може да произведе малку розева боја. Всушност, сите видови на канабис  кои содржат розеви нијански го содржат и зборот „розево“ во своето име, како што се:

• Pink Berry

• Pink Candy

• Pink Mango

• Pink Kush

• Pink Panties

Како и да е, секој вид на канабис ја изразува бојата на различен начин. Кај некои видови (пр. Pink Berry) самата пупка е розевa по боја. Кај други видови, само толчникот е светло розев.  ЗОШТО КАНАБИСОТ СТАНУВА РОЗЕВ? Постојат две основни причини зошто канабисот станува розев: генетиката и околината. До одредена мера, генетиката на растението одредува дали тоа растение може да развие потемна боја. Но, исто така е важна и интеракцијата помеѓу генетиката на растението и околината, за одредената боја да дојде до израз.

* Сте слушнале ли дека постојат врсти на црн канабис?

Црвената, розевата, виолетовата и сината боја во канабисот се произведени од антоцијанин, односно молекули со пигмент кои растенијата ги создаваат. Одредени истражувања докажале дека виолетовата боја на растението може да претставува нешто како „антифриз“, заштитувајќи го растението од студеното време.

Како да направите вашето растение да добие поинтензивна боја?

Секое растение е различно, но сепак постојат неколку работи што можете да ги направите за вашето растение да добие поубава и поинтензивна боја.

1. Обрнете внимание на генетиката

Важно е да одберете одреден вид на канабис кој има боја. Истражете и откријте видови на канабис кои произведуваат розеви плодови, а не само розеви цветови.   

2. Одржувајте поладна температура

Бидејќи студеното време го поттикнува создавањето на антоцијанин кај некои растенија, се препорачува растението да се чува на посвежо место и во текот на денот и навечер. За поголем број на виолетови видови канабис, во текот на ноќта се препорачува температура под 21°C.

Сепак, температурата не треба да изнесува под 18°C.

* Дали постои бела трева, односно албино канабис? ДА! Но, зошто?

3. Обезбедете квалитетно осветлување за растението

Докажано е дека сончевите зраци навистина може да влијаат врз промената на бојата на листовите, па затоа треба да се инвестира во добро осветлување за растението. Покрај тоа што светлината ќе му овозможи на растението побрз раст, исто така ќе ја направи неговата боја поинтензивна и „пожива“. Во секој случај, треба да се внимава и на тоа да не ги изложуваме растенијата на премногу светлина за да се избегне сушење или горење на растението.

Автор: Ангела Т.

Извор: HERB

Други растенија кои содржат состојки слични на канабиноидите, но не се канабис

Марихуаната доби централно место како едно од најкорисните лековити растенија на планетава, впрочем се покажа дека е најкорисното од сите (над 50 илјади регистрирани употреби)  и најбезбедното од сите (0 смртни случаи). Но, дали знаевте дека постојат и други растенија, цвеќиња, билки и зачини коишто исто така содржат соединенија слични на канабиноидите? ДА!

Чоколадата го зголемува износот на анандамид во телото

Канабиноидите се природни хемиски соединенија кошто се поврзуваат со најголемиот регулаторен систем во нашето тело наречен Ендоканабиноиден систем (ЕКС). ЕКС е одговорен за одржување на хомеостазата во телото. Хомеостазата е совршен внатрешен баланс кој е потребен за оптимално здравје. Подолу е листа на растенија коишто не се марихуана, коишто се легални и кои исто така се имаат улога во ендоканабиноидниот систем, сепак ништо не може да ја замени терапевтската моќ и нетоксичноста на канабисот... Канабис растението го отвори патот за откривање на ендоканабиноидниот систем во нашите тела. Сега ботаничарите и природните научници сметаат дека молекулите слични на канабиноидите во растенијата се поприсутни отколку што првично се сметаше. Сите растенија наведени погоре имаат вредни терапевтски својства. Многу од нив се користат како традиционални лекови со векови. Ние само што започнуваме да разбираме зошто тие се покажаа како толку корисни.

Echinacea

ЕХИНАЦЕА (Echinacea)

Медицинските употреби на ехинацеата се добро познати и далеку достижни. Ова растение може да направи по малку од сè - од борба против обична настинка до олеснување на симптоми на анксиозност, замор, артритис, мигрена и други болести. Се чини дека некои видови на ехинацеа содржат соединенија кои го стимулираат ЕКС слично како канабиноидите. Поконкретно, тие содржат канабимиметици (cannabimimetics). Овие хербални канабимиметици се малку поинакви од оние што се наоѓаат во марихуана растението. Овие соединенија се познати како N-алкил амиди (N-alkyl amides - NAAs). Канабимиметиците во растението ехинацеа комуницираат со CB2 рецепторот. Овој рецептор во голема мера е одговорен за регулирање на имунолошкиот систем и воспалителниот одговор. Во канабисот, психоактивниот канабиноид ТХЦ е примарен стимулатор на CB2 рецепторот. Афинитетот на TХЦ со овој рецептор е делумно поради тоа што се очекува да биде ефикасен во лекувањето на нарушувањата поврзани со воспаленија. Исто така, познато е и дека растението Oxeye (Heliopsis helianthoides) ги содржи овие видови на канабимиметици.

Acmella oleracea

ЕЛЕКТРИЧНА МАРГАРИТКА - (Acmella oleracea)

Исто така познат како растение за забоболка, по потекло од Амазон може да биде претворена во силен гел против болки. Официјалните испитувања на овој гел базиран на растителна основа спроведени од Универзитетот Кембриџ откриле дека растението било успешно во блокирањето на рецепторите за болки во нервните завршетоци. Канабиноидните соединенија познати како N-изобутиламиди (N-Isobutylamides) делуваат на CB2 рецепторот, со тоа што ова цвеќе со чуден изглед го прави моќен лек против болки и воспалителни процеси. Оваа билка е толку моќна, што во моментов се смета за нов лек по избор за стоматолозите кои работат со болни заболувања, како што се осмиците (умниците). 

Helichrysum umbraculigerum

HELICHRYSUM UMBRACULIGERUM

Оваа маргарита која е по потекло од Јужна Африка содржи соединение слично на канабигерол (CBG). CBG има антидепресивни својства, го стабилизира на расположението и има анти-воспалителни својства. За време на предавањето на годишниот состанок на Меѓународната организација за канабиноидни истражувања, италијанскиот хемичар за природни производи, Џовани Апендино (Giovanni Appendino), објави дека сортата хелиризиум се користела „како конопот, за да се создадат испарувања во ритуалните церемонии“ во африканската фармакологија. Тој, исто така, сугерираше дека соединенијата во ова растение може да имаат „психотропско дејство... слично на канабиноидите“.

Radula marginata

ЛИВЕРВОРТ (Radula marginata)

Излегува дека може да има друга верзија на THC во светот. Оваа Новозеландска ливерворт содржи перротетиненска киселина (perrottetinenic acid). Прво е откриена во 2002 година, а најважно е тоа што оваа киселина е неверојатно слична на THC. Дури се очекува да дејствува и на CB1 рецепторот. CB1 рецепторот е примарно место за врзување на THC и е она што му дава на соединението психоактивни ефекти. Досега не се пријавени никакви психоактивни ефекти за оваа сорта растение. Но, растението историски се користи како природен третман за бронхитис, како и за проблеми со жолчното кесе, црниот дроб и мочниот меур. Ова навестува дека постои голема медицинска вредност во овие лишаи.

Theobroma cacao

ЧОКОЛАДА - (Theobroma cacao)

Познато е меѓу пушачите на канабис дека ако консумирате темна чоколада пред да се надувате, тоа го зголемува вашиот хај. Ова е затоа што чоколадата содржи соединенија кои се поврзуваат со ендоканабиноидниот систем. Слично на непсихоактивниот ЦБД пронајден во марихуаната, чоколадата содржи соединенија кои комуницираат со одреден ензим во телото. Овој ензим е познат како FAAH. FAAH е одговорен за распаѓањето на ендоканабиноидот познат како анандамид во нашите тела. Анандамид е нашата природна верзија на ТХЦ. Соединенијата во чоколадата го блокираат овој ензим, зголемувајќи го износот на анандамид во телото. Ова нè прави да се чувствуваме среќни, опуштени и генерално добро. Понатаму, во 1996 година, истражувачите од Институтот за невронаука во Сан Диего, откриле дека две одделни соединенија во чоколадата делуваат како канабиноиди во телото, но нејасно било дали делуваат преку директен или индиректен ангажман со канабиноидните рецептори. 

Piper nigrum

ЦРН БИБЕР (Piper nigrum)

Некои видови марихуана како Hash Plant имаат вкус и арома на бибер. Причината за ова? Тие содржат високи нивоа на одреден терпен, наречен бета-кариофилен (beta-caryophyllene - BCP). Терпен е ароматска молекула што се наоѓа во етеричните масла од растенијата. Не е изненадувачки, овој посебен вкус исто така се наоѓа во црниот бибер. Речиси неодамна беше откриено дека BCP всушност функционира како канабиноид. Како и многу други растителни соединенија наведени во оваа статија, BCP има врзувачки афинитет со CB2 рецепторот. Истражувањата сугерираат дека антиинфламаторните соединенија на овој терпен го прават терапевтски вреден за лекување на состојби како што се артритис и остеопороза. Други истражувања покажаа дека BCP може да ја зголеми ефикасноста на лековите против рак. Ова се само неколку растенија кои се покажаа дека се врзуваат со ендоканабиноидниот систем. Неколку други се Перуанска мака и Кинески рододендрон. 

Автор: К. К.

Извор: HERB

Сè што треба да знаете за откривањето на канабисот!

Многу одамна пред забраната, пред многу луѓе дури и да знаат дека канабисот постои, научниците морале да го класифицираат и категоризираат ботанички, што само потврдува дека е (не)вообичаена билка. Описите и примероците од овој временски период генерално не се забележани од јавноста, па проверете ги овие стари примероци и описи на нашето омилено растение собрани од страна на храбрите истражувачи

Навраќајќи се назад во историјата, веројатно првиот ботанички опис на растението сега познато како канабис, се појавил во книгата наречена „Хортус Малабарикус“ (Hortus Malabaricus). Оваа масовна компилација првпат излезе во 1678 година во Амстердам и дава описи и цртежи на 780 лековити растенија од холандската територија Малабар. Во книгата се наведува неговата употреба како извор на влакна и исхрана, како и неговите лековити својства, па дури и е спомнната практиката на пушење. Во книгата, растението било наречено Kalengi-Cansjava или Tsjeru-Canjava.

Името канабис

Најпознат по своите детални илустрации, Хортус Малабарикус не разочарува со цртежите на Kalengi-Cansjava и Tsjeru-cansjava, но за жал уметникот не го доловува  растението за време на цветањето. Текстот, напишан на латински, ја опишува анатомската градба на растението, неговата употреба за влакна и семе, неговата употреба како лек, па дури и референци дека се користел за пушење. Името потекнува од домородниот јазик Malayalam од регионот Малабар во Индија, сега познат како Керала.

* Ботанички карактеристики на канабисот и стандардизација на екстрактите

Подоцна создавачот на современата таксономија, Карл Линеус (Carl Linnaeus), го развил системот на именување, рангирање и класифицирање на организми во 1753 година, кои сè уште ги користиме денес. Тој за прв пат објавил записи во кои се спомнува денешното име на оваа билка - канабис сатива. Зборот „канабис“ (Cannabis) потекнува од грчкиот збор Kannabis, а „сатива“ - ботанички термин што значи култивиран. Тој користел диви примероци на канабис од неговата родна Шведска, од кои два се сочувани во Линнеанскиот хербариум.

Current Name: Cannabis sativa Linnaeus

Сликата од десната страна има статус на лектотип, што значи дека тоа е дефинитивен пример за видот на Cannabis sativa, L. Карл Линеус (Carl Linnaeus) го напиша следново во својата книга Species Plantarum: „Живеење во Индија“ (Habitat in India). Илустрацијата на канабис во Хортус Малабарикус го натера да верува дека родот потекнува од Далечниот Исток. 

* Разлики помеѓу ИНДИКА и САТИВА врсти на канабис

Иако тој набројал многу различни имиња за растението, Линеус кажал дека родот канабис се состои само од еден вид: канабис сатива. Другите ботаничари и научници низ вековите сметаат дека родот има повеќе од еден вид, но дефиницијата на Линеус, никогаш не е официјално изменета. Различните видови канабис се технички подвидови на cannabis sativa. 

Диверзификација на видот

Системот за класификација на Линеус дефинирал само еден вид на растението, со неколку подврсти според регионот, но со текот на годините, научниците додале и одземале други видови, подвидови и сорти од родот врз основа на регионот и други карактеристики, но современите научници генерално користат класификација на само три генерални подвидови: Индика, сатива и рудералис. Хибриди се видови создадени со вкрстување на овие три.

* Што е Канабис РУДЕРАЛИС?

Првиот научник кој ја направил поделбата на канабисот на два подвида бил Жан-Бабтист Ламарк (Jean-Babtiste Lamarck), во неговата Encyclopédie méthodique: botanique објавена во 1783 година. Таму е даден неговиот општ опис на видот канабис, а потоа и детален опис на разликите кај европската канабис сатива и индиската канабис индика или „Chanvre cultivé, Cannabis Sativa“ и „Chanvre des Indes, Cannabis Indica“. 

Погледнете го овој поучен филм!

Автор: К. К. 

Извор: High Times, HERB

Што е тоа канабис РУДЕРАЛИС?

Канабис РУДЕРАЛИС е третата голема варијација на растенија од семејството Канабис, покрај Сативата и Индиката. Тој за прв пат бил пронајден во дивината на Јужно-источна Русија, но и во Полска и Чешка и за прв пат е класифициран во 1924 година од страна на рускиот ботаничар D.E. Janischevsky

Раѓа многу малку туфки
со малку THC

Местата во сите држави во кои првично е пронајден, биле диви предели и тоа над 50 степени северно од Екваторот. Името Рудералис доаѓа од „примитивно“ и овој термин се користи од страна на ботаничарите за да се опишат жилавите, диви и не-домашни растенија, со други зборови - тревишта. Мислењата на научниците дали Рудералисот е засебна врста на Канабис или пак, дали е хибрид од Сатива и Индика - се поделени. Имено научната студија од 2005 година откри дека нема доволно генетски податоци кои би потврдиле дека Рудералисот е посебна врста. Како и да е, генерално и народски кажано Рудералисот се смета за дива врста на Канабис.

Канабис Рудералис се разликува од Сативите и Индиките по многу карактеристики, а пред се` растот - големината на растението, изгледот на листовите, изгледот на целото растение, како и по условите во кои успева. Рудералисот е многу помал во раст за разлика од сативата и индиката со максимална височина од 90 см, расте многу брзо, а што се однесува до листовите, тие се исто така многу мали и тенки (најчесто со пет или три краци, од кои последните краци кај основата се значително мали). Рудералисот обично не се разгранува или му се јавуваат само неколку споредни гранки и раѓа многу малку цветови. На Рудералисот не му е потребна посебна светлосна шема за да започне да цвета. Тој автоматски започнува со цветање како што расте, без разлика колку сонце прима во текот на животниот циклус. Значи неговата старост е услов за цветањето, а не количината на светлината, т.е. фото-периодот и за разлика од сативите и индиките може да издржи многу постудени климатски услови.

Разликите помеѓу трите врсти на Канабис.
Кликнете на сликата за да ја видите во целосна големина

Се карактеризира со 
својот мал раст

Рудералисот до неодамна беше сметан за бескорисен. Поради ниското ниво на канабиноиди, а пред се` THC и CBD - оваа врста на Канабис сама по себе не е вреднувана на пазарот за медицинска и рекреативна употреба. Хемискиот состав на Рудералисот многу наликува на составот на Конопот. И покрај ова од неодамна поради неговите типични особини, т.е. негова позитивна страна - способноста за „само-цветање“ (autoflowering), потоа брзото растење и временските (не)прилики (како на пример студ) што ова растение лесно ги поднесува и не му претставуваат пречка, па затоа истото се користи за вкрстување со сативи и индики. На тој начин се добиваат квалитетни само-цветни семиња со доминантни карактеристики на сатива или индика (или двете од еднаш, бидејќи сите три можат меѓусебно да бидат вкрстувани), но се задржуваат и карактеристиките на само-цветање и брзо растење од рудералисот. Оваа техника е особено значајна за одгледувачите кои живеат во постудените предели од светот или пак, за оние кои што растат во надворешни услови. Поради брзиот раст на ваквите хибриди, возможна е берба дури и неколку пати во годината.

Основни разлики помеѓу Канабис САТИВА, ИНДИКА и РУДЕРАЛИС