Како да се откажеш од пушење цигари со помош на ЦБД?

Што вели науката? Во минативе неколку години направени се две многу интересни истражувања за откажувањето на цигарите со помош на ЦБД на University College London. Истражувачите претпоставиле дека „лековите кои го изменуваат ендоканабиноидниот систем можат да бидат ефективен третман за никотинската зависност“. Сепак, потребни им се повеќе истражувања

Првото истражување кое е објавено во 2013 година вклучило 12 зависни пушачи на кои им бил даден инхалатор со Канабидиол, а на други 12 пушачи плацебо инхалатор за да го користат кога имаат потреба да запалат цигара. Истражувањето заклучило дека оние со инхалатор со ЦБД го намалиле внесот на цигари за 40%, додека оние кои користеле плацебо немале значајна промена. Во мај оваа (2018) година, значи пред само неколку месеци, објавено е друго истражување на оваа тема во Обединетото Кралство. Имено, на 30 зависни пушачи им се дало 800 мг ЦБД орално или плацебо. На учесниците им се покажале „сликовити ознаки со тутун“ и биле тестирани за откажување, желба, пулс и притисок. Во вистинскиот живот, овие „ознаки со тутун“ би можеле да се ситуации каде можноста за враќање на навиката е највисока, како на забави или со друштво кое пуши. Интересно е она што го откриле: единствената доза од 800 мг на ЦБД помогнала да се намали „задоволството“ гледајќи ги ознаките со цигари, споредено со плацебо групата, посебно кога учесниците апстинирале од цигари во текот на една ноќ.

* Зошто луѓето треба да престанат да ја споредуваат марихуаната со алкохолот и цигарите?

Бидејќи повторувањето е мајка на знаењето, да се потсетиме на основната карактеристика на ЦБД, дека тоа е непсихоактивен канабиноид во канабисовото растение и располага со тон медицински придобивки, вклучувајќи ублажување на анксиозност и болка. Плус, продуктите богати со ЦБД добиени од коноп, а со мала концентрација на ТХЦ се достапни и кај нас. Значи, опциите се бројни кога бараме ЦБД за откажување од цигари, а исто така и начините на консумирање на состојката се многубројни. Наједноставен начин да се откажете од цигари е да го промените само составот на цигарата :)

* Цигарите го намалуваат IQ-то, а не џоинтите!

Крај на зависностите!

Иако заменувањето на тутунот со ЦБД цвет може да биде најлесниот начин за откажување на цигарите, оваа техника се користи само во првите неколку недели, за целосно да се победи желбата за пушење. Повеќето од најуспешните техники за откажување од цигарите вклучуваат замена на пушачката навика со нови и поздрави навики, како прошетка после оброк или уживање во шоља чај, наместо цигара во моменти кога ти текнува на цигара. Сума сумарум, замената на тутунот со цигари од ЦБД не е долгорочно решение, но е првиот и сигурен чекор во транзицијата. 

* Канабисот како природен лек за зависности од тешки дроги

Потоа, поздраво е да избереш електорнска цигара за вапорицирање на маслата или да конзумираш ЦБД орално во форма на масло, гума за џвакање, спреј и сл. Истражувањата покажале дека дневна доза на ЦБД им помага на зависниците да се откажат и од други супстанци како опиоиди и кокаин. Да се пуши марихуана за да се откажат цигари не е нова финта, но за да се избегне успореноста од премногу напушеност, предноста на ЦБД се крие во тоа што ти помага да се ослободиш од стресот и од желбата да запалиш уште една, без да ти влијае на моменталната состојба.

* Зошто избелените ризли не се најмедицинскиот избор?

„Како што со радозналост и радост ги откривам благодетите на ова свето растение со секој нов ден, мојата восхит и понизност пред ова растение растат со секое ново изгрејсонце“ - Ваш Никола

Автор и Основач на здружението: Никола Станчески

Извори: News.herbapproach

Читај повеќе: 

* Нова научна студија вели дека пушењето канабис од страна на идните мајки е сосем во ред!

* Туберкулозата најбезбедно, најприродно и најуспешно се лекува со канабис!

Канабисот е помалку опасен од шеќерот, алкохолот и цигарите, велат студиите

Три супстанции далеку поопасни од марихуаната се најлесно достапни во секоја продавница. Тутунот, алкохолот и шеќерот се три легални супстанци што создаваат повеќе зависност од тревата, а исто така постои и поголема веројатност да предизвикаат заболувања

Канабисот е побезбеден од пивото

Анкетата спроведена од NBC News и The Wall Street Journal, откри дека сè повеќе и повеќе луѓе почнуваат да се согласуваат дека канабисот е побезбеден од „секојдневните“ производи како пивото и цигарите. Кој би помислил? Само 9% од луѓето ја рангираа марихуаната како најштетна од четирите понудени супстанцу, речиси половина од анкетираните 41% го одбраа тутунот, 24% го наведоа алкохолот и 21% сметаат дека шеќерот е најопасен. Со оглед на долгогодишното прикривање на здравствените придобивки на марихуаната и ширење дезинформации и лаги за ова лековито растение, овие резултати се изненадувачки за властите.

* Студија: продажбата на алкохолот опаѓа по легализацијата на канабисот

* Алкохолот го оштетува мозокот повеќе од канабисот, открива студија

Канабисот е побезбеден од шеќерот

Коноп е се соочува со државни контроли; одгледувањето во многу држави бара дозвола што во основа е невозможна да се добие. Сепак, производите од коноп успеваат да останат легални. Додатоците и лековите од коноп можат исто така да помогнат за да се поддржи доброто здравје. Попречувањето на конопот, секако, не e толку сериозно ако случајот со канабисот. Канабисот е погрешно демонизиран речиси еден век, за среќа конечно почнавме да се освестуваме. Некои лекари дури се согласуваат дека алкохолот е поопасен од канабисот. Д-р Арон Керол (Aaron Carroll), професор по педијатрија на Медицинскиот факултет во Индијана, за CBS News изјави дека, додека тој смета дека првиот одговор секогаш треба да биде дека ниту една од овие опции, тој сепак верува дека алкохолот е полош.

* Научна студија потврдува дека алкохолот е почетничка дрога, а не Марихуаната!

Џоинтот е побезбеден од цигарите

Керол рече: „Откако ќе ги поминете сите податоци и ќе погледнете што е поопасно во скоро секоја мерка што ќе ја изберете, канабисот навистина изгледа како да е побезбеден од алкохолот“. Тој исто така додава дека криминалните активности во кои е вклучена марихуаната, имаат врска со нејзината нелегалност и нелегалната дистрибуција, и дека нема многу насилни злосторства извршени од консументите на канабис. Анализите исто така потврдуваат дека во земјите каде што канабисот е легализиран, стапката на криминал се намалила значително. Спротивно на тоа, има многу голем број на кривични дела кои вклучуваат алкохол како компонента. Алкохолот е познат по тоа што придонесува за насилни напади, тепачки, одмази, што дури можат да завршат и трагично. Керол вели: „Тој (алкохолот) е далеку полош од она што се случува со тревата“.

* Како законот за употреба на медицинската марихуана го намалува криминалот во многу држави?

Кликни на сликата. Повеќе за терпини

Покрај тоа што не предизвикува криминал во општеството, а законот ги криминализира корисниците, иако позитивно влијае врз младите како што велат и други истражувања, тревата исто така, се чини дека создава многу помалку зависност од цигарите, шеќерот и алкохолот. Истражувањата покажуваат дека само 9 проценти од луѓето кои експериментираат со тревата може да станат зависни. Спротивно на тоа, повеќе од 20 проценти од луѓето кои експериментираат со алкохол ќе станат зависни или ќе го злоупотребуваат, а канабисот не може да биде злоупотребен. Значи, во реалноста, алкохолот и цигарите имаат далеку поголема веројатност да предизвикаат проблеми подоцна во животот. Единствената вистинска причина зошто алкохолот и тутунот вообичаено се „прифатени“ од општеството е поради тоа што веќе долго време беа дел од нашата култура. Марихуаната се третира исто како што алкохолот бил третиран за време на забраната. Забраната за алкохол завршила во 1933 година, а марихуаната од 1850 до 1936 година бил примарна билка од којашто се правеле најкористените лекови за третирање на повеќе од 100 различни болести и здравствени состојби во САД! Нели е време за промена?

* Зошто луѓето треба да престанат да ја споредуваат марихуаната со алкохолот и цигарите?

Автор: MoniQue Konopova

Извор: Newstarget

Зошто луѓето треба да престанат да ја споредуваат марихуаната со алкохолот и цигарите?

Да ги погледнеме податоците и да се повикаме на науката, еднаш засекогаш! Уживајте во овој експериментално богат, експлицитен текст преполн со податоци. Повикајте се на очигледната вистина и во нејзина чест, понизно и љубопитно одберете ја правилната, од Мајка Земја дадена супстанца за здрава разонода првиот нареден пат

Марихуана, алкохол и никотин

Во 2015 година научниците користеле нов метод за да го измерат ризикот од смрт од 10 чести и нелегални супстанции. Истражувањето вклучувало: канабис, алкохол, тутун, хероин, кокаин, МДМА (екстаза), метамфетамин, дијазепам, амфетамин и метадон. Истражувањето открило дека алкохолот претставува највисок ризик на смрт, пропратен од никотинот, кокаинот и хероинот. А, канабисот останал последен на листата, како најбезбедна супстанца, иако споредена со алкохолот и тутунот.

* Научна студија потврдува дека алкохолот е почетничка дрога, а не Марихуаната!

Резултатите, според водечкиот автор Дик Лахенмаер (Dick Lachenmeier), повторуваат поранешни и веќе познати резултати од други истражувања, но со комплетно различна методологија. Истражувањето го извршиле со нова техника за одредување ризик наречена „Маргина на изложеност“ (Margin of Exposure - MOE). Во суптина, овој метод се фокусира на односот меѓу дозата која се карактеризира со лош ефект и количеството кое луѓето типично го користат. Според истражувачите, опасностите од канабисот биле преценети во минатото, додека ризикот од алкохол бил најчесто потценет, пренесува NBC News; откриле дека алкохолот е 114 пати посмртоносен од канабисот.

Кликни на сликата!

Алкохолот е одговорен за 1 од 10 смртни случаи кај возрасни луѓе

Според Центарот за контрола и превенција на болести, најверојатно 1 од 10 смртни случаи на возрасни во работен однос во САД им се припишува прекумерна употреба на алкохол. Алкохолот е поврзан со секакви болести - од срцеви до рак. Труењето со алкохол (предозирање) предизвикува 2.000 смртни случаи годишно. Додека кој и да е репутабилен експерт кој ги познава фактите ќе ти потврди дека никогаш не е евидентирана смрт од предозирање со канабис во историјата. „Гледаме животи еден по друг проголтани од алкохолот“ - вели д-р Питер Гринспун (Peter Grinspoon), кој практикува основна нега во болницата Масс Генерал Хоспитал, изјавува WBUR. „Сè што гледаме се фамилии кои се распаѓаат поради алкохолот“ - додава тој. Дури, не мора да одиме ни далеку за да видиме животи уништени од тутунот. „Како доктор по примарна нега, низ 20 години никогаш не сум видел ни еден живот згаснат од марихуаната“ - заклучува.

* Студија: продажбата на алкохолот опаѓа по легализацијата на канабисот

Тутунот се смета за водечка превентабилна причина за смрт во САД

Истражувањата докажаа дека тутунот е далеку поштетен од канабисот врз белите дробови. Пушењето цигари е одговорно за повеќе од 480.000 смртни случаи во САД, вклучувајќи повеќе од 41.000 смртни случаи од пасивно пушење (изложеност на  чадот од цигарите), според CDC. Или околу 1.300 смртни случаи дневно. Пушачите на тутун умираат просечно 10 години помлади од непушачите. Додека вдишувањето на каков и да е чад ги оштетува дишните патишта и буди симптоми на бронхитис, канабиноидите од чадот на марихуаната очигледно  се исклучок од ова правило бидејќи имаат подобрувачки ефект врз дишните патишта, намалувајќи ја штетата поради астма или никотин. Истражувањата неуспеале да пронајдат корелација меѓу употребата на марихуана со рак на белите дробови, рак главата и вратот.

* Како канабисот ја третира астмата и го олеснува дишењето?

Канабисот не ја оштетува функцијата на белите дробови, барем не дозата која ја вдишуваат најголем број на корисници, според најголемото и најдолго истражување од својот тип некогаш, изјавува TIME. Истражувачите откриваат дека додека на пушачите на тутун им се намалува функцијата на белите дробови со текот на времето, чадот од канабисот имал неочекувани и очигледно позитивни ефекти. Нечести до умерени корисници на канабис, всушност, покажале зголемен капацитет на белите дробови, споредени со непушачи на два теста. На еден од тестовите, дури и долгорочните, тешки корисни на канабис покажале повисока фунција од непушачите.

* Срце, крвен притисок и астма (извадок од Протоколот на Рик Симпсон „Лекот за рак“ стр. 93 - 95)

Автор: Никола Станчески

Извор: HERB

Цигарите го намалуваат IQ-то, а не џоинтите!

Научната студија објавена во зборникот Фитофармакологија - Journal of Psychopharmacology докажа дека пушењето ја намалува интелигенцијата, но пушењето цигари, а не пушењето џоинт. Истражувањето беше спроведено врз малолетници и истото ги анализираше податоците од 2.235 деца

Ајде на кафе и џоинт,
наместо на кафе и цигара! ;)

Истражувањето го спореди користењето тутун и цигари и влијанието што го има чадот од овие две органски материи врз интелигенцијата на возраст од 15 години, но и постигнатиот успех и способноста за учење на возраст од 16 години.

Испитаниците се дел од лонгитудиналната студија Avon на родители и деца (Avon Longitudinal Study of Parents and Children). „Многу се дебатира за влијанието на употребата на канабис врз адолесцентите и нивните интелектуални и образовни резултати. Ние ги истраживме врските помеѓу адолесцентната употреба на канабис и коефициентот на интелигенција, но и образовната подготовка“ - велат научниците.

Постојат многу образложенија за тоа дека канабисот не ги оглупува луѓето. Тутунот, алкохолот, дрогите и лековите влијаат врз оштетувањето на мозочните клетки. Докажано е дека канабисот ги уништува клетките, но само оние на канцерот. Сите нормални клетки од телото ги регенерира и ја поттикнува неврогенезата, т.е. создавањето на нови мозочни клетки и со самото тоа може да те направи попаметен. 

Канабисот е природен лек за болни и здрави!

Според резултатите оние кои користеле канабис 50 пати имале исти резултати како оние кои никогаш не ја користеле. Научниците велат дека постои голема поврзаност помеѓу пушењето цигари и намалениот успех во образованието. Имено податоците потврдија дека пушењето цигари го намалува коефициентот на интелигенција и успехот кај оние што никогаш не пробале канабис! Не постојат никакви докази дека марихуаната ја намалува интелигенцијата.

„Овие наоди укажуваат на тоа дека адолесцентната употреба на канабис не е поврзана со IQ или образовните перформанси...“ - истакнуваат научниците. Тие велат дека цигарите се проблемот. Потенцијалните нерегуларности во концентрацијата што може да се јават кај почетниците кои веднаш започнуваат со обилно користење канабис, не се трајни и се само моментални.  Сето тоа е сосем нормално и е составен дел од процесот на лекување: сонливост, глад, жед, состојба на медитација на умот и тн. Ова се саканите последици на канабисот - поттикнување на сите нормални и природни метаболички процеси во организмот. 

Само простите луѓе пушат цигари -
фрлаат пари во канта за нешто кое нема
ниту една (здравствена) придобивка!

Драги родители, нема од што да се плашите затоа што статистиките покажуваат дека легализацијата на марихуаната не ја зголемува употребата од страна на тинејџерите. Плашете се од вашето незнаење и неинформираност, затоа што треба да се гордеете доколку вашето дете го направи вистинскиот избор и им каже „ДА“ на билките, а „НЕ“ на легалните штетни супстанци (алкохол, цигари, апчиња...). За нив иако се докажано токсични, најчесто немате проблем доколку вашето дете ги користи, затоа што „сите тоа го прават“. Но, не грижете се... Се` ви е простено, затоа што човекот учи додека е жив!

Научна студија потврдува дека алкохолот е почетничка дрога, а не Марихуаната!

Реална споредба

Колку и да мислите дека алкохолот е безопасен и не е штетен во „одредени количини“ и дека е сосема ОК да се консумира „од време на време“ оваа отровна течност и да се биде пијан секој викенд - искуството и фактите го потврдуваат спротивното. Неодамнешна студија објавена во The Journal of School Health го сруши наметнатиот мит дека наркоманијата започнува со Канабис. Додека оваа заблуда може да е реалност за некои наркомани, оваа студија потврди дека ова не важи генерално за сите луѓе. Имено таа откри и потврди дека поверојатно е

алкохолот да дејствува како почетничка дрога и причина за злоупотреба на други супстанци, за разлика од Марихуаната. Оваа студија потврди дека консумацијата на Марихуана не е никаков показател за тоа дали лицето ќе се префрли на користење („други“) лесни и тешки дроги или пак, не.

„Со одложувањето на моментот на започнување со консумирање алкохол, стапката на злоупотреба на легални супстанци како што е тутунот и нелегалните супстанци како што е Марихуаната и другите дроги ќе бидат позитивно засегнати, т.е. намалени“ - изјавува ко-авторот на студијата Adam E. Barry, професор-асистент при Универзитетот во Флорида на катедрата за здравствена едукација и однесување (University of Florida’s Department of Health Education & Behavior) за Raw Story во едно ексклузивно интервју.

Додека студијата на Бери дава докази дека однесувањата со злоупотреба на супстанци може да бидат предвидени со голема мера на точност преку истражувањето на историјата со дроги на испитаникот, тој верува дека упорното потенцирање на теоријата дека Марихуаната е почетничка дрога кон многу штетни супстанци отиде наопаку затоа што нејзините творци - кои ја нарекоа „отскочна даска“ за време на ерата „Reefer Madness“ („Тревно лудило“) од 1930-тите години.

„Некои од овие претходни повторувања потребно беше да се конкретизираат и разјаснат“ - изјави Бери. „Токму затоа ние сакавме ова да го истражиме. Последната форма од теоријата за

„почетничка дрога“ е тоа што таа започнува со Марихуаната и се поместува кон она што лаиците го нарекуваат „потешки дроги“. Како што може да забележите од резултатите во нашата студија, таа ги потврди овие „почетнички“ хипотези, но прогресијата се движи започнувајќи од легалните супстанци, особено алкохолот, а потоа се движи кон нелегалните супстанци“. Не без причина алкохолот и цигарите се легални - колку повеќе алкохоличари и завистини од цигари - толку повеќе болни луѓе кои спасот ќе го бараат во фармацијата и ќе станат потрошувачи на лекови.

Треба да го сфатиме тоа дека се` е индивидуално и всушност стандардизираната прогресија на премин од користење на една материја кон друга, не го засега секој корисник на дроги. Студијата го зеде во предвид и овој факт. „Постоеја многу малку грешки во бројот на точните предвидувања за идното однесување во однос на користење супстанци... со околу 92% точност - изјави Бери.

Со споредувањето на стапките на злоупотреба на супстанци помеѓу алкохоличарите и луѓето кои консумираат алкохол, тие открија дека постарите средношколци кои консумирале алкохол дури и еднаш во својот живот „биле 13 пати поизложени на ризикот од користење на тутун, 16 пати поизложени на ризикот да користат Марихуана и други наркотици и 13 пати поизложени на ризикот од користење кокаин“ - тврди овој истражувач.

Оваа студија треба да ги освести сите луѓе кои се инволвирани во програмите за едукација и ширење на свеста за опасностите од злоупотреба од дроги, бидејќи потребно е да се обрне поголемо внимание на едукацијата за алкохолот и штетните псоледици од него. Вкоренувањето на фактот дека алкохолот е број 1 опасна дозволена супстанца чие што користење потоа наведува кон користење на лесни и тешки дроги - може да ја заврши војната со дрогите еднаш засекогаш. Ова е возможно само доколку законодавците и сите останати инволвирани во едукацијата одлучат да ја применуваат науката во корист на јавното здравје.

Оваа општествена заблуда e потхранувана од страна на алкохолната индустрија. Една друга студија објавена во 2010 година во медицинското списание Lancet го рангира алкохолот како најопасна и најштетна дрога од сите останати. Според оваа студија алкохолот е дури и поопасен од хероинот, крекот, метамфетаминот, кокаинот и тутунот. Студијата покажа исто така дека штетните дејства од алкохолот врз околината и другите биле двојно поголеми од штетите што ги предизвикува хероинот.

Искуството на пациентите кои се лекуваат со Канабис, како и на рекреативните корисници и оние кои користат Канабис како превентива, покажува дека Марихуаната е почетничка дрога кон фрижидерот, бидејќи отвора апетит, а воедно не дозволува да се здебелите. Како може ваква лековита билка да се смета за опасна и штетна дрога? Уште почудно е тоа како може да верувате на овие лаги!? Да беше алкохолот во ред, немаше да биде строго забрането возењето под дејство на алкохол.