Здружение на граѓани за демистификација на канабисот „420 МАКЕДОНИЈА - Скопје“.
Одгледувајте канабис легално! Приклучете се на следниов линк: https://cannergrow.com/r/MV1ZSK
Само обединети сме посилни и даваме поддршка на медицинска, рекреативна и спиритуална употреба на канабисот и индустриската употреба на Конопот во Македонија и ширум светот и противници сме на категоризацијата на Канабисот како наркотична супстанца, бидејќи Канабисот е лековито билно Свето растение...
Оваа недела, третото читање и гласањето за законот за легализација на канабисот ќе се одржи во Сенатот на Канада. Се чини дека постои перцепција дека ако не ги дизајнираме и не започнеме масовни кампањи за подигање на свеста веднаш, тогаш може да се случи по легализацијата да настане пекол кај дезинформираната јавност
Канабисот е ЛЕК! Не ги лажи младите дека е поинаку!
Додека итноста околу образованието за дистинкција на дрогите од канабисот може да биде добронамерна, искусвото ни покажува дека тоа не секогаш претставува превенција и намалена употреба. Она што го знаеме од систематските прегледи на кампањите за подигање на јавната свест за употреба на канабисот е дека тие во голема мера се неефикасни во менувањето на однесувањето. Во најдобар случај, можеме да покажеме зголемено општо знаење, но има многу малку докази за да се поддржи тврдењето дека програмите за образование што се испорачуваат преку владините кампањи во масовните медиуми се доволни за спречување или менување на обрасците за употреба на супстанци.
Таквите кампањи се предизвик кај оној сегмент на деца кои се повеќе склони да преземат ризици и да експериментираат со лекови. Идејата дека државните напори за образование понекогаш го прават спротивното од она што го имаат како намера е познато во истражувачката литературата како јатрогени ефекти (iatrogenic effects), нешто што се гледа во широко користените програми базирани во училиштата, како што е D.A.R.E. во САД (Drug Abuse Resistance Education - Образование за отпорност против злоупотреба на дроги). Не само што оваа програма D.A.R.E. е оценета дека покажала мало влијание врз намалувањето на употребата на супстанции, програмата всушност била поврзана со зголемување на употребата на некои супстанци! Едно нешто што се чини дека ние како здружение го правиме подобро кога станува збор за младината, всушност, е тоа што се консултираме со нив за програмите, политиките и кампањите што ги развиваме.
Потребата за развивање на културно соодветни ресурси за канабис не доби големо внимание до сега - и истото може да се каже за пристапите кон образование кои ќе допрат повеќе до младите луѓе кои живеат во сиромаштија, т.е. најранливите категории на лица до кои овие кампањи не допираат. Ако имавме неколку милиони долари за да се трошат на едукација за канабисот, не би сакале да инвестираме во сјајни брошури или остри кампањи на социјалните мрежи. Ние би оделе во заедниците со ранливи категории на граѓани, кои најчесто се исклучени од кампањите, за на лице место да се увиди што им е потребно и како треба да се дејствува. Еднократната едукација за канабисот или скапите кампањи за информирање преку медиумите, најверојатно нема да променат многу, но тоа ќе ни овозможи да се навикнеме. За потоа здруженијата на граѓани кои се борат за ослободување на конопот да ја завршат својата обврска за постојано информирање и едуцирање на јавноста што сè уште е во заблуда.
Сојузната влада на САД предложи 62,5 милиони долари да бидат доделени за јавно образование за канабис во последниот буџет, што е во прилог на 46 милиони долари веќе инвестирани во 2017 година. И покрај некои од тврдењата за потенцијално негативното влијание на легализацијата врз американската младина, статистиките не го потврдуваат тоа. Ние треба да дејствуваме и имаме време да застанеме и да размислиме за она што го правиме пред легализацијата. Науката за превенција на нештата ни кажува дека е поважно да ги сфатиме работите правилно, а тоа значи да не даваме политички притисок за да направиме нешто инстантно во даден момент. Во следните неколку години ќе има многу иницијативи за јавно образование за канабисот и неговата употреба со истражувачки докази. Но, ниедна кампања нема да има влијание врз преваленцата на употреба или стапките на штети, колку што е можноста за добивање на регулаторната рамка.
Една група постари љубителки на тревата се зафаќа со турнеја на источниот брег на Австралија за да ги едуцира своите сограѓани за здравствените придобивки од канабисот. Идејата беше развиена за време на патувањето во Мелбурн во јули минатата година, кога четворица пријатели, шегувајќи се за „Canna Nannas“, контактираа со американската група за легализација на канабисот „Grannies for Grass“
Овие паметни бабички Кана Нанас се промената!
Тие наскоро беа официјални Grannies for Grass (Бабички за тревата) амбасадори за Австралија, иако тие се одлучија да го зачуваат австралискиот прекар „Canna Nannas“. По „огромниот“ одговор на нивната прва работилница на Голд Коуст во септември минатата година и неколку работилници на друго место, Кана Нанас закажаа турнеја во 2018 година на регионални места, Квинсленд и Нов Јужен Велс. Нивните семинари се фокусираат на медицинската употреба на производи од канабис и важноста на вклучување на семето од коноп во човечката исхрана. Тие се отворени работилниците се наменети за пошироката јавност, даваат целосни правни совети и покрај масовното присуство на полицијата за време на нивните настани.
Тековниот систем е несоодветен
Во 2016 година, Федералната Влада усвои закони кои дозволуваат употреба на медицински канабис во ограничени случаи, при што Владата на Квинсленд минатата година го легализираше пристапот со лекарски рецепт. Но, достапноста на производот преку медицинскиот систем останува полна со тесни грла, црвена лента и збунетост, при што само 500 австралијци сега легално користат дозволен канабис. Лекарите и пациентите предупредија за континуираното постоење на просперитетен црн пазар кој ќе се грижи за пациентите кои не можат да го добијат производот со рецепт. Ко-основачот на Кана Нанас, Деб Линч (Deb Lynch), рече дека системот каков што е во моментов е несоодветен за многу пациенти со итна потреба.
Настаните, наместо тоа, ги поттикнуваат учесниците да го заобиколат медицинскиот систем и да направат сопствени масла, путери, тинктури, лосиони и масти. За да се избегне одговорноста, групата не ги советува пациентите каде може да најдат состојки, туку им демонстрира методи на екстракција на маслото од канабис, на кора од портокал наместо канабис. Г-ѓа Линч изјави дека ја изгубила вербата во медицинскиот систем за да обезбеди олеснување за нејзината здравствена состојба. „Имам воспалителен артритис... Имам автоимуно заболување и проблеми со хронична болка од повреда на 'рбетниот столб“ - рече таа. „Сите се успешно третирани со канабис, што не беше случај со мејнстрим лековите“ - додава таа. Г-ѓа Линч е уверена дека сегашниот систем ги принудува пациентите да користат извор на канабис илегално од дилерите на дрога или се оставени самите себе.
Потешкотии за добивање рецепт
Таа рече дека направила неколку обиди да добие легален рецепт, но ѝ било кажано дека нема лекари во нејзината област кои аплицирале за дозвола. „Се обидов да поминам низ правните патишта, бидејќи имам повеќе услови за кои би можела да добијам ‚рецепт за канабис‘. Во мојот случај ми треба конкретна мешавина на специфични видови со цел да ја задржам контролата врз мојата автоимуна болест, која е прогресивна“ - објаснува таа. Нелегално е да се купи канабис од дилери или да се одгледува билакта дома без дозвола. „Јас сум сè уште во позиција каде што сум принудена да си го правам сама затоа што немам алтернатива“ - додава.
Производите од коноп се легално достапни како храна од 2017
„Ние ги предаваме вештините што се сосема легални за секој да знае и користиме целосно правни производи“ - рече таа. Г-ѓа Линч рече дека групата ја усвои политиката „не прашувај, не кажувај“ (што на нашки би се рекло „ќути си - дупи си“=) и учесниците може да си отидат уверени дека сите информации кои ги добиле се легални. „Секој има право да знае како да помине низ овие процеси и да ги комплетира овие методи за екстракција, така што ако одат дома тие знаат каде и што треба за да си направат сопствен лек, тие знаат како да го направат тоа. Луѓето врескаат за овие информации, а Владата знае дека врескаат, но ги игнорираат, се преправаат дека не се ни таму“ - заклучува.
„Војна против пациентите“
Производите од коноп се легално достапни како храна од 2017 година, но медицинскиот канабис останува цврсто регулиран на штета на пациентите, значи само комерцијалните производи се дозволени, а здравјето на луѓето воопшто не е важно... Г-ѓа Линч рече дека неодамнешниот настан во близина на Макеј, кој привлече 80 луѓе во текот на два дена, покажа дека постои вистинска потреба од производи од канабис во заедницата, кои не се решаваат во законодавството. „Тоа навистина е војна врз пациентите“ - рече таа. „Ние не се бориме само со Владата, ние се бориме против академската медицинска установа која... нема апсолутно никакво образование не само во врска со медицинскиот канабис, туку ... и за физиолошките процеси зад неа. Пациентите навистина се оние кои страдаат низ сето ова и крајно време е да застане“ - заклучува. Кана Нанас ќе одржат едукативни семинари на Sunshine Coast, Beenleigh, Coffs Harbour, Townsville, Rockhampton и Гладстон во наредните месеци.
Елејн Дарби (Elaine Darby), во својот живот сменила голем број работни места. Најпрво, таа произведувала вино, пишувала говори за својот татко, а потоа работела како адвокат. Но, ниедна од нејзините кариери не привлекувала внимание и не ја исполнувала како сегашната. Таа во моментов работи како директор на организацијата AusCann, една од најпознатите австралијски компании за медицински канабис
Управниот директор на AusCann Елејн Дарби
„ЈА МОДЕЛИРАМЕ ИДНИНАТА НА МЕДИЦИНСКИОТ КАНАБИС - Ние веруваме дека австралиските пациенти имаат право на пристап до висококвалитетни, рентабилни, канабиноидни лекови. Контролата на квалитет е наш приоритет“ - велат AusCann на нивната Веб страница. Управниот директор на AusCann Елејн Дарби вели дека е тешко таа да се врати назад на научните докази што го поддржуваат медицинскиот канабис.
„Доколку пред 2 години некој ми кажеше дека ќе бидам вклучена во индустријата за канабис, навистина ќе бев изненадена. Кога татко ми ми кажа да го истражувам медицинскиот канабис, сметав дека тоa е само алиби за луѓето што сакаат да се надуваат“ - вели Елејн која исто така студирала и молекуларна биологија и микробиологија. Вакво било нејзиното гледиште во врска со канабисот сè додека не ги истражила сите податоци и ги забележaла резултатите од луѓето кои страдаат од хронични болести, како болка во нервите.
Елејн и нејзиниот татко д-р Мал Вашер (Mal Washer)
Во Австралија, иако медицинскиот канабис е легален, сепак ситуацијата е сложена и варира од држава во држава. Сепак, оваа индустрија нуди голем број (легални) работни места. „Во нашата фирма медицинските менаџери имаат многу важна улога. Тие ги едуцираат лекарите за медицинскиот канабис“ - објаснува Елејн. Исто така, има голем број можности за клинички испитувања и научни истражувања поврзани со медицинскиот канабис.
„Универзитетот во Сиднеј добил 34 милиони долари за да ја истражи оваа област, па постои голема потреба од добри научници и истражувачи за работа“ - вели таа. Секако, потребни се вработени кои ќе имаат важна улога во одгледувањето на канабисот, техниките за екстракција и доведување на канабисот во неговата финална форма за продажба, како и вклучување на разни индустрии кои ќе обезбедуваат опрема, осветлување и сл.
Според Дерби, потребни се и лица кои би биле едукатори за канабис и кои би биле од голема полза за пациентите, докторите и фармацевтите. Улогата на ваквите едукатори би била да им помогнат на пациентите да го употребуваат канабисот на најдобриот начин за нив. Тоа вклучува и одбирање на посебен вид на канабис, дозирање (земање мерка и прилагодување) и надгледување. „Канабисот е различен од разновидните лекови; тој бара труд и внимание од страна на пациентот и секако постојано информирање и учење за него“ - заклучува Елејн.
Македонските лекари постојано треба да се едуцираат за канабисот, нашата земји да ги испраќа во странство на обуки каде што марихуаната веќе одамна е легализирана/декриминализирана, наместо да си продолжуваат да работат во заблуди и да се едуцираат од нас активистите и новинарите. Медицинското друштво во Масачусетс обезбедува континуирана медицинска едукација за здравствените работници ширум светот и се смета за орган за медицинско образование и неодамна објави дека ќе понуди курс за користењето на канабисот за различни медицински цели
Друштвото користи наставна програма развиена од The Answer Page, веќе добро познат снабдувач на медицинско образование. Поголемиот дел од ваквите програми за медицинската марихуана од страна на државата, строго ја контролираат употребата, производството и дистрибуцијата на канабисот и медицинските производи кои содржат канабис, што е добро поради тоа што се воведуваат одредени стандарди, но сепак има низа недостатоци. Поради премногу брзиот развој на индустријата за медицинската марихуана, лекарите и останатите здравствени работници може да се соочат со потешкотии во тоа да останат во тек со потенцијалните употреби и придобивки на производите од марихуана.
Објаснување како марихуаната може да помогне за медицинските состојби
И лекарите-противници треба да го разбираат канабисот!
Сеопфатната програма за канабис дава вовед во канабиноидите и нивните реакции во ендоканабиноидниот систем. Оваа информација дава основа за тоа како медицинската марихуана работи во мозокот и може да се користи за менување на дисфункциите кои во крајна линија произлегуваат од активноста на мозокот. Ендоканабиноидниот систем е дел од мозокот и централниот нервен систем кој го регулира апетитот, расположението и меморијата. Тука се случуваат примарните ефекти од медицинската марихуана.
Со тоа што ја менува рамнотежата на некои хемикалии кои природно се појавуваат во ендокриниот систем, канабисот може да се користи за:
* Намалување на нападите;
* Отстранување на болките;
* Олеснување при гадење.
Исто така, ги намалува симптомите на разни онеспособувачки состојби кои досега не можеле да се третираат.
Едуцирајте се за ЕНДОКАНАБИНОИДЕН СИСТЕМ!
Програмата на Масачусетс има за цел научно докажаните информации да им ги прикаже на лекарите и останатите здравствени работници, кои се консултираат со своите пациенти во врска со медицинската марихуана. Многу лекари ја поздравуваат можноста да го истражат третманот со канабис за нивните пациенти кои страдаат од симптоми кои не се контролираат со останатите третмани кои им се веќе достапни. Курсот од 16 чекори за медицинската марихуана ги опфаќа физичките и психолошките ефекти на марихуаната врз телото. Онлајн програмата исто така ги едуцира лекарите за историјата на канабисот и им дава насоки за тоа кога треба да се препорача третман со медицинска марихуана.
Сеопфатниот наставен план за канабисот (Comprehensive Cannabis Curriculum) е поставен онлајн во 16 модули. Секој модул обезбедува континуирана медицинска едукација која може да се применува на различни теми за истражување. Здравствени работници кои можат да научат многу од овој курс се:
* Лекарите;
* Лекарските асистенти;
* Фармацевтите.
Сите здравствени работници кои лекуваат пациенти можат да имаат придобивки од сеопфатниот наставен план за канабисот. Државата Масачусетс неодамна ја легализираше рекреативната употреба на марихуаната. Дури и лекарите кои не ја препорачуваат медицинската марихуана треба да имаат поголемо разбирање за нејзините ефекти врз човечкото тело.Доколку имате пациенти кои самите се лекуваат на овој начин, треба да го истражите лекот кој тие го избрале.
Придобивки на лекарите од познавањето на медицинската марихуана
Биди добар доктор! Биди секогаш во тек! ;)
Една од најголемите придобивки од овој курс е тоа што докторите ќе бидат постојано во тек со најновите и најточни информации за тоа како делува канабисот. Многу информации кои сега се достапни за употребата на канабисот за медицински цели се обезбедени од страна на производителите или дистрибутерите кои имаат финансиски интерес да ги убедат лекарите да го препорачуваат на своите пациенти. Информациите имаат за цел да им помогнат на лекарите во лекувањето на своите пациенти. Производите од медицински канабис претставуваат нова алатка за лекарите да обезбедат повеќе опции за третирање не само на сериозни медицински состојби.
Марихуаната служи и како лек за хроничните болести, но може да се користи и за да се намали страдањето и да се подобри квалитетот на животот на пациентот. Истражувањата на канабисот се делумно возможни, поради нецелосното разбирање на науката за мозокот, а исто така поради законската регулатива... Учењето повеќе за тоа како работат канабиноидите може да им помогне на лекарите во целокупното разбирање на хроничните болести кои предизвикуваат напади, грчеви и болки. Канабисот не може да наштети, па затоа почитувани лекари секогаш вреди да се обидете своите пациенти да ги лекувате на природен начин и да му дадете шанса на канабисот од алтернативен да стане примарен лек!
Подобар начин за справување со болката
Освести се!
Справувањето со болките е нешто што лекарите „се борат“ да го обезбедат за своите пациенти. Подоброто разбирање за тоа како болката се перцепира и може да биде блокирана од мозокот, им помага на лекарите да внесат надеж кај пациентите кои страдаат од хронични болести. Нападите честопати ги оставаат лекарите немоќни за ефикасно лекување на пациентите. Дознавањето повеќе за потенцијалната употреба на канабисот за лекување на нападите е нова алатка за користење во борбата против нападите. Третманите за повреди на мозокот, вклучувајќи ги и акутните и долготрајните симптоми, може да се подобрат со дознавањето за тоа како канабиноидите можат да помогнат во процесот на лекувањето, а искуството потврдува дека можат само да помогнат - канабиноидите не можат да наштетат.
Биди промената што сакаш да ја видиш!!!
Сеопфатниот наставен план ќе им овозможи на лекарите да им помогнат на своите пациенти и да ги задоволат барањата за континуирано медицинско образование. Медицинската употреба на канабисот и неговите разновидни екстракти датираат уште од многу одамна. Современата медицинска употреба на канабисот од неодамна со незапирливо темпо се развива преку државни закони кои го прават канабисот достапен само за лицата со одредени здравствени проблеми. Но, што со пациентите кои имаат потреба од канабис, а не боледуваат од сериозни дијагнози?
Многу од канабиноидите, кои се активни состојки пронајдени во канабисот се одамна откриени. Нивните специфични употреби како и придобивките, сè уште се изучуваат и документираат и за жал на фармафијата којашто го кочи овој процес - сè уште НЕМА НИТУ ЕДЕН РЕГИСТРИРАН СЛУЧАЈ НА СМРТ ОД ТРЕВА, ниту пак некакво нарушување на здравјето... Ова е првата работа што треба да ја знаат лекарите - КАНАБИСОТ ВООПШТО НЕ Е ТОКСИЧЕН!
Здружението, како непрофитна организација, се залага за целосно декриминализирање на канабисот (под декриминализација се подразбира укинување на кривичните казни за поединечни постапки или нивна замена со некривични санкции во услови кога постојат меѓународно правни пречки за легализација) како во медицински, така и во рекреативни цели, и цврсто се залага за заштита и унапредување на животната средина. За таа цел, здружението за декриминализација на канабисот „БИЛКА“ интензивно ќе работи на подигнување на свеста во општеството за позитивните импликации и придобивки од канабисот, организирање на научни конференции и работилници од областите на интерес, активна соработка со останатите здруженија и организации кои имаат исти или слични цели, и посветено ќе работиме на подигнување на свеста за потребата од заштита на животната средина
БИЛКА од Скопје изразува надеж, дека со својата работа ќе поттикне и ќе помогне да се реализира една од основните цели на здружението-генерална декриминализација на канабисот, како и надеж дека со својата работа ќе влијае врз надлежните институции да алоцираат доволно ресурси во борбата за заштита и унапредување на животната средина, што претставува уставно загарантирано право на граѓаните, како такво инкорпорирано во член 43 од Уставот на Република Македонија“ - може да прочитате на фејсбук страницата на здружението Билка. Со еден од основачите на Билка, адвокатот м-р Јанаки Митровски, веќе имаме направено поучно интервју со за нашите права, доколку нè затекнат службите на МВР со мала количина на канабис и тоа пред точно две години, што е доказ дека основачите на Билка со години се неуморно посветени на ослободувањето на канабисот. Ние сакаме да ви откриеме нешто повеќе за оваа нова надеж за ослободување на канабисот во Македонија:
Билка: Сите од здружението дејствувавме индивидуално во изминатите неколку години, со тоа што оваа година се решивме да се собереме како група за да можеме да дејствуваме правно со оглед на професиите кои ги имаме и како би можеле сите аспекти од процесот да ги покриеме, бидејќи заедно секогаш се може повеќе.
420 Macedonia:На што работите моментално и кои се вашите планови за блиска и подалечна иднина?
Билка: Моментално работиме на зајакнување на организациската структура, разни истражувања кои што би ни биле корисни за понатамошно дејствување, стапување во контакти со засегнати страни и креирање на планови за во иднина. Целите на здужението се: да се дојде до измени во законот за опојни дроги и во Кривичниот закон, едукација на поширокото население и зголемување на зелени површини во централните градски јадра, па затоа активностите за во подалечна иднина ќе се креираат соодветно на потребите за реализирање на нашите цели.
420 Macedonia:Што според Вас треба секој индивидуално да прави за да придонесе кон побрзо променување на свеста и со самото тоа побрзо ослободување на Светата Билка?
Билка: Секој од нас може индирекно да делува за промена на свеста кај народот. Најлесен начин е преку социјалните мрежи, споделувања на научни трудови, искуства од болни, истражувања, лични искуства итн. Може исто така и со дебати измеѓу себе, волонтерства и активизам.
420 Macedonia: Дали сметате дека Македонија има шанси да стане (вториот) „Балкански Амстердам“ и прва целосно да го декриминализира ова растение на Балканов за секаков вид на употреба?
Билка: Зашто да не, ние како здружение се стремиме кон тоа да биде целосно декриминализиран канабисот и се надеваме дека како држава би биле меѓу првите кои ќе го решат овој проблем. Затоа е потребно јавните институции да бидат отворени на ова прашање, да се има соработка со граѓаните и сите институции кои што треба да бидат вклучени во процесот. Доколку ги приближиме практиките на Холандија и нашите, Македонија побрзо ќе излезе од калта и ќе стане медицинска и туристичка дестинација.
Со здружени сили до побрза слобода на билката!
420 Macedonia:Дали сегашнава (малку променета) законска регулатива направи повеќе добро за граѓаните или повеќе штета? Како според Билка треба да изгледа законот кој ќе го регулира канабисот?
Билка: Досегашната измена во законот е половична, односно е доста рестриктивна и треба да има промени. Не можеме да кажеме дека измената направила поголема штета, бидејќи со оваа измена се отворија многу дискусии за тоа колку користењето на канабис во медицински цели има бенефит. Почнаа јавни дебати, луѓе од докторската фела јавно да излагаат и да зборат за тоа колку придобивки има конзумацијата на маслото од канабис и можеби најважното свеста кај народот полека, полека започна да се крева.
420 Macedonia:Дали и како е возможно канабисот да биде регулиран како сите останати лековити растенија кои слободно растат низ нашата земја, како: камилица, нане, липа?
Билка: Возможно би било само доколку Македонија направи целосна легализација на канабисот, односно државата треба да истапи од меѓународните конвенции или да стави резерва за канабисот.
420 Macedonia:Секојдневно читаме за нови научни студии кои потврдуваат дека канабисот ги убива клетките на ракот, а пациентите кои поминале низ една или повеќе канабис терапии со екстракт/масло од канабис (во зависност од дијагнозата што ја третирале) потврдуваат подобрување и/или излекување и на други состојби од кои страдале со години, а конвенционалната медицина немала за нив решение, што докажува дека канабисот позитивно влијае на целокупната благосостојба. Исто така можеме да потврдите од нашето долгогодишно личното искуство со канабисот и на оние кои со години ги познаваме, дека сме многу поздрави од луѓето кои не консумираат или никогаш не консумирале канабис.
Дали сметате дека рекреативното користење на канабисот е всушност превентивна медицинска употреба? Дали сметате дека секоја здрава индивидуа пожелно е да користи канабис за превенција на болестите?
Билка: За тоа колку некој е поздрав од некој друг доколку не конзумира канабис не можеме да збориме, бидејќи тоа е сепак некое субјективно чувство на конзумирачот. За тоа дали секоја здрава индивидуа треба да конзумира канабис како превенција на болести исто така не можеме да пропагираме затоа што тоа е избор на самата личност со какви методи ќе делува за заштита на сопственото здравје.
420 Macedonia: Канабисот никого до сега не убил. Научно е докажано дека канабисот не создава зависност и дека не може летално да се предозира од канабис. Праксата исто така потврдува дека прекумерното користење на оваа лековита билка не остава никакви трајни штетни последици по здравјето и во краен случај може да доведе до заспивање – што е сепак корисно за лицето, поради тоа што тој сон е цврст регенеративен сон за чиешто време целиот организам се лекува. И да не заборавиме да додадеме дека токму поради тие пријатни и релаксирачки „несакани“ последици канабисот се консумира рекреативно.
Не е ли според Вас тотално апсурдно да се апсат луѓе за користење на дел од природата, за користење на билка која ги прави луѓето посреќни и поздрави и во никој случај не може никому да му наштети, освен на џебовите на големите компании кои се против легализацијата, додека вистинските криминалци и злосторници се шетаат слободно по улиците...?
Билка: Да, затоа и се оформивме како здружение, за да дојде до измени во законот за опојни дроги и за да може на секој граѓанин да му биде достапна, особено на најранливата група за оваа тема, а тоа се граѓаните кои се борат со различни болести и кои во моментов се под закана кривично да бидат гонети доколку се фатени како тајно одгледуваат или произведуваат масло од канабис.
420 Macedonia:Моментално свеста за лековитоста на канабисот е на многу повисоко ниво од пред некоја година, кога имаше неколку обиди за протести.
Дали сметате дека е веќе време за масовен протест на сите уживатели? Дали е тоа според вас добар начин на дејствување?
Билка: Не сметаме дека е време за масовен протест, бидејќи постојат многу други активности со кои што може да се придобие мислењето на пошироката јавност и на јавните институции.
420 Macedonia:Дали Ви се допаѓа нашата заедница 420 Macedonia? Дали сметате дека нашата дејност им е од помош на неинформираните македонски пациенти?
Билка: Вие како заедница, со вашиот активизам правите многу за да се крене свеста кај народот и да се информираат сите кои на различен начин се засегнати. Пофални зборови за неуморните активности по социјалните мрежи и пошироко.
420 Macedonia: Очекуваме со Вас продолжување на нашата досегашна плодна и активна соработка во освестувањето на македонското население за придобивките од Божјото растение канабис. Која е вашата порака до сите, поддржувачи, уживатели и љубители на канабисот?
Билка: Пораката до поддржувачите и уживателите е да зборуваат отворено на оваа тема, бидејќи само со отворена комуникација и дебати може побрзо да се дестигматизира, а со тоа и побрзо да се дојде до декриминализација на канабисот.
Погледнето го гостувањето на Џон Илија Апелгрин и Ангел Ангеловски во утринската програма на Телма
