Жени со визија: запознајте 9 лидерки кои водат во канабис индустријата!

Денес, жените се на лидерски позиции на секое ниво од канабис индустријата, од извршни директори на одгледувачки компании, до култиватори кои се занимаваат со канабис од семка до производ. Жените одгледуваат канабис, се активисти, прават лекови и козметика од него, поседуваат сопствени фарми и работат во свои диспанзери. Дознајте повеќе за нив...

Некои жени повеќе се насочени во активизмот и исто така продуцираат и режираат документарни филмови со цел да се борат против стигмата на канабисот и неговите консументи. Други пак, се повеќе ангажирани во политиката која врши притисок за легализација и декриминализација на канабисот. Оваа серија на слики ги поврзува женските лидери кои го користат нивното влијание за промовирање на канабис индустријата како фер, одржлив и професионален бизнис простор. Повеќето од жените што се прикажани во оваа сторија живеат во Калифорнија, благодарение на пионерската улога на државата во полето за лекови од канабис, кое нуди големи можности за жените и служи како инспирација за многу други држави и многу други жени.

Овие жени се свесни за нивната извонредна позиција како малцинска група која создава историја. Според Marijuana Business Daily, жените пополнуваат 36% од лидерските позиции во индустријата за канабис - повеќе отколку во други индустрии, со националниот просек од 22%. Продуцентот Винди Борман (Windy Borman) беше толку инспирирана од овој револуционерен факт што почна да снима документарен филм за тоа: Mary Janes: The Women of Weed. Борман интервјуираше над 40 жени низ САД за да го создаде својот филм. Во него, Борман ја испитува активистичката историја на индустријата за канабис и како таа била изградена од страна на жените, за да се обезбеди медицински лек за пациентите кои страдаат од ХИВ и СИДА. Документарниот филм има за цел да служи како временска капсула и извор на инспирација за идните генерации, особено поради тоа што останува големото прашање: Дали овие малцинства ќе можат да ја задржат својата положба сега кога корпоративните компании создаваат конкурентна арена? Извршниот канцелар Дејл Скај Џонс (Dale Sky Jones) на Oaksterdam University вели дека Вол Стрит би можел да помогне во легитимирањето на индустријата за канабис со своите пари и моќ. Дали ќе има уште простор во индустрија за луѓето кои помогнаа да се создаде? Веруваме дека одговорот е ДА. 

Windy Borman

1. Винди Борман (Windy Borman) е наградуван режисер и продуцент на филмот „Mary Janes: The Women of Weed“, како и основач на DVA Productions

„По разговорот со повеќе од 40 жени од 10 различни држави во текот на изминатата година, научив дека овие жени имаат можност да изградат индустрија од темел и да го прават тоа добро. Луѓето сè уште одат во затвор во држави каде што дури и ние немаме медицинска употреба. Децата се одземаат, луѓето се депортирани, студентите губат стипендии и иднините се лизгаат низ нивните прсти, бидејќи тие се осмелија да допрат масло и да одлучат што сакаат да стават во нивните тела. Сликата што ја замислувам за индустријата е онаа што ја снимивме додека снимавме во конопното поле во Колорадо. Тоа е прекрасен видок на сончево осветлена жена, која гледа во камерата кон публиката. Таа не е пасивна тема, но активна во она што го прави. Би сакала тоа да биде иднината на индустријата, жените што го допираат растението во природата и почитувањето што оди заедно со тоа“ - вели таа.

Valerie Corral

2. Валери Корал (Valerie Corral) го основаше здружението за медицинска марихуана Wo/Men’s Alliance for Medical Marijuana WAMM - најстариот во земјата континуиранo воден колектив за медицински канабис. Таа, исто така, помогна да се напише и да помине Предлогот 215, револуционерниот калифорниски закон за медицинска марихуана. WAMM обезбедува слободен канабис за 30% од своите членови.

„Не можам да ви кажам колку од нашите членови мораа да позајмуваат каучи и да останат со своите семејства, повраќајќи во тоалетите на други луѓе од хемотерапија, бидејќи станаа бездомници по нивната дијагноза поради медицинскиот банкрот. Тоа беше многу влијателно за мене и ме промени засекогаш. Социјалната неправда за она што се случува со економијата на канабисот во моментов е тоа што го маргинализира пристапот на пациентите кои не можат да си го дозволат затоа што е премногу скапо. Економијата што била изградена врз грбот на болните кои умираат, се движела на пазар кој има профит. Знам дека би можела да направам многу пари, но јас навистина не работам со трева, работам со луѓе. Пазарот создава лажно чувство на вредност, кога вистинската вредност бара: ‚Како можам да ви помогнам? Како ова растение може да ти помогне во околностите во кои се наоѓаш?‘ Лично, не мислам дека моите потреби се поголеми од некој кој е болен“ - вели таа.

Wanda James

3. Ванда Џејмс (Wanda James) беше првата црна жена што поседува диспанзер за канабис во Колорадо - таа, исто така, ја основа Cannabis Global Initiative, комуникациска компанија која се обидува да им даде на луѓето со обоена кожа место во канабис индустријата.

„Го сретнав брат ми за прв пат на погребот на татко ми, кога ми кажа дека само што излегол од затвор. Мислев дека тој убил некого. Бев шокирана кога слушнав дека тој бил уапсен за поседување на 4,5 унци (околу 120 гр) канабис кога имал 17 години и добил 10-годишна затворска казна, од која четири и пол години собирал памук во затвор со максимална безбедност во Тексас. Се чинеше смешно за мене, особено откако студирав на Универзитетот во Колорадо и седев на предните скали од мојот студентски дом со моите бели пријатели - една половина килограм трева меѓу нас - ролање џоинти за време на викендот. Ако полицајците дојдеа, тие викаа: ‚Еј деца, ставете го тоа подалеку‘. Јас воопшто не знаев дека луѓето одат во затвор за поседување на марихуана. Мојот сопруг и јас почнавме да разговараме за него и сфативме дека би можеле да го раздледаме ова прашање. Тогаш го основавме CGI. Се чувствувавме охрабрени да застанеме и да речеме: ‚Нема повеќе затворска казна за ова‘“ - вели таа.

Bianca Green

4. Бјанка Грин (Bianca Green) беше извршен продуцент на документарниот филм „The Culture High“ и е основач на непрофитна кампања наречена Spark The Conversation - која ги охрабрува потрошувачите да се вклучат во разговорот за промена на стигмата врз канабисот.

„Пред дванаесет години, ми беше дијагностициран рак. Две години подоцна, бев на околу 13 лекови - се чувствував ужасно. Живеев во Калифорнија, каде што медицинската марихуана беше легална од 1996 година, па отидов и добив медицинска картичка. На патот кон откривање на она што е најдобро за вашето тело кога станува збор за лекови со канабис не е лесно, но вреди доколку сакате да напредувате, а не само да преживеете. Уште откако го открив канабисот како лек, секој ден од мојот живот го посветив на мисијата да ја сменам стигмата и сѐ уште не е завршена. Сакам да ги инспирирам другите да излезат од плакарот и да разговараат за нивната употреба. Незнам дали сите ако излегуваме заедно, може да ја нормализираме канабис културата и да поттикнеме повеќе луѓе да бидат отворени. Ние сме мала индустрија, но голема заедница на потрошувачи и додека не сфатиме дека нашето учество како потрошувач е неопходно, а забраната ја ограничува нашата слобода да го избереме она што го ставаме во нашите тела, ние не успеваме“ - вели таа.

Michelle Lilly-Hester & Drayah Sallis

5. Мишел Лили-Хестер (Michelle Lilly-Hester) и Драја Салис (Drayah Sallis) од Healthway Educations Systems - Мишел е едукативен офицер на Healthway Educations Systems, а Драја е извршен директор. Тие обезбедуваат медицинско образование за пациентите и лекарите од целиот свет, премостувајќи го јазот помеѓу медицинскиот канабис, лекарите и пациентите.

„Мајка ми, која неодамна почина, беше хронично болна. Таа беше од поинаква генерација под влијание на војната против дрогата - генерација која не знае дека може да го употреби канабисот како лек за проширување на нејзиниот квалитет на живот. Што ако би можелa да ѝ дозволам да разбере дека канабисот може да биде решение за нејзината нега, само за да сфати дека тогаш е предоцна? За среќа, имав време да ѝ го претставам на мајка ми канабисот и таа стана мој најголем поддржувач. Но, тоа е зошто мојата работа е достојна за мене - да ги имам овие разговори. Мојата цел е канабисот да стане мејнстрим, а дел од таа визија е опремување на давателите на здравствени услуги и државните општини, како и обезбедување на јавно-здравствено решение во начинот на живот со медицински канабис. Да се биде вклучен во револуцијата на канабисот е срдечно. Тоа значи менување на животот на оние кои директно се засегнати од нелегалниот пазар“ - вели Драја.

Sisters of the Valley

6. Сестра Кејт работи со Sisters of the Valley, група на монахињи кои произведуваат масло од канабис - „за време на месечевите циклуси, според древната мудрост“. Нејзината мисија: одржливост, прогресивен активизам и духовност преку сестринство.

„Нашето потекло е од Occupy Movement. Како активистка, честопати бев надвор од народот и како што разбраа дека сум анархист, активист, самопрогласена калуѓерка, почнаа да ме прашуваат да ја формализирам групата. Работата со канабис е начин да се исполнат нашите цели за креирање работни места и кариери за жените. Ние сме фокусирани на жените едноставно затоа што жените го носат товарот на сета сиромаштија во сите општества. За нас светото живеење е живеење во хармонија со Мајката Земја. Ние знаеме дека има одгледувачи на канабис ширум светот, забранети или не. Тоа значи дека постојат жени насекаде каде што може и треба да се прават тинктурите и мелемите на ист начин како што и нивните древни мајки го правеле тоа. Предвидувам расцут на Сестринството како глобално движење за обединување на жените. Не со тоа да се биде религија, туку со самоодржливост. Заработувајќи го нашиот пат, со обединување на жените насекаде, создавајќи чесни работни места и многу интернационален животен стил. Мојата визија е да има жени во долги сини-џинс здолништа, бели блузи и бели превези во секој град и покраина низ целата планета и за луѓето насекаде да знаат, кога ќе ги видат: ‚Тие жени знаат за канабисот‘“ - вели таа.

* Фестивалски трејлер за новиот документарец „Breaking Habits“ за калуѓерките кои одгледуваат канабис

Ophelia Chong

7. Офелија Чонг (Ophelia Chong) ја основа Stock Pot Images - агенција посветена на обезбедување квалитетни фотографии од коноп за комерцијална употреба, обидувајќи се да ја скрши стонерската стигма.

„Главната причина што ја добив оваа работа беше тоа што сфатив дека има само неколку слики на располагање. Честопати ја гледате истата грмушка што се појавуваше насекаде, онаа што се користеше претходно повеќе од 15 пати. Тоа би било како да се појавува иста жена во секоја реклама - не беше претставник на нашата индустрија. Овие слики навистина влијаат на начинот на кој луѓето размислуваат за канабисот, бидејќи тие се појавуваат во секоја вест што се појавува во медиумите. Сите мои слики се од вистински луѓе, а не од модели, кои се подготвени да бидат фотографирани и прикажани како пушат трева. Мојата цел е да го покажам вистинскиот корисник. Сакам да го ставам лицето на канабисот таму“ - вели таа.

Menkin Nelson

8. Менкин Нелсон (Menkin Nelson), сопственик на фарма за канабис - одгледува канабис за медицинска употреба и им помага на другите локални производители во согласност со нивните фарми.

„Мојата прва работа во индустријата беше работата за обликување на цветовите додека се обидував да дознаам што сакам да направам со следното поглавје од мојот живот. Медицинската марихуана веќе беше во сила, па тоа не беше ‚нелегално‘ на државно ниво. Сепак, беше нелегално на федерално ниво. Имаше времиња кога ќе чуеме дека хеликоптерите летаат и сите ќе престанеме да работиме за да ги слушаме. Во моментов, правам градина со мал обем и почнав да им помагам на локалните одгледувачи со административна помош во текот на усогласувањето на нивните фарми. За жал, со сите прописи и дополнителни трошоци потребни за да се усогласат и да се натпреваруваат во индустријата, се чувствувам како да се туркам во насока на големо производство и комерцијализам“ - вели таа.

Dale Sky Jones

9. Дејл Скај Џонс (Dale Sky Jones) е извршен канцелар на Oaksterdam University - таа беше портпарол на Кампањата „Prop 19“ во Калифорнија и е претседател на одборот на Coalition for Cannabis Policy Reform - CCPR и член на Управниот одбор на National Cannabis Industry Association - NCIA.

„Бев благословена да дознаам за канабисот од перспектива на пациент: оние кои бараат олеснување и сигурен пристап до нивниот лек. Ова искуство ја поткова важноста на правата на пациентите, а подоцна, работењето во политиката со Prop 19 во 2010 година ги зацврсти моите приоритети во однос на граѓанските права и социјалната правда во начинот на кој пишуваме закони. Еден пример е Флорида, каде што први понудија апликации за пет дозволи, но за да ги исполнувате условите, мораше да поседувате лиценциран расадник низ 30 континуирани години за да можете да аплицирате. Колку луѓе со обоена кожа, жени или ветерани поседувале расадници во Флорида пред 30 години? Многу скапиот и ексклузивен процес на апликација веднаш ги отфрли најодговорните сопственици од малцинските групи. Оние кои биле вклучени во промената на законите, извршувајќи ја работата или фаќани во обид да работат, се исклучени од учество во новата правна атмосфера. Јас се фокусирам на образование и зајакнување на оние кои бараат знаење за тоа како да влезат во индустријата. Важно е жените, обоените и ветераните да се вклучат со регулаторниот процес рано и често, бидејќи стаклениот плафон допрва треба да се изгради“ - вели таа.

ЧИТАЈ ПОВЕЌЕ:

* Часните сестри кои ја одгледуваат Божјата билка

* Успешни, софистицирани и надувани: менување на перцепциите за канабисот во професионалниот свет

* Шерил Шуман од „Мајки за марихуана“ го менува светот - џоинт во секое време

* Мајките и марихуаната: 7 познати личности отворено зборуваат за пушењето марихуана како родител

* Канабисот ме направи подобар родител! - исповед на една мајка

* Роза од Гевгелија лично си ја одгледува билката за самолекување

* Катерина од Охрид го победи ракот на дојка со масло од канабис!

* Наташа од Скопје ја победи леукемијата со концентриран екстракт од канабис!

* Запознајте го 24-годишниот основач на голема страница за канабис вработувања

* Како инвеститорите на марихуана прават акции? 5 задолжителни книги пред да инвестирате во канабисот

* Дознајте дали треба да отворите сопствен канабис бизнис?

Новинар: Кате К.

Уредник: MoniQue Konopova

Извор: Cannabisnow

Како инвеститорите на марихуана прават акции? 5 задолжителни книги пред да инвестирате во канабисот

Инвестирањето во канабисот сега често се споредува со купување на Anheuser Busch InBev NV (ADR) или акции на Molson Coors Brewing Co во 1930-тите. Младоста на индустријата и тоа што сè уште е во развој, значи дека има голем број на играчи, но само најистрајните и најиновативните ќе напредуваат

Едуцирајте се преку книги!

Во рок од една деценија на пазарот, најверојатно ќе има неколку големи и добро воспоставени компании, но многу други кои изгледаат профитабилни сега, во иднина можеби ќе пропаднат. Поконзервативна насока е купување акции од фонд со кој се тргува со изложеност на кошница со акции за канабис. Изборите изобилуваат со акциите на марихуана, од одгледувачите како Cronos Group Inc. и Canopy Growth Corp до биотехнолошките компании GW Pharmaceuticals PLC - ADR и операторот за дистрибуција Medmen Enterprises Inc. или може да купат акции на компании кои ја сервисираат индустријата за канабис, како што е Scotts Miracle-Gro Co. Едуцирајте се пред да скокнете во зелениот бизнис. Добра идеја е да ја проучувате самата индустрија пред да одлучите да инвестирате во неа. Порталот Benzinga ја состави листата од пет книги кои пожелно е да ги прочитате пред да инвестирате во акции со марихуана. Книгите не се само за акциите во врска со канабис, туку и за целата индустрија.

1. „Започнете свој бизнис со канабис: Вашето чекор-по-чекор упатство за марихуана индустријата“ (Start Your Own Cannabis Business: Your Step-By-Step Guide To The Marijuana Industry) од Хавиер Хасе (Javier Hasse) и персоналот на Entrepreneur Media

Оваа лектира „Започнете свој сопствен бизнис со канабис“ чиј ко-автор е и канабис новинарот од порталот Benzinga Хавиер Хасе. Книгата опфаќа информации за тоа како да започнете компанија за канабис, но може да биде корисна и за некој кој сака да инвестира во компании за канабис. Таа ги објаснува внатрешните работи на индустријата, како што се оданочувањето, правните работи и заштитата на средствата. Таа исто така ги раскажува сториите од претприемачите и пионерите во индустријата. Од трговците на мало до одгледувачи, производители и добавувачи, постои навидум бескрајна листа на можности за стартување на овој нов пазар. Во проектот Your Own Cannabis Business, новинарот за канабис, биотехнологија и претприемништво Хавиер Хасе ги воведува претприемачите што претстојат во иднина и лежат во индустријата и споделува совети и успешни приказни од пионерите и визионерите во индустријата за марихуана.

2. „Нула до еден“ (Zero To One) од Питер Тил (Peter Thiel)

Питер Тил е добро познат во стартната и инвестициската заедница, како еден од основачите на Paypal Holdings Inc и на почетокот на Facebook.com, Inc. investitor. Тој стана познат во индустријата за канабис со поддршката на Privateer Holdings, приватна компанија за капитал која инвестира во компании за трева. Книгата на Тил зборува главно за стартап и ја дава својата перспектива за тоа што да се обрне внимание кога се инвестира во нова компанија. Ако сакате да изградите подобра иднина, мора да верувате во тајни. Големата тајна на нашето време е дека сѐ уште има неистражени граници. Во Zero to One, легендарниот претприемач и инвеститор Питер Тил покажува како можеме да најдеме единствени начини да ги создадеме тие нови работи. Оваа книга одеднаш го претставува оптимистичкиот поглед на иднината на напредокот во Америка и нов начин на размислување за иновациите: започнува со учење да ги поставува прашањата што ве водат да најдете вредност на неочекувани места.

3. „Енциклопедија на канабис: дефинитивен водич за одгледување и консумирање медицинска марихуана“ (The Cannabis Encyclopedia: The Definitive Guide To Cultivation & Consumption Of Medical Marijuana) - од Џорџ Сервантес (Jorge Cervantes)

Енциклопедијата објаснува сè што потенцијалните инвеститори треба да знаат за медицинската марихуана и обезбедува корисни техники на одгледување, со обилни илустрации. „Канабис енциклопедијата“ треба да им помогне на инвеститорите почетници да ја разберат канабис терминологијата и да обезбедат некои увиди во работењето на компаниите кои се специјализирани за одгледување на растенијата. Наградуваната канабис енциклопедија е дефинитивен водич за одгледување и потрошувачка на медицински марихуана. Ги објаснува сите основни техники за растење во затворени простории, на отворено и во оранжерии. Сите градинарски практики се добро истражувани и илустрирани едноставно чекор по чекор примери и инструкции. Повеќе од 2.000 убави слики во боја ја илустрираат оваа книга од 596 страници. Изобилува со најсовремени информации кои ја прават оваа книга од суштинско значење за сите одгледувачи, канабис пациенти, но и сите кои сакаат да станат експерти во оваа област.

4. „Инвестирање акции за почетници: Марихуана акции: Како да се збогатите само со средствата произведувајќи финансиски поврат толку брзо како криптовалентност“ (Stock Investing for Beginners: Marijuana Stocks: How To Get Rich With The Only Asset Producing Financial Returns As Fast As Cryptocurrency) oд Стивен Сатоши (Stephen Satoshi)

Книгава на Сатоши ги опфаќа основните елементи на индустријата за канабис, дава примери и опфаќа различни сегменти во секторот кои се отворени за инвестирање. Во оваа книга ќе откриете: Зошто инвестирањето во компании кои растат и продаваат марихуана не е најдобар начин да профитирате од марихуаната? Најголемата пречка на марихуана индустријата треба да се надмине.

5. „Меѓународна марихуана, издание од 2018 година: Не Б.С. Водич за глобално инвестирање во акции со трева“ (International Marijuana, 2018 Edition: The No B.S. Guide To Investing In Weed Stocks Globally) од г-дин Питер Хетчер (Peter Hatcher)

„Интернационалната марихуана“ може да биде корисен водич за инвеститори кои сакаат да влезат во канабис просторот. Таа опфаќа многу области, вклучувајќи совети за наоѓање на вистинско посредување и анализа на најдобрите компании во индустријата. Хетчер, исто така, споделува информации за тоа како да ги истражувате компаниите за канабис и дава совети за тоа како да развиете стратегија за трговија околу акциите за канабис, точки за влез и излез, swing trading и повеќе. Авторот исто така споделува значајни онлајн извори кои можат да им помогнат на инвеститорите додека се движат низ канабис индустријата.

ЧИТАЈ ПОВЕЌЕ:

* Како да инвестирате во канабисот – во било која негова форма?

* Неколку важни канабис трендови што ќе ја променат играта во 2018 година!

* Дознајте дали треба да отворите сопствен канабис бизнис?

* Запознајте го 24-годишниот основач на голема страница за канабис вработувања

* Трите најдобри марихуана пазари во кои е најисплатливо да се инвестира

* * * 

* „НЕВЕРОЈАТНИ ВИСТИНИ И ВИСТИНСКИ ЛАГИ ЗА КАНЦЕРОТ“ - Анита Гибсон

* За авторот Јиндрих Бајер на книгата „ЛЕКОТ ЗА РАК“ - Протоколот на Рик Симпсон и содржина

Новинар и Уредник: MoniQue Konopova

Извор: Benzinga

Како да инвестирате во канабисот – во било која негова форма?

Oткако се легализира канабисот во многу држави, започнаа да се појавуваат и нови работни места. Калифорнија ја легализираше рекреативната марихуана на самиот почеток од 2018 година. По две недели, околу дваесетина бизниси во Лос Анџелес добиле дозвола да ги продаваат производите за рекреативна употреба. Одеднаш, канабис-индустријата започнува да се развива со брзина на светлината!!!

Локалите за продажба добиваат дозвола да ги продаваат производите за рекреативна употреба.  Индустријата се развива, а со тоа и луѓето воочуваат дека тоа е нов начин за легално правење пари. Постојат повеќе начини на кои можете да инвестирате во овој бизнис. Во секој случај, секој што бара брза заработка нема да ја пронајде во тој бизнис. Но, доколку верувате во потенцијалот за вложување во канабисот и се стремите кон долгорочно вложување, ова се најдобрите опции што можете да ги разгледате и примените.

* Дознајте дали треба да отворите сопствен канабис бизнис?

Медицински производи со канабис и компании

Акциите за канабисот се нов и невообичаен начин на вложување, во споредба со вообичаените вложувања, во овој случај нема никаква сигурност. Медицинската марихуана нуди повеќе опции отколку рекреативната, со оглед на тоа што во многу повеќе држави е легализирана медицинската употреба на канабисот отколку рекреативната. Во Канада, медицинската марихуана се користи речиси две декади.

Канадски компании за канабис

Некои од овие канадски компании успешно се докажале во оваа индустрија. Organi Gram (OGRMF), лиценциран производител и одгледувач на медицинска марихуана, е една од нив. Со растењето на бројката на пациенти кои користат медицинска марихуана, се зголемува и нивната продажба. Canopy Growth Corporation (TWMJF) е исто така популарна канадска компанија, која освен тоа што го произведува канабисот, воедно и го проучува. Неодамна компанијата беше вредна 4.35 милијарди долари. Голема конкуренција на оваа компанија е Aurora Cannabis (ACBFF), компанија која брзо се проширува. За жал, медицинскиот канабис не е насекаде проширен како што е во Канада. Поради тоа, луѓето покажуваат повеќе интерес за канадските компании, кои се многубројни.

Трговци на мало со канабис и CBD

Иако е помалку застапена од медицинската, рекреативната марихуана во моментов е одобрувана повеќе од било кога. Канабисот е 100% легализиран, вклучувајќи го и рекреативниот канабис, во девет земји во САД.  Канада цели кон тоа да се легализира и рекреативната употреба, додека министерот Justin Trudeau продолжува да изјавува дека планира тоа да се случи ова лето 2018. Компаниите за медицинската марихуана ќе имаат придобивка од новите муштерии, но тие исто така ќе имаат и поголеми трошоци. Тоа е важно – од канабисот може да се направат пари, но исто така прво треба и да се потрошат пари, добро да се инвестира. Не секој локал за канабис ќе има ист профит само поради тоа што ќе се легализира.

Фондови за тргување со марихуана

Како што акциите на марихуаната стануваат се почеста појава, така и фондовите со кои се тргува со марихуана. Тие дозволуваат тргување со голем број различни хартии од вредност во еден фонд, со што се добива разновидно портфолио. Тие се примамливи и се дури понови и од акциите на канабис. Ако банките сè уште се претпазливи на одредени акции на канабисот, дефинитивно ќе бидат уште попретпазливи со повеќе од нив.

Тргување со масло

Hemp Inc. (HEMP) постои од 2008 година и учествува во производството на масло (екстракт) од канабис. Тие го одгледуваат, обработуваат, го вадат екстрактот, па дури и продаваат производи со масло. Како што неодамна најавил сенаторот Mitch McConnell, маслото наскоро ќе се легалицира на ниво на целата федерација. Ако тоа се случи, компании како Hemp Inc. кои и досега го работеле тоа, најверојатно ќе достигнат поголем успех отколку новите компании.

Акции индиректно поврзани со канабисот

Уште еден паметен начин да се инвестира во бизнисот поврзан со марихуаната е да се пронајде компанија која делумно се занимава со канабисот или пак, е индиректно поврзана со него. Abbie Inc. (ABBV) е генерално фармацевтска продавница. Компанијата го има во продажба Мarinol, синтетички канабиноид, кој служи за олеснување на гадењето кај пациентите кои страдаат од рак или пак, СИДА. INSYS Therapeutics, Inc. (INSY) e фармацевтска компанија која доби одобрение за синтетичкиот канабис -  и покрај тоа што во минатото компанијата донирала за друштвата кои биле против марихуаната. Constellation Brands Inc. (STZ) пак, е компанија која произведува пива и ликери, а неодамна купи мал удел од 9.9% од компанијата Canopy Growth. Тоа е привлечна опција за оние кои се заинтересирани во бизнисот со канабис, а сепак сакаат сигурни вложувања. 

Избор на уредникот:

* Неколку важни канабис трендови што ќе ја променат играта во 2018 година!

* Трите најдобри марихуана пазари во кои е најисплатливо да се инвестира

Автор: Ангела Т.

Главен и одговорен уредник: MoniQue Konopova

Извор: Thestreet

Дознајте дали треба да отворите сопствен канабис бизнис?

Економски аспект на канабисот. Во овој натпис разработуваме три главни прашања коишто треба да си ги поставите пред да се одлучите да отворите свој канабис бизнис. Овие три прашања ќе ви помогнат да го обликувате вашиот бизнис со канабис

Следните прашања не само што ќе ви овозможат да дознаете дали можете и треба активно да учествувате во канабис индустријата, туку ќе ви помогнат и да го обликувате вашиот иден бизнис за успешно да напредува. Одговорањето на овие прашања ќе биде од суштинско значење за креирање на вашиот бизнис план и финансиски модел. Размислете за почетниот капитал и разгледајте ја правната рамка.

1. Дали овој бизнис е правиот за вас?

Поддршката за легализација на канабис во светот е на рекордно високо ниво. 64 проценти од Американците изјавиле во октомври 2017 година дека марихуаната треба да биде легална, според истражувањето на Галуп. Како што заклучува Галуп, овие бројки покажуваат дека, како што позитивните резултати од легализацијата стануваат поочигледни во повеќе држави, јавната перцепција за марихуаната се менува, а стигмата околу тревата постојано се надминува - во голема мера поттикнато од граѓанските движења за декриминализација. Единствената вистинска стигма која останува денес е поврзана со незаконитоста на канабисот, а не со перцепцијата на јавноста, тврди Том Адамс (Tom Adams) од BDS Analytics.

* Неколку важни канабис трендови што ќе ја променат играта во 2018 година!

„Прописите околу канабисот брзо се менуваат низ целиот свет, заедно со социјалното прифаќање“ - вели Дерек Ридел (Derek Riedle), основач и извршен директор на медиумска компанија за канабис и животен стил Civilized. „Размислете за ова во целост на времето: За неколку години, опозицијата на канабисот ќе стане маргинализирана, бидејќи канабисот станува сè повеќе мејнстрим и луѓето продолжуваат да сфаќаат дека тоа не е страшило како што ни беше кажувано дека е со генерации“ - додава. Секој кој сака да се вклучи во оваа индустрија мора да го преземе репутацискиот ризик и правниот ризик, бидејќи иако голем број држави го легализираат, канабисот e контролирана супстанца.

2. Дали сте подготвени за уникатен бизнис модел?

Освен правните ризици, можните проблеми со даночните и царинските служби, заинтересираните за оваа индустрија мора да се справат со опасностите за водење бизнис кој главно се занимава со готовина. Тајлер Стратфорд (Tyler Stratford) од Canna Advisors додава дека ова е индустрија за луѓе со дебела кожа. „Треба да издржите и да се борите против неволјите во овој простор и да сте подготвени да помогнете да го промените текот напред“ - вели тој. „Бидете подготвени да бидете оператор во индустријата и да се залагате за промена“.

* Трите најдобри марихуана пазари во кои е најисплатливо да се инвестира

Ако сакате да напредувате во канабис бизнисот, треба да се борите за поголеми права за вас и стравот да го оставите дома. Стравот заменете го со факти, канабисот всушност беше дел од нашата култура илјадници години, а само многу краток временски период е забранет, додава соосновачот на Canna Advisors, Дајан Чарковски (Diane Czarkowski). „Ако не можете да зборувате за ова со луѓето, не гледам како ќе успеете, бидејќи ќе продолжите да го одржувате истиот систем на верување“. Затоа, подгответе се да ја оспорите стигмата, да се едуцирате, да се залагате и да се борите и за правото на луѓето да користат канабис и вашето право да го водите бизнисот со најлековитата билка. Клопчето на почетокот полека се одмотува, но потоа го забрзува своето темпо!

3. Дали сте подготвени на неизвесноста и честите промени?

Ако не, тогаш оваа индустрија во зародиш не е за вас. „Ништо од ова досега не е направено“ - тврди Чарковски. „Понекогаш промената се случува толку често што немате време да ја имплементирате последната промена, пред да мора повторно да направите промена“ - додава. Се разбира, постои една шанса што ќе треба да ја преземете како претприемач, започнувајќи бизнис во која било индустрија: Дали сте подготвени да ја вложите целата ваша верба во вашите способности за решавање на проблемите, ризикувајќи ја вашата финансиска сигурност во потрагата по поголема награда? „Треба да бидете во можност да стигнете до работ на карпата и да одлучите дека ќе скокнете“ - заклучува Ридел од Civilized.

Поврзани статии:

* Време е за легализација, вели сопственик на диспанзер за канабис од Канада

* Запознајте го 24-годишниот основач на голема страница за канабис вработувања

* Часните сестри кои ја одгледуваат Божјата билка

* Одгледувачите на зеленчук се свртуваат кон канабисот за да ја забрзаат промената

Напишано од: MoniQue Konopova

Извор: Newstimes

Прекрасни можности за кариера и напредок во канабис индустријата!

Елејн Дарби (Elaine Darby), во својот живот сменила голем број работни места. Најпрво, таа произведувала вино, пишувала говори за својот татко, а потоа работела како адвокат. Но, ниедна од нејзините кариери не  привлекувала внимание и не ја исполнувала како сегашната. Таа во моментов работи како директор на организацијата AusCann, една од најпознатите австралијски компании за медицински канабис

Управниот директор на AusCann Елејн Дарби 

„ЈА МОДЕЛИРАМЕ ИДНИНАТА НА МЕДИЦИНСКИОТ КАНАБИС - Ние веруваме дека австралиските пациенти имаат право на пристап до висококвалитетни, рентабилни, канабиноидни лекови. Контролата на квалитет е наш приоритет“ - велат AusCann на нивната Веб страница. Управниот директор на AusCann Елејн Дарби вели дека е тешко таа да се врати назад на научните докази што го поддржуваат медицинскиот канабис.

„Доколку пред 2 години некој ми кажеше дека ќе бидам вклучена во индустријата за канабис, навистина ќе бев изненадена. Кога татко ми ми кажа да го истражувам медицинскиот канабис, сметав дека тоa е само алиби за луѓето што сакаат да се надуваат“ - вели Елејн која исто така студирала и молекуларна биологија и микробиологија. Вакво било нејзиното гледиште во врска со канабисот сè додека не ги истражила сите податоци и ги забележaла резултатите од луѓето кои страдаат од хронични болести, како болка во нервите.

* Прехранбената конопна индустрија може да отвори многу нови работни места

Елејн и нејзиниот татко д-р Мал Вашер (Mal Washer)

Во Австралија, иако медицинскиот канабис е легален, сепак ситуацијата е сложена и варира од држава во држава. Сепак, оваа индустрија нуди голем број (легални) работни места. „Во нашата фирма медицинските менаџери имаат многу важна улога. Тие ги едуцираат лекарите за медицинскиот канабис“ -  објаснува Елејн. Исто така, има голем број можности за клинички испитувања и научни истражувања поврзани со медицинскиот канабис.

* 420 Macedonia доби интернационална поддршка од австралиското движење Aussie Canna

„Универзитетот во Сиднеј добил 34 милиони долари за да ја истражи оваа област, па постои голема потреба од добри научници и истражувачи за работа“ - вели таа. Секако, потребни се вработени кои ќе имаат важна улога во одгледувањето на канабисот, техниките за екстракција и доведување на канабисот во неговата финална форма за продажба, како и вклучување на разни индустрии кои ќе обезбедуваат опрема, осветлување и сл.

* Студија: Легалната марихуана може да генерира повеќе од 132 милијарди долари во федералните даночни приходи и 1 милион работни места!

Според Дерби, потребни се и лица кои би биле едукатори за канабис и кои би биле од голема полза за пациентите, докторите и фармацевтите. Улогата на ваквите едукатори би била да им помогнат на пациентите да го употребуваат канабисот на најдобриот начин за нив. Тоа вклучува и одбирање на посебен вид на канабис, дозирање (земање мерка и прилагодување) и надгледување. „Канабисот е различен од разновидните лекови; тој бара труд и внимание од страна на пациентот и секако постојано информирање и учење за него“ - заклучува Елејн.

Автор: Ангела Т.

Извор: The Sydney Morning Herald

Запознајте го 24-годишниот основач на голема страница за канабис вработувања

До 2026 година индустријата за марихуана би можела да вреди 50 милијарди долари годишно, па 24-годишната Карсон Хамистон (Karson Humiston) сака да го премости јазот помеѓу работниците заинтересирани за кариерите поврзани со канабис и компаниите кои сакаат да го развијат својот бизнис. Хамистон е основач на онлајн платформа за кариера Vangsters, која обезбедува централна локација за работодавците во индустриите поврзани со канабис, да најдат потенцијални вработени

Karson Hamiston

Платформата е бесплатна за кандидати за работа, но компаниите што го користат сајтот плаќаат надомест од 69 долари месечно за неограничено објавување на работни места. Хамистон имаше идеја да регрутира таленти во индустријата за канабис во 2015 година, кога таа дипломираше на Универзитетот Св. Лоренс. Откако присуствуваше на саемот за канабис во Њујорк и слушаше за тоа како компаниите зборуваат за отворање во областите како што е маркетингот, Хамистон знаеше дека може да им помогне на работодавците да ги пополнат тие работни места. „Видовите позиции што беа достапни во индустријата за канабис, дури и во 2015 година, ми го разнесоа умот“ - вели таа за CNBC. „Затоа решив да отпочнам бизнис, кој некогаш беше наречен ‚Gradujuana‘“ - кадешто ќе ги поврзуваме студентите кои студираат на колеџ и неодамнешните дипломирани со работни позиции во растечката канабис индустрија“ - додава Хамистон.

Следниот ден, Хамистон се врати на саемот со ново-направени бизнис картички за да им покаже на работодавците колку е сериозна. „Прошетав од кабина до кабина велејќи:‚Јас сум Карсон Хамистон и можам да ви помогнам да најдам практикант или неодамнешен дипломец со мојата компанија, Градујана‘“. Откако генерирала доволно потенцијални клиенти за да ја потврди дека нејзината идеја би можела да стане бизнис, неодамнешните дипломци се преселиле од Њујорк во Денвер, кадешто се наоѓаа повеќето компании во индустријата. „Не знаев никого во Денвер“ - вели Хaмистон. „Живеев во хотел и реков дека ќе останам еден месец и ако можам да остварам состаноци и да добијам клиент, ќе се задржам овде и ќе го направам тоа“ - додава таа.

Во јули 2015 година, Хамистон го обезбеди својот прв клиент, O.penVape. Компанијата имаше потреба од помош за да најде сметководител. „Им реков: ‚Што ќе направам е тоа што ќе одам и ќе го ставам ова до мојата мрежа на студенти и неодамнешни дипломирани кои ќе ги вработувате за сметководител“ - вели таа. „Ќе ги интервјуирам кандидатите, проверете ги нивните референци и јас ќе ви ги испратам најдобрите кандидати - и најдобриот дел е тоа што ќе го направам сето ова за 500 долари“ - додава Хамистон. Како бонус, таа понуди да се откаже од нејзиниот надоместок ако не успее да најде кандидат за фирмата. O.penVape потпиша договор.

Хамистон продолжи да следи компании од саемот, а кон крајот на август 2015 година се поврза со консултантската фирма Canna Advisors. Компанијата ѝ кажа на Хамистон дека повеќе не се заинтересирани да ја платат својата тековна компанија за пребарување 20 проценти од платата за прва година на работните места што ги пополнуваа. Откако Хамистон беше почетничка ѝ понудија 2.000 долари од позиција за да ги пополни отворените места за менаџер на градежен проект, технички писател и извршен асистент. „Во мојата глава светна сијаличка: ‚О, мој Боже, постојат компании таму кадешто се наплаќаат 20 отсто од годишната плата“ - вели Хамистон. „Тогаш, го доживеав тој момент на соочување со Исус и ми требаше да излезам и да вработам други луѓе кои имале искуство во регрутирање, кои имале искуство со стекнување клиенти - и тоа е навистина кога нашиот бизнис почна да полетува“.

Хамистон го искористи приходот од пополнување на работните места на советниците на Cana Advisors за да го направи своето прво вистинско вработување. Во 2016 година, како што компанијата почна да пополнува повеќе позиции на повисоко ниво, таа го промени своето име од Градујуана во „Мрежа на таленти Вангст“ - Vangst Talent Network. „Вангст значи ‚фати‘ на холандски јазик“ - вели Хамистон, која сега има 25 вработени. „Јас сум дел од Холанѓаните, а идејата беше да ги фатиме најдобрите таленти и тоа не беа само стажанти и неодамнешни студенти“. Кана Адвисорс сè уште е клиент на Хамистон денес, а Вангст има поставено осум или девет вработени во малата фирма, вклучувајќи и потпретседател за развој на бизнисот.

„Употребив комбинација од внатрешни лица за човечки ресурси и агенции за регрутирање, а јас само откривам дали вработените во Карсон се навистина големи ловци и добри во постигнување и изнаоѓање таленти кои можеби не бараат“ - вели ко-основачот Дајан Чарковски (Diane Czarkowski). За успехот на мрежата Vangst Talent Network, Хамистон одржа саем за кариера во Денвер во 2016 година и ја започна онлајн платформата Vangsters во август 2017 година. Досега има 12.000 кандидати, 53 компании и околу 200 работни места на платформата, но Хамистон вели дека еден од нејзините најголеми предизвици е тоа што сѐ уште им помага на компаниите да ги надминат стереотипите поврзани со индустријата. 

Таа се сеќава дека му помагала на клиентот во Сан Франциско да извлече талент од луксузен бренд за да работи како менаџер во продавница за малопродажба во нивната компанија. „Убедувањето на луѓето да излезат како менаџери на Неиман Маркус (Neiman Marcus) или Шанел и да управуваат со диспанзерите е транзиција, а луѓето сè уште не се задоволни со индустријата“ - објаснува Хамистон. „Така, како компанија, имаме обврска да ги едуцираме нашите кандидати за индустријата, за тоа каде оди индустријата и каде се наоѓаат можностите“ - заклучува оваа млада канабис бизнис жена.

Автор: K.K.

Извор: CNBC