Наташа од Скопје ја победи леукемијата со концентриран екстракт од канабис!

„Здраво денеска проверував крвна слика резултатите добри: хемоглобин 119; леукоцити 3,2; железо 26,7; тромбоцити 108, благодарение на маслото и на Бога“ – изјави на Фејсбук скопјанката Наташа Додевска на 29 мај. Таа е нашата втора нелегално излечена 36 годишна храбра канабис-револуционерка, која одлучи својата приказна да ја сподели со македонската јавност за да им докаже на сите дека канабисот лекува, а хемотерапијата го убива ракот заедно со пациентот и за да ги охрабри сите кои се заболени од некаков вид на рак да не се плашат да зборуваат и за жал лекот за сега сè уште можат да го најдат само на црниот пазар, или нелегално да си го прават сами. Таа исто така сака да им помогне на сите во иста или слична ситуација како нејзината и да ги охрабри да започнат јавно да зборуваат и да бараат промена од властите преку масовни протести, затоа што само така сплотени заедно ќе можеме побрзо да го ослободиме овој природен лек и да го направиме лесно достапен за секого. Наташа несвесно се согласи на две хемотерапии и свесно ја одби третата (превентивна) хемотерапија и својата дијагноза успешно самостојно ја третираше со екстракт од канабис. Нејзините најнови резултати потврдуваат дека канабисот навистина го убива ракот и го уби нејзиниот рак на крв. Веќе два месеца Наташа не зема масло поради тоа што состојбата и е стабилизирана, резултатите сега ѝ се добри и таа сега се чувствува добро и без маслото.

420 Macedonia: Како дозна дека си болна и кога ја доби својата дијагноза? Што ти рекоа докторите и како тие сакаа да те лекуваат?

Наташа: Јас пред да дознаам дека сум болна, се чувавстував омалаксана, поспана, уморна, бледа, изнемоштена. Затоа отидов на рутинска контрола во лабораторија за да ја испитам крвта и кога ги добив резултатите сите вредности на лабораторискиот извештај беа на најниско ниво. Со тој резултат отидов на хематологија, бидејќи немав друг избор и кога и таму ми ја проверија крвната слика и вторите резултати само ги потврдија првичните наоди. Веднаш ме задржаа на одделение, каде што најпрво ми дадоа две ќеси крв за да застанам на нозе. Другиот ден ми направија стерилна пункција на коскената срж и по еден ден од испитувањето на коскената срцевина, дијагнозата беше акутна миелоцитна леукемија (Acute myeloid leukemia). Кога бев известена за тоа јас не знаев што да правам, бев во транс, тотално избезумена и морав да се согласам да ја примам хемотерапијата бидејќи не знаев што друго да направам. Ми падна целата коса, тоа беше страшно... Не можев да се препознаам, не можев да станам од кревет. 

Наташа за време на хемотерапија

420 Macedonia: Како и кога дозна за канабисот и дека маслото лекува рак? Какво беше твоето првично мислење за канабисот и кога прв пат во својот живот си имала контакт со оваа билка? 

Наташа: Порано бев скептик и не верував дека канабисот има таква моќ, па дури и бев против, не ги оправдував корисниците на канабис, ги осудував младите што користат канабис. Не бев соодветно информирана и никогаш не мислев дека навистина може да помогне и да спаси човечки животи и никогаш не помислував дека мене ќе ми биде потребен и дека ќе ми помогне. Но, сега повеќе не мислам како порано. Во текот на самата хемотерапија, додека ја примав – пребарував на интернет за алтернативни решенија против ракот и така дознав за канабисот. 

420 Macedonia: Како изгледаше твоето патешествие во потрагата по квалитетно масло од канабис со висок процент на THC, какво што е потребно за лекување на рак?

Наташа: Се зачленив во групата Зелена Алтернатива и самите активисти од тоа здружение ми понудија да користам домашно изработено масло од канабис преку црниот пазар, понатаму сама се снаоѓав како знаев и умеев, многу беше стресно и напорно. Сметам дека да знаев порано за овој лек, би можела да ѝ помогнам и на мојата мајка, која почина во 2010 година од два разчлични вида на карцином и тоа на плуќа и карцином на бубрег.

420 Macedonia: Како понатаму изгледаше твоето лекување? Кога започна да користиш екстракт од канабис? Дали го користеше разреденото масло од аптека или користеше концентриран екстракт од црниот пазар? 

Наташа: Откако ја примив првата хемотерапија којашто траеше 23 дена во болница, потоа ми дадоа 10 дена пауза и јас само што стигнав дома, веднаш го порачав маслото од црниот пазар и го консумирав 3 пати на ден со доза од половина зрно ориз во текот на наредните пет дена, а потоа ја зголемив дозата на цело зрно ориз канабисово масло. По само 10 дена користење на маслото – (околу 3 кубика), кога се појавив во болница за втората хемотерапија, повторно ми беше направена стерилна пункција на коскената срж, од којашто резултатите само потврдија дека болеста е повлечена. 

420 Macedonia: Што ти понудија докторите превентивно, откако твојата состојба се подобри со канабисовото масло? Дали тие поверуваа во моќта на маслото?  

Наташа: Докторите од опасност повторно да не ми се врати заболувањето и за да нема остатоци од малигни клетки во организмот, ми понудија уште една превентивна хемотерапија, којашто ужансо ја поминав и имав страшни негативни последици врз целокупната благосостојба. Тие не веруваа дека маслото ме излечи, тие сугерираа дека сум подобра благодарение на примените хемотерапии. Со крајни сили и со помош на Бог ја издржав и преживеав втората хемотерапија и кога си дојдов дома со моето семејство одлучивме повеќе да не се враќам на хемотерапија и да си продолжам да се лекувам со маслото од канабис од црниот пазар. 

420 Macedonia: Дали ти беше вршен притисок да прифатиш хемотерапија/радијација и дали ти беше вршен некаков притисок да не започнеш со канабис терапија? 

Наташа: Не бев принудена за да прифатрам хемо, меѓутоа немав понудено никакви други опции. Јас дознав за канабисот после првата хемотерапија. Не ми беше вршен притисок, туку хемото ми беше претставено како единствено исправно и најдобро за мене решение и пресреќна сум што се освестив на време, благодарение на Бога и канабисот.

420 Macedonia: По двете примени хемотерапии дали продолжи со овие хипер токсични третмани кои го доведуваат телото на пациентот до раб на смрт, во надеж дека ракот ќе умре пред пациентот и кои најчесто завршуваат фатално. Нажалост тоа им се нуди како единствено и неизбежно решение?

Наташа: Откако јас завршив со втората хемотерапија, ме пуштија од болница со многу ниски вредности на крвната слика, премногу изнемоштена, се чувствував како да го губам животот. По втората ми дадоа наредна пауза од 2 недели и потоа јас на третата повеќе не се појавив. Месецот јануари го поминав многу тешко, бидејќи навистина не можев брзо да дојдам на себе од хемотерапијата којашто само ги поништи до тогаш постигнатите позитивни резултати од употребата на маслото. Кога некој зема хемотерапија, потребно е да се земе двојно, па дури и тројно повеќе масло, затоа што маслото не само што треба да се бори со болеста, туку и со токсичноста на хемотерапијата. Кога на 8 февруари се појавив на хематологија јас повторно, по мое барање сакав да ми администрираат крв. Бев одбиена бидејќи јас ја одбив свесно третатата хемотерапија и докторот беше лут. Ми нудеше повторно да легнам во болнички кревет, па тие ќе се погрижеле за мене, тогаш ќе ми дале и хемо и крв и сè што ми е потребно... Јас не се согласив, поради тоа што ми беа фрлени во лице моите болнички документи и морав да ја напуштам болницата разочарана. 

420 Macedonia: Екстрактите од канабис кои лекуваат канцер за жал сè уште ги нема по аптеките...  Дали лесно се стигнува до квалитетен лек? Или можеби си го подготвуваше сама?

Наташа: Од моето искуство и од искуствата на другите македонски пациенти што се лекуваат со масло, кои ги запознав за време на ова мое патешествие, можам да потврдам дека тешко се доаѓа до квалитетно и соодветно потентно канабисово масло, поради тоа што луѓето не се доволно информирани. Покрај тоа што јавното мислење за важноста на оваа билка е многу подобрено од пред неколку години, сепак уште владее стигмата и сите сè уште се плашат. Луѓето се информирани за маслата што ги има по аптеките, а кои не можат многу да им помогнат на пациентите со канцер и сметам дека сè уште се зборува премалку јавно и отворено за виситната за канабисот и за концентрираните екстракти какви што јас користев. Дилерите заработуваат на маката од полуживите пациенти. Тоа мора да се промени!

420 Macedonia: Како го користеше екстрактот од канабис и како го дозираше? Орално или преку супозитории? Како се чувствуваше на почетокот додека твоето тело се навикнуваше на маслото? Дали сè уште примаш доза за одржување? Дали стана зависна од канабисот?

Наташа: Маслото го земав најпрво преку уста и тоа првите 3 кубика, а потоа продолжив со супозитории кои сама си ги подготвував. Постепено соодветно ја зголемував дозата според препораките на Рик Симпсон. Додека се навикнав на маслото првите 3-4 дена имав сонливост и зголемен апетит за јадење и малку повеќе од вообичаено бев расположена, насмеана и имав душевен мир. Се чувствував нормално, многу природно и убаво и не почувствував никакви несакани споредни ефекти од земањето на овој природен лек. Јас маслото не го користам веќе два месеци и живеам најнормално, па дури и се чувствувам подобро и поздрава од пред болеста. Најважно да напоменам е тоа дека не сум зависна од маслото, не чувствувам потреба дека морам да го земам – тоа е потврда дека е целосно безопасен лек од кој не може човек опасно да се предозира и да си наштети и секој може да се излечи или барем да ја подобри својата состојба или контролира со правилна употреба на екстрактите. Ако ми е потребно планирам и понатаму во животот со задоволство да го користам овој природен лек. 

420 Macedonia: Дали ти беше пријатно лекувањето со смолата од канабис?

Наташа: Лекувањето со канабис ми беше многу лесно, едноставно и забавно, јас не ни чувствував воопшто дека сум на некаква терапија, само морав да внимавам да не ги прескокнам дозите. Во живот ме држеше мислата дека не сакам моите деца да останат без мајка. Маслото од канабис ми даде втор живот.

420 Macedonia: Каква беше реакцијата на твојот онколог и на другите доктори откако одлучи да одбиеш хемотерапија и дека ќе почнеш со масло и какви беа нивните реакции откако му ги покажа најновите резултати, по започнувањето со масло од канабис?

Наташа: Мојот доктор ми рече дека тоа е џабе фрлање на пари и дека не постои откриен подобар лек од хемо за канцер и дека никој не успеал да се излечи од рак. Кога пред два-три дена се сретнав со медицинско лице вработено на хематологија, не можеше да поверува дека сè уште сум жива без хемотерапија!

420 Macedonia: Какви други алтернативни терапии користеше за време на лекувањето? Како се хранеше? Дали напоредно со терапијата со масло можеби користеше канабис и на други начини? Какви и како, колку често? 

Наташа: Внимавав повеќе на исхраната. Не јадев благо, не пиев газирано, пиев многу домашен сок од аронија, цвекло, јаболко, морков, мед и ѓумбир. Специјални мешавини од чаеви конкретно за мојата дијагноза. Не јадев пржено, повеќе бев на салати. Консумирав сода бикарбона со лимон за чистење (детоксикација) на токсините од хемотерапијата. 

420 Macedonia: Дали мислиш дека сè уште би била тука со нас да прифатеше хемотерапија и како сега ти гледаш на оваа Света Божја лековита билка? Дали имаше поддршка од семејството и пријателите?

Наташа: Поддршка имав најмногу од моето семејство, а најмногу мојот сопруг. Тој исто така поради јаки болки во грбот примаше масло со голем успех. Блиските ми забрануваа да продолжам со хемото. Мислам дека ако ја земев третата хемотерапија, јас чувствувам дека ќе бев почината и немаше сега да можам да одговорам на вашиве прашања. Сега на канабисот гледам дека тој е БЛАГОСОСТОЈБА. Фала му на Господ што моите пријатели што се на висока функција ми помогнаа да разговараат со докторот, па така докторот омекна и дозволи да ми биде дадена крв, по два дена молење. Од 10 февруари, па сè до средината на април го примав маслото и кога направив крвна слика на 29 мај резултатите беа хемоглобин 123; тромбоцити 108; електроцити 3,7; леукоцити 3,2; железо 26,5 – тоа се фантастични резултати кои потврдуваат дека канабисот ме излечи, а не хемотерапијата на докторот. 

Здрава и права со канабис!

420 Macedonia: Дали сметаш дека и здравите луѓе пожелно е да користат канабис превентивно?

Наташа: Да! На сите им го препорачувам канабисот. За спречување на настинки, вируси, болки, го сметам како превентивен лек за секакви шок состојби во телото, може да се користи како лек за главоболки, депресија, анксиозност, нервни растросјтва и тие дози за поревенција може да бидат и многу мали и воопшто да не се чувствуваат. Како што веќе споменав погоре, на канабисот гледам како на благосостојба за секој човек што страда од било која дијагноза. Канабисот не лекува само рак, туку и многу други болести и состојби како: рани, аутизам, епилепсија, болки, дијабет, глауком... и многу други. Секогаш прво вреди да се проба на природен начин. Секогаш прво вреди да се проба со канабис, бидејќи е безопасен.

420 Macedonia: Како според тебе треба канабисот да биде регулиран или можеби воопшто не треба да биде регулиран? 

Наташа: Ја замолувам јавноста и власта, за малигни заболувања за деца и возрасни целосниот екстракт од широкиот спектар на канабиноиди, терпини и флавоноиди, со висок процент како на ТХЦ, така и на ЦБД, да е целосно бесплатен. За сите останати помалку сериозни состојби и за превенција, цената сметам дека треба да биде симболична за секој да може да си го дозволи и да има лесен пристап до овој лек. Па, нели секој човек заслужува да биде здрав, особено кога станува збор за лекување на природен начин, кое никому не може да му наштети, ниту пак некого на било каков начин да го загрози.

420 Macedonia: Какво е твоето мислење за нашето движење 420 Macedonia, за нашата страница, за целокупната наша дејност и сите активности што до сега сме ги реализирале и дали тебе ти бевме од помош? 

Наташа: Страницата е супер, одлична, пресреќна сум што на светов уште постојат млади луѓе како вас, кои ова го прават со најискрено срце, волонтерски без никаков надомест, само за подобро утре на сите нас. Пресреќна сум што ми дадовте можност да ја споделам со сите мојава животна приказна за канабисот и ракот и благодарна сум им на сите луѓе кои работат на оваа страница и им порачувам да продолжат да информираат и да го прават тоа што го прават. Господ нека ви дава здравје, мотивација и сила и нека ве чува.

Наташа со сопругот <3

420 Macedonia: Што ќе ги советуваш нашите читатели? Како побрзо да го ослободиме овој лек? Што според тебе секој индивидуално треба да (на)прави? Збор-два за крај...

Наташа: Ги повикувам сите да излезат јавно да протестираат на улица за да се избориме за нашите права! Оваа проблематика ги засега сите, затоа што сите имаме ендоканабиноиден систем и на сите ни е потребен овој лек, без разлика дали сме здрави или болни и всушност секој од нас е потенцијален болен. Станува збор за сите нас, за нашата иднина и за иднината на нашите деца, на целото човештво! Се пријавувам да бидам во првите редови на четата за ослободување на конопот :) Ги охрабрувам сите да ја раскажат својата приказна на вашата страница, да ги споделуваат корисните информации што секојдневно и неуморно ги пласирате и да прават сè што сметаат дека знаат и умеат и можат за да допринесат кон побрза декриминализација на овој лек. Јас сум жив пример дека канабисот е лек за ракот, уште колку луѓе треба да страдаат додека не се ослободи овој лек?

Маката ги спојува луѓето! Нелегално излечените Катерина Алексиеска и Наташа Додевска на јавната дебата за канабис на 24 јуни во градскиот парк под името „1.000 зошто 1.001 затоа“