Уште неколку скриени тајни за ТРИХОМИТЕ: улога и видови?

Бидејќи трихомите се со микроскопска големина, треба да се зумира со лупа или микроскоп на белата покривка од смола која ги покрива квалитетните канабисови пупки за да се види полето на трихомите кое наликува на множетво од стебленца со малечки печурковидни главички

Кликни на сликата!

Според мене, најдобро е трихомите да се гледаат како минијатурни биолошки канабиноидни фабрики кои најмногу се наоѓаат  на цветовите и листовите од марихуаната. Трихомите најбогати со ТХЦ се тие што те напушуваат, а од трихомите најбогати со ЦБД се прави најдобриот лек. Љубителите на марихуана ги интересираат трихомите со главичести стебленца, бидејќи се најкрупни и продуцираат маслести медицински и рекреативни добра. 

* Воведна лекција за трихоми и нивните основни својства

Научниците идентификувале четири поголеми категории на трихоми најдени на канабисовото растение:

1. Повеќе-клеточни трихоми со капитати (Multi-cellular Capitate Stalked Trichomes)

2. Сесилни жлездени/главичести трихоми (Sesille Gland Trichomes)

3. Булеви трихоми (Bulbous Trichomes)

4. Не-жлездени цистолитични трихоми (Non-Glandular Cystolithic Trichomes)

УЛОГАТА НА ТРИХОМИТЕ

Трихомите олеснуваат неколку суштински функции за преживување на канабисовото растение. Лепливата површинска покривка од леплива смола претставува гранична одбрана против габи, инсекти и гладни тревојади. Некои мушички, габи и останати микроорганизми не можат да пенетрираат низ бариерата на трихомите, бидејќи им пречи и мирисот што се ослободува. Исто така, трихомите играат клучна улога во растот на канабисот во тешки климатски услови. Еден слој на смола го зажтитува дивиот коноп од штетни ветрови од пустинскиот југоветар до Сибирската снежна олуја. Трихомите дури служат како органски заштитувач од сонцето, па марихуаната ја заштитува од ефектите на УВ зраците. Трихомите се микроскопски супер структури кои ја вдомуваат суштината на психоактивните својства на канабисот. 

* Различни видови на трихоми од канабис и нивните секундарни својства

Исто така, можат да му помогнат на одгледувачот да го одреди оптималното време за берење на марихуаната. Надгледувајќи ја промената на бојата на овие т.н. смолести главички, одгледувачот може да ја оцени зрелоста на женските растенија во фазата на цветање. Во раната до средна фаза на цветање, смолестите главчиња се светли. Во текот на последната фаза од циклусот на цветањ99е, одгледувачот го набљудува преминот од светли главички до млечно бели и евентуално жолтеникави. Тоа е време кога марихуаната е спремна за жетва. Иако постојат и други фактори кои ја одредуваат зрелоста на цветовите, трихомите нека ви бидат водич за непрерана или предоцна жетва. Потентни концентрати како хашиш се прават од трихоми!

* Одгледување канабис во стаклена градина

Врската помеѓу трихомите и светлината е клуч за разбирање на големата важност на трихомите. УВ светлината е Х-факторот на влажната марихуана. Канабисот се храни со светлина и кога го апсорбира оптималниот спектар е кога е во најдобра состојба. Спротивно, ќе недостигаат потентноста и вкусот. Трихомите одговараат позитивно на УВ зраците и се верува дека благодарение на нив, трихомите продуцираат одредени терпени и канабиноиди. ЛЕД светилките обезбедуваат оптимален спектар на светлина за канабисот и се поефикасни од ХИД (High intensity discharge) светилките, но мора да сфатите дека ништо не може да го замени природното златно сонце и аутдор одгледувањето.

* Како да одгледуваш марихуана во плакарот без да бидеш фатен?

Зелената Револуција не се ограничува повеќе само на пушење на лепливи зелени цветови. Знаењето за трихомите ги отвора вратите на канабис кујната: прекрасни концентрати, тинктури, множетво на лекови и нови восхитувачки откритија кои допрва ни претстојат! „Како што со радозналост и радост ги откривам благодетите на ова свето растение со секој нов ден, мојата восхит и понизност пред ова растение растат со секое ново изгрејсонце“ - Ваш Никола

Автор: Никола Станчески

Извори: Royalqueenseeds, Leafbuyer

Различни видови на трихоми од канабис и нивните секундарни својства

Канабис ентузијастите ги сакаат лепливите кристали на нивните цветови, но многу малку ја знаат вистинската моќ на трихомите... Слојот врз канабисот што наликува на снежна кристална покривка, познат како трихоми, служи за многу цели, вклучувајќи зачувување на растенијата од прекумерна сончева светлина и предатори, а исто така и за производство на активните состојки канабиноиди кои се одговорни за медицинско-рекреативното дејство

Има ли нешто поубаво? ^_^

Видови на трихоми

Трихомите (малите светкави лепливи топченца), секако, не се единствени ботанички формации присутни исклучиво на растението канабис, туку се јавуваат и кај други растенија и тие можат да опслужуваат различни функции во зависност од растението. Некои месојадни растенија дури и користат трихоми за да го фатат својот плен. Трихомите од канабис се широко категоризирани во две категории: жлездени (glandular - гландуларни) и не-жлездени (non-glandular) - негландуларни, заедно со повеќе под-категории за секоја од нив. Не-жлездените трихоми се одговорни за заштита на билката канабис. Тие служат за различни функции, вклучувајќи ги и чувањето од штетните животни и инсекти, истовремено спречувајќи мувла и габи да се формираат и размножуваат на растението канабис и помагајќи ѝ на билката да ја задржи својата влага. По структура овие трихоми можат да бидат едноклеточни или повеќеклеточни. 

* Воведна лекција за трихоми и нивните основни својства

Погледни ја билката со лупа! Воодушеви се!

Овие трихоми се наоѓаат на лисјата на растенијата, на краевите и на стеблата и до одреден степен на самите цвеќиња. Не-жлездените трихоми делуваат како одбранбен штит од интензивни УВ зраци кои би можеле да бидат штетни за една билка, помагајќи да се одржи растението канабис здраво и енергично дури и во сув летен ден. Не-жлездените едноклеточни трихоми се првите кои се развиваат во билката канабис. Овие мали влакна им помагаат на билките да ја задржат влагата на исклучително топли температури. Исто така, откриени рано во развојот на растението се кристолитските трихоми (chrystolithic trichomes - влакненцата), кои се малку поголеми од едноклеточните трихоми. На листовите се наоѓаат кристолитски трихоми и се верува дека ги спречуваат разните видови на предатори.

* Најдобри методи за екстракција на концентрати од канабис

Едуцирај се!

Жлездените трихоми произведуваат и складираат смола и се извор на терпенскиот профил на растението и неговата содржина на канабиноиди како THC, CBD и др. Тие се наоѓаат во изобилство на здравите женски растенија од канабисот: оние што ги пушиме, вапоризираме, јадеме или користиме ректално или топично со мачкање - за да уживаме во лекувањето со марихуана. За разлика од нивните не-глодуларни колеги, жлездените трихоми се секогаш повеќеклеточни. Постојат три под-категории на жлездените трихоми. Capitate-stalked трихомите се најважни за нашето искуство со канабисот, бидејќи тие носат најмногу канабиноиди, терпени и други есенцијални масла. Тие, исто така, произведуваат канабиноиди, но во многу помала мера од capitate-stalked трихомите. Bulbous трихомите се мали и практично невидливи за голо око и тие не се извор на канабиноиди и терпени.

* Колку долго трае маслото од канабис? Рок на траење на концентратите од канабис

Постојат повеќе варијанти на трихоми...

Бои на трихомите

Трихомите созреваат за време на различните фази на растечкиот циклус на канабисот и нивната боја е еден од основните показатели за тоа кога е време за жетва на растението. Во почеток за време на фазите на раст, трихомите се проѕирни. Кога се претвораат во облачна или млечна нијанса, ова ја сигнализира кулминацијата на канабиноидната продукција. Додека трихомите почнуваат да се свртуваат кон килибарна нијанса, ова сигнализира дека е време да се оберат цветовите. Се препорачува брзо да се соберат за сушење, откако забележливо количество трихоми се претворува во килибарно-кафена боја, бидејќи предолгото чекање всушност може да предизвика квалитетот на трихомите да се деградира значително. Тоа може да резултира со помалку од оптимална жетва. Едноставно, вашите цветови ќе бидат во најпотентниот момент, кога сите трихоми се млечни и помалку од 10% штотуку почнале да добиваат килибарна нијанса.

* Како да исушиш мокра марихуана? Неколку интересни совети

Одржување на цветовите хидрирани

Сушената билка може да биде проблематична бидејќи трихомите не можат да продолжат да ги чуваат канабиноидите и терперните коишто се одговорни за медицинското чувство и неодолив вкус и мирис. И покрај тоа што е од клучно значење за една билка да има здрава обвивка од трихоми за време на нејзиниот развој за заштита, исто така е многу корисно да се одржи навлажнувањето на канабисот дури и откако е подготвен за да се пуши, така што топлината, светлината и кислородот не ги деградираат трихомите и што би го направил цветот помалку потентен. Поради оваа причина, во последно време потрошувачите на канабис се свртуваат кон регулаторите на влажност, за да ја сочуваат свежината на нивната билка долго по бербата, без да мораат да прават екстракти и тинктури од сувиот материјал пред да започне да ја губи својата јачина.

* Три моменти кога постои најголема веројатност да се соочите со мувлата кога одгледувате марихуана

Топчести и влакнести трихоми

Integra Boost е еден пример за регулатор на влажност што може да се стави во тегла со сув цвет за да се задржи одредената влажност и да се спречи формирањето мувла на туфките. Овие мали паковки, исто така, обезбедуваат мазен чад, за разлика од грубоста на земање на голем здив кој гребе на грло од некоја сува билка која седи во тегла со недели или месеци. Integra Boost ги задржува терпените да не ја изгубат својата острина, што резултира со вкусен чад, сличен на чадот од штотуку обран и исушен цвет. Пакетите на Integra Boost обично се продаваат по околу 4 долари од парче, добро вреди да се зачува свежината на вашата омилена врста.

* Како правилно да ги чуваме продуктите со канабис за да се продолжи рокот на траење?

Собери го магичниот нежен прав и заштити го од влага!

Киф

Многу љубители на канабисот ги извлекуваат кристалните трихоми од цветовите на канабисот, со цел да произведат киф, прашокот што доаѓа од сува неактивирана смола. Кифот содржи висока концентрација на терпени и канабиноиди. Во суштина, пушиш прашок направен од трихоми без да го вдишеш остатокот од растението, што го засилува вкусот и медицинските квалитети на марихуаната. Овој сув вид на екстракт од канабис добиен по механички пат (на пр. со грендер во кој има мрежа) може да се добие преку механичко суво просејување познат на многу канабис ентузијасти. Овој кристален прав може директно да се вапоризира или подоцна може да се искористи на многу начини - на пример како зачин или најчесто со него се прска џоинтот за подобрен и помедицински ефект. Трихомите, исто така, може да се преработат во масло или восочен екстракт за дебинг или пресуван хашиш.

Читај повеќе:

* Туристите се тркалаат по патеката на канабисот во Мароко

* Важноста на процесот наречен „КЈУРИНГ“ (curing) за квалитетот и потентноста на цветовите

* Кјуринг - „лекување“ на цветовите од канабисот со употреба на вода

* Дали постои бела трева, односно албино канабис? ДА! Но, зошто? 

Автор и Уредник, Претседател на здружението: MoniQue Konopova

Извор: Leafbuyer

Воведна лекција за трихоми и нивните основни својства

Што се тоа трихоми? Што во врска со нивната содржина? Што во врска со нивната улога? Како и сите делови од канабисовото растение, така и трихомите, сами по себе се посебни на свој начин, специфични за нешто и величествени!

Кога ќе ги погледнете цветовите на марихуаната, ќе забележите дека постојат мали кристално блескави топченца по површината во кои се соджи лекот. Читајќи литература за канабисот многу често го среќаваме поимот трихоми и единственото нешто што во кој и да е контекст е напишано за нив е кратка дефиниција дека претставуваат жлезди преполни со смола од активните состојки, во вид на микроструктури кои ги има во голем број околу пупките од цветот, но и на листовите. Ќе откријам една тајна за нив - имено токму овие магични топчести жлездички се показател дали канабисовите цветови се подготвени за берба, доколку од бели се претворат во килибарно-кафени.

* Швајцарија започна со производство на легален хашиш!

Значи, трихомите се оние малечки и кристални влакненца кои ги покриваат туфките и со себе го носат најдобриот дел од лековитите состојки, а тоа се канабиноидите, терпените и флавоноидите. Имено, хашишот се прави токму од овие малечки кристални влакненца поради тоа што тие ја содржат скоро целата смола на растението, што го прави и доста леплив вид на екстракт! Значи, најимпактантната карактеристика на трихомите е нивната способност да ги создаваат канабиноидите и терпените, иако долго време научниците мислеле дека ТХЦ со останатите канабиноиди се создаваат во зелените ткива на растението и се транспортираат до трихомите за време на цветањето. Но, не е така!

* Терпини - молекулите што го прават мирисот на канабисот толку неодолив

Сите делови од канабисовото растение имаат барем малку ТХЦ во него,  додека туфките имаат 25-30% ТХЦ од сувата маса, поради тоа што сите делови од туфката се прекриени со трихоми, од внатрешното стебло, па се до околните ливчиња. Ова е сè што ќе кажеме за трихомите засега... За домашно, разгледајте ги трихомите на вашите канабисови цветчиња и направете добри фотки и испратете ни ги за да ги објавиме на ФБ страницата, до наредниот текст – продолжение на овој серијал за трихоми. Да ѝ оддадеме симболичен гест на почит и поклон кон оваа Универзумска карактеристика на растението Канабис, моќта да ја создава материјата која претставува лек и ресетирање за духот, умот и телото, посебно во овој период од колективната човечка свесност! Најавувам дека наредниот текст ќе зборува повеќе за морфологијата, физиологијата и разни останати карактеристики на трихомите.

* Како да направите хашиш со мраз?

Автор: Никола Станчески

Извор: Leafly, HERB