Friday, September 8, 2017

Историјата на канабисот во Африка и Америка

Канабисот во Африка

Африка е позната по употреба на коноп!
За канабисот и конопот постојат многу интересни и непознати факти! Во Африка има долга традиција на пушењето на билката канабис во тиквички и се користи како антисептик, како и третман за хидрофобија, делириум тременс (мамурлак), инфантилни конвулзии, невралгија, колера, породилни болки, третирање хемороиди, ревматизам и т.н. Имаше и неколку култови посветени на растението. Во 1884 година, кралот на племето Балука воспоставил „riamba“ или култ за пушење на канабис, наместо обожување на фетиши. Башиленгевото племе се нарекувало Бена Риамба (Bena Riamba) или „синови на конопот“ и се поздравувале со зборот „мојо“ (moio), што значи „коноп“ и „живот“. Ниту еден важен настан не беше донесен без употреба на канабис, започнувајќи од војните, па сè до трговските договори.


Америка во раните години

Знамето направено било од коноп
Во 1607 година, беше основана колонијата на Џејмстаун (Jamestown), Вирџинија. Помалку од 12 години подоцна, беше донесен првиот закон за коноп, кој задолжително налагаше одгледување на конопот за производство на растителни влакна (fibrous hemp). Други задолжителни закони заодгледување беа донесени во Масачусетс, Конектикат и Чесапик колониите. Луѓето, всушност, беа затворани во затвор затоа што не растеле коноп! Конопот таму и во тоа време се сметаше за форма на богатство, луѓето дури и можеле да ги платат даноците со него.

...напишана на хартија од коноп!
За време на Американската револуција, првиот нацрт на Декларацијата за независност беше напишан на хартија од коноп, а првото американско знаме беше исто така направено од конопно платно. Американската фармакопеја од 1851 година дури и го навела како лек кој е ефикасен во лекувањето на бројни болести. До крајот на 1800-тите години, канабисот беше честа состојка во многу лекови, често како тинктура или екстракт. Потоа злонамерниот Хари Анслингер (Harry Anslinger) првиот Комесар на Федералното биро за наркотици, во 1937 година го демонизираше ова растение и го направи нелегално. Остатокот, како што велат, е (забранета) историја. Дојде време за конопот повторно да се врати на полињата!!!


Автор: К. К.
Извор: HERB

No comments:

Post a Comment