Канабихроменот - ЦБЦ е третиот најистакнат фитоканабиноид во конопот, иако за него не се знае многу, затоа што не е толку искомерцијализиран како Канабидиолот - ЦБД. Она што се знае за него е дека игра клучна улога во неврогенезата, намалувањето на болката и на воспалението, а поседува аналгезични својства и не е психоактивен
КАКО ФУНКЦИОНИРА ЦБЦ?
CBC - Cannabichromene е еден од најпреовладувачките, а недоволно истражени канабиноиди и е третиот најчест канабиноид во канабисот, покрај ТНС и CBD и се верува дека не е психоактивен. За прв пат откриен во 1966 година, канабихроменот е структурно сличен со другите канабиноиди. Сепак, се верува дека игра клучна улога кај анти-воспалителните и аналгетските својства на канабисот. CBC взаемно дејствува преку CB1 и CB2 рецепторите кои вродено ги имаме низ телото и мозокот. Се поврзува и со други нетипични рецептори, како TRPA1 и TRPV1. Овие канали, како и ЕКС (ендоканабиноидниот систем) опфатен од канабиноидните рецептори, се поврзуваат низ целото тело, во сите ткива и органи. Играат клучна улога во пренесување сигнали на болка и воспаление испратени во други делови на телото. Зошто? Што е тоа „TRP“? Тоа е кратенка за канали со непостојан рецепторен потенцијал што значи дека тие се „СОС“ канали преку кои се испраќаат сигнали за болка и воспаление.
ПОВЕЌЕ-КАНАЛЕН КЛУЧ?
Овие непсихоактивни канабиноиди како CBC имаат улога на додатни клучеви или кодови. ЕКС можеби е главен регулатор, меѓутоа страничните канали како и други мрежи во телото можат да бидат стимулирани од додатните канабиноиди од канабисот (синергиски ефект). За пример, да го замислиме телото како електричен систем на канали. ЕКС е еден канал со канабинодни рецептори и канабиноидите најмногу го стимулираат ЕКС, но имаат пристап и до други рецептори. Поради ова, CBC може да се смета за канабиноиден специјалитет сам по себе. Може да се користи за третман на одредени здравствени состојби. Ова само по себе е револуционерен начин за да се размислува не само за ЦБЦ, туку за целата испреплетена мрежа на сите потенцијално корисни канабиноиди кои работат меѓусебно помагајќи си едни на други и правејќи си пат за дејствување.
КОИ СОСТОЈБИ ГИ ТРЕТИРА CBC?
Благодарение на недостатокот на истражувања и податоци за ЦБЦ, не е јасно како точно овој канабиноид може да управува со болката? Тоа мора да се разбере со идните испитувања и третмани. Може да се испита кај секое нарушување во движењето, каде што воспалението е исто така особина на заболувањето, како што е артритис. Покрај класичните воспаленија и болки, ново истражување од Весникот за експериментална дерматологија (Journal for Experimental Dermatology) открило дека СВС е погоден за третман на акни, бидејќи ја намалува продукцијата на лој од лојните жлезди и го намалува влијанието на арахидонската киселина врз кожата и жлездите. Уште повозбудлив е фактот дека СВС ја стимулира неврогенезата (раст на нервно ткиво). Можеби тој е и клучниот канабиноид кој влијае или ја забавува дегенерацијата на клетките при депресија, Алцхајмер, Паркинсонова болест и болести на моторните неврони, всушност може да се нарече „канабиноид на младоста“.
Својствата на овој канабиноид без сомнеж се фасцинантни. Дури и со малку евиденција за експерименти врз човекови клетки, СВС полека си го завзема својот трон, еве зошто:
- CBC и неврогенеза: Истражување на глодари објавено во 2013 година потврдува дека СВС позитивно влијае врз растот на нови клетки;
- CBC ги намалува хроничниот стрес и депресијата; Студијата на Универзитетот во Мисисипи утврди дека стаорците третирани со ЦБЦ дале подобри резултати на стрес-тестовите;
- CBC е антивоспалителен, а во комбинација со ТНС и CBD функционира поефективно, како и комбинацијата на било кои два од нив наместо само едниот (поради entourage ефектот);
- CBC има големо влијание врз болката. Истражување од 2011 година објаснило дека СВС стимулира мрежи за ублажување на болка кај животни;
- CBC има антибактериски својста за кои се знае веќе околу 40 години. Истражувања од 1980 година покажале дека СВС директно влијае врз смртоносни бактерии како E. coli.
КОИ ВРСТИ КАНАБИС СОДРЖАТ СВС?
Истражување кое датира од 1970-тите открило дека локалните теренски врсти канабис од Индија имаат високо ниво на CBC. Во нив, СВС е позастапен од CBD. СВС е содржан во повисоки нивоа кај помлади растенија. Во присуство на топлина и светлина, природно се распаднува до друг канабиноид наречен Канабисиклол (Cannabicyclol). Иако ТНС и CBD се најчести канабиноиди, истражување од 2013 ги анализирало канабиноидите од една од најраспространетите врсти во Европа наречена Bediol, кадешто СВС и CBN (Канабинол) – биле идентификувани како елементи во трагови.
Новинар: Никола Станчески
Уредник: MoniQue Konopova
Извор: Royalqueenseeds
ЧИТАЈ ПОВЕЌЕ:
* * *
