Хенри Форд во 1941 создал автомобил од коноп што работел на масло од конопово семе

Неговиот прототип конопно-пластичен автомобил бил изграден од целулозна пластика од конопови влакна. Очигледно Форд сакал да го тргне својот „Модел Т“ од употребата на етанолот. Всушност Хенри Форд и Рудолф Дизел никогаш немале намера да користат бензин во своите автомобили!

„Кога Хенри Форд (Henry Ford) неодамна го обелодени својот пластичен автомобил, како резултат на 12-годишни истражувања, тој му даде на светот увид во автомобилот од иднината, неговите јаки панели обликувани под хидрауличен притисок од 700 килограми на квадратен инч (psi) од рецепт кој повикува на 70 отсто целулозни влакна од пченична слама, коноп и Agave sisalana плус 30 проценти смолесто врзивно средство (лепило). Единствениот челик во автомобилот е неговата цевчеста заварена рамка. Пластичниот автомобил тежи еден тон, со што е за 450 кг полесен во споредба со челичен автомобил“ - велат Popular Mechanics.

* Придобивки и начини на употреба на конопот

Рудолф Дизел (Rudolf Diesel), пронаоѓачот на дизел моторот, го дизајнирал истиот да работи на зеленчуково масло и масло од семе како коноповото. Форд првично сакал неговите возила да се оттргнат од употребата на растителни масла од конопово семе и семе од други зеленчуци, наведувајќи дека „има доволно алкохол во годишен принос од еден хектар компири за да се управува со машините потребни за да се одгледуваат полињата за сто години“. Сепак, бензин индустријата тешко лобираше за да се задржат даноците на алкохолот високи и да се случи пад на цената на бензинот. Ова дури „се совпаднало“ со забраната на алкохолот и конопот во 1920-тите. Еве пооригинална снимка од Фордовиот конопно-пластичен автомобил:

Уредник и новинар: MoniQue Konopova

Извори: Waking times, Minds

ЧИТАЈ ПОВЕЌЕ:

* Зошто на светот му е потребна еколошки биоразградлива пластика од коноп?

* Дали пластиката од коноп е спасот за нашата планета?

* Пластиката од коноп може да го направи светот многу поубаво место за живеење!

* * *

* Конопот е новиот даб: Изградена е првата американска „конопно-дрварска“ фабрика!

* Нова технологија наречена Cannavore за справување со отпадот од канабис

* Ѕидање со коноп! Куќа од коноп изградена во руралните предели на Калифорнија!

Конопот е новиот даб: Изградена е првата американска „конопно-дрварска“ фабрика!

Зошто да ги уништуваме шумите? „HempWood“ (даските од коноп) се за 20 проценти потешки од дабот и суровината расте 100 пати побрзо. Тоа е одржлива алтернатива за мебел од полно дрво, дрвени предмети, подови и многу повеќе

Даски од конопни влакна!

Сега кога е веќе легално да се одгледува коноп во САД, човекот кој ја минал последната деценија во развојот на „цврсто дрво“ од коноп, гради фабрика во вредност од 6 милиони долари за масовно производство на овој индустриски конопен производ. Неговиот патентиран производ наречен „HempWood“ е направен од компримирани растителни влакна од коноп, кои се спојуваат заедно со лепило засновано на соја. Додека тоа може да звучи како некоја нова верзија на шпер-плоча, тоа не е така.

* Првата тоалетна хартија била направена од коноп! Не уништувајте шуми заради нашите задници!!!

Влакна од коноп

Изгледа и дава чувство како да е даб, но „конопното дрво“ всушност е за 20 проценти потешко од најпознатото цврсто дрво. Исто така, конопот расте побрзо за 100 пати (3-4 реколти во годината, бидејќи созрева за 3-4 месеци). Додека на дабовото дрво потребни му се најмалку 6 децении за да созрее. Тоа е добра вест за екологистите и за дабовите шуми, бидејќи тие се меѓу најзагрозените дрвја на планетата, поради високата побарувачка за цврст дабов мебел. Сопственикот на новата start up компанија Fibonacci, Грег Вилсон (Greg Wilson), беше пионер во индустријата за подови од бамбус пред конопот да стане легален.

* Новата конопна облека на Levi’s користи помалку вода за одгледување и дава чувство „исто како и памукот“

Јажиња од коноп

Компанијата користи технологија популаризирана од кинеската индустрија за плетење бамбус, како надополнување на технологијата развиена во другата компанија на Вилсон, SmartOak, која создава конструирани производи од дрво користејќи трупови, кои инаку би биле претворени во дрвени струготини. HempWood ќе се користи за производство на блокови, плочки, подни летви, плочи за сечење и скејтборди, сите по цени кои се многу поевтини од дабот, велат од компанијата. Компанијата ќе биде со седиште во Кентаки, каде веќе се одгледува повеќе од 40.000 хектари коноп.

* Придобивки и начини на употреба на конопот

Може да изградите куќа од коноп!

Уредник и новинар: MoniQue Konopova

Извори: Thelakenews, Returntonow

ЧИТАЈ ПОВЕЌЕ:

* Ѕидање со коноп! Куќа од коноп изградена во руралните предели на Калифорнија!

* Зошто на светот му е потребна еколошки биоразградлива пластика од коноп?

* Како конопот може да ја деконтаминира почвата и да го спаси светот?

* БИОГОРИВА - Eнергетскиот потенцијал на индустрискиот коноп!

* Дознајте како и зошто конопот станал нелегален?

Дали пластиката од коноп е спасот за нашата планета?

Треба да го прифатиме конопот или да ги трпиме последиците од неговото неприфаќање? Пластиката од коноп е биоразградлива (се распаѓа по бактериски пат), одржлива е (не ѝ штети на на околината) и нетоксична алтернатива за пластиката на база на нафта која масовно ја загадува нашата околина. Но, зошто не зборуваме за тоа јавно и транспарентно?

Конопот е едно од најсестраните растенија на планетава. Не само што се користи за правење на лек, како масло од ЦБД, туку може и да се доведе до конец за облека и  хартија, неговото семе е премногу хранливо и може да се користи како извор на гориво. А, дали знаете дека од неговото стебло може да се направи пластика? Бидејќи пластиката продолжува да ја загадува нашата околина, многумина гледаат на коноповота пластика како најдобра алтернатива.

Пластиката и околината

Производството на пластика започнало пред помалку од 80 години, но веќе имаме произведено повеќе од 8 билиони тони од 1950тите. Нажалост, само 9% од таа пластика е рециклирана. Околу 12% се гори, а останатите 79% опстануваат на нашата планета во депонии или во водите. И покрај тоа, сè уште годишно се произведуваат повеќе од 300 милиони тони.

* Пластиката од коноп може да го направи светот многу поубаво место за живеење!

Повеќе од 8 милиони тони пластика се исфрлени во океаните секоја година и тоа го уништува нашиот екосистем. До 2050 година се претпоставува во океаните да има повеќе пластика од риби. За злото да не биде малку, студија од 2006-та заклучила дека дотогаш може да исчезнат сите морски риби. Како последица на комбинацијата од загадувањето, климатските промени и други фактори, сите океански риби би исчезнале до 2048 година. Веќе сведочиме намалување за 90% од 29% морски риби и други видови кои човекот ги користи за исхрана.

Но, пластиката во океаните значи многу повеќе од самото снемување на морска храна! Секое делче од синџирот е незаменливо! Рибите и другите морски видови ги филтрираат токсините од морињата, ги заштитуваат бреговите и го намалуваат ризикот од опасни процветувања на алги. И кога ќе ги снема, морето, бреговите и целата планета бескрајно ќе страдаат.

Според Програмата за Околината на ОН (UN Environmental Program), повеќе од 600 видови животни, вклучувајќи риби, желки, морски цицачи и птици имаат конзумирано пластични отпадоци. Тука е и познатиот Голем Пацифички Слој на ѓубре кој плови меѓу западниот бред на САД и Јапонија; претставува огромна маса на небиоразградлива пластика, поголема дури и од некои острови.

Оваа пластика не се распаѓа, туку само се поделува на помали и помали парчиња - микропластика. Рибите ја помешуваат микропластиката со алги и планктони и ја јадат и бидејќи човекот јаде риба, исто така ја јаде и микропластиката!!! Пластиката најчесто се прави од нафта и содржи токсини и хемикалии како Бисфенол А (Bisphenol A - BPA). Проценето е од страна на Центрите за контрола на болести и превенција (Centers for Disease Control and Prevention - CDC) дека 93% од луѓето имаат бисфенол во урината што го зголемува ризикот од срцеви болести и дијабетес. Само редовното консумирање канабис може да нè заштити од ваквите токсични влијанија.

Како коноповата пластика може да помогне?

На неколку начини, а најдобриот аргумент е тој дека коноповата пластика е нетоксична и биоразградлива. Затоа, пластиката од коноп нема да ги загадува нашите океани, подземни води и депонии бидејќи ќе се разгради. Сепак, не е така лесно. Биоразградливата пластика како коноповата треба да се испрати до посебни комерцијални фертилизирачки фабрики за да се рециклира, а тие се скапи. Бидејќи ништо не се биоразградува доволно добро во депонии, а пластиката од коноп се биоразградува на висока температура. Но, сепак е побезбедна од нафтената пластика која ја кориситиме денес. 

Конопот како растение има релативно мала стапка на јаглерод. Пластиката од ова растение може да ја намали емисијата на СО2 за 30-80% во споредба со пластиката од нафта, бидејќи на конопот му треба многу СО2 за да израсне што помага во отстранувањето на ефектот на стаклената градина од атмосферата на Земјата. Конопот се смета за поодржлив бидејќи не му требаат пестициди за да израсне како на другите растенија, но затоа потребно е многу вода, љубов и труд. 

* Како конопот може да ја деконтаминира почвата и да го спаси светот?

Иако конопот бара многу повеќе ѓубрива, тие можат да ја остават почвата почиста отколку што била пред да се посади. Сето ова поради моќта на конопот за фиторемедијација - способноста за деконтаминација на почвата. Конопот е користен за чистење на почвата околу Чернобил и околината на Белорусија. Не самошто ја деконтаминира почвата, туку е и исклучива алатка за фиторемедијација бидејќи откако ќе ги абсорбира токсините, околу 75% од растението сè уште може да се искористи.

Дали пластиката од коноп е легална?

Сè уште е проблем да се култивира коноп во најголем дел од светот. Во САД некои земјоделци те култивираат преку посебни програми спонзорирани од Владата, благодарение на законот за земјоделци од 2014. Овој закон го редефинирал конопот со помалку од 0.3% ТХЦ кој се разликува од забранетото растение Cannabis Sativa L.

* Канабис и Коноп не е исто!

Како се прави пластика од коноп?

Коноповата пластика се прави од целулоза од коноп. Целулозата е најчестиот органски полимер на планетава и се користи за правење различна пластика вклучувајќи целулоид, целофан и вештачка свила. Стеблото на конопот е од 77% целулоза правејќи го одличен извор за оваа суровина. 

За споредба, дрвото содржи околу 40%, ленот 70% и памукот до 90% целулоза. Но, конопот е посебно корисен бидејќи расте многу побрзо од дрвјата и не му треба пестициди како кај ленот и памукот. Плус тоа, конопот е и цврст и флексибилен, а таква е и пластиката од коноп. Коноповата целулоза изведена од женски растенија е посебно трајна со тони на издржливост на импакт.

Дали некои производи користат пластика од коноп?

Не значи дека фирмите не пробуваат. Постојат Кикстартер кампањи за нови бизниси кои ќе користат пластика од коноп. Има и фирми кои продаваат 3Д филаменти за печатење од конопова пластика така што секој кој има 3Д печатар може да си направи свои предмети од конопова пластика. Еден од најпознатите брендови кои ја земаат во предвид коноповата пластика е ЛЕГО. Во 2015та фирмата ЛЕГО изјавила дека инвестирала околу 150 милиони долари во истражување и развивање на одржливи материјали за правење на ЛЕГО коцкички. Планот им е целосно да имплементираат биоодржливи конопови ЛЕГО коцки до 2030 година. 

Може ли пластиката од коноп да биде нашата иднина? Сигурно да! Иако нема да ги реши сите проблеми со пластика во светот. Односно, спасувањето на околината започнува од нас и нашето користење на пластика и коноп. Реалниот одговор е максимално намалување на секојдневната употреба на најобични пластични предмети како кеси, шишиња и цевки. Кога одиме на пазар или во супермаркет треба да си земаме кеси од дома, да рециклираме пласични шишиња и во кафичи кога порачуваме пијалак да нагласуваме „БЕЗ ЦЕВКА“ и задолжително треба да го споделите овој текст на вашиот ѕид! 

„Како што со радозналост и радост ги откривам благодетите на ова свето растение со секој нов ден, мојата восхит и понизност пред ова растение растат со секое ново изгрејсонце“ - од Aвторот со љубов <3

Автор: Никола Станчески

Извор: HERB

Го креваме од пепел производството на коноп! Кратка ретроспектива од Хрватска

Го креваме од пепел производството на коноп, па свесни сме дека на земјоделците им требаат повеќе информации за производство на канабис! Затоа сакаме да се потсетиме за некои достигнувања во земјоделството на ова поле од соседството. Приносот од индустриски коноп во Хрватска во 2014 година изнесуваше 35 илјади куни од 1 ха, па да видиме што уште се случуваше таа година, што ќе ни помогне полесно конопот да го вратиме и на нашите полиња

ЃAКОВО - „Овозможуваме одгледување на канабис за индустриски цели“ - Владата најави на својот профил на ФБ, поднесувајќи Предлог на Законот за изменување и дополнување на Законот за сузбивање на злоупотреба на дроги. Владата го менува истиот поради големиот интерес на фармерите, претприемачите и странските инвеститори кои велат: „Овозможете максимална употреба на индустриски канабис“ - бидејќи во нашата актуелна практика тој се користи само за исхрана на луѓето и животните, а остатокот од растението се фрла. Меѓу првите кои реагираа на промената на законот во корист на конопот е данскиот инвеститор кој планира да ја изгради првата фабрика за обработка на коноп во овој дел од Европа, а потоа и фабрика за машини и опрема за нејзино отстранување и преработка, во долината на Пожега.

* Кина е светски центар за производство на конопните култури 

Потребни на светскиот пазар

„Светскиот пазар е гладен за индустриски коноп“ - вели високиот дански инвеститор во Република Хрватска, Јан Лунд Ларсен. И споменатиот Предлог на Закон, Член 3, став 1 се менува и гласи: „Забрането е одгледување на растенија од кои може да се добијат лекови и производство, поседување и промет на лекови, растенија и делови од растенија од кои може да се добијат лекови и супстанции кои можат да се користат за производство на дрога, освен под одредени услови на законот во медицински, прехрамбени, индустриски, ветеринарски, здравствено-истраживачки и наставни цели“ Поборник на овој амандман појаснува: „Овој член ќе дозволи одгледување на коноп за индустриски цели (текстил, градежништво), за што стеблата на конопот ќе се користат за да се овозможи размножување на коноп и за индустриски цели“ Конечно! – извикуваат многумина за враќањето на конопот на полињата, бидејќи од него може да се произведе над 50.000 различнини производи и може да се примени во речиси секоја индустрија. 

Селаните заинтересирани

А, како теренот реагира на менувањето на законите поради индустрискиот канабис? Својата иднина во производството на конопот, заедно со другите традиционални култури, исто така ја гледа и Шандор Сабо од Каранка. „Размислувам повеќе за префрлување барем дел од производството кон такви култури... Со конопот би стартувал на мали површини“ – размислува Сабо. „Реакциите на законските измени се многу позитивни, сите очекувавме конечно да добиеме нешто профитабилно, а конопот е тоа. Според пресметките, приходите од коноп ќе бидат околу 35.000 куни од ха! Претставниците на данската компанија ја претставија својата инвестиција со коноп и сè повеќе охрабруваат. Интересот за коноп е апсолутен, бидејќи сите досегашни култури се потценети...“ - оптимист е Звонко Пипиќ од Југо Поље. 

Да го вратиме конопот на нашите полиња!

Нова шанса за поплавените

Земјоделците во поплавената област ја следат либерализацијата и легализацијата на канабисот и признаваат дека се заинтересирани за размножување. „Знаеме дека ова е исклучително корисно растение кое има огромен економски потенцијал, а по катастрофата што ја претрпевме и штетата што ја претрпевме, ние сме подготвени да создадеме нешто што е неспоредливо. Сега, кога земјоделците во Цвелферија се во голема неволја, мислам дека голем број од нив ќе се преориентираат на одгледување на канабис, само треба да ја знаеме пресметката, кој е уделот и заработката, бидејќи, се разбира, ние сме заинтересирани за сè што е атрактивно и каде може да се заработи“ - вели Антун Голубовиќ, од Ѓуриќ. Гунијците веруваат дека тоа би било многу корисно ако некој е информиран и едуциран во детали за тоа. „Имаме информации дека конопот, освен како главна култура, може да се употреби и како претходна култура која ги штити полињата и ја чисти почвата од различни метали и пестициди, така што ние сме многу отворени и подготвени за нова култура на нашите полиња“ - вели Марко од Рајево Сеље. 

* Индустрискиот коноп е четири пати попрофитабилен од конвенционалните култури

Во Черновци постоешенајголемата фабрика за волна. „Во последните денови е смешно и малку гротескно да ги слушаме приказните што сите добро ги познаваме – како ни е конопот потребен и корисен, бидејќи во времето кога бевме предупредени да го сториме тоа, никој не сакаше да нѐ слуша и самиот Кудељар исчезна заедно со технологијата за размножување и обработка на коноп. Да се подигне од пепел сега нешто што свесно е уништено за нас и денешните неразбирливи одлуки е исклучително тешко, бидејќи со текот на времето овој регион беше преориентиран на друг вид производство и одгледување на сточна храна. Сите знаеме дека за ова се потребни огромни инвестиции што можат да си дозволат само неколку, што го отежнува верувањето дека оваа активност ќе може да се ревитализира во оваа област, која исто така беше еден вид хрватски бренд за одгледување на лен и коноп“ – огорчено зборува Дорќич. 

* Индустриски коноп за подобра иднина на Македонија

Автор: Кате К.

Извор: Zeleno Zlato

Пластиката од коноп може да го направи светот многу поубаво место за живеење!

Пластиката од коноп може да го промени светот. Затворени сурови пластични гранули. Ако ги погледнете, можете да распознаете индивидуални влакна. Ако ви кажам дека постои начин со помош на кој може да се произведе најмногу од она што веќе го користиме на обновлив, биоразградлив начин, кое има многу мала јаглеродна димензија, збогатена со механички својства и понатаму е конкурентна со токсичните материјали кои се веќе во употреба, зарем не би се запрашале зошто тоа сè уште не е во масовна употреба? 

Проучете за пластиката од канабис

Мораме повеќе да се грижиме за нашата планета и да ги користиме био-разградливите и обновливи ресурси, како штое конопот - расте за 3 - 4 месеци... Од коноп може да се прави пластика, Хенри Форд направил автомобил од коноп, кој работел на биодизел гориво од коноп. Конопот може да ја замени секоја индустриска суровина, освен стаклото и металот. 

Пластиката од коноп е композитен материјал од база на полимери збогатена со влакна како додаток. За да го разбереме самиот материјал, прво треба да ги погледнеме неговите компоненти. Индустрискиот канабис е широко прифатен термин за контролирано одгледување на сорти Канабис сатива (Cannabis sativa). За што многумина не се свесни е дека ова растение не е исто како и неговата психоактивна сестра, марихуана (Cannabis indica). Индустрискиот коноп содржи помалку од 0,5% THC (тетрахидроканабинол), психоактивна супстанца која содржи марихуана. Затоа, не е можно да се надувате од индустрискиот коноп. Тој дури содржи и супстанца наречена CBD (канабиол) која ја блокира и исклучува оваа можност, затоа што претставува антидотум на психоактивниот ефект на ТХЦ-то. Овој вид култура некогаш беше столб на американската економија, но во 1930-тите нејзиното одгледување беше прогласено за незаконско и казниво дело.

* Индустрискиот коноп е четири пати попрофитабилен од конвенционалните култури

Пластични гранули од конопни влакна

Ослободувањето на канабисот продолжува да се развива изобилно во сите делови на светот и произведува едно од најтрајните природни влакна од растително потекло познати на човекот. Тие влакна имаат примена во многу индустриски гранки, вклучувајќи текстил, хартија, храна и биолошки индустрии. Пластиката од канабис е биопластика добиена со употреба на индустриски коноп. Постојат разлики во материјалите кои се рефлектираат на нивото на влакна од канабис, кои ја формираат полимерната база. Тие можат да варираат од стандардна пластика со армирано влакно, до оние со 100% на целулоза од канабис. Ова овозможува широк спектар на механички својства на добиената пластика, кои можат да се прилагодат за друга цел. Постојат многу предности за користење на пластика од канабис во споредба со употребата на стандардни полимерни соединенија добиени од нафта. Ние детално ќе опишеме некои од тие предности:

Поголема издржливост со минимална тежина

Со додавање на органски влакна од конопна пластика, матрицата на полимерната база е зајакната. Овие влакна се протегаат преку случаен аранжман, правејќи го материјалот посилен во сите правци, за разлика од јаглеродните влакна или бамбусните влакна, кои се паралелни со паралелата и се значително послаби. Во споредба со вашата стандардна пластика изработена од полипропилен (ПП), пластиката од канабис може да се пофали со 150% повисока истегливост (цврстина на истегнување), максимална сила до точка на кршење и до 250% повисока толеранција на вкочанетост, под силата на свиткување или деформирање на материјалот.

* Како конопот може да ја деконтаминира почвата и да го спаси светот?

Со додавање на влакна од коноп, материјалот станува исклучително лесен. Додека силата и издржливоста значително се зголемуваат, вкупната густина се зголемува само маргинално. Ова заедно резултира со производство на композитен материјал кој има карактеристики на исклучително силна издржливост со совршен сооднос на густината и силата. Ова создава можност за примена во области каде што во исто време е потребна комбинација од висока издржливост и леснотија на материјали, како што се автомобилската, воздушната и вселенската индустрија.

* Хемпкрит - еколошко градежништво!

Биоразградлив и погоден за рециклирање

Кога е направена од биоразградлива база на полимери добиени од канабис, пластиката е целосно биоразградлива и погодна за рециклирање. Ова е местото каде што лежи најголемиот потенцијал на овој материјал. Вообичаено, процесот на рециклирање се смета за повторна употреба или со обезбедување на нови форми на механички делови, додека користењето на повеќе биоразградливи материјали може да воспостави сосема нов животен циклус на еден производ кој е многу повеќе еколошки.

Циклусот започнува кога билката коноп се собира и се распаѓа на компоненти (суровини) неопходни за процесот на производство. Како резултат на процесот, производот се произведува постапно. По отпадот, производот се носи во депонија каде што природата сè си прави сама. Производот е разложен на хранливи материи како ѓубриво потребно за раст на растенијата, а со тоа циклусот е завршен. Пластиката од коноп е вистински одржлива алтернатива за употребата на стандардни пластики добиени од нафта. 

Погодна за животната средина

Конопот е познат по својата способност да апсорбира јаглероден диоксид (CO2), кој го вдишува до четири пати како што расте за 12-14 недели, наместо просечното дрво за истиот период. Производството на пластика од канабис бара помеѓу 22 и 45% помалку енергија, отколку производство на пластични фосилни горива. Земајќи ја предвид количината на емитиран јаглерод диоксид за време на периодот на раст, намалувањето на јаглерод е повеќе од 70%, од кои повеќето доаѓаат од самиот процес и употребата на механизација за време на процесот. 

Конкурентна цена и едноставност на производството

Цената на суровините за производство на пластика од коноп е неспоредливо пониска од цената на суровините за производство на пластика од маслени соединенија, затоа што конопот созрева за практично 90 дена, тој е биообновлива суровина. Канабисните култури се екстремно лесни за растење и можат, како што е прикажано досега, да бидат сјајни речиси насекаде. Од овој факт произлегува изреката: „Расте како коноп (плевел)“. Исто така неверојатно ја обновува почвата. Одгледувачите ќе го искористат како одлична култура за регенерација и дополнување на почвата со минерали кои ги апсорбираат другите култури за време на сезонскиот циклус. Единствениот проблем со кој се среќаваме е фактот дека ова сè уште е нелегално ... и дека многу компании мора да го увезуваат. 

Лесна за произведување

Пример за составен дел изработен од пластифициран коноп: систем за вшмукување за воздухот во автомобилот. Пластиката од канабис е сосема погодна за инјектирање, овозможувајќи им на многу производи да се произведуваат од неа секој ден. Овој процес почнува со тоа што суровината се топи во внатрешноста на бункерот и потоа се влева во калапи. Откако материјалот ќе се стврдне, делот е завршен, значи пластиката се лие. Овој процес е многу ефикасен и со многу малку трошоци може да се произведат многу комплексни делови од сложената геометриска структура. Со сите придобивки што општеството може да ги има од употребата на пластика од канабис и легализирање на одгледувањето индиски коноп, срамно е што уште е нелегално. Нашата мисија е да ја подигнеме свеста кај луѓето преку едукација. Ве охрабруваме да се вклучите во револуцијата на ослободување на канабисот и да го следите нашиот развој.

Автор: Кате К.

Извор: Zeleno Zlato, IRKA

Канабис и Коноп не е исто!

Психоактивната состојка во Канабисот

Зборовите Канабис и Коноп се синоними, но се однесуваат на два малку различни поими. Тие имаат различно значење, бидејќи се однесуваат на две толку слични, а сепак различни растенија. Тоа се всушност 2 подврсти од едно исто семејство растенија Cannabis Sativa L. Најголемата разлика помеѓу нив е тоа што се одгледувани за различни потреби. Индустрискиот коноп се одгледува за потребите на индустриите за производство на: храна за луѓе и добиток, текстил, обувки, лиена пластика, градежни и изолациони материјали, хартија, биодизел годиво, етерични масла, масло за јадење, додатоци за исхрана, легло за добиток, декоративна козметика и козметика за нега на телото, но и лекови. За разлика од него, медицинскиот Канабис се одгледува за потребите на медицината, за производство на лекови (Канабисово масло и екстракти) и други лековити производи (најчесто од цветовите и листовите) за лекување на многу тешки хронични болести, но и за спиритуална/ректеативна/превентивна употреба. Многу од тие заболувања како што е ракот (од секаков вид) или пак, епилепсијата (од секаков вид) кога се третирани со традиционалните фармацевтски лекови, (коишто само ја влошуваат состојбата на пациентите и имаат безброј негативни споредни ефекти) не покажуваат позитивен резултат.

Жетва на Конопово поле

Пoмеѓу Конопот и Канабисот постојат и други разлики.

Конопот вообичаено расте во височина и поради неговите тенки и долги стебла повеќе наликува на трска, додека пак, Канабисот без разлика дали станува збор за Индика или за Сатива, вообичаено повеќе наликува на грмушка. Покрај разликите во изгледот на овие две растенија, Канабисот се користи во медицината токму поради разликата во составот, т.е. во количеството на состојките. Имено, Конопот просечно содржи од 0.01-1.5% (максимум 3%) од психоактивната состојка delta-9 tetrahydrocannabinol (THC), додека пак, Канабисот во просек содржи од 5% до 20% (а новите хибриди содржат дури и повеќе).

Разликата е повеќе од очигледна.

Поради фактот што се одгледуваат за различни намени, Конопот и Канабисот бараат различни услови за нивно одгледување. Медицинскиот Канабис бара оптимални услови за производство на женски цветни растенија се` до цветната фаза од нивниот животен циклус.  Индустриските Конопови растенија се најчесто машки без цветни туфки. Затоа Конопот нема THC и расте многу побрзо во височина и тоа во надворешни услови, отпорен на временските (не)прилики. За да се постигне пак, максимум ниво на THC во Канабисот, тој бара повеќе нега и внимание и тоа најчесто во внатрешни услови: константна температура, влажност, константно одредена светлина и темнина (специјални светилки), како и соодветно количество на кислород и јаглерод диоксид.

Во однос пак, на легалниот статус кај нас, жалосно е тоа што двете растенија се забранети. И покрај тоа што едниот тип растенија се користи исклучиво за индустриска примена, двете растенија се нелегални и нивното производство е забрането. Парадоксално е тоа што легално е да се купуваат производи направени од Коноп, а незаконски е истиот да се одгледува? Во светот повеќе од 30 држави одгледуваат Коноп, а најмногу се одгледува во Кина.

Без разлика за што се употребува и без разлика која е коректната терминологија, легализацијата на Марихуаната претставува закана за фармацевтската индустрија и за останатите веќе постоечки индустрии, што можат да го користат Конопот како суровина, а наместо тоа користат штетни материјали за производство и немаат намера да започнат еколошки да функционираат, бидејќи од тоа немаат профит. Марихуаната може да ни го спаси светот и да ја подобри економската состојба на нашата држава на подобро и тоа на секое поле.

ЛЕГАЛИЗИРАЈТЕ ЈА МАРИХУАНАТА!

Индустриски коноп за подобра иднина на Македонија

Македонците не се паметни земјоделци. Ние увезуваме двојно повеќе отколку што извезуваме и имаме се` повеќе и повеќе необравотливи површини! Константната внатрешна миграција село-град придонесе нашите села да се речиси ненаселени, а обработливите површини се запустуваат или се продавани за мигрираните селани да можат да си обезбедат поудобен градски живот.

Според статистичките податоци, земјава располага со 509.000 хектари обработливо земјиште од вкупно милион хектари земјоделско земјиште. Според последните статистички податоци во 2011 година во Македонија имало 137.000 хектари необработена земја. Ако само на половина од неа би се сеел и одгледувал индустриски коноп со возможни три реколти во годината... на целава наша закржлавена транзициона земјичка во постојан прогрес ќе и` се издигне стандардот на сите полиња и ќе живнат сите индустрии.

Конопот е навистина едноставна култура за одгледување. Не бара скоро воопшто посветеност и голем труд, а исто така ризиците поврзани со неговото одгледување се сведуваат на минимум, бидејќи тој е многу издржливо растение во поглед на променливите временски услови, не бара многу вода, а што е најважно речиси и не го напаѓаат штетници! Нашето македонско поднебје создава идеални услови за одгледување на ова корисно растение, кое пред се` бара сонце, а Македонија е земја со квалитетна и плодна почва и најмногу сончеви денови во годината или 1.400 сончеви часови годишно.

Пред се` не може ни да се замисли, ниту пак, опише колку почист воздух ќе имаме во нашите презагадени градови, поради тоа што конопот има способност да апсорбира повеќе СО2 отколку дрвјата и расте побрзо од дрвјата. На дрвјата им требаат години за да пораснат, а на конопот само 3 месеци!

Потоа, ќе се отворат нови работни места во буквално сите возможни гранки од економијата - фабрики за производство на храна за луѓе и храна за добиток од коноп, фабрики за текстил од коноп (облека, платна, јажиња, вреќи...), обувки, лиена пластика, фабрики за производство на најиздржливите, најлесните и најеколошките градежни и изолациони материјали направени од коноповите влакна, потоа фабрики за производство на хартија, биодизел годиво, етерични масла, масло за јадење, лекови, фабрики за производство на додатоци за исхрана од коноп, потоа легло за добиток, како и за производство на декоративна козметика и козметика за нега на телото... и што ли уште не! 

А, да не говорам и за тоа колку ќе зајакне туризмот! Нашите историски места не се доволни за привлекување на туристите. Тие се веќе видени и досадни кога земјата сама по себе е сиромашна и нема што друго да понуди за гледање, освен маките на сиромашното население. Доколку започнеме да одгледуваме коноп, сите ќе бидеме богати, здрави и среќни, а државата исто така ќе биде среќна бидејќи нејзината каса постојано ќе се полни од нашите даноци за кои ќе имаме пари да ги плаќаме :)