Аргентина го доби најмладиот канабис доктор, а Македонија сè уште апси активисти и пациенти!

Фресија Силва Софрас (Fresia Melina Silva Sofrás) е биолог, магистер по фармација и во тек на докторски студии за канабис на Универзитетот во Буенос Аирес, стипендирана од страна на државниот совет за научни и технички истражувања во Аргентина. Македонија и понатаму апси и става во затвор активисти и пациенти!

М-р Фресија Силва Софрас од Аргентина

Фресија родена е во Ескел има 26 години и ќе стане првата докторка во државата за медицинска употреба на ова растение. При Една емисија на радио каналот АМ 550 таа го нагласила лековитиот потенцијал за третман на некои патологии со доволна научна евиденција која ја поткрепува примената, не само од маслото, туку од целото растение! Помеѓу патологиите во кои се потврди придобивката од канабисот е мултиплекс склерозата, намалување на епилептични напади, зголемување на апетитот кај луѓе со оштетен имунитет, намалување на гадење и повракање при хемотерапија. Покрај контактот со аргентинските организации кои се одговорни за распространувањето и применувањето на канабисот, Фресија има блиско искуство со користењето на маслото од канабисот, кај нејзината сестра која страда од фибромијалгија. Соборците коишто разбираат шпански, можат да го слушнат разговорот при нејзиното гостување во радио емисијата „Пат кон ноќно пристаниште“, на овој линк.

* Канабисот успешно ја лекува епилепсијата уште од 1840 година!

Поддржувачите на канабис знаат да уживаат во секојдневието!

АПЕЛ до Министерствата за образование, здравство и до Министерството за земјоделство, шумарство и водостопанство на Република (Северна) Македонија: Кога ќе ја стипендирате Моника Ристеска која речиси 10 години е неуморен активист за легализација на канабисот во сите области од животот и која е Претседател на регистрираното здружение за демистификација на канабисот во Македонија „420 Македонија - Скопје“ - секојдневно објавува: видеа, статии, вести и научни студии за употребата на канабисот на македонски јазик на овој блог, им објаснува на пациентите како да користат канабис и екстракти кај различни дијагнози и им објаснува како самите да си го подготват лекот во домашни услови (затоа што екстрактите од аптека се преслаби за да излечат дури и настинка!), снима интервјуа со македонски пациенти кои користат канабис и македонски познати личности и самата е медицински корисник на канабисот за контрола на нејзините трауми, поради апсењата и го користи канабисот во форма на маст за нејзините (сега веќе болни и проширени) вени на нозете. Моника не е криминалец, туку интелектуалец и корисник на медицински канабис.

* Хемотерапијата го распространува ракот низ телото - предупредуваат научниците

М-р Моника му направи интервју за канабисот на Кили!

Моника родена е во Полска има 30 години и цело свое образование го заврши тука, моментално е запишана на нејзиниот втор факултет - запишана е на Факултетот за земјоделски науки и храна и оваа академска година за неа е пропадната, бидејќи ја ставивте 2 месеци во притвор и не можеше да се вклопи после таа ТРАУМА која засекогаш ќе остави белег во нејзината психа, плус сега е осудена на 5 години условна казна! Таа веќе има завршено едни додипломски студии по новинарство на Правниот факултет „Јустинијан Први“ (просек 9.08) и е магистер на ЕСРА Приз-Скопје-Њујорк по продукција на филм, радио, телевизија и театар (просек 10.00). Таа е лидер, мотивациски говорник, хуманист, крводарител, екологист, учесник во школата за млади лидери на Претседателот Ѓорѓе Иванов, работи како судски преведувач од полски на македински јазик и обратно и многу сака да учи, а е НЕВРАБОТЕНА и живее сама од благодарноста на пациентите! Кога за неа ќе обезбедите соодветно работно место и стипендија за да го заврши факултетот што го започнала, па поедуцирана на темата да може да ви помогне на Вашите легални плантажи за канабис?!?!? Никој повеќе од неа не заслужува да ја добие наградата за своето дело и упорност. Да не беше Моника и неколкумина други, никој немаше да може да произведува канабис во МК - затоа што и понатаму ќе беше ТАМУ ТЕМА!!!

Новинар: Никола Станчески

Уредник: MoniQue Konopova

Извори: Ar.radiocut.fm, Mejorinformado

Моника знае и да одгледува канабис!

ЧИТАЈ ПОВЕЌЕ: 

* За активизмот на Моника Ристеска позната во јавноста како MoniQue Konopova!

* Ендоканабиноидниот дефицит води кон фибромијалгија и други дијагнози - вели науката

* ТХЦ! Не само ЦБД, може успешно да третира педијатриска епилепсија

* Придружен ефект на канабисот: Зошто се важни екстрактите од целото растение канабис?

* НАУЧНА СТУДИЈА: Преглед на невролошките придобивки од фитоканабиноидите - Канабиноидите во третманот на неизлечива епилепсија (8 дел)

* Израелски канабис активист испи цело шише CBD масло за да ја докаже неговата нетоксичност

* Канабис активист бара помилување и отштета за оние со пресуди за канабис

* Уште неколку интересни интервјуа за канабисот со македонски познати личности

* Како да помогнеме конопот побрзо да се ослободи во Република Македонија?

* Шерил Шуман од „Мајки за марихуана“ го менува светот - џоинт во секое време

Шокантни вести: Големата фарМАФИЈА ќе изгуби 18,5 милијарди долари ако сите 50 американски држави ја легализираат медицинската марихуана!

Фармацевтските компании се едни од економски највлијателните ентитети во САД и следствено и во американскиот закон. Не е тајна дека Големата фармација лобирала против легализација на медицинска (и рекреативна) марихуана, бидејќи тие изгубиле значителен износ на пари

Државите кои го легализираат медицинскиот канабис веќе ги гледаат ефектите: употребата на лекови на рецепт е намалена во просек за 11 проценти. Националните академии на науките ги следат состојбите кои се најефективно лекувани со медицинска марихуана и скоро сите од нив имаат високо профитни рецепти. Меѓу состојбите се: глауком, хронична болка, нервни заболувања / болка, посттрауматско стресно нарушување, анксиозност, нарушувања на спиењето и гадење / повраќање поврзано со хемотерапија.

* Шокантната вистина за CIA која го користела канабисот како „серум на вистината“

Big Pharma е неверојатно моќна и профитабилна индустрија. Додека загубите од 18,5 милијарди долари во период од три години може да изгледаат огромни, „медицинскиот канабис би бил капка во кофата кога станува збор за влијанието врз целокупната фармацевтска индустрија“ - смета Џаџа Агирре Де Карсер (Giadha Aguirre De Carcer), основач и извршен директор на New Frontier Data.

Автор и Уредник: MoniQue Konopova

Извор: Ushealthmagz

Зошто фармацевтската индустрија сака да ја поседува лиценцата за канабисот?

Битката за поседување лиценца за канабисот помеѓу големите компании како Bayer, Monsanto и Scotts Miracle-Gro е сè поголема и сè повеќе расте. Ваквите компании напорно работат со цел да развијат начини за патентирање на ова природно лековито растение. Градинарските и агрохемиски компании исто така сакаат да станат дел од оваа индустрија која расте со неверојатна брзина

Ослободете ја билката...

Индустријата за канабис е навистина профитабилна за владите на земјите како Колорадо, каде продажбата веќе достигнала една милијарда долари до октомври 2017 година, а се очекува драстично да се зголеми за време на празниците. И ова е само една земја од потенцијалните 50 американски пазари. Медицинските и научните студии покажуваат дека медицинската марихуана драстично влијае врз продажбата на разните фармацевтски лекови и производи. Па така, не само што може да се направат огромни пари од легалниот канабис, туку и фармацевтските гиганти може да изгубат огромни пари. Сепак, ниту една индутрија нема да загуби, впрочем може многу повеќе да добие доколу мудро го преструктурира своето производство и начин на работа и доколку се прилагоди. Легализацијата и декриминализацијата се само уште една причина за појава на нови производи.

...наскоро ќе започнат конференциите на Јамајка! :)

Неодамнешните истражувања покажаа дека повеќе од половина од луѓето кои се обиделе да се лекуваат со канабидиол (CBD), престанале да ги земаат традиционалните лекови препишани од лекарите како оние за болки и помагала за спиење. „Се чини дека фармацевтската индустрија има повеќе од доволно причини да се плаши од легализацијата на марихуаната“ - вели анализата спроведена од страна на вработените во New Frontier Data, која предвидува дека  законската употреба на производи од канабис за заболувања (од хронична болка сè до напади) може да го чини пазарот на модерната медицина околу 4 милијарди долари годишно.

Сè повеќе мали и големи компании се обидуваат да го патентираат канабисот како и производите од канабис.  Во неодамнешна статија на оваа тема, списанието Форбс одговори на прашањето дали канабисот може да се патентира или не: „Растенијата може да се патентираат на два начина, преку патентна заштита (како што се 95% од сите патенти) или со посебна категорија на патентна заштита за растенија. Засега во САД постојат многу малку случаи на патентна заштита на растенија. Во моментов постојат две големи компании кои се сметаат за „главни играчи“ во битката за растенијата: Биотехнолошкиот институт фокусиран на растенијата (Лос Анџелес), кој има 3 издадени патенти, како и 2 апликанти кои чекаат, додека пак GW Pharmaceuticals (UK) има две апликации фокусирани на растенијата. GW е позната по тоа што има најголемо портфолио насочено кон канабисот од сите компании во светот и е особено фокусирана на методите за лекување на болестите“.

Автор: Ангела Т.

Извор: Waking Times

МЕДИЦИНСКА или РЕКРЕАТИВНА марихуана? Која е разликата?

Терминот „МЕДИЦИНСКА“ и терминот „РЕКРЕАТИВНА“ марихуана се измислени од фарМАФИЈАТА, за да може уште некое време да нè работи, додека сите самите не го сфатиме фактот дека:

1.) Секоја марихуана е лековита (помалку или повеќе во зависност од тоа како е одгледана и како е подготвен финалниот продукт);

2.) Секоја употреба на марихуана е лековита (не создава зависнот, не може да се злоупотреби и фатално да се предозира; сите имаме ендоканабиноиден систем и на сите ни се потребни канабиноиди);

3.) Подобро е да спречиш, отколку да лечиш! ;)

Алелуја! Зошто? Затоа што... сега малку за она што се случува кога пушиме трева. Тој психоделичен аспект на конопот ни служи за спознавање на самите нас, овозможува поврзување со нашата внатрешна духовност, поврзување и ускладување со нашата душа. Тревата е ентеоген, природна учителка, ја зголемува свесноста, нежно ги растопува енергетските граници, па затоа има ефект на подобра поврзаност со духовниот свет и поголема рамнотежа во физичкиот свет и чувство на најоптимално здравје и благосостојба во сите аспекти од животот. Го балансира комплексот: ум, душа и тело!

Луѓето кои редовно консумираат канабис полесно се справуваат со своите емоции, побрзо се смируваат кога ќе се изнервираат и самата билка не ти дозволува да те обзема тагата, дури и кога се наоѓаш на некој тежок животен крстопат. Просто кажано - марихуаната ни помага да уживаме во животот постојано и на секоја ситуација да гледаме од светлата страна и секогаш да имаме позитивна перспектива. Само направете анализа на сите корисници на канабис кои ги познавате - тоа се среќни и насмеани луѓе, кои постојано одат напред и не застануваат, летаат кон своите цели.

Одредени аспекти на канабисот трансформираат дел од нашата физичка енергија во етер. Она „BZZZZ“ - пријатно чувство што го чувствуваме низ целото тело и ум, во нашите нерви е етерна енергија - прана, која на тој начин зрачи. Тревата го зајакнува во нас сето она што нашето битие навистина е, па затоа полесно е да се спознаеш себе си откако ќе почнеш да користиш грас. Не постои ниту еден дел од дејството на марихуаната кој е непосакуван и случаен. Бидејќи ни го издигнува постоењето на многу повисоко ниво, сè станува потечно. Поради тоа ни овозможува подобро да ги чувствуваме енергиите околу себе, ги отвара нашите сенсови, особено интуицијата. 

Некои луѓе кога ќе започнат да консумираат канабис може да се соочат со параноја и негативности, поради две причини: 

1.) поради тоа што канабисот е нелегален, па кај многумина се јавува паника дека ќе бидат фатени, казнети и дека ќе ја изгубат слободата;

2.) поради тоа што проблемите започнуваат да излегуваат на површина, сите мрачни мисли кои ги потиснувале со години и децении во своите умови, конечно почнуваат да се ослободуваат за да бидат забележани и решени.

Постојат многу видови на медитација. Канабисот може да ти помогне да се фокусираш на позитивните мисли или на немислење многу поедноставно. Всушност, самото ролање џоинт и пушење претставува вид на медитација! Медитацијата е смирено дишење, а токму тоа е пушењето трева - ем медитираш, ем се лекуваш! Тој ритуал сам по себе овозможува поврзување со Повисокото Јас. Одгледувањето на канабисот е исто така вид на медитација и само по себе е смирувачко и терапевтско. Не случајно симболизмот на тревата е смеењето и позитивата - тоа може да се објасни на хемиски начин, преку ендоканабиноидниот систем и CB1 и CB2 рецепторите, канабиноидите и ендоканабиноидите, меѓутоа тоа е само теоретски плиток пристап на објаснување за оние кои повеќе веруваат во науката, отколку во Бог/Изворот, кој ги создал луѓето, за тие потоа да ја создадат науката за да го проучуваат тој Извор.

Канабисот во нас ја зголемува вредноста на срцевата енергија. Енергиите на нашето срце се манифестација на темелните Божествени принципи и канабисот тоа го појачува. Затоа сите сакаат да бидат HIGH, бидејќи агресијата, омразата и останатите негативности одат во заборав, во втор план! Тревата се обидува да нè откине од континуитетот во размислувањето и од автоматизмот на секојдневието, за едноставно да престанеме да размислуваме и да тупиме глава со непотребни проблеми и да го вртиме умот во круг. Тревата ни помага да сватиме дека се чувствуваме интуитивно без интелект и да преземеме поголеми духовни придобивки од зголемената состојба на свесност. 

„STONED“ ефектот, исто така е многу битен момент во „медицинскиот“ аспект на дејствување. Кога телото се лекува и регенерира, потребно е мирување - така исцелувањето е полесно, побрзо и поделотворно! Кога некој ќе заспие во длабок сон под дејство на трева - тоа му/ѝ било потребно - тоа е регенеративен сон! Лекарите треба да размислат пред операција каква анестезија им даваат на своите пациенти! Имено подобро е некој да биде опериран за време на кома индуцирана од канабис, отколку за време на кома индуцирана од некое токсично синтетичко соединение, кое е опасно и од малку поголема доза - постои можност пациентот никогаш повеќе да не се разбуди - што не е случај со конопот, но за ова тек допрва ќе се зборува во медицината. Науката секогаш е многу чекори зад вистината и многу пати науката прави опструкции на вистината само заради остварување поголем профит на некои луѓе кои свесно одлучиле да им служат на мрачните сили...

Канабисот ја сузбива напнатоста на умот (умот е отпорот на љубовта). Секојдневието нè прави напнати, а умот е преполн со отпори према сè и сешто... Тревата го намалува тој отпор и енергијата може полесно да тече низ нас, без непотребен застој во енергетските центри.

НУЛА СМРТНИ СЛУЧАИ ОД КАНАБИС, БЕЗБРОЈ ОЗДРАВЕНИ!!!

СПОДЕЛИ за да го ослободиме канабисот побрзо :)

Легализацијата на Канабисот претставува закана за фармацевстската мафија

Легализацијата на Канабисот ширум светот завзема се` поголем замав. Неодамна во Јамајка официјално беше засадено првото легално канабисово стебло, а се` повеќе индустрии започнуваат да произведуваат еколошки и природни градежни и изолациони материјали од коноп, како што е на пример хемпкритот. Легализацијата на Канабисот претставува закана за многу индустрии, бидејќи од коноп и канабис може да се произведува речиси сè! Една од тие индустрии е фармацевтската

Речиси безбројните научни истражувања на ова растение спроведувани низ минатото, само ја потврдуваат неговата лековита моќ дека лекува и превенира безброј заболувања, како разни типови на епилепсија, разни типови на рак, болки итн... Буквално не постои медицинска состојба што не може да биде третирана со Канабис и канабисовите деривати, а пред се` со канабисовото масло направено од цветовите на ова растение. Токму овој факт придонесе ова растение да биде забрането и масовно да се рашират лажни негативни информации за истото, за луѓето да се плашат од неговата употреба. Во Америка постојат неколку големи групи кои работат заедно во позадина за да го спречат медицинскиот канабис од користење за лекување на заболувањата, според Health Impact News. Фармацевтските компании се вмешале во забраната во 1930тите и работеле заедно со властите.

Како што побарувачката на лекови базирани на Марихуана се зголемувала, фармацевтските фирми се обидувале да произведуваат сигурни лекови од коноп со постојана моќност за успешно лекување на пациентите. Порано во фармацевтскиот маркетинг поважно било корисниците да бидат задоволни, т.е. излечени. Но, како што започнува да се модернизира светот алчноста и продажбата на лаги со цел да се оствари што е можно поголем профит - завземаат круцијално место. Се` до 1930тите најмалку две американски компании за производство на лекови „Parke Davis“ и „Eli Lily“ продавале стандардизирани екстракти од Марихуана за употреба како аналгетици, седативи и против грчеви. Друг производител „Grimault & Company“ произведувал и продавал цигари од марихуана како лек против астма.

Доколку го разгледаме економскиот процес и фактот што фармацевтските компании традиционално прават скоро се` за да го максимизираат профитот, може да согледаме дека постои животен циклус на многу лекови коишто тие ги произведуваат. Тие ќе произведуваат лек се` додека патентот тоа им го овозможува, а потоа ќе воведат заменски лек, најчесто по повисока цена и со најчесто помала ефикасност и ефективност од првичниот лек. 

Научниците поттикнати од Американската Влада вршеле истражувања врз Канабисот, а Канабисот на широко бил користен во медицинската индустрија и во останатите индустрии се` до крајот на 1936 година. Тоа е годината во која американската власт поради бројните научни студии, кои само ги потврдувале здравствените придобивки на ова растение, решила истото да се забрани. Американската Влада во тоа време започнува да ги користи и масовните медиуми и филмот како алатка за ширење на масовна антипропаганда против оваа билка, која од 1936 па се` до ден денес се смета како лесна опојна дрога. Оваа антипропаганда имала цел луѓето да започнат да се плашат од ова растение, како од законските санкции, така и од јавното мислење дека корисниците на Канабис се наркомани. Значи се` до почетокот на 1937 година сите 48 американски држави донесоа закони за регулирање на Марихуаната. Падот на употребата на Канабисот во фармацијата беше засенет со развојот на производството на други хемиски лекови како: аспирин, морфиум, но и други лекови деривати на опиумот и сл. Сите овие лекови придонеле успешно да се истисне и замени Марихуаната во лекувањето на болките и останатите бројни медицински нарушувања.

По 79 години поминати под закрила на забраната за употреба, одгледување и тн. на ова растение, луѓето полека се будат и ги сфаќаат бројните и смртоносни штетни последици врз здравјето предизвикани од новата генерација на субституирани хемиски соединенија, т.е. хемиски лекови препишувани од страна на нивните лекари од кои може да се предозира или да се стане зависен. Ваквите лекови не можат да те излечат, туку само те одржуваат во полуздрава состојба за да мораш подолго да ги користиш, едноставно кажано подолго да ги купуваш, а фактот што те прават зависен се поклопува со фактот што нивните производители сакаат да ги користиш (купуваш) што е можно подолго. Тие само ги намалуваат симптомите, а не го решеваат коренот на проблемот. Луѓето исто така, по толку години лека-полека сфаќаат дека живееле во лаги и ја сфаќаат вистината за Канабисот, дека е едно од најмоќните лековити растенија на оваа планета и дека не постои природен лек што е помалку токсичен од ова растение.

Како што може да се согледа од бројните историски докази, во минатото се произведувале природни екстракти, кои навистина биле природни, се` додека фармацевстската индустрија не сватила дека тоа не е исплатливо за неа, дека на овој начин нема профит, доколку луѓето се здрави.

И денес се произведуваат лекови и суплементи на природна база, меѓутоа и покрај тоа што во составот пишува дека производот е природен, т.е. на природна база, најчесто само 10% од составот претставува природен екстракт, а останатите 90% се хемиски соединенија создадени во лабораториски епрувети, а овој процентуален сооднос не го пишува на ниту еден производ!

Некои производители исто така, за да остварат профит започнуваат да произведуваат одередени видови на легални екстракти од канабис, како што се екстрактите со Канабидиол: Епидиолекс, Маринол или Сативекс, најчесто користени за третирање на епилепсија. Сепак, за нив легализацијата на ова растение претставува закана за нивниот профит, односно доколку целото растение се легализира како лек, нивните производи нема никој да ги купува, поради тоа што само целото растение има природна соодветна комбинација на канабиноиди и останати состојки, што само заедно можат ефикасно и побрзо да се справат со одредени болести. 

Денес исто како пред 1936 година, повторно масовно започнуваат да се спроведуваат научни истражувања врз ова растение но, сега за разлика од минатото кога цел на истражувањата била да се докаже медицинската корист од ова растение, денес истражувањата се спроведуваат со цел да се поткрепи забраната и да се докажат негативните страни на Канабисот, кои за среќа (или за жал) не постојат. Затоа многу од истражувањата се прекинуваат на половина или воопшто не се објавуваат резултатите од нив, а научниците велат дека им се потребни повеќе докази, бидејќи досегашните се неуверливи. Но, како може да бидат неуверливи доказите од луѓе кои од терминална фаза на рак се спасиле од смртна постела?

Уште колку истражувања ќе бидат потребни? Уште колку едукативни документарни филмови, емисии, книги и списанија како National Geographic ќе треба да бидат посветени на ова растение? Веќе сме ја истражиле речиси цела вселена и растенијата на другите планети околу нас, а се` уште не можеме да истражиме едно обично лековито растение, кое постои од секогаш на Земјата. Пациентите треба да имаат право на избор на кој начин ќе се лекуваат и самите треба да бидат во состојба да одлучуваат за својот живот и за своето здравје, а не некои големи компании заедно со Владите да одлучуваат за нашите животи! Очигледно се` уште живееме во робовладетелско управување под закрила на лажна демократија... Сепак, светот е во наши раце и само доколку непрестајно продолжиме да зборуваме за табу темата „Канабис“ и продолжиме активно и пасивно да вршиме притисок низ социјалните мрежи, телевизии, печатени медиуми итн. и престанеме да се плашиме да гласно да зборуваме - порано или подоцна ќе успееме да го вратиме овој лек на позитивната листа. Се` уште правото на глас не може никој да ни го оспори и забрани!