Велосипедист извозе 19.000 милји вапоризирајќи канабис!

Роџер Бојд (Roger Boyd) од Велика Британија возел велосипед низ Европа, Нов Зеланд, Непал, Индија и Австралија, запирајќи на секои 20 минути за да вапоризира, за да го разбие митот дека корисниците се мрзливи! „Нема граници за моите дневни количества - на трева или на далечина“ - истакна тој

Бојд за време на пауза :)

Роџер Бојд кој ја води страницата на фејсбук за поддршка на легализацијата на канабисот наречена Healthy Stoner, сака да се надува и да го вози својот велосипед. Толку многу што овој Англичанец ги помина последните три години возејќи над 19.000 милји преку гранични линии и континентални поделби, воедно конзумирајќи канабис на секое запирање. Според Bristol Post, Бојд ја започнал својата Tour De Dank во 2015 година, откако се префрлил од пушењето трева на користење пренослив вапоризатор (испарувач). Со новооткриената моќ на белите дробови, Бојд тргна да го побие митот дека корисниците на канабис се мрзливи, документирајќи ги неговите авантури во велосипедот и канабисот на својот блог Healthy-Stoner.com. Досега, Бојд возел низ Европа, Австралија, Нов Зеланд и Индија, за време на дожд, лапавица и снег, низ автопати и над планините.

* Златниот медалист во сноубординг Рос Рибаглиати со гордост потврдува дека користи канабис!

Велосипедот на Бојд

Возејќи повеќе од 100 милји секој ден, Ленс Армстронг (Lance Armstrong) рече дека Бојд застанувал на секои 20 милји за да вапоризира, овозможувајќи му да остане надуван за време на целото патување. „Отсекогаш сум сакал да излезам со мојот велосипед и да вежбам додека сум надуван“ - изјави Бојд за Бристол Пост. „Идејата за мојот велосипедски маратон низ светот се појави една ноќ, но немаше многу на интернет за вежбање и вапоризирање. Постои негативна перцепција за луѓето кои користат канабис, во споредба со оние кои користат алкохол. Но, алкохолот е многу поштетен - таму има нерамнотежа. Совршено сум луциден и безбеден кога се возам, а [марихуаната] ми помага да ги јадам милјите“.

* Канабис и вежбање: Канабисот е новиот природен „енергетски напиток“!

По патот, Бојд рече дека наишол на безброј други стонери - на различни места како Сибир и Непал - кои му се придружиле на импровизираните пушачки сесии. И со својот сакан велосипед („Тој е толку силен и има рогови, па го нареков Rhino [носорог]“ - вели Бојд) покрај себе, Boyd нема планови за забавување на темпото во скоро време. Отфрлен од турнеја на Блискиот Исток поради нивните сурови закони за канабис, Бојд веќе го планира својот следен индика ајронмен. Меѓутоа, овој пат, сепак, сака да ги искористи зелените брзини на Северна Америка и планира да се повлече на панамерикански патеки низ САД и Канада, па вели дека тоа ќе потрае некаде од 18-20 месеци. За претстојната авантура, британскиот опсесивен велосипедист и канабис ентузијаст ќе побара спонзори за поголема промоција на неговата иницијатива. Сепак, со или без финансирање, Бојд ќе продолжи да вози и ќе продолжи да пафка!

Уредник и новинар: MoniQue Konopova

Извор: Marryjane

ЧИТАЈ ПОВЕЌЕ:

* Вежбањето јога и пушењето марихуана одат рака под рака

* Сè што треба да знаете за употребата на канабисот по напорниот тренинг

* РЕЦЕПТ: Како да направите протеински шејк од канабис за подобар тренинг?

Пациент со мултиплекс склероза медицинскиот канабис го нарекува „чудо“

Пред да одлучи да проба апчиња од канабис, Јоана Фиорито (Joanne Fiorito) имаше големи потешкотии. Фиорито едвај ги подигаше нозете кога одеше и понекогаш се движеше во електрична инвалидска количка. Студијата од Монтреал, сега во Фаза 2, ќе се обиде да утврди дали канабисот може да се употреби како помалку опасна замена за опијатски фармацевтски лекови против болки особено за пациенти со МС

Фотографија од слична сторија за успехот на канабис кај МС!

61-годишната жена живееше со мултиплекс склероза поголемиот дел од животот, но и покрај големите дози на лекови против болки и разни мускулни релаксанти, симптомите само се влошуваа. Понекогаш ќе се разбудеше во текот на ноќта, измачена од болката предизвикана од тензијата во мускулите. Минатата зима, нејзиниот невролог ѝ предложи да ја искористи шансата и да учествува на клиничко испитување за медицинскиот канабис. „Немав што да загубам“ - рече Фиорито. „Канабисот беше како чудо. Во рок од три дена моите нозе беа поопуштени и не ги чувствував толку тешки. На физиотерапија мереа во рок од 6 минути колку можам да изодам. Во октомври изодев 89 метри. Оваа недела 251 метар. Не се шегувам кога велам дека е како чудо“ - изјавува таа.

* Анѓа Мариќ: Квалитетен живот и покрај мултиплекс склерозата со помош на канабис!

Фиорито е еден од 70-те пациенти во областа Монтреал кои учествуваат во клиничко испитување за медицински канабис капсули. Студијата, која премина во втората фаза минатиот април, ќе треба да покаже дали канабисот може да се користи како алтернатива за апчињата против болки, базирани на опијати. Доколку е успешно и капсулите се признаени од страна на администрацијата за контролирање на супстанци во Канада (Health Canada’s Office of Controlled Substances), тие би се продавале во аптеките и трошоците за нив би ги покривало здравственото осигурување. Студијата е партнерство помеѓу клиниката Санте Канабис во Монтреал (Montreal’s Santé Cannabis clinic) и Тетра Фарма Био со седиште во Отава (Ottawa-based Tetra Pharma Bio). Таа главно се фокусира на луѓе со хронична болка и болка од рак, кои никогаш порано не се обиделе да го користат медицинскиот канабис. Ова е за да им се даде на луѓето како Џоан (Фиорито) шанса за пристап до лековите кои се контролирани со квалитет и се достапни“ - вели Ерин Проск (Erin Prosk), ко-основач на Санте Канабис. „Медицинскиот систем за канабис што го имаме сега не е доволен. Тоа е како брза помош, привремено решение“ - вели таа. Santé Cannabis и Tetra Pharma Bio сè уште имаат податоци за проучување и има многу повеќе блокади на патот за одобрување на нивниот производ. Но, Проск вели дека иднината изгледа ветувачка.

* Заболениот од мултиплекс склероза Хуанито Луксетич осуден е на две години затвор

Канадскиот медицински канабис систем постои во сегашната форма само четири години. Секој од грубо кажано 250.000 пациенти со рецепти можат да нарачаат канабис на интернет од еден од 115–те произведувачи кои имаат дозвола од федералната влада. Но, за разлика од поголемиот дел на лекови, канабисот не е покриен со здравствено осигурвање. Впрочем, пациентите треба да плаќаат данок на промет за него. Згора на финансискиот товар на пациентите, законот за канабис - кој ќе ја легализира продажбата на рекреативната марихуана почнувајќи од 17 октомври - всушност додава 10% акциза за корисниците на канабис. „Законот за канабис предизвикува колатерална штета во нашиот свет“ - вели Проск. „Некои мислат дека со легализација, пациентите можат само да одат во продавница и да купат канабис. Но, луѓето кои користат медицински канабис имаат потреба од специфичен фармацевтски производ за лекување на специфични симптоми“ - додава таа.

* 5 Предности од користење на медицински канабис за мултиплекс склероза

Во студијата, на пациентите или им се дава плацебо или капсули кои содржат висока концентрација на два канабиноиди: Тетрахидроканабинол (THC) - кој има психоактивни поттикнувања и го убива ракот - и Канабидиол (CBD) - кој може да се користи како антивоспалителен, мускулен релаксант и за лекување на епилепсија. Досега, само еден од 70-те регрутирани пациенти пријавиле тешки несакани ефекти од лекот. „Освен за еден случај, каде што пациентот не беше во можност да го толерира, секој го толерираше добро“ - рече д-р Антонио Вигано (Antonio Vigano), кој го води истражувањето. „Бев изненаден од тоа колку е толерантно, колку е безбедно. Тоа е главната грижа, кога ги правите овие испитувања, да бидете сигурни дека производот е безбеден“ - заклучува тој. За првата фаза од студијата, на пациентите им беше дадена мала доза на CBD и THC таблети, така што нивните тела би можеле да се прилагодат на лекот. Вигано вели дека за некои, доволно е да се забележи поинакво управување со болката.

* Што е тоа RSO и како се дозира, објаснува Хуанито Луксетич излечен од мултиплекс склероза?

Проск е на чело на борбата за зголемување на пристапот до медицинска марихуана со години и вели дека истражувањето на канабисот сè уште е во рана фаза. Бидејќи студијата на нејзината клиника е во тек, Универзитетот на Британска Колумбија води опит за употреба на медицинскa трева за луѓе кои се борат со посттрауматско стресно нарушување (ПТСН). „Со оглед на тоа каде бевме пред четири години – самата можност системот да ги лиценцира производителите на канабис - тоа е неверојатно колку далеку сме дојдени“ - вели Проск. „Ние сме глобални лидери во истражувањето на канабисот и добиваме интерес од меѓународни компании. Има огромен потенцијал тука и вистинските луѓе конечно го забележуваат“ - додава таа. На Фиорито, клиничкото испитување ѝ го спаси животот. „Се будев навечер, врискајќи од болки“ - рече таа. „Но, повеќе не се будам. Би рекла дека 80 проценти од болката ја нема. Минатата година чувствував дека инвалидската количка е доста блиску до мојот задник, ако можам да го кажам тоа. Ми се чинеше: ‚Ох, таа навистина ми се допаѓа, ќе останам во таа инвалидска количка до крајот на мојот живот‘. Минатата недела, мојот невролог рече дека не ме видел да се движам така со години. Тоа е чудо“ - заклучува засегнатата пациентка со МС која најде спас во канабисот! 

Новинар: Ангела Т.

Уредник: MoniQue Konopova

Извор: Montrealgazette

ЧИТАЈ ПОВЕЌЕ: 

* Анксиозност, Параноја; Депресија; Мултиплекс склероза (МС); Зависности (извадок од Протоколот на Рик Симпсон „Лекот за рак“ стр. 103 - 105)

* Терапевтско-медицинскиот потенцијал на 6 најпопуларни канабиноиди

* Како самите да си направите канабис капсули за третирање на многу дијагнози?

* Канабисот може да стави крај на злоупотребата на опијатите!

* Овие храбри луѓе тврдат дека маслото од канабис го победило нивниот рак

Сè што треба да знаете за употребата на канабисот по напорниот тренинг

Дали CBD е клучна состојка за брзото враќање во форма? Кога ќе помислите на марихуаната, каква слика ви доаѓа на ум? Насмеан хипик што слуша реге или пак силен, здрав атлетичар? Најверојатно првото. Канабисот долго време бил поврзуван со „стонери“ и чипс, но оваа лажна перцепција ја заменуваме со факти. Канабисот може наскоро да се користи како витамините и додатоците во исхрана, за да ве одржи среќни и здрави и поиздржливи кога вежбате. Можеби веќе сте забележале некаков производ со канабис во теретана, особено доколку живеете во држава каде канабисот е легализиран

Дали ќе се „напушам“?

Искуството што ќе го доживеете со ваквите производи зависи од канабиноидите. Тоа е хемискиот состав пронајден во различните видови на канабис-растенијата. Се верува дека постојат повеќе од 100 различни видови на канабиноиди, но најмногу внимание привлекуваат двете најважни – тетрахидроканабинол (THC) и канабидиол (CBD). Најчесто марихуаната е одгледувана поради THC, што е психоактивна состојка, додека CBD не е психоактивна. Истражувачите дознале дека и двете состојки имаат терапевтско влијание и се добри за човеково конзумирање за најоптимално здравје. И покрај тоа што одредени луѓе преферираат да пушат џоинт кој содржи повеќе THC, има и такви што одбираат да користат CBD за спречување на болката и олабавување на мускулатурата.

* РЕЦЕПТ: Како да направите протеински шејк од канабис за подобар тренинг?

Доктор Канабис

Го прашавме д-р Stuart Titus извршен директор на Medical Marijuana, Inc. за бизнисот со канабисот како лек за „опоравување“. Тој вели дека неговото искуство како терапевт го довело до медицинската марихуана. Многу атлетичари го користеле канабисот за болки, воспаленија и несоница. „Мислам дека една од најдобрите информации доаѓа од патентот на американската Влада. Всушност, тој кажува дека CBD е подобро за употреба, бидејќи можеш да го употребиш во големи дози без никакви несакани ефекти“ - вели тој. Официјалниот став  на Владата потврдува дека канабиноидите може да се користат за сè: од болно колено, до Алцхајмерова болест. Тоа значи дека состојките се добри за телото и мозокот. Доктор Титус смета дека CBD им помага на многу луѓе да ги наострат своите ментални способности. Со тоа сака да наведе и дека CBD може да се користи за третирање на болести на мозокот.

* Вежбањето јога и пушењето марихуана одат рака под рака

Со CBD до подобро здравје 

CBD може да биде клучна состојка во „опоравувањето“ по напорниот тренинг. Д-р Титус смета дека оваа состојка може да е дури и подобра за телото од синтетичките витамини и суплементи кои се внесуваат како „здрави“ додатоци во исхраната. „CBD се чини дека има поголем антиоксидативен ефект од витаминот Ц или Д, па затоа многу атлетичари го користат за да се справат со воспаленијата. Поради тоа е зголемена побарувачката на ваквите производи од страна на спортистите“ - додава тој. Титус вели дека CBD може да се користи за рехабилитација, но исто така и верува дека таа може да стане значајна и суштинска состојка за здрав живот. Тој верува дека во одреден момент ќе постои фиксна утврдена препорачана доза од СЗО за секојдневна употреба на CBD, исто како што луѓето секојдневно внесуваат витамин Ц.

Поврзано: 

* Канабис и вежбање: Канабисот е новиот природен „енергетски напиток“!

* Од канабис се слабее затоа што го регулира инсулинот!

* Златниот медалист во сноубординг Рос Рибаглиати со гордост потврдува дека користи канабис!

Автор: Ангела Т.

Главен и одговорен уредник: MoniQue Konopova

Извор: Menshealth

Женава со масло од канабис ги ублажува симптомите на паркинсонова болест

Оваа жена која страда од треперења и спазматична контракција на мускулите тврди дека маслото од канабис ги контролира симптомите на Паркинсонова болест. Дајан Ли (Diane Lee) зема масло од канабис осум месеци, вели дека тоа го контролира нејзиното треперење

Diane Lee со нејзиниот лек <3

Дајан Ли (53) вели дека ѝ бил дијагностициран Паркинсонизам индуциран од лекови кои ѝапредизвикуваат треперење на телото. Г-ѓа Ли, од Престатин (Prestatyn), за The Daily Post изјави дека нејзината состојба беше предизвикана од антидепресивот сертралин (sertraline), кој таа го зема две години. Таа вели дека нејзините лекари ја советуваат да продолжи со земање на сертралин. Сепак, г-ѓа Ли вели дека со земањето на тој штетен фармацевтси лек не може да држи чаша или да спие правилно поради треперења и спазматичната контракција на мускулите што ги доживува. 

* Поранешен полицаец со Паркинсонова болест шокиран од моменталните позитивни ефекти од канабисот

Производителите на сертралин велат дека во клинички испитувања кај возрасните еден од десет може да доживеат треперење. Таа зема две капки масло од каннабидиол CBD кога станува наутро и истата доза  пред спиење. Во рок од 10 минути по ставање на неколку капки под нејзиниот јазик таа престана да трепери и опиша дека чувство на смиреност го опфати нејзиното тело. Г-ѓа Ли ја откри нејзината состојба на дебатата околу повици за легализација на канабисот за медицинска употреба. Понудата за дебата околу ова прашање во Парламентот на Велика Британија не успеа. 

* Канабиноидот Канабидиол - ЦБД безбедно и брзо лекува артритис

Г-ѓа Ли рече: „Лекарите одбија да ми дадат лекови за Паркинсоновата болест, бидејќи состојбата беше предизвикана од лекови. Тие ми рекоа да го намалам сертралинот, бидејќи имам недостаток на хемиски допамин во мозокот, што предизвикува Паркинсонова болест предизвикана од лекови. Но, дури и ако ја испуштам дозата, го чувствувам тоа, па морам да продолжам со антидепресивите. Паркинсонизмот предизвикува треперења и контракција на мускулите. Не е пријатно. CBD ме прави посмирена и тоа е единственото нешто што ги зема треперењата и контракциите во мускулите - можам да почувствувам дека минува низ моето тело“.

* Соединението CBD помага да се спречи зачестеноста на епилептичните напади

Г-ѓа Ли го открила маслото од канабис пред осум месеци откако нејзиниот сопруг, Мајкл (Michael) (72), го забележал во продавница во Блекпул и го купил. Г-дин Ли купил ЦБД во форма на таблети откако прочитал дека може да му помогнат на неговото артритно колено - тврди дека ја искоренал непријатноста. ЦБД е еден од околу 600 хемиски соединенија кои ги содржи канабисот. Sativex е прв лек базиран на канабис (спреј за орална употреба) признаен од британската влада, но активистите сакаат ослободување на природните канабиноиди за употреба на состојби започнувајќи од рак на мозок до блага депресија.

Автор: Кристина Т.

Извор: Dailypost

5 Предности од користење на медицински канабис за мултиплекс склероза

Мултиплекс склерозата (МС) е сериозна и тешка болест на која и треба подобар третман, отколку она што е конвенционално достапно. Националното здружение за мултиплекс склероза, на својата веб-страна вели дека развојот на повеќе третмани за симптомите на болеста е еден од нејзините приоритети. Следните информации се фокусираат на придобивките од медицински канабис, третман за мултиплекс склероза и студии на случаи

Организацијата вели дека неизвесностите кај марихуаната се занемарливи, а поради придобивките таа ги поддржува правата на пациентите со МС да работат со давателите на нега со цел да се овозможи полесен пристап до медицинска марихуана. Здружението, исто така поддржува понатамошни истражувања за да ги дознае придобивките и потенцијалните ризици од лекот.

* Анѓа Мариќ: Квалитетен живот и покрај мултиплекс склерозата со помош на канабис!

1. Канабисот ја намалува болката

Студија од Универзитетот во Калифорнија во Сан Диего го поддржа ова тврдење во 2012 година. Студијата беше направена специјално за пациентите со МС и наодите беа дека растението ја намалило болката и спастичноста, што е затегнатост на мускулите. Додека на некои од 30-те учесници им беше даден канабис, други добија плацебо. Групата на канабис пријавила болка која била половина од плацебо групата. Претходната студија од 2004 година во Универзитетската болница во Данска пронајде „скромно, но релевантно“ намалување на болката од употребата на канабис од страна на пациентите со МС.

2. Несаканите ефекти од конвенционалните лекови за МС може да се елиминираат со канабисот

Некои од несаканите ефекти кои можат да се појават од земање фармацевтски лекови за лекување на МС може да вклучуваат стрес, депресија и треска. Овие проблеми можат да траат од денови до месеци. Но, медицинската марихуана може да се користи за да се намалат овие фактори, како и да се даде на пациентот чувство на благосостојба. Благодарение на медицинскиот канабис, симптомите на мултиплекс склерозата, како што се мускулни грчеви, треперење и ефекти врз говорот и видот, исто така, може да се ослободат. Други чести несакани ефекти, во кои канабисот може да се ослободи, вклучуваат вртоглавица, главоболки и замор.

3. Канабисот помага и за слабоста и болката во нозете 

Некои пациенти кои се чини дека се врзани за инвалидски колички тврдат дека канабисот им помага да одат. Студија од 1997 година спроведена во САД и Велика Британија од 112 пациенти со МС, објавена од Европскиот весник за неврологија, покажа дека 70% од испитаниците кои користеле канабис, тврдат дека одредени симптоми се подобруваат. Слабоста во нозете беше еден од симптомите, заедно со болка во нозете и спастичноста при одење. Неодамнешните студии од Фондацијата за иницијативи за глобална невронаука сугерираат дека канабисот помага да се подобри мобилноста кај пациентите со МС.

4. Студиите врз животни со МС укажуваат на поголема стапка на преживување при терапијата со канабис

Студијата од 1989 година предводена од W.D. Lyman и објавена во Journal of Neuroimmunology, користи стаорци, глувци и заморчиња со МС и покажа дека ТХЦ третманот делуваше многу подобро од плацебо третманот. Студијата покажа дека 98% од плацебо групата починале во споредба со 95% од ТХЦ групата која преживеала за време на прогресијата на болеста. Групата  на ТХЦ покажа значително намалување на воспалението на мозочното ткиво.

5. Бидејќи лекот за МС не е познат, придобивките од канабисот ги надминуваат неговите можни несакани ефекти

Едно нешто што мултиплекс склерозатаи марихуаната имаат заедничко, не е само првата буква од името, туку дека медицинската заедница изгледа дека нема многу одговори на нивните мистерии. Научниците, на пример, се чини дека не се премногу заинтересирани за ефектите од медицинскиот канабис, лекувањето на мултиплекс склерозата и како да го забрзаат истражувањето на двете? Она што многумина веќе го знаат е дека канабисот ја ублажува болката, без несакани ефекти како кај конвенционалната медицина.

Автор: Кате К.

Извор: Medicinal Marijuana Association

Поранешен полицаец со Паркинсонова болест шокиран од моменталните позитивни ефекти од канабисот

Поранешниот полицаец Лари Смит (Larry Smith) почна да ги искусува ефектите од Паркинсоновата болест пред 20 години и неговото здравје оттогаш значително се намали. По две децении обиди со различни третмани и не гледајќи никакви значителни резултати, тој на крајот се свртел кон она против коешто цел живот професионално бил против - кон медицинската марихуана како последна надеж

Larry Smith се лекува со канабис од Паркинс

Во овој текст за популаризирање на ефектите од канабисот врз Паркинсоновата болест и нејзино спречување, ги закачивме овие три клипови од документарниот филм „Патување со Лари“ (Ride with Larry). Ова е еден од најпознатите примери. Канабисот исто така ја спречува појавата на Паркинсонова болест. На видео снимките самите со свои очи можете да се уверите. Ова се извадоци од документарниот филм создаден од екипа документаристи кои го следат канабис-патувањето на Лари и како тој се обидува да ги лекува своите долгогодишни симптоми за прв пат со природната супстанца што е нелегална на федерално ниво во САД. Како што рече неговата сопруга: „не ми се допаѓа идејата за кршење на федералниот закон, иако тоа е државен закон. Во Калифорнија, многу е јасно дека е дозволено. Сè уште непријатно, но ... колку што знам дека пробавме сè, ова е единственото нешто што останало. Ќе пробаме и ќе видиме како ќе оди“.

Ride with Larry - Documentary

И покрај правните и моралните последици од таквиот обид, двајцата се согласија да заминат во Сан Диего, Калифорнија, за да добијат дозвола (картичка) за Лари да користи марихуана за својот третман. Во првото видео, тој зборува со лекар кој е во состојба да обезбеди картичка за медицинска марихуана и да му дозволи на Лари да го купи третманот. Кога лекарот го прашува Лари како се чувствува во последно време, Лари одговара: „Моите симптоми се многу поочигледни од кога и да е порано, а болката е малку поостра“. Како што може да се види, Лари страда многу од дискинезија, што е категорија на движење со присилно движење на мускулите и има проблеми со одењето и зборувањето. Неговата сопруга рече дека има толку многу проблеми со одењето што сега зема 20 таблети секојдневно. Фармацевтскиот лек што му е препишан е поскап од 3000 долари, но кога ќе пристигне во амбулантата за медицинска марихуана, плаќа само 40 долари за својата прва доза на туфки од марихуана.

Иако ги купува цветовите, ова не е единствениот начин да се консумира марихуаната при третирање на медицински проблем, што е нешто што станува очигледно во третото видео. Неговиот пријател, исто така, страда од Паркинсонова болест и во минатото користел медицинска марихуана, па затоа му го става маслото од канабис под неговиот јазик и на неговиот образ. Потребни се само неколку минути за канабисот да почне да делува. Според описот на видеото: „Со неколку капки масло од канабис под неговиот јазик, тешката дискинезија на Лари (неконтролирани движења), губење на гласот и треперењето се смируваат во рок од неколку минути! Ние дури и не ги уредивме снимките бидејќи резултатите беа толку изненадувачки“. Ова го шокираше поранешниот полицаец, кој се загрижи за другите полицајци што го поддржуваат или го осудија заради неговата одлука да употреба на марихуана. Веднаш по администрирањето на третманот, тој стои без проблем и вели: „Една личност како мене навистина може да користи марихуана и ме прави многу лут што не можам да ја добијам во мојата матична држава“. Неговата матична држава Јужна Дакота не дозволува употреба на медицинска марихуана, па затоа Лари и неговата сопруга патувале во Сан Диего за да добијат третман.

Автор: MoniQue Konopova

Извор: MintPress News, HERB