Ако немаш лек, јади медицински колачи и потоа задолжително гледај го новиот македонски филм „Исцелител“

Еве уште еден филм базиран на секојдневието кој ја покажува вистината од која сите бегаме... Овој македонски филм ќе ја промени закоравената македонска реалност во која живееме! Хемотерапијата нема да те излечи од рак, но колачот на Исцелителот може да те воскресне од смртна постела и тоа не само од канцери!

http://iscelitel.mk/

Канабисот е лек за болни и здрави без разлика како се консумира - секогаш лекува! Сите имаме ендоканабиноиден систем и рецептори. Канабисот лекува секакви неизлечиви болести за кои модерната медицина сè уште нема решение! Топло и од дното на срцето ви го препорачуваме овој филм „Исцелител“ додека уште се емитува во кината! Прекрасен македонски филм на режисерот Ѓорче Ставрески со многу очигледни и скриени пораки. Задолжително препорачуваме да го гледате надувани - за подобро да го разберете :) Лајкнете ја фејсбук страницата на филмот „Исцелител“ и поканете пријатели да го сторат истото! Дознајте повеќе од интервју на Cineuropa со режисерот.

* Линк до филмот на YouTube!

Македонскиот автохтон канабис ќе се прослави со филмов!

Почувствувајте ја моќта на исконската движечка сила на сè постоечко, моќта на љубовта! Погледнете за што сè е спремен еден „подпросечен“ син за да го спаси својот „просечен“ татко. Вербата во чуда - чуда прави, а чудесниот колач лекува чудесни болести. Уживајте во заплетите и откривајте ги скриените пораки и причинско-последични манифестации и авантури на главниот лик. Тој може да биде секој од нас. До кога ќе се криеме? 

Оваа приказна покажува како трудот и ризикот со добра намера - секогаш се исплаќаат, а наградите за добрите дела не може да се избројат. Задолжително препорачувајте го овој прекрасен игран филм (особено на оние најжестоките противници на канабисот, за набрзо да си легнат на брашното од колачов) и задолжително гледајте го со членовите на вашето семејство! Пресреќни и благодарни сме што се создаде едно вакво воодушевувачко ремек дело и знаеме дека со овој филм не само што конопот побрзо ќе се ослободи во Македонија, туку и на целиот Балкан и ширум светот. Веруваме дека конопот може да го спаси светот и да ја спаси македонската економија од економската криза, како што канабисот го лекува ракот, а не само неговите симптоми.

Овој весел и позитивен филм, прифатлив за сите возрасти, ја освои главната награда на публиката на Солунскиот филмски фестивал. Ѓорче е моментално во Брисел и е многу расположен од приемот на #Исцелител од тамошната публика. „...дефинитивно сум за користење на марихуаната во медицински цели и треба да биде сѐ подостапна затоа што искуствата се позитивни: ја смирува болката, го намалува гадењето, го зголемува апетитот“ - истакнува Ѓорче во интервју за Nomads.mk.

Режисерот - Ѓорче Ставрески

Уште колку ќе му дозволуваме на стравот да нè храни пред ра разбереме дека е подобро да се проба да се биде нелегално жив, отколку легално мртов. Од марихуана никој до сега не умрел. Боженствената билка канабис спасува од смрт и го продолжува животот, а ви гарантираме дека овој 104 минутен филм исто така ќе ви го продолжи животот затоа што те става во магична и прекрасна позитивна атмосфера. Филмот „Исцелител“ моментално ќе го исцели твоето негативно расположение, што може да доведе до перманентно подигање на твојата вибрација, до експанзија во твоето размислување и ќе те научи како да си подготвиш магичен лековит колач што лекува рак, епилепсија, глауком, артритис, реума и многу други болести...

Вкусете го колачот на слободата и изобилието! Сами направете си го лекот... Ако немаш за лек, јади колачи! ;) со пет лажици добро исушен и издробен свет од М... Марихуана!!! По можност индика :) Ако ти се допадна оваа рецензија, филмот ќе те воодушеви.

Срдечен поздрав и честитки 

од нашиот тим,

420 Macedonia❤