Канада ќе стане првата нација од земјите G7 која ќе ја легализира рекреативната марихуана

Канада се соочува со последната пречка да стане првата нација од земјите G7 која ќе ја легализира рекреативната марихуана. Канадскиот закон за канабис беше воведен во канадскиот Сенат во вторникот, на последниот законодавен собир. Предлог-законот ужива широка јавна поддршка и поддршка од страна на премиерот Јустин Трудо (Justin Trudeau). „Мислам дека е широко прифатено дека криминализацијата на канабисот е неуспех“ - рече сенаторот Тони Дин (Tony Dean) од Онтарио, спонзор на законот

Тој верува дека законот ќе помине до јули 2018 година, ако не и порано и истиот ќе ги размрда работите уште повеќе и на другиот крај од светот, на овие простори. Имено како што целиот свет ги превзема позитивните американски примери. ние како здружение веруваме дека Македонија конечно ќе се реши на Балканов да биде прва во нешто и ќе ја дозволи рекреативната употреба на канабис. Само замислете колку ќе живне туризмот, колку работни места ќе се отворат, колку Македонци ќе се вратат во родниов крај и колку многу ќе ни се разубави државава затоа што со тие пари можеме да ја подобриме инфраструктурата, образовниот систем, ќе има помалку гладни, болни и несреќни.

Трговците на мало се подготвуваат да почнат да продаваат легална марихуана во јули, па тајмингот може да биде тежок. Но, пазарот во Канада за рекреативна марихуана се очекува да носи големи суми на долари. Според неодамнешните проценки од Marijuana Business Daily, писание за индустријата, годишната продажба на пазарот за рекреативна марихуана во Канада може да се движи од 2,3 милијарди до 4,5 милијарди долари до 2021 година. Канадскиот пазар, со целосна поддршка од федерацијата, сè уште нема да ги надмине приходите на САД. Според извештајот на Marijuana Business Daily, продажбата на канабис наменет за рекреативна употреба се очекува да изнесува вкупно 7,1 милијарди долари до 10,3 милијарди американски долари во САД до 2021 година. 

* Трите најдобри марихуана пазари во кои е најисплатливо да се инвестира

Овие бројки не ги вклучуваат очекуваните, проценетите приходи од продажба на медиумска марихуана во било која земја. Дин верува дека продажбата на легална билка за рекреација ќе може да започне речиси веднаш во јули и покрај кратката законска рамка. За разлика од „легалните“ држави во САД, кои во просек поминаа повеќе од една година за да ја изградат својата малопродажна и даночна инфраструктура, Канада ќе се фокусира на онлајн продажба поддржана од Владата, кои беа имплементирани за поддршка на индустријата за медицинска марихуана во земјата.

Канаѓаните купуваат канабис онлајн на веб-страниците без никаков проблем

Веб-страниците како што се: Ganja Express, Buy My Weed Online и Emerald Health Therapeutics моментално им нудат на клиентите на медицинскa марихуанa низа производи од канабис, од традиционалната марихуана што се продава на грам, па сè до концентрати и едиблс (прехранбени продукти - марихуана закуски). Канадските одгледувачи се подготвуваат да го исполнат очекуваниот пораст на побарувачката кога потрошувачите на рекреативна марихуана би можеле да почнат да си нарачуваат. „Ние сме многу добро позиционирани за јули“ - изјави Нејт Рејс (Nate Race), консултант за менаџмент со премиум продукти, има фарма со медицинска марихуана во Британска Колумбија, која го прошири својот персонал од околу 70 до 100, така што може да го зголеми годишното производство од 14.000 фунти марихуана до 134.000 фунти до крајот на 2018 година.

Калифорнија, каде продажбата на рекреативна марихуана требаше да започне во јануари 2018 година, на крајот ќе изнесува половина од продажбата во САД и најверојатно, би се совпаднала со канадската продажба сама по себе, според Крис Волш (Chris Walsh), уредник и основач на „Марихуана Бизнис Дејли“. Ова е причината зошто Ник Ковачевич (Nick Kovacevich), главен извршен директор на „Kush Bottles“ со седиште во Калифорнија, кој произведува опрема за вапоризирање канабис, рече дека нема планови да прави бизнис надвор од САД. „Имаме поголема пазарна можност тука во САД“ - рече тој. Но, несигурниот правен статус на марихуаната во САД - Федералната Влада го забранува тоа - значи дека работите може брзо да се променат за претприемачите кои работат со канабисот. 

* Неколку важни канабис трендови што ќе ја променат играта во 2018 година!

„Во САД, растот на (побарувачката) на рекреативна марихуана е вештачки попречен од фактот дека канабисот е нелегален“ - додава Волш, истакнувајќи дека тоа создава проблеми со банките, кои се соочуваат со рестрикции против ракување со пари од марихуана. „Растот што го гледаме кај марихуаната [во САД] е само дел од она што би можело да биде“ - рече тој. „Поддршката на Федералната Влада во Канада отвора многу врати кои сега се затворени во САД“. Потегот на Канада кон легализација веќе инспирираше една американска компанија, њујоршки производител на алкохолни пијалаци Constellation Brands, да купи 10 отсто од акциите на Canopy Growth Corp. од Канада за 190 милиони долари. Џон Кагија (John Kagia), аналитичар на канабис индустријата за New Frontier Data, го нарече неодамнешниот потег кон канадската легализација како „повик за будење до сите инвеститори кои седеа на маргините, дека тоа навистина ќе се случи“.

Автор: Monique Konopova

Извор: CNN Money