СЗО: Медицинскиот канабис не создава зависност и не е токсичен!

Неодамна Светската здравствена организација потврди дека главната состојка во медицинскиот канабис не создава никаква зависност и не е токсична. Истражувачите го проучувaлe канабидиолот, состојка на канабисот која не е психоактивна, а се користи за медицински цели и главно доаѓа во облик на масло, капки или пак, капсули

Канабисот треба да е слободен за истражувања и лекување!

Лековите кои содржат тетрахидроканабинол (THC), дронабинол или набилон, се препорачани од страна на докторите, специјалистите, а понекогаш се добиваат и без рецепт. Лекарите можат да ја препишат препорачаната количина на THC за една доза, а третманот може да трае до 30 дена, додека препишаната количина на THC не смее да надмине 0.75 грама.

Кога станува збор за набавките и легализацијата, се препорачува нов пристап кон канабисот. Сепак, кажувајќи го ова, истражувачите не обрнуваат внимание на тоа КОЈ ја препорачува употребата на канабидиол. Контролата и регулирањето на канабидиолот не се неопходни на меѓународно ниво, но тоа треба да се остави на секоја држава посебно да одлучува.

Врз основа на ова истражување, Светската здравствена организација објави дека состојката што сочинува 40 проценти екстракт од марихуана не е токсична и не предизвикува зависност. Експертскиот комитет за зависности од дрога откри дека нема докази дека канабидиолот предизвикува здравствени проблеми.

Покрај тоа, откриено е дека канабидиолот може да биде корисен во лекувањето на епилепсија и „многу други медицински состојби“. И покрај тоа што извештајот беше објавен во ноември минатата година, тоа беше само привлекување внимание, откако Светската здравствена организација издаде конкретни препораки изминатиот месец.

Со анализирање на веќе достапните лекови и постапки за третирање на мултиплекс склерозата, било констатирано дека ефектот на канабисот е најдобриот од конвенционалните лекови кои се користат во моментов. „Ова значи дека производството и употребата на канабисот за одредени цели, како што се лекувањето и истражувањето, не треба да се забранува бидејќи Светската здравствена организација досега не пронашла никакви докази за потенцијална штета од канабидиолот“ - изјави портпаролот.

Автор: Ангела Т.

Извор: Canna SOS