Воведни инструкции за дозирање на канабисово масло

Обично потребни се 90 дена за просечен човек да ја прими целосната терапија со канабисово масло од 60 грама (60 мл) масло (екстракт/смола): „Сугерирам луѓето да започнат со три дози дневно со големина на половина зрно сув ориз“ - вели Рик Симпсон

Активистот за слободен канабис Рик Симпсон

„Сугерирам луѓето да започнат со три дози дневно со големина на половина зрно сув ориз. Пациентот треба да ја внесува оваа доза на секои 8 часа, рано наутро, па потоа попладне, а последната дневна доза треба да биде примена еден час пред спиење“ - вели Рик Симпсон. Поединечната доза се дуплира на секои 4 дена. Исто така, треба да се напомене дека кога пациентот ќе започне да зема масло, тој/таа не ги чувствува ефектите до околу еден час од земањето на дозата, затоа бидете свесни за овој факт. „Дозата за почетници какви што јас ви ги опишувам ќе биде еднаква на 1/4 од капка“ - додава тој на официјалната страница на PhoenixTears.ca.

По 4 дена со оваа шема на дозирање (3 пати на ден со големина од 1/2 зрно ориз), повеќето од луѓето потоа се спремни да ја зголемат нивната доза со дуплирање на количината на истата на секои 4 часа. Следејќи ја оваа едноставна процедура, многу од пациентите се изјасниле дека не го почувствувале хајот што ова масло може да го предизвика. Но, вистината е дека секој е различен и секој има индивидуално различна толерантна граница. Па, оттука некои ќе бидат подготвени да ги зголемат дозите побрзо, отколку други. Во реалноста, дури и пациентите да го почувствува хајот, тоа нема да им наштети на ниту еден можен начин, под услов екстрактот што го примаат да е произведен од седативните органски индика врсти, што Рик Симпсон ги препорачува и доколку маслото е произведено на соодветен начин. 

За просечна личност потребни се од 3 до 5 недели за да се стигне до точката кога веќе ќе можат да земаат по грам дневно (1 мл дневно). Откако ќе ја достигнат оваа доза, тие треба да продолжат со ова темпо сè додека нивната медицинска состојба не се стабилизира и не се постигне посакуваниот исход. „Ова значи дека откако пациентот се навикне на консумирањето масло, секоја доза што ја прима ќе биде еднаква на 8-9 капки на секои 8 часа и во многу случаи, јас сум видел пациенти кои немале никаков проблем со внесување дури и на многу повеќе“ - истакнува Рик. Тоа е доза од приближно две зрна ориз што соодветствува на една капка. Па, откако пациентот е навикнат на употребата на маслото, тој всушност внесува доза која е еднаква на 16-18 зрна ориз по доза.

„Во некои случаи дури имам видено пациенти кои воопшто не се плашеле од овој лек, ја јадеа целосната 60 грамска терапија за еден месец и потоа многумина од нив беа прогласени за излечени од рак. Користејќи ја методата што јас ја објаснувам, на телото му овозможуваме време за да изгради толеранција на овој лек полека и кога пациентот станува навикнат на ефектите од маслото, многу од пациентите всушност потврдуваат дека тие уживаат земајќи го. Сите имаме различна толеранција за секој лек и вашата големина или телесна тежина има мала врска со толеранцијата на канабисово масло, дури и децата можат да ги земаат истите дози како и возрасните, без штетни ефекти“ - вели Рик.


Одржување на дозата - превенција

На крајот од канабис-терапијата, повеќето од луѓето продолжуваат да го користат маслото, но со многу смалена доза. Околу 1-2 грама месечно би биле одлична количина за одржување на резултатот, само капка или две навечер пред спиење е сè што генерално е потребно за да се одржи добро здравје. „Често ме прашуваат дали ова масло мора да биде земано со храна, но од моето искуство, се чини дека разликата е мала, па јас го оставам тоа на пациентот сам да одлучи. Јас чувствувам дека постои мала потреба кај повеќето случаи за некој да се предозира со маслото, освен ако тие всушност имаат состојби опасни по живот, како што е 4-та фаза на рак, којашто го става нивниот живот во опасност и тие сакаат болеста да ја стават побрзо под контрола. 

Дури и во некои случаи како овој, обично не е потребно да се предозира со маслото, но доколку некој одлучи така, тогаш јас немам навистина никаков проблем кога тие земаат одвишок на масло“ - вели Рик. Бидејќи во реалноста, за разлика од многу фармацевтски лекови со кои нè снабдуваат нашите медицински системи, предозирањето со канабисово масло навистина никому не му прави никаква штета, а во никој случај не може да доведе до смрт.

Главниот спореден ефект од овој лек е сонот и одморот, што игра многу важна улога во процесот на лекувањето. Вообичаено, по еден час од земање на дозата, маслото ви кажува да легнете и да се одморите. Не обидувајте се да се борите со седативниот ефект на маслото, само легнете во удобна позиција, потоа овозможете му на маслото да ви го даде одморот и релаксацијата што ви е потребна за да се излечите брзо и правилно. Ефектите од маслото може да предизвикаат блага расеаност и често пацинетите се малку несигурни на своите нозе, кога започнуваат да го користат овој природен лек. Но, откако пациентот ќе ја изгради толеранцијата, овие ефекти брзо исчезнуваат. Обично во рок од 3 до 4 недели, заморот во текот на денот поврзан со овој начин на лекување, со текот на времето исчезнува, но пациентот продолжува да спие квалитетно и цврсто во текот на ноќта.

„Јас исто така сугерирам пациентите да не управуваат со своите автомобили, сè додека не се навикнат на своето масло, по што тие тогаш се во можност повторно да возат безбедно. Откако еднаш се навикнеш на ефектите од маслото, тоа не ја нарушува вашата способност да управувате на никој начин, затоа што за разлика од алкохолот и многуте конвенционални лекови, маслото не ги нарушува моторните способности“ - заклучува Рик Симпсон. Генерално според протоколот на Рик Симпсон треба да се примат 10 мл екстракт со над 80% ТХЦ во првиот месец, 20 мл вториот месец, 30 мл третиот месец (вкупно 60 мл во 90 дена), но дозирњето се прилагодува индивидуално: кога ситуацијата не е алармантна, дозата од секое квадратче може да се подели на 3 дела, но кога станува збор за сериозна дијагноза и оштетувања од операција/хемо или метастази или поодминат стадиум на канцер, тогаш секое квадратче треба да претставува поединечна доза и да се прима 3 пати на ден и на секои 4 дена поединечната доза да се дуплира (во тие случаи колку повеќе масло се прими во пократок временски период - толку подобро за пациентот).

* Текстот е превземен од официјалната страница на Рик Симпсон - phoenixtears.ca

Не апсете ги активистите кои се борат лекот да е легално достапен за сите нас!

Филип Достовски од Зелена Алтернатива

Двајца активисти на Зелената Алтернатива, здружението што беше еден од иницијаторите за легализација на марихуаната во Македонија, на 28 (четврток) се приведени, па пуштени од страна на полиција. Како што објаснува Филип Достовски, еден од приведените, на 28 јули попладне полицијата влегла во неговиот дом, додека тој бил надвор од дома, правел масло кај некои пациенти. Откако му јавиле дека се врши претрес, веднаш се предал на полицијата по што бил однесен на испрашување во полициска станица. Според него, приведувањето е поврзано со неговиот активизам за маслото од канабис. Според информациите со кои располага Вечер.мк, тој не бил под истрага, ниту пак бил оформен предмет за него, па зачудува фактот што наредбата за претрес потпишана од судија од скопскиот Кривичен суд дошла буквално како „гром од ведро небо“.

Филип држи предавање во Охрид, 2016

„Кај нас беа пронајдени 300-400 грама канабис. Тоа е количина оставена од пациенти што се лекуваат со канабис, за да им правиме масло. Ги имаме и пациентите како сведоци кога ќе дојде време за суд. Сите знаат дека не сум дилер. Тоа го знаат и полицајците. Ова не е некакво си алиби, туку вистината“ - вели за МКД.мк еден од најистакнатите активисти за легализација на канабис Филип Достовски, кој пред два дена (28.07.16) од седум часот беше приведен во полиција и таму беше држен до кај полноќ.

Достовски потенцира дека приведувањето е доста симптоматично и (не)очекувано, особено што доаѓа откако периодов се разви голема дискусија на социјалните мрежи – се разменуваа мислења, бројки, истражувања и факти за канабисот и канабиноидите (основните активни супстанци), се дискутираше доста за маслото со ЦБД што почна да се продава по аптеките, за кое самиот смета е прескапо и преслабо. „Како да купувате вода. Имаме добар закон за пациенти, кој секако дека може да се подобрува. Ние се зајадовме со компанијата која продава масло од канабис во аптеките, бидејќи тоа доведе со зголемување на црниот пазар. Така, за иста количина масло кое ние (нелегално) го правиме со екстракција на канабис за 3.000 евра, во аптеките тоа би чинело околу 40.000 евра, пресметано според процентите на канабиноиди“ - објаснува Достовски.

Дел од заканите на Реплек

Поради тоа што јавно ги критикува ваквите политики, вели дека неодамна добил закани по телефон дека треба да молчи, за да не заврши во затвор и за да не бидат превземени некои други мерки. Филип исто како и некои други активисти од Зелена Алтернатива и 420Macedonia, по јавно објавените реакции нивна страна за граѓанското незадоволство од „квалитетот“ на екстрактот од канабис наречен „Каноил“ на Реклек, (коешто не заслужува ни да се нарече екстракт, туку едноставно разредена тинктура), периодов добиле низа закани од одредени личности. Телефонски закани добиваше и активистот Давор Ангеловски. „По неколку негативни коментари за производителот кои ги имав објавено на социјалната мрежа Фејсбук или пак, дадени во медиумите, јас добивав телефонски закани. Броеви од странство кои потоа мистериозно исчезнуваа од логовите во мојот телефон. Заканите ги имам пријавено во полиција“ - вели Филип. Тој исто така, бил приведуван повеќе пати без причина. Вечерта заедно со Достовски беше уапсен уште еден член на Здружението „Зелена Алтернатива“. Како што изјавуваат од Радиомоф.мк, пред неколку дена тој е претресуван од полицијата, уапсен и казнет пред влез на 50 метри од дома и тоа за неносење лична карта.

Филип држи предавање

„По сето што се случуваше периодов, синоќа добивам повик од дома за да ме информираат дека ми дошле од одделот за Недозволена трговија и шверц (НТШ) на претрес. Отидов, а во меѓувреме дошле на претрес и кај друг другар, исто така дел од Зелена Алтернатива, со кој заедно помагаме на пациенти. Во полиција бевме од седум часот до кај полноќ. Сето она што го зборувавме таму десетици пати сме го повториле и јавно, за нашите континуирани иницијативи, заложби како здружение..“ - потенцира Достовски, кој и самиот се лекува со канабис против рак на белите крвни клетки - Хочкинов лимфом и маслото му помага болеста да не се врати. „Од МВР засега не се достапни за коментар за случајот со приведувањето“ - изјавува НоваТВ.мк.

Филип потврдува дека односот на полицијата бил во ред. „Полицајците беа коректни за време на претресот и за време на распитот во Одделот за недозволена трговија. Канабисот кој го најдоа кај мене ми е даден од пациенти за да им правам масло и тоа тие ќе го потврдат. Против мене е поднесена кривична пријава и ме пуштија да се бранам од слобода до почетокот на судскиот процес“ - изјавува Достовски. Филип ја искажува својата огромна благодарност до сите. „Би сакал да им кажам НАЈГОЛЕМО ФАЛА на сите што помогнавте, на сите мои пријатели што ги знам и што не ги знам.. Фала на македонската јавност за поддршката, фала на службениците од МВР за коректниот однос и разбирањето, фала на адвокатите што се појавија, фала на луѓето кои се јавуваа во НТШ и ми помагаа да излезе вистината (знаете кои се)... исто така фала на непријателите за мотивацијата... СИТЕ ВЕ САКАМ (нормално некои повеќе, некои помалку)“ - истакнува Филип на својот ФБ профил.

Во Македонија беше донесен Законот за употреба на масло од канабис во медицински цели, по што дозвола за негово производство доби само фармацевтската компанија Реплек. Но, маслото за медицински цели кое содржи ТХЦ, се` уште не е почнато да се произведува и го нема во аптеките. Во моментот, во аптеките може да се најде само масло кое нема ТХЦ, а кое нема ни ЦБД и е само дополнување на конвенционалната терапија. Ова масло не може на болните да им даде ни надеж дека ќе оздрават поради лошиот квалитет. Во таква ситуација, пациентите се` уште се препуштени сами на себе и се принудени да се снаоѓаат и да го купуваат маслото на црно. 

Ова „масло“ нема да те излечи!

Три илјади денари за 50 милилитри масло од канабис во кое има помалку од 0,2% ТХЦ и меѓу 5-7% ЦБД е причината поради која шишенцата стојат на рафтовите во аптеките на „Реплек“ и речиси не се продаваат. Поборниците на легализацијата, невладините организации кои се занимаваат со оваа проблематика и секако експертите, предупредуваа дека надлежните и производителот Реплек мора да внимаваат најмногу токму на овие аспекти од проблемот. Според Филип Достовски легализацијата на маслото од канабис во Македонија е само стартна основа за да се работи на оваа проблематика. Тој смета дека маслото кое во моментов се продава во аптеките, нема да има речиси никакви ефекти поради малата концентрација, а најголем проблем е цената поради која овој лек е речиси недостапен.

„Она што се продава во аптеките е масло кое не може да предизвика ниту „плацебо ефект“. Маслото кое јас го користам за да се лекувам од рак има 8% ТХЦ и 28% ЦБД, па сега вие самите пресметајте колку шишенца јас треба да купам од аптека за да го има истиот ефект“ - истакнува еден болен граѓанин кој се лекува со масло за Вечер.мк. Она што требаше да биде спас или барем олеснување за најтешко болните повторно стана проблем, пред се` поради цената, но и поради нискиот квалитет поради кој фармацевтскиот екстракт од канабис нема скоро никаков ефект врз пациентите. За истата сума, но нелегално може да се набави барем масло со слично количество, во кое нивото на главните канабиноиди кои директно влијаат врз болестите и нивните симптоми се десеткратно поголеми. Затоа многумина откако видоа колку е часот и откако сфатија дека Реплек ги лаже, повторно се вратија на стариот начин на набавка на маслото, како и пред легализацијата, а со тоа го кршат законот и се принудени законот да ги третира како криминалци. 

ДОМ со своја поддршка

Покрај болните лица, нивните семејства и сите корисници и љубители на канабисот кај нас, на страната на легализацијата со своја поддршка застанаа многу јавни личности, невладини организации, формални и неформанлни здруженија на граѓани, но и политички партии и движења. ДОМ јавно застана на наша страна со соопштение, го поддржа легализирањето на употребата на медицински канабис и поднесе редица амандмани за поголема достапност за болните по пониски цени. „Тогаш беа одбиени амандманите, но време е да се преиспита законот и во него да се интервенира“ - велат во своето најново соопштение до јавноста. На нивната официјална Веб страница апелираат дека со апсење на активистите се оди само назад во целиот процес на легализацијата на канабисот во Македонија. Тие велат дека наместо прогон, потребен е пристап до медицинскиот канабис за болните. 

ДОМ апелира до институциите за прогон да не се занимаваат со гонење на граѓани кои за свое лекување или за лекување на други болни лица бараат начин како да дојдат до медицински канабис. „Сметаме дека неправедно се малтретираат луѓе како Филип Достовски од организацијата за медицински канабис „Зелена Алтернатива“. Наместо прогон потребен е побрз и поевтин пристап до медицинскиот канабис за болните лица. Тоа значи дека е потребно да се либерализира целата постапка за производство на овие препарати, се разбира, со конрола од државата. Но, мора да се обезбеди пониска цена за лекот, по можност од домашно производство“ - истакнуваат од Секторот за односи со јавност на ДОМ.

Филип Достовски не е дилер! Тој е еден од Македонците кои својот втор живот му го должат на маслото од канабис. Тој важи за еден од најгласните активисти и не крие дека им помага на пациентите да научат како се екстрахира маслото за кое многумина тврдат дека им помага во борбата со тешки болести. Достовски бил дијагностициран со рак на 15 годишна возраст. По неколкуте неуспешни обиди да се излекува со конвенционални лекови се обидел со маслото од канабис, по што ракот целосно исчезнал. Тврди не се станува зависен од маслото, а успехот е кај над 70% од болните. Судии, лекари, адвокати и полицајци, се само дел од луѓето на кои Филип секојдневно им помага и ги обучува како сами да си го направат лекот во својот дом. Тоа се само дел од луѓето кои ги користат предностите на овој вид на лекување, во голем дел со голема успешност и тоа кај различни видови на рак, мултиплекс склероза, епилепсија, ХИВ, па дури и различни видови на повреди, се болестите каде маслото од канабис може да помогне. Погледнете што за оваа проблематика раскажува Филип Достовски, член и активист на Зелена Алтернатива за Zase.mk:

Инаку, Достовски со години наназад се бори за легализација на канабисот и преку „Зелена Алтернатива“ со екстракти од канабис помага на стотици граѓани со најразлични болести. Истовремено, целта на Здружението е и да шири знаење, да информира и да ги едуцира граѓаните како сами да си помогнат употребувајќи ја оваа билка, која уште одамна пред законските забрани игра важна улога во човековиот опстанок и наоѓа најразлична примена во медицината, но и за продукција на храна за луѓе и добиток, легло за добиток, влакна, восок, хартија, облека, пластика, гориво, хемкрит (хигли од коноп), лекови, козметика...

„Зелена Алтернатива“ е буден учесник во креирањето на посебна свест за користењето на канабисот. Работи на охрабрување, наместо стигматизација. Отворен пристап за екстракт од канабис, наместо токсични лекови. Меѓу другото, се заложува болните деца бесплатно да добиваат масло од канабис. Здружението на неколку пати потенцираше дека во Македонија расте автохтон коноп, со силен потенцијал за третирање епилепсија, па апелираше да се одгледува домашен канабис и да се користи овој извор, наместо да се увезува од странство. Исто така, „Зелена Алтернатива“ на повеќе пати учестува и во јавни дебати, домашни и меѓународни трибини, а и самото здружение на три пати организираше информативно-едукативни семинари за демистификација на канабисот. Таму со свои предавања учестуваа светски експерти, научници и активисти како: Рик Симпсон, Пол Хорнби, Лумир Хануш, Роберт Џ. Меламед, Илија Резник и многу излечени пациенти кои јавно ги споделуваа своите искуства. 

Научните истражувања во светски рамки уште од многу одамна покажуваат дека канабисот има позитивни ефекти врз низа болести како: сида, секаков вид на канцер, мултиплекс склероза, аутизам, епилепсија, ПТСД, анксиозност, депресија, несоница, главобилки и други хронични и еднократни болки, анорексија и голем број на автоимуни болести. Употребата на маслото од канабис во Македонија е јавна тајна. Илјадници луѓе секојдневно го користат овој природен лек успешно борејќи се со своите хронични и други тешки болести (многу од нив настанати поради ендоканабиноиден дефицит), додека пак, речиси цела Македонија оваа билка ја консумира во рекреативни цели. Ова можеме да го потврдите со секојдневната комуникација преку нашата фан страница на Фејсбук (www.facebook.com/420macedonia) со болните и останатите здрави фанови, кои своето здравје го одржуваат токму пушејќи марихуана и консумирајќи ја на други начини.

Канабис за ПТСД: „Принуден сум да го прекршувам законот секој ден за да ги смирам моите ужасни болки“

Вистинска безгранична љубов!
Со жена му Лора (Laura)
се венчал во болница по несреќата :)

Младиот воен ветеран и херој, 28 годишниот виш десетар Калум Браун (Callum Brown) од Мидлотиан (Midlothian), Велика Британија, кој има две ампутирани нозе поради воена несреќа во Афганистан во 2011 година, моли марихуаната да се легализира во медицински цели

Тоа не е се`. За време на несреќата ја раздробил својата карлична коска, откако нагазил на нагазна мина за време на патрола во Хелманд. Неговите непрестајни 24 часовни хронични болки не можат да се контролираат со помош и на најтешките лекови против болки. Калум сака сите луѓе во слична позиција како неговата да имаат легален пристап до оваа билка и до концентрираните екстракти. 

Калум пред несреќата во Афганистан

Калум седи директно на коските од `рбетот. „Како и моите други повреди, немам кожа на мојот грб - тоа е само тенко ткиво од лузна, па оштетувањето на нервите и фантомските болки се главната причина зошто пушам. Исто така ми помага при мојата депресија, затоа што е лесно малку да се спуштам. Откако видов деца кои страдаат и мајки на мртви деца кои ми се дереа во лице во Афганистан, кои прашуваа зошто го сторивме ова, јас одлучив дека е навистина доволно. Сакав да зборувам гласно за да се осигурам дека децата нема повеќе да страдаат. На децата со епилепсија и други состојби може да им се помогне со активните состојки од канабисот.“ - истакнува нашиот млад херој.

Канабисот му помага во целокупната
психо-физичка рехабилитација!

Канабисот се користел уште од дамнешни времиња, објаснува Калум кој е навистина добро поткован на оваа тема. Тој потврдува дека уште луѓето од антички времиња знаеле за лековитата моќ на канабисот и ја користеле таа моќ во секојдневието, а Калум денес мора да се чувствува како криминалец за да ја користи оваа билка која му е неизбежен лек. „Јас не треба да бидам криминалец за да користам нешто коешто ги ублажува моите болки и ми го олеснува животот. Откако бев повреден во Афганистан, лекарите ме држеа на многу тешки лекови против болки. Тие синтетички хемикалии имаа многу силни несакани последици - дури можеа да ти предизвикаат самоубиствени мисли, што и повеќе од очигледно не беше добро за мене кога се обидував да закрепнам по повредите“ - вели Калум.

Со татко му и брат му

„Со канабис не постои никаков негативен ефект. Тој ги олеснува моите болки“ - истакнува тој. Според ова храбро момче канабисот треба да биде легален. „Тој треба да е легален за медицинска употреба за луѓе како мене на кои им е навистина потребен, не за оние кои го консумираат само за да се напушат“ - вели тој иако и самиот пуши канабис за токму благодетите од „ХАЈОТ“ што го добива со пушењето трева, да му ги олеснат маките. Пушењето канабис е само еден начин на консумирање на лековитите придобивки на ова растение. 

Калум нема нозе, ниту карлица

Калум имал невидена среќа што останал жив. Во Универзумот не постојат случајности, па така и Калум не останал жив без причина. Тој според нас не е вистински херој затоа што преживеал на бојно поле, туку затоа што не паднал во депресија после тоа и не ја изгубил желбата за живот и покрај непрестајната агонија со која секојдневно мора да се соочува! Тој е вистински херој затоа што сфатил дека на овој свет сите сме дојдени со две главни причина - едната причина е да си правиме нам да ни биде убаво, а другата причина е да правиме да му биде убаво на сиот свет, затоа што сите сме заедно во оваа игра. Калум сфатил дека мирот не се постигнува со војување, туку само со БЕЗГРАНИЧНА ЉУБОВ! <3

„Како што стареам сфаќам колку е важно да се грижиме за другите луѓе, особено младите. Во Афганистан тоа беше најстрашното, да се гледа како страдаат мали деца не по своја вина“ - додава тој. Тој сега е во преговори за изнема на законот, за британските доктори да можат да му препишуваат медицински канабис којшто му е неизбежен за нормален живот!

Поради (не)среќата пред пет години, Калум никогаш повеќе нема да може нормално да трча, но благодарение на љубовта во неговото срце и желбата за правење добри дела - многу мали дечиња со рак, епилепсија и други болести на кои само канабисот може да им помогне, наскоро ќе можат да трчаат цел живот, откако неговите поплаки ќе бидат земени пред вид! Ни требаат уште многу вакви вистински приказни од животот земени. Ве замолуваме да не се срамите и да не се плашите - немате што да изгубите - со вашата искреност и добра намера можете многу животи да спасите и многумина да освестите. Доколку сакате со нас да ја споделите вашата приказна, ве замолуваме да ни се обратите на нашиот e-mail: 420macedonia@gmail.com или во инбокс на нашата FB фан страница за со вас да направиме кратко интервју! :)

Прочитајте ја целата сторија!

Реакција на Зелена Алтернатива за јавните дезинформации и лаги пласирани од страна на фарМАФИЈАТА Реплек

Бидејќи дилемата околу концентрацијата на канабиноиди во различните делови од растението не остана само на FB расправија со вработени во Реплек, туку продолжи и со рекламна кампања пласирана во медиумите, обврска ни е да ги расчистиме овие неточни информации кои допираат директно до многу наши сограѓани кои за разлика од повеќето од вас кои се поинформирани, немаат доволно познавање во оваа област и ќе ги примат овие информации како факт (здраво за готово). Секако дека повод за ова е и да се покаже какво е познавањето на фармацевтите кои моментално се единствените кои пласираат производ од коноп на нашиот пазар и во своите реклами и промоции на прозводите, гласно нагласуваат детали кои се неточни, контрадикторни и непроверени.

Пред да преминам на она за што доста се дебатираше во групава (иако коментарите потоа беа избришани од личноста која ги постираше) и е повод за текстов, како што спомнав на почетокот, би започнал со цитирање на еден дел од текстот објавен во Макфакс, изјава од компанијата. „Канабисот како растение има над 400 фитокомпоненти од кои минимум 60 се канабиноиди, како и терпени, флавоноиди, фитостероли, омега масни киселини (омега-3, омега-6, омега-9) во најдобар здравствен сооднос, аминокиселини, азотни соединенија, гликозиди, витамини (А, B1, B2, B6, C, D, Е, F), пигменти, алкани, азотни соединенија и други компоненти, кои се распоредени во различни делови од растението“. Од овој краток извадок на прв поглед се гледа од кое време е знаењето на фармацевтите кои работат таму, бидејки последните податоци говорат за досега откриени 141 канабиноид, со вкупен број од околу 1040 фитокопмоненти.

Но, мислам дека овој податок и не треба така да не` зачудува кога ќе видиме што понатаму изјавуваат. Поводот за сево ова: „Во однос на содржината на канабиноидите како основни активни супстанци на растението, цветовите и тоа женските цветови содржат повисок процент на delta-9-tetrahydrocannabinol, познат како THC, кој поседува психотропни својства и е одговорен за досегашниот третман на растението како средство за уживање. Лисјата ги содржат главно канабиноидите CBD (cannabidiol), CBN (cannabinol), CBG (Cannabigerol) и нивните карбоксилни соединенија, кои не поседуваат психотропни својства, но и THC во помал процент отколку цветовите“.

Овде се формира лекот - канабиноидите!

Ќе се потрудам да бидам што пократок. Прво да разјасниме една проста работа, која очигледно е непозната на дел од нашите фармацевти. Прва и основна причина поради која не може да се направи дистинкција помеѓу составот на канабиноиди во цвет и во лист, во смисла на различни канабиноиди во различни делови од растението, е тоа што канабиноидите воопшто не се создаваат ниту во листот ниту во цветот. Канабиноидите се создаваат во трихомите кои претставуваат жлезди кои лачат смола во која се создаваат сите канабиноиди и терпени, како главни лековити состојки на растението. Трихомите претставуваат одбранбен механизам на растението за заштита првенствено од УВ зраци (затоа што повисоко е УВ зрачењето има поголема концентрација на трихоми), но и од разни инсекти, како и одредени видови на габи и мувла. Тие се наоѓаат на надворешната обвивка на цветовите, листовите и другите делови на растението, а не директно во нив. Со самото тоа што имаат заштитна улога се подразбира дека се присутни насекаде во растението, но од еволуциска гледна точка секако дека најмногу се сконцентрирани таму каде што е најпотребно за да може да се продолжи биолошкиот циклус - во цветовите, каде што се создава семето.

Реплек може вода да му носи на екстрактот
што можеш да си го направиш дома сам/а!

Но, да не биде дека сето ова го говориме само теоретски, најубаво е да се покаже со директни докази. Иако налетав на многу студии и анализи, долго размислував кои најмногу би се земале за релевантни, бидејќи од нашето досегашно искуство, повеќето од нашите експерти не ги признаваат. Па, затоа одбрав да земам за пример факти од студии објавени на страната на UNODC (канцеларија на ОН за дроги и криминал) од две причини. Првата, поради тоа што сепак се работи за една од највисоките инстанци на ОН за дроги (бидејќи нели според ОН се` уште на канабисот му е тука местото), но и поради фактот што овие студии се направени на крајот на 60-тите, а објавени во 1971, што значи и најстарите фармацевти кај нас, доколку сакаат да дискутираат на оваа тема, треба да бидат запознаени со овие податоци. Секако и поради тоа што во оваа анализа се гледа концентрацијата токму на канабидиолот (CBD), нешто што ја предизвика дебатата.

Во анализата се земени примероци од канабис земен од различни делови од светот, некој одгледуван за пушење, друг за стебло, односно влакна, семе итн. Она што е карактеристично е дека кај сите видови, количината на канабидиол, скоро правопропорционално се намалува во различните делови од растението (освен кај оние кои веќе произвеле семе). 

Еве ги резултатите и заклучокот од анализата:

Cannabinoid contents %

Sample and plant part CBD Δ1-THC

Beirut 26.4.1969

Flowers 2.6 0.06

Upper leaves 1.8 0.00

Large leaves 0.2 0.03

Stem 0.2 0.00

Bekaa 19.6.1969

Flowers 2.4 0.5

Upper leaves 1.1 0.1

Large leaves 0.3 0.1

Stem 0.1 0.0

Bekaa 26.6.1969

Flowers 2.8 0.04

Upper leaves 1.4 0.04

Large leaves 0.4 0.02

Stem 0.2 0.01

Hizzine 3.9.1969

Flowers (fruits) 0.3 0.4

Upper leaves 1.0 0.7

Large leaves 0.2 0.2

Stem 0.1 0.1

Caucasus/Sweden 1.10.1969

Flowers (fruits) 0.5 0.1

Upper leaves 0.5 0.1

Large leaves 0.1 0.01

Stem 0.02 0.01

Turkey/Sweden 1.10.1969

Flowers (fruits) 0.8 0.02

Upper leaves 0.5 0.01

Large leaves 0.7 0.02

Stem 0.03 0.00

Bratislava/Sweden 1.10.1969

Flowers (fruits) 0.7 0.02

Upper leaves 0.5 0.02

Large leaves 0.4 0.01

Stem 0.00 0.00

Flowers – се цветовите, кои кај некои од сортите биле и со плод - семе;

Upper leaves – малите листови кои се наоѓаат околу самите цветови;

Large leaves – големите листови;

Stem – Стебло.

Од Бога е дадена.
Свештените лица тоа го знаат!

Заклучокот на целата анализа на UNODC е цитирам: „Нашите податоци покажуваат дека канабиноидите се присутни во сите делови од растението. Пресметано во сув материјал, канабиноидите се најмногу присутни во цветовите, како и во малите листови кои се околу цветовите“. Од оваа анализа јасно се гледа дека не е точно дека ТHC-то настанува во цветовите, а CBD-то во листовите, бидејќи е очигледно дека и CBD-то, како и ТHC-то се најбројни во цветовите, па во помали количини во помалите листови околу цветовите и се` помалку во поголемите листови. Тоа е токму во корелација со она што „теоретски“ ви го објаснив за трихомите.

Линк: https://www.unodc.org/unodc/en/data-and-analysis/bulletin/bulletin_1971-01-01_1_page006.html

Другата студија е направена во Канзас, САД и исто така се работи за канабис со поголема концентрација на CBD, затоа и ја одбрав. Ќе го пренесам заклучокот: „Анализата е направена за четири главни канабиноиди, cannabidiol (CBD), della-8-tetrahydrocannabinol (delta-8-THC), delta-9-tetrahydrocannabinol (delta-9-THC), и cannabinol (CBN). Канабиноидите беа најбројни во цветовите па прогресивно се намалуваа во листовите, петиолите, стеблото, семето и корењата“. Повторно доаѓаме до ист заклучок, дека воопшто не е точно дека ТHC-то е најбројно во цветовите, а CBD-то во листовите, туку концентрацијата на ТХЦ и ЦБД зависи главно од генетиката на растението, а вкупниот износ на канабиноиди зависи од трихомите.

Линк: http://link.springer.com/article/10.1007%2FBF02863315

Биди во тек! Едуцирај се!
Информирај се!

Освен овие студии кои треба да се доволен доказ за тоа каков е составот на канабиноиди во различни делови од растението, дополнителен доказ е и што производителите на квалитетни CBD масла во светот, тоа го прават преку екстракција на CBD-то од цветовите, најчесто преку CO2 екстракција, но затоа ќе има посебен текст, каде што ќе направиме споредба помеѓу странски производи и нашето масло со CBD.

За крај би додал само дека во текстот самите фармацевти нагласуваат: „Присуството на CBD, CBN, CBG, THC и останатите канабиноди во минорни количества заедно со терпените и флавоноидите е особено значајно поради нивното синергистичко делување и со останатите биолошки вредни компоненти во канабисот, што го прават маслото од канабис исклучително корисно во превенција и лекување на многу болести и состојби на човечкиот организам“. Значи свесни се дека за лековитост е потребен т.н. екстракт од цело растение, а го продаваат маслото, во кое самите велат дека нема ТHC, а велат може да помогне кај ХИВ, малигни заболувања и МС, болести за кои знаеме дека за лекување е потребно ТHC и тоа со многу висок процент! Со оваа изјава се контрадикторни сами по себе.

Како последно што ми остава впечаток во овој рекламен текст, е тоа што велат дека нивното масло содржи терпени. Значи не може да се даде таква изјава за продукт од канабис без да се објасни точно кои терпени ги содржи. Точно е дека за терпените не е потребно концентрацијата да биде истакната, но мора да се нагласи кои терпени ги содржи бидејќи различни терпени делуваат различно, на различни болести, тегоби и состојби. Истото се однесува на изјавата дека во маслото ги има и останатите канабиноиди, CBN, CBG. Доколку има значителна количина од овие канабиноиди, треба да се нагласи и нивната концентрација во екстрактот. Доколку ги нема во значителни количини не може да се нагласуваат во составот, бидејќи ги нема во доволно количевство за да има лековит ефект.

ЗА продолжува со борбата,
а 420macedonia продолжува со информирање
и поддршка!

Мислам дека од погоре изнесеното може да се заклучи до каде е знаењето на фармацевтите кои моментално се единствените кои легално произведуваат масло од канабис на македонскиот пазар. Жално е да се помисли какви производи ќе добиваме во иднина и по која цена, ако продолжи да ги пласира компанија чии фармацевти без срам во јавност излегуваат со лажни информации претставени како факти, информации за кои гледаме дека уште од 70-тите години на минатиот век знаеме дека не се точни. Дополнително ќе имаме анализа на масла од CBD и како се изработуваат, како и нивниот состав.

* Линк до текстот од Макфакс: http://makfax.com.mk/zanimlivosti/zdravje/kanabisot-pomaga-kade-sto-konvencionalnata-medicina-nema-potpolni-resenija

Автор: Давор Ангеловски од Зелена Алтернатива

Состојките од канабисот претставуваат природен и безбеден лек против Алцхајмер

„Иако досегашните претходни студии понудија докази дека канабиноидите може да се невропротективни против симптомите на Алцхајмер, ние веруваме дека нашата студија е прва до сега да демонстрира дека канабиноидите влијаат на двете како на воспалението, така и на амилоидната бета акумулација во нервните клетки“ 

Што е подобро? Лекување со билки или
со синтетички дроги во форма на апче?

Алцхајмерот е најпознатата форма на деменција и претставува прогресивна состојба која се влошува со текот на времето. Тоа е физичка болест со психички последици, го напаѓа мозокот и може да предизвика губење на меморијата и потешкотии во говорот и другите когнитивни функции.

До сега е познато дека користењето канабис без разлика на кој начин, може да го спречи стареењето на мозокот. Едно ново научно истражување сугерира дека една од состојките во растението канабис може да ги уништи токсичните протеини што ја предизвикуваат Алцхајмеровата болест. Токму ова истражување на научниот свет му даде нови одговори на многубројните „недокажани“, а одамна практично одговорени прашања, за тоа како Алцхајмеровата болест може да биде спречена и терапевтски третирана на природен начин. Ракописот на првичните наоди е објавен во зборникот Aging and Mechanisms of the Disease (Стареење и механизмите на болеста).

Канабисот е нова надеж за многу
невродегенеративни болести!

Научниците од Salk Institute во Калифорнија најдоа докази дека Тетрахидроканабинолот - THC, но и другите состојки до сега откриени во марихуаната, можат синергично да го отстранат штетниот протеин наречен amyloid beta кој е поврзан со појавата на ова заболување што ги напаѓа постарите лица. „Воспалението во мозокот е главна компонента од оштетувањето поврзано со Алцхајмеровата болест, но секогаш се претпоставуваше дека овој одговор доаѓа од имуните клетки во мозокот, а не самите нервни клетки“ - вели еден од авторите на студијата и постдокторскиот истражувач Д-р Антонио Карес (Antonio Currais).

Научниците не еднаш до сега рекле дека токму ТХЦ ќе биде „аспиринот“ за идните генерации. „Кога бевме во можност да ја идентификуваме молекуларната база на воспалителниот одговор на амилоид бета, стана јасно дека компонентите слични на THC што нервните клетки самите ги произведуваат, може да бидат вклучени во заштитата на клетките од нивна смрт“ - додава тој. „Иако досегашните претходни студии понудија докази дека канабиноидите може да се невропротективни против симптомите на Алцхајмер, ние веруваме дека нашата студија е прва до сега да демонстрира дека канабиноидите влијаат на двете како на воспалението, така и на амилоидната бета акумулација во нервните клетки“ - истакна главниот автор на студијата професорот Дејвид Шуберт (David Schubert).

Неколку интересни фотографии од медицинска марихуана

Погледнете го растението канабис од блиску! :)

Секоја марихуана е медицинска, затоа што секоја врста има медицински својства, кои меѓусебно се разликуваат поради различниот сооднос на канабиноиди во секоја врста.

Извор: Marijuana.com

Врста: DJ Short’s Blueberry

Индика

Врста: Berry White

Хибрид

Врста: Berry White

Хибрид

Врста: 9 LB Hammer

Индика

Врста: Lemon Thai Kush

Хибрид

Врста: Blackberry-Kush

Индика

Врста: Blackberry-Kush

Индика

Врста: Yabba Dabba Goo

Хибрид

Врста: Yabba Dabba Goo

Хибрид

Врста: Supernatural

Индика

Врста: M39

Хибрид

Законите за медицинска употреба на канабис треба да се прилагодат

Многу држави, вклучувајќи ја и нашата, ќе треба да ги прилагодат законите и правилата за медицинската употреба на конопот, за да може на сите оние на кои овој лек им е потребен, истиот да им биде достапен и финансиски исплатлив

Германија веднаш по имплементирањето на програмата за медицинска употреба на канабисот, ќе врши промени во законот и програмата. Две причини доведоа до тоа. Првата, судска пресуда со која се дозволува пациент сам да си го одгледува и произведува својот лек. Оваа пресуда е од огромно значење затоа што на неа може да се повика секој граѓанин на Германија и да побара истите правила да важат и за него. Втората причина е недостатокот од канабис во аптеките. Имено, моментален снабдувач на пазарот на канабис во Германија е Холандија и тие не можат да постигнат да ги задоволат потребите на Германците, објаснува активистот Давор Ангеловски од здружението Зелена Алтернатива.

Поради овие две причини Германија ќе мора да изврши промена на моделот и програмата за лекување со канабис. Најверојатно ќе се добиваат лиценци за одгледување на канабис од страна на приватни и правни лица, како би се задоволиле и личните и потребите на сите пациенти во државата. Друга предност, како што наведуваат пациентите е и можноста за пристап до повеќе сорти, бидејќи во моментов располагаат само со десетина.

Од ова може да се изведе поука дека законите и регулативите за медицинската употреба на канабисот се тема на која што треба постојано да се работи и која не е завршена со носење на закон. Како едно од најдобрите решенија е да се дозволи секој пациент кој има соодветна дијагноза, да си го одгледува и произведува лекот самостојно. Тоа ќе му помогне финансиски, како и да си ја најде соодветната сорта која највеќе му одговара за неговата болест, бидејќи како што знаеме секој индивидуално реагира на дозата, сортата, т.е. составот на канабиноиди, терпени и други состојки од растението канабис.

Редовното консумирање канабис го спречува стареењето на мозокот!

Канабисот не` подмладува!

Научниците открија дека волуменот на сивата маса не се намалил по четири години континуирана и обилна консумација на канабис и дури еден дел од мозокот се намалил помалку со текот на времето кај пушачите на трева, во споредба со непушачите


Авторите на најновото истражување за канабисот и активноста на мозокот иницијално предвидоа дека долготрајната употреба на канабис може да намали одредени региони во мозокот. Вака се сметаше до неаодмна, иако реалноста е сосем поинаква и токму тоа беше потврдено со оваа студија. 

Истражувачите од Холандија ги разгледаа конфликтните наоди помеѓу научниците кои велат дека пушачите на трева имаат помали мозоци, оние кои сметаат дека пушачите на трева имаат поголеми мозоци и оние наоди на научниците кои застапуваат било какви други теории. Некои од овие меѓу-секторски студии само претставуваат момент од времето и тие не можат да ја докажат каузалноста во повеќето случаи. Затоа холандските научници одлучија да спроведат лонгитудинален експеримент за да истражат како консумирањето на канабис влијае врз мозокот долгорочно гледано.

Стив Џобс редовно консумирал канабис

За да го спроведат експериментот истражувачите спровеле магнетна резонанца на мозокот кај 33 пушачи на трева и 43 „здрави“ контролни испитаници (кои не пушеле трева). Започнувајќи на просечна возраст од 20 години, волонтерите биле вклучени во студијата се` додека не наполниле 24 години. И покрај тоа што некои од нив биле исклучени од студијата, примерокот сепак бил доволно голем за да се постават значајни заклучоци. 

Резултатите покажаа дека пушењето канабис за време на доцната адолесценција, не ја менува морфологијата на сивата маса. Она што ги изненади противниците на конопот е дека пушачите на трева во студијата имале поголем церебрален дел (регионот во задниот дел од мозокот кој е одговорен за моториката, координацијата, јазикот и тн.). Овој дел од мозокот природно се собира како што старееме. Се покажа дека редовното консумирање на канабис може на некој начин да ја спречи оваа природна појава. 

Јас сум напушен/а, но не сум глупав/а!

Една друга научна студија објавена во октомври 2015 година ги употреби податоците од Human Connectome Project (масивно мултинационално истражување за да се откријат врските помеѓу сите неврони во мозокот), покажа дека канабисот не е причина за абнормалностите во мозокот, туку за тоа се одговорни гените. Оваа студија ги спореди мозочните снимки од близнаци од кои едниот пушел трева, а другиот не. Се покажа дека сите промени во мозокот кај едниот близнак, биле присутни и кај другиот. Другите научни студии до сега потврдија дека канабисот не претставува опасност за тинејџерскиот мозок во развој. Опасни супстанци кои го загрозуваат развојот на адолесцентскиот мозок се легални и  тоа: никотин, алкохол, кофеин, фармацевтски лекови, синтетички дроги...

Третиот семинар за коноп следниов викенд!

Драги поддржувачи на легализацијата на конопот во Република Македонија!!!  

420macedonia ви пренесува одлични вести! Конечно, на наше огромно задоволство, во името на здружението Зелена Алтернатива - ЗА, официјално ве покануваме да ни се придружите на третиот по ред семинар од циклусот за демистификација на конопот што го организира токму ова извонредно здружение на граѓани. 

Семинарот ќе се одржи на 28-ми и 29-ти мај во Дом на АРМ во Скопје со почеток во 12:00 часот. Влезот повторно ќе биде бесплатен. Kартите веќе може да се подигнат на две локации. Хотел Солун на рецепција и Кафе Пабло и во Кино Карпош и Излет Кафе! Деталите за настанов, како и програмата можете да ги проследите во ФБ групата на Зелена Алтернатива, на нивната официјална Веб страница, како и на објавениот ФБ настан.

„Ги известуваме сите оние кои се заинтересирани да присуствуваат на семинарот кој ќе се одржи следниот викенд, дека влезот за истиот како и на минатите два семинара ќе биде бесплатен, меѓутоа за влез ќе биде потребна карта. Картите ќе може да се подигнат од понеделник (23.05.16) на неколку локации низ градот кои навремено накнадно ќе ги објавиме“ - истакнува активистот и член на ЗА, Давор Ангеловски.

Како што веќе знаете, учесници на овој семинар ќе бидат врвни научници и доктори од Израел, Чешка, Шпанија, Канада, признаени како светски експерти на полето на канабисот. Голем дел од нив се членови на интернационални одбори на истражувачки центри и асоцијации за употребата на конопот. Тие ќе ни ги презентираат најновите сознанија од областа на употребата на канабисот, ќе ги споделат со нас искуствата од нивната работа и истражувањата за лековитоста на конопот.

„Главна и заедничка тема на овој семинар ќе биде употребата на канабисот во здравствената заштита, теорија и пракса. Со оглед на се` поголемиот број на граѓани од нашата држава кои го користат маслото од канабис, како здружение сметаме дека овој семинар ќе помогне да допреме до што повеќе граѓани и ќе допринесе за поголема едукација за тоа како правилно да се користи конопот. Со оглед на се` почестите заболувања на наши и ваши роднини, пријатели и познаници, веруваме дека на се` повеќе луѓе им е потребно маслото од канабис како за спречување и превенција, така и за лекување на повеќе болести и тегоби на ова модерно време“ - објаснува Филип Достовски, основачот на ЗА.

Затоа ве повикуваме да ни се придружите на овој семинар за заедно да ги слушнеме предавањата на водечките авторитети на полето на канабисот низ светот и да помогнеме во споделувањето на тоа знаење за понатамошното рушење на стигмата и предрасудите кои нашето општество ги има кон ова благородно лековито растение! Да научиме нешто повеќе и заеднички понатаму да ја продолжиме борбата за употребата на оваа билка во нашето секојдневие. Искористете ја оваа ретка можност да бидете дел од ваков собир и повелете придружете се. Ве очекуваме во што е можно поголем број! :)

Медитација со канабис

Канабисот е првиот природен учител и само еден од многуте други природни забранети учители што растат од земја кон сонцето и што отсекогаш постојат на оваа планета и се користат отсекогаш и тоа во многу култури со иста намена - за просветлување.

Канабисот ги освестува луѓето и те враќа во моментот - само уште една причина зошто е забранет! Цел живот пушиме трева и презадоволни сме од нашата разбудена свесност која секојдневно расте, меѓутоа дојдовме во еден момент каде што не можевме да најдеме ни да одгледаме квалитет што не` задоволува, па се префрливме на нешто „појако“... Почнавме да медитираме! Научно е докажано дека медитацијата исто како и канабисот имаат слични ефекти - само доблести и ниту една негативна страна. Нам канабисот ни помага полесно да навлеземе во медитативна состојба, а потоa со канабис се наградуваме себе си после секоја успешна медитација. Не постои нешто како неуспешна медитација. Дури и секој обид да се фокусираме на немислење или пак, само да ги проследуваме нашите мисли и да ги пуштаме да си заминат од нашите глави, има свој позитивен ефект врз умот и телото. Медитацијата и јогата се исто така дел од човечката цивилизација низ илјадници години и тие се идеални практики добри за баланс на душата, умот и телото. Многу експерти ширум светот истакнуваат дека медитацијата треба да биде редовно практикувана за редуцирање на стресот и подобрување на целокупното здравје. Медитирањето го подобрува квалитетот на животот на секое поле, затоа што оваа практика отвора еден нов поглед кон светот, насочен кон фокусирање на она што го сакаме, а не на она што не го сакаме и изградува позитивен став кон работите, со што се` станува полесно, се подобрува самодовербата и чудата започнуваат да се случуваат, но само доколку се поверува во нив и им се даде простор и шанса да започнат да ни се случуваат.

Историјата на човештвото исто така потврдува дека медитацијата е многу блиска со марихуаната, не само поради истата буква на која почнуваат овие зборови, туку и поради тоа што од дамнешни времиња се користеле заедно. Медитацијата има за цел да не` врати во моментот, затоа што минатото и иднината се само илуција во нашите глави и се` што можеме да сториме е само тука и сега. Канабисот исто така ни ги растргнува од глава непотребните мисли и грижи и исто така не` враќа во моментот. Затоа многумина ја користат оваа билка за полесно навлегување во медитативна состојба на умот, т.е. во „420 состојба на умот“ и канабисот кај многумина ја засилува медитацијата. 

Канабисот отсекогаш се користел како сакрално и спиритуално растение. Многу религиозни групи од Јужна Азија медитираат со помош на канабис. Многумина веруваат дека помага да се успори умот и да се достигне длабока тишина на умот со зголемена свесност. 420macedonia исто така ви го потврдува тоа! Хиндуистите велат дека канабисот сам по себе претставува медитација. „Откако го пушите ова, проблематичните чувства, како страста, алчноста, гневот, сите тие исчезнуваат. Станувате опуштени и смирени. Сконцентрирани сте само на Бог“ - објаснува еден од Садуите (Sadhu) во видеото погоре на National Geographic. 

Канабисот кај секого делува различно и медитирањето под дејство на оваа лековита билка може да ви открие токму на кој начин таа делува врз вас. Консумирањето на индика врстите може полесно да ве сконцентрира. Најпрепорачливо е да консумирате марихуана во која форма сакате во позиција во која ќе медитирате, за да може да започнете со медитацијата веднаш штом канабисот започне да делува - затворете ги очите и фокусирајте се на дишењето. Постојат многу начини и многу техники и вие треба да си ја одберете најсоодветната за вас, еве погледнете два примери прикажани во двете видеа подолу:

Прв дел

Втор дел

Канабисот и медитацијата ќе ве научат дека не треба напразно да се зборува и дека подобро е да се биде во мир, отколку во право, затоа што не само зборовите, туку секоја мисла има неверојатна конструктивна или деструктивна моќ врз се` што се случува околу нас. Канабисот и медитацијата ќе ви покажат дека ние сме креатори на нашата судбина и какви ни се мислите - таков ни е животот. Низ медитација ќе ни стане јасно дека секоја ситуација самите ја создаваме и привлекуваме според Универзалниот закон на привлекување и секој од нас е одговорен за сопствената среќа. Канабисот ти помага постојано да си на висока позитивна вибрација и да живееш живот каков што од секогаш си сакал/а, затоа што кога си постојано расположен, се` што ти треба е тука на дофат на рака.

Уживајте во секоја медитација. Дури и секој обид да медитирате ќе има позитивни ефекти врз вас, како чистење од многу енергетски блокади, лоши мисли, негативни емоции, стрес, анксиозност, депресија, демотивација, мрзливост... Колку повеќе луѓе започнат со медитација и колку повеќе деца се научат да медитираат, толку повеќе позитивна енергија низ вибрации на мир и љубов се испраќани во Универзумот, а со самото тоа ја лекуваме нашата планета од зло, омраза, војни и секакви меѓучовечки недоразбирања и останати негативни вибрации. Бидете извор на тоа што сакате да го примате, медитирајте и пушете трева доколу сакате да живееме во Подобар свет! Ние препорачуваме интересна фреквенција за медитирање со канабис: