Уште нешто за терпените... Да повториме за најпознатите терпени и да научиме за уште неколку други!

На нашиов блог веќе доста зборувавме за терпените, за нивните основни и останати својства, нивното биомедицинско значење, зборувавме за тоа кои се примарни, а кои секундарни терпени... Сега сакаме малку да се потсетиме за некои од нив, затоа што повторувањето е мајка на знаењето, но и да го дополниме она што сме го пропуштиле и секако да кажеме уште нешто за останатите не толку популарни терпени, затоа што човекот учи додека е жив! :)

Терпенско тркало

* ЛИМОНЕНОТ (Limonene) е втор најзастапен терапен во сите видови на канабис, но не сите видови мора да го имаат. Како што вели неговото име, лимоненот дава мирисни ноти од цитрус кој личи на лимони, што не е изненадување бидејќи сите агруми содржат големи количини на ова соединение. Лимоненот се користи во козметиката и во производите за чистење. За терапевтски цели, познато е дека лимоненот го подобрува расположението и го намалува стресот. Истражувачите исто така откриле дека има антифунгални и антибактериски својства, а едно истражување дури покажало дека има улога во намалувањето на големината на туморите. Лимоненот има цитрусна арома која се наоѓа во кората на овошјето, рузмаринот, смреката и пеперминтот. Лимонен е познат по своите ефекти за појачување на хајот и помага да се подигне расположението и да се намали стресот. Затоа, се верува дека е од корист за анксиозност и депресија, како и кај воспалението, болката и лекувањето рак. Високо ниво на лимонен може да се најде во следниве врсти: O.G. Kush, Sour Diesel, Super Lemon Haze, Durban Poison, Jack Herer и Jack the Ripper, потоа Super Lemon Haze, Sour Diesel и Strawberry Banana.

* ТЕРПИНЕОЛ (Terpineol) - Аромата на терпинеолот најдобро може да се опише како цветна, потсетувајќи на јорговaните и виолетовите цвеќиња, цветот на јаболко и малку цитрус. Терпинеол има вкус како анасон и нане. Терпинеолот има пријатен мирис, сличен на јоргованот и е честа состојка во парфемите, козметика и засилувачите на вкус. Оваа состојка релаксира во голема мера и обично е одговорна за поттикнување на опуштениот седативен ефект. Медицинските придобивки од терпинеолот, исто така вклучуваат антибиотични и антиоксидативни својства. Може да се најде во следниве врсти: Girl Scout Cookies, Jack Herer и OG Kush.

* АЛФА ПИНЕНЕ и БЕТА ПИНЕНЕ (Alpha-pinene и Beta-pinene) - овие два терпена мирисаат на борови дрвја, а тоа се растенијата каде што може да се најдат во големи количини. Токму затоа мирисот на шума потсетува на голема количина канабис :) Други растенија богати со пинен вклучуваат рузмарин, кора од портокал, босилек, магдонос и канабис. Како и многу други, пинените терпени имаат антиинфламаторно дејство врз луѓето. Но, уште поважно, тие помагаат да се подобрат протокот на воздух и респираторните функции, го олеснува дишењето истовремено помагајќи да се намали загубата на моментална краткотрајна меморија поврзана со ефектот на THC. Aко видот на канабис е богат со алфа и бета пинен, тој всушност може да помогне при астма. Пиненот, исто така, им помага на пациентите со артритис, Кронова болест и рак. Можете да најдете pinene во врстите како: Jack Herer, Strawberry Cough, Blue Dream, Island Sweet Skunk, Dutch Treat и Romulan.

Зошто канабисот мириса баш така?

* АЛФА БИСАБОЛОЛ (Alpha-bisabolol - levomenol) има пријатни цветни ароми, а исто така може да се најде и кај цвеќињата од камилица и кај кандеја дрвото. Овој терпен се користи првенствено во козметичката индустрија, но во последно време го привлече вниманието на истражувачите, бидејќи покажал медицински придобивки за третирање на многу болести со помош на канабис терапија. Алфа-бисабололот се покажа како ефикасен во лекувањето на бактериски инфекции и рани и е одличен антиоксидант со анти-иритивни и аналгетски својства. Го има во изобилство во врстите како: Harle-Tsu, Pink Kush, Headband, OG Shark и

ACDC.

* БИСАБОЛОЛ: Медицинските придобивки на овој цветен секундарен терпен

* МИРЦЕН (Myrcene) еден од основните терпени во канабисот, има мукусен мирис и е присутен и во мангото, лимонска трева, мајчина душица и хмељот. Мирценот е познат како релаксатор, бидејќи продуцира седативен ефект. Овој ултра-релаксирачки ефект го прави мирценот одличен за депресија, несоница и анксиозност, но исто така има и терапевтска вредност кај болката и воспалението и има антисептички, антибактериски и антифунгални својства. Освен тоа, овој канабис терпен ја има способноста да ја подобри психоактивноста на ТХЦ и се наоѓа во врстите како: Granddaddy Purple, Northern Lights и Trainwreck.

* БЕТА КАРИОФИЛЕН (B-caryophyllene) се карактеризира со својата зачинета, арома на пиперки. Очигледно е пронајден во црниот пипер, но исто така е присутен во лукот и циметот. Овој терпен има различни потенцијални медицински вредности, вклучувајќи помош при болка, анксиозност, депресија, чиреви, воспаленија, мускулни грчеви и несоница. Б-кариофиленот има ефекти на ослободување од стрес и може да помогне во лекувањето на зависностите. Го има во следните видови: GG4 (aka Gorilla Glue ), White Widow и Chemdawg.

* ЛИНАЛОЛ (Linalool) е познат по својот цветен мирис на лаванда. Цветот на лавандата се знае дека е релаксирачки поради терпенот линалол, кој има смирувачки, ефекти кои го подобруваат расположението, па затоа се користи за анксиозност, депресија и несоница. Линалолот, исто така, може да се користи за воспаление, невродегенерација и конвулзии. Овој терпен во изобилство се наоѓа во: Headband и Kosher Kush. 

* ХУМУЛЕН (Humulene) има земјена арома која е честа појава во хмељот, растението (цилантро) cilantro и босилек. Има анти-воспалителни особини кои можат да помогнат во олеснување на болката. Тоj е, исто така, познат потиснувач на апетитот. Хулуленот се наоѓа во видовите: Death Star, Sour Diesel и Headband.

* ОЦИМЕН (Ocimene) мириса на билен чај и се наоѓа во нането, магдоносот, биберот, босилекот и орхидеите. Овој канабис терпен има антивирусни, антифунгални, антисептични и антибактериски својства. Плус, може да има медицинска вредност како декондестант. Оцименот може да се најде во: Durban Poison и Sensi Star.

* ТЕРПИНОЛЕН (Terpinolene) исто така, има борова арома, но мириса повеќе на цветни и билни ароми, за разлика од алфа пиненот. Терпиноленот може да се најде кај зимзелените дрва, како и јаболката, кимот и морското оревче. Тој има седативни ефекти и тони на потенцијална медицинска вредност, вклучувајќи и антиоксидантни, антибактериски и антифунгални својства. Терпиноленот најчесто се среќава во канабис врстите: Agent Orange и Dutch Treat.

ЧИТАЈ ПОВЕЌЕ:

* Кои се основните, а кои секундарните терпени во канабисот?

* Останати не толку познати терпени кои може да се најдат во растението канабис

* Биомедицинското значење на ароматичните соединенија терпени

* Терпените играат клучна улога во разликувањето на вкусот и ефектот на некои врсти канабис

Автор: Кристина Т.

Извори: Cannacon.org, HERB

Терпените играат клучна улога во разликувањето на вкусот и ефектот на некои врсти канабис

Излачени во истите жлезди кои продуцираат канабиноиди како ТХЦ и ЦБД, терпените се ароматични маслени молекули кои го одредуваат вкусот кај видовите на канабис како: цитрус, јаготка, нане и бор... Некои терпени предизвикуваат релаксација и ослободување од стрес, а други фокус и сосредоточеност

Како и кај другите растенија и цвеќиња со силен мирис, развојот на терпените во канабисот започнал за адаптивни потреби: да избегнуваат и бркаат предатори и да намамуваат опрашувачи. Во развитокот на терпените кај едно растение влијаат повеќе фактори како климата, временските услови, возраста и созревањето, оплодувачи, тип на почва дури и периодот од денот. Во канабисовото растение идентифицирани се повеќе од 100 различни типови на терпени, а секоја врста на канабис има тенденција кон уникатен тип на терпени и композиција.

* Биомедицинското значење на ароматичните соединенија терпени

Богатата палета на вкусови на канабис е доста впечатлива, но веројатно најфасцинантната карактеристика на терпените е нивната способност за синергистично делување со други компоненти на растението, како канабиноидите. Во минатите неколку декади, најголем дел на видовите на канабис се израстени да содржат високи нивоа на ТХЦ и како резултат на тоа другите канабиноиди како ЦБД на некои места се доведени до траги. Поради ова, многумина веруваат дека терпените играат клучна улога во диференцијацијата на ефектот кај различни врсти на канабис.

* Терпени - молекулите што го прават мирисот на канабисот толку неодолив

Разни видови терпени и нивната арома

Подолу се опишани основните карактеристики на само неколку од најзастапените терпени. За пиненот и бисабололот имаме зборувано доволно, а за лимоненот ќе подготвиме подетален текст, а ќе пишуваме понатаму и за некои останати не толку познати терпени. Свиткајте еден кец или двојка, уживајте и едуцирајте се, но не заборавајте да го споделите и овој текст за да ја подигнеме свеста за лековитите својства на канабисот! ;)

* БИСАБОЛОЛ: Медицинските придобивки на овој цветен секундарен терпен

* LINALOOL - Линалол е терпен кој се среќава во многу цвеќиња и зачини. Тоа е монотерпеноид кој има два енанотиомери. Соединението наоѓа максимална употреба како анксиолит, тоа е како анти-анксиозен лек. Има навистина силни седативни ефекти и е популарен лек за анксиозност и депресија. Овој терпен е одговорен за препознатливиот мирис на марихуана со лутки и цветни ноти. Се наоѓа и во лавандата, нането, циметот и коријандерот, па како и овие ароматични растенија поседува многу силни смирувачки и релаксирачки својства. Пациенти со артритис, депресија, епилептични напади, несоница и канцер пронашле олеснување во овој восхитувачки терпен. Врсти кои соджат линалол се Amnesia Haze, Special Kush, Lavender, LA Confidential и OG Shark.

* Воведна лекција за трихоми и нивните основни својства

* CARYOPHYLLENE - Најдобро познат по неговите луткасти и забиберени ноти, кариофиленот се среќава во црн пипер, цимет, каранфилче и зачини како орегано, босилек и рузмарин. Поради тоа што бета-кариофиленот се врзува за ЦБ2 рецепторите, го користат како состојка во кремови против воспаление. Кариофиленот е единствениот терпен кој се врзува за канабиноидните рецептори! Покрај неговите аналгетски и антианксиозни својства, некои истражувања откриле дека кариофиленот има ветувачка улога при рехабилитацијата од алкохол, што е и научно докажано со експеримент врз стаорци. Се среќава во следниве врсти на канабис:  Super Silver Haze, Skywalker и Rock Star.

* HUMULENE - Хумуленот е првиот терпен откриен во хмељот. Неговата арома содржи земјени, дрвни и зачинети ноти. Се среќава во каранфилче, жалфија и црн пипер. Хумуленот е антипролиферативен, односно спречува раст на клетки од канцер и е ефективен во намалувањето на апетитот што го прави потенцијална алатка за губење на тежината. Исто така, го намалува воспалението, ја ублажува болката и се бори против бактериски инфекции. Го има во: White Widow, Headband, Girl Scout Cookies, Sour Diesel, Pink Kush и Skywalker OG.

* DELTA-3 KAREN - (Δ3-Caren) - Ароматераписките масла се познати дека содржат високо ниво на овој терпен. Прекумерните течности од очите, носот или устата можат да се излечат со него многу лесно. Сувата уста и очи, можат да се излечат со користење на ова природно и органско соединение. Исто така го има во рузмаринот, борот и кедронската смола (cedar resin). Се наоѓа во рузмарин, босилек, пиперки бабури, кедар и бор со слатка арома која потсетува на чемпресово дрво. Овој терпен е најдобар во заздравуње на скршени коски, што им дава надеж на пациенти со остеопороза, артритис и фибромијалгија. Она што е интересно за вој терпен е тоа дека го стимулира сеќавањето и го подобрува заджувањето на меморијата, а ова е главен правец во пронаоѓање на лек за Алцхајмерова болест.

* CAMPHENE - Најдобар опис за мирисот на камфенот се борови иглички, земја со мирис на мошус и влажна шума. Медицински, камфенот има голем потенцијал - помешан со витамин Ц, станува моќен антиоксиданс! Се користи во кремови за третирање на кожни нарушувања како егзема и псоријаза. Ги намалува нивоата на холестерол и триглицериди во крвта, а со тоа и ризикот од кардиоваскуларни болести. Се среќава во врстите: Ghost OG, Strawberry Banana, Mendocino Purps.

ЧИТАЈ ПОВЕЌЕ:  

* Колку долго трае маслото од канабис? Рок на траење на концентратите од канабис

* Декарбоксилација: Што е тоа? И зошто треба да ја декарбоксилирам тревата?!

* Најдобри методи за екстракција на концентрати од канабис

* Како канабисот ја третира астмата и го олеснува дишењето?

* Различни видови на трихоми од канабис и нивните секундарни својства

* Уште неколку скриени тајни за ТРИХОМИТЕ: улога и видови?

Автор: Никола Станчески

Извор: Cannacon

Што е подобро за справување со болките: THC или CBD?

Cannatonic

Многу научни студии до сега потврдуваат дека канабисот е ефикасен при третманот на болките и побезбеден од опијатите


Како што се развива канабис индустријата, од сите нови врсти и производи што се нудат на пазарот, како да се одберат најдобрите и соодветните за вашите потреби? Многу од пациентите треба да поминат период на експериментирање се` додека не ги откријат најсоодветните врсти канабис за нив. Кога станува збор за болката, одредени врсти до сега се покажаа како поефикасни од други. Иако секоја индивидуа реагира на канабисот различно, овие врсти до сега се најкористени за справувањето со болките:

• Cannatonic
• Sour Tsunami
• CBD Critical Cure
• Harlequin
• Critical Mass (THC)
• Afghan Kush (THC)

Sour-Tsunami

Но, кој канабиноид е подобар за третирањето на болките? THC или CBD? Одговорот е двата, т.е. сите канабиноиди се потребни, затоа што секој од нив има своја функција во лекувањето и во одржувањето на благосостојбата на организмот. Секоја состојка има својства за справување со болката, тетрахидроканабинолот (THC) и канабидиолот (CBD) најдобро функционираат заедно синергично. 

Медицинска марихуана против акутни болки - студија

CBD-Critical-Cure

Многу од пациентите ги преферираат врстите со висок процент на ЦБД за ослободување од болката предизвикана од спастичност и грчеви. Воопшто не е невообичаено да се слушне дека и врстите со висок процент на THC, како и оние со висок процент на ЦБД успешно ги намалуваат болките. Меѓутоа истражувањата покажуваат дека најдобри врсти на канабис за справување со болките се оние со големи количини на двете соединенија, па затоа канабиноидите не е многу ефективно доколку се користат изолирани.

Терпини - молекулите што го прават мирисот на канабисот толку неодолив

Harlequin

Не само ТХЦ и ЦБД функционираат интерактивно и взаемно во справувањето со болката, туку и состојките наречени терпини, т.е. ароматични молекули што се наоѓаат во смолестите жлезди од билката канабис и имаат своја улога во лекувањето на болките. Истражувањата покажаа дека следниве канабиноиди исто така имаат аналгетски својства:

• Cannabigerol (CBG)
• Cannabichromene (CBC)
• Cannabinol (CBN)
• Myrcene
• β-Caryophyllene

Critical-Mass

За некои луѓе врстите со висок процент на ТХЦ може да се поефикасни и тие сметаат дека хајот им помага да заборават на болката и да се фокусираат на нешто друго. Од друга страна пак, врстите со висок процент на ЦБД може да помогнат во намалување на воспаленијата и да го подобрат расположението, што исто така ја подобрува способноста за справување со болките. Седативните индики се најпопупарни кај пациентите за третирање на хроничните болки. Сатива врстите најчесто се препорачувани за дневна употреба и вообичаено се користат за лекување на невропатски болки и хронични главоболки. Сепак, се` е субјективно.

Канабис за ПТСД: „Принуден сум да го прекршувам законот секој ден за да ги смирам моите ужасни болки“

Afghan-Kush

Постојат над 100 канабиноиди во растението канабис. Децениите забрани за научните студии значат дека научниците самошто започнаа да ги проучуваат својствата на ова растение. Израел ја предводи играта за истражувањето на канабисот од 1970 година. Некои пациенти во САД, на пример во Канада веќе можат легално да користат фармацевтски лекови на база на канабис за третирањето на болките, како што е на пример Сативексот.

Извор: HERB
Напишала: MoniQue Konopova

Cannabigerol (CBG) - уште еден корисен канабиноид!

Терпени - молекулите што го прават мирисот на канабисот толку неодолив

Канабиноидите не се одговорни за мирисот на канабисот, туку ароматичните молекули наречени терпени!

Канабисот мириса на елка поради терпинот Alpha-Pinene!

Доколку се разгледаат состојките од марихуаната што го прават нејзиниот мирис толку прекрасен, може да се заклучи дека помеѓу 10% - 30% тоа се терпините. Тоа се ароматичните молекули во растенијата. Повеќето од мирисите и аромите што не` асоцираат на конкретни растенија и билки се резултат од терпинитие и флавоноидите. Кај канабисот тие се произведуваат во смолата на растението.

Растенијата испуштаат мирисни молекули поради повеќе причини, со цел да се заштитат од одредени предатори, но и за да привлечат инсекти опрашувачи. Терпините се клучната состојка од есенцијалните масла на растенијата. Ароматерапијата ги користи медицинските својства на терпините за да се регулира расположението, проблемите со сонот, но и целокупното здравје. Ароматерапијата помага и при медитација и јога.

Дознајте кои терпини најмногу ви се потребни

Како и од секое друго растение кое има мирис, така и од марихуаната може да се направи есенцијално масло по пат на екстракција со пареа. За да не дојде до забуна кај неинформираните, есенцијалното масло не е канабисовото масло направено по пат на декарбоксилација од смолата на цветовите, користено за лекување рак и други болелсти. Станува збор за миризливото етерично масло, кое се користи во козметиката, за производство на парфеми, сапуни, свеќи, но и како арома за готвење, етеричното масло се употребува во индустријата за производство на слатки/бонбони, како и за производство на алкохолни и безалкохолни пијалаци со вкус на канабис.

Откако канабисот е набран, тој содржи околу 1% есенцијално масло составено од многу лесно испарливите монотерпини (80-90%), кои испаруваат многу брзо. Откако канабисот е потполно сув, количеството на есенцијалното масло е само 0.1% и околу 50% од ова количество е составено од сескитерпини (sesquiterpenes) коишто се многу помалку испарливи.

Повеќе од 100 различни терпини се откриени во марихуаната, но постојат многу повеќе доколку се разгледаат разновидните варијации на растението. На пример, типичниот мирис на цитрусни овошни плодови кај некои врсти на канабис како што е врстата Lemon haze, доаѓа од терпините наречени Limonenes што варираат во концентрација кај секој хибрид/врста. Секој терпин исто така има свои варијации во мирисот. Па така, терпините Limonenes од лимонот се идентични со терпините Limonenes во портокалите, но секоја врста е дефинирана со различна арома, што резултира со минимални разлики во пропорциите на формите на терпините Limonenes што се содржани.

Еве ја листата на главните терпини откриени во билката Cannabis Sativa:

А-Pinene, Linalool, Beta Caryophyllene, Mycrene, Limonene, Terpineol, Borneol, Eucalyptol, Nerolidol. Другите терпини пронајдени во смолата од некои врсти марихуана се: Phellandrene, Phytol, Humulene, Pulegone, Bergamotene, Farnesene, D3-carene, Elemene, Fenchol, Aromadendrene, Bisabolene и многу други! 

Овој мирис за некого е неодолив, а за некого непријатен

Терпините не само што се одговорни за мирисот на канабисот, туку и за вкусот на секоја врста. Важно е да се запомни дека доколку растението има слаба арома, тогаш ќе има и слаб вкус. Возраста на растението и времето за берење исто така може да се одреди според количеството на терпините. Вообичаено мирисот станува многу појак за време на цветањето, но тоа може да варира поради временските услови или стресот што го доживува растението или пак, од периодот од денот. Можете да забележите дека мирисот на канабисот е најчесто многу појак во мугрите, отколку во самрак. 

Секој терпин има различен ефект врз здравјето на човекот.

Терпините имаат многу голема упога во целокупниот здравствен ефект од канабисот. Се смета дека одредени терпини ја зголемуваат моќта на одредени канабиноиди, ја зголемуваат асимилацијата на канабиноидот THC, додека други се одговорни за производството на хормоните допамин и серотонин во човечкиот организам - двата главни регулатори на расположението и однесувањето. Затоа многумина се развеселуваат само кога ќе ја помирисаат свежата или исушена незапалена марихуана. Важно е да се запомни дека диверзитетот што го нуди природата е невозможно да се изолира и репродуцира во лабораторија за фармацевтската индустрија, која упорно се бори да ги изолира активните состојки од марихуаната за да ги патентира и репродуцира по синтетички пат! Факт е дека чистиот изолиран канабиноид Тетрахидроканабинол THC не може да ги има истите својства како целото растение поради недостигот од синергијата на другите канабиноиди и терпините, кои само заедно можат да го имаат посакуваниот ефект. Сега сфаќате зошто фармацијата упорно се бори ова растение да остане нелегално?