Дали канабисот во затворен простор расте подобро од оној одгледуван на отворено?

Внетре или надвор? Под сијалица или на сонце? Како е подобро? Можеби нешто помеѓу? Одговорот е поврзан со причината заради која канабиот е одгледуван. Повеќе производители на канабис во светот бараат да профитираат од одгледување на отворено, за производство на прехранбени артикли и пијалаци, но фармацијата бара строго контролирани (вештачки) услови за растење на билката

Внатре или надвор? Како е подобро?

Додека сигурно постои простор за дебата, многумина сметаат дека внимателно одгледуваниот индор (внатрешен) канабис дава најдобри суви цветови, додека пак, канабисот кој се одгледува на отворено и на големо може да одговара на потребите за оние сè уште недостапни екстракциони производи. Аутдор (надворешното) одгледување е добро кога „... не ви треба туфка со врвен изглед“ - вели Жанет ВандерМарел (Jeannette VanderMarel), ко-главен извршен раководител и директор на 48North Cannabis Corp. Затвореното производство нуди најголема контрола врз условите за одгледување. Полузатвореното производство со оранжерии/стакленици и пластеници е интересна опција и е некаде на средина, бидејќи иако тие се затворени простори, се потпираат на природната сончева топлина и светлина и често се изложени на влијанијата од надворешната средина, вели Алан Ревак (Allan Rewak), потпретседател за комуникации и односи со засегнатите страни во Emerald Health Therapeutics Inc.

Надворешно производство

* Канада ќе стане првата нација од земјите G7 која ќе ја легализира рекреативната марихуана

Постојат три основни методи за одгледување на канабис на големо:

1. Контролирано затворено производство;

2. Оранжерии;

3. Надворешно одгледување со комерцијални размери - додава тој.

* Внатрешно наспроти надворешно одгле-дувана марихуана: визуелен водич

Кои се придобивките и недостатоците од растењето канабис надвор? 

Заштеда на енергија

48North беше првата компанија која аплицираше за одгледувачка лиценца на отворено во Канада, а ВандерМарел го наведува она што го гледа како неколку позитивни страни од одгледувањето надвор - одгледувачите имаат можност да добиваат поголеми и побрзи приноси кога висината и кореновиот раст на растенијата не се ограничени од стаклениците/пластениците или објектите за одгледување (grow rooms), што би можело да помогне во решавањето на недостигот од залиха во оваа индустрија. Најочигледните придобивки од растењето на отворено, сепак, се заштедите на енергија од растење во природна средина, како што е можноста за целосно искористување на сончевата светлина. Покрај тоа што овој начин е повеќе енергетски ефикасен, емисијата на јаглерод на полето е исто така многу помала, а исто така многу од пациентите веруваат дека најдобар благословен лек се прави од билките кои се одгледани на природен начин, наместо во вештачки услови.

* Како да се спречи мувлата во отворени одгледувалишта? Outdoor врсти отпорни на мувла

Таа додава дека растенијата произведуваат терпени т.е. соединенија во етеричните масла, за да се заштитат од штетници и патогени. „Надвор, [канабис билките] имаат тенденција да произведат повеќе, бидејќи се повеќе изложени на елементите“ - забележува таа. Терпените, исто така, можат да ги подобрат медицинските ефекти на канабисот. Се разбира, растењето на отворено не е без предизвици, особено поради тоа што сезоната на растење е ограничена од зимите (во Канада), а голем недостиг кај овој начин е и непредвидливоста на временските климатски услови (како на пример премногу дождови, ветрови и сл.). „Можеби ќе имате можност да добиете една или две реколти, ако имате среќа, додека пак, можете да добиете три до четири во нормална година од стаклените градини во големи размери“ - вели Ревак.

* Култивација на канабис и производство на екстракти од коноп во Македонија

Кои се придобивките и недостатоците од растењето канабис внатре?

Внатрешно одгледување - контролирани услови

Затворените објекти за одгледување и стаклениците, како и хибридните верзии на овие два производствени начина им овозможуваат на одгледувачите да растат преку целата година и да ги намалат ризиците од микробактерии и штетници. Ревак укажува на објектот на Aurora Cannabis надвор од меѓународниот аеродром во Едмонтон, кој е хибриден затворен објект со стаклен покрив (за сончева светлина), кој „е под висок притисок за да ги заштити честичките и опасните микроорганизми надвор од производствениот систем“. На отворено - „постои помал степен на контрола и зголемен ризик од надворешни фактори, без разлика дали тоа е микробактериски материјал од почвата, итн, така малку е потешко да се контролира квалитетот“.

* Како да се спречи мувлата во затворени одгледувалишта? Indoor врсти отпорни на мувла

Хибридни пластеници и стакленици (полузатворени простори)

Додека повеќето затворени објекти и оранжерии не се хибридни како што е објектот Aurora Sky вели Ревак, експертите се согласуваат дека недостатокот кај затвореното производство е дека тоа е најмалку енергетски ефикасен метод поради неговата употреба на вештачко осветлување додава ВандерМарел, потоа трошоци за греење и вентилација (HVAC - Heating, ventilation, and air conditioning). На крајот, ова го прави затвореното производство поскапо. Марк ЛеБланк (Marc LeBlanc), претседател на стартап компанијата во Њу Бранзвик (една од провинциите во Источна Канада) Solargram Farms Corp. вели дека неговата компанија има строго планови за на отворено сега, бидејќи се надева дека ова значително ќе ги намали трошоците за одгледување на канабисот. „Цифрите што ги гледаме за одгледувачите во затворен простор секаде се движат меѓу 1,50 до 3 долари за грам. Нашиот модел на трошоци е под 25 центи“ - вели ЛеБланк.

* Кога е сезона на канабисот? Фактори кои влијаат на одгледувањето, жетвата и достапноста

Употреба на сончевата светлина и топлина

ВандерМарел, исто така, изрази уверување дека приносите на нејзината компанија ќе достигнат приближно 25 центи за грам, додека информациите од веб-страницата на Канада Compliance Inc. забележуваат дека: „трошоците за производство на многу ефикасната операција во затворен простор од големи размери се движат од 1 до 3 долари за грам, додека отвореното одгледување, теоретски, може да донесе комерцијални трошоци за производство под 25 центи за грам врз основа на нашето моделирање“. ЛеБланк понатаму ги цитира неодамнешните бројки од Statistics Canada кои покажуваат дека околу 80 отсто од потрошувачите на канабис сè уште купуваат од црниот пазар и покрај легализацијата. „Тоа значи дека тоа е или поради цената или потрошувачите ги отфрлаат производите кои се веќе во продавниците за канабис“ - објаснува тој.

* Одгледување канабис во стаклена градина

Генерално, растењето во затворени простории нема да излезе од употреба во скоро време. 48North на пример, ќе ги задржи своите два лиценцирани објекти за складирање на премиум сушени производи, но како потрошувачите настојуваат да купуваат повеќе екстракциони производи откако тие станаа легални, лиценцираните производители се надеваат дека оваа есен ќе предводат на патот со големите фарми. „Јас често ја користам аналогијата дека не нè гледате како растеме масло од канола или пченка за етанол во затворен простор. Тоа се надворешни производства и тоа е местото каде што било кој екстрактивен производ се одгледува“ - коментира ВандерМарел.

Уредник и новинар: MoniQue Konopova

Извор: Тhegrowthop

ЧИТАЈ ПОВЕЌЕ:

* Како инвеститорите на марихуана прават акции? 5 задолжителни книги пред да инвестирате во канабисот

* Одгледувачите на зеленчук се свртуваат кон канабисот за да ја забрзаат промената

* Како одгледувањето канабис ми помогна да станам експерт по градинарство

* * *

КОРИСНИ СОВЕТИ:

* Како да одгледуваш марихуана во плакарот без да бидеш фатен?

* Кога да ги одвоите машките од женските канабис билки?

* ОДГЛЕДУВАЊЕ: Најсоодветна pH вредност за канабис растенијата

* Предностите од размножувањето и вкрстувањето на канабис билките

* Што да одгледувам? Индика или сатива?

* Аеропоника системи за одгледување канабис во домашни услови

Внатрешно наспроти надворешно одгле-дувана марихуана: визуелен водич

Дали можете да разликувате канабис што е одгледуван во затворени простории од оној што се одгледува на отворено? Овој прирачник е создаден да помогне за полесно разликување на бесконечните варијанти на канабисот. Кои се разликите, а кои сличностите? Ова не важи за сите видови, бидејќи секој вид има различни карактеристики и расте различно со засебната индивидуална грижа на одгледувачите

Лево: Outdoor; Десно: Indoor. ПОГОДИВТЕ?! :)

На крајот од денот канабисот е незаменливо растение и не сите различни фактори ќе дојдат до израз во секоја конкретна ситуација затоа што секоја сорта е уникатна. Важно е да се забележи дека туфките можат да бидат одгледани правилно и неправилно, независно од тоа дали се гледани внатре или надвор на собна температура, неправилно одгледување во затворени простори може да изгледа како надворешното и обратно. Сепак, постојат некои одредени стандардни критериуми кои се важни за ваква форма на елаборирање. Сега, ајде да ви дадеме неколку корисни насоки за лесно да можете да препознаете како и каде канабисот е одгледуван, преку некои стратешки визуелни индикации:

* Кога е сезона на канабисот? Фактори кои влијаат на одгледувањето, жетвата и достапноста

Големината на туфките 

Големината на цветовите е меѓу првите визуелни знаци и клучни показатели било да се внатрешно одгледани или надворешно. Но, генерално правило е дека сѐ е поголемо кога е надворешно одгледано. Поголеми и порунтави се цветовите кога се на отворено, но разликата може да се забележи единствено ако се погледне дршката на цветот. Надворешните туфки ќе имаат подебели стебленца од оние култивирани во плакарот. Внатрешните туфки типично ќе се помали од надворешните и позбиени, погусти.

* Најчести проблеми поврзани со цветањето на марихуаната

Трихомна густина

Трихомната густина е клучна визуелна показателна точка, кога се обидуваме да најдеме диференцијација помеѓу собно и надворешно одгледана трева. Собните туфки се помали, бидејќи се растени и зосревале поблиску до светлината во перфектно контролираната животна средина и тие типично се рангирани високо на трихомната густинска скала. Со набљудување и евалуирање на беспрекорно одгледана собна туфка, јасно видливи се и со голо око малечките кристали кои блескаат и ги има навистина многу. Надворешните туфки се генерално поголеми и нивните трихоми најчесто не се во состојба да ја покријат целата површина на надворешно одгледаниот цвет. Додатно, надворешните растенија се изложени на влијанија што можат да ги нарушат трхомите и нивното развивање. Трихомната густина е типично поразредена на надворешно култивирана туфка, во споредба со оние растени во гроу-бокс.

* Уште неколку скриени тајни за ТРИХОМИТЕ: улога и видови?

Лево: Indoor; Десно: Outdoor. ПОГОДИВТЕ?! :P

Боја

Една од најинтересните визуелни карактеристики што можат да се употребат за разликување на канабисово растение растено на сонце, наспроти она собното на струја - е бојата! Надворешно одгледаното има тенденција да има генерално потемна боја. Ако одгледувачот расте врсти на канабис кои произведуваат зелени цветови, надворешните туфки ќе се појават како потемно зелени можно е дури и боја која води накај кафеава. Ако одгледувачот расте канабис кој произведува виолетови или розови цветови, надворешните туфки ќе изгледаат длабоко виолетови/розеви, односно темно виолетови/розеви. Друга визуелна карактеристика е долниот дел на цветовите. Туфките култивирани надвор речиси секогаш имаат светло кафени нијанси околу дршката на самата основа од цветот (не станува збор за мувла). Цветовите одгледани во затворени простори од друга страна имаат светло зелена или виолетова нијанса на истите места.

* Дали постои бела трева, односно албино канабис? ДА! Но, зошто?

* Сте слушнале ли дека постојат врсти на црн канабис?

Канабиноиди

Има раширени митови за тоа дека канабиноидите од надворешно потекло се помалку потентни од внатрешно култивираните. Ова не е точно. Посветените одгледувачи од „Sunna Ra Acres“ го пробија овој мит еднаш засекогаш. Последните неколку години имаат направено споредбени тестови на два клона земени од иста мајка-растение, едно растено собно, другото надворешно. Го спроведоа експериментот со варијатети на видови и подвидови коноп истовремено и се покажало дека растенијата култивирани надвор во природни услови под сонцето, резултираат со целокупен поразноврсен и поголем канабиноиден профил. Ова значи дека имаат повисоки нивоа како на ТХЦ, така и на ЦБД, но и на останатите активни состојки. Овој експеримент покажа дека сонцето го ослободува вистинскиот потенцијал на растението и неговата медицинска вредност, а сличен е случајот и со зеленчукот кој се одгледува под сијалица, во споредба со оној одгледан во природата под сонцето... Затоа екстрактите подготвени од неколку врсти одгледани под сонцето се секогаш подобар избор за пациентите.

* Терапевтско-медицинскиот потенцијал на 6 најпопуларни канабиноиди

Лево: Надвор; Десно: Внатре

Терпени

Во овој случај, терпените се многу слични на канабиноидите, затоа што нивните профили се интензивираат од сонцето. Низ долгогодишното експериментирање во Sunna Ra Acres, одгледувачите откриле дека ако две идентични растенија се одгледуваат „рамо до рамо“ - едното одгледувано надвор, другото одгледувано внатре - билката што се одгледува надвор ќе има повисок процент на терпени. Во некои случаи пак, растенијата од надвор дури откриваат и терпени за кои никој не знаеше дека биле таму. Кога овие две растенија се пушат, разликата е многу повеќе од очигледна: сончевите цветови се многу повкусни и поароматични. Исто така, треба да се истакне дека терпените се испарливи, што значи дека ќе исчезнат без соодветно сушење и „кјуринг“ процес. Многу од одгледувачите во затворен простор посветуваат поголема грижа во завршните фази на сушење и лекување, бидејќи нивните билки даваат многу помалку принос и нивниот производ се движи од една просторија затворен во друга, обезбедувајќи поголема контрола низ целиот производствен циклус. Почетниците во одгледувањето на отворени простории наспроти искусните, можат да го прескокнат чекорот на правилно сушење, пред сè поради незнаење или поради големиот принос и со тоа можат да го изгубат својот висок терпенски профил.

* Кои се основните, а кои секундарните терпени во канабисот?

Кастрење на цветовите

Додека оваа категорија е многу субјективна и не се применува секогаш, историски погледнато одгледувачите на отворено трошат помалку време за намалување и оформување на нивниот финален производ, наспроти одгледувачите во затворен простор. Туфките под сијалица се поубаво обликувани од оние сончевите. Ова обично е поврзано со количината на приносот, одгледувачите на отворено во просек добиваат по 5, 10 или 20 килограми по растение, додека внатрешните одгледувачи имаат принос од 0,5 - 1 или 2 килограми по растение. Кастрењето на цветовите одгледани надвор, не само што ќе трае неколку недели, туку ќе бидат потребни и повеќе лица со полно работно време. Така, крајниот резултат е обично полабаво засекување, особено зашто растенијата на отворено генерално се полистести и поразгранети. Ако имате среќа да имате пристап до истата врста која се одгледува и во затворени простории и надвор, доколку сте вистински страствен љубител на канабисот неверојатно е чувството да имате шанса не само визуелно да ги споредите, туку да можете да ги споредите и канабиноидните профили, аромата, вкусот, чадот, моменталното чувство што го даваат, како и медицинскиот ефект и долгорочен бенефит!

* Неколку совети за растење за почетници

Ништо не може да го замени сонцето!

Одгледување канабис во стаклена градина

Главната разлика во Outdoor и Indoor одгледувањето е тоа што под сијалица може да имате и 4 реколти во годината, додека под сонцето максимум 2. Оранжериите, стаклениците и пластениците може да се категоризираат како одгледување во затворен простор со користење на силата на сонцето. Тоа е совршен спој на затвореното и отвореното, бидејќи до одредена мера имате контрола врз животната средина како во целосно затворениот простор (одредување на температура, симулација на ветер итн...), со неверојатната моќ на сонцето, наместо вештачко светло од електирчни сијалици. Резултатот најчесто се цветови кои имаат визуелна и ароматична привлечност на Indoor цветовите, но со покачени терпенски и канабиноидни профили што се карактеристика на Outdoor цветовите.

* Одгледување канабис во стаклена градина

Новинар: Теодор Петковски

Уредник: MoniQue Konopova

Извор: Marijuana

ЧИТАЈ ПОВЕЌЕ:

* ОДГЛЕДУВАЊЕ: Најсоодветна pH вредност за канабис растенијата

* Кјуринг - „лекување“ на цветовите од канабисот со употреба на вода

* Избегнете 3 главни типови мувла за време на одгледувањето канабис

* Кога да ги одвоите машките од женските канабис билки?

* Како да одгледуваш марихуана во плакарот без да бидеш фатен?

* Што да одгледувам? Индика или сатива?

* Различни видови на трихоми од канабис и нивните секундарни својства

* Предностите од размножувањето и вкрстувањето на канабис билките

* Што се тоа канабис флавоноиди и за што служат овие биоактивни состојки?

Одгледување канабис во стаклена градина

Култивирање на канабисот во стаклена градина: Кои се придобивките?

Оранжериите стануваат најпопуларен начин за одгледување на канабис. Тие ја искористуваат моќта на сонцето, обезбедуваат топла клима и ги штитат билките од суровите еколошки услови. Во основа, стаклената градина овозможува целогодишно одгледување, контрола на климата и контролирана изложеност на сончева светлина. Уште повеќе, тие се поевтини од одгледување во затворен простор (во гроу боксови) под сијалици и произведуваат поконзистентен производ, кој сепак е одгледан на поприроден начин.

* Неколку совети за растење за почетници

Како функционира стаклената градина?

Како стаклената градина (или пластеникот) останува топла дури и кога надворешната температура на воздухот е ниска, под нулата? Ова се случува преку процес познат како „ефект на стаклена градина“ (greenhouse effect). Соларната радијација (енергија од сонцето) поминува низ проѕирните ѕидови на стаклена градина и ја загрева почвата и растенијата. За возврат, почвата и растенијата ја ослободуваат оваа енергија како инфрацрвено зрачење кое не може да избега од стаклената градина. Топлината е заглавена и го загрева воздухот. Ефектот на стаклена градина ги отвара вратите за целогодишно одгледување. Сепак, канабисот е растение кое има потреба од соодветна континуирана изложеност на осветлување и соодветна температура за време на конкретните циклуси во текот на растот, развојот, цветањето и созревањето.

* Најчести проблеми поврзани со цветањето на марихуаната

Освежување на животниот циклус на канабисот

Во есен, зима и пролет, сонцето останува пониско на хоризонтот. Поради ова, растенијата добиваат помалку енергија и имаат поотежнато време за да растат. Канабисот бара сончева светлина повеќе од 12 часа на ден за да остане во вегетативен раст. Откако растението ќе добие 12 часа или помалку од сончева светлина на ден, ќе почне да цвета и да произведува пупки богати со трихоми. На отворено, растенијата генерално се садат околу јуни, се на вегетација во долгите денови на летото, а потоа почнуваат да цветаат во раната есен кога деновите стануваат пократки. Напредните оранжерии овозможуваат контрола на светлинските циклуси потребни за професионално да се одгледува канабисот. Други алатки за манипулација вклучуваат дополнително осветлување, опрема за контрола на климата (одвлажувачи, навлажнувачи грејачи, климатизација, вентилатори за стимулирање ветер) и можност за блокирање на сите влезни светла.

* Клонирање на канабис растенијата

Предности од растење канабис во стаклена градина/пластеник

Одгледувањето канабис во оранжериите може да биде поволно во текот на редовното растење на отворено. Овие четири клучни причини наведуваат зошто многу одгледувачи на канабис го одбираат овој начин:

1. Контрола на осветлување

Дополнителното осветлување му овозможува на одгледувачот да ги продолжи часовите на дневна светлина. Таа, исто така му овозможува на одгледувачот да го подобри квалитетот на светлината во облачни денови. Продолжувањето на дневните часови му дава на одгледувачот можност да ги одржува растенијата во вегетативна состојба и да го контролира нивниот природен тек. Подобрувањето на квалитетот и количеството на светлината со дополнително осветлување, исто така помага растенијата енергично да растат дури и кога времето надвор не е идеално.

2. Време и контрола на климата

Контролираната клима е од суштинско значење за производство на лекови цветови со врвен квалитет. Заштитата од надворешните елементи помага во безбедноста на производот. На пример, кога се одгледува на отворено, обилните дождови често резултираат со оштетени и изгниени растенија ако има премногу влага и остануваат заробени внатре во пупката. Растенијата во стаклена градина се заштитени од дожд и имаат одвлажувачи за контрола на влажноста. Покрај тоа, пластениците може да имаат грејачи, климатизација и вентилатори, од кои сите може да се искористат за создавање конзистентна идеална клима за растење, додека сè уште ја искористуваат моќта на сонцето. 

3. Манипулирање со животни циклуси 

Вообичаена практика кај одгледувачите e токму искористувањето на ефектот на стаклена градина, но исто така да се стартуваат циклуси на растенија познати како „light deps“ (светлосни депонии) или депривација на светлина, за време на летната сезона. Тоа му овозможува на одгледувачот да го искористува летното светло, додека истовремено ја ограничува изложеноста на светлина што ја добива билката за да го прелаже растението и со тоа перманентно да се поттикне цветањето.

* Канабис училница – основни тренинзи на вашите билки

Тоа му овозможува на одгледувачот да го искористува летното светло, а во исто време да ja ограничи изложеноста на светлина што ја добива. Оваа техника го имитира светлосниот циклус како кај одгледувањето во затворен простор. Оваа техника на стаклена градина имитира циклуси на осветлување во затворен простор и му овозможува на одгледувачот во оранжерии да ја собере првата жетва на културата во почетокот на август, повторно да засади, а потоа да ја собере втората реколта на есен.

За да продолжи со производството на култури за време на есен, зима и рана пролет, одгледувачот повеќе се потпира на дополнителното осветлување и грејачите. На зимската краткоденица во Сиетл, на пример, добиваме помалку од осум и пол часа дневна светлина. Покрај тоа, таа светлина е многу ниска на небото и сиромашна за градинарството. Во стаклената градина, таа светлина сепак ќе помогне да се загрее просторот, но одгледувачот ќе треба да користи дополнително осветлување за одржување на квалитетен производ и за продолжување на часовите на светлина во текот на денот. 

4. Зашеда на енергија

Способноста да се балансира изложеноста на светлина, да се користи дополнително осветлување и да се одржи стабилноста на климата, овозможува во стакленик да се одгледува канабисот во текот на целата година. Разликата е во тоа што одгледувачот користи само дополнителна механика за светлина кога Мајката природа веќе не обезбедува идеална средина. Ова резултира со значителна заштеда на енергија, додека квалитетот на производот останува доследен. Многу култури кои бараат специфични средини одамна се произведуваат во оранжериите, вклучувајќи домати, лиснато зеленило и пиперки, па зошто да не одгледуваме и канабис дома и во оранжериите? Бидејќи легализацијата на производтвото на канабисот се шири и на Балканов, земјоделците го сметаат за безбеден и финансиски корисен за премин од магацини до оранжерии како што се развива индустријата.

Извор: Leafy
Автор: К. К.